Edizzjoni speċjali bil-Kroat: Kapitolu 03 Volum 047 P. 115 - 115
English
Select your language
Official EU languages:
Access to European Union law
EUR-Lex
Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
Document 32010D0723
2010/723/EU: Commission Decision of 26 November 2010 extending the period of validity of Decision 2005/359/EC providing for a derogation from certain provisions of Council Directive 2000/29/EC as regards oak ( Quercus L.) logs with bark attached, originating in the United States of America (notified under document C(2010) 8229)
2010/723/UE: Deċiżjoni tal-Kummissjoni tas- 26 ta’ Novembru 2010 li testendi l-perjodu ta’ validità tad-Deċiżjoni 2005/359/KE li tipprovdi deroga minn ċerti dispożizzjonijiet tad-Direttiva tal-Kunsill 2000/29/KE bir-rigward ta’ zkuk tal-ballut ( Quercus L.) bil-qoxra magħhom, li joriġinaw mill-Istati Uniti (notifikata bid-dokument numru C(2010) 8229)
2010/723/UE: Deċiżjoni tal-Kummissjoni tas- 26 ta’ Novembru 2010 li testendi l-perjodu ta’ validità tad-Deċiżjoni 2005/359/KE li tipprovdi deroga minn ċerti dispożizzjonijiet tad-Direttiva tal-Kunsill 2000/29/KE bir-rigward ta’ zkuk tal-ballut ( Quercus L.) bil-qoxra magħhom, li joriġinaw mill-Istati Uniti (notifikata bid-dokument numru C(2010) 8229)
ĠU L 312, 27.11.2010, p. 30–30
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
No longer in force, Date of end of validity: 31/12/2020
Language
HTML
PDF
Official Journal
|
27.11.2010 |
MT |
Il-Ġurnal Uffiċjali tal-Unjoni Ewropea |
L 312/30 |
DEĊIŻJONI TAL-KUMMISSJONI
tas-26 ta’ Novembru 2010
li testendi l-perjodu ta’ validità tad-Deċiżjoni 2005/359/KE li tipprovdi deroga minn ċerti dispożizzjonijiet tad-Direttiva tal-Kunsill 2000/29/KE bir-rigward ta’ zkuk tal-ballut (Quercus L.) bil-qoxra magħhom, li joriġinaw mill-Istati Uniti
(notifikata bid-dokument numru C(2010) 8229)
(2010/723/UE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 2000/29/KE tat-8 ta’ Mejju 2000 dwar il-miżuri protettivi kontra l-introduzzjoni ġewwa l-Komunità ta’ organiżmi ta’ ħsara għall-prodotti tal-pjanti u kontra t-tixrid tagħhom ġewwa l-Komunità (1), u b’mod partikolari l-Artikolu 15(1) tagħha,
Billi:
|
(1) |
Skont id-Direttiva 2000/29/KE, iz-zkuk tal-ballut (Quercus L.) bil-qoxra magħhom (minn issa ’l quddiem: “iz-zkuk”), li joriġinaw mill-Istati Uniti, fil-prinċipju ma jistgħux jiddaħħlu fl-Unjoni minħabba r-riskju tal-introduzzjoni taċ-Ceratocystis fagacearum (Bretz) Hunt, li ddebbel is-siġar tal-ballut. |
|
(2) |
Id-Deċiżjoni tal-Kummissjoni 2005/359/KE (2) tawtorizza lill-Istati Membri jipprovdu derogi mill-Artikolu 5(1) tad-Direttiva 2000/29/KE u mit-tielet inċiż tal-Artikolu 13(1)(i) ta’ dik id-Direttiva fir-rigward tal-Anness IV(A)(I)(3) ta’ dik id-Direttiva fir-rigward ta’ zkuk li joriġinaw fl-Istati Uniti soġġetti għal kundizzjonijiet speċifiċi. Dik id-Deċiżjoni se tiskadi fil-31 ta’ Diċembru 2010. |
|
(3) |
Ladarba għadhom jgħoddu ċ-ċirkostanzi li jiġġustifikaw din l-awtorizzazzjoni u ma hemm l-ebda informazzjoni ġdida li tagħti lok għal reviżjoni tal-kundizzjonijiet speċifiċi, l-awtorizzazzjoni għandha tiġi estiża. |
|
(4) |
Abbażi tal-esperjenza miksuba bl-applikazzjoni tad-Deċiżjoni 2005/359/KE, huwa xieraq li l-awtorizzazzjoni tiġġedded għal 10 snin. |
|
(5) |
L-Istati Membri li jagħmlu użu mid-deroga għandhom jirrappurtaw lill-Kummissjoni u lill-Istati Membri l-oħra dwar it-tħaddim tagħha fuq bażi annwali, biex b’hekk il-Kumitat Permanenti dwar is-Saħħa tal-Pjanti jkun jista’ jirrevedi l-implimentazzjoni korretta ta’ din id-Deċiżjoni. |
|
(6) |
Id-Deċiżjoni 2005/359/KE għandha għaldaqstant tiġi emendata skont dan. |
|
(7) |
Il-miżuri stipulati f’din id-Deċiżjoni huma skont l-opinjoni tal-Kumitat Permanenti dwar is-Saħħa tal-Pjanti, |
ADOTTAT DIN ID-DEĊIŻJONI:
Artikolu 1
Fid-Deċiżjoni 2005/359/KE, l-Artikoli 10 u 11 qed jinbidlu b’dan li ġej:
“Artikolu 10
L-Istati Membri li għamlu użu mid-deroga pprovduta fl-Artikolu 1 għandhom jirrappurtaw lill-Kummissjoni u lill-Istati Membri l-oħra dwar it-tħaddim tagħha sat-30 ta’ Ġunju ta’ kull sena għall-perjodu ta’ qabel ta’ bejn l-1 ta’ Mejju u t-30 ta’ April.
Ir-rapport għandu jinkludi dettalji dwar kwantitajiet importati.
Artikolu 11
Id-Deċiżjoni għandha tiskadi fil-31 ta’ Diċembru 2020.”
Artikolu 2
Din id-Deċiżjoni hija indirizzata lill-Istati Membri.
Magħmul fi Brussell, is-26 ta’ Novembru 2010.
Għall-Kummissjoni
John DALLI
Membru tal-Kummissjoni
(1) ĠU L 169, 10.7.2000, p. 1.
(2) ĠU L 114, 4.5.2005, p. 14.