1.3.2007   

MT

Il-Ġurnal Uffiċjali ta’ l-Unjoni Ewropea

6

(1)

Ir-Regolament (KE) Nru 1831/2003 jipprevedi l-awtorizzazzjoni ta' adittivi għall-użu fin-nutriment ta' l-annimali u għall-bażi u l-proċeduri biex tingħata din l-awtorizzazzjoni.

(2)

B'konformità ma' l-Artikolu 7 tar-Regolament (KE) Nru 1831/2003, tressqet applikazzjoni għall-awtorizzazzjoni tal-preparazzjoni stipulata fl-Anness. Din l-applikazzjoni kienet akkumpanjata mid-dettalji u d-dokumenti metieġa taħt l-Artikolu 7(3) ta' dan ir-Regolament.

(3)

L-applikazzjoni tikkonċerna l-awtorizzazzjoni ta' użu ġdid tal-preparazzjoni Saccharomyces cerevisiae (NCYC Sc 47) (Biosaf SC 47) bħala adittiv fl-ikel għaż-żwiemel, biex jiġu kklassifikati fil-kategorija ta' adittivi “adittivi żootekniċi”.

(4)

Il-metodu ta' analiżi inkluż fl-applikazzjoni għall-awtorizzazzjoni skond l-Artikolu 7(3)(c) tar-Regolament (KE) Nru 1831/2003 għandu x'jaqsam mad-determinazzjoni tas-sustanza attiva ta' l-adittiv fl-għalf. Għalhekk il-metodu ta' analiżi msemmi fl-Anness tar-Regolament ma għandux jinftiehem bħala l-metodu ta' analiżi tal-Komunità fi ħdan it-tifsira ta' l-Artikolu 11 tar-Regolament (KE) Nru 882/2004 tal-Parlament Ewropew u tal-Kunsill tad-29 ta' April 2004 dwar il-kontrolli uffiċjali mwettqa biex jiżguraw il-verifika tal-konformità mal-liġi ta' l-għalf u ta' ikel, mas-saħħa ta' l-annimali u mar-regoli tal-benesseri ta' l-annimali (2).

(5)

L-użu tal-preparazzjoni tas-Saccharomyces cerevisiae (NCYC Sc 47) ġie awtorizzat għall-baqar għat-tismin bir-Regolament tal-Kummissjoni (KE) Nru 316/2003 tad-19 ta' Frar 2003 rigward l-awtorizzazzjoni permanenti ta' adittiv fl-oġġetti ta' l-ikel u l-awtorizzazzjoni proviżorja ta' użu ġdid ta' adittiv diġà awtorizzat fl-oġġetti ta' l-ikel (3), għall-ħnieżer mir-Regolament tal-Kummissjoni (KE) Nru 2148/2004 tas-16 ta' Diċembru 2004 rigward l-awtorizzazzjoni permanenti u proviżorja ta' ċertu adittivi fl-oġġetti ta' l-ikel u l-awtorizzazzjoni ta' użu ġdid ta' adittiv diġà awtorizzat fl-oġġetti ta' l-ikel (4), għall-qżieqeż bir-Regolament tal-Kummissjoni (KE) Nru 1228/2004 ta' l-14 ta' Lulju 2004 fir-rigward ta' l-awtorizzazzjoni permamenti ta' ċertu adittivi u awtorizzazzjoni proviżorja ta' użu ġdid ta' adittiv diġà użat fl-oġġetti ta' l-ikel (5), għall-fniek għat-tismin mir-Regolament tal-Kummissjoni (KE) Nru 600/2005 tat-18 ta' April 2005 fir-rigward ta' awtorizzazzjoni ġdida għal 10 snin ta' coccidiostat bħala adittiv fl-oġġetti ta' l-ikel, l-awtorizzazzjoni proviżorja ta' adittiv u awtorizzazzjoni u l-awtorizzazzjoni permanenti ta' ċertu adittivi fl-oġġetti ta' l-ikel (6), għall-baqar imrobbija għall-ħalib bir-Regolament tal-Kummissjoni (KE) Nru 1811/2005 (7) ta' l-4 ta' Novembru 2005 rigward l-awtorizzazzjoni permanenti u proviżorja ta' ċertu adittivi fl-oġġetti ta' l-ikel u awtorizzazzjoni proviżorja ta' użu ġdid ta' adittiv diġà awtorizzat fl-oġġetti ta' l-ikel għall-ħrief għat-tismin bir-Regolament Nru 1447/2006 tad-29 ta' Settembru 2006 rigward l-awtorizzazzjoni ta' użu ġdid tas-Saccharomyces cerevisiae (Biosaf SC 47) bħala adittiv fl-ikel (8).

(6)

Tressqet data ġdida bħala sostenn ta' l-applikazzjoni għall-awtorizzazzjoni għaż-żwiemel. L-Awtorità Ewropea tas-Sigurtà fl-Ikel (“l-Awtorità”) ikkonkludiet fl-opinjoni tagħha tat-12 ta' Settembru 2006 li l-preparazzjoni tas-Saccharomyces cerevisiae (NCYC Sc 47) ma tħallix effett negattiv fuq is-saħħa ta' l-annimali, is-saħħa tal-bniedem jew fuq l-ambjent (9). Ikkonkludiet ukoll li l-preparazzjoni tas-Saccharomyces cerevisiae (NCYC Sc 47) ma tippreżenta ebda riskju ieħor għal din il-kategorija addizzjonali ta' annimali li, skond l-Artikolu 5(2) tar-Regolament (KE) Nru 1831/2003, ma tippermettix l-awtorizzazzjoni. Skond dik l-opinjoni, l-użu tal-preparazzjoni huwa effettiv sabiex titjieb id-diġestjoni tal-fibbri fiż-żwiemel. L-Awtorità ma tikkunsidrax li hemm bżonn ta' rekwiżiti speċifiċi ta' sorveljanza wara t-tqegħid fis-suq. Din l-opinjoni tivverifika wkoll ir-rapport dwar il-metodu ta' analiżi ta' l-adittivi fl-għalf, f'għalf sottomess mil-Laboratorju ta' Referenza tal-Komunità stabbilit mir-Regolament (KE) Nru 1831/2003. Il-valutazzjoni ta' din il-preparazzjoni turi li l-kondizzjonijiet għall-awtorizzazzjoni, previsti fl-Artikolu 5 tar-Regolament (KE) Nru 1831/2003, ġew sodisfatti. Għaldaqstant, l-użu ta' din il-preparazzjoni għandu jiġi awtorizzat, kif speċifikat fl-Anness ta' dan ir-Regolament.

(7)

Il-miżuri previsti f'dan ir-Regolament huma skond l-opinjoni tal-Kumitat Permanenti dwar il-Katina ta' l-Ikel u s-Saħħa ta' l-Annimali,