EUR-Lex Access to European Union law
This document is an excerpt from the EUR-Lex website
Document 32007D0020
Commission Decision of 22 December 2006 concerning a financial contribution by the Community for the implementation of an epidemiological survey and bluetongue surveillance measures in the context of the emergency measures taken to combat this disease in Belgium, Germany, France, Luxembourg and the Netherlands in 2006 and 2007 (notified under document number C(2006) 6968)
Deċiżjoni tal-Kummissjoni tat- 22 ta' Diċembru 2006 li tikkonċerna l-kontribuzzjoni tal-Komunità għall-implimentazzjoni ta' stħarriġ epidemjoloġiku u ta' miżuri ta' sorveljanza tal- bluetongue fil-kuntest tal-miżuri ta' emerġenza meħuda biex tiġi miġġielda din il-marda fil-Belġju, il-Ġermanja, Franza, il-Lussemburgu u l-Olanda fl-2006 u fl-2007 (notifikat bid-dokument numru C(2006) 6968)
Deċiżjoni tal-Kummissjoni tat- 22 ta' Diċembru 2006 li tikkonċerna l-kontribuzzjoni tal-Komunità għall-implimentazzjoni ta' stħarriġ epidemjoloġiku u ta' miżuri ta' sorveljanza tal- bluetongue fil-kuntest tal-miżuri ta' emerġenza meħuda biex tiġi miġġielda din il-marda fil-Belġju, il-Ġermanja, Franza, il-Lussemburgu u l-Olanda fl-2006 u fl-2007 (notifikat bid-dokument numru C(2006) 6968)
ĠU L 7, 12.1.2007, p. 41–43
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
ĠU L 7, 12.1.2007, p. 26–26
(BG, RO)
ĠU L 219M, 24.8.2007, p. 27–29
(MT)
In force
24.8.2007 |
MT |
Il-Ġurnal Uffiċjali ta’ l-Unjoni Ewropea |
27 |
DEĊIŻJONI TAL-KUMMISSJONI
tat-22 ta' Diċembru 2006
li tikkonċerna l-kontribuzzjoni tal-Komunità għall-implimentazzjoni ta' stħarriġ epidemjoloġiku u ta' miżuri ta' sorveljanza tal-bluetongue fil-kuntest tal-miżuri ta' emerġenza meħuda biex tiġi miġġielda din il-marda fil-Belġju, il-Ġermanja, Franza, il-Lussemburgu u l-Olanda fl-2006 u fl-2007
(notifikat bid-dokument numru C(2006) 6968)
(It-testi bl-Olandiż, bil-Franċiż u bil-Ġermaniż biss huma awtentiċi)
(2007/20/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Deċiżjoni tal-Kunsill 90/424/KEE tas-26 ta' Ġunju 1990 dwar in-nefqa fil-kamp veterinarju (1), u b'mod partikolari l-Artikolu 3(2a) tagħha,
Billi:
(1) |
Fit-tielet u r-raba' ġimgħat ta' Awissu 2006, ġew innutati tifqigħat tal-bluetongue fl-Olanda, il-Belġju, il-Ġermanja u Franza, f'żoni fejn ma kinux ġew innutati tifqigħat qabel. It-tfaċċar ta' din il-marda tista' tirrappreżenta riskju serju għall-popolazzjoni tal-bhejjem tal-Komunità. |
(2) |
Il-Kummissjoni adottat diversi deċiżjonijiet sabiex tiddemarka ż-żoni ta' protezzjoni u ta' sorveljanza u biex tistipola l-kundizzjonijiet li jirregolaw il-movimenti ta' l-annimali minn dawn iż-żoni, u emendat id-Deċiżjoni 2005/393/KE (2) dwar iż-żoni ta' protezzjoni u sorveljanza fir-rigward tal-bluetongue u l-kundizzjonijiet li japplikaw għall-movimenti minn u ġewwa dawn iż-żoni. Dik id-Deċiżjoni ġiet emendata għall-aħħar darba mid-Deċiżjoni tal-Kummissjoni 2006/761/KE (3) sabiex tqis it-tifqigħat ta' dan l-aħħar imsemmija fil-premessa (1). |
(3) |
Sabiex jiġi evitat it-tixrid tal-marda kemm jista' jkun malajr, il-Komunità għandha tikkontribwixxi finanzjarjament għan-nefqa eliġibbli mġarrba mill-Olanda, il-Belġju, il-Ġermanja u Franza fil-kuntest tal-miżuri ta' emerġenza, kif previst fid-Deċiżjoni 90/424/KEE. |
(4) |
Jixraq li jiġu stabbiliti urġentement attivitajiet armonizzati ta' sorveljanza għall-bluetongue fl-Olanda, il-Belġju, il-Ġermanja u Franza. |
(5) |
Miżuri armonizzati u miżjuda għal sorveljanza ta' emerġenza ġew stabbiliti b'kollaborazzjoni mill-qrib mal-Belġju, il-Ġermanja, Franza, il-Lussemburgu u l-Olanda għall-kontroll ta' l-epidemija permezz tat-twettiq ta' stħarriġiet epidemjoloġiċi u miżuri ta' sorveljanza tal-mard, inklużi testijiet tal-laboratorju għas-sorveljanza seroloġika u viroloġika u sorveljanza entomoloġika. |
(6) |
L-awtoritajiet ta' l-Istati Membri milquta (il-Belġju, il-Ġermanja, Franza, il-Lussemburgu u l-Olanda) pprovdew evidenza ta' kooperazzjoni msaħħa sabiex jevitaw it-tixrid tal-marda permezz ta' miżuri ta' sorveljanza tal-bluetongue. |
(7) |
Skond ir-Regolament tal-Kunsill (KE) Nru 1290/2005 tal-21 ta' Ġunju 2005 dwar il-finanzjament tal-politika agrikola komuni (4), il-miżuri veterinarji ta' emerġenza li jittieħdu skond ir-regoli Komunitarji għandhom jiġu ffinanzjati mill-Fond Agrikolu Ewropew ta' Garanzija.. Għal raġunijiet ta' kontroll finanzjarju, għandhom japplikaw l-Artikoli 9, 36 u 37 ta' dak ir-Regolament. |
(8) |
Il-ħlas tal-kontribuzzjoni finanzjarja mill-Komunità għandu jkun suġġett għall-kundizzjoni li l-azzjonijiet ippjanati fil-fatt twettqu u li l-awtoritajiet jipprovdu l-informazzjoni kollha meħtieġa fiż-żmien stipulat. |
(9) |
Fl-ewwel ġimgħa ta' Novembru 2006, il-Belġju, il-Ġermanja, Franza, il-Lussemburgu u l-Olanda ressqu stima inizjali ta' l-ispejjeż li se jiġġarrbu għall-implimentazzjoni ta' stħarriġ epidemjoloġiku u miżuri ta' sorveljanza tal-bluetongue fil-kuntest tal-miżuri l-oħra ta' emerġenza li ttieħdu biex tiġi miġġielda l-marda. Din l-istima tal-miżuri ta' sorveljanza epidemjoloġika tammonta għal EUR 12 533 634. |
(10) |
Sakemm jitwettqu kontrolli fuq il-post mill-Kummissjoni, issa hu meħtieġ li jiġi ffissat l-ammont għall-ħlas ta' l-ewwel pagament tal-kontribuzzjoni finanzjarja tal-Komunità. Dak l-ewwel pagament għandu jkun daqs 50 % tal-kontribuzzjoni tal-Komunità, stabbilit fuq il-bażi tan-nefqa eliġibbli stmata għall-miżuri ta' sorveljanza epidemjoloġika. Jixraq ukoll li jiġu ffissati l-ammonti massimi li għandhom jitħallsu lura għall-ispejjeż ta' ċerti testijiet użati fil-qafas ta' dawn il-miżuri. |
(11) |
L-awtoritajiet tal-Belġju, il-Ġermanja, Franza, il-Lussemburgu u l-Olanda ssodisfaw l-obbligi tekniċi u amministrattivi kollha tagħhom fir-rigward tal-miżuri stipulati fl-Artikolu 3 tad-Deċiżjoni 90/424/KEE. |
(12) |
Il-miżuri stipulati f'din id-Deċiżjoni huma skond l-opinjoni tal-Kumitat Permanenti għall-Katina Alimentari u s-Saħħa ta' l-Annimali, |
ADOTTAT DIN ID-DEĊIŻJONI:
Artikolu 1
L-għoti ta' kontribuzzjoni finanzjarja mill-Komunità lill-Belġju, il-Ġermanja, Franza, il-Lussemburgu u l-Olanda
1. Fil-kuntest tal-miżuri ta' emerġenza meħuda biex tiġi miġġielda l-bluetongue fl-2006 u fl-2007, il-Belġju, il-Ġermanja, Franza, il-Lussemburgu u l-Olanda għandhom jiġu intitolati għall-kontribuzzjoni finanzjarja mill-Komunità li tammonta għal 50 % tan-nefqa mġarrba għall-ispejjeż tat-testijiet fil-laboratorju, għas-sorveljanza seroloġika u viroloġika u l-ispejjeż tas-sorveljanza entomoloġika, inkluż ix-xiri ta' nases.
2. L-ammonti massimi ta' l-ispejjeż li għandhom jitħallsu lura lill-Belġju, il-Ġermanja, Franza, il-Lussemburgu u l-Olanda għal test ELISA għas-sorveljanza seroloġika msemmija fil-paragrafu 1 ma għandux jisboq EUR 2.5 għal kull test li jsir.
3. Il-kontribuzzjoni finanzjarja mill-Komunità għandha teskludi t-taxxa fuq il-valur miżjud.
Artikolu 2
Arranġamenti għall-ħlas
Soġġett għar-riżultati tal-kontrolli fuq il-post imwettqa skond l-Artikolu 9(1) tad-Deċiżjoni 90/424/KEE, l-ewwel pagament parzjali għandu jiġi mħallas bħala parti mill-kontribuzzjoni finanzjarja tal-Komunità stipulata fl-Artikolu 1 għandu jitħallas kif ġej:
(a) |
EUR 300 000 lill-Belġju; |
(b) |
EUR 2 200 000 lill-Ġermanja; |
(ċ) |
EUR 100 000 lil Franza; |
(d) |
EUR 25 000 lil-Lussemburgu; |
(e) |
EUR 165 000 lill-Olanda. |
Il-pagament għandu jsir fuq il-bażi ta' dokumenti ta' appoġġ sottomessi mill-Belġju, il-Ġermanja, Franza, il-Lussemburgu u l-Olanda li għandhom x'jaqsmu mat-testijiet fil-laboratorju għas-sorveljanza seroloġika, viroloġika u entomoloġika u max-xiri ta' nases, imsemmija fl-Artikolu 1(1).
Artikolu 3
Il-kundizzjonijiet għall-ħlas u d-dokumenti ta' appoġġ
1. Il-kontribuzzjoni finanzjarja mill-Komunità kif imsemmija fl-Artikolu 1 għandha titħallas fuq il-bażi ta':
(a) |
it-tressiq ta' rapport tekniku intermedju dwar l-eżekuzzjoni teknika tal-miżuri ta' sorveljanza, inklużi r-riżultati miksuba, matul il-perjodu mill-15 ta' Awissu 2006 sal-31 ta' Marzu 2007; |
(b) |
it-tressiq ta' rapport finanzjarju intermedju, f'għamla kompjuterizzata skond l-Anness, dwar l-ispejjeż imħallsa mill-Istat Membru matul il-perjodu mill-15 ta' Awissu 2006 sal-31 ta' Marzu 2007; |
(ċ) |
it-tressiq ta' rapport tekniku finali dwar l-eżekuzzjoni teknika tal-miżuri ta' sorveljanza, inklużi r-riżultati miksuba, matul il-perjodu mill-15 ta' Awissu 2006 sal-31 ta' Diċembru 2007; |
(d) |
it-tressiq ta' rapport finanzjarju finali, f'għamla kompjuterizzata skond l-Anness, dwar l-ispejjeż imħallsa mill-Istat Membru matul il-perjodu mill-15 ta' Awissu 2006 sal-31 ta' Diċembru 2007; |
(e) |
ir-riżultati ta' kwalunkwe kontrolli fuq il-post imwettqa skond l-Artikolu 9(1) tad-Deċiżjoni 90/424/KEE. |
Id-dokumenti msemmija fil-punti (a) sa (d) għandhom isiru disponibbli għall-kontrolli fuq il-post imsemmija fil-punt (e) imwettqa mill-Kummissjoni.
2. Ir-rapport tekniku intermedju u r-rapport finanzjarju intermedju msemmija fil-paragrafu 1(a) u (b) għandhom jitressqu sa mhux iktar tard mill-31 ta' Mejju 2007. Jekk dak il-limitu ta' żmien ma jiġix irrispettat, il-kontribuzzjoni finanzjarja mill-Komunità għandha titnaqqas b"25 % għal kull xahar kalendarju ta' dewmien.
3. Ir-rapport tekniku finali u r-rapport finanzjarju finali msemmija fil-paragrafu 1(c) u (d) għandhom jitressqu sa mhux iktar tard mill-31 ta' Mejju 2008. Jekk dak il-limitu ta' żmien ma jiġix irrispettat, il-kontribuzzjoni finanzjarja mill-Komunità għandha titnaqqas b"25 % għal kull xahar kalendarju ta' dewmien.
Artikolu 4
Id-destinatarji
Din id-Deċiżjoni hija indirizzata lir-Renju tal-Belġju, ir-Repubblika Federali tal-Ġermanja, ir-Repubblika Franċiża, il-Gran Dukat tal-Lussemburgu u r-Renju ta' l-Olanda.
Magħmul fi Brussell, 22 ta' Diċembru 2006.
Għall-Kummissjoni
Markos KYPRIANOU
Membru tal-Kummissjoni
(1) ĠU L 224, 18.8.1999, p. 19. Id-Deċiżjoni kif emendata l-aħħar mid-Deċiżjoni 2006/53/KE (ĠU L 29, 2.2.2006, p. 37).
(2) ĠU L 130, 24.5.2005, p. 22. Id-Deċiżjoni kif emendata l-aħħar bid-Deċiżjoni Nru 2006/761/KE (ĠU L 311, 10.11.2006, p. 51).
(3) ĠU L 311, 10.11.2006, p. 51.
(4) ĠU L 209, 11.8.2005, p. 1. Ir-Regolament kif emendat l-aħħar bir-Regolament (KE) Nru 320/2006 (ĠU L 58, 28.2.2006, p. 42).
ANNESS
Id-data msemmija fl-Artikolu 3(1)(b) u (d)
L-ispejjeż imġarrba |
||
Natura ta' l-azzjoni |
Numru |
Ammont (ma jinkludix il-VAT) |
Testijiet ELISA |
|
|
Testijiet PCR |
|
|
Testijiet viroloġiċi oħra |
|
|
Testijiet entomoloġiċi |
|
|
Nases |
|
|
It-total |
|