This document is an excerpt from the EUR-Lex website
Document 32006R0851
Commission Regulation (EC) No 851/2006 of 9 June 2006 specifying the items to be included under the various headings in the forms of accounts shown in Annex I to Council Regulation (EEC) No 1108/70 (Codified version) (Text with EEA relevance)
Regolament tal-Kummissjoni (KE) Nru 851/2006 tad- 9 ta' Ġunju 2006 li jispeċifika l-entrati li għandhom jiġu inklużi taħt id-diversi intestaturi fil-formoli tal-kontijiet murija fl-Anness I tar-Regolament tal-Kunsill (KEE) Nru 1108/70 (Verżjoni kkodifikata) Test b’rilevanza għaż-ŻEE.
Regolament tal-Kummissjoni (KE) Nru 851/2006 tad- 9 ta' Ġunju 2006 li jispeċifika l-entrati li għandhom jiġu inklużi taħt id-diversi intestaturi fil-formoli tal-kontijiet murija fl-Anness I tar-Regolament tal-Kunsill (KEE) Nru 1108/70 (Verżjoni kkodifikata) Test b’rilevanza għaż-ŻEE.
ĠU L 158, 10.6.2006, p. 3–8
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV) Dan id-dokument ġie ppubblikat f’edizzjoni(jiet) speċjali
(BG, RO, HR)
ĠU L 314M, 1.12.2007, p. 23–28
(MT)
No longer in force, Date of end of validity: 11/02/2023; Imħassar b' 32023R0144
1.12.2007 |
MT |
Il-Ġurnal Uffiċjali ta’ l-Unjoni Ewropea |
23 |
REGOLAMENT TAL-KUMMISSJONI (KE) Nru 851/2006
tad-9 ta' Ġunju 2006
li jispeċifika l-entrati li għandhom jiġu inklużi taħt id-diversi intestaturi fil-formoli tal-kontijiet murija fl-Anness I tar-Regolament tal-Kunsill (KEE) Nru 1108/70
(Verżjoni kkodifikata)
(Test b’rilevanza ŻEE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KEE) Nru 1108/70 ta' l-4 ta' Ġunju 1970 li jintroduċi sistema ta' kontabilità għall-ispiża fuq l-infrastruttura fuq trasport bil-ferroviji, bit-triq u bil-passaġġi fuq l-ilma interni (1), b'mod partikolari l-Artikolu 9(1) ta' dan ir-Regolament,
Billi:
(1) |
Ir-Regolament tal-Kummissjoni (KEE) Nru 2598/70 tat-18 ta’ Diċembru 1970 li jispeċifika l-entrati li għandhom jiġu inklużi taħt id-diversi intestaturi fil-formoli tal-kontijiet murija fl-Anness I tar-Regolament tal-Kunsill (KEE) Nru 1108/70 ta' l-4 ta' Ġunju 1970 (2), ġie emendat (3) diversi drabi b’mod sostanzjali. Għal iktar ċarezza u razzjonalità, l-imsemmi Regolament għandu jiġi kkodifikat. |
(2) |
Il-Kummissjoni hija responsabbli għall-koordinazzjoni tax-xogħol meħtieġ mir-Regolament (KEE) Nru 1108/70. Il-Kummissjoni hija responsabbli b'mod partikulari sabiex tistabbilixxi liema entrati għandhom jiġu inklużi taħt id-diversi intestaturi fil-formoli tal-kontijiet murija fl-Anness I ta' dak ir-Regolament. Id-dispożizzjonijiet xierqa għandhom jiġu adottati sabiex jassiguraw li l-formoli tal-kontijiet ikunu applikati b'mod uniformi bejn id-diversi Stati Membri u l-mezzi differenti ta' trasport. |
(3) |
Il-passi li għandhom jittieħdu għandhom jinkludu kemm dak li jiġi definit fis-sens tal-kelma “infrastruttura”, billi jiġi speċifikat dwar kull mezz ta' trasport l-installazzjonijiet, il-bini u l-apparat li jaqa' taħt dik il-kelma, u billi jiġi speċifikat ix-xorta ta' spejjeż li għandhom jidħlu taħt id-diversi intestaturi fil-formoli tal-kontijiet, |
ADOTTAT DAN IR-REGOLAMENT:
Artikolu 1
L-entrati li għandhom jiġu inklużi taħt id-diversi intestaturi fil-formoli tal-kontijiet murija fl-Anness I tar-Regolament (KEE) Nru. 1108/70 għandhom jiġu stabbiliti skond l-Annessi I u II ta' dan ir-Regolament.
Artikolu 2
Ir-Regolament (KEE) Nru 2598/70 hu mħassar.
Referenzi għar-Regolament li ġie mħassar għandhom jinftiehmu bħala referenzi għal dan ir-Regolament u għandhom jinqraw skond it-tabella ta’ korrelazzjoni fl-Anness IV.
Artikolu 3
Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu fil-Ġurnal Uffiċjali ta’ l-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 9 ta' Ġunju 2006.
Għall-Kummissjoni
Il-President
José Manuel BARROSO
(1) ĠU L 130, 15.6.1970, p. 4. Regolament emendat l-aħħar mill-Att ta’ Adeżjoni 2003.
(2) ĠU L 278, 23.12.1970, p. 1. Regolament emendat l-aħħar mir-Regolament (KE) Nru 906/2004 (ĠU L 163, 30.4.2004, p. 49).
(3) Ara l-Anness III.
ANNESS I
Definizzjoni u skop tal-kliem “Infrastruttura tat-Trasport”
Għall-iskopijiet ta' l-Artikolu 1 tar-Regolament (KEE) Nru 1108/70, “infrastruttura tat-trasport” tfisser ir-rotot u l-installazzjonijiet fissi kollha tat-tliet mezzi ta' trasport, li jkunu rotot u installazzjonijiet neċessarji għaċ-ċirkolazzjoni u għas-sigurtà tat-traffiku.
A. FERROVIJI
L-infrastruttura tal-ferroviji tikkonsisti fl-affarijiet segwenti, sakemm dawn jiffurmaw parti mil-linja permanenti, li tinkludi l-binarji ż-żgħar tal-ġenb tas-servizz, iżda teskludi l-linji li qegħdin fil-postijiet fejn jissewwew il-magni tal-ferrovija, fl-imħażen jew fl-imħażen lokomottivi, u branki ta' linji u binarji żgħar privati:
— |
Żona terrana; |
— |
|
— |
Strutturi ta' l-inġinerija:
|
— |
Postijiet fejn il-linji tal-ferroviji jaqsmu ma' xulxin li jkunu fuq livell wieħed, li jinkludi l-apparat li jassigura s-sigurtà fit-traffiku tat-triq; |
— |
Is-soprastruttura, b'mod partikolari:
|
— |
Mezzi ta' aċċess għall-passiġġieri u l-merkanzija, inkluż l-aċċess bit-triq; |
— |
|
— |
Installazzjonijiet tad-dwal tat-traffiku u s-sigurtà; |
— |
Impjant għat-trasformazzjoni u t-trasportazzjoni tal-kurrent elettriku minħabba t-trasport tal-merkanzija permezz tal-ferroviji: stazzjonijiet sussidjarji, provvista ta' kejbils bejn l-istazzjonijiet sussidjarji u l-fili tal-kuntatt, katenarji u appoġġ; it-tielet linja bl-appoġġ; |
— |
Bini użat għad-dipartiment ta' l-infrastruttura, inkluż l-użu ta' parti għall-installazzjoni għall-ġabra tal-ħlas mitlub għat-trasport. |
B. TOROQ
L-infrastrutta fit-toroq tikkonsisti fl-affarijiet segwenti:
— |
Art; |
— |
Xogħol fit-toroq qabel l-iċċangar:
|
— |
Xogħol fil-pavimenti u xogħol anċillari: il-korsi tal-pavimenti, inkluż ix-xogħol magħmul fuqhom sabiex ma jgħaddix l-ilma minnhom, ix-xifer, ir-riżerva ċentrali, il-kanali ta' l-ilma u faċilitajiet oħra tad-drenaġġ, il-medda tat-triq għall-waqfien ta' emerġenza tal-vetturi u spazji oħra għal waqfien ta' emerġenza, l-ispazju fejn il-vetturi jistgħu jieqfu mingħajr ma jostakolaw it-traffiku u postijiet ta' l-ipparkjar fit-toroq miftuħin (fit-toroq għall-aċċess, ipparkjar u sinjali tat-traffiku), l-ispazji għall-ipparkjar f'postijiet żviluppati fuq art pubblika, it-tħawwil ta' xtieli u t-tiżjin tal-pajsaġġ, installazzjonijiet intenzjonati għas-sigurtà eċċ.; |
— |
Strutturi ta' l-inġinerija: ponti, kanali li jaqsmu minn taħt, mogħdijiet li jgħaddu minn fuq, mini, strutturi għall-protezzjoni kontra l-valangi, ġebel li jaqa', paraventi ta' protezzjoni mill-borra eċċ.; |
— |
Postijiet fejn it-toroq jiltaqgħu ma' xulxin fuq l-istess livell; |
— |
Sinjali u senjalazzjoni tat-traffiku u stallazzjonijiet tat-telekomunikazzjoni; |
— |
Installazzjonijiet tad-dawl; |
— |
Installazzjonijiet li jiġbru l-ħlas, mijters ta' l-ipparkjar; |
— |
Bini użat mid-dipartiment ta' l-infrastruttura. |
Ċ. PASSAĠĠI FUQ L-ILMA INTERNI
L-infrastruttura tal-passaġġi fuq l-ilma interni tikkonsisti fl-affarijiet segwenti:
— |
Art; |
— |
Kanal (xogħlijiet ta' l-art, baċiri tal-kanali u kisi, sollijiet, ilqugħ, mogħdijiet dojoq, mogħdijiet ta' l-irmonk u toroq ta' servizz), protezzjoni tal-ġnub, akwadotti li jġorru l-kanali, siphons u kondotti, mini tal-kanali, baċiri ta' servizz użati esklussivament sabiex jingħataw kenn il-bastimenti; |
— |
Xogħlijiet sabiex jitwaqqaf il-passaġġ għas-sigurtà, passaġġi għall-ilma miġbur biex jinżel bil-gravità, baċiri u ġibjuni li jaħżnu l-ilma li jżid u jirregola l-livell ta' l-ilma, strutturi li jikkontrollaw l-ilma, apparat li bih titkejjel it-tnixxija ta' l-ilma, reġistraturi tal-livelli u strumenti ta' twissija; |
— |
Milqgħi jew digi (li huma mibnija matul il-qiegħ ta' xmara sabiex iżommu fond suffiċjenti ta' ilma għan-navigazzjoni u sabiex jirriduċu l-ħeffa tat-tnixxija ta' l-ilma billi joħolqu daqqiet u mezzi li jiddirezzjonaw l-ilma), strutturi assoċjati (slielem tal-ħut, kanali ta' soljev); |
— |
Il-magħluq tal-kanali, liftijiet u pjanijiet inklinati, li jinkludu l-baċiri ta' stennija u l-baċiri għall-ekonomija ta' l-ilma; |
— |
Apparat ta' l-irmiġġ u mollijiet ta' gwida (bagi ta' l-irmiġġ, dolphins, bitti ta' l-irmiġġ, bolards, rixtelli u oġġetti għall-protezzjoni); |
— |
Pontijiet mobbli; |
— |
Installazzjonijiet ta' bagi fil-kanali, sinjalazzjoni, sigurtà, telekomunikazzjoni u dawl; |
— |
Installazzjoni ta' mezzi biex jiġi kkontrollat it-traffiku; |
— |
Installazzjonijiet li jiġbru l-ħlas tat-tollijiet; |
— |
Bini użat mid-dipartimenti ta' l-infrastruttura. |
ANNESS II
Definizzjoni ta' l-ispiża li għandha tidħol fid-diversi intestaturi magħmula fil-formoli tal-kontijiet murija fl-Anness I tar-Regolament (KEE) Nru 1108/70
A. OSSERVAZZJONIJIET ĠENERALI
1. |
L-ispiża li għandha titniżżel fil-kontijiet li jaqgħu taħt id-dispożizzjonijiet ta' Artikolu 2(2) tar-Regolament hawn fuq imsemmi għandha tkun dik li seħħet direttament sabiex titħallas l-ispiża tax-xogħol, servizzi u provvisti inkonnessjoni mal-kostruzzjoni, it-tmexxija u l-amministrazzjoni ta' l-infrastruttura. Dawn id-dispożizzjonijiet jeskludu għalhekk li fil-kontijiet jitniżżlu approprjazzjonijiet annwali għat-tiġdid, fondi ta' assigurazzjoni jew riservi mwaqqfa sabiex ikopru spejjeż futuri. |
2. |
Fil-każ ta' kull infrastruttura, l-ispiża li għandha titqies taħt id-diversi intestaturi fil-formoli tal-kontijiet hija l-ispiża totali li tintefaq fir-rigward ta' dik l-infrastruttura, irrispettivament mill-mod ta' kif l-ispiża hija ffinanzjata. Madanakollu, fil-każ li żewġ amministrazzjonijiet ta' l-infrastruttura jew iżjed jidħlu fi spejjeż ta' installazzjoni diretti jew indiretti fir-rigward ta' l-istess spiża ta' infrastruttura, hija dik l-ispiża netta biss illi għandha titħallas minn kull amministrazzjoni li għandha tiġi inkluża mal-kontijiet tagħhom. Barra minnhekk, meta l-kumpens jingħata mill-awtoritajiet pubbliċi lil ċerti amministrazzjonijiet ta' l-infrastruttura, l-ammont ta' dak il-kumpens għandu jiġi mnaqqas mill-ispiża magħmula minn dawk l-amministrazzjonijiet. Fil-każ tal-ferroviji, l-ammonti mnaqqsa għandhom jintwerew separatament. Dawn l-ammonti jista' jkollhom x'jaqsmu partikolarment mal-kumpens riċevut fir-rigward ta':
|
3. |
Il-valur ta' installazzjonijiet jew apparat żarmat, jekk mibjugħ jew użat diversi drabi, għandu jiġi kkumpensat ma' l-ispiża magħmula taħt it-titoli xierqa fil-formoli ta' kontijiet, suġġett, fil-każ ta' linji tal-ferrovija, għal kwalunkwe dispożizzjonijiet speċjali konnessi li jinsabu fi ftehim magħmul bejn l-impriżi tal-ferroviji u l-awtoritarjiet pubbliċi. |
4. |
L-ispiża relatata max-xiri, kura u operat ta' l-apparat u għodda speċjalizzati użati mid-dipartiment ta' l-infrastruttura u l-ispiża relatata mat-trasport użat għall-iskop tas-servizz ta' dak id-dipartiment għandhom isiru taħt l-intestaturi xierqa fil-formoli tal-kontijiet, jew jekk dan ma jsirx, taħt it-titolu “Spejjeż ġenerali”. |
5. |
Il-ħlas mitlub fil-postijiet u l-imħażen tax-xogħol għandhom normalment jiġu mniżżla fil-prezz tal-fattura ta' l-oġġetti u l-materjali pprovduti lid-dipartiment ta' l-infrastruttura. Fejn dan il-ħlas dirett ma jistax isir, dawn il-ħlasijiet għandhom jiġu mniżżla taħt it-titolu “Spejjeż ġenerali”. |
B. DESKRIZZJONI TAL-PUNTI LI GĦANDHOM JIĠU MNIŻŻLA TAĦT ID-DIVERSI INTESTATURI
1. Intestaturi komuni għat-tliet mezzi ta' trasport
— |
L-ispiża ta' investiment (intestaturi A1, B1, C1) L-ispiża ta' investiment tinkludi l-ispiża totali (fir-rigward ta' persunal, merkanzija u servizzi pprovduti minn terzi) marbuta mal-kostruzzjoni, estensjoni, rikostruzzjoni u rinnovazzjoni ta' l-installazzjonijiet ta' l-infrastruttura, inklużi l-ispejjeż inċidentali u l-ispejjeż ta' riċerka konnessa ma' dan ix-xogħol. Madanakollu, din id-definizzjoni m'għandhiex tipprekludi skrizzjonijiet, bis-saħħa ta' dispożizzjonijiet tal-liġi nazzjonali, ta' ċerti spejjeż minuri ta' investiment taħt l-intestatura “Spejjeż kurrenti”. |
— |
Spejjeż kurrenti (intestaturi A2, B2, C2) L-ispejjeż kurrenti għandhom jinkludu l-ispiża totali (fir-rigward ta' persunal, merkanzija u servizzi pprovduti minn terzi) marbuta mal-manutenzjoni u t-tħaddim ta' l-infrastruttura. |
— |
Spejjeż ġenerali (intestaturi A3, B4, C4) L-ispejjeż ġenerali jinkludu l-ispiża totali tad-dipartimenti konnessa ma' l-amministrazzjoni, is-sorveljanza, u spezzjoni responsabbli speċifikament għall-ħolqien u t-tmexxija ta' l-infrastruttura, kif ukoll dik il-porzjon ta' l-ispiża tad-dipartimenti amministrattivi ġenerali kkonċernati direttament li għandha tiġi mħallsa mill-infrastruttura. L-ispejjeż ġenerali jkopru ukoll l-ispiża l-oħra kollha li ma ġietx ikkunsidrata direttament taħt kwalunkwe intestatura oħra fil-formoli tal-kontijiet. L-ispejjeż koperti jinkludi b'mod partikulari dan li ġej:
|
2. Intestaturi għat-trasport bit-triq biss
— |
Spiża fir-rigward tal-manutenzjoni ta' l-uċuħ tat-toroq (intestatura B20) Din tkopri prinċipalment l-ispiża fir-rigward ta' xogħlijiet marbuta mar-reżistenza mekkanika tat-toroq għat-tagħbijiet li jkunu suġġetti għalihom. Dan jinkludi kemm l-ispiża fir-rigward ta' tiswija fil-wiċċ tal-pavimenti flessibbli u l-ispiża fir-rigward tal-manutenzjoni tas-sezzjoni għall-pavimenti riġidi. |
— |
Pulizija tat-traffiku (intestatura B 3) L-ispiża fuq il-pulizija tat-traffiku tinkludi l-ispiża totali tas-servizzi tal-pulizija li jintalab il-ħlas tagħha minħabba s-sorveljanza tat-traffiku u l-funzjonijiet tal-kontroll, li tinkludi l-ispiża fuq il-bini, vetturi u apparat għall-użu speċjali ta' dawn is-servizzi. |
3. Intestatura għall-passaġġi fuq l-ilma interni biss
— |
Pulizija tal-passaġġi fuq l-ilma interni (intestatura C 3) L-ispiża fuq il-pulizija tal-passaġġi fuq l-ilma interni tinkludi l-ispiża totali għall-pulizija tal-passaġġi fuq l-ilma interni, inkluża l-ispiża fuq il-bini, mollijiet u bastimenti għall-użu speċjali ta' dawn is-servizzi. |
(1) ĠU L 130, 15.6.1970, p. 1. Regolament emendat l-aħħar mir-Regolament (KE) Nru 543/97 (ĠU L 84, 26.3.1997, p. 6).
(2) ĠU L 156, 28.6.1969, p. 8. Regolament emendat l-aħħar mill-Att ta’ Adeżjoni 2003.
ANNESS III
Regolament imħassar flimkien ma’ l-emendi tiegħu
Regolament tal-Kummissjoni (KEE) Nru 2598/70 |
|
Regolament tal-Kummissjoni (KEE) Nru 2116/78 |
|
Regolament tal-Kummissjoni (KE) Nru 906/2004 |
ANNESS IV
Tabella Ta’ Korrelazzjoni
Regolament (KEE) Nru 2598/70 |
Dan ir-Regolament |
L-Artikolu Waħdieni |
Artikolu 1 |
— |
Artikolu 2 |
— |
Artikolu 3 |
L-Annessi I u II |
L-Annessi I u II |
— |
Anness III |
— |
Anness IV |