25.10.2006   

MT

Il-Ġurnal Uffiċjali ta’ l-Unjoni Ewropea

36

(1)

L-indiċijiet armonizzati tal-prezzijiet għall-konsumatur (harmonised indices of consumer prices, (“HICPs”) huma ċifri armonizzati ta' inflazzjoni meħtieġa mill-Kummissjoni u mill-Bank Ċentrali Ewropew fl-eżerċizzju tal-funzjonijiet tagħhom taħt l-Artikolu 121 tat-Trattat. L-HICPs huma mfasslin sabiex jiffaċilitaw il-paraguni internazzjonali ta' l-inflazzjoni tal-prezzijiet għall-konsumatur. Huma jservu bħala indikaturi importanti għall-immaniġġar tal-politika monetarja.

(2)

Taħt l-Artikolu 5(1)(b) tar-Regolament (KE) Nru 2494/95, kull Stat Membru huwa meħtieġ, bħala parti mill-implementazzjoni ta' dan ir-Regolament, li jipproduċi HICP li tibda bl-indiċi għal Jannar 1997.

(3)

L-Artikolu 3 tar-Regolament (KE) Nru 2494/95 jirrikjedi li l-HICP għandu jkun ibbażat fuq il-prezzijiet ta' merċi u servizzi disponibbli għax-xiri fit-territorju ekonomiku ta' l-Istati Membri bl-iskop li jaqdu b'mod dirett il-bżonnijiet tal-konsumatur.

(4)

Ir-Regolament tal-Kummissjoni (KE) Nru 1749/96 tad-9 ta' Settembru 1996 dwar miżuri ta' implementazzjoni inizjali għar-Regolament tal-Kunsill (KE) Nru 2494/95 li jikkonċerna indiċijiet armonizzati tal-prezzijiet għall-konsumatur (3), iddefinixxa l-kopertura ta' l-HICP bħala dawk il-merċi u s-servizzi li huma inklużi fl-ispiża monetarja domestika finali għall-konsum li ssir, inter alia, fit-territorju ekonomiku ta' l-Istat Membru, f'wieħed mill-perjodi ta' żmien paragunati jew fit-tnejn li huma.

(5)

L-Artikolu 8 tar-Regolament tal-Kummissjoni (KE) Nru 1749/96 jeħtieġ li l-HICP jkun mibni minn kampjuni mmirati li jkollhom prezzijiet suffiċjenti fi ħdan kull aggregat elementari sabiex jittieħed kont tal-varjazzjoni fil-movimenti tal-prezzijiet fil-popolazzjoni.

(6)

Id-differenzi fil-perjodi tal-ġbir ta' prezzijiet jistgħu jwasslu għal differenzi sinifikattivi fil-bidla kalkolata tal-prezzijiet għall-perjodi paragunati.

(7)

Huwa meħtieġ approċċ armonizzat fir-rigward tal-kopertura temporali ta' l-HICPs sabiex ikun żgurat li l-HICPs li jirriżultaw jissodisfaw ir-rekwiżiti fir-rigward tal-komparabbiltà, kredibbiltà, u relevanza taħt it-tielet subparagrafu ta' l-Artikolu 4 u taħt l-Artikolu 5(3) tar-Regolament (KE) Nru 2494/95.

(8)

Il-ġbir ta' l-indiċi ta' l-Unjoni Monetarja tal-prezzijiet għall-konsumatur (Monetary Union index of consumer prices, “MUICP”) u l-indiċi Ewropew tal-prezzijiet għall-konsumatur (European index of consumer prices, “EICP”) jeħtieġu kunċett armonizzat għall-kopertura temporali ta' l-HICPs. Dan ma għandux madankollu jipprekludi l-ħruġ ta' HICPs provviżorji jew ta' stimi rapidi ta' l-HICP tal-bidla medja fil-prezzijiet ibbażati fuq parti mill-informazzjoni dwar il-prezzijiet osservati fix-xahar li għalih jirriferi l-indiċi kurrenti.

(9)

Ir-Regolament tal-Kummissjoni (KE) Nru 1921/2001 tat-28 ta' Settembru 2001 li jistabbilixxi regoli dettaljati għall-implementazzjoni tar-Regolament tal-Kunsill (KE) Nru 2494/95 dwar standards minimi għar-reviżjonijiet ta' l-indiċi armonizzat tal-prezzijiet għall-konsumatur u li jemenda r-Regolament (KE) Nru 2602/2000 (4) jistipula li l-bidliet fis-sistema tar-regoli armonizzati ma għandhomx jirrikjedu reviżjonijiet, iżda li, fejn neċessarju, għandhom isiru stimi ta' l-impatt fuq ir-rati annwali tal-bidla ta' l-HICP.

(10)

Il-Kumitat dwar il-Programm ta' l-Istatistika ġie kknsultat skond l-Artikolu 3 tad-Deċiżjoni tal-Kunsill 89/382/KKE, Euratom tad-19 ta' Ġunju 1989 li tistabbilixxi Kumitat dwar il-Programmi ta' l-Istatistiċi tal-Komunitajiet Ewropej (5),

(a)

prodotti ta' l-enerġija; u

(b)

ikel frisk, bħal frott u ħxejjex.