21.11.2006   

MT

Il-Ġurnal Uffiċjali ta’ l-Unjoni Ewropea

391

(1)

Ir-Regolament (KE) Nru 1831/94 (2) japplika għall-azzjonijiet eliġibbli kollha msemmija fl-Artikolu 3 tar-Regolament (KE) Nru 1164/94;

(2)

Ir-Regolament (KE) Nru 1831/94 jeħtieġ li jiġi aġġornat sabiex titjieb l-effettività tas-sistema ta’ rappurtar ta’ l-irregolaritajiet;

(3)

Ta’ min jispeċifika li d-definizzjoni ta’ l-irregolarità għall-fini tar-Regolament (KE) Nru 1831/94 hija meħudha mill-Artikolu 1(2) tar-Regolament tal-Kunsill (KE) Nru 2988/95 tat-18 ta’ Diċembru 1995, dwar il-protezzjoni ta’ l-interessi finanzjarji tal-Komunitajiet Ewropej (3).

(4)

Huwa meħtieġ li jiġi ddefinit il-kunċett ta’suspett ta’ frodi fl-isfond tad-definizzjoni ta’ frodi li tinsab fil-Konvenzjoni tas-26 ta’ Lulju 1995 dwar il-protezzjoni ta’ l-interessi finanzjarji tal-Komunitajiet Ewropej (4).

(5)

Ikun xieraq li d-definizzjoni ta’ “Sejba primarja amministrattiva jew ġudizzjarja” tkun taqbel ma’ dik stipulata fir-Regolament (KE) Nru 1681/94 tal-Kummissjoni tal-11 ta’ Lulju 1994 dwar l-irregolaritajiet u l-ħlas lura ta’ ammonti mħallsa ħażin fil-qafas tal-finanzjament tal-politika strutturali u l-organizzazzjoni tas-sistema ta’ informazzjoni f’dan il-qasam (5).

(6)

Huwa meħtieġ ukoll li jiġi definit il-kunċett ta’ “falliment” u dak ta’ “operatur ekonomiku”.

(7)

Sabiex jissaħħaħ il-valur miżjud tas-sistema ta’ komunikazzjoni, l-obbligu li jiġu rrappurtati każijiet ta’ suspett ta’ frodi għandhom jiġu speċifikati sabiex ir-riskju jkun jista’ jiġi analizzat. Għal dan il-għan, għandha tiġi żgurata l-kwalità ta’ l-informazzjoni mibgħuta.

(8)

Għandu jiġi speċifikat li r-Regolament (KE) Nru 1831/94 għandu jibqa’ applikabbli għall-każijiet ta’ irregolaritajiet ta’ inqas minn €10 000 diġà rrappurtati;

(9)

Huwa meħtieġ li tkun speċifikata l-informazzjoni kkunsidrata bħala neċessarja sabiex tippermetti t-trattament tal-każijiet fejn l-irkupru la jista jiġi effettwat u lanqas mistenni.

(10)

Sabiex jitnaqqas il-piż fuq l-Istati Membri li jirriżulta mill-komunikazzjoni u titjieb l-effiċjenza, huwa meħtieġ li jiżdied il-livell minimu li minnu għandhom jibdew jiġu rrappurtati l-każijiet ta’ irregolarità mill-Istati Membri u li jkunu speċifikati l-każijiet fejn l-obbligu tar-rappurtar mhux applikabbli.

(11)

Ir-Regolament (KE) Nru 1831/94 għandu japplika mingħajr preġudizzju għall-Artikolu 7 tar-Regolament (KE) Nru 1386/2002 tal-Kummissjoni tad-29 ta’ Lulju li jistabbilixxi modalitajiet ta’ applikazzjoni tar-Regolament (KE) Nru 1164/94 f’dak li għandu x’jaqsam mas-sistemi ta’ tmexxija u kontroll u l-proċedura ta’ implimentazzjoni tal-korrezzjonijiet finanzjarji dwar assistenza tal-Fondi ta’ Koeżjoni (6).

(12)

Għandhom jiġu kkunsidrati l-obbligi li joħorġu mir-Regolament tal-Parlament Ewropew u tal-Kunsill (KE) Nru 45/2001 tat-18 ta’ Diċembru 2000 dwar il-protezzjoni ta’ individwu fir-rigward ta’ l-ipproċessar ta’ data personali mill-istituzzjonijiet u l-korpi tal-Komunità u dwar il-moviment liberu ta’ dak id-data  (7) u mid-Direttiva tal-Parlament Ewropew u tal-Kunsill (KE) Nru 95/46/KE ta’ l-24 ta’ Ottubru 1995, dwar il-protezzjoni ta’ individwi fir-rigward ta’ l-ipproċessar ta’ data personali u dwar il-moviment liberu ta’ dan id-data  (8);

(13)

Huwa meħtieġ li jiġu stabbiliti r-rati ta’ kambju għall-Istati Membri li ma jipparteċipawx fiż-żona ta’ l-euro.

(14)

Għalhekk, ir-Reġolament (KE) 1831/94 għandu jkun emendat kif xieraq.

1)

Ġħandu jiżdied l-Artikolu 1a li ġej:

“Artikolu 1a

Għall-fini ta’ dan ir-Regolament, għandhom japplikaw dawn id-definizzjonijiet:

(*)  ĠU L 160 tat-30.6.2000, p. 1. Regolament emendat bl-Att ta’ Adeżjoni 2003.”"

2)

Artikolu 2 huwa mħassar.

3)

L-Artikolu 3(1) għandu jinbidel b’dan li ġej:

“1.   Matul ix-xahrejn ta’ wara t-tmiem ta’ kull kwart tas-sena, l-Istati Membri benefiċjarji għandhom jirrappurtaw lill-Kummissjoni kull irregolarità li wasslet għal sejba primarja amministrattiva u/jew ġudizzjarja. Għal dan il-għan, l-Istati Membri għandhom jagħtu d-dettalji li jikkonċernaw:

Bħala deroga mill-ewwel paragrafu, il-każijiet li ġejjin m’għandhomx għalfejn jiġu rrappurtati:

4)

L-Artikolu 5 għandu jkun emendat kif ġej:

5)

Għandu jiżdied l-Artikolu 6a li ġej:

“Artikolu 6a

L-informazzjoni meħtieġa mill-Artikoli 3 u 4 u mill-ewwel paragrafu ta’ l-Artikolu 5, sa fejn hu possibbli titwassal b’mezzi elettroniċi, permezz ta’ l-użu tal-modulu pprovdut mill-Kummissjoni għal dan l-għan, u ta’ konnessjoni protetta.”

6)

Għandu jiżdied l-Artikolu 8a li ġej:

“Artikolu 8a

Il-Kummissjoni tista’ tuża l-informazzjoni kollha ta’ natura ġenerali jew operattiva kkomunikata mill-Istati Membri skond dan ir-Regolament biex twettaq analiżi tar-riskji permezz ta’ mezzi tat-teknoloġija ta’ l-informatika xierqa, u fuq il-bażi ta’ din l-informazzjoni tipproduċi rapporti u tiżviluppa sistemi ta’ twissijiet sabiex ikun hemm għarfien aħjar tar-riskji identifikati.”

7)

L-Artikolu 10(3) għandu jinbidel b’dan li ġej:

“3.   Il-Kummissjoni u l-Istati Membri għandhom jiżguraw li, fl-ipproċessar ta’ data personali skond dan ir-Regolament, jitħarsu d-dispożizzjonijiet komunitarji u nazzjonali dwar il-protezzjoni tad-data personali, partikolarment dawk stipulati mid-Direttiva 95/46/KE, u, fejn applikabbli, mir-Regolament (KE) Nru 45/2001.”

8)

L-Artikolu 12 għandu jinbidel bit-test li ġej:

“Artikolu 12

1.   Meta l-irregolaritajiet jikkonċernaw ammonti ta’ inqas minn €10 000 li għandhom jitħallsu mill-baġit tal-Komunità, l-Istati Membri m’għandhomx jibgħatu lill-Kummissjoni l-informazzjoni stipulata mill-Artikoli 3 u 5 ħlief jekk din ma titlobhiex b’mod speċifiku.

2.   L-Istati Membri benefiċjarji li m’addottawx l-euro bħala l-munita tagħhom sad-data meta l-irregolarità tkun stabbilita għandhom jaqilbu f’EUR l-ammont ta’ l-ispejjeż ikkonċernati fil-munita nazzjonali. Dan l-ammont għandu jinqaleb f’EUR billi tintuża r-rata ta’ kontabilità mensili tal-Kummissjoni tax-xahar li fih in-nefqa daħlet jew setgħet daħlet fil-kontijiet mill-awtorità tal-ħlas responsabbli mill-programm operattiv fil-kwistjoni. Din ir-rata hija ppubblikata elettronikament kull xahar mill-Kummissjoni.”