Edizzjoni Speċjali bil-Bulgaru: Kapitolu 15 Volum 015 P. 3 - 29
Edizzjoni Speċjali bir-Rumen: Kapitolu 15 Volum 015 P. 3 - 29
Edizzjoni speċjali bil-Kroat: Kapitolu 15 Volum 006 P. 104 - 130
EUR-Lex Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
You are here
Document 32005R1277
Commission Regulation (EC) No 1277/2005 of 27 July 2005 laying down implementing rules for Regulation (EC) No 273/2004 of the European Parliament and of the Council on drug precursors and for Council Regulation (EC) No 111/2005 laying down rules for the monitoring of trade between the Community and third countries in drug precursors Text with EEA relevance
Regolament tal-Kummissjoni (KE) Nru 1277/2005 tas- 27 ta' Lulju 2005 li jistabbilixxi r-regoli li jimplimentaw għar-Regolament (KE) Nru. 273/2004 tal-Parlament Ewropew u tal-Kunsill dwar sustanzi prekursuri tad-droga u għar-Regolament tal-Kunsill (KE) Nru 111/2005 li jfassal ir-regoli għas-sorveljanza tal-kummerċ bejn il-Komunità u pajjiżi terzi tas-sustanzi prekursuri tad-droga Test b’rilevanza għaż-ŻEE.
Regolament tal-Kummissjoni (KE) Nru 1277/2005 tas- 27 ta' Lulju 2005 li jistabbilixxi r-regoli li jimplimentaw għar-Regolament (KE) Nru. 273/2004 tal-Parlament Ewropew u tal-Kunsill dwar sustanzi prekursuri tad-droga u għar-Regolament tal-Kunsill (KE) Nru 111/2005 li jfassal ir-regoli għas-sorveljanza tal-kummerċ bejn il-Komunità u pajjiżi terzi tas-sustanzi prekursuri tad-droga Test b’rilevanza għaż-ŻEE.
ĠU L 202, 3.8.2005, p. 7–33
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV) Dan id-dokument ġie ppubblikat f’edizzjoni(jiet) speċjali
(BG, RO, HR)
ĠU L 287M, 18.10.2006, p. 246–272
(MT)
No longer in force, Date of end of validity: 29/06/2015; Imħassar b' 32015R1011
Language
HTML
PDF
Official Journal
|
18.10.2006 |
MT |
Il-Ġurnal Uffiċjali ta’ l-Unjoni Ewropea |
246 |
REGOLAMENT TAL-KUMMISSJONI (KE) Nru 1277/2005
tas-27 ta' Lulju 2005
li jistabbilixxi r-regoli li jimplimentaw għar-Regolament (KE) Nru 273/2004 tal-Parlament Ewropew u tal-Kunsill dwar sustanzi prekursuri tad-droga u għar-Regolament tal-Kunsill (KE) Nru 111/2005 li jfassal ir-regoli għas-sorveljanza tal-kummerċ bejn il-Komunità u pajjiżi terzi tas-sustanzi prekursuri tad-droga
(Test b’rilevanza għaż-ŻEE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jwaqqaf il-Komunità Ewropea,
Wara li kkunsidrat ir-Regolament (KE) Nru. 273/2004 tal-Parlament Ewropew u tal-Kunsill tal-11 ta’ Frar 2004 dwar is-sustanzi prekursuri tad-droga (1), u b’mod partikolari l-punti (a) u (f) ta’ l-Artikolu 14 tiegħu,
Wara li kkunsidrat ir-Regolament tal-Kunsill (KE) Nru. 111/2005 tat-22 ta’ Diċembru 2004 li jistabbilixxi r-regoli għas-sorveljanza tal-kummerċ bejn il-Komunità u pajjiżi terzi tas-sustanzi prekursuri tad-droga (2), u b’mod partikolari t-tielet sotto-paragrafu ta’ l-Artikolu 6 (1), l-Artikolu 7(2), l-Artikolu 8(2), l-Artikolu 9(2), il-paragrafi (1) u (3) ta’ l-Artikolu 11, it-tielet sotto-paragrafu ta’ l-Artikolu 12(1), l-Artikolu 19 u l-Artikolu 28 tiegħu,
Billi:
|
(1) |
Ir-Regolament tal-Kunsill (KEE) Nru. 3677/90 tat-13 ta’ Diċembru 1990 li jistabbilixxi l-miżuri li għandhom jittieħdu biex tkun skoraġġuta d-devjazzjoni ta’ ċertu sustanzi lejn il-manifattura illegali ta’ drogi narkotiċi u sustanzi psikotropiċi (3) li kien implimentat bir-Regolament tal-Kummissjoni (KEE) Nru. 3769/92 tal-21 ta’ Diċembru 1992 li jimplimenta u jemenda r-Regolament tal-Kunsill (KEE) Nru. 3677/90 li jistabbilixxi l-miżuri li għandhom jittieħdu biex tkun skoraġġuta d-devjazzjoni ta’ ċertu sustanzi lejn il-manifattura illegali ta’ drogi narkotiċi u sustanzi psikotropiċi (4) ħadlu postu r-Regolament (KE) Nru. 111/2005. Jeħtieġ li dawn il-miżuri ta’ implimentazzjoni, li jinsabu fir-Regolament 3769/92, isiru konformi mas-sett ġdid ta’ regoli previsti fir-Regolament (KE) Nru. 111/2005. Ir-Regolament (KEE) Nru. 3769/92 għandu għalhekk ikun revokat. |
|
(2) |
Ir-Regolament (KE) Nru. 273/2004 dwar is-sustanzi prekursuri tad-droga, li jieħu post id-Direttiva tal-Kunsill 92/109/KEE (5), jarmonizza d-dispożizzjonijiet dwar it-tqegħid fuq is-suq ta’ ċertu sustanzi użati fil-manifattura illegali ta’ drogi narkotiċi u sustanzi psikotropiċi fi ħdan il-Komunità. Sabiex titjieb il-ħidma regolari tas-suq intern, għall-kummerċ tas-sustanzi prekursuri tad-droga, id-dispożizzjonijiet dwar l-applikazzjoni għal liċenzja, l-għoti jew iċ-ċaħda tal-ħruġ ta' liċenzja, is-sospensjoni jew ir-revoka tagħha, għandhom ikunu armonizzati fuq livell Komunitarju. |
|
(3) |
Huwa importanti li tkun evitata t-tneħħija mhux awtorizzata tas-sustanzi tal-Kategorija 1, u għalhekk il-bini kummerċjali fejn dawn is-sustanzi huma maħżuna jew użati għandhom ikunu assigurati kontra t-tneħħija mhux awtorizzata. |
|
(4) |
It-tipi ta’ operaturi involuti f’kummerċ fi ħdan il-Komunità li jistgħu jibbenefikaw minn liċenzji speċjali u reġistrazzjonijiet speċjali għandhom ikunu definiti aħjar. Għandhom ikunu definiti l-każi fejn l-operaturi involuti f’kummerċ bejn il-Komunità u pajjiżi terzi jistgħu jkunu eżentati mill-ħtieġa ta’ liċenzjar u reġistrazzjoni. |
|
(5) |
Id-dispożizzjonijiet li jirregolaw il-kundizzjonijiet tal-liċenzja u l-obbligazzjonijiet ta’ notifika ta’ l-operaturi involuti f’kummerċ fi ħdan il-Komunità u f’kummerċ bejn il-Komunità u pajjiżi terzi għandhom, kemm jista’ jkun possibbli, ikunu identiċi. |
|
(6) |
Għandhom jiġu stabbiliti dispożizzjonijiet li jippermettu li jkunu verifikati l-finijiet leċiti tal-kunsinni kollha ta’ sustanzi prekursuri tad-droga li jidħlu fit-territorju doganali tal-Komunità, inklużi, b’mod partikolari, il-kunsinni li jkunu fi triqithom lejn destinazzjoni oħra u dawk tat-trasbord u żoni sensittivi, bħaż-żoni Komunitarji ħielsa. |
|
(7) |
Hemm bżonn ta’ proċeduri speċifiċi għall-awtorizzazzjoni ta’ l-importazzjonijiet biex ikunu sorveljati kunsinni individwali ta’ importazzjonijiet tas-sustanzi tal-Kategorija 1 sabiex tkun evitata d-devjazzjoni f’fażi bikrija u b’mod partikolari biex tkun indirizzata l-problema dejjem tikber ta’ l-istimulanti tat-tip ta’ l-anfetamina. |
|
(8) |
Regoli dettaljati dwar in-notifika ta’ qabel l-esportazzjoni għandhom jippermettulha tadatta t-trasferiment ta’ l-informazzjoni u t-tip meħtieġ ta’ reazzjoni għas-sensittività tal-kunsinna esportata. Sabiex isir użu sħiħ min-notifika ta’ qabel l-esportazzjoni u s-sistema ta’ awtorizzazzjoni għall-esportazzjoni, l-isforzi għandhom fil-prinċipju jkunu mmirati lejn kunsinni b’riskju għoli. Regoli dettaljati dwar l-użu ssemplifikat tan-notifiki ta’ qabel l-esportazzjoni u l-għoti ta’ l-awtorizzazzjonijiet għall-esportazzjoni permezz tal-proċedura ssemplifikata għandhom jippermettu li jeħfief il-piż amministrattiv għall-kimiċi tal-massa b’użu leċitu komuni. |
|
(9) |
Bl-għan li l-kummerċ ikun sorveljat b’mod effiċjenti, l-Istati Membri għandhom jawtorizzaw lill-awtoritajiet kompetenti biex iwettqu d-dmirijiet tagħhom b’mod effiċjenti u jiskambjaw l-informazzjoni bejniethom. |
|
(10) |
Biex titjieb il-koordinazzjoni tas-sorveljanza għas-sustanzi prekursuri tad-droga huwa xieraq li l-Istati Membri jipprovdu lill-Kummissjoni, b’mod regolari, informazzjoni dwar il-prevenzjoni tad-devjazzjoni tas-sustanzi prekursuri tad-droga. |
|
(11) |
Dan ir-Regolament għandu japplika mill-istess data bħar-Regolament (KE) Nru. 273/2004 u bħar-Regolament (KE) Nru 111/2005. |
|
(12) |
Il-miżuri previsti f’dan ir-Regolament huma skond l-opinjoni tal-kumitat dwar is-sustanzi prekursuri tad-droga. |
ADOTTAT DAN IR-REGOLAMENT:
KAPITOLU I
ID-DISPOŻIZZJONIJIET ĠENERALI
Artikolu 1
Dan ir-Regolament jistabbilixxi r-regoli għall-implimentazzjoni ta’ Regolamenti (KE) Nru. 273/2004 u (KE) Nru 111/2005 fir-rigward ta’ l-uffiċjal responsabbli, il-liċenzjar u r-reġistrazzjoni ta’ operaturi, l-għoti ta’ informazzjoni, in-notifiki ta’ qabel l-esportazzjoni u l-awtorizzazzjoni ta’ esportazzjonijiet u importazzjonijiet fil-qasam tas-sustanzi prekursuri tad-droga.
Artikolu 2
Għall-finijiet ta’ dan ir-Regolament, flimkien mad-definizzjonijiet li jinsabu fir-regolamenti (KE) Nru. 273/2004 u (KE) Nru. 111/2005, il-“bini kummerċjali” għandu jfisser il-bini flimkien ma’ l-art okkupata minn operatur f’post wieħed biss.
KAPITOLU II
L-UFFIĊJAL RESPONSABBLI
Artikolu 3
L-operaturi involuti fl-importazzjoni, fl-esportazzjoni jew f’attivitajiet intermedjarji li jissemmew fl-Artikolu 2 tar-Regolament (KE) Nru. 111/2005 li jinvolvi s-sustanzi fl-iskeda tal-Kategorija 1 jew 2, għandhom jaħtru uffiċjal responsabbli għall-kummerċ fis-sustanzi msemmija fl-iskeda, jinnotifikaw ismu lill-awtoritajiet kompetenti, u d-dettalji li bihom jista’ jsir kuntatt ma’ dan l-uffiċjal u jinnotifikawhom minnufih kull meta din l-informazzjoni tinbidel.
Artikolu 4
L-uffiċjal responsabbli msemmi fl-Artikolu 3 għandu jiżgura li l-importazzjoni, l-esportazzjoni jew l-attivitajiet intermedjarji jseħħu b’konformità mad-dispożizzjonijiet legali rilevanti u għandu jingħata s-setgħa li jirrappreżenta lill-operatur u li jieħu d-deċiżjonijiet meħtieġa fit-twettiq ta’ dan il-kompitu.
KAPITOLU III
IL-LIĊENZJAR U R-REĠISTRAZZJONI TA’ L-OPERATURI
Artikolu 5
1. Sabiex tinkiseb liċenzja skond l-Artikolu 3(2) tar-Regolament (KE) Nru. 273/2004, l-operatur ikkonċernat għandu jagħmel applikazzjoni bil-miktub.
Din l-applikazzjoni għandha tinkludi dan li ġej:
|
(a) |
l-isem sħiħ u l-indirizz ta’ l-applikant; |
|
(b) |
l-isem sħiħ ta’ l-uffiċjal responsabbli; |
|
(c) |
id-deskrizzjoni tal-pożizzjoni u l-kompiti ta’ l-uffiċjal responsabbli; |
|
(d) |
l-indirizzi sħaħ ta’ fejn jinsab il-bini kummerċjali; |
|
(e) |
id-deskrizzjoni tal-postijiet kollha tal-ħażna, tal-produzzjoni, tal-manifattura u ta’ l-ipproċessar tas-sustanzi fl-iskeda; |
|
(f) |
l-informazzjoni li turi li ttieħdu miżuri xierqa kontra t-tneħħija mhux awtorizzata ta’ sustanzi fl-iskeda mill-postijiet elenkati fil-punt (e); |
|
(g) |
l-isem u l-Kowd tan-NM tas-sustanzi fl-iskeda kif iddikjarat fl-Anness I tar-Regolament (KE) Nru. 273/2004; |
|
(h) |
fil-każ ta’ taħlita jew prodott naturali, indikazzjoni ta’ dan li ġej:
|
|
(i) |
deskrizzjoni tat-tip ta’ operazzjonijiet ikkunsidrati li jissemmew fl-Artikolu 3 tar-Regolament (KE) Nru. 273/2004; |
|
(j) |
kopja awtentika tar-Reġistru tal-kumpaniji jew ta’ l-attivitajiet, fejn hu xieraq; |
|
(k) |
ċertifikat ta’ kondotta tajba ta’ l-applikant u ta’ l-uffiċjal responsabbli jew dokument li juri li dawn jagħtu l-garanzija meħtieġa għat-tmexxija xierqa ta’ l-operazzjonijiet, kif hu xieraq. |
L-applikant għandu jipprovdi lill-awtoritajiet kompetenti, fuq talba tagħhom, b’aċċess għall-informazzjoni u għad-dokumenti addizzjonali rilevanti.
2. Il-paragrafu 1 għandu japplika fir-rigward tal-liċenzji msemmija fl-Artikolu 6(1) tar-Regolament (KE) Nru 111/2005.
Għall-finijiet tal-punt (e) tal-paragrafu 1, l-applikazzjoni għandha tinkludi deskrizzjoni tal-postijiet kollha tal-ħażna, tal-ħidma, ta’ l-ipproċessar, tal-metodi normali ta’ ġestjoni u użu tas-sustanzi fl-iskeda.
Għall-finijiet tal-punt (g) u tal-punt (h) (ii) tal-paragrafu 1 għandu jingħata l-isem u l-kowd tan-NM tas-sustanzi fl-iskeda kif iddikjarat fl-Anness għar-Regolament (KE) Nru. 111/2005.
Għall-finijiet tal-punt i) tal-paragrafu 1, trid tingħata deskrizzjoni tat-tipi ta’ operat li huma maħsuba, imsemmija fl-Artikolu 6(1) tar-Regolament (KE) Nru 111/2005
Artikolu 6
L-operaturi għandhom jieħdu miżuri xierqa biex jaraw li mill-bini ma jkunx hemm tneħħija mhux awtorizzata tas-sustanzi fl-iskeda elenkati fil-Kategorija 1.
Artikolu 7
1. L-awtorità kompetenti għandha tieħu deċiżjoni dwar l-applikazzjoni għal-liċenzji msemmija fl-Artikolu 5 sa 60 ġurnata tax-xogħol mid-data li tkun waslet l-applikazzjoni.
Fil-każ ta’ tiġdid ta’ liċenzja, id-deċiżjoni għandha tittieħed fi żmien 30 ġurnata tax-xogħol.
2. L-awtorità kompetenti tista’ tissospendi l-perjodi li jissemmew fil-paragrafu 1 biex tippermetti lill-applikant jipprovdi kwalunkwe informazzjoni nieqsa. F’dan il-każ is-sospensjoni għandha tibda mill-ġurnata meta l-awtorità kompetenti tinforma lill-applikant dwar l-informazzjoni nieqsa.
3. Il-liċenzja tista’ tkopri l-operazzjonijiet kollha msemmija fir-Regolament (KE) Nru. 273/2004 u fir-Regolament (KE) Nru. 111/2005.
4. Fl-għoti tal-liċenzja, l-awtoritajiet kompetenti għandhom jużaw il-mudell stabbilit fl-Anness I.
5. L-awtorità kompetenti tista’ tagħti liċenzja taħt waħda minn dawn il-forom segwenti:
|
(a) |
liċenzja li tkopri s-sustanzi kollha fl-iskeda u l-operazzjonijiet kollha għal kull bini kummerċjali; |
|
(b) |
liċenzja li tkopri s-sustanzi kollha fl-iskeda u l-operazzjonijiet kollha għal kull Stat Membru; |
Artikolu 8
1. Sakemm il-miżuri adottati skond l-Artikolu 10 tar-Regolament (KE) Nru. 273/2004 ma jkunux ippreġudikati, l-awtoritajiet kompetenti għandhom jiċħdu l-ħruġ tal-liċenzja jekk il-kundizzjonijiet stabbiliti fl-Artikolu 5 (1) ta’ dan ir-Regolament ma jintlaħqux jew jekk ikun hemm raġunijiet validi biex wieħed jissuspetta li s-sustanzi fl-iskeda jkunu maħsuba għall-manifattura illegali ta’ drogi narkotiċi jew sustanzi psikotropiċi.
2. Soġġett għall-Artikolu 5(2), il-paragrafu 1 ta’ dan l-Artikolu jrid japplika fejn għandhom x’jaqsmu l-applikazzjonijiet taħt ir-Regolament (KE) Nru. 111/2005 u sakemm il-miżuri adottati skond l-Artikolu 26(3) ta’ dak ir-Regolament ma jkunux ippreġudikati.
Artikolu 9
Fil-każ ta’ kummerċ bejn il-Komunità u pajjiżi terzi msemmi fir-Regolament (KE) Nru. 111/2005, l-awtoritajiet kompetenti jistgħu jew jillimitaw il-validità tal-liċenzja għal perjodu li ma jeċċedix it-tliet snin jew jeħtieġu li l-operaturi, f’intervalli ta’ żmien li ma jeċċedux it-tliet snin, juru li l-kundizzjonijiet li taħthom ingħatat il-liċenzja għadhom qed jintlaħqu.
Il-validità tal-liċenzji maħruġa qabel id-dħul fis-seħħ tar-Regolament (KE) Nru. 111/2005 m’għandix tkun milquta.
Artikolu 10
1. Liċenzja m’għandix tkun trasferibbli.
2. Min għandu l-liċenzja għandu, skond l-Artikolu 5, japplika għal liċenzja ġdida f’xi każ fost dawn li ġejjin:
|
(a) |
iż-żieda ta’ sustanza oħra fl-iskeda; |
|
(b) |
il-bidu ta’ operazzjoni ġdida; |
|
(c) |
li jinbidel il-post tal-bini kummerċjali fejn ikunu qed isiru l-operazzjonijiet. |
F’dawn il-każi, il-validità tal-liċenzja eżistenti għandha tintemm fid-data li tiġi l-ewwel fost dawn li ġejjin:
|
(i) |
id-data ta’ meta tiskadi l-validità fejn terminu ta’ validità kien stabbilit skond l-Artikolu 9 ta’ dan ir-Regolament jew skond l-Artikolu 3(5) tar-Regolament (KE) Nru 273/2004; |
|
(ii) |
id-data ta’ meta tibda l-validità tal-liċenzja l-ġdida. |
3. F’każi ta’ bidliet fl-informazzjoni provduta skond l-Artikolu 5 għajr għal dawk li jissemmew fil-paragrafu 2 ta’ dan l-Artikolu, b’mod partikolari l-isem ta’ l-uffiċjal responsabbli, min għandu l-liċenzja għandu jinforma lill-awtoritajiet kompetenti fi żmien għaxart ijiem tax-xogħol wara din il-bidla.
Fil-każi fejn, wara l-bidla, il-kundizzjonijiet li jissemmew fl-Artikolu 5 jibqgħu jintlaħqu, l-awtoritajiet kompetenti għandhom jemendaw il-liċenzja kif jixraq.
4. Is-sidien tal-liċenzji għandhom jirritornaw il-liċenzji li ma jkunux għadhom validi lill-awtoritajiet kompetenti.
5. Il-paragrafu 2 għandu japplika għal-liċenzji maħruġa qabel id-data ta’ l-applikazzjoni tar-Regolament (KE) Nru. 273/2004 u tar-Regolament (KE) Nru. 111/2005.
Artikolu 11
1. Sakemm il-miżuri adottati skond l-Artikolu 10 tar-Regolament (KE) Nru. 273/2004 ma jkunux ippreġudikati, l-awtoritajiet kompetenti jistgħu jissospendu jew jirrevokaw liċenzja fil-każi li ġejjin:
|
(a) |
il-kundizzjonijiet stabbiliti fl-Artikolu 5(1) ta’ dan ir-Regolament ma jibqgħux jintlaħqu; |
|
(b) |
hemm raġunijiet validi sabiex wieħed jissuspetta li s-sustanzi fl-iskeda huma maħsuba għall-manifattura illegali ta’ drogi narkotiċi jew sustanzi psikotropiċi; |
|
(c) |
min għandu l-liċenzja ma jkunx uża l-liċenzja għall-perjodu ta’ tliet snin. |
2. Soġġett għall-Artikolu 5(2), il-paragrafu 1 ta’ dan l-Artikolu għandu japplika fir-rigward tal-liċenzji skond ir-Regolament (KE) Nru. 111/2005 u sakemm il-miżuri adottati skond l-Artikolu 26 (3) ta’ dan ir-Regolament mhumiex ippreġudikati.
Artikolu 12
1. L-Artikoli 5 sa 11 m’għandhomx japplikaw għal-liċenzji speċjali msemmija fl-Artikolu 3(2) tar-Regolament (KE) Nru. 273/2004.
2. L-awtoritajiet pubbliċi msemmija fil-paragrafi 2 u 6 ta’ l-Artikolu 3 tar-Regolament (KE) Nru. 273/2004 għandhom jinkludu d-dwana, il-pulizija u l-laboratorji uffiċjali ta’ l-awtoritajiet kompetenti.
Artikolu 13
L-ispiżeriji, l-ispiżeriji tal-mediċina veterinarja, id-dwana, il-pulizija u l-laboratorji uffiċjali ta’ l-awtoritajiet kompetenti u l-forzi armati għandhom ikunu eżentati mill-ħtieġa ta’ liċenzjar u reġistrazzjoni skond ir-Regolament (KE) Nru. 111/2005 fejn dawn l-operaturi jużaw sustanzi prekursuri tad-droga fl-ambitu tad-dmirijiet uffiċjali tagħhom biss.
L-operaturi indikati fl-ewwel paragrafu huma eżentati wkoll minn dan li ġej
|
(a) |
l-għotja tad-dokumentazzjoni msemmija fl-Artikolu 3 ta’Regolament (KE) Nru. 111/2005, |
|
(b) |
l-obbligu li jinħatar uffiċjal reponsabbli kif previst fl-Artikolu 3 ta’ dan Regolament. |
Artikolu 14
1. L-operaturi involuti fl-esportazzjoni ta’ sustanzi fl-iskeda elenkati fil-Kategorija 3 ta’ l-Anness għar-Regolament (KE) Nru. 111/2005 għandhom ikunu eżentati mill-ħtieġa ta’ reġistrazzjoni msemmija fl-Artikolu 7(1) ta’ dan ir-Regolament jekk it-total tal-kwantitajiet li jirrigwardaw l-esportazzjonijiet tagħhom matul is-sena kalendarja preċedenti (1 ta’ Jannar –31 ta’ Diċembru) ma jeċċedix l-ammonti speċifikati fl-Anness II għal dan ir-Regolament.
Meta dawn l-ammonti jinqabżu fis-sena kalendarja kurrenti l-operatur għandu minnufih jikkonforma mal-ħtieġa li jirreġistra.
2. L-operaturi involuti fl-esportazzjoni ta’ taħlitiet li fihom is-sustanzi fl-iskeda elenkati fil-Kategorija 3 ta’ l-Anness għar-Regolament (KE) Nru. 111/2005, għandhom ikunu eżentati mill-ħtieġa ta’ reġistrazzjoni msemmija fl-Artikolu 7(1) ta’ dan ir-Regolament jekk l-ammont tas-sustanza fl-iskeda preżenti fit-taħlitiet ma jeċċeddix, matul is-sena kalendarja preċendenti, l-ammonti speċifikati fl-Anness II għal dan ir-Regolament.
Meta dawn l-ammonti jinqabżu fis-sena kalendarja kurrenti, l-operatur għandu minnufih jikkonforma mal-ħtieġa li jirreġistra.
Artikolu 15
Għall-finijiet ta’ l-Artikolu 6 tar-Regolament (KE) Nru. 273/2004, il-klijenti għandhom jinformaw lill-fornituri tagħhom jekk l-Artikolu japplikax għalihom.
Artikolu 16
Fejn, skond l-Artikolu 8(1) tar-Regolament (KE) Nru. 111/2005, l-awtoritajiet kompetenti jitolbu prova tal-finijiet legali tat-tranżazzjoni, l-operatur għandu, skond il-mudell stabbilit fl-Anness III għal dan ir-Regolament, jipprovdi dikjarazzjoni bil-miktub li permezz tagħha l-awtoritajiet kompetenti jistgħu jkunu sodisfatti li l-kunsinna telqet mill-pajjiż ta’ l-esportazzjoni skond id-dispożizzjonijiet nazzjonali fis-seħħ adottati skond l-Artikolu 12 tal-Konvenzjoni tan-Nazzjonijiet Uniti kontra t-traffiku illegali fid-Drogi Narkotiċi u s-sustanzi Psikotropiċi (minn hawn ’il quddiem “il-Konvenzjoni tan-Nazzjonijiet Uniti”).
Madankollu, l-operatur jista’ wkoll jippreżenta l-awtoritazzazzjoni għall-importazzjoni msemmija fl-Artikolu 20 tar-Regolament (KE) Nru 111/2005 jew id-dikjarazzjoni tal-klijent imsmmija fl-Artikolu 4 tar-Regolament (KE) Nru. 273/2004.
KAPITOLU IV
L-INFORMAZZJONI PPROVDUTA
Artikolu 17
Għall-finijiet ta’ l-Artikolu 8(2) tar-Regolament (KE) Nru. 273/2004 l-operaturi għandhom jinformaw lill-awtoritajiet kompetenti fil-qosor dwar il-kwantitajiet tas-sustanzi fl-iskeda użati jew fornuti u, fil-każ ta’ forniment, il-kwantità fornuta lil kull parti terza.
L-ewwel paragrafu għandu japplika għas-sustanzi fl-iskeda fil-Kategorija 3, biss fuq talba mill-awtoritajiet kompetenti.
Artikolu 18
1. Għall-finijiet ta’ l-Artikolu 9(2) tar-Regolament (KE) Nru. 111/2005 l-operaturi li għandhom liċenzja jew reġistrazzjoni għandhom jinformaw lill-awtoritajiet kompetenti dwar dan li ġej:
|
(a) |
l-esportazzjonijiet kollha tas-sustanzi fl-iskeda soġġetti għal awtorizzazzjoni ta’ l-esportazzjoni; |
|
(b) |
l-importazzjonijiet kollha tas-sustanzi fl-iskeda tal-Kategorija 1 li jeħtieġu awtorizzazzjoni għall-importazzjoni jew il-każi kollha fejn is-sustanzi fl-iskeda tal-Kategorija 2 jiddaħħlu f’żona ħielsa ta’ kontroll tat-tip II, u jitqiegħdu taħt proċedura li twassal għal sospensjoni għajr għal meta jkunu se jintbagħtu f’destinazzjoni oħra, jew jinħelsu biex jiċċirkolaw b’mod ħieles; |
|
(c) |
l-attivitajiet intermedjarji kollha li jinvolvu s-sustanzi fl-iskeda tal-Kategoriji 1 u 2. |
2. L-informazzjoni msemmija fil-punt (a) tal-paragrafu 1 għandha tkun organizzata billi ssir referenza għall-pajjiżi tad-destinazzjoni, għall-kwantitajiet li jridu jiġu esportati u għan-numri ta’ referenza ta’ l-awtorizzazzjonijiet għall-esportazzjoni, skond kif ikun il-każ.
3. L-informazzjoni msemmija fil-punt (b) tal-paragrafu 1 għandha tkun organizzata billi ssir referenza għall-pajjiż terz ta’ l-esportazzjoni u għan-numru ta’ referenza ta’ l-awtorizzazzjonijiet għall-importazzjoni, skond kif ikun il-każ.
4. L-informazzjoni msemmija fil-punt (c) tal-paragrafu 1 għandha tkun organizzata billi ssir referenza għall-pajjiżi terzi involuti f’dawn l-attivitajiet intermedjarji u għall-awtorizzazzjoni għall-esportazzjoni u għall-importazzjoni, skond kif ikun il-każ. L-operaturi għandhom jipprovdu aktar informazzjoni, fuq talba ta’ l-awtoritajiet kompetenti.
Artikolu 19
L-informazzjoni li tissemma fl-Artikoli 17 u 18 għandha tkun ipprovduta darba fis-sena qabel il-15 ta’ Frar.
L-operatur għandu jinforma wkoll lill-awtoritajiet kompetenti meta ma tkun saret l-ebda operazzjoni.
L-informazzjoni għandha titiqies bħala informazzjoni kummerċjali konfidenzjali.
KAPITOLU V
IN-NOTIFIKA TA’ QABEL L-ESPORTAZZJONI
Artikolu 20
Il-listi li jissemmew fl-Artikolu 11(1) tar-Regolament (KE) Nru. 111/2005 għandhom, ta’ l-inqas, jinkludu dan li ġej:
|
(a) |
il-pajjiżi li magħhom il-Komunità kkonkludiet ftehim speċifiku dwar is-sustanzi prekursuri tad-droga; |
|
(b) |
il-pajjiżi terzi li talbu li jirċievu notifika ta’ qabel l-esportazzjoni skond l-Artikolu 12(10) tal-Konvenzjoni tal-Nazzjonijiet Uniti. |
Dawn il-listi huma mniżżla fl-Anness IV.
Artikolu 21
1. Fil-każ ta’ l-esportazzjonijiet maħsuba għall-proċedura ssemplifikata ta’ l-awtorizzazzjoni għall-esportazzjoni msemmija fl-Artikolu 19 tar-Regolament (KE) Nru. 111/2005 u fl-Artikoli 25, 26 u 27 ta’ dan ir-Regolament, l-awtoritajiet kompetenti jistgħu jibagħtu notifika ssemplifikata ta’ awtorizzazzjoni ta’ qabel l-esportazzjoni li tkopri diversi operazzjonijiet ta’ esportazzjoni mwettqa f’perjodu speċifiku ta’ sitta jew tnax-il xahar.
2. L-awtoritajiet kompetenti għandhom jagħtu l-informazzjoni speċifikata fl-Artikolu 13(1) tar-Regolament (KE) Nru. 111/2005 u jindikaw lill-awtoritajiet kompetenti fil-pajjiż terz tad-destinazzjoni li n-notifika ta’ qabel l-esportazzjoni tkopri numru ta’ operazzjonijiet ta’ esportazzjoni mwettqa f’perjodu speċifiku ta’ sitta jew tnax-il xahar.
3. L-awtoritajiet kompetenti għandhom jibagħtu notifika ta’ qabel l-esportazzjoni lill-pajjiż tad-destinazzjoni billi jużaw il-formola għan-“notifika multilaterali ta’ rapportar kimiku” stabbilita fl-Anness V.
KAPITOLU VI
L-AWTORIZZAZZJONI GĦALL-IMPORTAZZJONI/ESPORTAZZJONI
Artikolu 22
Il-pajjiżi tad-destinazzjoni ta’ l-esportazzjonijiet tas-sustanzi fl-iskeda elenkati fil-Kategorija 3 li jeħtieġu awtorizzazzjoni għall-esportazzjoni huma indikati fl-Anness IV.
Artikolu 23
1. L-awtorizzazzjonijiet għall-esportazzjoni u għall-importazzjoni għandhom isiru fuq il-formoli mogħtija fl-Anness VI u fl-Anness VII rispettivament. It-taqsim tal-formoli għandu jkun wieħed li jorbot.
Awtorizzazzjoni għall-esportazzjoni jew għall-importazzjoni tista’ tingħata wkoll b’mezzi elettroniċi. F’dak il-każ, l-Istati Membri jistgħu jadattaw il-kaxxa li għandha x’taqsam man-numru ta’ l-awtorizzazzjoni.
2. Awtorizzazzjoni għall-esportazzjoni għandha tkun stabbilita f’erba’ kopji nnumerati mill-1 sa l-4.
Il-Kopja Nru. 1 għandha tinżamm mill-awtorità li toħroġ l-awtorizzazzjoni.
Il-Kopji Nru. 2 u Nru. 3 għandhom ikunu mas-sustanzi fl-iskeda u jkunu ppreżentati lill-uffiċċju tad-dwana fejn issir id-dikjarazzjoni ta’ l-esportazzjoni doganali u sussegwentement lill-awtoritajiet kompetenti fil-punt tal-ħruġ mit-territorju doganali tal-Komunità. L-awtoritajiet kompetenti, fil-punt tal-ħruġ, għandhom jirritornaw il-Kopja Nru. 2 lill-awtorità li tkun ħarġitha. Il-Kopja Nru. 3 għandha tkun mas-sustanzi fl-iskeda għand l-awtorità kompetenti tal-pajjiż ta’ importazzjoni.
Il-Kopja Nru. 4 għandha tinżamm mill-esportatur.
3. L-awtorizzazzjoni għall-importazzjoni għandha tkun stabbilita f’erba’ kopji nnumerati mill-1 sa l-4.
Il-Kopja Nru. 1 għandha tinżamm mill-awtorità li toħroġ l-awtorizzazzjoni.
Il-Kopja Nru. 2 għandha tintbagħat lill-awtorità kompetenti tal-pajjiż li qed jesporta mill-awtorità li toħroġha.
Il-Kopja Nru. 3 għandha tkun mas-sustanzi fl-iskeda mill-punt tad-dħul fit-territorju doganali tal-Komunità sal-bini kummerċjali ta’ l-importatur, li jibgħat din il-kopja lill-awtorità li tkun ħarġitha.
Il-Kopja Nru. 4 għandha tinżamm mill-importatur.
4. Awtorizzazzjoni għall-esportazzjoni jew għall-importazzjoni m’għandix tingħata għal aktar minn żewġ sustanzi fl-iskeda.
Artikolu 24
1. Il-formoli ta’ l-awtorizzazzjoni għandhom ikunu stampati f’waħda mil-lingwi uffiċjali tal-Komunità jew f’aktar minn waħda.
2. Il-formoli għandhom ikunu ta’ format A4. Dawn għandu jkollhom sfond stampat b’disinn ornamentali li jixbaħ żagarelli mmaljati li minħabba fih tidher kwalunkwe falsifakazzjoni b’mezzi mekkaniċi jew kimiċi.
3. L-Istati Membri jistgħu jirriservaw id-dritt li jistampaw il-formoli ta’ l-awtorizzazzjoni huma stess jew jibagħtuhom għall-istampar għand stampaturi approvati minnhom. F’dan l-aħħar każ, kull formola ta’ l-awtorizzazzjoni għandha tinkludi referenza għal approvazzjoni bħal din. Barra minn hekk, il-formola ta’ l-awtorizzazzjoni għandu jkollha l-isem u l-indirizz ta’ l-istampatur jew marka li biha l-istampatur jista’ jkun identifikat.
Artikolu 25
Fuq applikazzjoni min-naħa ta’ l-operatur ikkonċernat, l-awtorità kompetenti tista’ tagħti awtorizzazzjoni għall-esportazzjoni bi proċedura ssemplifikata, kif jissemma fl-Artikolu 19 tar-Regolament (KE) Nru 111/2005, f’każi ta’ esportazzjoni frekwenti ta’ sustanza fl-iskeda speċifika waħda, fil-lista tal-Kategorija 3, li tinvolvi l-istess esportatur stabbilit fil-Komunità u l-istess importatur fl-istess pajjiż terz tad-destinazzjoni, li tkopri perjodu speċifiku ta’ żmien ta’ sitta jew tnax-il xahar.
Awtorizzazzjoni ssemplifikata għall-esportazzjoni bħal din tista’ tingħata biss fil-każi li ġejjin:
|
(a) |
fejn matul l-esportazzjonijiet preċedenti l-operatur wera l-ħila li jissodisfa l-obbligazzjonijiet kollha marbuta ma’ dawk l-esportazzjonijiet, u ma wettaq l-ebda offiża kontra l-leġislazzjoni rilevanti; |
|
(b) |
fejn l-awtorità kompetenti tista’ tkun sodisfatta dwar il-finijiet legali ta’ dawn l-operazzjonijiet ta’ esportazzjoni. |
Artikolu 26
1. L-applikazzjoni għall-awtorizzazzjoni ssemplifikata għall-esportazzjoni li tissemma fl-Artikolu 25 għandha tinkludi, ta’ l-inqas, dan li ġej:
|
(a) |
l-ismijiet u l-indirizzi ta’ l-esportatur, l-importatur fil-pajjiż terz u d-destinatarju finali; |
|
(b) |
l-isem tas-sustanza fl-iskeda, kif indikat fl-Anness għar-Regolament (KE) Nru. 111/2005, jew, fil-każ ta’ taħlita jew prodott naturali, l-isem u l-Kowd tan-NM tagħha u l-isem ta’ kwalunkwe sustanza fl-iskeda, kif indikat fl-Anness għar-Regolament (KE) Nru. 111/2005, li tinsab fit-taħlita jew fil-prodott naturali; |
|
(c) |
il-kwantità massima tas-sustanza fl-iskeda maħsuba għall-esportazzjoni; |
|
(d) |
il-perjodu ta’ żmien maħsub għall-operazzjonijiet ta’ esportazzjoni. |
2. L-awtorità kompetenti għandha tieħu d-deċiżjoni dwar l-applikazzjoni għall-awtorizzazzjoni ssemplifikata ta’ l-esportazzjoni f’perjodu ta’ 15-il ġurnata ta’ xogħol mid-data li fiha tkun waslet l-informazzjoni meħtieġa.
Artikolu 27
1. Għandha tkun stabbilita awtorizzazzjoni għall-esportazzjoni mogħtija bi proċedura ssemplifikata billi jintużaw il-kopji Nru. 1, 2, u 4 u l-formola stabbilita fl-Anness VI.
Il-Kopja Nru. 1 għandha tinżamm mill-awtorità li toħroġ l-awtorizzazzjoni.
Il-Kopja Nru. 2 u l-Kopja Nru. 4 għandhom jibqgħu għand l-esportatur.
L-esportatur għandu jindika d-dettalji ta’ kull operazzjoni ta’ esportazzjoni fuq in-naħa ta’ wara tal-Kopja Nru. 2, b’mod partikolari l-kwantità tas-sustanza fl-iskeda ta’ kull operazzjoni ta’ esportazzjoni u l-kwantità li jkun fadal. Il-Kopja Nru. 2 għandha tkun ippreżentata lill-uffiċċju doganali meta ssir id-dikjarazzjoni tad-dwana. L-uffiċċju doganali għandu jikkonferma d-dettalji u jirritorna l-kopja lill-esportatur.
2. L-operatur għandu jikteb in-numru ta’ l-awtorizzazzjoni u l-kliem “proċedura ssemplifikata ta’ awtorizzazzjoni għall-esportazzjoni” fuq id-dikjarazzjoni tad-dwana għal kull operazzjoni ta’ esportazzjoni.
Fejn l-uffiċċju doganali tal-ħruġ ma jkunx fil-punt tal-ħruġ mit-territorju doganali tal-Komunità, l-informazzjoni msemmija fl-ewwel sotto-paragrafu għandha tkun provduta fuq id-dokumenti li jkun hemm mal-kunsinna esportata.
3. L-esportatur għandu jirritorna l-Kopja Nru. 2 lill-awtorità li ħarġitha mhux aktar tard minn għaxart ijiem ta’ xogħol wara li jiskadi l-perjodu ta’ validità ta’ l-awtorizzazzjoni għall-esportazzjoni mogħtija bi proċedura ssemplifikata.
KAPITOLU VII
ID-DISPOŻIZZJONIJIET FINALI
Artikolu 28
1. Kull Stat Membru għandu jadotta l-miżuri meħtieġa biex jippermetti lill-awtoritajiet kompetenti biex iwettqu d-dmirijiet tagħhom ta’ kontroll u sorveljanza, inklużi spezzjonijiet biex ikun eżaminat jekk il-bini kummerċjali huwiex xieraq.
2. L-Istati Membri għandhom jiggarantixxu l-iskambju ta’ informazzjoni bejn l-awtoritajiet kollha involuti.
Artikolu 29
1. Fix-xahar li jiġi wara kull perjodu kalendarju ta’ tliet xhur, kull Stat Membru għandu jibgħat lill-Kummissjoni lista li tipprovdi l-informazzjoni dwar il-każi fejn il-ħruġ tas-sustanzi fl-iskeda kien sospiż jew is-sustanzi fl-iskeda kienu miżmuma.
Din l-informazzjoni għandha tinkludi dan li ġej:
|
(a) |
l-isem tas-sustanzi fl-iskeda; jekk magħrufa, l-oriġini tagħhom, minn fejn ġejjin u d-destinazzjoni tagħhom; |
|
(b) |
il-kwantità tas-sustanzi fl-iskeda, l-istat doganali tagħhom u l-mezz ta’ trasport użat. |
2. Fit-tmiem ta’ kull sena kalendarja, il-Kummissjoni għandha tikkomunika lill-Istati Membri kollha l-informazzjoni li rċeviet skond il-paragrafu 1.
Artikolu 30
Ir-Regolament (KEE) Nru. 3769/92 huwa rrevokat b’effett mit-18 ta’ Awwissu 2005.
Ir-referenzi għar-Regolament irrevokat għandhom jitqiesu bħala referenzi għal dan ir-Regolament.
Artikolu 31
Sa mhux aktar tard mill-31 ta’ Diċembru 2005, l-awtoritajiet kompetenti għandhom jirrevokaw l-awtorizzazzjonijiet individwali għall-esportazzjonijiet li għadhom miftuħa, li kienu ngħataw skond l-Artikoli 5(3) u 5a(3) tar-Regolament (KEE) Nru. 3677/90. Madankollu, din ir-revoka m’għandix ikollha effett fuq is-sustanzi fl-iskeda li kienu ddikjarati għall-esportazzjoni qabel l-1 ta’ Jannar 2006.
Artikolu 32
Dan ir-Regolament irid jidħol fis-seħħ fil-jum tal-pubblikazzjoni tiegħu fil-Ġurnal Uffiċjali ta’ l-Unjoni Ewropea.
uwa japplika mit-18 ta’ Awwissu 2005.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, nhar is-27 ta' Lulju 2005.
Għall-Kummissjoni
Gunther VERHEUGEN
Viċi-President
(3) ĠU L 357, 20.12.1990, p. 1.
(4) ĠU L 383, 29.12.1992, pġ. 17; Regolament kif l-aħħar emendat mir-Regolament (KE) Nru 1232/2002 (ĠU L 180, 10.7.2002, p. 5);
(5) ĠU L 370, 19.12.1992, p. 76, Direttiva kif l-aħħar emendata mid-Direttiva 2003/101/KE (ĠU L 286, 4.11.2003, p. 14);
ANNESS I
Noti
|
1. |
It-taqsim tal-mudell ma jorbotx. |
|
2. |
In-numri ta’ l-ordni u t-test tal-mudell jorbtu. Il-kaxxi mmarkati b’tipa skura għandhom jimtlew bilfors. |
|
3. |
Id-dettalji tal-kaxxi:
|
|
4. |
L-Istati Membri jistgħu jipprovdu xi kaxxi oħra għal finijiet nazzjonali. Dawn il-kaxxi għandhom ikunu indikati b’numru ta’ l-ordni segwit minn ittra kapitali (eż. 4A). |
ANNESS II
|
Sustanza |
Kwantità |
|
Aċetun (1) |
50 kg |
|
Etere ta’ l-etile (1) |
20 kg |
|
Methylethylketone (1) |
50 kg |
|
Toluene (1) |
50 kg |
|
Aċidu sulfuriku |
100 kg |
|
Aċidu idrokloriku |
100 kg |
(1) L-imluħ ta’ dawn is-sustanzi kull fejn l-eżistenza ta’ dawn l-imluħ hija possibbli.
ANNESS III
Noti
|
1. |
It-taqsim tal-mudell ma jorbotx. |
|
2. |
In-numri ta’ l-ordni u t-test tal-mudell jorbtu. |
ANNESS IV
|
I. |
Il-lista tal-pajjiżi li jissemmew fl-Artikolu 20:
|
|
II. |
Il-lista tal-pajjiżi msemmija fl-Artikoli 20 u 22:
|
(1) Dan jinkludi l-imluħ ta’ dawn is-sustanzi kull fejn l-eżistenza ta’ dawn l-imluħ hija possibbli.
ANNESS V
Noti
|
1. |
It-taqsim tal-mudell ma jorbotx. |
|
2. |
In-numri ta’ l-ordni u t-test tal-mudell jorbtu. Il-kaxxi mmarkati b’tipa skura għandhom jimtlew bilfors. |
|
3. |
Aktar dettalji dwar il-kaxxi:
|
ANNESS VI
Noti
I.
|
1. |
L-awtorizzazzjoni għandha timtela f’waħda mil-lingwi uffiċjali tal-Komunità. Jekk tinkiteb bl-id, għandha timtela bil-linka b’ittra kapitali. |
|
2. |
Il-kaxxi 1, 3, 5, 7, 9 sa 19 għandhom jimtlew mill-applikant hekk kif iressaq it-talba; madankollu l-informazzjoni meħtieġa fil-kaxxi 7, 8 u 10 sa 13 u 18 tista’ tingħata aktar tard, jekk l-informazzjoni ma tkunx magħrufa fil-waqt tat-talba. F’dan il-każ, l-informazzjoni fil-Kaxxa 18 għandha tkun miżjuda sa mhux aktar tard minn meta ssir id-dikjarazzjoni ta’ l-esportazzjoni u l-informazzjoni supplimentari tal-kaxxi 7, 8 u 10 sa 13 għandha tingħata lid-dwana jew lil awtorità oħra fil-punt tal-ħruġ mit-territorju tal-Komunità sa mhux aktar tard mit-tluq fiżiku tal-prodotti. |
|
3. |
Il-kaxxi 1, 5, 7 u 9: Daħħal l-ismijiet u l-indirizzi sħaħ (telefon, fax u email jekk disponibbli). |
|
4. |
Il-kaxxa 5: Daħħal in-numru ta’ referenza għad-dokument ta’ awtorizzazzjoni għall-importazzjoni ta’ l-importatur tal-pajjiż terz, (per eżempju, “ittra ta’ nuqqas ta’ oġġezzjoni”, permess ta’ importazzjoni, dikjarazzjoni oħra mill-pajjiż terz tad-destinazzjoni), fejn ikun xieraq. |
|
5. |
Il-kaxxa 7: Daħħal l-isem u l-indirizz sħiħ (telefon, fax u email jekk disponibbli) ta’ kull operatur ieħor involut fl-operazzjoni ta’ l-esportazzjoni bħat-trasportaturi, l-intermedjarji, l-aġenti doganali. |
|
6. |
Il-kaxxa 9: Daħħal l-isem u l-indirizz sħiħ (telefon, fax u email jekk disponibbli) tal-persuni jew tal-kumpanija li għandha se jitwasslu l-prodotti fil-pajjiż tad-destinazzjoni (mhux neċessarjament l-utent finali). |
|
7. |
Il-kaxxa 10: Agħti l-isem ta’ l-Istat Membru, il-port, l-ajruport jew il-punt tal-fruntieri, fejn adattat. |
|
8. |
Il-kaxxa 11: Agħti l-isem tal-pajjiż, il-port, l-ajruport jew il-punt tal-fruntiera, fejn adattat. |
|
9 |
Il-kaxxa 12: Speċifika l-mezzi kollha tat-trasport li se jintużaw (eż. trakk, vapur, ajruplan, ferrovija, eċċ). Fil-każ ta’ awtorizzazzjoni għall-esportazzjoni li tkopri diversi operazzjonijiet ta’ esportazzjoni, din il-kaxxa m’għandhiex għalfejn timtela. |
|
10. |
Il-kaxxa 13: Agħti kemm jista’ jkun dettalji sħaħ dwar ir-rotta li se tittieħed |
|
11. |
Il-kaxxi 14 a, b: Daħħal l-isem tas-sustanza fl-iskeda kif iddikjarat fl-Anness għar-Regolament (KE) Nru. 111/2005 jew fil-każ ta’ taħlita jew prodott minerali, l-isem u l-Kowd tan-NM ta’ 8 numri tat-taħlita jew prodott naturali |
|
12. |
Il-kaxxi 14 a, b: Identifika l-pakketti u s-sustanzi bi preċiżjoni (eż. 2 laned ta’ 5 litri kull waħda). Fil-każ ta’ taħlita, prodott naturali jew preparazzjoni, indika l-isem kummerċjali konċernat. |
|
13. |
Il-kaxxi 15 a, b: Daħħal il-Kowd tan-NM ta’ 8 numri tas-sustanza fl-iskeda kif iddikjarat fl-Anness għar-Regolament (KE) Nru. 111/2005. |
|
14. |
Il-kaxxa 19:
|
(Il-proċedura ssimplifikata ta’ l-awtorizzazzjoni għall-esportazzjoni)
|
1. |
Fil-każ ta’ proċedura ssemplifikata ta’ l-awtorizzazzjoni għall-esportazzjoni, il-kaxxi 7 sa 13 u 18 jistgħu ma jimtlewx. |
|
2. |
Fuq in-naħa ta’ wara tal-Kopja Nru.2, il-kaxxi 24 sa 27 jistgħu jimtlew għal kull operazzjoni ta’ esportazzjoni. |
|
3. |
Il-kaxxa 23: Indika l-kwantità massima awtorizzata u l-piż nett Il-kolonna 24: Indika l-kwantità disponibbli fil-parti 1 u l-kwantità parzjali għall-esportazzjoni fil-parti 2. Il-kolonna 25: Indika l-kwantità parzjali għall-esportazzjoni fi kliem. Il-kaxxa 26: In-numru ta’ referenza u d-data tad-dikjarazzjoni tad-dwana. |
ANNESS VII
Noti
|
1. |
L-awtorizzazzjoni għandha timtela f’waħda mil-lingwi uffiċjali tal-Komunità. Jekk tinkiteb bl-id, din għandha timtela bil-linka b’ittra kapitali. |
|
2. |
Il-kaxxi 1, 4, 6, 8 u 11 sa 16 għandhom jimtlew mill-applikant hekk kif iressaq it-talba; madankollu l-informazzjoni meħtieġa fil-kaxxi 7, 9, 10 u 15 tista’ tingħata aktar tard. F’dan il-każ, din l-informazzjoni għandha tiżdied sa mhux aktar tard minn meta l-prodotti jiddaħħlu fit-territorju doganali tal-Komunità. |
|
3. |
Il-kaxxi 1, 4: Daħħal l-ismijiet u l-indirizzi sħaħ (telefon, fax u email jekk disponibbli). |
|
4. |
Il-kaxxa 6: Daħħal l-isem u l-indirizz sħiħ (telefon, fax u email jekk disponibbli) ta’ kull operatur ieħor involut fl-operazzjoni ta’ l-esportazzjoni bħat-trasportatur, l-intermedjarji, l-aġenti doganali. |
|
5. |
Il-kaxxa 8: Daħħal l-isem u l-indirizz sħiħ tad-destinatarju finali. Id-destinatarju finali jista’ jkun identiku għall-importatur. |
|
6. |
Il-kaxxa 7: Daħħal l-isem u l-indirizz (telefon, fax u email jekk disponibbli) ta’ l-awtorità tal-pajjiż terz. |
|
7. |
Il-kaxxa 9: Agħti l-isem ta’ l-Istat Membru u l-port, l-ajruport jew il-punt tal-fruntiera |
|
8. |
Il-kaxxa 10: Speċifika l-mezzi kollha tat-trasport li se jintużaw (eż. trakk, vapur, ajruplan, ferrovija, eċċ). |
|
9. |
Il-kaxxi 11a, 11b: Daħħal l-isem tas-sustanza fl-iskeda kif iddikjarat fl-Anness għar-Regolament (KE) Nru. 111/2005 jew fil-każ ta’ taħlita jew prodott minerali, l-isem u l-Kowd tan-NM ta’ 8 numri tat-taħlita jew tal-prodott naturali. |
|
10. |
Il-kaxxi 11a, 11b: Identifika l-pakketti u s-sustanzi bi preċiżjoni (eż. 2 laned ta’ 5 litri kull waħda). Fil-każ ta’ taħlita, prodott naturali jew preparazzjoni, indika l-isem kummerċjali konċernat. |
|
11. |
Il-kaxxi 12a, 12b: Daħħal il-Kowd tan-NM ta’ 8 numri tas-sustanza fl-iskeda kif iddikjarat fl-Anness għar-Regolament (KE) Nru. 111/2005. |
|
12. |
Il-kaxxa 16:
|