A.   Ittra mill-Komunità

Brussell,

Sinjur,

Għandi l-unur nikkonferma l-fehim li ġej li ntlaħaq bejn il-Komunità Ewropea (aktar ’il quddiem il-“Komunità”) u l-Istati Uniti ta’ l-Amerika (aktar ’il quddiem l-“Istati Uniti”) b’rabta mal-Ftehim bejn il-Komunità Ewropea u l-Istati Uniti ta’ l-Amerika dwar il-Kummerċ ta’ l-Inbid (il-“Ftehim dwar l-Inbid”) li ġie inizjalat fl-14 ta’ Settembru 2005.

1.   Wara li ġiet ikkunsidrata l-ħtieġa li ma jiġix imfixkel il-kummerċ ta’ l-inbid bejn il-Partijiet sakemm jidħol fis-seħħ il-Ftehim dwar l-Inbid u b’mod partikolari d-data ta’ l-applikazzjoni ta’ l-Artikoli 4 u 9 tiegħu kif previst fl-Artikolu 17(2) tiegħu, il-Komunità ser tkompli tapplika:

2.   Kemm-il darba l-kondizzjonijiet fil-paragrafi 1(a) u 1(b) huma sodisfatti, l-Istati Uniti m’għandhiex tirrestrinġi, fuq il-bażi jew tal-prattiki tal-produzzjoni ta’ l-inbid jew inkella ta’ l-ispeċifikazzjonijiet tal-prodott, l-importazzjoni, it-tqegħid fis-suq jew il-bejgħ ta’ inbid li joriġina mit-territorju tal-Komunità, li jinħadem bl-użu ta’ prattiki u proċeduri tal-produzzjoni ta’ l-inbid li huma awtorizzati skond liġijiet, regolamenti u rekwiżiti tal-Komunità sa mid-data ta’ din l-ittra, u l-Istati Uniti taċċetta dawk il-prattiki u proċeduri fit-tifsira tat-Taqsima 2002(a)(1)(B) tal-Liġi Pubblika ta’ l-Istati Uniti 108-429. Dan l-impenn mill-Istati Uniti huwa fir-rigward ta’ inbid li jaqa’ fi ħdan il-kamp ta' applikazzjoni tal-Ftehim ta’ l-Inbid u b’mod partikolari, l-Artikolu 3 tiegħu. Il-miżuri meħuda minn kull waħda miż-żewġ Partijiet għall-ħarsien tas-saħħa u s-sigurtà tal-bniedem ma jaqgħux taħt il-kamp ta' applikazzjoni ta’ dan l-impenn. Il-ftehim deskritt hawn taħt ma jinkludi l-ebda rekwiżit għal ċertifikazzjoni mill-Komunità li l-prattiċi u l-proċeduri użati għall-produzzjoni ta’ l-inbid fil-Komunità jikkostitwixxu “ proper cellar treatment ” (trattament tajjeb fil-kantina) skond it-tifsira tat-Taqsima 2002 tal-Liġi Pubblika ta’ l-Istati Uniti 108-429.

3.   Waqt li tirrikonoxxi li l-Ftehim dwar l-Inbid ma japplikax għal inbejjed b’kontenut ta’ alkoħol ta’ inqas minn 7 fil-mija (7 %) bil-volum, u waqt li tirrikonoxxi wkoll li tali inbid li joriġina mit-territorju tal-Komunità jinħadem bl-użu tal-prattiki u l-proċeduri tal-produzzjoni ta’ l-inbid li huma awtorizzati skond il-liġijiet, ir-regolamenti u r-rekwiżiti tal-Komunità mniżżla fl-Anness I tal-Ftehim dwar l-Inbid, l-Istati Uniti taċċetta dawk il-prattiki u l-proċeduri fir-rigward ta’ tali inbid fi ħdan it-tifsira tat-Taqsima 2002(a)(1)(B) tal-Liġi Pubblika ta’ l-Istati Uniti 108-429, tul iż-żmien li l-kondizzjonijiet tal-paragrafi 1(a) u 1(b) ta’ hawn fuq ikunu sodisfatti jew l-Artikoli 4 u 9 tal-Ftehim dwar l-Inbid ikunu fis-seħħ. Barra minn hekk, il-ftehim deskritt hawn taħt ma fih l-ebda rekwiżit għal ċertifikazzjoni mill-Komunità li l-prattiki u l-proċeduri użati għall-produzzjoni ta’ l-inbid b’kontenut ta’ alkoħol ta’ inqas minn 7 fil-mija (7 %) bil-volum fil-Komunità jikkostitwixxu “ proper cellar treatment ” skond it-tifsira tat-Taqsima 2002(a)(1)(B) tal-Liġi Pubblika ta’ l-Istati Uniti 108-429. Il-miżuri meħuda minn kwalunkwe Parti għall-ħarsien tas-saħħa u s-sigurtà tal-bniedem ma jaqgħux taħt il-kamp ta' applikazzjoni ta’ dan l-impenn.

4.   Il-paragrafi 1 u 2 għandhom japplikaw sad-data ta’ l-applikazzjoni ta’ l-Artikoli 4 u 9 tal-Ftehim dwar l-Inbid, kif previst fl-Artikolu 17(2) tiegħu, iżda mhux għal aktar minn perijodu ta’ tliet snin mid-data tad-dħul fis-seħħ ta’ dan il-ftehim deskritt hawn taħt. Minkejja dan li għadu kif ingħad, jekk l-Artikoli 4 u 9 ma jibdewx japplikaw fi żmien dan il-perijodu ta’ tliet snin, il-perijodu għandu jiġi estiż għal sentejn oħra.

5.   Jekk xi waħda mill-Partijiet tgħarraf lill-Parti l-oħra bl-intenzjoni tagħha li ma tiffirmax il-Ftehim dwar l-Inbid, jew jekk tirtira mill-Ftehim dwar l-Inbid, il-ftehim deskritt hawn taħt għandu jintemm tnax-il xahar wara d-data meta Parti minnhom tirċievi n-notifika li l-Parti l-oħra m’għandhiex il-ħsieb li tiffirma l-Ftehim dwar l-Inbid, jew fid-data meta jsir effettiv l-irtirar mill-Ftehim dwar l-Inbid skond l-Artikolu 14 tiegħu, kif applikabbli.

6.   Kull waħda miż-żewġ Partijiet tista’ tirtira mill-ftehim preżenti deskritt hawn taħt f’kull ħin billi tipprovdi notifika bil-miktub lill-Parti l-oħra. L-irtirar għandu jibda jseħħ tnax-il xahar wara d-data minn meta tiġi rċevuta n-notifika mill-Parti l-oħra, ħlief jekk in-notifika tispeċifika data aktar tard jew jekk in-notifika tiġi revokata qabel id-data speċifikata.

Jekk dak li ntqal hawn fuq huwa aċċettabbli għall-Istati Uniti, jien għandi l-unur li nipproponi li din l-ittra u l-ittra tiegħek ta’ risposta li tikkonferma li inti taqbel ma’ dan il-ftehim għandhom jikkostitwixxu ftehim bejn il-Komunità u l-Istati Uniti, li għandu jidħol fis-seħħ fid-data ta’ l-ittra ta’ risposta tiegħek.

Dejjem tiegħek

B.   Ittra mill-Istati Uniti

Sinjur,

Għandi l-unur nikkonferma li rċevejt l-ittra tiegħek ta’ din id-data, li tgħid hekk:

Għandi l-unur nikkonferma li l-Istati Uniti ta’ l-Amerika taqbel mal-fehim propost fl-ittra tiegħek u li nikkonferma wkoll li l-ittra tiegħek u din l-ittra ta’ risposta għandhom jikkostitwixxu ftehim bejn l-Istati Uniti ta' l-Amerika u l-Komunità, li għandu jidħol fis-seħħ fid-data ta’ din ir-risposta.

Dejjem tiegħek