Edizzjoni Speċjali bil-Bulgaru: Kapitolu 12 Volum 002 P. 125 - 126
Edizzjoni Speċjali bir-Rumen: Kapitolu 12 Volum 002 P. 125 - 126
EUR-Lex Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
You are here
Document 32004R1223
Council Regulation (EC) No 1223/2004 of 28 June 2004 amending Regulation (EC) No 1228/2003 of the European Parliament and of the Council as regards the date of application of certain provisions to Slovenia
Ir-Regolament tal-Kunsill (KE) Nru 1223/2004 tat- 28 ta' Ġunju 2004 li jemenda r-Regolament (KE) Nru 1228/2003 tal-Parlament Ewropew u tal-Kunsill Kunsill rigward id-data ta' l-applikazzjoni ta' ċerti disposizzjonijiet għas-Slovenja
Ir-Regolament tal-Kunsill (KE) Nru 1223/2004 tat- 28 ta' Ġunju 2004 li jemenda r-Regolament (KE) Nru 1228/2003 tal-Parlament Ewropew u tal-Kunsill Kunsill rigward id-data ta' l-applikazzjoni ta' ċerti disposizzjonijiet għas-Slovenja
ĠU L 233, 2.7.2004, p. 3–4
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV) Dan id-dokument ġie ppubblikat f’edizzjoni(jiet) speċjali
(BG, RO)
ĠU L 142M, 30.5.2006, p. 85–86
(MT)
No longer in force, Date of end of validity: 02/03/2011
Language
HTML
PDF
Official Journal
|
30.5.2006 |
MT |
Il-Ġurnal Uffiċjali ta’ l-Unjoni Ewropea |
85 |
IR-REGOLAMENT TAL-KUNSILL (KE) Nru 1223/2004
tat-28 ta' Ġunju 2004
li jemenda r-Regolament (KE) Nru 1228/2003 tal-Parlament Ewropew u tal-Kunsill Kunsill rigward id-data ta' l-applikazzjoni ta' ċerti disposizzjonijiet għas-Slovenja
IL-KUNSILL TA' L-UNJONI EWROPEA,
Wara li kkunsidra t-Trattat dwar l-adeżjoni tar-Repubblika Ċeka, ir-Repubblika ta' l-Estonja, ir-Repubblika ta' Ċipru, ir-Repubblika tal-Latvja, ir-Repubblika tal-Litwanja, ir-Repubblika ta' l-Ungerija, ir-Repubblika ta' Malta, ir-Repubblika tal-Polonja, ir-Repubblika tas-Slovenja u r-Repubblika Slovakka ma' l-Unjoni Ewropea u b'mod partikolari l-Artikolu 2(3) tiegħu,
Wara li kkunsidra l-Att dwar il-kondizzjonijiet ta' l-adeżjoni tar-Repubblika Ċeka, ir-Repubblika ta' l-Estonja, ir-Repubblika ta' Ċipru, ir-Repubblika tal-Latvja, ir-Repubblika tal-Litwanja, ir-Repubblika ta' l-Ungerija, ir-Repubblika ta' Malta, ir-Repubblika tal-Polonja, ir-Repubblika tas-Slovenja u r-Repubblika Slovakka u l-aġġustamenti għat-Trattati li fuqhom hi stabbilita l-Unjoni Ewropea, u b'mod partikolari l-Artikolu 57 tiegħu,
Wara li kkunsidra t-talba tas-Slovenja,
Wara li kkunsidra l-proposta mill-Kummissjoni,
Billi:
|
(1) |
Ir-Regolament (KE) Nru 1228/2003 tal-Parlament Ewropew u tal-Kunsill tas-26 ta' Ġunju 2003 dwar il-kondizzjonijiet għall-aċċess għar-rettikolat għall-iskambji transfruntieri fl-elettriku (1) jimmira li jistabbilixxi regoli ġusti għall-iskambji transfruntieri fl-elettriku. Dak ir-Regolament għandu japplika mill-1 ta' Lulju 2004. |
|
(2) |
Skond l-Artikolu 6(1) tar-Regolament (KE) Nru 1228/2003, problemi ta' konġestjoni fir-rettikolat għandhom jiġu indirizzati permezz ta' soluzzjonijiet mhux diskriminatorji bbażati fuq is-suq li jagħtu sinjali ekonomiċi effiċjenti lill-parteċipanti tas-suq u lill-operaturi tas-sistema ta' trasmissjoni involuti. |
|
(3) |
Il-Linji gwida dwar l-amministrazzjoni u l-allokazzjoni tal-kapacità ta' trasferiment disponibbli ta' l-interkonnessjonijiet bejn sistemi nazzjonali, stabbiliti fl-Anness mar-Regolament (KE) Nru 1228/2003, fihom regoli li huma konnessi direttament mal-prinċipju ġenerali fl-Artikolu 6(1) ta' dak ir-Regolament. |
|
(4) |
Is-Slovenja talbet perjodu transitorju għall-applikazzjoni ta' Artikolu 6(1) ta' dak ir-Regolament u d-disposizzjonijiet relatati f'dawk il-Linji gwida, sa l-1 ta' Lulju 2007. |
|
(5) |
Is-Slovenja wriet li mingħajr perjodu transitorju ċerti industriji ta' enerġija intensiva Sloveni jkunu affetwati ħażin bi prezzijiet għola ta' elettriku importat mill-Awstrija u ċerti produtturi ta' l-elettriku minn dħul iktar baxx mill-esportazzjoni għall-bejgħ għall-Italja. Din is-sitwazzjoni timpedixxi l-isforzi li għadejjin ta' l-industriji konċernati li jistrutturaw u jikkonformaw rispettivament ma' l-acquis tal-Komunità li għandu x'jaqsam mal-produzzjoni ta' l-elettriku. |
|
(6) |
Ir-raġunijiet provduti mis-Slovenja jiġġustifikaw deroga. Barra minn hekk, minħabba l-kapaċità żgħira ta' interkonnessjoni taż-żewġ interkonnessjonijiet ikkonċernati u minħabba li dik is-sitwazzjoni mhux probabbli li tinbidel qabel l-1 ta' Lulju 2007, l-impatt prattiku ta' deroga bħal din fuq is-suq intern ikun żgħir ħafna. |
|
(7) |
Id-deroga għandha tkun limitata għal dak li huwa strettament neċessarju fil-perspettiva tat-talba Slovena. Għandha, għalhekk, tkopri biss il-parti tal-kapaċità ta' l-interkonnessjonijiet allokata mill-operatur tas-sistema ta' trasmissjoni Slovena u tapplika biss sakemm din il-kapaċità ma' teċċedix nofs il-kapaċità totali disponibbli. |
|
(8) |
Ir-Regolament (KE) Nru 1228/2003 għandu għalhekk jiġi hekk emendat, |
ADOTTA DAN IR-REGOLAMENT:
Artikolu 1
Fl-Artikolu 15 tar-Regolament (KE) Nru 1228/2003, is-sub-paragrafu li ġej għandu jiżdied:
“Fejn għandhom x'jaqsmu interkonnessjonijiet bejn is-Slovenja u Stati Membri ġirien, l-Artikolu 6(1), kif ukoll ir-regoli fil-kapitolu intitolat ‘Ġenerali’ ta' l-Anness, għandhom japplikaw mill-1 ta' Lulju 2007. Dan il-paragrafu għandu japplika biss għall-kapaċità ta' interkonnessjoni li hi allokata mill-operatur tas-sistema ta' trasmissjoni Slovena u japplika biss sakemm din il-kapaċità ma' teċċedix nofs il-kapaċitá totali disponibbli.”
Artikolu 2
Dan ir-Regolament għandu jidħol fis-seħħ fid-data tal-pubblikazzjoni tiegħu fil-Ġurnal Uffiċjali ta' l-Unjoni Ewropea.
Għandu japplika mill-1 ta' Lulju 2004.
Dan ir-Regolament għandu jorbot fl-intier tiegħu u jkun direttament applikabbli fl-Istati Membri kollha.
Magħmul fil-Lussemburgu, nhar it-28 ta' Ġunju 2004.
Għall-Kunsill
Il-President
M. CULLEN
(1) ĠU L 176, tal-15.7.2003, p. 1.