EUR-Lex Access to European Union law
This document is an excerpt from the EUR-Lex website
Document 32004D0619
2004/619/ECCouncil Decision of 11 August 2004 modifying the Community import regime with respect to rice
2004/619/KE: Deċiżjoni tal-Kunsill tal- 11 ta’ Awwissu 2004 li temenda r-reġim Komunitarju ta' importazzjoni tar-ross
2004/619/KE: Deċiżjoni tal-Kunsill tal- 11 ta’ Awwissu 2004 li temenda r-reġim Komunitarju ta' importazzjoni tar-ross
ĠU L 352M, 31.12.2008, p. 35–35
(MT) Dan id-dokument ġie ppubblikat f’edizzjoni(jiet) speċjali
(BG, RO, HR)
ĠU L 279, 28.8.2004, p. 29–29
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
In force: This act has been changed. Current consolidated version: 21/06/2005
31.12.2008 |
MT |
Il-Ġurnal Uffiċjali ta’ l-Unjoni Ewropea |
35 |
DEĊIŻJONI TAL-KUNSILL
tal-11 ta’ Awwissu 2004
li temenda r-reġim Komunitarju ta' importazzjoni tar-ross
(2004/619/KE)
IL-KUNSILL TA’ L-UNJONI EWROPEA,
Wara li kkunsidra t-Trattat li jistabbilixxi l-Komunità Ewropea, u b'mod partikolari l-Artikolu 133 tiegħu,
Wara li kkunsidra l-proposta mill-Kummissjoni,
Billi:
(1) |
Fis-26 ta' Ġunju 2003, il-Kunsill awtorizza lill-Kummissjoni biex tiftaħ negozjati taħt l-Artikolu XXVIII tal-GATT 1994 bil-ħsieb li jiġu mmodifikati ċerti konċessjonijiet għar-ross. Għaldaqstant, il-Kommunità nnotifikat lid-WTO fit-2 ta' Lulju 2003 bl-intenzjoni tagħha li timmodifika ċerti konċessjonijiet fl-Iskeda CXL tal-KE. |
(2) |
In-negozjati tmexxew mill-Kummissjoni b’konsultazzjoni mal-Kumitat stabbilit bl-Artikolu 133 tat-Trattat u fil-qafas tad-direttivi ta' negozjar maħruġa mill-Kunsill. |
(3) |
Il-Kummissjoni nnegozjat ma' l-Istati Uniti ta' l-Amerika, li għandha interess prinċipali fil-forniment tal-prodotti tas-subintestatura HS 1006 20 (ross bla ħliefa) u interess sostanzjali fil-forniment tal-prodotti tas- subintestatura HS 1006 30 (ross mitħun), it-Tajlandja, li għandha interess prinċipali fil-forniment tal-prodotti tas- subintestatura HS 1006 30 (ross mitħun) u interess sostanzjali fil-forniment tal-prodotti tas- subintestatura HS 1006 20 (ross bla ħliefa) u l-Indja u l-Pakistan, li t-tnejn għandhom interess sostanzjali fil-forniment tal-prodotti tas- subintestatura HS 1006 20 (ross bla ħliefa). |
(4) |
Il-Kummissjoni nnegozjat ftehim ma' l-Indja u l-Pakistan f'forma ta' skambju ta' ittri iżda ma kinitx kapaċi tinnegozja ftehim aċċettabbli ma' l-Istati Uniti ta' l-Amerika u mat-Tajlandja. |
(5) |
Sabiex tippermetti l-modifikazzjoni ta' ċerti konċessjonijiet li jikkonċernaw ir-ross bla ħliefa u r-ross mitħun fl-Iskeda CXL tal-KE għandha tiġi stabbilita rata tariffarja ġdida għar-ross bla ħliefa u għar-ross mitħun. |
(6) |
Peress li l-istabbiliment ta' rata tariffarja ġdida għar-ross bla ħliefa u għar-ross mitħun jeħtieġ modifika għar-Regolament tal-Kunsill (KE) Nru 1785/2003 tad-29 ta' Settembru 2003 dwar l-organizzazzjoni komuni tas-suq tar-ross (1), il-Kummissjoni għandha tiġi awtorizzata tadotta derogi temporanji minn dak ir-Regolament. |
(7) |
Il-miżuri meħtieġa għall-implimentazzjoni ta' din id-Deċiżjoni għandhom ikunu adottati skond id-Deċiżjoni tal-Kunsill 1999/468/KE tat-28 ta' Ġunju 1999 li tipprovdi l-proċeduri għall-eżerċizzju tas-setgħat ta' l-implimentazzjoni konferiti fuq il-Kummissjoni (2) |
IDDEĊIEDA KIF ĠEJ:
Artikolu 1
Ir-rata tariffarja għar-ross bla ħliefa (Kodiċi NM 1006 20) għandha tkun ta' EUR 65/tunnellata.
Ir-rata tariffarja għar-ross mitħun (Kodiċi NM 1006 30) għandha tkun ta' EUR 175/tunnellata.
Artikolu 2
Sa fejn ikun meħtieġ biex tippermetti l-applikazzjoni sħiħa ta' din id-Deċiżjoni sa l-1 ta' Settembru 2004, il-Kummissjoni tista' tidderoga mir-Regolament (KE) Nru 1785/2003, skond il-proċedura msemmija fl-Artikolu 3(2) ta' din id-Deċiżjoni, sakemm dak ir-Regolament jiġi emendat iżda mhux aktar tard mit-30 ta' Ġunju 2005.
Artikolu 3
1. Il-Kummissjoni għandha tkun assistita mill-Kumitat ta' Tmexxija għaċ-Ċereali stabbilit bl-Artikolu 25 tar-Regolament tal-Kunsill (KE) Nru 1784/2003 tad-29 ta' Settembru 2003 dwar l-organizzazzjoni komuni tas-suq fiċ-ċereali (3).
2. Fejn qed issir referenza għal dan il-paragrafu, għandhom japplikaw l-Artikoli 4 u 7 tad-Deċiżjoni 1999/468/KE.
Il-perijodu previst fl-Artikolu 4(3) tad-Deċiżjoni 1999/468/KE għandu jkun ta' xahar.
3. Il-Kumitat għandu jadotta r-Regoli ta' Proċedura tiegħu.
Magħmul fi Brussell, 11 ta’ Awwissu 2004.
Għall-Kunsill
Il-President
B. BOT
(1) ĠU L 270, 21.10.2003, p. 96.
(2) ĠU L 184, 17.7.1999, p. 23.
(3) ĠU L 270, 21.10.2003, p. 78.