32004D0216

Id-Deċiżjoni tal-Kummissjoni

ta' l-1 ta' Marzu 2004

li temenda d-Direttiva tal-Kunsill 82/894/KEE dwar in-notifika tal-mard ta' l-annimali fil-Komunità biex tinkludi fil-lista ta' mard li għandu jkun innotifikat lill-awtorità, ċertu mard ekwin u ċertu mard tan-naħal.

(notifikata bid-dokument numru K (2004) 578)

(Test b'relevanza għaż-ŻEE)

(2004/216/EC)

IL-KUMMISSJONI TAL-KOMUNITAJIET EWROPEJ

Wara li kkunsidrat it-Trattat li jistabbilixxi l-Komunitajiet Ewropej,

Wara li kkunsidrat id-Direttiva tal-Kunsill 82/894/KEE tal-21 ta' Diċembru 1982 dwar in-notifika tal-mard ta' l-annimali fil-Komunità [1], u partikolarment l-ewwel inċiż ta' l-Artikolu 5 [2] ta' l-istess Trattat,

Billi:

(1) Skond id-Direttiva tal-Kunsill 90/426/KEE tas-26 ta' Ġunju 1990 dwar il-kondizzjonijiet tas-saħħa ta' l-annimali li jirregolaw il-moviment u l-importazzjoni minn pajjiżi terzi ta' ekwidej (2), il-marda taż-żiemel Afrikan, stomatitis vexxikoluża, glanders, dourine, l-enċefalomjelite ekwin ta' kull tip, l-anemija ekwina infettuża, l-idrofobija u l-antraċe huma definiti bħala tipi ta' mard li għandhom bilfors jiġu notifikati lill-awtorità.

(2) l-Anness I tad-Direttiva tal-Kunsill 82/894/KEE, li jelenka l-mard, li jekk iseħħu jridu jiġu notifikati lill-Kummissjoni u l-Istati Membri l-oħra, jinkludi fir-rigward tal-mard li jaffettwaw l-ekwidej, il-marda taż-żiemel Afrikan u stomatitis vexxikuluża biss.

(3) Il-marda taż-żiemel Afrikan, stomatitis vexxikoluża, glanders, dourine, l-anemija ekwina infettuża, l-enċefalomjelite ekwin ta' tipi varji, huma mard ta' ekwidej li huma elenkati mill-Organizzazzjoni Dinjija għas-Saħħa ta' l-Annimali (OIE).

(4) L-Istati Membri ta' l-OIE huma obbligati li jinnotifikaw l-ewwel okkorrenza jew okkorrenza oħra konfermata ta' marda elenkata, jekk il-pajjiż jew żona tal-pajjiż qabel kien ġie/ġiet ikkunsidrat/a ħieles jew ħielsa minn dik il-marda parikolari, jew il-marda jista' jkollha impatt żoonotika u fejn l-Iżvilupp tal-marda jista' jkollha implikazzjonijiet għall-kummerċ internazzjonali.

(5) F'Dan il-mument, il-marda taż-żiemel Afrikan, stomatitis vexxikoluża, glanders, dourine, u kważi kull tip ta' enċefalomjelite ekwin huma eżotiċi fil-Komunità. L-anemija ekwina infettuża u xi tip ta' enċefalomjelite ekwin huma xi drabi rapportati f'ċerti partijiet tal-Komunità.

(6) Il-ħanfusa żgħira tad-doqqajs u d-dudu tat-Tropilaelaps huma parassiti eżotiċi li jaffettwaw in-naħal ta' l-għasel u bħalissa m'hemmx każijiet fejn dawn seħħu fil-Komunità. Madankollu jekk dawn jiġu importati jistgħu jkollhom effett devastanti fuq is-saħħa tan-naħal ta' l-għasel u fuq l-industrija tan-naħal, u għalhekk, dawn it-tipi ta' mard ġew miżjuda fil-lista ta' mard li għandhom jiġu nnotifikati lill-Komunità.

(7) In-notifika u informazzjoni bla telf ta' zmien dwar l-okkorrenza ta' dawn it-tipi ta' mard fil-Komunità huma vitali għall-kontroll tat-tfaċċar ta' marda, kif ukoll għall-moviment ta' u negozju fl-ekwidej u n-naħal, filwaqt li jiġi kkunsidrat ukoll l-impatt żoonoliku ta' ċertu mard.

(8) Bi tkabbir tal-Komunità u l-effetti diversi ambjentali fuq vektori li jxerrdu xi mard hawn fuq imsemmi, is-sitwazzjoni fil-Komunità fir-rigward dan il-mard huwa suxxettibbli għall-bdil

(9) Huwa għalhekk xieraq li jiġu miżjuda glanders, dourine, l-anemija ekwina infettuża u kull tip ta' enċefalomjelite ekwin, il-ħanfusa żgħira tad-doqqajs u d-dudu tat-Tropilaelaps fl-Anness I tad-Direttiva tal-Kunsill 82/894/KEE u li jinbidel l-Anness II tad-Direttiva tal-Kunsill 82/894/KEE sabiex jitqies il-mod kif in-naħal huma miżmuma.

(10) Il-miżuri mogħtija f'din id-Deċiżjoni huma skond l-opinjoni tal-Kumitat Permanenti fuq is-Sensiela ta' l-Ikel u s-Saħħa ta' l-Annimali,

ADOTTAT DIN ID-DEĊIŻJONI:

Artikolu 1

L-Annessi I u II tad-Direttiva 82/894/KEE huma ssostitwiti bit-test fl-Anness ta' din id-Deċiżjoni.

Artikolu 2

Din id-Deċiżjoni għandha sseħħ mill-25 ta' Marzu 2004.

Artikolu 3

Din id-Deċiżjoni hija indirizzata lill-Istati Membri.

Magħmul fi Brussel, fl-1 ta' Marzu 2004.

Għall-Kummissjoni

David Byrne

Membru tal-Kummissjoni

[1] ĠU L 378, tal-31.12.1982, pġ. 58; Direttiva kif emendata l-aħħar b’Regolament (KE) Nru 807/2003 (ĠU L 122, tas-16.5.2003, pġ. 36).

[2] ĠU L 224, tat-18.8.1990, pġ. 42; Direttiva kif emendata l-aħħar b’Regolament (KE) Nru 806/2003 (ĠU L 122, tas-16.5.2003, pġ. 1).

--------------------------------------------------

ANNESS

"

“ANNESS I

Tipi ta' mard li għandhom jiġu nnotifikati

Il-marda taż-żiemel Afrikan

Id-deni tal-ħnieżer Afrikani

L-influenza ta' l-għasafar (kienet tissejjaħ il-pesta tat-tajr)

Bluetongue

L-enċifalopatija sponġiformi ta' l-ifrat

Id-deni klassika tal-ħnieżer

Pleuropneumonia ta' l-ifrat li tittieħed

Dourine

L-enċefalomjelite ekwin (ta' kull tip, inkluż l-enċefalomjelite ekwin ta' Veneżwela)

L-anemija ekwina infettuża

Il-marda ta' l-ilsien u d-dwiefer

Glanders

In-nekrosi ematopojetika infettuża

L-anemija tas-salamun infettuż

Il-marda tal-ġilda li ssir boċċi boċċi

Il-marda ta' Newcastle

Peste des petits ruminants

L-enċefalomjelite enterovirus tal-ħnieżer (kienet tissejjaħ il-marda Teschen)

Il-marda tal-wied

Rinderpest (il-pesta ta' l-ifrat)

Il-ġidri tan-nagħaġ (Capripox)

Il-ħanfusa żgħira tad-doqqajs (Aethina tumida)

Il-marda vexxikoluża tal-ħnieżer

Id-dudu tat-Tropilaelaps

Stomatitis vexxikoluża

Settiċemija emorragika virali

ANNESS II

L-informazzjoni li għandha tingħata skond in-notifikazzjoni meħtieġa taħt l-Artikoli 3 u 4 dwar it-tifqigħa primarja u sekondarja tal-mard elenkat fl-Anness I

1. Data tad-dispaċċ.

2. Ħin tad-dispaċċ.

3. Pajjiż tan-nisel

4. L-isem tal-marda u t-tip ta' virus, meta hu xieraq.

5. In-numru tas-serje tat-tifqigħa.

6. It-tip ta' tifqigħa.

7. In-numru ta' referenza tat-tifqigħa konness ma din it-tifqigħa.

8. Iż-żona u l-lokazzjoni ġeografika ta' fejn seħħet il-marda.

9. Xi żona oħra milquta b'restrizzjonijiet.

10. Id-data tal-konferma.

11. Id-data tas-suspett

12. Id-data ta' l-ewwel infezzjoni

13. L-oriġini tal-marda

14. Il-miżuri ta' kontroll meħuda

15. In-numru ta' annimali suxxettibbli fuq il-post (a) baqar, (b) ħnieżer, (ċ) nagħaġ, (d) mogħoż, (e) tjur, (f) ekwidej, (g) ħut, (h) speċi salvaġġi, (i) fir-rigward il-mard tan-naħal, għandu jiġi magħruf in-numru tad-doqqajs suxxettibbli.

16. In-numru t'annimal li ġew milquta klinikament fuq il-post (a) baqar, (b) ħnieżer, (ċ) nagħaġ, (d) mogħoż, (e) tjur, (f) ekwidej, (g) ħut, (h) speċi salvaġġi, (i) fir-rigward il-mard tan-naħal, għandu jiġI magħruf in-numru tad-doqqajs li ġew milquta klinikament.

17. In-numru t'annimali li mietu fuq il-post (a) baqar, (b) ħnieżer, (c) nagħaġ, (d) mogħoż, (e) tjur, (f) ekwidej, (g) ħut, (h) speċI salvaġġi

18. In-numru t'annimali li ġew maqtula (a) baqar, (b) ħnieżer, (ċ) nagħaġ, (d) mogħoż, (e) tjur, (f) ekwidej, (g) ħut, (h) speċI salvaġġi.

19. In-numru ta' karkassi li ġew meqruda (a) baqar, (b) ħnieżer, (ċ) nagħaġ, (d) mogħoż, (e) tjur, (f) ekwidej, (g) ħut, (h) speċI salvaġġi, (i) fir-rigward il-mard tan-naħal, għandu jiġi magħruf, in-numru tad-doqqajs li ġew meqruda.

20. Id-data stmata meta jseħħ il-qtil.

21. Id-data stmata meta jseħħ it-teqrid.

Fir-rigward tad-deni tal-ħniezer l-informazzjoni addizzjonali:

1. distanza mill-azjenda tal-ħnieżer iktar viċin.

2. In-numru u t-tip (it-trobbija, is-smin u l-ħniezer żgħar [1] tal-hnieżer fuq il-post infettat.

3. In-numru u t-tip (it-trobbija, is-smin u l-ħnieżer żgħar [2] li ġew milquta klinikament fuq il-post.

4. il-metodu tad-dijanjosi.

5. Jekk m'humiex fuq il-post, f'dak il-każ il-konferma li l-marda seħħet f'biċċerija jew f'xi mezz ta' trasport.

6. Il-konferma ta' każi primarji [3] fi ħnieżer salvaġġi.

Fil-każ tal-mard tal-hut:

Infezzjonijiet bin-nekrosi ematopojetika infettuża, l-anemija tas-salamun infettuż, u s-settiċemija emorragika virali, meta dawn jiġu konfermati f'irziezet jew f'żoni ħielsa jew approvati, iridu jiġu nnotifikati bħala tifqigħa primarja. L-isem u d-deskrizzjoni tar-razzett jew żona approvata jew ħielsa għandhom jiġu inkluzi fit-test.

"

[1] L-annimali taħt approssimattivament tliet xhur.

[2] L-annimali taħt approssimattivament tliet xhur.

[3] Każ primarju fi ħnieżer salvaġġ ifisser dawk il-każijiet li jseħħu f'żoni ħielsa, jiġifieri barra minn postijiet ristretti, għad-deni tal-ħnieżer fi ħnieżer salvaġġ.”

--------------------------------------------------