This document is an excerpt from the EUR-Lex website
Document 32004D0023
2004/23/EC: Commission Decision of 29 December 2003 providing for the initiation of an investigation pursuant to Article 27(2) of Council Regulation (EC) No 2501/2001 with respect to the violation of freedom of association in Belarus
Id-Deċiżjoni tal-Kummissjoni tad-29 ta' Diċembru 2003 li tistipula l-bidu ta' investigazzjoni skond l-Artikolu 27(2) tar-Regolament tal-Kunsill (KE) Nru 2501/2001 dwar il-vjolazzjoni tal-libertà ta' assoċjazzjoni fil-Belarus
Id-Deċiżjoni tal-Kummissjoni tad-29 ta' Diċembru 2003 li tistipula l-bidu ta' investigazzjoni skond l-Artikolu 27(2) tar-Regolament tal-Kunsill (KE) Nru 2501/2001 dwar il-vjolazzjoni tal-libertà ta' assoċjazzjoni fil-Belarus
ĠU L 5, 9.1.2004, p. 90–90
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO, HR)
In force
Official Journal L 005 , 09/01/2004 P. 0090 - 0090
Id-Deċiżjoni tal-Kummissjoni tad-29 ta' Diċembru 2003 li tistipula l-bidu ta' investigazzjoni skond l-Artikolu 27(2) tar-Regolament tal-Kunsill (KE) Nru 2501/2001 dwar il-vjolazzjoni tal-libertà ta' assoċjazzjoni fil-Belarus (2004/23/KE) IL-KUMMISSJONI TAL-KOMUNITAJIET EWROPEJ Wara li kkunsidrat it-Trattat li jistabbilixxi l-Komunità Ewropea, Wara li kkunsidrat ir-Regolament tal-Kunsill (KE) Nru 2501/2001 ta' l-10 ta' Diċembru 2001 li japplika skema ta' preferenzi ta' tariffi ġeneralizzati għall-perjodu ta' bejn l-1 ta' Jannar 2002 u l-31 ta' Diċembru 2004 [1], kif l-aħħar emendat mir-Regolament tal-Kunsill (KE) Nru 1686/2003 [2], u partikolarment l-Artikolu 27 tiegħu, Billi: (1) Il-Kummissjoni rċeviet informazzjoni dwar allegati vjolazzjonijiet tal-libertà ta' assoċjazzjoni f'Belarus. L-informazzjoni kienet mogħtija mill-Konfederazzjoni Internazzjonali tat-Trade Unions Ħielsa (ICFTU), mill-Konfederazzjoni Ewropea tat-Trade Unions (KETU) u mill-Konfederazzjoni Dinjija tax-Xogħol (WCL) flimkien. (2) L-Artikolu 26(1)(b) jipprovdi għall-irtirar temporanju ta' preferenzi ta' tariffi, fil-konfront tal-prodotti kollha jew uħud minnhom, li joriġinaw f'pajjiż benefiċjarju għal "vjolazzjoni serja u sitematika tal-libertà ta' assoċjazzjoni, id-dritt ta' negozjar kollettiv jew il-prinċipju ta' non-diskriminazzjoni fil-konfront ta' impjieg u okkupazzjoni, jew użu tax-xogħol tat-tfal, skond il-Konvenzjoni rilevanti ta' l-ILO". (3) Il-Kummissjoni eżaminat l-informazzjoni mogħtija dwar allegati vjolazzjonijiet tal-libertà ta' assoċjazzjoni f'Belarus. L-allegati vjolazzjonijiet jirrigwardaw restrizzjonijiet fuq id-dritt tal-ħaddiema u ta' min iħaddem li jistabbilixxu organizzazzjonijiet ta' l-għażla tagħhom mingħajr indħil mill-awtoritajiet pubbliċi, indħil mill-awtoritajiet pubbliċi fl-elezzjonijiet tat-trade unions, limitazzjoni ta' attivitajiet tat-trade unions u ripressjoni tal-mexxejja u attivisti tat-trade unions, skond il-Konvenzjoni dwar il-Libertà ta' Assoċjazzjoni u Protezzjoni tad-Dritt ta' Organizzazzjoni Nru 87 u l-Konvenzjoni dwar id-Dritt ta' Organizzazzjoni u Negozjar Kollettiv Nru 98 ta' l-Għaqda Dinjija tax-Xogħol. Il-Kummissjoni jidhrilha li jeżistu raġunijiet suffiċjenti għal investigazzjoni. (4) Il-miżuri previsti f'din id-deċiżjoni jaqblu ma' l-opinjoni tal-Kumitat tal-Preferenzi Ġeneralizzati, IDDEĊIEDIET DAN LI ĠEJ: Artikolu waħdani Il-Kummissjoni għandha tibda investigazzjoni dwar vjolazzjonijiet allegati tal-libertà ta' assoċjazzjoni f'Belarus. Magħmula fi Brussel, fid-29 ta' Diċembru 2003. Għall-Kummissjoni Pascal Lamy Membru tal-Kummissjoni [1] ĠU L 346, tal-31.12.01, pġ. 1. [2] ĠU L 240, tas-26.09.03, pġ. 8. --------------------------------------------------