32001R1456

Ir-Regolament tal-Kunsill (KE) Nru 1456/2001

tas-16 ta' Lulju 2001

li jemenda r-Regolament (KE) Nru 2549/2000 li jwaqqaf miżuri tekniċi addizzjonali għall-irkuprar ta' l-istokk tal-bakkaljaw fil-Baħar Irlandiz (Diviżjoni ICES VIIa)

IL-KUNSILL TA' L-UNJONI EWROPEA,

Wara li kunsidra t-Trattat li jwaqqaf il-Komunità Ewropea, u b'mod partikolari l-Artikolu 37 tiegħu,

Wara li kunsidra l-proposta tal-Kummissjoni [1],

Wara li kunsidra l-opinjoni tal-Parlament Ewropew [2],

Wara li kunsidra l-opinjoni tal-Kumitat Ekonomiku u Soċjali [3],

Billi:

(1) Il-kondizzjonijiet preskritti fir-Regolament (KE) Nru 2549/2000 [4] huma maħsuba sabiex jiżguraw li s-selettività ta' apparat tas-sajd użat fil-baħar Irlandiz huma tali li ftit bakkaljaw żgħir jinqabad.

(2) L-Artikolu 2(1) u (2) jistipula li m'huwiex permess li tintuża kull xibka rmonkata ta' qrib il-qiegħ barra minn xbieki tat-tkarkir li jinkorporaw mogħdija għall-bakkaljaw jew estensjoni magħmulha kompletament jew parzjalment minn materjali multiplu ta' spag ta' l-ixbieki u kull xibka rmonkata ta' qrib il-qiegħ barra minn xbieki tat-tkarkir li jinkorporaw mogħdija fit-tarf għall-bakkaljaw u/jew biċċa miżjuda li l-ħxuna ta' l-ispag tagħha tkun aktar minn 6 mm.

(3) Madankollu, parir xjentifiku riċenti jaqbel ma' l-opinjoni tas-sajjieda li cod-end u/jew biċċa żejda magħmulha minn spag doppju ta' ħxuna mhux aktar minn 4 mm huma teknikament ekwivalenti għal cod-end u/jew il-biċċa estensjoni kif imfissra preżentament.

(4) Hemm il-ħtieġa fir-rigward ta' xi ftit sajjieda li jużaw cod-ends magħmulha minn spag doppju.

(5) L-Artikolu 3 tar-Regolament kurrenti jirreferi għall-kondizzjonijiet li huma rilevanti biss matul l-2000 u għandu għalhekk jinbidel minn dispożizzjonijiet li jippreskrivu l-emendi meħtieġa.

(6) Ir-Regolament (KE) Nru 2549/2000 għandu għalhekk jiġi emendat,

ADOTTAT DAN IR-REGOLAMENT:

Artikolu 1

L-Artikolu 3 tar-Regolament (KE) Nru 2549/2000 għandu jkun mibdul b'dan li ġej:

"Artikolu 3

Minkejja l-kondizzjonijiet preskritti fl-Artikolu 2(1) u (2), meta s-sajd isir b'apparat ta' l-irmonk fil-Baħar Irlandiz, għandu jkun permess l-użu ta' kull cod-end u/jew biċċa miżjuda magħmulha minn materjal ta' spag doppju ta' l-ixbieki li l-ħxuna ta' kull barma indivdwali tagħha ma teċċedix l-4 mm."

Artikolu 2

Dan ir-Regolament għandu jidħol fis-seħħ fil-ġurnata ta' wara li jiġi pubblikat fil-Gurnal Uffiċjali tal-Komunitajiet Ewropej.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussel, fis-16 ta' Lulju 2001.

Għall-Kunsill

Il-President

L. Michel

[1] ĠU C 180 E, tas-27.6.2001, p. 311.

[2] Opinjoni mgħoddija tal- 5.7.2001 (għadha mhux pubblikata fil-Gurnal Uffiċjali).

[3] Opinjoni mogħtija tat- 30.5.2001 (għadha mhux ippubblikata fil-Gurnal Uffiċjali).

[4] ĠU L 292, tal-21.11.2000, p. 5.

--------------------------------------------------