EUR-Lex Access to European Union law
This document is an excerpt from the EUR-Lex website
Document 31999D0497
1999/497/EC: Commission Decision of 7 July 1999 on a common technical Regulation for digital enhanced cordless telecommunications (DECT) DECT/GSM dual-mode terminal equipment (notified under document number C(1999) 2026) (Text with EEA relevance)
Id-Deċiżjoni tal-Kummissjoni tas-7 ta' Lulju 1999 dwar Regolament komuni tekniku għal tagħmir ta' telekomunikazzjonijiet diġitali msaħħaħ mingħajr fil terminali b'mod doppju (DECT) DECT/GSM (notifikat bid-dokument numru C(1999) 2026) (Test b'relevanza EEA)
Id-Deċiżjoni tal-Kummissjoni tas-7 ta' Lulju 1999 dwar Regolament komuni tekniku għal tagħmir ta' telekomunikazzjonijiet diġitali msaħħaħ mingħajr fil terminali b'mod doppju (DECT) DECT/GSM (notifikat bid-dokument numru C(1999) 2026) (Test b'relevanza EEA)
ĠU L 192, 24.7.1999, p. 58–59
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO, HR)
In force
Official Journal L 192 , 24/07/1999 P. 0058 - 0059
Id-Deċiżjoni tal-Kummissjoni tas-7 ta' Lulju 1999 dwar Regolament komuni tekniku għal tagħmir ta' telekomunikazzjonijiet diġitali msaħħaħ mingħajr fil terminali b'mod doppju (DECT) DECT/GSM (notifikat bid-dokument numru C(1999) 2026) (Test b'relevanza EEA) (1999/497/KE) IL-KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jistabbilixxi l-Komunità Ewropea, Wara li kkunsidrat id-Direttiva 98/13/KE tal-Parlament Ewropew u tal-Kunsill tat-12 ta' Frar 1998 li tirrelata mat-tagħmir terminali ta' telekomunikazzjonijiet u tagħmir ta' stazzjonijiet terrestri tas-satellita, inkluż r-rikonoxximent reċiproku tal-konformità tagħhom [1], u b'mod partikolari Artikolu 7(2), it-tieni inċiż tieġħu, (1) Billi l-Kummissjoni addottat il-miżura li tidentifika t-tip ta' tagħmir terminali li għalih regolament tekniku komuni huwa meħtieġ, kif ukoll dikjarazzjoni dwar il-qasam tal-applikazzjoni assoċjata miegħu skond Artikolu 7(2), l-ewwel inċiż; (2) Billi l-istandards armonizzati li jikkorrispondu, jew partijiet minnhom, li jimplimentaw il-ħtiġijiet essenzjali li għandhom jiġu mibdula f'regolamenti tekniċi komuni għandhom jiġu adottati; (3) Billi biex tiġi żgurata konformità fl-aċċess għas-swieq mill-manifatturi, huwa meħtieġ li jiġu permessi arranġamenti trażitorji dwar tagħmir approvat skond ir-regolamenti tal-approvazzjoni tat-tip nazzjonali; (4) Billi l-proposta kienet intbagħtet lill-Kumitat (ACTE), skond Artikolu 29(2); (5) Billi r-regolament tekniku komuni li għandu jiġi adottat minn din id-Deċiżjoni jaqbel ma l-opinjoni ta' l-ACTE, ADOTTAT DIN ID-DEĊIŻJONI: Artikolu 1 1. Din id-Deċiżjoni għandha tapplika għal tagħmir terminali maħsub biex jiġi konness ma' network pubbliku ta' telekomunikazzjonijiet u li jaqa' fil-qasam ta' l-applikazzjoni tal-istandard armonizzat riferit f'Artikolu 2(1). 2. Din id-Deċiżjoni tistabbilixxi regolament tekniku komuni li jkopri il-ħtiġijiet ta' konnessjoni għal tagħmir DECT li jaċċessa networks tal-GSM. Artikolu 2 1. Ir-regolment tekniku komuni għandu jinkludi l-istandard armonizzat imħejji mill-korp ta' standardizzazzjoni relevanti li jimplimenta sal-limitu applikabbli il-ħtiġijiet essenzjali li għalihom jirreferi Artikolu 5(ċ), sa (ġ) tad-Direttiva 98/13/KEE. Ir-referenza għall-livell hija mniżżla fl-Anness. 2. Tagħmir terminali kopert b'din id-Deċiżjoni għandu jikkonforma jew mar-regolament komuni tekniku riferit fil-paragrafu 1 jew alternattivament għandu jikkonforma mar-regolamenti komuni tekniċi kif definiti fid-Deċiżjonijiet tal-Kummissjoni 97/523/EC [2], 97/524/KE [3], 97/525/KE [4], 98/574/KE [5], 98/542/KE [6], 98/575/KE [7], 98/543/KE [8] jew 1999/310/KE [9]. B'żieda dan għandu jilħaq il-ħtiġijiet essenzjali riferuti f'Artikolu 5(a) u (b) tad-Direttiva 98/13/KEE, u għandu jilħaq il-ħtiġijiet ta' kull Direttiva oħra applikabbli, partikolarment id-Direttivi tal-Kunsill 73/23/KEE [10] u 89/336/KEE [11]. Artikolu 3 Korpi notifikati ntiżi biex iwettqu il-proċeduri li għalihom jirreferi Artikolu 10 tad-Direttiva 98/13/EEC għandhom, fir-rigward ta' tagħmir terminali kopert b'Artikolu 1(1) ta' din id-Deċiżjoni, jużaw jew jiżguraw li jiġu wżati l-istandards armonizzati riferiti fl-Anness bit-tqegħid fis-seħħ ta' din id-Deċiżjoni jew alternattivament l-istandards armonizzati riferiti fl-Annessi li jinsabu mad-Deċiżjonijiet 97/523/KE, 97/524/KE, 97/525/KE, 98/574/KE, 98/542/KE, 98/575/KE, 98/543/KE jew 1999/310/KE. Artikolu 4 Din id-Direttiva hija indirizzata lill-Istati Membri kollha. Magħmul fi Brussel, fis-7 ta' Lulju 1999. Għall-Kummissjoni Karel van Miert Membru tal-Kummissjoni [1] ĠU L 74, tat-12.03.1998, p. 1 [2] ĠU L 215, tas-07.08.1997, p. 48. [3] ĠU L 215, tas-07.08.1997, p. 51 [4] ĠU L 215, tas-7.8.1997, p. 54 [5] ĠU L 278, tal-15.10.1998, p. 30. [6] ĠU L 254, tas-16.9.1998, p. 28. [7] ĠU L 278, tal-15.10.1998, p. 35. [8] ĠU L 254, tas-16.9.1998, p. 32. [9] ĠU L 119, tas-7.5.1999, p. 57. [10] ĠU L 77, tas-26.3.1973, p. 29. [11] ĠU L 139, tat-23.5.1989, p. 19. -------------------------------------------------- ANNESS Riferenza għall-Istandard Armonizzat applikabbli L-Istandard armonizzat li għalih jirreferi l-Artikolu 2 ta' din id-Deċiżjoni huwa: Telekomunikazzjonijiet diġitali msaħħaħ mingħajr fil (DECT); sistema globali għall-komunikazzjonijiet mobbli (GSM); ħtiġijiet tal-konnessjoni għal tagħmir terminali b'mod doppju għad-DECT/GSM ETSI Istitut ta' l-Istandards tat-Telekommunikazzjonijiet Ewropew Segretarjat - EN 301439 V1.1.1 Jannar 1999 (eskluża d-daħla) Tagħrif addizzjonali: L-Istitut Ewropew ta' l-Istandards tat-Telekomunikazzjonijiet huwa rikonoxxut skond id-Direttiva tal-Kunsill 98/34/KE. L-istandard armonizzat riferit hawn fuq kien ġie armonizzat skond il-mandat maħruġ skond il-proċeduri rilevanti tad-Direttiva tal-Kunsill 98/34/KE. It-test sħiħ ta' l-istandard armonizzat riferit hawn fuq jista’ jinkiseb mill- European Telecommunications Standards Institute, 650, route des Lucioles, F-06921 Sophia Antipolis Cedex jew Kummissjoni Ewropea DG XIII/A/2 - (BU 31 1/7), Rue de la Loi/Wetstraat 200, B-1049 Brussel, jew minn kull organizzazzjoni oħra responsabbli li tagħmel l-istandards ETSI disponibbli, li tagħhom lista tista tinstab fuq l-Internet bl-indirizz www.ispo.cec.be. --------------------------------------------------