This document is an excerpt from the EUR-Lex website
Document 31997D0556
97/556/EC: Commission Decision of 14 July 1997 on the procedure for attesting the conformity of construction products pursuant to Article 20 (2) of Council Directive 89/106/EEC as regards external thermal insulation composite systems/kits with rendering (ETICS) (Text with EEA relevance)
Id-Deċiżjoni tal-Kummissjoni tal-14 ta’ Lulju 1997 dwar il-proċedura għall-attestazzjoni tal-konformità ta’ prodotti għall-bini permezz ta’ l-Artikolu 20(2) tad-Direttiva tal-Kunsill 89/106/KEE f’dak li jirrigwardja s-sistemi komposti ta’ l-insulazzjoni termali esterna/settijiet għall-illixxar (ETICS)
Id-Deċiżjoni tal-Kummissjoni tal-14 ta’ Lulju 1997 dwar il-proċedura għall-attestazzjoni tal-konformità ta’ prodotti għall-bini permezz ta’ l-Artikolu 20(2) tad-Direttiva tal-Kunsill 89/106/KEE f’dak li jirrigwardja s-sistemi komposti ta’ l-insulazzjoni termali esterna/settijiet għall-illixxar (ETICS)
ĠU L 229, 20.8.1997, p. 14–16
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO, HR)
In force: This act has been changed. Current consolidated version: 14/01/2011
Official Journal L 229 , 20/08/1997 P. 0014 - 0016
Id-Deċiżjoni tal-Kummissjoni tal-14 ta’ Lulju 1997 dwar il-proċedura għall-attestazzjoni tal-konformità ta’ prodotti għall-bini permezz ta’ l-Artikolu 20(2) tad-Direttiva tal-Kunsill 89/106/KEE f’dak li jirrigwardja s-sistemi komposti ta’ l-insulazzjoni termali esterna/settijiet għall-illixxar (ETICS) (Text b’relevanza ŻEE) (97/556/KE) IL-KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jistabbilixxi l-Komunità Ewropea, Wara li kkunsidrat id-Direttiva tal-Kunsill 89/106/KEE tal-21 ta’ Diċembru 1998 dwar l-approssimazzjoni tal-liġijiet, tar-regolamenti u tad-disposizzjonijiet amministrattivi tal-Istati Membri li għandhom x’jaqsmu mal-prodotti għall-bini [1], kif emendata bid-Direttiva 93/63/KEE [2], u partikolarment l-Artikolu 13(4) tagħha, Billi l-Kummissjoni hija meħtieġa li tagħżel, bejn iż-żewġ proċeduri permezz ta’ l-Artikolu 13(3) tad-Direttiva 89/106/KEE biex tiċċertifika l-konformità ta’ prodott, "il-proċedura l-inqas oneruża possibli konsistenti mas-sigurta"; billi dan ifisser li huwa meħtieġ li tiddeċiedi jekk, għal ċertu prodott jew familja ta’ prodotti, l-eżistenza ta’ sistema ta’ kontroll tal-produzzjoni fil-fabbrika taħt ir-responsabbilità tal-fabbrikant hija kondizzjoni neċessarja u suffiċjenti għall-attestazzjoni tal-konformità, jew, jekk għal raġunijiet li għandhom x’jaqsmu mal-konformità tal-kriterji msemmija fl-Artikolu 13(4), l-intervent ta’ korp approvat tal-attestazzjoni hijiex għalhekk meħtieġa; Billi l-Artikolu 13(4) jeħtieħ li l-proċedura hekk iddeterminata għandha tkun indikata fil-mandati u l-speċifikazzjonijiet tekniċi; billi għalhekk, huwa mixtieq li jkun definit il-kunċett ta’ prodotti jew familja ta’ prodotti kif użati fil-mandati u fl-ispeċifikazzjonijiet tekniċi; Billi iż-żewġ proċeduri li hemm disposizzjoni dwarhom fl-Artikolu 13(3) huma deskritti fid-dettal fl-Anness III tad-Direttiva 89/106/KEE; billi huwa meħtieġ għalhekk li jkunu speċifikati b’mod ċar il-metodi li bihom iż-żewġ proċeduri għandhom ikunu implimentati, b’referenza għall-Anness III, għal kull prodott jew familja ta’ prodotti, la darba l-Anness III jagħti preferenza lil ċerti sistemi; Billi l-proċedura riferita fl-Artikolu 13(3) (a) tikkorispondi għas-sistemi elenkati fl-ewwel possibbilità, mingħajr sorveljanza kontinwa, u fit-tieni u tielet possibbiltajiet tas-sezzjoni 2 (ii) ta’ l-Anness III, u l-proċedura riferita fl-Artikolu 13(3) (b) tikkorispondi għas-sistemi elenkati fis-sezzjoni 2 (i) ta’ l-Anness III, u fl-ewwel possibbilità, b’sorveljanza kontinwa, tas-sezzjoni 2(ii) ta’ l-Anness III; Billi l-miżuri li hemm provvediment dwarhom f’din id-Deċiżjoni huma skond l-opinjoni tal-Kumitat Permanenti dwar il-Bini, ADOTTAT DIN ID-DEĊIŻJONI: Artikolu 1 Il-prodotti elenkati fl-Anness I għandhom ikollhom il-konformità tagħhom ċċertifikata bi proċedura li biha, b’żieda mas-sistema ta’ kontroll tal-produzzjoni fil-fabbrika operata mill-fabbrikant, korp approvat tal-attestazzjoni ikun involut fil-kalkolazzjoni u s-sorvelljanza tal-produzzjoni tal-prodott innifsu. Artikolu 2 Il-proċedura għall-attestazzjoni tal-konformità kif stabbilita fl-Anness II għandha tkun indikata fil-mandati tal-linji ta’ gwida għall-approvazzjoni teknika Ewropea. Artikolu 3 Din id-Deċiżjoni hija indirizzata lill-Istati Membri. Magħmula fi Brussel, fl-14 ta’ Lulju 1997. Għall-Kummissjoni Martin bangemann Membru tal-Kummissjoni [1] ĠU L 40, tal-11.2.1989, p. 12. [2] ĠU L 220, tat-30.8.1993, p. 1. -------------------------------------------------- L-ANNESS Is-sistemi komposti ta’ insulazzjoni termali esterna/settijiet għall-illixxar, li jużaw prodotti kklassifikati fir-rigward tar-reazzjoni għan-nar bħal A [1], B [2] jew ċ [3] u A (mingħajr ittestjar), D, E, jew F intiżi biex ikunu applikati fuq ħitan esterni soġġetti għar-regolamenti dwar in-nar u s-sistemi kompost ta’ l-insulazzjoni termali esterna/settijiet għall-ilixxar, intiżi li jkunu applikati fuq ħitan esterni li mhumiex soġġetti għar-regolamenti dwar in-nar. Is-sistemi komposti għall-insulazzjoni termali esterna/settijiet għall-illixxar, li jużaw prodotti kklassifikati fir-rigward tar-reazzjoni kontra nar bħal A [4], B [5] jew C [6] intiżi biex ikunu applikati fuq ħitan esterni soġġetti għar-regolamenti dwar in-nar. [1] Materjali li dwarhom ir-reazzjoni ta’ l-imġieba tan-nar li mhumiex suxxettibli għal bidla waqt il-proċess tal-produzzjoni. [2] Materjali li dwarhom ir-reazzjoni ta’ l-imġieba tan-nar li mhumiex suxxettibli għal bidla waqt il-proċess tal-produzzjoni. [3] Materjali li dwarhom ir-reazzjoni ta’ l-imġieba tan-nar li mhumiex suxxettibli għal bidla waqt il-proċess tal-produzzjoni. [4] Materjali li għalihom ir-reazzjoni dwar l-imġieba tan-nar hija suxxettibli għal bidla waqt il-proċess tal-produzzjoni. [5] Materjali li għalihom ir-reazzjoni dwar l-imġieba tan-nar hija suxxettibli għal bidla waqt il-proċess tal-produzzjoni. [6] Materjali li għalihom ir-reazzjoni dwar l-imġieba tan-nar hija suxxettibli għal bidla waqt il-proċess tal-produzzjoni. -------------------------------------------------- ANNEX II FAMILJA TA’ PRODOTTI SISTEMI KOMPOSTI TA’ L-INSULAZZJONI TERMALI ESTERNA/SETTIJIET GĦALL-ILLIXXAR (1/1) Sistemi ta’ attestazzjoni tal-konformità Għall-prodott(i) u l-użu intiż tagħhom elenkat hawn taħt, l-EOTA hija mitluba li tispeċifika is-sistema(i) li ġejjin tal-attestazzjoni tal-konformità fil-Linji ta’ Gwida relevanti għall-approvazzjoni tekniċi Ewropej: Is-Sistema 1: Ara l-Anness III, is-Sezzjoni 2 (i) tad-Direttiva 89/106/KEE; mingħajr it-testijiet ta’ l-awditjar tal-kampjuni Is-Sistema 2+: Ara l-Anness III, is-Sezzjoni 2 (ii) tad-Direttiva 89/106/KEE, l-ewwel possibilità, inkluża l-attestazzjoni tal-kontroll tal-produzzjoni fil-fabbrika minn korp approvat fuq il-bażi ta’ spezzjoni inizzjali tal-fabbrika u l-kontrol tal-produzzjoni fil-fabbrika kif ukoll is-sorveljanza, studju u approvvazzjoni kontinwa tal-kontroll tal-produzzjoni fil-fabbrika Prodott(i) | Użu(i) intiż | Livell(i) jew klassi(jiet) (Reazzjoni għan-nar) | Attestazzjoni tas-sistema(i) tal-konformità | Sistemi komposti ta’ insulazzjoni termika esterna/settijiet ta’ l-illixxar (ETICS) | F’ħitan esterni suġġetti għar-regolament dwar in-nar | A-B-C | 1 | A-B-C A (mingħajr ittestjar) D-E-F | 2+ | F’ħitan esterni li ma humiex suġġetti għar-regolament dwar in-nar | kwalunkwe | 2+ | L-ispeċifikazzjoni tas-sistema għandha tkun tali li tista’ tiġi implimentata anke meta l-imġieba ma tkunx teħtieġ li tkun iddeterminata għal ċerta karatteristika, minħabba li mill-anqas Stat Membru wieħed m’għandux ħtieġa legali għall-karatteristika bħal din [Ara l-Artikolu 2.1 tal-CPD u, fejn applikabli, il-klawsola 1.2.3 tad-Dokumenti Interprettativi.] F’dawk il-każi il-verifika ta’ karatteristiċi simili m’għandhiex tkun imposta fuq il-fabbrikant jekk huwa ma jixtieqx jiddikjara l-imġieba tal-prodott f’dak l-aspett. --------------------------------------------------