This document is an excerpt from the EUR-Lex website
Document 31992R3578
Council Regulation (EEC) No 3578/92 of 7 December 1992 amending Regulation (EEC) No 1107/70 on the granting of aids for transport by rail, road and inland waterway
Ir-Regolament tal-Kunsill (KEE) Nru 3578/92 tas-7 ta' Diċembru 1992 li jemenda r-Regolament (KEE) Nru 1107/70 dwar l-għoti ta' għajnuniet għal trasport bil-ferrovija, bit-triq u bil-passaġġi fuq l-ilma interni
Ir-Regolament tal-Kunsill (KEE) Nru 3578/92 tas-7 ta' Diċembru 1992 li jemenda r-Regolament (KEE) Nru 1107/70 dwar l-għoti ta' għajnuniet għal trasport bil-ferrovija, bit-triq u bil-passaġġi fuq l-ilma interni
ĠU L 364, 12.12.1992, p. 11–12
(ES, DA, DE, EL, EN, FR, IT, NL, PT) Dan id-dokument ġie ppubblikat f’edizzjoni(jiet) speċjali
(FI, SV, CS, ET, LV, LT, HU, MT, PL, SK, SL, BG, RO)
No longer in force, Date of end of validity: 02/12/2009; Impliċitament imħassar minn 32007R1370
Official Journal L 364 , 12/12/1992 P. 0011 - 0012
Finnish special edition: Chapter 7 Volume 4 P. 0146
Swedish special edition: Chapter 7 Volume 4 P. 0146
Ir-Regolament tal-Kunsill (KEE) Nru 3578/92 tas-7 ta' Diċembru 1992 li jemenda r-Regolament (KEE) Nru 1107/70 dwar l-għoti ta' għajnuniet għal trasport bil-ferrovija, bit-triq u bil-passaġġi fuq l-ilma interni IL-KUNSILL TAL-KOMUNITAJIET EWROPEJ, Wara li kkunsidra t-Trattat li jistabbilixxi l-Komunità Ekonomika Ewropea, u b'mod partikolari l-Artikolu 75 tiegħu, Wara li kkunsidra l-proposta mingħand il-Kummissjoni [1], Wara li kkunsidra l-opinjoni tal-Parlament Ewropew [2], Wara li kkunsidra l-opinjoni tal-Kumitat Ekonomiku u Soċjali [3], Billi r-Regolament (KEE) Nru 1107/70 [4] jipprovdi li Stati Membri jistgħu jippromwovu l-iżvilupp ta' trasport konġunt bl-għoti ta' għajnuna dwar investiment f'infrastruttura u fil-faċilitajiet fissi u mobbli meħtieġa għal trasbord jew għat-trasbord ta' servizz ta' trasport kombinat ġewwa l-Komunità fi tranżitu madwar it-teritorju ta' pajjiżi mhux membri; Billi l-evoluzzjoni ta' trasport konġunt juri li għall-Komunità sħiħa, il-fażi tal-bidu ta' din it-teknoloġija għadha ma ġietx konkluża, u billi l-arranġamenti ta' għajnuna għandhom għalhekk jinżammu għal perjodu ieħor; Billi l-possibbiltà li tingħata dik l-għajnuna għall-infieq rikorrenti ta' servizzi ta' trasport kombinat li jaqsmu t-teritorju ta' pajjiż mhux membru hi meħtieġa biss fil-każijiet speċifiċi ta' l-Awstrija, l-Isvizzera u l-Istati ta' dik li kienet il-Jugoslavja; Billi l-ħtieġa li tintlaħaq koeżjoni ekonomika u soċjali malajr fil-Komunità titlob li jsir enfasi fuq investiment f'faċilitajiet bil-ferrovija u ta' toroq, speċifiċi għal trasport kombinat, b'mod partikolari fejn dawn jippreżentaw alternattiva għal xogħol ta' infrastruttura li ma jistax jitlesta fi żmien qasir; Billi, b'żieda ma' dan, il-provvista ta' għajnuna għal faċilitajiet ta' toroq, speċifiċi għal trasport konġunt, għandu jkun mod effettiv biex ikunu nkoraġġiti intrapriżi żgħar u ta' daqs medju li jagħmlu użu minn servizzi ta' trasport kombinat; Billi għajnuna għal tagħmir speċifiku għal trasport konġunt, għandu jgħin l-iżvilupp ta' teknoloġija ġdida bimodali ta' trasbord; Billi matul fażi tal-bidu limitata, il-possibiltà li tingħata għajnuna għandha għalhekk tkun estiża għal investiment f'faċilitajiet ta' trasport disinjati speċifikament għal trasport kombinat, kemm-il darba dawn jintużaw esklussivament għal dak il-għan; Billi l-arranġamenti preżenti ta' għajnuna għandhom jinżammu fis-seħħ sal-31 ta' Diċembru 1995 u l-Kunsill għandu jiddeċiedi, taħt il-kondizzjonijiet stabbiliti fit-Trattat, dwar l-arranġamenti li għandhom japplikaw sussegwentement jew, jekk meħtieġ, dwar il-kondizzjonijiet biex titwaqqaf dik l-għajnuna; Billi r-Regolament (KEE) Nru 1107/70 għandu għalhekk ikun emendat, ADOTTA DAN IR-REGOLAMENT: L-Artikolu 1 "(e) sal-31 ta' Diċembru 1995, meta l-għajnuniet jingħataw bħala miżura temporanja u huma ddisinjati biex jiffaċilitaw l-iżvilupp ta' trasport kombinat, dawk l-għajnuniet għandhom jirreferu għal: - investiment f'infrastruttura, jew - investiment f'faċilitajiet fissi u mobbli meħtieġa għal transhipment, jew - investiment f'tagħmir ta' trasport iddisinjat speċifikament għal trasport kombinat u użat esklussivament fi trasport kombinat, jew - spejjeż biex jiġu operati servizzi ta' trasport kombinat fi tranżitu matul l-Awstrija, l-Isvizzera jew l-Istati ta' dik li kienet il-Jugoslavja. Il-Kummissjoni għandha tagħti rapport ta' progress dwar il-miżuri ta' hawn fuq lill-Kunsill kull sentejn fejn tagħti dettalji, fost l-oħrajn, tad-destinazzjoni ta' l-għajnuniet, l-ammonti tagħhom u l-impatt tagħhom fuq it-trasport kombinat. Stati Membri għandhom jagħtu lill-Kummissjoni l-informazzjoni meħtieġa biex isir ir-rapport. Sal-31 ta' Diċembru 1995 il-Kunsill, waqt li jaġixxi fuq proposta mill-Kummissjoni, għandu jiddeċiedi skond il-kondizzjonijiet stabbiliti fit-Trattat, dwar l-arranġamenti li għandhom japplikaw sussegwentement jew, jekk meħtieġ, dwar il-kondizzjonijiet biex dawn jiġu mwaqqfa." L-Artikolu 2 Dan ir-Regolament għandu jidħol fis-seħħ fit-tielet jum wara l-pubblikazzjoni tiegħu fil-Ġurnal Uffiċjali tal-Komunitajiet Ewropej. Dan għandu japplika mill-1 ta' Jannar 1993. Dan ir-Regolament għandu jorbot fl-intier tiegħu u jkun direttament applikabbli fl-Istati Membri kollha. Magħmul fi Brussel, fis-7 ta' Diċembru 1992. Għall-Kunsill Il-President J. MacGregor [1] ĠU C 282, tat-30.10.1992, p. 10. [2] Opinjoni mogħtija fl-20 ta' Novembru 1992 (għad mhux ippubblikata fil-Ġurnal Uffiċjali). [3] Opinjoni mogħtija fl-24 ta' Novembru 1992 (għad mhux ippubblikata fil-Ġurnal Uffiċjali). [4] ĠU L 130, tal-15.6.1970, p. 1. L-aħħar emendat permezz tar-Regolament (KEE) Nru 1100/89 (ĠU L 116, tat-28.4.1989, p. 24). --------------------------------------------------