31991R1768

Ir-Regolament tal-kummissjoni (KEE) Nru 1768/91

tal-21 ta’ Ġunju 1991

li jemenda r-Regolament (KEE) Nru 2921/90 dwar għajnuna għall-produzzjoni ta’ kaseina u prodotti tal-kaseina minn ħalib xkumat.

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ekonomika Ewropea,

Wara li kkunsidrat ir-Regolament tal-Kunsill (KEE) Nru 804/68 tas-27 ta’ Ġunju 1968 dwar l-organizzazzjoni komuni tas-suq tal-ħalib u prodotti tal-ħalib [1], kif l-aħħar emendat bir-Regolament (KEE) Nru 1630/91 [2] u b’mod partikolari l-Artikolu 11(3) tiegħu,

Billi r-Regolament tal-Kummissjoni (KEE) Nru 756/70 ta’ l-24 ta’ April 1970 dwar l-għoti ta’ għajnuna għall-ħalib xkumat ipproċessat fkaseina u prodotti tal-kaseina [3] ġie revokat bir-Regolament (KEE) Nru 2921/90 [4]; billi, fil-waqt li ġie revokat, ġew adottati ċerti miżuri speċjali biex jiffaċilitaw ir-rilaxx tal-garanziji li ngħataw skond l-artikolu 4(1) tar-Regolament (KEE) Nru 756/70; billi ġie muri li, rigward kwantitajiet li jilħqu d-destinazzjoni tagħhom sa’ l-14 ta’ Ottubru 1990, il-miżuri msemmija ma jipproduċux ir-riżultat maħsub mingħajr ebda ħtija ta’ l-operaturi kkonċernati; billi, għaldaqstant, huwa neċessarju li jiġu adottati miżuri ġodda biex jippermettu li dawk li huma kkonċernati jiksbu r-rilaxx tal-garanziji billi jippreżentaw dokumenti ta’ sostenn minbarra dawk li huma bħalissa meħtieġa;

Billi l-miżuri preskritti f’dan ir-Regolament huma skond l-opinjoni tal-Kumitat ta’ Tmexxija għall-Ħalib u għall-Prodotti tal-Ħalib,

ADOTTAT DAN IR-REGOLAMENT:

L-Artikolu 1

Ir-Regolament (KEE) Nru. 2921/90 hu b’dan emendat kif ġej:

1. Fl-Artikolu 6:

(a) it-tieni sentenza tat-tieni paragrafu hija mħassra;

(b) għandhom jiżdiedu dawn it-tielet, ir-raba u l-ħames paragrafi li ġejjin:

"Meta d-destinazzjonijiet imsemmija fit-tieni paragrafu ntlaħqu sa l-14 ta’ Ottubru 1990, dawk ikkonċernati għandhom jiksbu r-rilaxx tal-garanziji billi jissottomettu lill-awtorità kompetenti applikazzjoni flimkien mad-dokumenti ta’ sostenn li ġejjin, li għandhom juru l-kwantitatjiet eżatti ta’ kaseina u prodotti tal-kaseina involuti u jagħtu in-numru tal-grupp ta’ produzzjoni rilevanti:

- għall-esportazzjonijiet: prova li l-kaseina u l-prodotti tal-kaseina kkonċernati telqu mit-territorju doganali tal-Komunità,

- għall-konsenji lil stabbilment marbut bil-garanzija msemmija fl-Artikolu 4(5) tar-Regolament (KEE) Nru 756/70: kopja tad-dokumenti ta’ konsenja bil-baħar u/jew nota ta’ konsenja u kopja ta’ l-irċevuta.

L-awtorità kompetenti taċċetta biss l-applikazzjoni msemmija fit-tielet paragrafu sakemm din tinkludi wegħda mill-persuna kkonċernata li tħallas lill-awtorità kompetenti somma ekwivalenti tal-garanziji rilaxxati jekk, f’xi kontroll illi l-awtoritajiet pubbliċi jistgħu jwettqu matul 12-il xahar wara d-data tal-iffirmar tal-wegħda, jinstab illi l-kaseina jew il-prodotti tal-kaseina in kwistjoni kellhom destinazzjoni differenti minn dik indikata fid-dokumenti ta’ sostenn sottomessi skond it-tielet paragrafu.

Biex jiffaċilitaw l-amministrazzjoni tar-rilaxx tal-garanziji, l-Istati Membri għandhom, fejn meħtieġ, jassistu fl-identifikazzjoni ta’ l-istabbilimenti marbuta bil-wegħda msemmija fl-Artikolu 4(5) tar-Regolament (KEE) Nru 756/70 li jinsabu fit-territorju tagħhom."

2. Fl-Artikolu 7, it-tieni paragrafu għandu jiġi sostitwit b’dan li ġej:

"Għandu jgħodd għal kaseina u prodotti tal-kaseina li ġew prodotti mill-15 ta’ Ottubru 1990, bla ħsara għad-dispożizzjonijiet ta’ l-Artikolu 6."

L-Artikolu 2

Dan ir-Regolament jibda jseħħ fit-tielet jum wara il-pubblikazzjoni tiegħu fil-Ġurnal Uffiċjali tal-Komunitajiet Ewropej.

Artikolu 1 (1) (b) jgħodd għal kasina u prodotti tal-kaseina li ġew prodotti qabel il-15 ta’ Ottubru 1990. Dan ir-Regolament jorbot fl-intier tiegħu u huwa direttament applikabbli fl-Istati Membri kollha.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussel, fil-21 ta’ Ġunju 1991.

Għall-Kummissjoni

Ray Mac Sharry

Membru tal-Kummissjoni

[1] ĠU L 148, tat-28.6.1968, p. 13.

[2] ĠU L 150, tal-15.6.1991, p. 19.

[3] ĠU L 91, tal-25.4.1970, p. 28.

[4] ĠU L 279, tal-11.10.1990, p. 22.

--------------------------------------------------