31979R1465

Ir-Regolament tal-Kummissjoni (KEE) Nru 1465/79

tat-13 ta’ Lulju 1979

li jemenda r-Regolament (KEE) Nru 890/78 li jistabbilixxi regoli dettaljati għaċ-ċertifikazzjoni tal-ħops u r-Regolament (KEE) Nru 3076/78 dwar l-importazzjoni tal-ħops minn pajjiżi li mhumiex membri

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi il-Komunità Ekonomika Ewropea,

Wara li kkunsidrat ir-Regolament tal-Kunsill (KEE) Nru 1696/71 tas-26 ta’ Lulju 1971 dwar l-organiżazzjoni komuni tas-suq fil-ħops [1], kif l-aħħar emendat bir-Regolament (KEE) Nru 235/79 [2], u partikolarment l-Artikoli 2(5) u 5 (3) li joħorġu minnu,

Billi l-esperjenza miksuba matul l-ewwel sena ta’ l-applikazzjoni tar-Regolamenti tal-Kummissjoni (KEE) Nru 890/78 [3] u (KEE) Nru 3076/78 [4] turi li dawk il-miżuri għandhom ikunu ssuplimentati jew emendati biex jieħdu konsiderazzjoni aħjar tal-kondizzjonijiet għall-immarkettjar tal-prodott;

Billi jidher mixtieq li, fl-assenza ta’ ċertifikat mudell uniformi għall-Komunità, iċ-ċertifikati maħruġa minn l-Istati Membri differenti għandhom ikollhom test identiku rigward il-konformità tal-prodott għall-kondizzjonijiet tal-Komunità;

Billi jidher meħtieġ li jkunu ssuplimentati r-regoli biż-żieda ta’ disposizzjonijiet dwar prova ta’ ċertifikazzjoni tal-prodotti ġejjin minn kunsinna maqsuma; billi jidher xieraq li tkun addottata sistema simili li tkopri l-bejgħ mill-ġdid ta’ prodotti tal-ħops impurtati minn pajjiżi li mhumiex membri, wara li l-kunsinna tkun maqsuma;

Billi il-piżijiet stipulati fir-regoli tal-Komunità taħt liema pakketti żgħar ta’ ħops jew prodotti tal-ħops jistgħu jiċċirkulaw mingħajr ċertifikat jew mingħajr l-attestazzjoni li hemm ipprovdut għaliha fir-Regolament (KEE) Nru 3076/78 mhumiex interament skond il-prattika kummerċjali tradizzjonali; billi dawn il-piżijiet massimi għanhom ikunu mgħollija kif imiss;

Billi il-miżuri pprovdut għalihom f’dan ir-Regolament huma skond l-opinjoni tal-Kumitat Maniġerjali għall-Ħops,

ADOTTAT DAN IR-REGOLAMENT:

Artikolu 1

Ir-Regolament (KEE) Nru 890/78 huwa għalhekk emendat kif ġej:

1. L-Artikolu segwenti huwa għalhekk imdaħħal wara l-Artikolu 5:

"Artikolu 5a

Iċ-ċertifikat li hemm riferenza għalih fl-Artikolu 5 tar-Regolament (KEE) Nru 1784/77 jkollu ta’ linqas waħda mit-testi segwenti, applikata mill-awtorità awtorizzata biex twettaq iċ-ċertifikazzjonijiet:

- Certified product — Regulation (EEC) No 890/78,

- Certificeret produkt — Forordning (EØF) nr. 890/78,

- Zertifiziertes Erzeugnis — Verordnung (EWG) Nr. 890/78,

- Produit certifié — Règlement (CEE) no 890/78,

- Prodotto certificato — Regolamento (CEE) n. 890/78,

- Gecertificeerd produkt — Verordening (EEG) nr. 890/78."

2. L-Artikolu segwenti huwa għalhekk imdaħħal wara l-Artikolu 9:

"Artikolu 9a

Fil-każ ta’ bejgħ mill-ġdid fit-territorju tal-Komunita, wara li kunsinna ċertifikata tkun inqasmet, il-prodott irid ikun akkumpanjat b’fattura jew dokument kummerċjali mill-venditur li jesprimi in-numru taċ-ċertifikat u l-isem ta’ l-aġenzija tal-ħruġ. Il-fattura jew id-dokument kummerċjali jridu wkoll ikollhom l-informazzjoni segwenti, meħuda miċ-ċertifikat:

(a) għall-ħops f’koni:

- id-deskrizzjoni tal-prodott,

- il-piż nett jew/u gross,

- il-post tal-produzzjoni,

- is-sena tal-ħsad,

- il-varjeta;

(b) għall-prodotti tal-ħops, l-informazzjoni mogħtija hawn fuq flimkien mal-post u d-data ta’ l-ipproċessar."

Artikolu 2

L-ewwel frażi ta’ l-Artikolu 7 tar-Regolament (KEE) Nru 3076/78 hija għalhekk mibdula b’dan li ġej:

"Jekk il-kunsinna terġa tinbiegħ jew tinqasam wara li tkun tpoġġiet fiċ-ċirkulazzjoni ħielsa, il-prodott irid ikun akkumpanjat b’fattura jew b’dokumenti uffiċċjali oħra miġbuda mill-venditur, li jagħtu in-numru ta’ riferenza ta’ l-attestazzjoni ta’ l-ekwivalenza, l-estratt jew l-attestazzjoni tal-kontroll, flimkien ma’ l-isem ta’ l-awtorità li ħarġithom u l-informazzjoni kkuppjata segwenti:"

Artikolu 3

Il-piż massimu mogħti fl-Artikolu 10(d) tar-Regolament (KEE) Nru No 890/78 u fl-Artikolu 8 tar-Regolament (KEE) Nru 3076/78 jkun miżjud għal kilogramm għall-koni u t-trab tal-ħops u għal 300 kilogramm għall-estratti tal-ħops.

Artikolu 4

Dan ir-Regolament jidħol fis-seħħ fit-tielet jum wara l-pubblikazzjoni tiegħu fil-Ġurnal Uffiċċjali tal-Komunitajiet Ewropej.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussel, fit-13 ta’ Lulju 1979.

Għall-Kummissjoni

Finn Gundelach

Viċi-President

[1] ĠU L 175,ta’ l- 4.8.1971, p. 1.

[2] ĠU L 34,tad- 9.2.1979, p. 4.

[3] ĠU L 117, tad-29.4.1978, p. 43.

[4] ĠU L 367, tal-21.12.1978, p. 17.

--------------------------------------------------