This document is an excerpt from the EUR-Lex website
Document 22005D0141
2005/141/EC: Decision No 1/2005 of the ACP-EC Customs Cooperation Committee of 8 February 2005 derogating from the concept of ‘originating products’ to take account of the special situation of Cape Verde regarding the production of men’s shirts (HS heading 62.05)
Id-Deċiżjoni Nru 1/2005 tal-Kumitat ta' Koperazzjoni Doganali ta' l-ACP-KE tat- 8 ta' Frar 2005 li tidderoga mill-kunċett ta' prodotti li joriġinaw biex tieħu in kunsiderazzjoni s-sitwazzjoni speċjali tal-Cape Verde dwar il-produzzjoni ta' qomos ta' l-irġiel (titolu HS 62.05)
Id-Deċiżjoni Nru 1/2005 tal-Kumitat ta' Koperazzjoni Doganali ta' l-ACP-KE tat- 8 ta' Frar 2005 li tidderoga mill-kunċett ta' prodotti li joriġinaw biex tieħu in kunsiderazzjoni s-sitwazzjoni speċjali tal-Cape Verde dwar il-produzzjoni ta' qomos ta' l-irġiel (titolu HS 62.05)
ĠU L 48, 19.2.2005, p. 43–44
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
ĠU L 272M, 18.10.2005, p. 90–91
(MT)
No longer in force, Date of end of validity: 31/12/2007
|
18.10.2005 |
MT |
Il-Ġurnal Uffiċjali ta’ l-Unjoni Ewropea |
90 |
ID-DEĊIŻJONI NRU 1/2005 TAL-KUMITAT TA' KOPERAZZJONI DOGANALI TA' L-ACP-KE
tat-8 ta' Frar 2005
li tidderoga mill-kunċett ta' “prodotti li joriġinaw” biex tieħu in kunsiderazzjoni s-sitwazzjoni speċjali tal-Cape Verde dwar il-produzzjoni ta' qomos ta' l-irġiel (titolu HS 62.05)
(2005/141/KE)
IL-KUMITAT TA' KOPERAZZJONI DOGANALI ACP-KE,
Wara li kkunsidra l-Ftehim ta' Sħubija ACP-KE ffirmat f'Cotonou fit-23 ta' Jannar 2000, u b'mod partikolari l-Artikolu 38 tal-Protokoll 1 ta' l-Anness V tiegħu,
Billi:
|
(1) |
L-Artikolu 38(1) ta' l-imsemmi Protokoll li jistabbilixxi derogi mir-regoli ta' l-oriġini li jridu jingħataw kull fejn l-iżvilupp ta' industrija eżistenti jew l-istabbiliment ta' waħda ġdida jitlob hekk. |
|
(2) |
Fit-30 ta' Settembru 2004, l-Istati ta' l-ACP issottomettew talba, f'isem il-Gvern ta' Cape Verde, għal deroga mir-regola ta' l-oriġini fil-Protokoll, fir-rigward tal-qomos ta' l-irġiel prodotti minn dan il-pajjiż għal 140 000 biċċa fl-2004 li gradwalment trid tiżdied għal 180 000 biċċa fl-2008. |
|
(3) |
Id-deroga mitluba hija ġustifikata taħt id-disposizzjonijiet relevanti ta' l-Artikolu 28(1) sa (5); Cape Verde ma jistax juża fil-produzzjoni tiegħu tal-qomos ta' l-irġiel, skond id-dispożizzjonijiet għall-akkumulazzjoni, kwantità suffiċjenti ta' materjali xierqa li joriġinaw fil-Komunità, fil-Pajjiżi u t-Territorji Barranin (OCT) jew fl-Istati l-oħra ta' l-ACP. Cape Verde huwa Stat ta' l-ACP mill-inqas żviluppati u huwa gżira u d-deroga mistennija jkollha impatt ekonomiku u soċjali pożittiv speċjalment fir-rigward ta' l-impjiegi f'Cape Verde. |
|
(4) |
Id-deroga ma tikkawżax ħsara serja lill-industrija stabbilita tal-Komunità wara li jitqiesu l-kwantitajiet ta' l-importazzjoni prevista, dejjem jekk ċerti kundizzjonijiet dwar il-kwantitajiet, il-monitoraġġ u t-tul ta' żmien jiġu rispettati. |
|
(5) |
Madanakollu, id-deroga ma tistax tingħata għall-perjodi mitluba. Id-data li fiha ġiet introdotta t-talba mill-Istati ta' l-ACP ma tippermettix l-adozzjoni ta' Deċiżjoni tal-Kumitat tal-Kooperazzjoni Doganali ACP-KE qabel l-1 ta' Jannar 2005. Apparti minn hekk iridu jidħlu fis-seħħ arranġamenti kummerċjali ġodda għall-Istati ta' l-ACP sa mhux aktar tard mill-1 ta' Jannar 2008. Għaldaqstant deroga mogħtija taħt is-sistema attwali ma tkunx iktar valida wara l-31 ta' Diċembru 2007 meta l-qafas legali għad-deroga ma jkunx għadu jeżisti. Għal dawn ir-raġunijiet il-validità tad-deroga għandha tkun limitata għal perjodu ta' 3 snin li jibdew mill-bidu ta' Jannar 2005 sa l-aħħar ta' l-2007. |
|
(6) |
Għalhekk, skond l-Artikolu 28, tista' tingħata deroga lil Cape Verde fir-rigward tal-qomos ta' l-irġiel għal 160 000 biċċa fl-2005, 170 000 biċċa fl-2006 u 180 000 biċċa fl-2007, |
IDDEĊIDIET KIF ĠEJ:
Artikolu 1
B'deroga mid-disposizzjonijiet speċjali fil-lista fl-Anness II tal-Protokoll 1 ta' l-Anness V tal-Ftehim ta' Sħubija bejn l-ACP-KE, qomos ta' l-irġiel bit-titolu HS 62.05 prodotti f'Cape Verde minn tessuti li ma joriġinawx minn hemmhekk stess għandhom jiġu meqjusa bħala li joriġinaw f'Cape Verde skond it-termini ta' din id-Deċiżjoni.
Artikolu 2
Id-deroga stipulata fl-Artikolu 1 għandha tapplika għall-prodotti u l-kwantitajiet murija fl-Anness ta' din id-Deċiżjoni li huma importati fil-Komunità minn Cape Verde tul il-perjodu mill-1 ta' Jannar 2005 sal-31 ta' Diċembru 2007.
Artikolu 3
Il-kwantitajiet stipulati fl-Anness għandhom jiġu mmaniġġjati mill-Kummissjoni, li għandha tieħu l-azzjonijiet amministrattivi kollha li tqis meħtieġa għall-immaniġġjar effiċjenti tagħhom. L-Artikoli 308a, 308b u 308c tar-Regolament (KEE) Nru 2454/93 dwar l-immaniġġjar tal-kwoti tariffali għandhom japplikaw mutatis mutandis għall-immaniġġjar tal-kwantitajiet imsemmija fl-Anness.
Artikolu 4
L-awtoritajiet doganali ta' Cape Verde għandhom jieħdu l-passi kollha meħtieġa sabiex jagħmlu spezzjonijiet kwantitattivi fuq l-esportazzjoni ta' prodotti msemmija fl-Artikolu 1. Għal dak il-għan, iċ-ċertifikati kollha li joħorġu skond din id-Deċiżjoni għandu jkun fihom referenza għalihom. L-awtoritajiet kompetenti ta' Cape Verde għandhom jgħaddu lill-Kummissjoni kull tlett xhur, dikjarazzjoni dwar il-kwantitajiet li fir-rigward tagħhom ikunu nħarġu ċ-ċertifikati ta' moviment EUR 1 skond din id-Deċiżjoni u n-numri serjali ta' dawk iċ-ċertifikati.
Artikolu 5
Kaxxa 7 taċ-ċertifikati ta' moviment EUR 1 maħruġa taħt din id-Deċiżjoni għandu jkun fihom waħda minn dawn l-indikazzjonijiet li ġejjin:
|
— |
“Derogation — Decision No 1/2005”; |
|
— |
“Derrogação — Decisão no 1/2005”; |
Artikolu 6
L-Istati Membri ta' l-ACP u l-Istati Membri u l-Komunità Ewropea għandhom jieħdu l-miżuri kollha meħtieġa minnhom sabiex jimplementaw din id-Deċiżjoni.
Artikolu 7
Din id-Deċiżjoni għandha tidħol fis-seħħ fid-data ta' l-adozzjoni tagħha.
Din id-Deċiżjoni għandha tapplika mill-1 ta' Jannar 2005.
Magħmula fi Brussel, fit-8 ta' Frar 2005.
Għall-Kumitat ta' Kooperazzjoni Doganali ACP-KE
Il-Presidenti tal-Kumitat Konġunt
Robert VERRUE
Isabelle BASSONG
ANNESS
|
Ordni Nru |
Titolu HS |
Deskrizzjoni ta' l-oġġetti |
Perjodu |
Kwantitajiet (f'biċċiet) |
|
09.1670 |
6205 |
Qomos ta' l-irġiel |
1.1.2005 — 31.12.2005 |
160 000 |
|
1.1.2006 — 31.12.2006 |
170 000 |
|||
|
1.1.2007 — 31.12.2007 |
180 000 |