This document is an excerpt from the EUR-Lex website
Document 22004D0647
2004/647/EC: Decision No 2/2004 of the ACP-EC Council of Ministers of 30 June 2004 on the revision of the terms and conditions of financing for short-term fluctuations in export earnings (Annex II to the ACP-EC Partnership Agreement signed in Cotonou)
Id-Deċiżjoni Nru 2/2004 tal-Kunsill tal-Ministri AKP-KE tat- 30 ta' Ġunju 2004 dwar ir-reviżjoni tat-termini u l-kondizzjonijiet tal-finanzjament għal varjazzjonijiet ta' żmien qasir fil-qligħ mill-esportazzjonijiet (Anness II tal-Ftehim ta' Sħubija AKP-KE ffirmat f'Kotonu)
Id-Deċiżjoni Nru 2/2004 tal-Kunsill tal-Ministri AKP-KE tat- 30 ta' Ġunju 2004 dwar ir-reviżjoni tat-termini u l-kondizzjonijiet tal-finanzjament għal varjazzjonijiet ta' żmien qasir fil-qligħ mill-esportazzjonijiet (Anness II tal-Ftehim ta' Sħubija AKP-KE ffirmat f'Kotonu)
ĠU L 297, 22.9.2004, p. 18–18
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
ĠU L 142M, 30.5.2006, p. 257–257
(MT)
In force
|
30.5.2006 |
MT |
Il-Ġurnal Uffiċjali ta’ l-Unjoni Ewropea |
257 |
ID-DEĊIŻJONI Nru 2/2004 TAL-KUNSILL TAL-MINISTRI AKP-KE
tat-30 ta' Ġunju 2004
dwar ir-reviżjoni tat-termini u l-kondizzjonijiet tal-finanzjament għal varjazzjonijiet ta' żmien qasir fil-qligħ mill-esportazzjonijiet (Anness II tal-Ftehim ta' Sħubija AKP-KE ffirmat f'Kotonu)
(2004/647/KE)
IL-KUNSILL TAL-MINISTRI AKP-KE,
Wara li kkunsidra l-Ftehim ta' Sħubija AKP-KE ffirmat f'Kotonu fit-23 ta' Ġunju 2000, u b'mod partikolari, l-Artikolu 100 tiegħu,
Billi:
|
(1) |
Il-Ftehim ta' Sħubija AKP-KE ffirmat f'Kotonu fit-23 ta' Ġunju 2000 saħaq fuq l-importanza ta' sistema ta' għajnuna addizzjonali sabiex jiġu mnaqqsa l-effetti negattivi ta' kwalunkwe instabbiltà fil-qligħ mill-esportazzjonijiet. |
|
(2) |
Skond l-Artikolu 68(3) tal-Ftehim ta' Sħubija AKP-KE, l-Istati AKP l-inqas żviluppati, interkjużi, u gżejjer għandhom jirċievu trattament aktar favorevoli. |
|
(3) |
Skond l-Artikolu 11 ta' l-Anness II għall-Ftehim, id-dispożizzjonijiet tal-Kapitolu 3 ta' dak l-Anness dwar il-finanzjar għal varjazzjonijiet ta' żmien qasir fil-qligħ mill-esportazzjonijiet għandhom ikunu suġġetti għal reviżjoni sa l-aktar tard wara sentejn ta' operat u sussegwentement fuq it-talba ta' wieħed mill-Partijiet. |
|
(4) |
Sabiex jiġi mtejjeb il-funzjonament tas-sistema ta' finanzjar għal varjazzjonijiet ta' żmien qasir fil-qligħ mill-esportazzjonijiet u jiġi żgurat li tirrispondi b'mod aktar xieraq għall-għanijiet tagħha, |
IDDEĊIEDA KIF ĠEJ:
Artikolu 1
L-Artikolu 9(1) ta' l-Anness II għall-Ftehim ta' Sħubija AKP-KE għandu jiġi sostitwit b'li ġej:
“1. L-eliġibbiltà għal riżorsi addizzjonali għandha tiġi stabbilita minn:
|
(a) |
telf ta' 10 % (2 % fil-każ ta' Stati l-inqas żviluppati, interkjużi, u gżejjer) tal-qliegħ mill-esportazzjonijiet ta' merkanzija meta mqabbel mal-medja aritmetika tal-qliegħ fl-ewwel tlett snin ta' l-ewwel erba' snin qabel is-sena ta' l-applikazzjoni; jew telf ta' 10 % (2 % fil-każ ta' Stati l-inqas żviluppati, interkjużi, u gżejjer) tal-qligħ mill-esportazzjonijiet tat-total tal-prodotti agrikoli jew minerali meta mqabbel mal-medja aritmetika tal-qligħ fl-ewwel tlett snin ta' l-ewwel erba' snin qabel is-sena ta' l-applikazzjoni għal pajjiżi fejn id-dħul mill-esportazzjoni ta' prodotti agrikoli jew minerali jirrappreżenta iżjed minn 40 % tad-dħul kollu mill-esportazzjoni ta' merkanzija; u |
|
(b) |
żieda ta' 2 % fid-defiċit pubbliku programmat għas-sena in kwistjoni jew imbassar għas-sena ta' wara.” |
Artikolu 2
Din id-Deċiżjoni għandha tidħol fis-seħħ fil-jum ta' l-adozzjoni tagħha.
Magħmula fi Brussell, nhar it-30 ta' Ġunju 2004.
Il-President tal-Kumitat ta' l-Ambaxxaturi AKP-KE
b'delega, għall-Kunsill tal-Ministri AKP-KE
Jacques OBIA