Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 22000D0713(01)

    Deċiżjoni tal-Kumitat Konġunt taż-ŻEE Nru 41/2000 tad-19 ta' Mejju 2000 li temenda l-Anness II (Regolamenti, standards, ittestjar u ċertifikazzjoni tekniċi) għall-Ftehim taż-ŻEE

    ĠU L 174, 13.7.2000, p. 51–52 (ES, DA, DE, EL, EN, FR, IT, NL, PT, FI, SV)

    ⏵Dan id-dokument ġie ppubblikat f’edizzjoni(jiet) speċjali (CS, ET, LV, LT, HU, MT, PL, SK, SL, BG, RO, HR)

    Legal status of the document In force

    ELI: http://data.europa.eu/eli/dec/2000/41(2)/oj

    22000D0713(01)



    Official Journal L 174 , 13/07/2000 P. 0051 - 0052


    Deċiżjoni tal-Kumitat Konġunt taż-ŻEE

    Nru 41/2000

    tad-19 ta' Mejju 2000

    li temenda l-Anness II (Regolamenti, standards, ittestjar u ċertifikazzjoni tekniċi) għall-Ftehim taż-ŻEE

    IL-KUMITAT KONĠUNT TAŻ-ŻEE,

    Wara li kkunsidra l-Ftehim dwar iż-Żona Ekonomika Ewropea, kif aġġustat bil-Protokoll li jaġġusta l-Ftehim għaż-Żona Ekonomika Ewropea, minn hawn iżjed 'il quddiem issir referenza għalih bħala "l-Ftehim", u b'mod partikolari l-Artikolu 98 tiegħu,

    Billi:

    (1) l-Anness II għall-Ftehim ġie emendat bid-Deċiżjoni tal-Kumitat Konġunt taż-ŻEE Nru 28/2000 tal-31 ta' Marzu 2000 [1].

    (2) ir-Regolament tal-Kummissjoni (KE) Nru 1931/1999 tad-9 ta' Settembru 1999 li jemenda l-Annessi I, II u III tar-Regolament tal-Kunsill (KEE) Nru 2377/90 li jistabbilixxi proċedura tal-Komunità għall-istabbiliment ta' limiti massimi ta' residwu ta' prodotti mediċinali veterinarji f'affarijiet ta' l-ikel li joriġinaw mill-annimali [2] għandu jiġi inkorporat fil-Ftehim.

    (3) l-addattament għar-Regolament tal-Kunsill (KEE) Nru 2377/90 tas-26 ta' Ġunju 1990 li jistabbilixxi proċedura tal-Komunità għall-istabbiliment ta' limiti massimi ta' residwu ta' prodotti mediċinali veterinarji f'affarijiet ta' l-ikel li joriġinaw mill-annimali għandu jiġi mħassar wara l-adeżjoni ta' l-Awstrija, il-Finlandja u l-Isvezja għall-Unjoni Ewropea [3],

    IDDEĊIEDA KIF ĠEJ:

    Artikolu 1

    Il-Punt 14 (Regolament tal-Kunsill (KEE) Nru 2377/90) fil-Kapitolu XIII ta' l-Anness II għall-Ftehim għandu jiġi emendat kif ġej:

    1. L-inċiż li ġej għandu jiġi miżjud:

    "- 399 R 1931: Ir-Regolament tal-Kummissjoni (KE) Nru 1931/1999 tad-9 ta' Settembru 1999 (ĠU L 240, ta' l-10.9.1999, p. 3).".

    2. L-estensjoni dwar il-perjodu ta' transizzjoni għall-Awstrija għandha tiġi mħassra.

    Artikolu 2

    It-testi tar-Regolament tal-Kummissjoni (KE) Nru 1931/1999 fil-lingwa Islandiża u f'dik Norveġiża, li għandhom jiġu ppubblikati fis-Suppliment taż-ŻEE għall-Ġurnal Uffiċjali tal-Komunitajiet Ewropej, għandhom ikunu awtentiċi.

    Artikolu 3

    Din id-Deċiżjoni għandha tidħol fis-seħħ nhar l-20 ta' Mejju 2000, sakemm ikunu saru n-notifiki kollha taħt l-Artikolu 103(1) tal-Ftehim lill-Kumitat Konġunt taż-ŻEE [4].

    Artikolu 4

    Din id-Deċiżjoni għandha tiġi ppubblikata fit-Taqsima taż-ŻEE ta', u fis-Suppliment taż-ŻEE għall-Ġurnal Uffiċjali tal-Komunitajiet Ewropej.

    Magħmula fi Brussel, fid-19 ta' Mejju 2000.

    Għall-Kumitat Konġunt taż-ŻEE

    Il-President

    F. Barbaso

    [1] ĠU L 141, tat-15.6.2000, p. 49.

    [2] ĠU L 240, ta' l-10.9.1999, p. 3.

    [3] ĠU L 224, tat-18.8.1990, p. 1.

    [4] Ebda ħtiġiet kostituzzjonali indikati.

    --------------------------------------------------

    Top