Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Summaries of EU Legislation

Is-sigħat tax-xogħol abbord vapuri li jużaw portijiet tal-UE

Date of last review:
26/08/2021
Author:
Uffiċċju tal-Pubblikazzjonijiet tal-Unjoni Ewropea
Responsible entity(ies):
Id-Direttorat Ġenerali għall-Affarijiet Marittimi u s-Sajd
Summarised document(s):

Is-sigħat tax-xogħol abbord vapuri li jużaw portijiet tal-UE

SOMMARJU TA’:

Id-Direttiva 1999/95/EC — l-infurzar ta’ regoli fejn għandhom x’jaqsmu s-sigħat tax-xogħol tal-baħħara abbord vapuri li jidħlu f’portijiet tal-UE

X’INHU L-GĦAN TAD-DIRETTIVA?

  • Din id-Direttiva għandha l-għan li tipproteġi s-saħħa u s-sigurtà tal-baħħara abbord vapuri li jużaw portijiet tal-Unjoni Ewropea (UE) u tiġġieled it-tgħawwiġ fil-kompetizzjoni minn sidien ta’ vapuri ta’ pajjiżi mhux tal-UE.
  • Hija għandha l-għan li tipprovdi proċeduri li jivverifikaw u jinfurzaw il-konformità tal-vapuri li jidħlu f’portijiet tal-Istati Membri tal-UE permezz tad-Direttiva 1999/63/KE (ara s-sommarju), li jiddeskrivi r-regoli dwar il-ħin tax-xogħol għall-baħħara, inklużi s-sigħat, il-mistrieħ, il-liv imħallas u l-idoneità għax-xogħol.

PUNTI EWLENIN

  • L-Istati Membri, permezz tal-ispetturi maħtura għall-kontroll tal-istat tal-port,, iwettqu spezzjonijiet abbord bastimenti tal-baħar li jidħlu fil-portijiet tagħhom, irrispettivament mill-pajjiż fejn huma reġistrati. Il-bastimenti tas-sajd mhumiex koperti mid-Direttiva.
  • L-ispezzjonijiet iseħħu b’mod partikolari wara li jasal ilment mill-kaptan, minn membru tal-ekwipaġġ jew minn kwalunkwe persuna jew organizzazzjoni b’interess leġittimu fl-operat mingħajr periklu tal-vapur, fil-kundizzjonijiet tax-xogħol u tal-għajxien abbord il-vapur jew fil-prevenzjoni tat-tniġġis.
  • L-ispezzjonijiet jiddeterminaw jekk:
    • tabella bl-arranġamenti tax-xogħol abbord il-vapur titpoġġa f’post faċilment aċċessibbli;
    • jinżammu abbord rekords tas-sigħat tax-xogħol u tal-perjodi ta’ mistrieħ u li dawn jiġu approvati mill-awtorità kompetenti tal-pajjiż fejn huwa reġistrat il-vapur.
  • Jekk jinstab li l-baħħara jistgħu jkunu qegħdin jitħaddmu żżejjed, titwettaq spezzjoni aktar dettaljata sabiex jiġi determinat jekk is-sigħat tax-xogħol reġistrati humiex konformi mar-regolamenti.
  • Sabiex jirranġa kwalunkwe kundizzjoni li tkun evidentement perikoluża għas-saħħa jew għas-sigurtà, l-Istat Membru jista’ jipprojbixxi lill-vapur milli jħalli l-port sakemm in-nuqqasijiet jitranġaw jew il-membri tal-ekwipaġġ jistrieħu.
  • Jekk vapur ma jitħallhiex jitlaq mill-port, il-kaptan, is-sid jew uffiċjal tal-pajjiż tal-bandiera, il-pajjiż tar-reġistrazzjoni jew rappreżentant diplomatiku jiġi infurmat bid-deċiżjoni, kif ukoll bi kwalunkwe azzjoni korrettiva meħtieġa.
  • Jekk vapur jittardja b’mod eċċessiv, is-sid ikun intitolat għal kumpens għal kwalunkwe telf jew ħsara li jġarrab, bl-oneru tal-provi jkun fuq is-sid tal-vapur, li għandu wkoll id-dritt ta’ appell kontra d-detenzjoni.

MINN META TAPPLIKA D-DIRETTIVA?

ilha tapplika mill- u kellha ssir liġi fl-Istati Membri sat-.

SFOND

Għal aktar informazzjoni, ara:

DOKUMENT EWLIENI

Id-Direttiva 1999/95/KE tal-Parlament Ewropew u tal-Kunsill tat- li tikkonċerna l-applikazzjoni ta’ dispożizzjonijiet fejn għandhom x’jaqsmu s-sigħat tax-xogħol tal-baħħara abbord vapuri li jidħlu f’portijiet Komunitarji (ĠU L 14, , pp. 29-35)

l-aħħar aġġornament

Top