EUR-Lex Access to European Union law
This document is an excerpt from the EUR-Lex website
Document 32021R0810
Commission Implementing Regulation (EU) 2021/810 of 20 May 2021 amending Implementing Regulation (EU) 2021/808 as regards transitional provisions for certain substances listed in Annex II to Decision 2002/657/EC (Text with EEA relevance)
Regolament ta’ Implimentazzjoni tal-Kummissjoni (UE) 2021/810 tal-20 ta’ Mejju 2021 li jemenda r-Regolament ta’ Implimentazzjoni (UE) 2021/808 rigward id-dispożizzjonijiet tranżizzjonali għal ċerti sustanzi elenkati fl-Anness II tad-Deċiżjoni 2002/657/KE (Test b’rilevanza għaż-ŻEE)
Regolament ta’ Implimentazzjoni tal-Kummissjoni (UE) 2021/810 tal-20 ta’ Mejju 2021 li jemenda r-Regolament ta’ Implimentazzjoni (UE) 2021/808 rigward id-dispożizzjonijiet tranżizzjonali għal ċerti sustanzi elenkati fl-Anness II tad-Deċiżjoni 2002/657/KE (Test b’rilevanza għaż-ŻEE)
C/2021/3430
OJ L 180, 21.5.2021, p. 112–113
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force: This act has been changed. Current consolidated version: 21/05/2021
|
21.5.2021 |
MT |
Il-Ġurnal Uffiċjali tal-Unjoni Ewropea |
L 180/112 |
REGOLAMENT TA’ IMPLIMENTAZZJONI TAL-KUMMISSJONI (UE) 2021/810
tal-20 ta’ Mejju 2021
li jemenda r-Regolament ta’ Implimentazzjoni (UE) 2021/2021/808 rigward id-dispożizzjonijiet tranżizzjonali għal ċerti sustanzi elenkati fl-Anness II tad-Deċiżjoni 2002/657/KE
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2017/625 tal-Parlament Ewropew u tal-Kunsill tal-15 ta’ Marzu 2017 dwar il-kontrolli uffiċjali u attivitajiet uffiċjali oħra mwettqa biex jiżguraw l-applikazzjoni tal-liġi tal-ikel u tal-għalf, ta’ regoli dwar is-saħħa u t-trattament xieraq tal-annimali, dwar is-saħħa tal-pjanti u dwar prodotti għall-protezzjoni tal-pjanti, li jemenda r-Regolamenti (KE) Nru 999/2001, (KE) Nru 396/2005, (KE) Nru 1069/2009, (KE) Nru 1107/2009, (UE) Nru 1151/2012, (UE) Nru 652/2014, (UE) 2016/429 u (UE) 2016/2031 tal-Parlament Ewropew u tal-Kunsill, ir-Regolamenti tal-Kunsill (KE) Nru 1/2005 u (KE) Nru 1099/2009 u d-Direttivi tal-Kunsill 98/58/KE, 1999/74/KE, 2007/43/KE, 2008/119/KE u 2008/120/KE, u li jħassar ir-Regolamenti (KE) Nru 854/2004 u (KE) Nru 882/2004 tal-Parlament Ewropew u tal-Kunsill, id-Direttivi tal-Kunsill 89/608/KEE, 89/662/KEE, 90/425/KEE, 91/496/KEE, 96/23/KE, 96/93/KE u 97/78/KE u d-Deċiżjoni tal-Kunsill 92/438/KEE (ir-Regolament dwar il-Kontrolli Uffiċjali) (1), u b’mod partikolari l-Artikolu 34(6) tiegħu,
Billi:
|
(1) |
Ir-Regolament ta’ Implimentazzjoni tal-Kummissjoni (UE) 2021/2021/808 (2) iħassar, fost l-oħrajn, id-Deċiżjoni tal-Kummissjoni 2002/657/KE (3). L-Artikolu 4 ta’ dik id-Deċiżjoni flimkien mal-Anness II tagħha, jistipulaw il-limiti minimi għall-prestazzjoni meħtieġa għas-sustanzi farmakoloġikament attivi l-kloramfenikol, il-metaboliti tan-nitrofuran, l-aċetat tal-medrossiproġesteron u l-aħdar malakit f’ċerti matriċi. |
|
(2) |
L-Artikolu 8 tar-Regolament tal-Kummissjoni (UE) 2019/1871 (4) jistipula d-dispożizzjonijiet tranżizzjonali għall-punti ta’ referenza għall-azzjoni għas-sustanzi farmakoloġikament attivi pprojbiti. Jenħtieġ li l-limiti tal-prestazzjoni minima meħtieġa għall-kloramfenikol, għall-metaboliti tan-nitrofuran u għas-somma tal-aħdar malakit u l-aħdar lewkomalakit li jinsabu fl-Anness II tad-Deċiżjoni 2002/657/KE jintużaw bħala punti ta’ referenza għall-azzjoni għall-ikel li joriġina mill-annimali li jiġi importat minn pajjiżi terzi, u għall-ikel li joriġina mill-annimali prodott fl-Unjoni sas-27 ta’ Novembru 2022. |
|
(3) |
Għaldaqstant jenħtieġ li, għall-finijiet imsemmija fl-Artikolu 8 tar-Regolament (UE) 2019/1871, l-Anness II tad-Deċiżjoni 2002/657/KE jibqa’ japplika sas-27 ta’ Novembru 2022. |
|
(4) |
Biex tinżamm kontinwità, jenħtieġ li dan ir-Regolament jibda japplika mill-istess data bħal dik tar-Regolament ta’ Implimentazzjoni (UE) 2021/2021/808. |
|
(5) |
Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
L-Artikolu 7 tar-Regolament ta’ Implimentazzjoni (UE) 2021/2021/808 huwa sostitwit b’dan li ġej:
“Artikolu 7
Tħassir u miżuri tranżizzjonali
Id-Deċiżjonijiet 2002/657/KE u 98/179/KE jitħassru mid-data tad-dħul fis-seħħ ta’ dan ir-Regolament.
Madankollu, sal-10 ta’ Ġunju 2026, ir-rekwiżiti stipulati fil-punti 2 u 3 tal-Anness I tad-Deċiżjoni 2002/657/KE għandhom jibqgħu japplikaw għall-metodi, li ġew ivvalidati qabel id-data tad-dħul fis-seħħ ta’ dan ir-Regolament.
Għall-finijiet imsemmija fit-tieni paragrafu tal-Artikolu 8 tar-Regolament (UE) 2019/1871, l-Anness II tad-Deċiżjoni 2002/657/KE għandu jibqa’ japplika sas-27 ta’ Novembru 2022.”
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-20 ta’ Mejju 2021.
Għall-Kummissjoni
Il-President
Ursula VON DER LEYEN
(2) Ir-Regolament ta’ Implimentazzjoni tal-Kummissjoni (UE) 2021/2021/808 tat-22 ta’ Marzu 2021 dwar il-prestazzjoni ta’ metodi analitiċi għal residwi ta’ sustanzi farmakoloġikament attivi użati f’annimali li jipproduċu l-ikel u dwar l-interpretazzjoni tar-riżultati kif ukoll dwar il-metodi li jridu jintużaw għat-teħid tal-kampjuni u li jħassar id-Deċiżjonijiet 2002/657/KE u 98/179/KE (ara paġna 84 ta’ dan il-Ġurnal Uffiċjali).
(3) Id-Deċiżjoni tal-Kummissjoni 2002/657/KE tat-14 ta’ Awwissu 2002 li jimplimenta d-Direttiva tal-Kunsill 96/23/KE rigward il-ħidma ta’ metodi analitiċi u l-interpretazzjoni tar-riżultati (ĠU L 221, 17.8.2002, p. 8).
(4) Ir-Regolament tal-Kummissjoni (UE) 2019/1871 tas-7 ta’ Novembru 2019 dwar il-punti ta’ referenza għall-azzjoni b’rabta ma’ sustanzi farmakoloġikament attivi li mhumiex permessi li jinsabu f’ikel li joriġina mill-annimali, u li jħassar id-Deċiżjoni 2005/34/KE (ĠU L 289, 8.11.2019, p. 41).