“(a)

skemi taħt it-Taqsimiet 1 (bl-eċċezzjoni tal-Artikolu 15), 2 (bl-eċċezzjoni tal-Artikoli 19c u 19d), 3, 4, 7 (bl-eċċezzjoni tal-Artikolu 44) u 10 tal-Kapitolu III ta’ dan ir-Regolament, jekk il-baġit annwali medju tal-għajnuna mill-Istat għal kull Stat Membru jaqbeż l-EUR 150 miljun, minn sitt xhur wara d-dħul fis-seħħ tagħhom, kif ukoll għajnuna implimentata fil-forma ta’ prodotti finanzjarji skont it-Taqsima 16 tal-Kapitolu III, jekk il-baġit annwali medju tal-għajnuna mill-Istat għal kull Stat Membru jaqbeż il-EUR 200 miljun, minn sitt xhur wara d-dħul fis-seħħ tagħhom. Għall-għajnuna skont it-Taqsima 16 tal-Kapitolu III ta’ dan ir-Regolament, huma biss il-kontribuzzjonijiet minn Stat Membru għall-kompartiment tal-Istat Membru tal-garanzija tal-UE, imsemmi fl-Artikolu 9(1), il-punt (b) tar-Regolament (UE) 2021/523 tal-Parlament Ewropew u tal-Kunsill (*1), li huma allokati għal prodott finanzjarju speċifiku li għandhom jitqiesu sabiex jiġi vvalutat jekk il-baġit annwali medju tal-għajnuna mill-Istat ta’ dak l-Istat Membru relatat mal-prodott finanzjarju jaqbiżx il-EUR 200 miljun. Il-Kummissjoni tista’ tiddeċiedi li dan ir-Regolament għandu jkompli japplika għal perjodu itwal għal kwalunkwe waħda minn dawn l-iskemi ta’ għajnuna wara li tkun ivvalutat il-pjan ta’ evalwazzjoni rilevanti nnotifikat mill-Istat Membru lill-Kummissjoni, fi żmien 20 jum ta’ xogħol mid-dħul fis-seħħ tal-iskema. Fejn il-Kummissjoni diġà tkun estendiet l-applikazzjoni ta’ dan ir-Regolament lil hinn mis-sitt xhur inizjali fir-rigward ta’ skemi bħal dawn, l-Istati Membri jistgħu jiddeċiedu li jestendu dawk l-iskemi sa tmiem il-perjodu ta’ applikazzjoni ta’ dan ir-Regolament, dment li l-Istat Membru kkonċernat ikun ippreżenta rapport ta’ evalwazzjoni f’konformità mal-pjan ta’ evalwazzjoni approvat mill-Kummissjoni;

“(a)

għajnuna mogħtija fis-settur tas-sajd u tal-akkwakultura, fil-kamp ta’ applikazzjoni tar-Regolament (UE) Nru 1379/2013 tal-Parlament Ewropew u tal-Kunsill (*2) bl-eċċezzjoni ta’:

(b)

għajnuna mogħtija fis-settur tal-produzzjoni agrikola primarja, bl-eċċezzjoni tal-għajnuna għall-investiment reġjonali fir-reġjuni ultraperiferiċi, skemi ta’ għajnuna operatorja reġjonali, għajnuna għal konsulenza favur l-SMEs, għajnuna għall-finanzjament ta’ riskju, għajnuna għar-riċerka u l-iżvilupp, għajnuna għall-innovazzjoni għall-SMEs, għajnuna ambjentali, għajnuna għat-taħriġ, għajnuna għal ħaddiema żvantaġġati u ħaddiema b’diżabilità, għajnuna għal proġetti ta’ żvilupp lokali mmexxi mill-komunità (CLLD), għajnuna għal proġetti ta’ Kooperazzjoni Territorjali Ewropea, għajnuna involuta fi prodotti finanzjarji appoġġati mill-Fond InvestEU, għajnuna lill-mikrointrapriżi fil-forma ta’ interventi pubbliċi li jikkonċernaw il-provvista tal-elettriku, tal-gass jew tas-sħana kif imsemmi fl-Artikolu 19c u għajnuna lill-SMEs fil-forma ta’ interventi pubbliċi temporanji li jikkonċernaw il-provvista tal-elettriku, tal-gass jew tas-sħana prodotta mill-gass naturali jew mill-elettriku biex jittaffa l-impatt taż-żidiet fil-prezzijiet wara l-gwerra ta’ aggressjoni tar-Russja kontra l-Ukrajna kif imsemmi fl-Artikolu 19d;

“(a)

Fil-każ ta’ kumpanija b’responsabbiltà limitata (minbarra SME li tkun ilha teżisti għal anqas minn tliet snin jew, għall-għanijiet ta’ eliġibbiltà għall-għajnuna ta’ finanzjament ta’ riskju, SME li tissodisfa l-kundizzjoni fl-Artikolu 21(3), il-punt (b), u tikkwalifika għal investimenti ta’ finanzjamenti ta’ riskju wara diliġenza dovuta mill-intermedjarju finanzjarju magħżul), meta aktar minn nofs il-kapital azzjonarju sottoskritt tagħha jkun sparixxa bħala riżultat ta’ telf akkumulat. Dan huwa l-każ meta t-tnaqqis tat-telf akkumulat mir-riżervi (u l-elementi l-oħrajn kollha ġeneralment ikkunsidrati bħala parti mill-fondi proprji tal-kumpanija) iwassal għal ammont kumulattiv negattiv li jaqbeż nofs il-kapital azzjonarju sottoskritt. Għall finijiet ta’ din id-dispożizzjoni, “kumpanija b’responsabbiltà limitata” tirreferi, b’mod partikolari, għat-tipi ta’ kumpaniji msemmijin fl-Anness I tad-Direttiva 2013/34/UE tal-Parlament Ewropew u tal-Kunsill (*5) u “kapital azzjonarju” tinkludi, fejn rilevanti, kull primjum azzjonarju.

(b)

Fil-każ ta’ kumpanija fejn mill-anqas xi membri tagħha għandhom responsabbiltà illimitata għad-dejn tal-kumpanija (minbarra SME li tkun ilha teżisti għal anqas minn tliet snin jew, għall-għanijiet ta’ eliġibbiltà għall-għajnuna ta’ finanzjament ta’ riskju, SME li tissodisfa l-kundizzjoni fl-Artikolu 21(3), il-punt (b), u tikkwalifika għal investimenti ta’ finanzjamenti ta’ riskju wara diliġenza dovuta mill-intermedjarju finanzjarju magħżul), fejn aktar minn nofs il-kapital tagħha kif muri fil-kontijiet tal-kumpanija jkun sparixxa bħala riżultat ta’ telf akkumulat. Għall-finijiet ta’ din id-dispożizzjoni, “kumpanija fejn mill-anqas xi membri tagħha għandhom responsabbiltà illimitata għad-dejn tal-kumpanija” tirreferi, b’mod partikolari għat-tipi ta’ kumpaniji msemmijin fl-Anness II tad-Direttiva 2013/34/UE.

“(20)

“ammont aġġustat tal-għajnuna” tfisser l-ammont massimu permissibbli tal-għajnuna għal proġett kbir ta’ investiment, ikkalkulat f’konformità mal-formula li ġejja:

ammont aġġustat tal-għajnuna = R × (A + 0,50 × B + 0 × C)

fejn: R hija l-intensità massima tal-għajnuna applikabbli fiż-żona kkonċernata, minbarra l-intensità akbar tal-għajnuna għall-SMEs; A hija l-parti tal-ispejjeż eliġibbli ugwali għal EUR 55 miljun; B hija l-parti tal-ispejjeż eliġibbli bejn EUR 55 miljun u EUR 110 miljun, u C hija l-parti tal-ispejjeż eliġibbli ta’ aktar minn EUR 110 miljun;”;

“(27)

“żoni megħjunin” tfisser żoni deżinjati f’mappa tal-għajnuna reġjonali li tkun ġiet approvata b’applikazzjoni tal-Artikolu 107(3), il-punti (a) u (c) tat-Trattat u li tkun fis-seħħ fiż-żmien tal-għoti tal-għajnuna;”;

“(32)

“żieda netta fin-numru ta’ impjegati” tfisser żieda netta fin-numru ta’ impjegati fl-istabbiliment ikkonċernat meta mqabbla mal-medja matul perjodu partikolari fiż-żmien, wara li jitnaqqas min-numru ta’ impjiegi maħluqin kwalunkwe telf ta’ impjiegi matul dak il-perjodu. In-numru ta’ persuni impjegati full-time, part-time u staġunali għandu jitqies bil-frazzjonijiet annwali tagħhom tal-unità tax-xogħol;”;

“(34)

“intermedjarju finanzjarju” tfisser kwalunkwe istituzzjoni finanzjarja, irrispettivament mill-forma u mis-sjieda tagħha, inklużi fondi ta’ fondi, fondi ta’ investiment privat, fondi ta’ investiment pubbliku, banek, istituzzjonijiet ta’ mikrofinanzjament u soċjetajiet ta’ garanzija;”;

“(39a)

“distakkament” tfisser li l-kundizzjonijiet tat-tranżazzjoni bejn il-partijiet kontraenti ma jvarjawx minn dawk li jiġu stipulati bejn impriżi indipendenti u ma jkunx fihom element ta’ kollużjoni. Kull tranżazzjoni li tirriżulta minn proċedura miftuħa, trasparenti u mhux diskriminatorja hija kkunsidrata li tilħaq il-prinċipju ta’ distakkament;

(39b)

“miktuba” tfisser kwalunkwe forma ta’ dokument bil-miktub, inklużi dokumenti elettroniċi, sakemm tali dokumenti elettroniċi jkunu rikonoxxuti bħala ekwivalenti skont il-proċeduri amministrattivi u l-leġiżlazzjoni applikabbli fl-Istat Membru kkonċernat;”;

“(42)

“għajnuna operatorja reġjonali” tfisser għajnuna biex tnaqqas l-infiq attwali ta’ impriża, inkluż kategoriji bħal spejjeż tal-persunal, materjali, servizzi kuntrattati, komunikazzjonijiet, enerġija, manutenzjoni, kera u amministrazzjoni, iżda teskludi l-imposti marbutin mad-deprezzament u l-spejjeż tal-finanzjament relatati ma’ investiment li jkun ibbenefika minn għajnuna għall-investiment;

(43)

“is-settur tal-azzar” tfisser il-produzzjoni ta’ wieħed jew aktar minn dawn li ġejjin:

“(43a)

“linjite” tfisser C ta’ grad baxx jew orto-linjite u B ta’ grad baxx jew meta-linjite kif definit mis-sistema ta’ kodifikazzjoni internazzjonali għall-faħam stabbilita mill-Kummissjoni Ekonomika għall-Ewropa tan-Nazzjonijiet Uniti;”;

“(45)

“is-settur tat-trasport” tfisser it-trasport ta’ passiġġieri permezz ta’ inġenji tal-ajru, bit-trasport marittimu, bit-triq jew ferrovjarju u permezz ta’ passaġġi tal-ilma interni jew servizzi ta’ trasport ta’ merkanzija b’kiri jew b’kumpens; b’mod aktar speċifiku, “is-settur tat-trasport” tfisser l-attivitajiet li ġejjin f’termini tal-klassifikazzjoni statistika tal-attivitajiet ekonomiċi (NACE Rev. 2), stabbilita bir-Regolament (KE) Nru 1893/2006 tal-Parlament Ewropew u tal-Kunsill (*6):

“(47a)

“tlestija tal-investiment” tfisser il-mument meta l-investiment jitqies mill-awtoritajiet nazzjonali bħala lest jew, fin-nuqqas ta’ dan, tliet snin wara l-bidu tax-xogħlijiet;”;

“(49)

“investiment inizjali” tfisser wieħed minn dawn li ġejjin:

(50)

“l-istess attività jew attività simili” tfisser attività fl-istess klassi (kodiċi numeriku b’erba’ ċifri) tal-klassifikazzjoni statistika tal-attivitajiet ekonomiċi NACE Rev. 2 (NACE Rev. 2);

(51)

“investiment inizjali li joħloq attività ekonomika ġdida” tfisser:

“(72)

“investitur privat indipendenti” tfisser investitur li huwa privat u indipendenti, kif definit f’dan il-punt. Investituri “privati” tfisser investituri li, irrispettivament mill-istruttura tas-sjieda tagħhom, isegwu interess purament kummerċjali, jużaw ir-riżorsi proprji tagħhom u jġorru r-riskju sħiħ fir-rigward tal-investiment tagħhom, u jinkludu, b’mod partikolari: istituzzjonijiet ta’ kreditu li jinvestu b’riskju proprju u minn riżorsi proprji, dotazzjonijiet privati u fondazzjonijiet, uffiċċji tal-familja u investituri informali, investituri korporattivi, impriżi tal-assigurazzjoni, fondi tal-pensjonijiet, istituzzjonijiet akkademiċi, kif ukoll persuni fiżiċi li jew iwettqu attività ekonomika jew le. Il-Bank Ewropew tal-Investiment, il-Fond Ewropew tal-Investiment, istituzzjoni finanzjarja internazzjonali li fiha Stat Membru jkun azzjonist, jew entità ġuridika li twettaq attivitajiet finanzjarji fuq bażi professjonali li tkun ingħatat mandat minn Stat Membru jew entità ta’ Stat Membru fil-livell ċentrali, reġjonali jew lokali sabiex twettaq attivitajiet ta’ żvilupp jew ta’ promozzjoni (bank promozzjonali nazzjonali jew istituzzjoni promozzjonali oħra), ma titqiesx bħala investitur privat għall-finijiet ta’ din id-definizzjoni. Investitur “indipendenti” tfisser investitur li ma jkunx azzjonist tal-impriża eliġibbli li jinvesti fiha. Fil-kuntest tal-investimenti ta’ segwitu, investitur jibqa’ “indipendenti” jekk ikun tqies bħala investitur indipendenti f’ċiklu ta’ investiment preċedenti. Mal-ħolqien ta’ kumpanija ġdida, kwalunkwe investitur privat, inklużi l-fundaturi, ta’ kumpanija bħal din, jitqiesu bħala indipendenti minn dik il-kumpanija;

(73)

“persuna fiżika” għall-fini tal-Artikoli 21a u 23 tfisser persuna għajr entità ġuridika u li ma hijiex impriża għall-finijiet tal-Artikolu 107(1) tat-Trattat;”;

“(79)

“entità fdata” tfisser il-Bank Ewropew tal-Investiment u l-Fond Ewropew tal-Investiment, istituzzjoni finanzjarja internazzjonali li fiha Stat Membru jkun azzjonist, jew entità ġuridika li twettaq attivitajiet finanzjarji fuq bażi professjonali li tkun ingħatat mandat minn Stat Membru jew entità ta’ Stat Membru fil-livell ċentrali, reġjonali jew lokali sabiex twettaq attivitajiet ta’ żvilupp jew ta’ promozzjoni (bank promozzjonali jew istituzzjoni promozzjonali oħra). L-entità fdata tista’ tintgħażel jew tinħatar direttament f’konformità mad-dispożizzjonijiet tad-Direttiva 2014/24/UE tal-Parlament Ewropew u tal-Kunsill (*7) jew f’konformità mal-Artikolu 38(4), il-punt (b)(iii), tar-Regolament (UE) Nru 1303/2013 tal-Parlament Ewropew u tal-Kunsill (*8) jew mal-Artikolu 59(3) tar-Regolament (UE) 2021/1060 tal-Parlament Ewropew u tal-Kunsill (*9), skont liema jkun applikabbli;

“(80)

“intrapriża innovattiva” tfisser intrapriża li tissodisfa waħda mill-kundizzjonijiet li ġejjin:

“(81)

“pjattaforma multilaterali għan-negozjar” tfisser faċilità multilaterali għan-negozjar kif definita fl-Artikolu 4(1), il-punt (22) tad-Direttiva 2014/65/UE tal-Parlament Ewropew u tal-Kunsill (*15) fejn mill-inqas 50 % tal-istrumenti finanzjarji ammessi għan-negozjar jinħarġu mill-SMEs;

“(85)

“riċerka industrijali” tfisser ir-riċerka ppjanata jew l-investigazzjoni kritika mmirata lejn l-akkwist ta’ għarfien u ħiliet ġodda għall-iżvilupp ta’ prodotti, proċessi jew servizzi ġodda jew immirati lejn titjib sinifikanti fil-prodotti, fil-proċessi jew fis-servizzi eżistenti, inklużi prodotti, proċessi jew servizzi diġitali, fi kwalunkwe qasam, teknoloġija, industrija jew settur (inklużi, iżda mhux limitati għal, l-industriji u t-teknoloġiji diġitali, bħas-supercomputing, it-teknoloġiji kwantistiċi, it-teknoloġiji tal-blockchain, l-intelliġenza artifiċjali, iċ-ċibersigurtà, it-teknoloġiji tal-big data u tal-cloud).

Ir-riċerka industrijali tinkludi l-ħolqien ta’ partijiet ta’ komponenti ta’ sistemi kumplessi, u tista’ tinkludi l-kostruzzjoni ta’ prototipi f’ambjent ta’ laboratorju jew f’ambjent b’interfaċċi simulati ma’ sistemi eżistenti kif ukoll ta’ linji pilota, meta jkun neċessarju għar-riċerka industrijali u notevolment għall-validazzjoni ta’ teknoloġija ġenerika;

(86)

“żvilupp sperimentali” tfisser l-akkwist, il-kombinazzjoni, it-tiswir u l-użu ta’ għarfien u ħiliet xjentifiċi, teknoloġiċi, kummerċjali u oħrajn rilevanti eżistenti bil-għan li jiġu żviluppati prodotti, proċessi jew servizzi ġodda jew imtejbin, inklużi prodotti, proċessi jew servizzi diġitali, fi kwalunkwe qasam, teknoloġija, industrija jew settur (inklużi, iżda mhux limitati għal, l-industriji u t-teknoloġiji diġitali, bħas-supercomputing, it-teknoloġiji kwantistiċi, it-teknoloġiji tal-blockchain, l-intelliġenza artifiċjali, iċ-ċibersigurtà, it-teknoloġiji tal-big data u tal-cloud jew teknoloġiji avvanzati). Dan jista’ jinkludi wkoll, pereżempju, attivitajiet immirati lejn id-definizzjoni kunċettwali, l-ippjanar u d-dokumentazzjoni ta’ prodotti, ta’ proċessi jew ta’ servizzi ġodda.

L-iżvilupp sperimentali jista’ jinkludi prototipi, dimostrazzjoni, pilotaġġ, ittestjar u validazzjoni ta’ prodotti, proċessi jew servizzi ġodda jew imtejba f’ambjenti rappreżentattivi tal-kundizzjonijiet operazzjonali reali fejn l-objettiv ewlieni jkun li jsir aktar titjib tekniku fil-prodotti, fil-proċessi jew fis-servizzi li għadhom ma humiex sostanzjalment stabbiliti. Dan jista’ jinkludi l-iżvilupp ta’ prototip jew ta’ pilota li jkun kummerċjalment utilizzabbli u li jkun neċessarjament il-prodott kummerċjali finali u li jkun għali wisq biex jiġi prodott sabiex jintuża biss għal finijiet ta’ dimostrazzjoni u ta’ validazzjoni.

L-iżvilupp sperimentali ma jinkludix tibdiliet ta’ rutina jew perjodiċi magħmula fi prodotti, f’linji ta’ produzzjoni, fi proċessi ta’ manifattura, f’servizzi eżistenti u f’operazzjonijiet i oħrajn fis-seħħ, anki jekk dawn it-tibdiliet jistgħu jirrappreżentaw titjib;”;

“(90a)

“Applikazzjonijiet mhux għad-difiża” għall-finijet tal-Artikolu 25e tirreferi għall-applikazzjonijiet fi prodotti għajr prodotti relatati mad-difiża elenkati fl-Anness għad-Direttiva 2009/43/KE tal-Parlament Ewropew u tal-Kunsill (*16).

“(92)

“clusters tal-innovazzjoni” tfisser strutturi jew gruppi organizzati ta’ partijiet indipendenti, (bħal negozji ġodda innovattivi, intrapriżi żgħar, medji u kbar, kif ukoll organizzazzjonijiet ta’ riċerka u tixrid tal-għarfien, infrastrutturi ta’ riċerka, infrastrutturi tal-ittestjar u tal-esperimentazzjoni, Ċentri ta’ Innovazzjoni Diġitali, organizzazzjonijiet mingħajr skop ta’ qligħ u atturi ekonomiċi relatati oħrajn) maħsubin sabiex jistimolaw l-attività innovattiva u modi ġodda ta’ kollaborazzjoni, bħal permezz ta’ mezzi diġitali, billi jikkondividu u/jew jippromwovu l-kondiviżjoni tal-faċilitajiet u l-iskambju tal-għarfien u tal-kompetenza esperta u billi jikkontribwixxu b’mod effettiv għat-trasferiment tal-għarfien, għan-networking, għat-tixrid tal-informazzjoni u għall-kollaborazzjoni bejn l-impriżi u organizzazzjonijiet oħrajn fil-clusters. Iċ-Ċentri ta’ Innovazzjoni Diġitali (inklużi ċ-Ċentri ta’ Innovazzjoni Diġitali Ewropej iffinanzjati taħt il-Programm Ewropa Diġitali ġestit ċentralment stabbilit bir-Regolament (UE) 2021/694 tal-Parlament Ewropew u tal-Kunsill (*17)) huma entitajiet li l-għan tagħhom huwa li jistimulaw l-adozzjoni wiesgħa ta’ teknoloġiji diġitali, bħall-intelliġenza artifiċjali, il-cloud, l-edge u l-computing ta’ rendiment għolja u ċ-ċibersigurtà, mill-industrija (b’mod partikolari mill-SMEs) u l-organizzazzjonijiet tas-settur pubbliku. Iċ-Ċentri ta’ Innovazzjoni Diġitali jistgħu jikkwalifikaw bħala clusters tal-innovazzjoni waħedhom skont dan ir-Regolament.

“(94)

“servizzi ta’ konsulenza dwar l-innovazzjoni” tfisser konsulenza, assistenza jew taħriġ fl-oqsma tat-trasferiment tal-għarfien, tal-akkwist, tal-protezzjoni jew tal-isfruttament ta’ assi intanġibbli jew tal-użu ta’ standards u ta’ regoli li jinkorporawhom, kif ukoll konsulenza, assistenza jew taħriġ dwar l-introduzzjoni jew l-użu ta’ teknoloġiji u ta’ soluzzjonijiet innovattivi (inklużi teknoloġiiji u soluzzjonijiet diġitali);

(95)

“servizzi ta’ appoġġ għall-innovazzjoni” tfisser il-forniment ta’ spazju għall-uffiċċji, banek tad-data, servizzi tal-cloud u ta’ ħżin ta’ data, libreriji, riċerka tas-suq, laboratorji, tikkettar tal-kwalità, ittestjar, sperimentazzjoni u ċertifikazzjoni jew servizzi relatati oħrajn, inklużi dawk is-servizzi pprovduti minn organizzazzjonijiet ta’ riċerka u ta’ tixrid tal-għarfien, infrastrutturi ta’ riċerka, infrastrutturi tal-ittestjar u tal-esperimentazzjoni jew clusters tal-innovazzjoni, sabiex jiġu żviluppati prodotti, proċessi jew servizzi aktar effettivi jew teknoloġikament aktar avvanzati, inkluża l-implimentazzjoni ta’ teknoloġiji u ta’ soluzzjonijiet innovattivi (inklużi teknoloġiji u soluzzjonijiet diġitali);

(96)

“innovazzjoni organizzazzjonali” tfisser l-implimentazzjoni ta’ metodu organizzazzjonali ġdid fil-livell tal-impriża (fil-livell tal-grupp fis-settur tal-industrija partikolari fiż-ŻEE), l-organizzazzjoni tal-post tax-xogħol jew ir-relazzjonijiet esterni, inkluż pereżempju billi jintużaw teknoloġiji diġitali ġodda jew innovattivi. Esklużi minn din id-definizzjoni huma bidliet li huma bbażati fuq metodi organizzazzjonali diġà użati fl-impriża, bidliet fl-istrateġija għall-ġestjoni, il-fużjonijiet u l-akkwiżizzjonijiet, waqfien mill-użu ta’ proċess, sostituzzjoni jew estensjoni sempliċi tal-kapital, bidliet li jirriżultaw purament minn bidliet fil-prezzijiet tal-fatturi, personalizzazzjoni, lokalizzazzjoni, bidliet regolari, staġunali u oħrajn ċikliċi u negozjar ta’ prodotti ġodda jew imtejbin b’mod sinifikanti;

(97)

“innovazzjoni fil-proċessi” tfisser l-implimentazzjoni ta’ metodu ġdid jew imtejjeb b’mod sinifikanti tal-produzzjoni jew tal-konsenja, inklużi bidliet sinifikanti fit-tekniki, fit-tagħmir jew fis-software, fil-livell tal-impriża (fil-livell ta’ grupp fis-settur tal-industrija partikolari fiż-ŻEE), inkluż pereżempju billi jsir użu minn teknoloġiji jew minn soluzzjonijiet diġitali ġodda jew innovattivi. Esklużi minn din id-definizzjoni huma bidliet jew titjib minuri, żieda fil-kapaċitajiet tal-produzzjoni jew tas-servizz permezz taż-żieda tas-sistemi ta’ manifattura jew loġistiċi li huma simili ħafna għal dawk li diġà qed jintużaw, it-twaqqif tal-użu ta’ proċess, bdil jew estensjoni sempliċi tal-kapital, bidliet li jirriżultaw purament minn bidliet fil-prezzijiet tal-fatturi, personalizzazzjoni, lokalizzazzjoni, bidliet regolari, staġunali u oħrajn ċikliċi u negozjar ta’ prodotti ġodda jew imtejba b’mod sinifikanti;”;

“(98a)

“infrastruttura tal-ittestjar u tal-esperimentazzjoni” tfisser faċilitajiet, tagħmir, kapaċitajiet u riżorsi, bħal bankijiet tat-test, linji pilota, dimostraturi, faċilitajiet tal-ittestjar jew laboratorji ħajjin, u servizzi ta’ appoġġ relatati li jintużaw b’mod predominanti mill-impriżi, speċjalment mill-SMEs, li jfittxu appoġġ għall-ittestjar u għall-esperimentazzjoni, sabiex jiżviluppaw prodotti, proċessi u servizzi ġodda jew imtejbin, u sabiex jittestjaw u jespandu teknoloġiji, sabiex javvanzaw permezz tar-riċerka industrijali u tal-iżvilupp sperimentali. L-aċċess għal infrastrutturi tal-ittestjar u tal-esperimentazzjoni ffinanzjati b’mod pubbliku jkun miftuħ għal diversi utenti u jrid jingħata fuq bażi trasparenti u mhux diskriminatorja u fuq it-termini tas-suq. L-infrastrutturi tal-ittestjar u tal-esperimentazzjoni kultant huma magħrufin ukoll bħala infrastrutturi tat-teknoloġija (*18);

“(101)

“protezzjoni tal-ambjent” tfisser kwalunkwe azzjoni jew attività mfassla sabiex tnaqqas jew tipprevjeni li jseħħ tniġġis, impatti ambjentali negattivi jew ħsara oħra fl-ambjent fiżiku (inkluż fl-arja, fl-ilma u fil-ħamrija), fl-ekosistemi jew fir-riżorsi naturali minħabba attivitajiet tal-bniedem, inkluż sabiex ittaffi t-tibdil fil-klima, tnaqqas ir-riskju ta’ tali ħsara, tħares u tirrestawra l-bijodiversità jew twassal għal użu aktar effiċjenti tar-riżorsi naturali, inklużi miżuri li jiffrankaw l-enerġija u l-użu ta’ sorsi tal-enerġija rinnovabbli u ta' tekniki oħrajn li jnaqqsu l-emissjonijiet tal-gassijiet serra u ta’ sustanzi niġġiesa oħrajn, kif ukoll li jwettqu l-bidla lejn mudelli tal-ekonomija ċirkolari bl-għan li jitnaqqas l-użu ta’ materjal verġni u jiżdiedu l-effiċjenzi. Tkopri wkoll azzjonijiet li jsaħħu l-kapaċità ta’ adattament u jimminimizzaw il-vulnerabbiltà għall-impatti klimatiċi;

(102)

“standard tal-Unjoni” tfisser:

“(102a)

“infrastruttura tal-irriċċarġjar” tfisser infrastruttura fissa jew mobbli li tforni l-vetturi jew it-tagħmir terminali mobbli jew it-tagħmir mobbli tas-servizzi fuq l-art bl-elettriku;

(102b)

“infrastruttura tar-riforniment” tfisser infrastruttura fissa jew mobbli li tforni l-vetturi jew it-tagħmir terminali mobbli jew it-tagħmir mobbli tas-servizzi fuq l-art bl-idroġenu;

(102c)

“idroġenu rinnovabbli” tfisser idroġenu prodott minn enerġija rinnovabbli f’konformità mal-metodoloġiji stabbiliti għal fjuwilsi għat-trasport rinnovabbli likwidi u gassużi ta’ oriġini mhux bijoloġika fid-Direttiva (UE) 2018/2001 tal-Parlament Ewropew u tal-Kunsill (*20);

“(102d)

“elettriku rinnovabbli” tfisser elettriku ġġenerat minn sorsi rinnovabbli, kif definit fl-Artikolu 2, il-punt (1), tad-Direttiva (UE) 2018/2001;

(102e)

“irriċarġjar intelliġenti” tfisser operazzjoni tal-irriċarġjar li fiha l-intensità tal-elettriku fornit lill-batterija tiġi aġġustata f’ħin reali, abbażi tal-informazzjoni li tasal permezz ta’ komunikazzjoni elettronika;

(102f)

“vettura nadifa” tfisser:

(102g)

“vettura b’emissjonijiet żero” tfisser:

(102h)“vettura”

tfisser kwalunkwe waħda minn dawn li ġejjin:

(102i)

“tagħmir mobbli tas-servizzi fuq l-art” tfisser tagħmir mobbli użat f’attivitajiet ta’ servizz inċidentali għat-trasport bl-ajru jew marittimu;

(102j)

“tagħmir terminali mobbli” tfisser tagħmir mobbli użat għat-tagħbija, għall-ħatt u għat-trażbord ta’ oġġetti u ta’ unitajiet tat-tagħbija intermodali, u għall-ġarr ta’ merkanzija f’żona tat-terminal;”

“(103)

“effiċjenza fl-enerġija” tfisser effiċjenza fl-enerġija kif definita fl-Artikolu 2, il-punt (4) tad-Direttiva 2012/27/UE tal-Parlament Ewropew u tal-Kunsill (*25);

“(103a)

“enerġija primarja” tfisser enerġija minn sorsi rinnovabbli u mhux rinnovabbli li ma tkun għaddiet minn ebda proċess ta’ konverżjoni jew trasformazzjoni;”;

“(103d)

“tħejjija intelliġenti” tfisser il-kapaċità tal-bini jew tal-unitajiet tal-bini li jadattaw l-operat tagħhom għall-ħtiġijiet tal-okkupant, inkluża l-ottimizzazzjoni tal-effiċjenza fl-enerġija u tar-rendiment ġenerali, u li jadattaw l-operat tagħhom b’reazzjoni għas-sinjali mill-grilja”;

“(103e)

“kumpanija żgħira b’kapitalizzazzjoni medja” tfisser impriża li mhijiex SME u li l-għadd ta’ impjegati tagħha ma jaqbiżx l-499, ikkalkulat skont l-Artikoli 3 sa 6 tal-Anness I, li l-fatturat annwali tagħha ma jaqbiżx il-EUR 100 miljun jew li l-karta tal-bilanċ annwali tagħha ma taqbiżx is-EUR 86 miljun; diversi entitajiet għandhom jitqiesu bħala impriża waħda jekk tiġi ssodisfata kwalunkwe waħda mill-kundizzjonijiet elenkati fl-Artikolu 3(3) tal-Anness I. Għall-fini tal-applikazzjoni tal-Artikoli 56e (10) u l-Artikolu 56f, kumpanija żgħira b’kapitalizzazzjoni medja tfisser impriża li mhijiex SME u timpjega sa 499 impjegat;”;

“(103f)

“iffrankar tal-enerġija” tfisser iffrankar tal-enerija kif definit fl-Artikolu 2, il-punt (5) tad-Direttiva 2012/27/UE”;

“(105)

“fond għall-effiċjenza fl-enerġija” jew “EEF” tfisser veikolu ta’ investiment speċjali stabbilit għall-fini ta’ investiment fi proġetti tal-effiċjenza fl-enerġija mmirati lejn it-titjib tal-effiċjenza fl-enerġija tal-bini. L-EEFs huma ġestiti minn maniġer tal-fond għall-effiċjenza fl-enerġija;”;

“(108)

“koġenerazzjoni” jew “sħana u enerġija kkombinati” jew “CHP” tfisser koġenerazzjoni kif definita fl-Artikolu 2, il-punt (30) tad-Direttiva 2012/27/UE;”;

“(108a)

“koġenerazzjoni bbażata fuq sorsi ta’ enerġija rinnovabbli” tfisser koġenerazzjoni li tuża 100 % mill-enerġija minn sorsi rinnovabbli bħala input għall-produzzjoni tas-sħana u l-enerġija;

(108b)

“pompa tas-sħana” tfisser magna, apparat jew installazzjoni li tittrasferixxi s-sħana minn ambjenti naturali bħall-arja, l-ilma jew l-art għall-bini jew applikazzjonijiet industrijali billi treġġa’ lura l-fluss naturali tas-sħana b’tali mod li din tgħaddi minn temperatura aktar baxxa għal waħda ogħla. Għal pompi tas-sħana riversibbli, tista’ wkoll iċċaqlaq is-sħana mill-bini għall-madwar naturali;”;

“(109)

“enerġija minn sorsi rinnovabbli” jew “enerġija rinnovabbli” tfisser enerġija prodotta minn impjanti li jużaw biss sorsi tal-enerġija rinnovabbli kif definiti fl-Artikolu 2, il-punt (1) tad-Direttiva (UE) 2018/2001, kif ukoll is-sehem f’termini ta’ valur kalorifiku tal-enerġija prodotta minn sorsi ta’ enerġija rinnovabbli f’impjanti ibridi li jużaw ukoll sorsi ta’ enerġija konvenzjonali u tinkludi l-elettriku rinnovabbli użat għall-mili ta’ sistemi ta’ ħżin konnessi wara l-miter (installati b’mod konġunt jew bħala suppliment għall-installazzjoni rinnovabbli), iżda teskludi l-elettriku prodott bħala riżultat tas-sistemi ta’ ħżin;”;

“(109a)

“komunità tal-enerġija rinnovabbli” tfisser komunità tal-enerġija rinnovabbli kif definita fl-Artikolu 2, il-punt (16) tad-Direttiva (UE) 2018/2001;”;

“(114)

“teknoloġija innovattiva” tfisser teknoloġija ġdida u kkwalifikata reċentement meta mqabbla mal-aktar stat avvanzat fl-industrija, li ġġorr riskju ta’ falliment teknoloġiku jew industrijali u mhix ottimizzazzjoni jew żieda ta’ teknoloġija eżistenti;”;

“(114a)

“proġett ta’ dimostrazzjoni” tfisser proġett ta’ dimostrazzjoni kif definit fl-Artikolu 2, il-punt (24), tar-Regolament (UE) 2019/943 tal-Parlament Ewropew u tal-Kunsill (*26);

(114b)

“kuntratt għad-differenza” tfisser strument ta’ għajnuna li jintitola lill-benefiċjarju għal pagament ugwali għad-differenza bejn prezz(ijiet) tal-eżerċitar fiss u prezz ta’ referenza – bħal prezz tas-suq, għal kull unità ta’ output;”;

“(115)

“ibbilanċjar” għall-elettriku tfisser ibbilanċjar kif definit fl-Artikolu 2, il-punt (10) tar-Regolament (UE) 2019/943;

(116)

“responsabbiltajiet standard għall-ibbilanċjar” tfisser responsabbiltajiet għall-ibbilanċjar mhux diskriminatorji bejn it-teknoloġiji li ma jeżentaw l-ebda ġeneratur mir-responsabbiltà għall-ibbilanċjar, kif stabbilit fl-Artikolu 5 tar-Regolament (UE) 2019/943;”

“(116a)

“parti inkarigata mill-ibbilanċjar (BRP)” tfisser parti inkarigata mill-ibbilanċjar kif definita fl-Artikolu 2, il-punt (14) tar-Regolament (UE) 2019/943;”;

“(117)

“bijomassa” tfisser il-frazzjoni bijodegradabbli tal-prodotti, tal-iskart u tar-residwi ta’ oriġini bijoloġika, kif definit fl-Artikolu 2, il-punt (24), tad-Direttiva (UE) 2018/2001;”;

“(117a)

“bijofjuwils” tfisser bijokarburanti kif definiti fl-Artikolu 2, il-punt (33) tad-Direttiva (UE) 2018/2001;

(117b)

“bijogass” tfisser bijogass kif definit fl-Artikolu 2, il-punt (28) tad-Direttiva (UE) 2018/2001;

(117c)

“bijolikwidi” tfisser bijolikwidi kif definiti fl-Artikolu 2, il-punt (32) tad-Direttiva (UE) 2018/2001;

(117d)

“fjuwils mill-bijomassa” tfisser karburanti mill-bijomassa kif definiti fl-Artikolu 2, il-punt (27) tad-Direttiva (UE) 2018/2001;”;

“(118)

diskrepanza fil-finanzjament” tfisser il-kost nett żejjed iddeterminat bid-differenza bejn id-dħul u l-spejjeż ekonomiċi (inklużi l-investiment u l-operat) tal-proġett megħjun u dawk tal-proġett alternattiv li l-benefiċjarju tal-għajnuna kredibbilment iwettaq fin-nuqqas tal-għajnuna. Sabiex tiġi ddeterminata d-diskrepanza fil-finanzjament, l-Istat Membru jeħtieġlu jikkwantifika, għax-xenarju fattwali u għal xenarju kontrofattwali kredibbli, il-spejjeż u d-dħul ewlenin kollha, il-kost medju ponderat tal-kapital (“WACC”) stmat tal-benefiċjarji sabiex jiġu skontati l-flussi tal-flus futuri, kif ukoll il-valur preżenti nett (“VPN”) għax-xenarji fattwali u kontrofattwali, tul il-ħajja tal-proġett. Il-kost żejjed nett tipiku jista’ jiġi stmat bħala d-differenza bejn il-VPN għax-xenarju fattwali u għax-xenarju kontrofattwali tul il-ħajja tal-proġett ta’ referenza.

(119)

“taxxa ambjentali jew imposta parafiskali” tfisser taxxa jew imposta applikata fuq bażi tat-taxxa speċifika, prodotti jew servizzi li għandhom effett negattiv ċar fuq l-ambjent jew li tfittex li tistabbilixxi imposta fuq ċerti attivitajiet, prodotti jew servizzi sabiex il-spejjeż ambjentali jkunu jistgħu jiġu inklużi fil-prezz tagħhom jew sabiex il-produtturi u l-konsumaturi jkunu orjentati lejn attivitajiet li jirrispettaw l-ambjent aħjar;”;

“(121a)

“rimedjar” tfisser azzjonijiet ta’ ġestjoni ambjentali, bħat-tneħħija jew id-ditossifikazzjoni ta’ kontaminati jew ta’ nutrijenti żejda mill-ħamrija u mill-ilma, li għandhom l-għan li jneħħu s-sorsi ta’ degradazzjoni;

(121b)

“riabilitazzjoni” tfisser azzjonijiet ta’ ġestjoni ambjentali li għandhom l-għan li jerġgħu jistabbilixxu livell ta’ funzjonament tal-ekosistema f’siti degradati, fejn l-għan ikun l-għoti kontinwu ta’ servizzi tal-ekosistema minflok il-bijodiversità u l-integrità ta’ ekosistema ta’ referenza naturali jew seminaturalideżinjata;

(121c)

“ekosistema” tfisser ekosistema kif definita fl-Artikolu 2, il-punt (13) tar-Regolament (UE) 2020/852 tal-Parlament Ewropew u tal-Kunsill (*27);

(121d)

“bijodiversità” tfisser bijodiversità kif definita fl-Artikolu 2, il-punt (15) tar-Regolament (UE) 2020/852;

“(123a)

“sustanza niġġiesa” tfisser sustanza niġġiesa kif definita fl-Artikolu 2, il-punt (10), tar-Regolament (UE) 2020/852;

(123b)

“tniġġis” tfisser tniġġis kif definit fl-Artikolu 3, il-punt 2 tad-Direttiva 2010/75/UE;

(123c)

“soluzzjoni bbażata fuq in-natura” tfisser azzjoni għall-protezzjoni, il-konservazzjoni, ir-restawr, l-użu sostenibbli u l-ġestjoni tal-ekosistemi naturali jew modifikati terrestri, tal-ilma ħelu, kostali u tal-baħar, li tindirizza l-isfidi soċjali, ekonomiċi u ambjentali b’mod effettiv u adattiv, filwaqt li fl-istess ħin tipprovdi l-benesseri tal-bniedem, is-servizzi tal-ekosistema, ir-reżiljenza u l-benefiċċji tal-bijodiversità;

(123d)

“restawr” tfisser il-proċess ta’ assistenza għall-irkupru ta’ ekosistema bħala mezz ta’ konservazzjoni tal-bijodiversità u ta’ żieda fir-reżiljenza tal-ekosistema, partikolarment għat-tibdil fil-klima. Ir-restawr tal-ekosistemi jinkludi miżuri li jittieħdu għat-titjib tal-kundizzjoni ta’ ekosistema u l-ħolqien mill-ġdid jew l-istabbiliment mill-ġdid ta’ ekosistema meta dik il-kundizzjoni tkun intilfet u t-titjib tar-reżiljenza u l-adattament għat-tibdil fil-klima tal-ekosistemi;”;

“(124)

“tisħin u tkessiħ distrettwali effiċjenti fl-użu tal-enerġija” tfisser tisħin u tkessiħ distrettwali effiċjenti kif definit fl-Artikolu 2, il-punt (41) tad-Direttiva 2012/27/UE;”;

“(124a)

“tisħin distrettwali” u “tkessiħ distrettwali” jfissru tisħin distrettwali jew tkessiħ distrettwali kif definit fl-Artikolu 2, il-punt (19) tad-Direttiva 2010/31/UE;

(124b)

“sistemi ta’ tisħin u tkessiħ distrettwali” tfisser faċilitajiet ta’ ġenerazzjoni tas-sħana u/jew tal-ksieħ, ħżin termali u network tad-distribuzzjoni, li jkopri kemm in-network primarju – ta’ trażmissjoni – kif ukoll in-network sekondarju ta’ pipelines, għall-provvista tat-tisħin jew tat-tkessiħ lill-konsumaturi. Ir-referenza għat-tisħin distrettwali għandha tiġi interpretata bħala sistemi ta’ tisħin u/jew ta’ tkessiħ distrettwali, skont jekk in-networks jipprovdux tisħin jew tkessiħ b’mod konġunt jew separatament;”;

“(126)

“użu mill-ġdid” tfisser użu mill-ġdid kif definit fl-Artikolu 3, il-punt (13) tad-Direttiva 2008/98/KE tal-Parlament Ewropew u tal-Kunsill (*28);

(127)

“preparazzjoni għal użu mill-ġdid” tfisser preparazzjoni għal użu mill-ġdid kif definita fl-Artikolu 3, il-punt 16, tad-Direttiva 2008/98/KE ;

(128)

“riċiklaġġ” tfisser riċiklaġġ kif definit fl-Artikolu 3, il-punt (17), tad-Direttiva 2008/98/KE;

“(128a)

“effiċjenza fir-riżorsi” tfisser it-tnaqqis tal-kwantità ta’ inputs meħtieġa għall-produzzjoni ta’ unità ta’ output jew is-sostituzzjoni ta’ inputs primarji b’inputs sekondarji;

(128b)

“skart” tfisser skart kif definit fl-Artikolu 3, il-punt (1) tad-Direttiva 2008/98/KE ;

(128c)

“sħana mormija” tfisser sħana mormija kif definiti fl-Artikolu 2, il-punt (9), tad-Direttiva (UE) 2018/2001;

(128d)

“trattament” tfisser trattament kif definit fl-Artikolu 3, il-punt (14), tad-Direttiva 2008/98/KE kif ukoll it-trattament ta’ prodotti, materjali jew sustanzi oħra;

(128e)

“rkupru” tfisser irkupru kif definit fl-Artikolu 3, il-punt (15), tad-Direttiva 2008/98/KE kif ukoll l-irkupru ta’ prodotti, materjali jew sustanzi oħra;

(128f)

“rimi” tfisser rimi kif definit fl-Artikolu 3, il-punt (19) tad-Direttiva 2008/98/KE;

(128g)

“prodotti, materjali jew sustanzi oħrajn” tfisser materjali, prodotti u sustanzi oħra għajr skart, inklużi prodotti sekondarji msemmija fl-Artikolu 5 tad-Direttiva 2008/98/KE, residwi agrikoli u tal-forestrija, ilma mormi, ilma tax-xita u ilma tax-xeba’, minerali, nutrijenti, gassijiet residwi mill-proċessi tal-produzzjoni, u prodotti, partijiet u materjali żejda;

(128h)

“prodotti, partijiet u materjali żejda” tfisser prodotti, partijiet jew materjali li ma għadhomx meħtieġa jew utli għad-detentur tagħhom iżda li huma xierqa għall-użu mill-ġdid;

(128i)

“ġbir separat” tfisser ġbir separat kif definit fl-Artikolu 3, il-punt (11) tad-Direttiva 2008/98/KE;”

“(130)

“l-infrastruttura tal-enerġija” tfisser kull tagħmir fiżiku jew faċilità li tinsab fl-Unjoni jew li torbot lill-Unjoni ma’ pajjiż terz wieħed jew aktar u li jaqgħu taħt il-kategoriji li ġejjin:

L-assi elenkati taħt il-punti (a) sa (g) li jinbnew għal grupp wieħed jew għal grupp żgħir ta’ utenti identifikati ex ante u mfassla għall-ħtiġijiet tagħhom (“infrastruttura ddedikata”) ma għandhomx jikkwalifikaw bħala infrastruttura tal-enerġija.

“(130a)

“operatur tas-sistema tad-distribuzzjoni” (DSO) tfisser operatur tas-sistema tad-distribuzzjoni kif definit fl-Artikolu 2, il-punt (29) tad-Direttiva (UE) 2019/944;

(130b)

“operatur ta’ sistema tat-trażmissjoni” (TSO) tfisser operatur ta’ sistema tat-trażmissjoni kif definit fl-Artikolu 2, il-punt (35) tad-Direttiva (UE) 2019/944;

(130c)

“ħżin tal-elettriku” tfisser id-differiment tal-użu finali tal-elettriku għal mument aktar tard minn meta jiġi ġġenerat, jew il-konverżjoni tal-enerġija elettrika f’forma ta’ enerġija li tista’ tinħażen, il-ħżin ta’ tali enerġija, u l-konverżjoni sussegwenti mill-ġdid ta’ tali enerġija f’enerġija elettrika;

(130d)

“ħżin termali” tfisser id-differiment tal-użu finali tal-enerġija termali għal mument aktar tard minn meta tiġi ġġenerata, jew il-konverżjoni tal-enerġija elettrika jew termali f’forma ta’ enerġija li tista’ tinħażen, il-ħżin ta’ tali enerġija, u, fejn xieraq, il-konverżjoni jew il-konverżjoni mill-ġdid sussegwenti ta’ tali enerġija f’enerġija termali għall-użu finali (jiġifieri t-tisħin jew it-tkessiħ);”;

“(131)

“leġiżlazzjoni dwar is-suq intern tal-enerġija” tfisser id-Direttiva (UE) 2019/944, fid-Direttiva 2009/73/KE tal-Parlament Ewropew u tal-Kunsill (*32), fir-Regolament (UE) 2019/943 u fir-Regolament (KE) Nru 715/2009 tal-Parlament Ewropew u tal-Kunsill (*33);

“(131a)

“qbid u ħżin tad-diossidu tal-karbonju” jew “CCS” tfisser sett ta’ teknoloġiji li jagħmlu possibbli li jinqabad is-CO2 li joħroġ minn impjanti industrijali, inklużi emissjonijiet inerenti fil-proċess, jew li dan jinqabad direttament mill-arja tal-ambjent, jiġi ttrasportat lejn post ta’ ħżin u jiġi injettat f’formazzjonijiet ġeoloġiċi taħt l-art adattati għall-fini ta’ ħżin permanenti;

(131b)

“qbid u użu tad-diossidu tal-karbonju” jew “CCU” tfisser sett ta’ teknoloġiji li jagħmluha possibbli li jinqabad is-CO2 li joħroġ minn impjanti industrijali, inklużi emissjonijiet inerenti fil-proċess, jew li jinqabad direttament mill-arja tal-ambjent u jiġi ttrasportat lejn sit tal-konsum jew l-użu tas-CO2 sabiex dak is-CO2 jintuża kollu;”;

“(137)

“infrastruttura tal-broadband” tfisser netwerk tal-broadband mingħajr ebda komponent attiv u tinkludi l-infrastruttura fiżika, inklużi t-tubi, l-arbli, it-torrijiet, il-fibra skura, il-kabinetti u l-kejbils (inklużi l-kejbils tal-fibra skura u tar-ram)”;

“(137a)

“backhaul” tfisser il-parti ta’ netwerk tal-broadband li tgħaqqad in-netwerk tal-aċċess man-netwerk ċentrali u li ma tipprovdix aċċess dirett lill-utenti finali. Hija l-parti tan-netwerk fejn it-traffiku tal-utenti finali huwa aggregat;

(137b)

“netwerk ċentrali” tfisser in-netwerk ewlieni li jgħaqqad networks backhaul minn żoni jew reġjuni differenti;

(137c)

“netwerk ta’ aċċess” tfisser is-segment ta’ netwerk tal-broadband li jgħaqqad in-netwerk backhaul mal-bini jew l-apparat tal-utenti finali;”;

“(139)

“aċċess għall-operaturi” tfisser aċċess li jippermetti lil operatur li juża l-faċilitajiet ta’ operatur ieħor. L-aċċess għall-operaturi għandu jinkludi, fuq il-bażi tal-iżviluppi teknoloġiċi kurrenti, tal-anqas il-prodotti ta’ aċċess li ġejjin: (i) għan-netwerks FTTx: l-aċċess għall-infrastruttura tal-broadband, is-separazzjoni u l-aċċess bitstream; (ii) għan-networks tal-kejbil: l-aċċess għall-infrastruttura tal-broadband u l-aċċess għal servizzi attivi; (iii) għan-netwerks fissi bla fili: l-aċċess għall-infrastruttura tal-broadband u l-aċċess għal servizzi attivi; (iv) għan-networks mobbli: l-aċċess għall-infrastruttura tal-broadband u l-aċċess għal servizzi attivi (għallinqas ir-roaming); (v) għall-pjattaformi tas-satelliti: aċċess għal servizzi attivi; (vi) għal networks backhaul: l-aċċess għall-infrastruttura tal-broadband u l-aċċess għal servizzi attivi.”;

“(139a)

“bini mgħoddi” tfisser bini tal-utent finali li miegħu, fuq talba mill-utenti finali u fi żmien 4 ġimgħat mid-data tat-talba, fornitur jista’ jipprovdi servizzi tal-broadband (irrispettivament minn jekk dan il-bini jkunx diġà konness man-netwerk jew le). Il-prezz mitlub għall-forniment ta’ servizzi broadband fil-bini tal-utenti finali f’dan il-każ ma jistax jaqbeż it-tariffi normali tal-konnessjoni, jiġifieri ma jistax jinkludi xi kost addizzjonali jew eċċezzjonali meta mqabbel mal-prattika kummerċjali standard u, fi kwalunkwe każ, ma jistax jaqbeż il-prezz tas-soltu fl-Istat Membru kkonċernat. Dak il-prezz għandu jiġi ddeterminat mill-awtorità nazzjonali kompetenti;”;

“(139d)

“l-eqqel ħin” huwa l-ħin tal-ġurnata b’durata tipika ta’ siegħa li matulu t-tagħbija tan-network normalment tilħaq il-livell massimu tagħha;

(139e)

“kundizzjonijiet tal-eqqel ħin” tfisser il-kundizzjonijiet li taħthom in-netwerk huwa mistenni li jopera fl-“eqqel ħin”;

(139f)

“orizzont ta’ żmien rilevanti” tfisser orizzont ta’ żmien użat għall-verifika ta’ investimenti privati ppjanati u jikkorrispondi għall-perjodu ta’ żmien li l-Istat Membru jistma għall-introduzzjoni tan-network iffinanzjat mill-Istat ippjanat, li jibda mill-mument tal-pubblikazzjoni tal-konsultazzjoni pubblika dwar l-intervent ippjanat mill-Istat sad-dħul fis-seħħ tan-network (jiġifieri l-bidu tal-forniment ta’ servizzi bl-ingrossa u/jew bl-imnut fuq in-network iffinanzjat mill-Istat). Il-perjodu ta’ żmien rilevanti ma jistax ikun iqsar minn sentejn;”;

“(157)

“infrastruttura tal-port” tfisser infrastruttura u faċilitajiet għall-forniment ta’ servizzi tal-port relatati mat-trasport, pereżempju postijiet ta’ rmiġġ użati għall-irmiġġ tal-bastimenti, ħitan tal-bnajka, pontijiet tal-imbark u rampi taċ-ċattri li jżommu fil-wiċċ f’żoni tal-marej, baċiri interni, backfills u reklamazzjoni tal-art, infrastruttura għall-ġbir tal-iskart iġġenerat mill-bastimenti u ta’ residwi tal-merkanzija u infrastruttura tal-irriċċarġjar u tar-riforniment fil-portijiet li jfornu l-vetturi, it-tagħmir terminali mobbli u t-tagħmir mobbli tas-servizzi fuq l-art bl-elettriku, bl-idroġenu, bl-ammonijaka u bil-metanol;”;

“(a)

għal għajnuna għall-investiment reġjonali: għal investiment bispejjeż eliġibbli ta’ EUR 110 miljun jew aktar, l-ammonti ta’ għajnuna għal kull impriża għal kull proġett ta’ investiment kif stabbilit hawn taħt:

(b)

għall-għajnuna għall-iżvilupp urban reġjonali, EUR 22 miljun kif stabbilit fl-Artikolu 16(3);

(c)

għall-għajnuna għall-investiment lill-SMEs: EUR 8,25 miljun għal kull intrapriża għal kull proġett ta’ investiment;

(d)

għal għajnuna għal konsulenza favur l-SMEs: EUR 2,2 miljun għal kull impriża għal kull proġett;

(e)

għall-għajnuna lill-SMEs għall-parteċipazzjoni fil-fieri: EUR 2,2 miljun għal kull impriża għal kull proġett;”;

“(ea)

għall-għajnuna lill-mikrointrapriżi fil-forma ta’ interventi pubbliċi li jikkonċernaw il-provvista tal-elettriku, tal-gass jew tas-sħana msemmija fl-Artikolu 19c: EUR 200 000 għal kull benefiċjarju għal kull sena kalendarja. Għall-mikrointrapriżi attivi fil-produzzjoni primarja ta’ prodotti agrikoli, dan il-limitu għandu jkun ta’ EUR 25 000 għal kull benefiċjarju għal kull sena kalendarja, u għall-mikrointrapriżi attivi fis-setturi tas-sajd u tal-akkwakultura, EUR 30 000 għal kull benefiċjarju għal kull sena kalendarja;

(eb)

għall-għajnuna lill-SMEs fil-forma ta’ interventi pubbliċi temporanji li jikkonċernaw il-provvista tal-elettriku, tal-gass jew tas-sħana prodotta mill-gass naturali jew mill-elettriku biex jittaffa l-impatt taż-żidiet fil-prezzijiet wara l-gwerra ta’ aggressjoni tar-Russja kontra l-Ukrajna msemmija fl-Artikolu 19d: EUR 2 miljun għal kull benefiċjarju għal kull sena kalendarja. Għall-SMEs attivi fil-produzzjoni primarja ta’ prodotti agrikoli, dan il-limitu għandu jkun ta’ EUR 250 000 għal kull benefiċjarju għal kull sena kalendarja, u għall-SMEs attivi fis-setturi tas-sajd u tal-akkwakultura, EUR 300 000 għal kull benefiċjarju għal kull sena kalendarja. L-għajnuna mogħtija lill-impriżi attivi fl-ipproċessar u l-kummerċjalizzazzjoni ta’ prodotti agrikoli għandha tkun bil-kundizzjoni li ma tiġix mgħoddija parzjalment jew kompletament lill-produtturi primarji;”;

“(f)

għall-għajnuna għal impriżi li jipparteċipaw fi proġetti ta’ Kooperazzjoni Territorjali Ewropea: għall-għajnuna skont l-Artikolu 20, EUR 2,2 miljun għal kull impriża, għal kull proġett; għal għajnuna skont l-Artikolu 20a, l-ammonti stabbiliti fl-Artikolu 20a(2) għal kull impriża, għal kull proġett;

(g)

għall-għajnuna għall-finanzjament ta’ riskju: EUR 16,5 miljun għal kull impriża eliġibbli kif stabbilit fl-Artikolu 21(8) u l-Artikolu 21a(2);

(h)

għall-għajnuna għan-negozji ġodda: l-ammonti stabbiliti għal kull impriża fl-Artikolu 22(3), (4), (5) u (7);”;

(i)

għall-għajnuna għar-riċerka u l-iżvilupp:

(j)

għall-għajnuna għall-investiment għall-infrastrutturi tar-riċerka: EUR 35 miljun għal kull infrastruttura;”;

(ja)

għall-għajnuna għall-investiment għall-infrastrutturi tal-ittestjar u tal-esperimentazzjoni: EUR 25 miljun għal kull infrastruttura;”;

(k)

għall-għajnuna għal clusters ta’ innovazzjoni: EUR 10 miljun għal kull ragruppament;

(l)

għajnuna għall-innovazzjoni għall-SMEs: EUR 10 miljun għal kull impriża għal kull proġett;

(m)

għall-għajnuna għall-innovazzjoni fil-proċess u fl-organizzazzjoni: EUR 12,5 miljun għal kull impriża għal kull proġett;

(n)

għall-għajnuna għat-taħriġ: EUR 3 miljun għal kull proġett ta’ taħriġ;

(o)

għall-għajnuna għar-reklutaġġ ta’ ħaddiema żvantaġġati: EUR 5,5 miljun għal kull impriża għal kull proġett;

(p)

għall-għajnuna għall-impjieg ta’ ħaddiema b’diżabilità fil-forma ta’ sussidji tal-pagi: EUR 11-il miljun għal kull impriża għal kull proġett;

(q)

għall-għajnuna għall-kumpens tal-ispejjeż addizzjonali għall-impjieg ta’ ħaddiema b’diżabilità: EUR 11-il miljun għal kull impriża għal kull proġett;

(r)

għall-għajnuna għall-kumpens tal-ispejjeż tal-assistenza pprovduta lill-ħaddiema żvantaġġati: EUR 5,5 miljun għal kull impriża għal kull proġett;

(s)

għall-għajnuna għall-investiment għall-protezzjoni tal-ambjent, sakemm ma jkunx speċifikat mod ieħor: EUR 30 miljun għal kull intrapriża għal kull proġett ta’ investiment;

(sa)

għall-għajnuna għal infrastruttura u għal ħżin dedikati msemmijin fl-Artikolu 36(4): EUR 25 miljun għal kull proġett;”;

“(sb)

għall-għajnuna għall-investiment għall-infrastruttura tal-irriċċarġjar jew tar-riforniment imsemmija fl-Artikolu 36a(1) u (2): EUR 30 miljun għal kull impriża għal kull proġett u, fil-każ ta’ skemi, baġit annwali medju ta’ EUR 300 miljun;

(sc)

għall-għajnuna għall-investiment għat-titjib ikkombinat tar-rendiment enerġetika u ambjentali tal-bini msemmi fl-Artikoli 38a(7) u 39(2a): EUR 30 miljun għal kull impriża għal kull proġett;

(sd)

għall-għajnuna għall-faċilitazzjoni tal-ikkuntrattar tar-rendiment fl-użu tal-enerġija msemmi fl-Artikolu 38b: EUR 30 miljun f’finanzjament pendenti nominali totali għal kull benefiċjarju;

(se)

għall-għajnuna għall-investiment għal proġetti ta’ effiċjenza fl-enerġija fil-bini fil-forma ta’ strumenti finanzjarji: l-ammonti stabbiliti fl-Artikolu 39(5);

(sf)

għall-għajnuna fil-forma ta’ tnaqqis tat-taxxi jew tal-imposti ambjentali msemmija fl-Artikolu 44a: EUR 50 miljun għal kull skema għal kull sena;”;

“(v)

għall-għajnuna operatorja għall-promozzjoni tal-elettriku minn sorsi rinnovabbli, kif imsemmi fl-Artikolu 42, u għal għajnuna operatorja għall-promozzjoni tal-enerġija minn sorsi rinnovabbli u minn idroġenu rinnovabbli fi proġetti żgħar u f’komunitajiet tal-enerġija rinnovabbli, kif imsemmijin fl-Artikolu 43: EUR 30 miljun għal kull impriża għal kull proġett; jenħtieġ li s-somma tal-baġits tal-iskemi kollha li jaqgħu taħt l-Artikolu 42 u s-somma tal-baġits tal-iskemi kollha li jaqgħu taħt l-Artikolu 43 rispettivament ma jaqbżux il-EUR 300 miljun fis-sena;

(w)

għall-għajnuna għal sistemi ta’ tisħin u/jew ta’ tkessiħ distrettwali, kif imsemmija fl-Artikolu 46: EUR 50 miljun għal kull impriża għal kull proġett;

(x)

għall-għajnuna għall-infrastruttura tal-enerġija, kif imsemmi fl-Artikolu 48: EUR 70 miljun għal kull impriża għal kull proġett;

(y)

għall-għajnuna għal-iskjerament-ta’ network ta’ broadband fiss mogħtija fil-forma ta’ għotja: EUR 100 miljun tal-spejjeż totali għal kull proġett; għall-għajnuna għan-networks tal-broadband fiss mogħtija fil-forma ta’ strument finanzjarju, l-ammont nominali tal-finanzjament totali pprovdut lil kwalunkwe benefiċjarju finali għal kull proġett ma jistax jaqbeż il-EUR 150 miljun;”;

“(yd)

għall-għajnuna għall-iskjerament ta’ networks backhaul mogħtija fil-forma ta’ għotja: EUR 100 miljun tal-ispejjeż totali għal kull proġett; għall-għajnuna għal skjerament ta’ networks backhaul mogħtijin fil-forma ta’ strument finanzjarju, l-ammont nominali tal-finanzjament totali pprovdut lil kwalunkwe benefiċjarjufinali għal kull proġett ma jistax jaqbeż il-EUR 150 miljun;”;

“(z)

għall-għajnuna għall-investiment għall-kultura u l-konservazzjoni tal-patrimonju: EUR 165 miljun għal kull proġett; l-għajnuna operatorja għall-kultura u l-konservazzjoni tal-patrimonju: EUR 82,5 miljun għal kull impriża għal kull proġett;

(aa)

għal skemi ta’ għajnuna għal xogħlijiet awdjoviżivi: EUR 55 miljun għal kull skema għal kull sena;

(bb)

għall-għajnuna għall-investiment għall-infrastrutturi tal-isport u għall-infrastrutturi tar-rikreazzjoni multifunzjonali: EUR 33 miljun jew l-ispejjeż totali li jaqbżu EUR 110 miljun għal kull proġett; l-għajnuna operatorja għall-infrastruttura tal-isport: EUR 2,2 miljun għal kull infrastruttura għal kull sena;

(cc)

għall-għajnuna għall-investiment għal infrastrutturi lokali: EUR 11-il miljun jew il-spejjeż totali li jaqbżu t-EUR 22 miljun għall-istess infrastruttura;”;

“(ee)

għall-għajnuna għall-portijiet marittimi: spejjeż eleġibbli ta’ EUR 143 miljun għal kull proġett (jew EUR 165 miljun għal kull proġett f’port marittimu inkluż fil-pjan ta’ ħidma ta’ Kuritur ta’ Netwerk Ewlieni kif imsemmi fl-Artikolu 47 tar-Regolament (UE) Nru 1315/2013 tal-Parlament Ewropew u tal-Kunsill (*34)); fir-rigward tat-tħammil, proġett hu definit bħala kwalunkwe tħammil imwettaq f’perjodu ta’ sena kalendarja;

“(ff)

għall-għajnuna għal portijiet interni: spejjeż eleġibbli ta’ EUR 44 miljun għal kull proġett (jew EUR 55 miljun għal kull proġett f’port intern inkluż fil-pjan ta’ ħidma ta’ Kuritur ta’ Netwerk Ewlieni kif imsemmi fl-Artikolu 47 tar-Regolament (UE) Nru 1315/2013); fir-rigward tat-tħammil, proġett hu definit bħala kwalunkwe tħammil imwettaq f’perjodu ta’ sena kalendarja;

“(hh)

għall-għajnuna lill-SMEs għall-ispejjeż imġarrba mill-parteċipazzjoni fi proġetti ta’ żvilupp lokali mmexxi mill-komunità (“CLLD”): għall-għajnuna skont l-Artikolu 19a, EUR 2 miljun għal kull impriża, għal kull proġett; għall-għajnuna skont l-Artikolu 19b, l-ammonti stabbiliti fl-Artikolu 19b(2) għal kull proġett.”;

“(f)

għajnuna inkluża f’miżuri ta’ finanzjament ta’ riskju jekk il-kundizzjonijiet stabbiliti fl-Artikolu 21 u 21a jiġu ssodisfati;”;

“(ga)

għajnuna għall-SMEs fil-forma ta’ tariffi mnaqqsa għall-aċċess jew aċċess bla ħlas għal servizzi ta’ konsulenza għall-innovazzjoni u servizzi ta’ appoġġ għall-innovazzjoni, kif definit fl-Artikolu 2, il-punti (94) u (95) rispettivament, offruti pereżempju minn organizzazzjonijiet tar-riċerka u tat-tixrid tal-għarfien, minn infrastrutturi tar-riċerka, minn infrastrutturi tal-ittestjar u tal-esperimentazzjoni jew minn clusterstal-innovazzjoni bbażati fuq skema ta’ għajnuna dment li jiġu ssodisfati l-kundizzjonijiet li ġejjin:

“(l)

għajnuna involuta fi prodotti finanzjarji appoġġati mill-Fond InvestEU, jekk jiġu ssodisfati l-kundizzjonijiet stabbiliti fil-Kapitolu III; Taqsima 16”;

“(m)

għajnuna lill-mikrointrapriżi fil-forma ta’ interventi pubbliċi li jikkonċernaw il-provvista tal-elettriku, tal-gass jew tas-sħana, jekk jiġu ssodisfati l-kundizzjonijiet stabbiliti fl-Artikoli 19c;

(n)

għajnuna lill-SMEs fil-forma ta’ interventi pubbliċi temporanji li jikkonċernaw il-provvista tal-elettriku, tal-gass jew tas-sħana prodotta mill-gass naturali jew mill-elettriku biex jittaffa l-impatt taż-żidiet fil-prezzijiet wara l-gwerra ta’ aggressjoni tar-Russja kontra l-Ukrajna, jekk jiġu ssodisfati l-kundizzjonijiet stabbiliti fl-Artikolu 19d.”;

“(b)

għajnuna għall-aċċess għall-finanzjament għall-SMEs, jekk il-kundizzjonijiet rilevanti stabbiliti fl-Artikoli 21, 21a u 22 jiġu ssodisfati;”;

“(l)

għajnuna għall-SMEs li jipparteċipaw fi proġetti ta’ żvilupp lokali mmexxi mill-komunità (“CLLD”) jew li jibbenefikaw minnhom, jekk jiġu ssodisfati l-kundizzjonijiet rilevanti fl-Artikolu 19a jew 19b;”;

“(m)

l-għajnuna għar-rimedjar tal-ħsara ambjentali u għar-riabilitazzjoni tal-ħabitats naturali u tal-ekosistemi fejn l-ispejjeż tar-rimedjar jew tar-riabilitazzjoni jaqbżu ż-żieda fil-valur tal-art jew tal-proprjetà u jiġu ssodisfati l-kundizzjonijiet stabbiliti fl-Artikolu 45;

(n)

l-għajnuna għall-protezzjoni tal-bijodiversità u għall-implimentazzjoni ta’ soluzzjonijiet ibbażati fuq in-natura għall-adattament u għall-mitigazzjoni tat-tibdil fil-klima meta jiġu ssodisfati l-kundizzjonijiet stabbiliti fl-Artikolu 45.

(o)

għajnuna għall-promozzjoni tal-enerġija minn sorsi tal-enerġija rinnovabbli skont l-Artikoli 41, 42 u 43 meta l-għajnuna tingħata awtomatikament f’konformità ma’ kriterji oġġettivi u mhux diskriminatorji u mingħajr ma jkun ġie adottat eżerċizzju ulterjuri ta’ diskrezzjoni mill-Istat Membru u l-miżura tkun adottata u fis-seħħ qabel ma tkun bdiet il-ħidma fuq il-proġett jew fuq l-attività megħjuna;

(p)

għajnuna lill-mikrointrapriżi fil-forma ta’ interventi pubbliċi li jikkonċernaw il-provvista tal-elettriku, tal-gass jew tas-sħana, soġġetta għall-kundizzjonijiet stabbiliti fl-Artikolu 19c;

(q)

għajnuna lill-SMEs fil-forma ta’ interventi pubbliċi temporanji li jikkonċernaw il-provvista tal-elettriku, tal-gass jew tas-sħana prodotta mill-gass naturali jew mill-elettriku biex jittaffa l-impatt taż-żidiet fil-prezzijiet wara l-gwerra ta’ aggressjoni tar-Russja kontra l-Ukrajna, soġġetta għall-kundizzjonijiet stabbiliti fl-Artikolu 19d.”;

(i)

fl-ewwel subparagrafu, il-punt (d) huwa sostitwit b’dan li ġej:

(ii)

it-tieni subparagrafu huwa sostitwit b’dan li ġej:

“Għal intrapriżi kbar, l-ispejjeż ta’ assi intanġibbli għandhom ikunu eliġibbli biss sa 50 % tal-ispejjeż ta’ investiment eliġibbli totali għall-investiment inizjali. Għall-SMEs, 100 % tal-ispejjeż tal-assi intanġibbli għandhom ikunu eliġibbli.”;

“(a)

il-proġett ta’ investiment għandu jwassal għal żieda netta fl-għadd ta’ impjegati fl-istabbiliment ikkonċernat meta mqabbel mal-medja matul it-12-il xahar preċedenti, wara t-tnaqqis mill-għadd ta’ impjiegi maħluqa ta’ kwalunkwe impjieg li jkun intilef matul dak il-perjodu, espress bħala unitajiet lavorattivi annwali;

(b)

kull pożizzjoni għandha timtela fi żmien tliet snin mit-tlestija tal-investiment;”;

“(b)

l-ispejjeż addizzjonali tat-trasport huma kkalkulati abbażi tal-vjaġġ tal-oġġetti ġewwa l-fruntieri nazzjonali tal-Istat Membru kkonċernat permezz tal-mezz ta’ trasport li jirriżulta fl-inqas spejjeż għall-benefiċjarju. L-Istat Membru jista’ jimponi standards ambjentali li għandhom jiġu ssodisfati mill-mod ta’ trasport magħżul, u jekk tali standards jiġu imposti fuq il-benefiċjarju, huwa jista’ jibbaża l-kalkolu tal-ispejjeż addizzjonali tat-trasport fuq l-inqas spiża biex jiġu ssodisfati dawk l-istandards ambjentali.”;

(i)

il-punt (b) huwa sostitwit b’dan li ġej:

(ii)

il-punt (d) huwa sostitwit b’dan li ġej:

“(e)

l-ispejjeż ġenerali addizzjonali u spejjeż operatorji oħrajn, li jinkludu spejjeż ta’ materjali, ta’ provvisti u ta’ prodotti simili, imġarrbin direttament bħala riżultat tal-proġett; mingħajr preġudizzju għall-Artikolu 7(1), it-tielet sentenza, bħala alternattiva, it-tali spejjeż tal-proġett tar-riċerka u żvillup jistgħu jiġu kkalkolati fuq il-bażi ta’ approċċ tal-ispejjeż issimplifikati fil-forma ta’ rata fissa sa 20 %, applikata għall-ispejjeż totali eliġibbli tal-proġett tar-riċerka u żvillup imsemmijin fil-punti (a) sa (d). F’dan il-każ, i-ispejjeż tal-proġett tar-riċerka u żvillup użati għall-kalkolu tal-ispejjeż indiretti għandhom jiġu stabbiliti fuq il-bażi ta’ prattiki kontabilistiċi normali u għandhom jinkludu biss l-ispejjeż eliġibbli tal-proġett tar-riċerka u żvillup imsemmijin fil-punti (a) sa (d).”;

“(c)

l-ispejjeż għas-servizzi ta’ konsulenza u ta’ appoġġ għall-innovazzjoni, inklużi dawk is-servizzi pprovduti mill-organizzazzjonijiet tar-riċerka u tat-tixrid tal-għarfien, l-infrastrutturi tar-riċerka, l-infrastrutturi tal-ittestjar u tal-esperimentazzjoni jew il-clusters tal-innovazzjoni.”;

(i)

il-punti (a) u (b) huma sostitwiti b’dan li ġej:

(ii)

jiżdied il-punt (c) li ġej: