Edizzjoni speċjali bil-Kroat: Kapitolu 03 Volum 061 P. 102 - 103
English
Select your language
Official EU languages:
Access to European Union law
EUR-Lex
Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
Document 32010R0272
Commission Regulation (EU) No 272/2010 of 30 March 2010 amending Regulation (EC) No 972/2006 laying down special rules for imports of Basmati rice and a transitional control system for determining their origin
Regolament tal-Kummissjoni (UE) Nru 272/2010 tat- 30 ta’ Marzu 2010 li jemenda r-Regolament (KE) Nru 972/2006 li jistabbilixxi regoli speċjali għal importazzjonijiet ta’ ross Basmati u sistema tranżitorja ta’ kontroll biex ikun determinat l-oriġini tagħhom
Regolament tal-Kummissjoni (UE) Nru 272/2010 tat- 30 ta’ Marzu 2010 li jemenda r-Regolament (KE) Nru 972/2006 li jistabbilixxi regoli speċjali għal importazzjonijiet ta’ ross Basmati u sistema tranżitorja ta’ kontroll biex ikun determinat l-oriġini tagħhom
ĠU L 84, 31.3.2010, p. 23–24
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
No longer in force, Date of end of validity: 27/12/2023; Impliċitament imħassar minn 32023R2835
Language
HTML
PDF
Official Journal
|
31.3.2010 |
MT |
Il-Ġurnal Uffiċjali tal-Unjoni Ewropea |
L 84/23 |
REGOLAMENT TAL-KUMMISSJONI (UE) Nru 272/2010
tat-30 ta’ Marzu 2010
li jemenda r-Regolament (KE) Nru 972/2006 li jistabbilixxi regoli speċjali għal importazzjonijiet ta’ ross Basmati u sistema tranżitorja ta’ kontroll biex ikun determinat l-oriġini tagħhom
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1234/2007 tat-22 ta’ Ottubru 2007 li jistabbilixxi organizzazzjoni komuni tas-swieq agrikoli u dwar dispożizzjonijiet speċifiċi għall-ċerti prodotti agrikoli (ir-Regolament Waħdieni dwar l-OKS) (1), u b’mod partikolari l-Artikoli 138 u 143, flimkien mal-Artikolu 4 tiegħu,
Billi:
|
(1) |
Skont il-Ftehim fil-forma ta' Ittri ta' Skambju bejn il-Komunità Ewropea u l-Indja skont l-Artikolu XXVIII tal-GATT 1994 li jirrigwardja l-modifika ta' konċessjonijiet dwar ir-ross provduti fl-Iskeda CXL tal-KE annessa mal-GATT 1994 (2), approvata bid-Deċiżjoni tal-Kunsill 2004/617/KE (3), id-dazju applikabbli għal importazzjonijiet ta' ross bla ħliefa ta' ċerta varjetajiet ta' basmati li joriġinaw fl-Indja hija stabbilita għal żero. |
|
(2) |
Skont il-Ftehim fil-forma ta' Ittri ta' Skambju bejn il-Komunità Ewropea u l-Pakistan skont l-Artikolu XXVIII tal-GATT 1994 li jirrigwardja l-modifika ta' konċessjonijiet dwar ir-ross provduti fl-Iskeda CXL tal-KE annessa mal-GATT 1994 (4), approvata bid-Deċiżjoni tal-Kunsill 2004/618/KE (5), id-dazju applikabbli għal importazzjonijiet ta' ross bla ħliefa ta' ċerta varjetajiet ta' basmati li joriġinaw fil-Pakistan hija stabbilita għal żero. |
|
(3) |
L-Artikolu 1 tar-Regolament tal-Kummissjoni (KE) Nru 972/2006 (6) jipprovdi li r-regoli tiegħu għandhom japplikaw għal ross Basmati bla ħliefa tal-varjetajiet speċifikati fl-Anness XVIII tar-Regolament (KE) Nru 1234/2007. |
|
(4) |
L-Artikolu 6(2) tar-Regolament (KE) Nru 972/2006 jistabbilixxi li jekk ir-riżultati tat-testijiet imwettqa mill-Istati Membri fuq Basmati importat juru li l-prodott analizzat ma jikkorrispondix għal dak li hu indikat fuq iċ-ċertifikat ta' awtentiċità, għandu japplika d-dazju tal-importazzjoni fuq ross bla ħliefa. F'dan ir-rigward, din id-dispożizzjoni ma tindika ebda tolleranza għall-preżenza ta' ross li ma jikkorrispondix għall-varjetajiet elenkati fl-Anness XVIII tar-Regolament (KE) Nru 1234/2007. |
|
(5) |
Il-kundizzjonijiet ta' produzzjoni u ta' kummerċ tar-ross Basmati jirriżultaw f'diffikultà kbira biex jiġi garantit li kwalunkwe lott uniku huwa magħmul 100 % minn ross Basmati tal-varjetajiet elenkati fl-Anness XVIII tar-Regolament (KE) Nru 1234/2007. Sabiex tkun ffaċilitata l-mixja bla intoppi tal-kummerċ tal-Basmati għall-Unjoni Ewropea, u meta jitqies li s-sistema tal-kontroll tal-Unjoni bbażata fuq id-DNA għadha ma bdietx topera u għalhekk l-Istati Membri jistgħu japplikaw il-protokolli ta' kontroll tagħhom stess b'ta' lanqas 5 % inċertezza fuq il-kontrolli kumulattivi fuq kwalunkwe livell ta' tolleranza, huwa xieraq li tiġi stabbilita 5 % tolleranza għall-preżenza ta' ross tal-ħabba twila fil-Basmati importat li ma jikkorrispondix ma' kwalunkwe varjetà elenkata f'dak l-Anness XVIII. |
|
(6) |
Sabiex jiġi estiż l-impatt pożittiv ta' din il-miżura għall-importaturi konċernati kollha, għandu jkun hemm dispożizzjoni li t-tolleranza tapplika għall-importazzjonijiet kollha tal-Basmati li dwaru għadha ma ttieħditx deċiżjoni finali dwar l-eliġibbiltà tal-lott mill-awtoritajiet responsabbli tal-Istati Membri. |
|
(7) |
Ir-Regolament (KE) Nru 972/2006 għandu għalhekk jiġi emendat skont dan. |
|
(8) |
Il-miżuri pprovduti f’dan ir-Regolament huma skont l-opinjoni tal-Kumitat ta’ Ġestjoni għall-Organizzazzjoni Komuni tas-Swieq Agrikoli, |
ADOTTAT DAN IR-REGOLAMENT:
Artikolu 1
Fl-Artikolu 6(2) tar-Regolament (KE) Nru 972/2006, tiżdied is-sentenza li ġejja:
“Madankollu, il-preżenza ta' sa 5 % ta' ross bla ħliefa li jaqa' taħt il-kodiċi tan-NM 1006 20 17 jew il-kodiċi tan-NM 1006 20 98 li ma jikkorrispondix ma' kwalunkwe varjetà elenkata fl-Anness XVIII tar-Regolament tal-Kunsill (KE) Nru 1234/2007 (*) għandu jiġi aċċettat.
Artikolu 2
L-Artikolu 6(2) tar-Regolament (KE) Nru 972/2006 kif emendat bl-Artikolu 1 ta' dan ir-Regolament għandu japplika wkoll għal importazzjonijiet Basmati li saru qabel id-dħul fis-seħħ ta' dan ir-Regolament u li għalihom l-awtoritajiet kompetenti tal-Istat Membru ikun għadhom ma stabbillixxewx b'mod finali l-eliġibbiltà għal dazju żero kif previst fl-Artikolu 138 tar-Regolament (KE) Nru 1234/2007.
Artikolu 3
Dan ir-Regolament għandu jidħol fis-seħħ l-għada tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
L-applikazzjoni tal-Artikolu 2 għandha tieqaf fit-tmien tat-tnax-il xahar ta' wara d-dħul fis-seħħ ta' dan ir-Regolament.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussel, it-30 ta’ Marzu 2010.
Għall-Kummissjoni
Il-President
José Manuel BARROSO
(1) ĠU L 299, 16.11.2007, p. 1.
(2) ĠU L 279, 28.8.2004, p. 19.
(3) ĠU L 279, 28.8.2004, p. 17.
(4) ĠU L 279, 28.8.2004, p. 25.
(5) ĠU L 279, 28.8.2004, p. 23.
(6) ĠU L 176, 30.6.2006, p. 53.