13.6.2006   

MT

Il-Ġurnal Uffiċjali ta’ l-Unjoni Ewropea

161

(1)

Id-Direttiva 2004/102/KE (2) temenda l-Annessi II, III, IV u V tad-Direttiva 2000/29/KE, u għandha tiġi implimentata mill-Istati Membri sa l-1 ta' Marzu 2005.

(2)

Id-Direttiva 2004/102/KE fiha dispożizzjonijiet dwar l-injam u l-prodotti ta’ l-injam. Il-miżuri dwar il-pelits, kaxex u l-paljol jallinjaw il-miżuri tal-Komunità ma’ dawk ta’ l-Istandard Internazzjonali tal-FAO għal Miżuri Fitosanitarji (ISPM) Nru 15 dwar “Linji Gwida biex jiġi regolat il-materjal għall-ippakkjar ta’ l-injam fil-kummerċ internazzjonali” li ġie adottat f’Marzu 2002 mir-Raba’ Kummissjoni Interim dwar Miżuri Fitosanitarji (ICPM).

(3)

L-Istandard Nru 15 jgħid li l-ippakkjar bl-injam (inkluż il-paljol) magħmul mill-injam mhux proċessat tal-koniferi u mhux tal-koniferi, għandu jkun suġġett għal miżuri approvati bħal ma hu t-trattament bis-sħana (56° C għal mill-inqas 30 minuta) jew fumigazzjoni bil-Metil Bromidju. Barra minn hekk l-injam għandu jkollu marka speċifika li tiċċertifika li l-injam kien suġġett għal miżura approvata.

(4)

L-Istandard jgħid ukoll li l-pajjiżi jistgħu jitolbu li l-materjal għall-ippakkjar magħmul mill-injam suġġett għal miżura approvata għandu jkun magħmul minn injam li tneħħitlu l-qoxra ta’ barra u li fuqu jkollu marka suġġetta għal “ġustifikazzjoni teknika”.

(5)

Pajjiżi terzi talbu li l-Komunità tqis metodi oħra biex tilħaq l-istess għan. Għal dan il-għan, għaddejja riċerka dwar l-aspetti tekniċi tat-tneħħija tal-qoxra ta’ l-injam, b’mod partikolari l-effiċjenza tat-“tnaqqis tar-riskju ta’ insetti jew annimali qerrieda” fit-tneħħija tal-qoxra li jiżdied mal-miżuri ta’ trattament.

(6)

Waqt l-istennija tar-riżultati ta' din ir-riċerka, huwa xieraq li għall-injam li tneħħietlu l-qoxra, tiġi posposta l-applikazzjoni tal-ħtiġijiet li għandhom jiġu użati.

(7)

Id-Direttiva 2000/29/KE għandha, għalhekk, tiġi emendata skond dan.

(8)

Il-Kumitat Permanenti dwar is-Saħħa tal-Pjanti ma tax opinjoni fiż-żmien stipulat mill-President tiegħu,

1.

Fl-Anness IV, Parti A, taqsima I, punt 2, il-paragrafu li ġej għandu jiżdied fl-aħħar tal-kolonna tal-lemin:

“L-ewwel inċiż, li jitlob li materjal ta’ l-ippakkjar ta’ l-injam ikun magħmul minn injam ittundjat bla qoxra, għandu japplika biss mill-1 ta’ Marzu 2006”

2.

Fl-Anness IV, Parti A, taqsima I, punt 8, il-paragrafu li ġej għandu jiżdied fl-aħħar tal-kolonna tal-lemin:

“L-ewwel linja tal-punt (a), li titlob li materjal ta’ l-ippakkjar ta’ l-injam ikun magħmul minn injam ittundjat bla qoxra, għandha tapplika biss mill-1 ta’ Marzu 2006”