EUR-Lex Access to European Union law
This document is an excerpt from the EUR-Lex website
Document 31992L0012
Council Directive 92/12/EEC of 25 February 1992 on the general arrangements for products subject to excise duty and on the holding, movement and monitoring of such products
Id-Direttiva tal-Kunsill 92/12/KEE tal-25 ta' Frar 1992 dwar l-arranġamenti ġenerali għall-prodotti soġġetti għad-dazju tas-sisa u dwar iż-żamma, ċaqliq u mmonitorjar ta' dan it-tip ta' prodotti
Id-Direttiva tal-Kunsill 92/12/KEE tal-25 ta' Frar 1992 dwar l-arranġamenti ġenerali għall-prodotti soġġetti għad-dazju tas-sisa u dwar iż-żamma, ċaqliq u mmonitorjar ta' dan it-tip ta' prodotti
ĠU L 76, 23.3.1992, p. 1–13
(ES, DA, DE, EL, EN, FR, IT, NL, PT) Dan id-dokument ġie ppubblikat f’edizzjoni(jiet) speċjali
(FI, SV, CS, ET, LV, LT, HU, MT, PL, SK, SL, BG, RO)
No longer in force, Date of end of validity: 15/01/2009; Imħassar b' 32008L0118
Official Journal L 076 , 23/03/1992 P. 0001 - 0013
Finnish special edition: Chapter 9 Volume 2 P. 0057
Swedish special edition: Chapter 9 Volume 2 P. 0057
Id-Direttiva tal-Kunsill 92/12/KEE tal-25 ta' Frar 1992 dwar l-arranġamenti ġenerali għall-prodotti soġġetti għad-dazju tas-sisa u dwar iż-żamma, ċaqliq u mmonitorjar ta' dan it-tip ta' prodotti IL-KUNSILL TAL-KOMUNITAJIET EWROPEJ, Wara li kkunsidra t-Trattat li jistabilixxi l-Komunità Ekonomika Ewropea, u b'mod partikolari l-Artikolu 99 tiegħu, Wara li kkunsidra il-proposta mill-Kummissjoni [1], Wara li kkunsidra l-opinjoni tal-Parlament Ewropew [2], Wara li kkunsidra l-opinjoni tal-Kumitat Ekonomiku u Soċjali [3], Billi is-suq intern li jkun stabbilit u l-iffunzjonar tiegħu jeħtieġ il-moviment ħieles ta' l-oġġetti, inklużi dawk soġġetti għad-dazju tas-sisa; Billi għandha ssir dispożizzjoni biex tiddefinixxi t-territorju li fuqu din id-Direttiva, kif ukoll id-Direttiva dwar ir-rati u l-istrutturi tad-dazju fuq prodotti soġġetti għad-dazji tas-sisa, għandhom jiġu applikati; Billi l-kunċett ta' prodotti soġġetti għad-dazju tas-sisa għandu jiġi definit; billi dawk l-oġġetti biss li huma hekk ittrattati fl-Istati Membri kollha jistgħu jkunu għad-dispożizzjonijiet tal-Komunità; billi dawk il-prodotti jistgħu jkunu soġġetti għal taxxi oħra indiretti għal għanijiet speċifiċi; billi ż-żamma jew l-introduzzjoni ta' taxxi ndiretti oħra m'għandhiex tagħti lok għal formalitajiet mal-qsim tal-fruntiera; Billi sabiex jiġi żgurat l-istabbiltà u l-iffunzjonar tas-suq intern, il-ħlas tad-dazji tas-sisa għandu jkun identiku fl-Istati Membri; Billi kull tqassim, bil-għan li tqassim jew provvista għall-skopijiet ta' negozjant li jwettaq indipendentement attivita ekonomika jew għall-għanijiet ta' korp regolat bil-liġi pubblika, li jseħħ fi Stat membru li ma jkunx dak li fiħ il-prodott jkun rilaxxat għall-konsum jagħti lok għad-dritt tal-ħlas tad-dazju tas-sisa f'dak l-Istat Membru l-ieħor; Billi fil-każ ta' prodotti soġġetti għad-dazju tas-sisa akkwistati minn individwi privati għall-użu proprju tagħhom u trasportati minnhom, id-dazju għandu jitħallas fil-pajjiż fejn kienu akkwistati; Billi biex jiġi stabbilit li l-prodotti soġġetti għad-dazju tas-sisa ma jinżammux għal għanijiet privati iżda għal dawk kummerċjali, l-Istati Membri għandhom jagħtu każ ta' numru ta' kriterji; Billi prodotti soġġetti għad-dazju tas-sisa mixtrija minn persuni li ma jkunux magazziniera approvati jew negozjanti reġistrati jew mhux reġistrati u mibgħuta jew trasporati direttament jew indirettament mill-venditur jew għan-nom tiegħu għandhom ikunu suġġetti għad-dazju tas-sisa fl-Istat Membru ta' destinazzjoni; Billi biex jiġi żgurat li d-dejn tat-taxxa jiġi eventwalment miġbur għandu jkun possibbli li jitwettqu verifiki fil-faċilitajiet tal-produzzjoni u ħażna; billi sistema ta' mħażen, bla ħsara għall-awtorizzazzjoni mill-awtoritajiet kompetenti, għandha tagħmilha possibbli li jitwettqu verifiki bħal dawk; Billi ċ-ċaqliq mit-territorju ta' Stat Membru għal dak ta' ieħor m'għandux jagħti lok għall-verifiki li jistgħu x'aktarx jimpedixxu l-moviment ħieles fil-Komunità; billi għall-għanijiet tal-ħlas huwa madanakollu meħtieġ li jkun magħruf iċ-ċaqliq tal-prodotti soġġetti għad-dazju tas-sisa; billi għandha għalhekk issir dispożizzjoni għal dokument mehmuż li jkun jinkludi prodotti bħal dawk; Billi għandhom jiġu stabbilti l-ħitiġijiet li għandhom jiġi mħarsa mill-magazziniera awtorizzati u negozjanti li ma jkollhomx status ta' magazziniera awtorizzati ta' mħażen; Billi għandha ssir dispożizzjoni, biex jiġi żgurat il-ġbir tat-taxxi bir-rati stabbiliti mill-Istati Membri, biex tiġi stabbilita proċedura għaċ-ċaqliq ta' oġġetti bħal dawk taħt is-sospensjoni tad-dazju; Billi f'dan ir-rigward għandha l-ewwel issir dispożizzjoni biex kull konsenja tkun faċilment identifikata; billi għandha ssir dispożizzjoni biex l-istatus tat-taxxa tal-konsenja ikun minnufih identifikabbli; billi huwa għalhekk meħtieġ li ssir dispożizzjoni għal dokument mehmuż li jilħaq dawn il-ħtiġijiet, li jista' jkun jew dokument amministrattiv jew wieħed kummerċjali; billi d-dokument kummerċjali wżat għandu jkun fih l-elementi essenzali li jidhru fuq id-dokument amministrattiv; Billi l-proċedura li biha l-awtoritajiet tat-taxxa ta' l-Istati Membri jiġu nfurmati min-negozjanti bil-konsenji mibgħuta jew riċevuti permezz ta' dokument mehmuż għandha tiġi spjegata; Billi m'hemm ebda ħtieġa li d-dokument mehmuż jintuża meta l-prodotti soġġetti għad-dazji tas-sisa jiġu mċaqalqa taħt proċedura tad-dwana tal-Komunità barra minn tħollija għaċ-ċirkolazzjoni ħielsa jew jitqegħdu f'zona ħielsa jew maħżen ħieles; Billi fil-kuntest tad-dispożizzjonijiet nazzjonali, id-dazju tas-sisa għandu, fil-każ ta' xi nuqqas jew irregolarita, fil-prinċipju jinġabar mill-Istat Membru li fuq it-territorju tiegħu ikun seħħ in-nuqqas jew l-irregolarita, jew mill-Istat Membru fejn jiġi aċċertat in-nuqqas jew l-irregolarita, jew, fil-każ ta' nuqqas ta' preżentazzjoni fl-Istat Membru ta' destinazzjoni, mill-Istat Membru tat-tluq; Billi l-Istati Membri jistgħu jipprovdu li prodotti li jkunu rilaxxati għall-konsum għandhom iġorru marki fiskali jew nazzjonali ta' identifikazzjoni u billi l-użu ta' dawn il-marki ma' għandux iservi ta' xi xkiel għall-kummerċ intra-Komunitarju; Billi l-ħlas tad-dazji tas-sisa fl-Istat Membru fejn il-prodotti kienu rilaxxati għall-konsum għandu jagħti lok għall-ħlas lura ta' dawk id-dazji meta l-prodotti ma jkunux maħsuba għall-konsum f'dak l-Istat Membru; Billi, bħala riżultat tat-tneħħija tal-prinċipju ta' taxxi fuq importazzjonijiet f'relazzjoni bejn l-Istati Membri, id-dispożizzjonijiet dwar eżenzjonijiet u allowances fuq importazzjonijiet ma jibqax japplika f'relazzjonijiet bejn l-Istati Membri; billi dawn id-dispożizzjonijiet għandhom għalhekk jitneħħew u d-direttivi konċernati jiġu hekk addattati; Billi għandu jiġi stabbilit Kumitat dwar id-Dazji tas-Sisa biex jeżamina l-miżuri tal-Komunità meħtieġa għall-implimentazzjoni tad-dispożizzjonijiet dwar id-dazji tas-sisa; Billi l-Artikolu 1(2) tar-regolament dwar it-tneħħija ta' kontrolli u formalitajiet applikabbli għall-bagolli tal-kabina u dawk ta' l-istiva li jagħmlu titjira intra-Komunitarja jew li jagħmlu qsim intra-Komunitarju bil-baħar, jipprovdi li l-infurzar tiegħu huwa mingħajr preġudizzju għall-kontrolli li jirrelataw mal-projbizzjonijiet jew mar-restrizzjonijiet stabbiliti mill-Istati Membri, sakemm dawn ikunu kompatibbli mat-tlett Trattati li jistabbilixxu l-Komunità Ewropea; billi f'dak il-kuntest il-verifikazzjonijiet meħtieġa għall-infurzar tar-restrizzjonijiet kwantitattivi riferiti fl-Artikolu 26 għandhom jitqiesu li jkunu kontrolli bħal dawk u, bħala hekk, li jkunu kompatibbli mal-leġislazzjoni tal-Komunità; Billi ċertu perjodu ta' żmien ikun meħtieġ biex jittieħdu l-miżuri meħtieġa biex jiġu mtaffija kemm ir-riperkussjonijiet soċjali fis-settur konċernati u d-diffikultajiet reġjonali, partikolarment fir-reġjuni mal-fruntiera, li jistgħu jinħolqu bħala riżultat tat-tneħħija tat-taxxi fuq importazzjonijiet u eżenzjonijiet fuq l-esportazzjonijiet fil-kummerċ bejn l-Istati Membri; billi għal dak il-għan l-Istati Membri għandhom ikunu awtorizzati, għall-perjodu ta' żmien li jintemm fit-30 ta' Ġunju 1999, li jeżentaw il-prodotti provduti, fil-limiti stabbiliti, minn ħwienet ħielsa mit-taxxa fil-kuntest tat-traffiku tal-passiġġieri bl-ajru jew bil-baħar bejn l-Istati Membri: Billi produtturi żgħar ta' l-inbid jistgħu jiġu eżentati minn ċerti ħtiġijiet taħt l-arranġamenti ġenerali tad-dazji tas-sisa; Billi, finalment, id-Direttiva tal-Kunsill 77/799/KEE tad-19 ta' Diċembru 1977 dwar l-għajnuna reċiproka mill-awtoritajiet kompetenti ta' l-Istati Membri fil-qasam tat-tassazzjoni diretta u t-taxxa fuq il-valur miżjud [4] għandha tiġi emendata biex testendi d-dispożizzjonijiet tagħha biex ikopru d-dazji tas-sisa, ADOTTA DIN ID-DIRETTIVA: TITOLU I Dispożizzjonijiet Ġenerali Artikolu 1 1. Din id-Direttiva tistabbilixxi l-arranġamenti għal prodotti soġġetti għad-dazji tas-sisa u taxxi indiretti oħra li huma mposti direttament jew indirettament mal-konsum ta' dawk il-prodotti, ħlief għat-taxxa fuq il-valur miżjud u t-taxxi stabbiliti mill-Komunità. 2. Id-dispożizzjonijiet partikolari li jirrelataw ma' l-istrutturi u r-rati ta' dazju fuq prodotti soġġetti għad-dazju tas-sisa għandhom jiġi stabbiliti f'Direttivi speċifiċi. Artikolu 2 1. Din id-Direttiva u d-Direttivi elenkati fl-Artikolu 1(2) għandhom jgħoddu fit-territorju tal-Komunità kif definit, għal kull Stat Membru, bit-Trattat li jistabbilixxi il-Komunità Ekonomika Ewropea, u b'mod partikolari l-Artikolu 227 tiegħu, ħlief għat-territorji nazzjonali li ġejjin: - fil-każ tar-Repubblika Federali tal-Ġermanja, il-Gżira ta' Heligoland u t-territorju ta' Buesingen, - fil-każ tar-Repubblika Taljana, Livigno, Campione d'Italia u l-ibħra Taljani ta' Lag Lugano, - fil-każ tar-Renju ta' Spanja, Ceuta u Melilla. 2. Minkejja paragraph 1, din id-Direttiva u d-Direttivi riferiti fl-Artikolu 1(2) m'għandhomx jgħoddu għall-Gżejjer Canary. Iżda, r-Renju ta' Spanja jista' jagħti avviż, permezz ta' dikjarazzjoni, li dawn id-Direttivi jgħoddu għal dawk it-territorji għall-prodotti kollha jew uħud minnhom riferiti fl-Artikolu 3(1) hawn taħt, sa mill-ewwel jum tat-tieni xahar li jiġi wara d-depożitu ta' dik id-dikjarazzjoni. 3. Permezz ta' deroga mill-paragrafu 1, la din id-Direttiva u lanqas dawk riferiti fl-Artikolu 1(2) m'għandhom jgħoddu għad-dipartimenti barranin tar-Repubblika Franċiża. Iżda, ir-Repubblika Franċiża tista' tagħti avviż, permezz ta' dikjarazzjoni, li dawn id-Direttivi jgħoddu għal dawk it-territorji bla ħsara għall-miżuri li jaġġustaw fl-ibgħad distanza tagħhom - mill-ewwel jum tat-tieni xahar li jiġi wara id-depożitu tad-dikjarazzjoni. 4. l-Istati Membri għandhom jieħdu l-miżuri meħtieġa biex jiġi żgurat li tranżazzjonijiet li joriġinaw fi jew huma maħsuba għal: - Il-Prinċipalita ta' Monako huma meqjusa bħala tranżazzjonijiet li joriġinaw fi jew huma maħsuba għar-Repubblika Franċiża, - Jungholz u Mittelberg (Kleines Walsertal) huma meqjusa bħala tranżazzjonijiet li joriġinaw fi jew huma maħsuba għar-Repubblika Federali tal-Ġermanja, - l-Isle of Man huma meqjusa li huma tranżazzjonijiet li joriġinaw fi jew huma maħsuba għar-Renju Unit tal-Gran Brettanja u l-Irlanda ta' Fuq, - San Marino huma meqjusa bħala tranżazzjonijiet li joriġinaw fi jew huma maħsuba għar-Repubblika Taljana, 5. Id-dispożizzjonijiet ta' din id-Direttiva m'għandhomx jipprevjenu lill-Greċja milli żżomm l-istatus speċifiku mogħti lill-Mount Athos kif garantit bl-Artikolu 105 tal-Kostituzzjoni Griega. 6. Jekk il-Kummissjoni tqis li l-esklużżjonijiet provduti fil-paragrafi 1, 2, 3 u 4 ma jkunux aktar ġustifikati, partikolarment f'termini ta' kompetizzjoni ġusta, għandha tibgħat il-proposti addattati lill-Kunsill. Artikolu 3 1. Din id-Direttiva għandha tgħodd fil-livell tal-Komunità għall-prodotti li ġejjin kif definiti fid-Direttivi relevanti: - żjut minerali, - alkoħol u xorb alkoħoliku, - tabakk maħdum. 2. Il-prodotti elenkati fil-paragrafu 1 jistgħu jkunu soġġetti għal taxxi oħra indiretti għal għanijiet speċifiċi, iżda dawk it-taxxi jkunu jikkonformaw mar-regoli ta' taxxa applikabbli għad-dazju tas-sisa u għall-għanijiet tal-VAT għal dak li għandu x'jaqsam ma' d-determinazzjoni tal-bażi tat-taxxa, il-kalkolu tat-taxxa, il-ħlas tat-taxxa u l-immonitorjar tat-taxxa. 3. L-Istati Membri għandhom iżommu d-dritt li jintroduċu jew iżommu taxxi li huma mposti fuq prodotti ħlief għal dawk li huma elenkati fil-paragrafu 1, b'dan illi, iżda, li dawk it-taxxi ma jagħtux lok għal formalitajiet mal-qsim tal-fruntieri fil-kummerċ bejn l-Istati membri. Bla ħsara għall-istess proviso, l-Istati Membri għandhom ukoll iżommu d-dritt li jimponu taxxi fuq il-provvista ta' servizzi li ma jistgħux jiġu karatterizzati bħala taxxi fuq il-bejgħ, inklużi dawk li jirrelataw ma' prodotti soġġetti għad-dazju tas-sisa. Artikolu 4 Għall-għanijiet ta' din id-Direttiva, għandhom jgħoddu id-definizzjonijiet li ġejjin: (a) magazzinier awtorizzat: persuna naturali jew legali awtorizzata mill-awtoritajiet kompetenti ta' Stat Membru li tipproduċi, tipproċessa, iżżomm, tirċievi jew tibgħat prodotti fil-kors tan-negozju tagħha, bid-dazju tas-sisa jiġi sospiż taħt arranġament ta' magazzinaġġ tat-taxxa; (b) maħżen tat-taxxa: lok fejn oġġetti suġġetti għad-dazju tas-sisa huma prodotti, proċessati, miżmuma, riċevuti jew mibgħuta taħt arranġamenti ta' sospensjoni tad-dazju minn magazzinier awtorizzat fil-kors tan-negozju tiegħu, bla ħsara għal ċerti kondizzjonijiet stabbiliti mill-awtoritajiet kompetenti ta' l-Istat Membru fejn icon jinsab il-maħżen tat-taxxa; (ċ) arranġament ta' sospensjoni: arranġament ta' taxxa applikat għall-produzzjoni, proċessar, żamma u ċaqliq ta' prodotti, bid-dazju tas-sisa jkun sospiż; (d) negozjant reġistrat: persuna naturali jew legali mingħajr status ta' magazzinier, awtorizzata mill-awtoritajiet kompetenti ta' Stat Membru, biex tirċievi, fil-kors tan-negozju tagħha, prodotti soġġetti għad-dazji tas-sisa minn Stat Membru ieħor taħt arranġamenti ta' sospensjoni tad-dazju. Dan it-tip ta' negozjant la jista jżomm u lanqas jibgħat prodotti bħal dawk taħt arranġementi ta' sospensjoni tad-dazju tas-sisa; (e) negozjant mhux reġistrat: persuna naturali jew legali mingħajr status ta' magazzinier, li jkun intitolat, fil-kors tan-negozju tagħha, li jirċievi ta' kull tant prodotti soġġetti għad-dazji tas-sisa minn Stat Membru ieħor taħt arranġamenti ta' sospensjoni tad-dazju. Dan it-tip ta' negozjant la jista jżomm u lanqas jibgħat prodotti bħal dawk taħt arranġementi ta' sospensjoni tad-dazju tas-sisa; Negozjant mhux reġistrat għandu jiggarantixxi l-ħlas tad-dazju tas-sisa lill-awtoritajiet tat-taxxa ta' l-Istati Membri ta' destinazzjoni qabel ma jintbagħtu dawk l-oġġetti. Artikolu 5 1. Il-prodotti riferiti fl-Artikolu 3(1) għandhom ikunu soġġetti għad-dazju tas-sisa fiż-żmien tal-produzzjoni tagħhom ġewwa t-territorju tal-Komunità kif definit fl-Artikolu 2 jew ta' l-importazzjoni tagħhom f'dak it-territorju. "Importazzjoni ta' prodott soġġett għad-dazju tas-sisa" għandha tfisser id-dħul ta' dak il-prodott fit-territorju tal-Komunità, inkluż id-dħul ta' prodott bħal dak minn territorju kopert bl-Artikolu 2(1), (2) u (3) jew miċ-Channel Islands. Iżda, meta l-prodott jitqiegħed taħt proċedura tad-dwana tal-Komunità mad-dħul fit-territorju tal-Komunità, l-importazzjoni għandha titqies li seħħ meta jkun għadda mill-proċedura tad-dwana tal-Komunità. 2. Mingħajr preġudizzju għad-dispożizzjonijiet nazzjonali jew tal-Komunità dwar kwistjonijiet tad-dwana, meta prodotti soġġetti għad-dazju tas-sisa li jkunu ġejjin minn jew sejrin lejn pajjiż terz ikunu taħt proċedura tad-dwana tal-Komunità barra minn rilaxx għal ċirkolazzjoni ħielsa jew jitqegħdu f'zona ħielsa jew f'maħżen ħieles, id-dazju tas-sisa fuqhom għandu jitqies li jkun sospis. Artikolu 6 1. Id-dazju tas-sisa għandu jsir dovut fiż-żmien tar-rilaxx għall-konsum jew meta jiġu rekordjati nuqqasijiet li għandhom ikunu soġġetti għad-dazju tas-sisa skond l-Artikolu 14(3). Rilaxx għall-konsum ta' prodotti soġġetti għad-dazju tas-sisa għandha tfisser: (a) kull tluq, inkluż tluq irregolari, minn arranġament ta' sospensjoni; (b) kull manifattura, inkluża manifattura irregolari, ta' dawk il-prodotti barra arranġament ta' sospensjoni; (ċ) kull importazzjoni ta' dawk il-prodotti, inkluża importazzjoni irregolari, meta dawk il-prodotti ma jkunux tqiegħedu taħt arranġament ta' sospensjoni. 2. Il-kondizzjonijiet ta' meta għandu jitħallas u-rata ta' dazju tas-sisa li għandhom jiġu addottati għandhom ikunu dawk fis-seħħ fid-data li fiha jkollu jitħallas id-dazju fl-Istat Membru fejn iseħħ ir-rilaxx għall-konsum jew jiġu rekordjati n-nuqqasijiet. Id-dazju tas-sisa għandu jiġi mpost u miġbur skond il-proċedura stabbilita mnn kull Stat membru, b'dan jiġi miftiehem li l-Istati Membri għandhom japplikaw l-istess proċeduri għall-imposizzjoni u ġbir għall-prodotti nazzjonali u għal dawk minn Stati Membri oħra. Artikolu 7 1. Fil-każ ta' prodotti soġġetti għad-dazju tas-sisa u ġa rilaxxati għall-konsum fi Stat Membru wieħed waqt li jkunu miżmuma għal għanijiet kummerċjali fi Stat Membru ieħor, id-dazju tas-sisa għandu jiġi mpost fl-Istat Membru li fih ikunu miżmuma dawk il-prodotti. 2. Għal dak il-għan, mingħajr preġudizzju għall-Artikolu 6, meta prodotti ġa rilaxxati għall-konsum kif definit fl-Artikolu 6 fi Stat Membru wieħed jitwasslu, jkunu maħsuba biex jitwasslu jew użati fi Stat Membru ieħor għall-għanijiet ta' negozjant fit-twettiq ta' attività ekonomika indipendentement jew għall-għanijiet ta' korp regolat bil-liġi pubblika, id-dazju tas-sisa għandu jsir dovut f'dak l-Istat membru l-ieħor. 3. Skond iċ-ċirkostanzi kollha, id-dazju għandu jkun dovut mill-persuna li tagħmel it-tqassim jew li tkun iżżomm il-prodotti maħsuba għat-tqassim jew mill-persuna li tirċievi l-prodotti għall-użu fi Stat Membru li ma jkunx dak fejn il-prodotti jkunu ġa ġew rilaxxati għal-konsum, jew in-negozjant relevanti jew korp regolat bil-liġi pubblika. 4. Il-prodotti riferiti fil-paragrafu 1 għandhom jiċċaqalqu bejn it-territorji ta' l-Istati Membri varji taħt il-kopertura ta' dokument mehmuż li jelenka t-tagħrif prinċipali mid-dokumnent riferit fl-Artikolu 18(1). Il-forma u l-kontenut ta' dan id-dokument għandhom jiġu stabbiliti skond il-proċedura mniżżla fl-Artikolu 24 ta' din id-Direttiva. 5. Il-persuna, negozjant jew korp riferit fil-paragrafu 3 għandu jikkonforma mal-ħtiġijiet li ġejjin: (a) qabel ma jintbagħtu l-oġġetti, tagħmel dikjarazzjoni lill-awtoritajiet tat-taxxa ta' l-Istat membru ta' destinazzjoni u tiggarantixxi l-ħlas tad-dazju tas-sisa; (b) tħallas id-dazju tas-sisa lill-Istat Membru ta' destinazzjoni skond il-proċedura stabbilita minn dak l-Istat Membru; (ċ) taċċetta għal kull verifika li tippermetti lill-amministrazzjoni ta' l-Istat Membru ta' destinazzjoni li jissodisfa lilu nnifsu li l-oġġetti jkunu ġew attwalment riċevuti u li d-dazju tas-sisa li għalih ikunu suġġetti jkun tħallas. 6. Id-dazju tas-sisa mħallas fl-ewwel Stat Membru riferit fil-paragrafu 1 għandu jitħallas lura skond l-Artikolu 22(3). Artikolu 8 Fir-rigward ta' prodotti akkwistati minn individwi privati għall-użu proprju tagħhom u trasportati minnhom, il-prinċipju li jirregola s-suq intern jipprovdi li d-dazju tas-sisa għandu jkun dovut fl-Istat membru li fih ikunu ġew akkwistati. Artikolu 9 1. Mingħajr preġudizzju għall-Artikoli 6, 7 u 8, id-dazju tas-sisa għandu jsir dovut fejn il-prodotti għall-konsum fi Stat Membru jkunu miżmuma għal għanijiet kummerċjali fi Stat Membru ieħor. F'dan il-każ, id-dazju għandu jkun dovut fl-Istat Membru li fit-territorju tiegħu jkun l-prodotti u għandu jkun dovut mid-detentur tal-prodotti. 2. Biex jistabbilixxu li l-prodotti riferiti fl-Artikolu 8 huma maħsuba għal-għanijiet kummerċjali, l-Istati Membri għandhom jagħtu kont, inter alia, ta' dan li ġej: - l-istatus kummerċjali tad-detentur tal-prodotti u r-raġunijiet tiegħu għalfejn ikun qed iżommhom, - il-post fejn ikunu jinsabu l-prodotti jew, fejn xieraq, il-mod ta' trasport użat, - kull dokument li jirrelata mal-prodotti, - in-natura tal-prodotti, - il-kwantita tal-prodotti. Għall-għanijiet ta' l-applikazzjoni tal-ħames indent ta' l-ewwel subparagrafu, l-Istati Membri jistgħu jistabbilixxu l-livelli ta' gwida, unikament bħala forma ta' evidenza. Dawn il-livelli ta' gwida, m'għandhomx ikunu anqas minn: (a) Prodotti tat-tabakk sigaretti | 800 wieħed | cigarillos (sigarri li ma jkunux jiżnu aktar minn 3 g kull wieħed) | 400 wieħed | sigarri | 200 wieħed | tabakk tat-tipjip | 1,0 kg; | (b) Xorb alkoħoliku xorb spirituż | 10 l | prodotti intermedjarji | 20 l | nbejjed (inkluż massimu ta' 60 l ta' nbejjed bil-gas) | 90 l | birra | 110 l. | Sat-30 ta' Ġunju 1977 l-Irlanda għandha tkun awtorizzata li tapplika livelli ta' gwida li m'għandhomx ikunu anqas minn 45 litru għall-inbid (inkluż massimu ta' 30 litrtu ta' nbid li jfexfex) u 55 litru għall-birra. 3. L-Istati Membri jistgħu wkoll jipprovdu li d-dazju tas-sisa għandu jsir dovut fl-Istat membru ta' konsum fuq l-akkwist ta' żjut minerali ġa rilaxxati għall-konsum fi Stat membru ieħor jekk dawk il-prodotti jiġu trasportati b'modi ta' mezzi ta' trasport atipiċi minn individwi privati jew għan-nom tagħhom. Trasport atipiku għandu jfisser it-trasport ta' karburanti barra minn f'tankijiet ta' vetturi jew f'kontenituri addattati ta' riżerva ta' karburanti u t-trasport ta' prodotti likwidi għat-tisħin barra mill-mezz ta' tankers użati għan-nom ta' negozjanti professjonali. Artikolu 10 1. Prodotti soġġetti għad-dazju tas-sisa mixtrija minn persuni li ma jkunux magazziniera awtorizzati ta' mħażen jew negozjanti reġistrati jew mhux reġistrati u mibgħuta jew trasporati direttament jew indirettament mill-venditur jew għand-nom tiegħu għandhom ikunu soġġetti għad-dazju tas-sisa fl-Istat Membru ta' destinazzjoni; Għall-għanijiet ta' dan l-Artikolu, "Stat Membru ta' destinazzjoni" għandha tfisser l-Istat Membru fejn jitwassal id-dispaċċ jew it-trasport. 2. Għal dak il-għan, it-twassil ta' prodotti soġġetti għad-dazju tas-sisa ġa rilaxxati għall-konsum fi Stat Membru u li jagħti lok għad-dispaċċ jew trasport ta' dawk il-prodotti lill-persuna kif riferit fil-paragrafu 1, stabbilita fi Stat Membru ieħor, u li jintbagħtu jew jiġu trasportati direttament jew indirettament mill-venditur jew għan-nom tiegħu għandu jġiegħel li d-dazju tas-sisa jiġi dovut fuq dawk il-prodotti fl-Istat Membru ta' destinazzjoni. 3. Id-dazju ta' l-Istati Membri ta' destinazzjoni għandhu jkun dovut mill-venditur fiż-żmien tat-twassil. Iżda, L-Istati Membri jistgħu jaddottaw dispożizzjonijiet li jistipulaw li d-dazju tas-sisa għandu jitħallas minn rappreżentant tat-taxxa, barra mill-konsenjatarju tal-prodotti. Rappreżentant tat-taxxa bħal dak għandu jkun sabbilit fl-Istat Membru ta' destinazzjoni u approvat mill-awtoritajiet tat-taxxa ta' dak l-Istat Membru. L-Istat Membru li fih ikun stabbilit il-venditur għandu jiżgura li jħares il-ħtiġijiet li ġejjin: - jiggarantixxi l-ħlas tad-dazju tas-sisa taħt il-kondizzjonijiet iffissati mill-Istat Membru ta' destinazzjoni qabel id-dispaċċ tal-prodotti u jiżgura li d-dazju tas-sisa jitħallas wara li jaslu l-prodotti, - iżomm il-kontijiet tat-twassil tal-prodotti. 4. Fil-każ riferit fil-paragrafu 2, id-dazju tas-sisa mħallas fl-ewwel Stat Membru għandu jitħallas lura skond l-Artikolu 22(4). 5. Bla ħsara għall-liġi tal-Komunità, l-Istati Membri jistgħu jistabbilixxi regoli speċifiki għall-applikazzjoni ta' din id-dispożizzjoni għall-prodotti soġġetti għad-dazju tas-sisa li huma koperti b'arranġamenti speċjali nazzjonali ta' distribuzzjoni kompatibbli mat-Trattat. TITOLU II Produzzjoni, ipproċessar u żamma Artikolu 11 1. Kull Stat Membru għandu jistabbilixxi r-regoli tiegħu dwar il-produzzjoni, ipproċessar u żamma tal-prodotti soġġetti għad-dazju tas-sisa bla ħsara għad-dispożizzjonijiet ta' din id-Direttiva. 2. Il-produzzjoni, ipproċessar u żamma tal-prodotti soġġetti għad-dazju tas-sisa, fejn dan ta' l-aħħar ma jkunx tħallas, għandu jseħħ f'maħżen tat-taxxa. Artikolu 12 Il-ftuħ u t-tħaddim ta' l-imħażen tat-taxxa għandhom ikunu bla ħsara għall-awtorizzazzjoni mill-awtoritajiet kompetenti ta' l-Istati Membri. Artikolu 13 Magazzinier awtorizzat għandu jkun meħtieġ li: (a) jipprovdi garanzija, fejn meħtieġ, li tkun tkopri l-produzzjoni, ipproċessar u żamma u garanzija obbligatorja li tkun tkopri ċ-ċaqliq, li l-kondizzjonijiet tiegħu għandhom jiġu stabbiliti mill-awtoritajiet tat-taxxa ta' l-Istati Membri fejn ikun awtorizzat il-maħżen tal-merkanzija; (b) jikkonforma mal-ħtiġijiet imniżżla mill-Istat Membru li fit-territorju tiegħu jkun jinsab il-maħżen tat-taxxa; (ċ) iżomm, għal kull maħżen, il-konteġġi tat-ċaqliq tal-ħażniet u l-prodotti; (d) jipproduċi l-prodotti meta jiġi hekk mitlub; (e) jagħti l-kunsens tiegħu għall-verifiki ta' immonitorjar u ħażniet. Il-ħtiġijiet għandhom jirrispettaw il-prinċipju ta' non-diskriminazzjoni bejn transazzjonijiet nazzjonali u intra-Komunitarji. Artikolu 14 1. Il-magazziniera awtorizzati għandhom ikunu eżentati mid-dazju dwar it-telf li jseħħ taħt l-arranġamenti ta' sospensjoni li huma attribwibbli għal ġrajjiet aċċidentali jew ta' force majeure u stabbiliti mill-awtoritajiet ta' l-Istat Membru konċernat. Għandhom ukoll ikunu eżentati, taħt l-arranġamenti ta' sospensjoni, dwar xi telf inerenti fin-natura tal-prodott matul il-produzzjoni u l-ipproċessar, il-ħażna jew it-trasport. Kull Stat Membru għandu jistabbilixxi l-kondizzjonijiet li taħthom għandhom jingħataw dawn l-eżenzjonijiet. Dawn l-eżenzjonijiet għandhom jgħoddu b'mod ugwali għan-negozjanti kif riferit fl-Artikolu 16 matul it-trasport tal-prodotti taħt l-arranġamenti ta' sospensjoni tad-dazju tas-sisa. 2. It-telf riferit fil-paragrafu 1 li jseħħ matul it-trasport intra-Komunitarju ta' prodotti taħt arranġamenti ta' sospensjoni tad-dazju tas-sisa għandu jiġi stabbilit skond ir-regoli ta' l-Istat Membru ta' destinazzjoni. 3. Mingħajr preġudizzju għall-Artikolu 20, id-dazju fuq in-nuqqasijiet barra min-nuqqasijiet riferiti fil-paragrafu 1, u n-nuqqasijiet li dwarhom l-eżenzjonijiet riferiti fil-paragrafu 1 ma' jingħatawx għandu jiġi mpost fuq il-bażi tar-rati applikabbli fl-Istati Membri konċernati fiż-żmien li fih seħħ in-nuqqas, debitament stabbilit mill-awtoritajiet kompetenti, jew fejn meħtieġ fiż-żmien li fih kien rekordjat in-nuqqas. TITOLU III Ċaqliq ta' oġġetti Artikolu 15 1. Mingħajr preġudizzju għad-dispożizzjonijiet ta' l-Artikoli 5(2), 16 u 19 (4), iċ-ċaqliq ta' prodotti soġġetti għad-dazji tas-sisa taħt arranġamenti ta' sospensjoni għandu jseħħ bejn l-imħażen tat-taxxa. 2. Il-magazziniera awtorizzati mill-awtoritajiet kompetenti ta' Stat Membru skond l-Artikolu 13 għandhom jitqiesu li jkunu ġew awtorizzati kemm għaċ-ċaqliq nazzjonali u dak intra-Komunitarju. 3. Ir-riskji inerenti maċ-ċaqliq intra-Komunitarju għandhom ikunu koperti bil-garanzija provduta mill-magazzinier awtorizzat tad-dispaċċ kif hemm provdut fl-Artikolu 13, jew jekk ikun meħtieġ, b'garanzija fliemkien u in solidu li tkun torbot kemm lill-konsenjatur u lit-trasportatur. Fejn xieraq, l-Istati Membri għandhom jeħtieġu lill-konsenjatarju li jipprovdi garanzija. Ir-regoli dettaljati tal-garanzija għandhom jiġu stabbiliti mill-Istati Membri. Il-garanzija għandha tkun valida mal-Komunità kollha. 4. Mingħajr preġudizzju għad-dispożizzjoni ta' l-Artikolu 20, ir-responsabbiltà tal-magazzinier awtorizzat ta' dispaċċ u, jekk tinqala' l-ħtieġa, dik tat-trasportatur tista' tiġi biss ippruvata permezz tal-prova li l-konsenjatarju ikun wassal il-prodotti, b'mod partikolarment mid-dokument mehmuż kif riferit fl-Artikolu 18 taħt il-kondizzjonijiet stabbiliti f'dak l-Artikolu 19. Artikolu 16 1. Minkejja l-Artikolu 15(1), il-konsenjatarju jista' jkun negozjant professjonali mingħajr l-istatus ta' magazzinier awtorizzat. Dan in-negozjant jista', fil-kors tan-negozju tiegħu, jirċievi prodotti soġġetti għad-dazju tas-sisa minn Stati Membri oħra taħt arranġamenti ta' sospensjoni tad-dazju. Iżda, la jista' jżomm u lanqas jibgħat prodotti bħal dawk taħt arranġamenti ta' sospensjoni tad-dazju tas-sisa; Bla ħsara għall-liġi tal-Komunità, l-Istati Membri jistgħu jistabbilixxi regoli speċifiki għall-applikazzjoni ta' din id-dispożizzjoni għall-prodotti soġġetti għad-dazju tas-sisa li huma koperti b'arranġamenti speċjali nazzjonali ta' distribuzzjoni kompatibbli mat-Trattat. 2. In-negozjant imsemmi hawn fuq jista' jitlob, qabel ma jirċievi l-oġġetti, li jiġi reġistrat mill-awtoritajiet tat-taxxa ta' l-Istat Membru tiegħu. Negozjant reġistrat għandu jikkonforma mal-ħtiġijiet li ġejjin: (a) jiggarantixxi l-ħlas tad-dazju tas-sisa taħt il-kondizzjonijiet iffissati mill-awtoritajiet tat-taxxa ta' l-Istat Membru, mingħajr preġudizzju għall-Artikolu 15(4) li jistabbilixxi r-responsabbiltà tal-magazzinier awtorizzat ta' dispaċċ u, jekk jinqala' l-każ, tat-trasportatur; (b) iżomm il-kontijiet tat-twassil tal-prodotti; (ċ) jipproduċi l-prodotti meta jiġi mitlub biex jagħmel dan; (d) jagħti l-kunsens tiegħu għall-immonitorjar kollu u l-verifiki tal-ħażniet. Għal dan it-tip ta' negozjant, id-dazju tas-sisa għandu jkun dovut fiż-żmien meta jiġu riċevuti l-oġġetti u għandu jitħallas skond il-proċedura stabbilita minn kull Stat Membru. 3. Jekk in-negozjant riferit fil-paragrafu 1 hawn fuq ma jkunx reġistrat ma' l-awtoritajiet tat-taxxa ta' l-Istat Membru tiegħu, għandhu jikkonforma mal-ħtiġijiet li ġejjin: (a) qabel ma jintbagħtu l-oġġetti, jagħmel dikjarazzjoni lill-awtoritajiet tat-taxxa ta' l-Istati Membri ta' destinazzjoni u jiggarantixxi l-ħlas tad-dazju tas-sisa, mingħajr preġudizzju għall-Artikolu 15(4) li jistabbilixxi r-responsabbiltà tal-magazzinier awtorizzat ta' dispaċċ u, jekk jinqala' l-każ, tat-trasportatur; (b) iħallas id-dazju tas-sisa lill-Istat Membru ta' destinazzjoni fiż-żmien li fih jiġu riċevuti l-oġġetti skond il-proċedura stabbilita minn dak l-Istat Membru; (ċ) jaċċetta għal kull verifika li tippermetti lill-amministrazzjoni ta' l-Istat Membru ta' destinazzjoni li jissodisfa lilu nnifsu li l-oġġetti jkunu ġew attwalment riċevuti u li d-dazju tas-sisa li għalih ikunu soġġetti jkun tħallas. 4. Bla ħsara għad-dispożizzjonijiet stabbiliti fil-paragrafi 2 u 3, id-dispożizzjonijiet ta' din id-Direttiva li jirrelataw maċ-ċaqliq ta' prodotti soġġetti għad-dazju tas-sisa taħt arranġamenti tas-sospensjoni tad-dazju għandhom jgħoddu. Artikolu 17 Ir-rappreżentant tat-taxxa jista' jinħatar mill-magazzinier awtorizzat ta' dispaċċ. Dan ir-rappreżentant tat-taxxa għandu jkun stabbilit fl-Istat Membru ta' destinazzjoni u awtorizzat mill-awtoritajiet tat-taxxa ta' dak l-Istat. Hu għandu, minflok jew flok il-konsenjatarju mingħajr status ta' magazzinier awtorizzat, jikkonforma mal-ħtiġijiet li ġejjin: (a) jiggarantixxi l-ħlas tad-dazju tas-sisa taħt il-kondizzjonijiet iffissati mill-awtoritajiet tat-taxxa ta' l-Istat Membru ta' destinazzjoni, mingħajr preġudizzju għall-Artikolu 15(4) li jistabbilixxi r-responsabbilità tal-magazzinier awtorizzat ta' dispaċċ u, jekk jinqala' l-każ, tat-trasportatur; (b) iħallas id-dazju tas-sisa lill-Istat Membru ta' destinazzjoni fiż-żmien li fih jiġu riċevuti l-oġġetti skond il-proċedura stabbilita minn dak l-Istati Membri ta' destinazzjoni; (ċ) iżomm il-kontijiet tat-twassil tal-prodotti u jagħti parir lill-awtoritajiet tat-taxxa ta' l-Istat Membru ta' destinazzjoni bil-post fejn ikunu twasslu l-oġġetti. Artikolu 18 1. Minkejja l-użu possibbli ta' proċeduri komputerizzati, il-prodotti kollha soġġetti għad-dazju tas-sisa imċaqalqa taħt arranġamenti ta' sospensjoni tad-dazju bejn l-Istati Membri għandhom ikunu akkumpanjati minn dokument imħejji mill-konsenjatur. Dan id-dokument jista' jkun jew dokument amministrattiv jew dokument kummerċjali. Il-forma u l-kontenut ta' dan id-dokument għandhom jiġu stabbiliti skond il-proċedura mniżżla fl-Artikolu 24 ta' din id-Direttiva. 2. Sabiex jiġu identifikati l-oġġetti u jitwettqu l-verifiki, il-pakketti għandhom ikunu numerati u l-prodotti deskritti bl-użu tad-dokument riferiti fil-paragrafu 1. Jekk jinqala' l-każ, kull kontenitur għandu jkun siġillat mill-konsenjatur meta l-mezzi tat-trasport ikunu rikonoxxuti bħala addattati għall-issiġillar mill-Istati Membri tat-tluq jew il-pakketti għandhom ikunu ssiġillati mill-konsenjatur. 3. Fil-każi fejn il-konsenjatarju ma jkunx magazzinier awtorizzat jew negozjant reġistrat u minkejja l-Artikolu 17, id-dokument riferit fil-paragrafu 1 għandu jkollu ukoll dokument ieħor li jkun jiċċertifika li jkun tħallas id-dazju tas-sisa fl-Istat membru ta' destinazzjoni jew li kull proċedura oħra għall-ġbir tad-dazju tkun ġiet imħarsa skond il-kondizzjonijiet stabbiliti mill-awtoritajiet kompetenti ta' l-Istat membru ta' destinazzjoni. Dan id-dokument għandu juri: - l-indirizz ta' l-uffiċċju konċernat ta' l-awtoritajiet tat-taxxa ta' l-Istat membru ta' destinazzjoni, - id-data u r-referenza tal-ħlas jew ta' l-aċċettazzjoni tal-garanzija tal-ħlas minn dan l-uffiċċju. 4. Il-paragrafu 1 ma' għandux japplika meta prodotti soġġetti għad-dazju tas-sisa jiġu mċaqalqa taħt il-kondizzjonijiet riferiti fl-Artikolu 5(2). 5. Mingħajr preġudizzju għall-Artikolu 3(1), l-Istati Membri jistgħu jżommu r-regoli tagħhom dwar iċ-ċaqliq u ħażna ta' materja prima użata fil-manifattura jew preparazzjoni ta' prodotti soġġetti għad-dazju tas-sisa. Artikolu 19 1. L-awtoritajiet tat-taxxa ta' l-Istati Membri għandhom ikunu nfurmati min-negozjanti mit-twassil mibgħut jew riċevut permezz tad-dokument jew referenza għad-dokument speċifikat fl-Artikolu 18. Dan id-dokument għandu jitħejja f'erba' kopji: - kopja waħda għandha tinżamm mill-konsenjatur, - kopja waħda għall-konsenjatarju, - kopja waħda għandha tintbagħat lura lill-konsenjatur għad-dispaċċ, - kopja waħda għall-awtoritajiet kompetenti ta' l-Istat Membru ta' destinazzjoni. L-awtoritajiet kompetenti ta' kull Stat Membru ta' dispaċċ għandhom jipprovdu għall-użu ta' kopja addizzjonali tad-dokument għall-awtoritajiet kompetenti ta' l-Istat Membru minn fejn jkunu intbgħatu l-prodotti. L-Istati Membri ta' destinazzjoni jistgħu jistipulaw li l-kopja li għandha tintbagħat lura lill-konsenjatur għad-disċarġ għandha tkun ċertifikata u ttimbrata mill-awtoritajiet nazzjonali tagħhom. L-Istati Membri li japplikaw din id-dispożizzjoni għandhom jinfurmaw lill-Kummissjoni li għandha tinforma b'dan lill-Istati membri l-oħra. Il-proċedura li għandha tiġi segwita dwar il-kopja għall-awtoritajiet kompetenti ta' l-Istati Membri ta' destinazzjoni għandha tkun addotta skond il-proċedura kif hemm provduta fl-Artikolu 24. 2. Meta prodotti soġġetti għad-dazju tas-sisa jiġu mċaqalqa taħt arranġamenti ta' sospensjoni tad-dazju għand magazzinier awtorizzat jew għand negozjant reġistrat jew mhux reġistrat, kopja tad-dokument amministrattiv mehmuż jew kopja tad-dokument kummerċjali, debitament annotata, għandha tiġi ritornata lill-konsenjatarju mill-konsenjatur għad-disċarġ, mhux aktar tard minn 15-il jum wara ix-xahar li fih ikun irċeviha l-konsenjatarju. Il-kopja li għandha tintbagħat lura għandu jkun fiha id-dettalji li ġejjin li huma meħtieġa għad-disċarġ: (a) l-indirizz ta' l-uffiċju ta' l-awtorita tat-taxxa għall-konsenjatarju; (b) id-data u l-post fejn ġew riċevuti l-oġġetti; (ċ) deskrizzjoni ta' l-oġġetti riċevuti sabiex jiġi verifikat jekk il-kunsinna taqbilx mad-dettalji li jkunu jinsabu fid-dokument. Jekk ikunu jaqblu, in-nota "kunsinna ivverifikata" għandha tiżdied; (d) ir-referenza jew in-numru ta' reġistrazzjoni maħruġ, fejn xieraq, mill-awtoritajiet kompetenti ta' l-Istat Membru ta' destinazzjoni li juża numerar bħal dak u/jew iċ-ċertifikazzjoni mill-awtoritajiet kompetenti ta' l-Istat Membru ta' destinazzjoni jekk dak l-Istat Membru jistipula li l-kopja li għandha tiġi ritornata lura għandha tkun ċertifikata jew ittimbrata mill-awtoritajiet tiegħu; (e) il-firma awtorizzata tal-konsenjatarju. 3. L-arranġamenti ta' sospensjoni tad-dazju kif definiti fl-Artikolu 4(c) għandhom ikunu mwettqa bit-tqegħid tal-prodotti soġġetti għad-dazju tas-sisa taħt xi wieħed mill-arranġamenti riferiti fl-Artikolu 5(2) u bla ħsara għall-kondizzjonijiet riferiti fih, wara li l-konsenjatarju jkun irċieva l-kopja li għandha tintbagħat lura mad-dokument amministrattiv mehmuż jew kopja tad-dokument kummerċjali, debitament annotata, li fih għandu jiġi nnutat li l-prodotti ikunu ġew imqegħda taħt arranġament bħal dak. 4. Fejn il-prodotti soġġetti għad-dazju tas-sisa li jkunu qed jiġu mċaqalqa taħt l-arranġament ta' sospensjoni tad-dazju kif definit fl-Artikolu 4(c) jiġu esportati, dan l-arranġament għandu jiġi mwettaq permezz ta' attestazzjoni mħejjija mill-uffiċju tad-dwana tat-tluq mill-Komunità li jikkonferma li l-prodott kien ħalla tabilħaqq il-Komunità. Dak l-uffiċju għandu jibgħat lura lill-konsenjatur il-kopja ċertifikata tad-dokument mehmuż maħsuba għalih. 5. Jekk ma jkun hemm ebda twettieq, il-konsenjatur għandu jinforma lill-awtoritajiet tat-taxxa ta' l-Istat Membru tiegħu f'limitu ta' żmien li għandu jiġi ffissat minn dawk l-awtotitajiet tat-taxxa. Il-limitu taż-żmien, ma' għandux iżda, jeċċedi t-tlett xhur mid-data tad-dispaċċ ta' l-oġġetti. 6. L-Istati Membri għandhom jikkooperaw għall-introduzzjoni ta' verifiki fuq il-post, li jistgħu jiġu mwettqa, skond kif meħtieġ, minn proċeduri komputerizzati. Artikolu 20 1. Fejn tkun saret xi irregolarita jew xi reat fil-kors taċ-ċaqliq li jkun jinvolvi il-ħlas ta' dazju tas-sisa, id-dazju tas-sisa għandu jkun dovut fl-Istat Membru fejn ikun sar ir-reat jew l-irregolarita mill-persuna naturali jew legali li tkun iggarantit il-ħlas tad-dazji tas-sisa skond l-Artikolu 15(3), mingħajr preġudizzju għat-teħid ta' proċeduri kriminali. Meta d-dazju tas-sisa jinġabar minn Stat Membru li ma jkunx dak tat-tluq, l-Istat Membru li jiġbor id-dazju għandu javża lill-awtoritajiet kompetenti tal-pajjiż tat-tluq. 2. Meta, fil-kors taċ-ċaqliq, ikun inkixef reat jew irregolarita mingħajr ma jkun jista' jiġi stabbilit fejn ikun seħħ, għandu jitqies li jkun seħħ fl-Istat Membru fejn ikun inkixef. 3. Mingħajr preġudizzju għad-dispożizzjoni ta' l-Artikolu 6(2), meta prodotti soġġetti għad-dazju tas-sisa ma jaslux fid-destinazzjoni tagħhom u ma jkunx possibbli li jiġi stabbilit fejn ikun seħħ ir-reat jew l-irregolarita, dak ir-reat jew irregolarita għandu jitqies li jkun seħħ fl-Istat Membru tat-tluq, li għandu jiġbor id-dazji tas-sisa bir-rata fis-seħħ fid-data meta jkunu ntbagħtu l-prodotti kemm-il darba fi żmien ta' erba' xhur l-awtoritajiet kompetenti ma jkunux jafu bil-korrettezza tat-tranżazzjoni jew bil-lok fejn ir-reat jew l-irregolarita tkun attwalment seħħet. 4. Jekk, qabel ma jiskadi perjodu ta' tlett snin mid-data li fha kien tħejja d-dokument mehmuż, jiġi aċċertat l-Istat Membru fejn ikun seħħ ir-reat jew l-irregolarita, l-Istati Membru għandhom jiġbru d-dazju tas-sisa bir-rata fis-seħħ fid-data li fiha jkunu ntbagħtu l-oġġetti. F'dan il-każ, malli tiġi provduta xhieda li l-ġbir ikun sar, id-dazju tas-sisa oriġinalment impost għandu jitħallas lura. Artikolu 21 1. Mingħajr preġudizzju għall-Artikolu 6(1), l-Istati Membri jistgħu jeħtieġu li prodotti rilaxxati għall-konsum fit-territorju tagħhom għandhom iġorru marki tat-taxxa jew marki nazzjonali ta' identifkazzjoni wżati għal għanijiet fiskali. 2. Kull Stat Membru li jeħtieġ l-użu ta' immarkar tat-taxxa jew marki nazzjonali ta' identifikazzjoni kif stabbilit fil-paragrafu 1 għandu jkun meħtieġ li jagħmilhom disponibbli lill-magazziniera awtorizzati ta' l-Istati Membri l-oħra. Iżda, kull Stat membru jista' jeħtieġ li l-marki fiskali jagħmilhom disponibbli lil rappreżentant awtorizzat tat-taxxa mill-awtorità tat-taxxa ta' dak l-Istat membru. L-Istati Membri għandhom jiżguraw li l-proċedura dwar dan l-immarkar ma toħloqx ostakoli għall-moviment ħieles ta' prodotti suġġetti għad-dazju tas-sisa. 3. Il-marki tat-taxxa jew il-marki ta' identifikazzjoni skond it-tifsira tal-paragrafu 1 għandhom ikunu validi fl-Istat Membru li jkun ħariġhom. Iżda, jista' jkun hemm għarfien komuni għal dawn il-marki bejn l-Istati Membri. 4. Iż-żjut minerali jistgħu jinżammu, jiġu trasportati jew użati fl-Irlanda, ħlief għal dawk fit-tankijiet għat-tħaddim ta' vetturi li għandhom il-permess jużaw karburanti bl-irħis, biss fejn dawn ikunu konformi mal-kontroll ta' l-Istat u l-ħtiġijiet ta' immarkar. 5. Iċ-ċaqliq intra-Komunitarju ta' prodotti li jġorru immarkar ta' taxxa jew marka nazzjonali ta' identifikazzjoni ta' Stat Membru skond it-tifsira tal-paragrafu 1 u maħsuba għal-bejgħ f'dak l-Istat Membru, li jkunu fit-territorju ta' Stat Membru ieħor, għandu jsħħ meta jkun kopert b'dokument mehmuż kif provdut fl-Artikolu 18(1) u (3), jew jekk jinqala' l-każ, skond l-Artikolu 5(2). TITOLU IV Ħlas lura Artikolu 22 1. Fejn japplika, prodotti soġġetti għad-dazju tas-sisa li jkunu ġew rilaxxati għall-konsum jistgħu, fuq it-talba ta' negozjant fil-kors tan-negozju tiegħu, ikunu eliġibbli għall-ħlas lura tad-dazju tas-sisa mill-awtoritajiet tat-taxxa ta' l-Istat Membru fejn ikunu ġew rilaxxati għall-konsum meta ma jkunux maħsuba għall-konsum f'dak l-Istat Membru. Iżda, l-Istati Membri jistgħu jirrifjutaw talba għall-ħlas lura jekk dan ma jkunx jissodisfa l-kriterji ta' korrettezza tal-kriterji li jistabbilixxu. 2. Fl-applikazzjoni tal-paragrafu 1, għandhom japplikaw id-dispożizzjonijiet li ġejjin: (a) qabel id-dispaċċ ta' l-oġġetti, il-konsenjatur għandu jagħmel talba għall-ħlas lura lill-awtoritajiet kompetenti ta' l-Istat Membru tiegħu u jipprovdi xhieda li d-dazju tas-sisa jkun tħallas. Iżda, l-awtoritajiet kompetenti m'għandhomx jirrifjutaw il-ħlas lura unikament fuq il-bażi tan-nuqqas ta' preżentazzjoni tad-dokument imħejji mill-istess awtoritajiet li jiċċertifika li l-ħlas inizjali jkun sar; (b) iċ-ċaqliq ta' l-oġġetti riferiti fl-(a) għandu jseħħ meta jkun kopert mid-dokument speċifikat fl-Artikolu 18(1); (ċ) il-konsenjatur għandu jibgħat lill-awtoritajiet kompetenti ta' l-Istat Membru tiegħu il-kopja li tkun inbagħtet lura tad-dokument riferit fil-(b) debitament annotata mill-konsenjatarju li għandha jew tkun akkumpanjata minn dokument li jiċċertifika li d-dazju tas-sisa jkun ġie żgurat fl-Istat Membru tal-konsum jew li jkollu miżjuda d-dettalji li ġejjin: - l-indirizz ta' l-uffiċċju konċernat ta' l-awtoritajiet tat-taxxa ta' l-Istat Membru ta' destinazzjoni, - id-data ta' l-aċċettazzjoni tad-dikjarazzjoni minn dan l-uffiċju flimkien mar-referenza jew numru ta' reġistrazzjoni ta' dik id-dikjarazzjoni; (d) prodotti soġġetti għad-dazju tas-sisa u rilaxxati għall-konsum fi Stat Membru u li b'hekk ikkollhom markat tat-taxxa jew marka ta' identifikazzjoni ta' dak l-Istat Membru jistgħu jkunu eliġibbli għall-ħlas lura tad-dazju tas-sisa dovut mill-awtoritajiet tat-taxxa ta' l-Istati Membri li jkunu ħarġu il-marki tat-taxxa jew il-marki ta' identifikazzjoni, b'dan illi l-awtoritajiet tat-taxxa ta' l-Istat Membru li jkun ħariġhom ikun stabbilixxa li dak l-immarkar jew marki jkunu ġew distrutti. 3. Fil-każi riferiti fl-Artikolu 7, l-Istat Membru tat-tluq huwa meħtieġ li jħallas lura d-dazju tas-sisa mħallas biss meta d-dazju tas-sisa jkun qabel tħallas fl-Istat Membru ta' destinazzjoni skond il-proċedura stabbilita fl-Artikolu 7(5). Iżda, l-Istati Membri jistgħu jirrifjutaw din it-talba għall-ħlas lura fejn din ma tkunx tissodisfa l-kriterji ta' korrettezza li jkunu stabbilew. 4. Fil-każi riferiti fl-Artikolu 8b l-Istat Membru tat-tluq għandu, fuq it-talba tal-venditur, iħallas lura id-dazju tas-sisa mħallas meta l-venditur ikun segwa il-proċeduri stabbiliti fl-Artikolu 10(3). Iżda, l-Istati Membri jistgħu jirrifjutaw din it-talba għall-ħlas lura fejn din ma tkunx tissodisfa l-kriterji ta' korrettezza li jkunu stabbilew. Fejn il-venditur ikun magazzinier awtorizzat, l-Istat Membru jista' jistipula li l-proċedura tiġi simplifikata. 5. L-awtoritajiet tat-taxxa ta' kull Stat Membru għandhom jistabbilixxu il-proċeduri ta' immonitorjar u l-metodi li japplikaw għall-ħlas lura magħmul fit-territorju tagħhom. L-Istati Membri għandhom jiżguraw li l-ħlas lura ta' dazju tas-sisa ma jeċċedix is-somma attwalment imħallsa. TITOLU V Eżenzjonijiet Artikolu 23 1. Prodotti soġġetti għad-dazju tas-sisa għandhom ikunu eżentati mid-dazju tas-sisa fejn dawn ikunu maħsuba għal: - twassil fil-kuntest ta' relazzjonijiet diplomatiċi jew konsulari, - organizzazzjonijiet internazzjonali li għandhom għarfien bħal dak mill-awtoritajiet pubbliċi ta' l-Istat Membru li jospita, u minn membri ta' organizzazzjonijiet bħal dawk, fil-limiti u taħt il-kondizzjonijiet stabbiliti mill-konvenzjonijiet internazzjonali li jistabbilixxu dawk l-organizzazzjonijiet jew minn ftehim tal-kwartieri ġenerali, - forzi armati ta' kull Stat li jagħmel sehem mit-Trattat ta' l-Atlantiku tat-Tramuntana barra mill-Istat Membru li fih ikun dovut id-dazju tas-sisa kif ukoll għall-forzi armati riferiti fl-Artikolu 1 tad-Deċiżjoni 90/640/KEE [5], għall-użu ta' dawk il-forzi, għall-impjegati ċivili li jakkumpanjawhom jew għall-provvista tal-messijiet jew kantinijiet tagħhom, - konsum taħt ftehim konkluż ma' pajjiżi li mhumiex membri jew organizzazzjonijiet internazzjonali b'dan illi dak il-ftehim ikun permess jew awtorizzat fir-rigward ta' l-eżenzjoni mill-VAT. Dawn l-eżenzjonijiet għandhom ikunu soġġetti għall-kondizzjonijiet u l-limitazzjonijiet stabbiliti mill-Istat Membru li jospita sakemm jiġu addottati regoli uniformi tat-taxxa. L-eliġibilita għall-eżenzjoni tista' tingħata skond il-proċedura għall-ħlas lura tad-dazji tas-sisa. 2. Il-Kunsill, b'mod unanimu fuq proposta mill-Kummissjoni, jista' jawtorizza lil xi Stat Membru li jikkonkludi ma' pajjiż mhux membru jew ma' organizzazzjoni internazzjonali xi ftehim li jkun fih eżenzjonijiet mid-dazju tas-sisa. Xi Stat li jixtieq li jikkonkludi xi ftehim bħal dak għandu jġib il-kwistjoni a konjizzjoni tal-Kummissjoni u jipprovdi l-isfond tat-tagħrif kollu meħtieġ. Il-Kummissjoni għandha tinforma lill-Istati Membri l-oħra fi żmien xahar. Id-deċiżjoni tal-Kunsill għandha titqies li tkun ġiet addottata jekk, fi żmien xahrejn minn mindu jkunu ġew infurmati l-Istati Membri l-oħra, il-kwistjoni ma tkunx tqajmet quddiem il-Kunsill. 3. Id-dispożizzjonijiet dwar id-dazju tas-sisa stabbiliti fid-Direttivi li ġejjin m'għandhomx jibqgħu jgħoddu wara l-31 ta' Diċembru 1992: - Id-Direttiva 74/651/KEE [6], - Id-Direttiva 83/183/KEE [7], - Id-Direttiva 68/297/KEE [8]. 4. Id-dispożizzjonijiet dwar id-dazju tas-sisa stabbiliti fid-Direttiva 69/169/KEE [9] m'għandhomx jibqgħu jgħoddu wara l-31 ta' Diċembru 1992 dwar ir-relazzjonijiet bejn l-Istati Membri. 5. Sakemm il-Kunsill, b'mod unanimu fuq proposta mill-Kummissjoni, jkun addotta dispożizzjonijiet tal-Komunità dwar dgħajjes u ajruplani, l-Istati Membri jistgħu jżommu d-dispożizzjonijiet nazzjonali tagħhom fuq is-suġġett. TITOLU VI Kumitat dwar id-dazji tas-sisa Artikolu 24 1. Il-Kummissjoni għandha tkun megħjuna minn Kumitat dwar id-Dazji tas-Sisa, hawnhekk iżjed ‘il quddiem imsejjaħ "il-Kumitat". Il-Kumitat għandu jkun magħmul minn rappreżentanti ta' l-Istati Membri u pprisedut mill-Kummissjoni. Il-Kumitat għandu jħejji r-regoli tiegħu ta' proċedura. 2. Il-miżuri meħtiġa għall-applikazzjoni ta' l-Artikoli 7, 18 u 19 għandhom jiġu addottati skond il-proċeduri mniżżla fil-paragrafi 3 u 4. 3. Ir-rappreżentant tal-Kummissjoni għandu jibgħat lill-Kummissjoni abbozz tal-miżuri li għandhom jiġu addottati. Il-Kumitat għandu jagħti l-opinjoni tiegħu dwar l-abbozz f'limitu ta' żmien li l-President jista' jistabbilixxi skond l-urġenza tal-każ. Il-Kumitat għandu jieħu d-deċiżjonijiet tiegħu skond il-maġġoranza mniżżla fl-Artikolu 148(2) tat-Trattat. Il-President ma'għandux jivvota. 4. (a) Il-Kummissjoni għandha taddotta l-miżuri maħsuba jekk ikunu skond l-opinjoni tal-Kumitat. (b) Fejn il-miżuri maħsuba ma jkunux skond l-opinjoni tal-Kumitat, jew jekk ebda opinjoni ma tingħata, il-Kummissjoni għandha, mingħajr dewmien, tibgħat lill-Kunsill proposta li tirrelata mal-miżuri li għandhom jittieħdu. Il-Kunsill għandu jaġixxi b'maġġoranza kwalifikata. Jekk, wara li jiskadi l-perijodu ta' tlett xhur mid-data li l-kwistjoni kienet riferita lilu, il-Kunsill ma jkunx addotta xi miżuri, il-Kummissjoni għandha taddotta l-miżuri proposti, ħlief fejn il-Kunsill ikun iddeċieda kontra l-imsemmija miżuri b'maġġoranza sempliċi. 5. B'żieda mal-miżuri riferiti fil-paragrafu 2, il-Kumitat għandu jeżamina l-kwistjonijiet mill-president tiegħu, jew fuq l-inizjattiva tiegħu stess jew fuq it-talba tar-rappreżentant ta' Stat Membru, dwar l-applikazzjoni tad-dispożizzjonijiet tal-Komunità dwar dazji tas-sisa, ħlief għal dawk riferiti fl-Artikolu 30 ta' din id-Direttiva. Artikolu 25 L-Istati Membri u l-Kummissjoni għandhom jeżaminaw u jagħmlu stima ta' l-applikazzjoni tad-dispożizzjonijiet tal-Komunità dwar id-dazji tas-sisa. TITOLU VII Dispożizzjonijiet finali Artikolu 26 1. Mingħajr preġudizzju għall-Artikolu 8, sal-31 ta' Diċembru 1996 u soġġetta għall-mekkaniżmu ta' reviżjoni simili għal dak stabbilit fl-Artikolu 28(2) tad-Direttiva 77/388/KEE [10], id-Danimarka għandha tiġi awtorizzata li tapplika l-arranġamenti speċifiċi mniżżla fil-paragrafi 2 u 3 għal xorb spirituż u tabakk manifatturat fil-qafas ġenerali ta' l-approssimazzjonijiet tar-rati tad-dazju tas-sisa. 2. Id-Danimarka għandha tkun awtorrizzata li tapplika r-restrizzjonijiet kwantitattivi li ġejjin: - il-vjaġġaturi privati li jidħlu fid-Danimarka għandhom jibbenefikaw mill-allowance fis-seħħ fil-31 ta' Diċembru 1992 għal sigarretti, cigarillos, jew tabakk tat-tipjip u għal xorb spirituż, - vjaġġaturi residenti fid-Danimarka u li kienu barra d-Danimarka għal anqas mill-perjodu fis-seħħ fil-31 ta' Diċembru 1992 għandhom jibbenefikaw mill-allowances fis-seħħ fid-Danimarka fil-31 ta' Diċembru 1992 dwar sigarretti u xorb spirituż. 3. Id-Danimarka tista' tiġbor id-dazji tas-sisa u twettaq il-verifiki meħtieġa fir-rigward ta' xorb spirituż, sigarretti, cigarillos u tabakk tat-tipjip. 4. Il-Kunsill, b'mod unanimu fuq proposta mill-Kummissjoni, għandu jiddeċiedi flimkien ma' l-approssimazzjoni tar-rati tad-dazju tas-sisa u fid-dawl tar-riskju ta' kompetizzjoni mhux xierqa, li jimmodifika d-dispożizzjonijiet ta' dan l-Artikolu jew, fejn xieraq, li jillimita t-tul ta' dawn id-dispożizzjonijiet. Artikolu 27 Qabel l-1 ta' Jannar 1997 il-Kunsill, b'mod unanimu fuq il-bażi tar-rapport mill-Kummissjoni, għandu jeżamina mill-ġdid id-dispożizzjonijiet ta' l-Artikoli 7, 8, 9 u 10 u, fuq il-bażi ta' proposta mill-Kummissjoni wara li jikkonsulta l-Parlament Ewropew, jaddotta kull emenda meħtieġa. Artikolu 28 Id-dispożizzjonijiet li ġejjin għandhom jgħoddu għall-perjodu li jintemm fit-30 ta' Ġunju 1999: 1. L-Istati Membri jistgħu jeżentaw prodoti provduti minn ħwienet ħielsa mit-taxxa li jinġarru fil-bagoll personali ta' passiġġieri li jagħmlu titjir intra-Komunitarju jew qsim bil-baħar għal Stat Membru ieħor. Għall-għanijiet ta' din id-dispożizzjoni: (a) "ħanut ħieles mit-taxxa" għandha tfisser kull stabbiliment li jkun jinsab f'ajruport jew port li jħares il-kondizzjonijiet kollha stabbiliti mill-awtoritajiet pubbliċi kompetenti, skond b'mod partikolari l-paragrafu 3 ta' dan-Artikolu; (b) "vjaġġatur għal Stat Membru ieħor" għandha tfisser kull passiġġier li jkollu dokument tat-trasport, għall-vjaġġ bl-ajru jew bil-baħar, li jkun juri li d-destinazzjoni mmedjata tkun ajruport jew port li jkun jinsab fi Stat Membru ieħor; (ċ) "titjira intra-Komunitarja jew qsim bil-baħar" għandha tfisser kull trasport, bl-ajru jew bil-baħar, li jibda fi Stat Membru, meta l-post attwali ta' twassil ikun jinsab fi Stat Membru ieħor. Prodotti provduti abbord ajruplan jew bastiment matul servizz ta' passiġġieri intra-Komunitarju għandhom jiġu ttrattati bl-istess mod bħal prodotti provduti minn ħwienet ħielsa mit-taxxa. Din l-eżenzjoni għandha tapplika wkoll għal prodotti provduti minn ħwienet ħielsa mit-taxxa li jkunu jinsabu f'terminal wieħed jew tnejn ta' aċċess għaċ-Channel Tunnel għall-passiġġieri li jkollhom dokumenti tat-trasport li huma validi għall-vjaġġ bejn iż-żewġ terminals. 2. L-eżenzjoni provduta fil-paragrafu 1 għandha tgħodd biss għal prodotti fi kwantitajiet li ma jeċċedux il-limiti, skond il-persuna skond il-vjaġġ, stabbiliti mid-dispożizzjonijiet tal-Komunità fis-seħħ fil-kuntest tal-moviment ta' vjaġġaturi bejn pajjiżi terzi u l-Komunità. 3. L-Istati Membri għandhom jieħdu l-miżuri kollha meħtieġa biex jiżguraw li l-eżenzjoni provduta f'dan l-Artikolu tiġi applikata b'mod korrett u b'mod li jinftiehem, u biex tiġi evitata l-possibiltà ta' kull evażjoni, skansament jew abbuż. Artikolu 29 1. L-Istati Membri jistgħu jeżentaw produttuti żgħar ta' l-inbid mill-ħtiġijiet tat-Titoli II u III u mill-ħtiġijiet l-oħra li jirrelataw maċ-ċaqliq u l-immnitorjar. Meta dwan il-produtturi żgħar infushom iwettqu tranżazzjonijiet intra-Komunitarji, għandhom jinfurmaw lill-awtoritajiet relevanti tagħhom u jikkonformaw mal-ħtiġijiet stabbiliti bir-Regolament tal-Kummissjoni Nru 986/89 [11] ta' l-10 ta' April 1989 partikolarment fir-rigward tar-reġistru tal-prodotti ħerġin ‘il barra minn pajjiżhom u tad-dokument mehmuż. "Produtturi żgħar ta' l-inbid" għandha tiftiehem li tfisser persuni li jipproduċu medja ta' anqas minn 1000 hl ta' nbid kull sena. 2. L-awtoritajiet tat-taxxa ta' l-Istat Membru ta' destinazzjoni għandhom ikun nfurmati mill-konsenjatarju ta' twassil ta' inbid riċevut permezz tad-dokument riferit fil-paragrafu 1 jew billi jagħmlu referenza għalih. 3. L-Istati Membri għandhom jieħdu l-miżuri kollha meħtieġa fuq bażi bilaterali biex jintroduċu verifiki fuq il-post, li jisgħtu jitwetqu, kif meħtieġ, minn proċeduri komputerizzati. Artikolu 30 Id-Direttiva 77/799/KEE hija emendata kif ġej: 1. It-Titolu għandu jiġi mibdul b'dan li ġej: "Direttiva tal-Kunsill tad-19 ta' Diċembru 1977 dwar l-għajnuna komuni bejn l-awtoritajiet kompetenti ta' l-Istati Membri fil-qasam tat-tassazzjoni diretta u indiretta." 2. Fl-Artikolu 1: (a) Il-paragrafu 1 għandu jiġi mibdul b'dan li ġej: "1. Skond din id-Direttiva l-awtoritajiet kompetenti ta' l-Istat Membru għandhom jibdlu kull tagħrif li jista' jippermettilhom li jeffettwaw stima korretta tat-taxxi fuq id-dħul u l-kapital u kull tagħrif li jirrelata ma' l-istima tat-taxxi ndiretti li ġejjin: - taxxa fuq il-valur miżjud, - dazju tas-sisa fuq żjut minerali, - dazju tas-sisa fuq alkoħol u xorb alkoħoliku, - dazju tas-sisa fuq tabakk immanifatturat." (b) Il-paragrafu 5 għandu jiġi mibdul b'dan li ġej fir-rigward tad-Danimarka, il-Greċja, ir-Renju Unit u l-Portugall: fid-Danimarka: - Skatteministeren jew rappreżentant awtorizzat; fil-Greċja: - YπουργóΏ Οικονομικων jew rappreżentant awtorizzat; fir-Renju Unit: - Il-Kummissarji tad-Dwana u s-Sisa jew rappreżentant awtorizzat għal-informazzjoni meħtieġa dwar it-taxxa fuq il-valur miżjud u d-dazju tas-sisa, - Il-Kummissarji tat-Taxxi Nterni jew rappreżentant awtorizzat għat-tagħrif kollu l-ieħor; fil-Portugall: - O Ministro das Finanças jew rappreżentant awtorizzat.' Artikolu 31 1. L-Istati Membri għandhom iġibu fis-seħħ il-liġijiet, regolamenti u dispożizzjonijiet amministrattivi meħtieġa għall-konformità ma' din id-Direttiva sal-1 ta' Jannar 1993. Iżda, fir-rigward ta' l-Artikolu 9(3) ir-Renju tad-Danimarka huwa awtorizzat li jintroduċi il-liġijiet, regolamenti u d-dispożizzjonijiet amministrattivi meħtieġa għall-konformità ta' dawn id-dispożizzjonijiet sa' l-1 ta' Jannar 1993 l-aktar tard. Fejn l-Istati Membri jaddottaw dawn il-miżuri, għandu jkun fihom referenza għal din id-Direttiva jew għandhom ikunu akkumpanjati b'dik ir-referenza fl-okkażżjoni tal-pubblikazzjoni uffiċċjali tagħhom. Il-metodi ta' kif issir dik ir-referenza għandhom jiġu stabbiliti mill-Istati Membri. 2. L-Istati Membri għandhom javżaw lill-Kummissjoni bid-dispożizzjonijiet prinċipali tal-liġi nazzjonali li jaddottaw biex jikkonformaw ma' din id-Direttiva. Artikolu 32 Din id-Direttiva hija indirizzata lill-Istati Membri. Magħmula fi Brussell, fil-25 ta' Frar 1992. Għall-Kunsill Il-President Vitor Martins [1] ĠU C 322, tal-21.12.1990, p.1; u ĠU C 45, ta' l-20.8.1992, p. 10. [2] ĠU C 183, tal-15.7.1991, p. 131. [3] ĠU C 169, tat-18.3.1991, p. 25. [4] ĠU L 336, tas-27.12.1977, p. 15. Direttiva kif l-aħħar emendata bid-Direttiva 79/1070/KEE (ĠU L 331, tas-27.12.1979, p. 8). [5] ĠU L 349, tat-13.12.1990, p. 19. [6] ĠU No L 354, tat-30.12.1974, p. 6; Direttiva kif l-aħħar emendata bid-Direttiva 88/663/KEE (ĠU C 382, tal-31.12.1988, p. 40). [7] ĠU L 105, tat-23.4.1983, p. 64; Direttiva emendata bid-Direttiva 89/604/KEE (ĠU L 348, tad-29.11.1989, p. 28). [8] ĠU L 175, tal-25.7.1968, p. 15; Direttiva kif l-aħħar emendata bid-Direttiva 85/347/KEE (ĠU L 183, tas-16.7.1985, p. 22). [9] ĠU L 135, ta' l-4.6.1969, p. 6. Direttiva kif l-aħħar emendata bid-Direttiva 91/191/KEE (ĠU L 94, tas-16.4.1991, p. 24). [10] ĠU L 145, tat-13.6.1977, p. 1; Direttiva kif l-aħħar emendata bid-Direttiva 90/640/KEE (ĠU L 349, tat-13.12.1990, p. 19). [11] ĠU L 106, tat-18.4.1989, p. 1; Regolament kif l-aħħar modifikat bir-Regolament (KEE) Nru 592/91 (ĠU L 66, tat-13.3.1991, p. 13). --------------------------------------------------