This document is an excerpt from the EUR-Lex website
Document 32022R1207
Council Regulation (EU) 2022/1207 of 12 July 2022 amending Regulation (EC) No 974/98 as regards the introduction of the euro in Croatia
Regolament tal-Kunsill (UE) 2022/1207 tat-12 ta’ Lulju 2022 li jemenda r-Regolament (KE) Nru 974/98 fir-rigward tal-introduzzjoni tal-euro fil-Kroazja
Regolament tal-Kunsill (UE) 2022/1207 tat-12 ta’ Lulju 2022 li jemenda r-Regolament (KE) Nru 974/98 fir-rigward tal-introduzzjoni tal-euro fil-Kroazja
ST/9868/2022/INIT
ĠU L 187, 14.7.2022, p. 16–17
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
|
14.7.2022 |
MT |
Il-Ġurnal Uffiċjali tal-Unjoni Ewropea |
L 187/16 |
REGOLAMENT TAL-KUNSILL (UE) 2022/1207
tat-12 ta’ Lulju 2022
li jemenda r-Regolament (KE) Nru 974/98 fir-rigward tal-introduzzjoni tal-euro fil-Kroazja
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b’mod partikulari l-Artikolu 140(3) tiegħu,
Wara li kkunsidra l-proposta mill-Kummissjoni Ewropea,
Wara li kkunsidra l-opinjoni tal-Bank Ċentrali Ewropew (1),
Billi:
|
(1) |
Ir-Regolament tal-Kunsill (KE) Nru 974/98 (2) jipprevedi s-sostituzzjoni tal-euro għall-muniti tal-Istati Membri li jkunu ssodisfaw il-kundizzjonijiet meħtieġa għall-adozzjoni tal-euro fiż-żmien meta l-Komunità tkun daħlet fit-tielet stadju tal-unjoni ekonomika u monetarja. |
|
(2) |
Skont l-Artikolu 5 tal-Att ta’ Adeżjoni tal-2012, il-Kroazja hija Stat Membru b’deroga, kif definit fl-Artikolu 139(1) tat-Trattat. |
|
(3) |
Skont id-Deċiżjoni tal-Kunsill (UE) 2022/1211 (3), il-Kroazja tissodisfa l-kundizzjonijiet meħtieġa għall-adozzjoni tal-euro u d-deroga rigward il-Kroazja għandha titħassar b’effett mill-1 ta’ Jannar 2023. |
|
(4) |
L-introduzzjoni tal-euro fil-Kroazja teħtieġ l-estensjoni għall-Kroazja tad-dispożizzjonijiet eżistenti dwar l-introduzzjoni tal-euro li huma stabbiliti fir-Regolament (KE) Nru 974/98. |
|
(5) |
Il-Pjan Nazzjonali tal-Kroazja għall-Bidla għall-Euro jispeċifika li l-karti tal-flus u l-muniti tal-euro għandhom isiru valuta legali f’dak l-Istat Membru fil-jum tal-introduzzjoni tal-euro bħala l-munita tiegħu. B’konsegwenza ta’ dan, jwnħtieġ li d-data tal-adozzjoni tal-euro u d-data ta’ bidla fil-munita tkun l-1 ta’ Jannar 2023. Jenħtieġ li ma japplika l-ebda perjodu ta’ “eliminazzjoni gradwali”. |
|
(6) |
Jenħtieġ għalhekk, li r-Regolament (KE) Nru 974/98 jiġi emendat skont dan, |
ADOTTA DAN IR-REGOLAMENT:
Artikolu 1
Fl-Anness tar-Regolament (KE) Nru 974/98, tiddaħħal l-entrata li ġejja bejn l-entrata għal Franza u l-entrata għall-Irlanda:
|
“il-Kroazja |
L-1 ta’ Jannar 2023 |
L-1 ta’ Jannar 2023 |
Le” |
Artikolu 2
Dan ir-Regolament għandu jidħol fis-seħħ fl-1 ta’ Jannar 2023.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-12 ta’ Lulju 2022.
Għall-Kunsill
Il-President
Z. STANJURA
(1) Opinjoni tat-4 ta’ Lulju 2022 (għadha mhijiex ippubblikata fil-Ġurnal Uffiċjali).
(2) Ir-Regolament tal-Kunsill (KE) Nru 974/98 tat-3 ta’ Mejju 1998 dwar l-introduzzjoni tal-euro (ĠU L 139, 11.5.1998, p. 1).
(3) Id-Deċiżjoni tal-Kunsill (UE) 2022/1211 tat-12 ta’ Lulju 2022 dwar l-adozzjoni tal-euro mill-Kroazja fl-1 ta’ Jannar 2023 (ara l-paġna 31 ta’ dan il-Ġurnal Uffiċjali).