52020BP1954

EUR-Lex

Hozzáférés az európai uniós joghoz

Ez a dokumentum az EUR-Lex webhelyről származik.

EUROPA
EUR-Lex kezdőlap
EUR-Lex - 52020BP1954 - HU

Súgó

Tanácsok a kereséshez

Részletesebb keresési feltételekre van szüksége? Használja a következő keresési felületet: Részletes keresés

Dokumentum 52020BP1954

Súgó

Riżoluzzjoni (UE) 2020/1954 tal-Parlament Ewropew tal-14 ta’ Mejju 2020 li tinkludi l-kummenti li jagħmlu parti integrali mid-deċiżjoni dwar il-kwittanza għall-implimentazzjoni tal-baġit tal-Aġenzija Ewropea għas-Sustanzi Kimiċi (ECHA) għas-sena finanzjarja 2018

ĠU L 417, 11.12.2020., 347—350. o. (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

ELI: http://data.europa.eu/eli/res/2020/1954/oj

HTML

PDF

Hivatalos Lap

11.12.2020

Il-Ġurnal Uffiċjali tal-Unjoni Ewropea

L 417/347

RIŻOLUZZJONI (UE) 2020/1954 TAL-PARLAMENT EWROPEW

tal-14 ta’ Mejju 2020

li tinkludi l-kummenti li jagħmlu parti integrali mid-deċiżjoni dwar il-kwittanza għall-implimentazzjoni tal-baġit tal-Aġenzija Ewropea għas-Sustanzi Kimiċi (ECHA) għas-sena finanzjarja 2018

IL-PARLAMENT EWROPEW,

—	wara li kkunsidra d-deċiżjoni tiegħu dwar il-kwittanza għall-implimentazzjoni tal-baġit tal-Aġenzija Ewropea għas-Sustanzi Kimiċi għas-sena finanzjarja 2018,

—	wara li kkunsidra l-Artikolu 100 u l-Anness V tar-Regoli ta' Proċedura tiegħu,

—	wara li kkunsidra l-opinjoni tal-Kumitat għall-Ambjent, is-Saħħa Pubblika u s-Sikurezza tal-Ikel,

—	wara li kkunsidra r-rapport tal-Kumitat għall-Kontroll tal-Baġit (A9-0063/2020),

billi, skont id-dikjarazzjoni tad-dħul u l-infiq tagħha (1), il-baġit finali tal-Aġenzija Ewropea għas-Sustanzi Kimiċi ("l-Aġenzija") għas-sena finanzjarja 2018 kien ta' EUR 118 760 709 — żieda ta' 7,45 % meta mqabbel mal-2017; billi madwar 72,47 % tal-baġit tal-Aġenzija huwa ġġenerat minn tariffi u imposti u 26,18 % mill-Unjoni u minn pajjiżi terzi (2);

billi l-Qorti tal-Awdituri ("il-Qorti"), fir-rapport tagħha dwar il-kontijiet annwali tal-Aġenzija għas-sena finanzjarja 2018 ("ir-rapport tal-Qorti"), issostni li għandha fil-pussess tagħha aċċertamenti raġonevoli li l-kontijiet annwali tal-Aġenzija huma affidabbli u li t-tranżazzjonijiet ta' bażi huma legali u regolari;

Ġestjoni baġitarja u finanzjarja

Jitlob li l-Aġenzija, bħala waħda mill-aġenziji tal-Unjoni responsabbli mill-valutazzjoni ta' prodotti regolati, tingħata biżżejjed fondi biex twettaq il-kompiti tagħha;

Jinnota b'sodisfazzjon li l-isforzi ta' monitoraġġ baġitarju matul is-sena finanzjarja 2018 irriżultaw f'rata ta' implimentazzjoni tal-baġit ta' 99,92 % — żieda ta' 1,25 % meta mqabbel mal-2017; jinnota, barra minn hekk, li r-rata ta' eżekuzzjoni tal-approprjazzjonijiet ta' pagament kienet ta' 87,04 % — tnaqqis ta' 0,59 % meta mqabbel mal-2017;

Jenfasizza li l-Aġenzija hija parzjalment iffinanzjata mit-tariffi li tirċievi mingħand il-kumpaniji li jitolbu r-reġistrazzjoni ta' sustanzi kimiċi kif mitlub mir-Regolament (KE) Nru 1907/2006 tal-Parlament Ewropew u tal-Kunsill (3); jinnota li t-tariffi applikabbli jiddependu mid-daqs tal-kumpaniji u l-volum ta' sustanzi kimiċi rreġistrati; jinnota li l-Aġenzija sabet li madwar 52 % tal-kumpaniji kienu ddikjaraw id-daqs tagħhom b'mod skorrett u dan irriżulta f'tariffi aktar baxxi; jenfasizza li dan juri l-limitazzjonijiet ta' sistema li tistrieħ wisq fuq dikjarazzjonijiet magħmula mill-applikanti nfushom; jinnota li, tul is-snin, l-Aġenzija talbet il-ħlas ta' EUR 17,9 miljun f'korrezzjonijiet tariffarji u imposti amministrattivi, u li l-Aġenzija għamlet progress konsiderevoli fl-irkupru ta' tnaqqis mhux dovut fit-tariffi u fil-ġbir ta' imposti amministrattivi li kienu b'lura; jinnota, madankollu, li għad hemm volum ta' xogħol konsiderevoli xi jsir b'rabta mal-verifiki u li, sa tmiem l-2018, l-ammont ta' korrezzjonijiet tariffarji neċessarji pendenti kien għadu mhux magħruf; iħeġġeġ lill-Aġenzija tintroduċi verifiki ex ante daqstant ieħor eżawrjenti biex timminimizza r-riskju ta' awtodikjarazzjonijiet frawdolenti; iħeġġeġ ukoll lill-awtoritajiet nazzjonali tal-infurzar isaħħu s-sistemi ta' verifika użati biex jiġu ċċekkjati u ppubblikati l-volumi ta' sustanzi kimiċi ddikjarati mill-kumpaniji; jistieden lill-Aġenzija tinforma lill-awtorità tal-kwittanza bl-isforzi tagħha, kif ukoll bir-riżultati miksuba, tkompli tnaqqas l-għadd konsiderevoli ta' verifiki pendenti, timplimenta l-korrezzjonijiet tariffarji u tirkupra t-tariffi li jkunu għadhom ma tħallsux; jistieden lill-Kummissjoni tipproponi miżuri biex tinstab soluzzjoni għal din is-sitwazzjoni, sabiex jiġu evitati l-frodi fid-dikjarazzjonijiet tad-daqs tal-applikanti u biex l-Aġenzija tkun tista' tippjana l-baġit tagħha fuq bażi aktar stabbli;

Jinnota li t-tariffi mħallsa mill-industrija jvarjaw sostanzjalment minn sena għal oħra u li għaldaqstant mhuwiex possibbli li l-Aġenzija tagħmel stima raġonevoli tal-bżonn ta' sussidju ta' bilanċ mill-baġit tal-Unjoni, u dan jikkomplika l-ippjanar baġitarju; jappella għal djalogu dwar kif għandu jiġi riformat il-mekkaniżmu għall-finanzjament tal-Aġenzija, b'tali mod li jkun mibni fuq bażi sostenibbli;

Jinnota li l-Aġenzija għandha dħul iġġenerat minn tariffi u imposti pagabbli mill-industrija kif ukoll sussidju saldatorju mill-baġit tal-UE; jinnota bi tħassib li, skont ir-rapport tal-Qorti, peress li t-tielet skadenza għar-reġistrazzjoni prevista mir-Regolament (KE) Nru 1907/2006 għalqet f'Mejju 2018, id-dħul mit-tariffi u l-imposti kien mistenni jonqos b'mod sinifikanti mill-2019 'il quddiem; jirrimarka li hemm riskju li nfiq relattivament stabbli u dħul ferm inqas prevedibbli jista' jkollhom effett negattiv fuq l-operat u l-implimentazzjoni tal-baġit tal-Aġenzija; jenfasizza l-ħtieġa li jinħoloq mudell ta' finanzjament ġdid, vijabbli u eżawrjenti li l-Aġenzija — skont ir-risposta tagħha — diġà bdiet diskussjonijiet mal-Kummissjoni dwaru; jistieden lill-Aġenzija żżomm lill-awtorità tal-kwittanza aġġornata bl-iżviluppi li jkun hemm f'dan ir-rigward;

Prestazzjoni

Josserva — fid-dawl tal-kummenti u l-osservazzjonijiet tal-awtorità tal-kwittanza b'rabta mal-bżonn li l-Aġenzija tiżviluppa aktar KPIs iffukati fuq l-eżitu u l-impatt li jivvalutaw il-valur miżjud iġġenerat mill-attivitajiet tal-Aġenzija fir-reviżjoni tagħha tas-sistema ġenerali tal-ġestjoni tal-prestazzjoni — li, matul l-2018, l-Aġenzija rrevediet il-mudell tal-ġestjoni tal-prestazzjoni tagħha għall-Programm ta' Ħidma 2019 bil-ħsieb li tindika aħjar l-impatt u l-eżitu tax-xogħol tagħha; jinnota li l-Programm ta' Ħidma 2019 issa jindika t-tip ta' indikatur (impatt, eżitu, output, input) u m'għadux juża l-istess tip ta' indikaturi għal tipi differenti ta' xogħol iżda fih indikaturi ewlenin tal-prestazzjoni adatti għall-proċess operazzjonali kkonċernat;

Jinnota li, minkejja r-riskji u r-restrizzjonijiet f'ċerti oqsma, l-Aġenzija laħqet 58 mid-69 mira tal-indikaturi ewlenin tal-prestazzjoni tagħha; iħeġġeġ lill-Aġenzija tagħmel l-almu tagħha biex tilħaq 100 % tal-miri tal-indikaturi ewlenin tal-prestazzjoni tagħha;

Jinnota li l-Aġenzija lestiet il-fażi ta' reġistrazzjoni skont ir-Regolament (KE) Nru 1907/2006 mingħajr ma kkawżat tfixkil fis-suq u pprovdiet appoġġ lill-kumpaniji fit-tħejjija u r-reġistrazzjoni ta' 28 357 dossier;

Jinnota li l-Aġenzija qed tkompli tikkondividi l-kapaċità tal-awditjar intern tagħha mal-Aġenzija tas-Sistema Globali ta' Navigazzjoni bis-Satellita Ewropea u tikkollabora mill-qrib ma' aġenziji oħra, fosthom billi tikkondividi servizzi fil-kuntest ta' netwerk interaġenzjali u riżorsi permezz ta' memoranda ta' qbil; ifaħħar din il-kooperazzjoni, li hi ta' eżempju għal aġenziji oħra; iħeġġeġ lill-Aġenzija tfittex kooperazzjoni akbar u usa' mal-aġenziji tal-Unjoni; iħeġġeġ lill-Aġenzija tidħol f'taħditiet dwar il-kondiviżjoni tar-riżorsi f'każ ta' kompiti li jikkoinċidu ma' dawk ta' aġenziji oħra li jwettqu attivitajiet simili;

10.

Josserva li, skont ir-rapport tal-Qorti, fi proċedura ta' akkwist għal kuntratt qafas għall-provvista ta' servizz ta' infrastruttura tal-IT, ħames kumpaniji tefgħu offerti li kienu jvarjaw bejn EUR 10 miljun u EUR 38,2 miljun u li l-Aġenzija assenjat il-kuntratt qafas għal valur ta' EUR 30 miljun lill-offerent li kien għamel offerta ta' EUR 12-il miljun; jinnota, madankollu, li d-differenza sinifikanti bejn il-valur tal-kuntratt u l-offerta effettiva tqajjem tħassib f'termini ta' ġestjoni finanzjarja tajba; jinnota li, skont ir-risposta tagħha, inizjalment l-Aġenzija stmat il-valur f'konformità mal-vademecum tal-Kummissjoni dwar l-akkwist pubbliku; jinnota li l-Aġenzija għażlet il-proċedura kompetittiva b'negozjati biex tinkoraġġixxi l-aktar kompetizzjoni wiesgħa possibbli u b'hekk jinġieb l-aħjar valur għall-flus; jistieden lill-Aġenzija tapplika sistema ta' ġestjoni finanzjarja rigoruża tal-kuntratti tal-IT;

11.

Iħeġġeġ lill-Aġenzija tkompli bid-diġitalizzazzjoni tas-servizzi tagħha;

12.

Ifakkar li, fost l-awtoritajiet regolatorji kollha, l-Aġenzija hi dik li tixpruna l-implimentazzjoni tal-leġiżlazzjoni tal-Unjoni dwar is-sustanzi kimiċi għall-benefiċċju tal-ambjent u s-saħħa tal-bniedem, kif ukoll għall-innovazzjoni u l-kompetittività; jinnota li l-Aġenzija tgħin lill-kumpaniji josservaw il-leġiżlazzjoni tal-Unjoni dwar is-sustanzi kimiċi, tippromwovi l-użu tagħhom b'mod sikur, tipprovdi informazzjoni dwarhom u tindirizza sustanzi li jqajmu tħassib;

13.

Jitlob li l-Aġenzija, bħala waħda mill-aġenziji tal-Unjoni responsabbli mill-valutazzjoni ta' prodotti regolati, tingħata biżżejjed fondi biex twettaq il-kompiti tagħha;

14.

Ifakkar li l-2018 kienet is-sena tal-iskadenza finali għar-reġistrazzjoni fl-ambitu tar-Regolament (KE) Nru 1907/2006; jenfasizza li dik is-sena l-Aġenzija rċeviet 37 400 dossier — żieda ta' 135 % meta mqabbel mal-2017; jinnota b'sodisfazzjon il-mod li bih l-Aġenzija affrontat iż-żieda drammatika fir-reġistrazzjonijiet tul l-aħħar sena;

15.

Jilqa' l-isforzi li saru fl-2018 biex tiġi ssimplifikata l-istruttura organizzattiva, bil-ħsieb li tiżdied l-effiċjenza permezz ta' rabta u koordinazzjoni aħjar bejn kompitu u ieħor; jinnota li l-Aġenzija rnexxielha tilħaq il-maġġoranza vasta tal-objettivi tagħha;

16.

Jistieden lill-Aġenzija tinforma lill-awtorità tal-kwittanza bil-miżuri meħuda b'risposta għar-rakkomandazzjonijiet tat-tieni rieżami tar-Regolament (KE) Nru 1907/2006 u tara li d-dossiers tar-reġistrazzjoni jkunu konformi;

17.

Jitlob li tingħata informazzjoni dwar l-istat tat-tħejjijiet għal prototip ta' bażi tad-data fl-ambitu tad-Direttiva 2008/98/KE tal-Parlament Ewropew u tal-Kunsill (4), previst għall-bidu tal-2020;

18.

Jitlob dettalji dwar il-passi li ħadet l-Aġenzija bi tweġiba għar-Rapport ta' Sinteżi tal-Kummissjoni dwar l-implimentazzjoni tar-REACH u l-azzjonijiet proposti lill-Aġenzija f'dak ir-rapport;

Politika dwar il-persunal

19.

Jinnota li, fil-31 ta' Diċembru 2018, mit-tabella tal-persunal kien imtela perċentwal ta' 96,29 %, u li kienu nħatru 441 aġent temporanju mill-458 awtorizzati mill-baġit tal-Unjoni (apparagun tal-460 post awtorizzati fl-2017); jinnota li fl-2018, barra minn hekk, l-Aġenzija kellha 122 aġent kuntrattwali u 14-il espert nazzjonali sekondat jaħdmu magħha;

20.

Jinnota li l-Aġenzija adottat politika kontra l-fastidju u linji gwida relatati li ġew aġġornati fl-2018; jirrikonoxxi li organizzat sessjonijiet ta' taħriġ u offriet servizz ta' assistenza psikoloġika kunfidenzjali;

21.

Jinnota li, sabiex il-pożizzjonijiet vakanti jingħataw aktar pubbliċità, l-Aġenzija tippubblika l-avviżi relattivi fuq is-sit tagħha, fuq il-midja soċjali u fuq is-sit tan-Netwerk tal-Aġenziji tal-UE ddedikat apposta; jistieden lill-Aġenzija tippubblikahom ukoll fuq is-sit tal-Uffiċċju Ewropew għas-Selezzjoni tal-Persunal;

22.

Jilqa' l-fatt li fuq is-sit tagħha l-Aġenzija tippubblika s-CVs tal-membri kollha tal-bord ta' tmexxija u l-kumitati tagħha, inklużi dawk tal-presidenti li huma membri tal-persunal tal-Aġenzija, id-direttur eżekuttiv u l-membri kollha tal-bord tal-appell;

23.

Jinnota b'sodisfazzjon li fl-2018 intlaħaq bilanċ tajjeb bejn is-sessi f'dak li għandu x'jaqsam ma' pożizzjonijiet maniġerjali superjuri (erba' rġiel u tliet nisa) iżda jinnota li fir-rigward tal-bord ta' tmexxija ma ntlaħaqx l-istess bilanċ (15-il raġel u 21 mara);

Prevenzjoni u ġestjoni tal-kunflitti ta' interess, trasparenza u demokrazija

24.

Skont l-Aġenzija, l-introjtu bbaġitjat mit-tariffi għall-2018 jirrappreżenta madwar 73 % tal-introjtu totali tagħha; jinnota s-sistema eżemplari tal-Aġenzija għall-monitoraġġ u l-prevenzjoni ta' kwalunkwe kunflitt ta' interess, u l-fehma tagħha li m'hemm l-ebda periklu li jinqalgħu kunflitti bħal dawn għax l-iskop tat-tariffi hu li jkopru l-ispejjeż u għax il-membri tal-persunal tal-Aġenzija involuti fit-tfassil tal-opinjonijiet issirilhom valutazzjoni regolari biex tiġi żgurata l-indipendenza tagħhom; jinnota li l-Aġenzija tkun favur soluzzjoni li permezz tagħha l-Kummissjoni tiġbor it-tariffi f'isem l-Aġenzija, billi dan jiffaċilita l-ġestjoni finanzjarja tal-Aġenzija u jgħin biex jonqos ir-riskju ta' nuqqasijiet;

25.

Jilqa' l-fatt li l-Aġenzija tiġbor dikjarazzjonijiet tal-interessi aġġornati kull sena mill-persunal u l-esperti esterni kollha, u kull waħda minnhom tiġi ppubblikata fuq is-sit tal-Aġenzija;

26.

Jirrikonoxxi l-passi ulterjuri li ħadet biex tiżgura t-trasparenza u l-protezzjoni tal-informaturi; skont l-Aġenzija, il-laqgħat kollha tal-maniġment superjuri tagħha mal-partijiet ikkonċernati jiġu rreġistrati u ppubblikati fuq is-sit web tagħha biex tiġi żgurata trasparenza sħiħa;

Awditu intern

27.

Jinnota li f'Settembru 2019 l-Aġenzija adottat u bdiet timplimenta politika dwar karigi sensittivi li tidentifika funzjonijiet sensittivi, iżżommhom aġġornati u tiddefinixxi miżuri xierqa biex ittaffi r-riskju ta' interessi personali;

28.

Jinnota li, fl-2018, is-Servizz tal-Awditjar Intern tal-Kummissjoni ħareġ rapport ta' awditu dwar il-kunflitti ta' interess u l-etika fl-ECHA u li, f'Settembru 2018, l-Aġenzija ħejjiet u ddiskutiet pjan ta' azzjoni biex tindirizza oqsma fejn seta' jsir titjib, u li, sa nofs l-2019, l-azzjonijiet kollha kienu ġew implimentati;

Kummenti oħra

29.

Jinnota li, wara li għażlet il-bini l-ġdid u ffirmat kuntratt ta' kiri fl-2017 — billi l-kuntratt ta' kiri preċedenti kien se jiskadi fil-31 ta' Diċembru 2019 — l-Aġenzija kienet ippjanat li tmur fl-uffiċċji l-ġodda tagħha f'Helsinki f'Jannar 2020; jinnota li t-trasferiment lejn l-uffiċċji l-ġodda tlesta fis-7 ta' Jannar 2020;

30.

Jinkoraġġixxi lill-Aġenzija tkompli tkejjel it-tnaqqis li jista' jkun hemm f'parti mid-dħul tagħha fil-futur minħabba d-deċiżjoni tar-Renju Unit li joħroġ mill-Unjoni Ewropea; josserva li l-impatt jidher li se jibqa' limitat, minħabba l-fatt li ntemm l-obbligu ta' reġistrazzjoni previst fir-Regolament (KE) Nru 1907/2006 u li kien jiġġenera introjtu sinifikanti mit-tariffi;

31.

Jistieden lill-Aġenzija tiffoka fuq it-tixrid tar-riżultati tar-riċerka tagħha fost il-pubbliku u tikkomunika mal-pubbliku permezz tal-midja soċjali u ta' mezzi ta' komunikazzjoni oħra;

32.

Jirreferi, rigward kummenti oħrajn ta' natura orizzontali li jakkumpanjaw id-deċiżjoni tiegħu dwar il-kwittanza, għar-riżoluzzjoni tiegħu tal-14 ta’ Mejju 2020 (5) dwar il-prestazzjoni, il-ġestjoni finanzjarja u l-kontroll tal-aġenziji.

(1) ĠU C 120, 29.3.2019, p. 209.

(2) ĠU C 120, 29.3.2019, p. 212.

(3) Ir-Regolament (KE) Nru 1907/2006 tal-Parlament Ewropew u tal-Kunsill tat-18 ta' Diċembru 2006 dwar ir-reġistrazzjoni, il-valutazzjoni, l-awtorizzazzjoni u r-restrizzjoni ta' sustanzi kimiċi (REACH), li jistabbilixxi Aġenzija Ewropea għas-Sustanzi Kimiċi, li jemenda d-Direttiva 1999/45/KE u li jħassar ir-Regolament (KEE) Nru 793/93 tal-Kunsill u r-Regolament (KE) Nru 1488/94 tal-Kummissjoni kif ukoll id-Direttiva 76/769/KEE tal-Kunsill u d-Direttivi 91/155/KEE, 93/67/KEE, 93/105/KE u 2000/21/KE tal-Kummissjoni (ĠU L 396, 30.12.2006, p. 1).

(4) Direttiva 2008/98/KE tal-Parlament Ewropew u tal-Kunsill tad-19 ta’ Novembru 2008 dwar l-iskart u li tħassar ċerti Direttivi (ĠU L 312, 22.11.2008, p. 3).

(5) Testi adottati, P9_TA(2020)0121.

Az oldal tetejére

Válassza ki azokat a kísérleti funkciókat, amelyeket ki szeretne próbálni