Ce document est extrait du site web EUR-Lex
Document 32018D1790
Commission Implementing Decision (EU) 2018/1790 of 16 November 2018 repealing Decision 2002/623/EC establishing guidance notes on the environmental risk assessment of genetically modified organisms (notified under document C(2018) 7513) (Text with EEA relevance.)
Deċiżjoni ta' Implimentazzjoni tal-Kummissjoni (UE) 2018/1790 tas-16 ta' Novembru 2018 li tħassar id-Deċiżjoni 2002/623/KE li tistabbilixxi noti ta' gwida dwar l-istudju tar-riskju ambjentali tal-organiżmi ġenetikament modifikati (notifikata bid-dokument C(2018) 7513) (Test b'rilevanza għaż-ŻEE.)
Deċiżjoni ta' Implimentazzjoni tal-Kummissjoni (UE) 2018/1790 tas-16 ta' Novembru 2018 li tħassar id-Deċiżjoni 2002/623/KE li tistabbilixxi noti ta' gwida dwar l-istudju tar-riskju ambjentali tal-organiżmi ġenetikament modifikati (notifikata bid-dokument C(2018) 7513) (Test b'rilevanza għaż-ŻEE.)
C/2018/7513
ĠU L 293, 20.11.2018, p. 32–33
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
Plus en vigueur, Date de fin de validité: 19/11/2018
|
20.11.2018 |
MT |
Il-Ġurnal Uffiċjali tal-Unjoni Ewropea |
L 293/32 |
DEĊIŻJONI TA' IMPLIMENTAZZJONI TAL-KUMMISSJONI (UE) 2018/1790
tas-16 ta' Novembru 2018
li tħassar id-Deċiżjoni 2002/623/KE li tistabbilixxi noti ta' gwida dwar l-istudju tar-riskju ambjentali tal-organiżmi ġenetikament modifikati
(notifikata bid-dokument C(2018) 7513)
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva 2001/18/KE tal-Parlament Ewropew u tal-Kunsill tat-12 ta' Marzu 2001 dwar ir-rilaxx intenzjonat fl-ambjent ta' organiżmi modifikati ġenetikament u li tħassar id-Direttiva tal-Kunsill 90/220/KEE (1), u b'mod partikolari l-ewwel paragrafu tal-Anness II tagħha,
Billi:
|
(1) |
Id-Deċiżjoni tal-Kummissjoni 2002/623/KE (2) stabbilixxiet noti ta' gwida dwar l-objettivi, l-elementi, il-prinċipji ġenerali u l-metodoloġija tal-istudju tar-riskju ambjentali msemmija fl-Anness II tad-Direttiva 2001/18/KE. |
|
(2) |
Ingħataw spjegazzjonijiet addizzjonali estensivi dwar l-implimentazzjoni tal-Anness II tad-Direttiva 2001/18/KE f'dokumenti ta' gwida aktar reċenti u aktar dettaljati dwar l-istudju tar-riskju ambjentali tal-organiżmi ġenetikament modifikati (“OĠM”) adottati mill-Awtorità Ewropea dwar is-Sigurtà fl-Ikel (“l-Awtorità”) u mill-Aġenzija Ewropea għall-Mediċini (“l-Aġenzija”). Wara l-adozzjoni ta' dawk id-dokumenti aktar dettaljati, id-Deċiżjoni 2002/623/KE progressivament tilfet il-valur miżjud tagħha. |
|
(3) |
Id-Direttiva tal-Kummissjoni (UE) 2018/350 (3), li emendat id-Direttiva 2001/18/KE, aġġornat l-Anness II tad-Direttiva 2001/18/KE billi inkorporat u bbażat ruħha fuq il-gwida msaħħa tal-Awtorità dwar l-istudju tar-riskju ambjentali tal-pjanti ġenetikament modifikati, adottat f'Ottubru 2010 (4), filwaqt li qieset li l-Anness II japplika għall-OĠM kollha u mhux biss għall-pjanti ġenetikament modifikati. Id-Deċiżjoni 2002/623/KE innifisha serviet bħala bażi għall-elaborazzjoni tal-gwida tal-Awtorità. Bħala riżultat, id-dispożizzjonijiet tal-Anness II tad-Direttiva 2001/18/KE issa huma aktar dettaljati u n-noti ta' gwida stabbiliti bid-Deċiżjoni 2002/623/KE ma għadhomx meħtieġa. |
|
(4) |
Għaldaqstant id-Deċiżjoni 2002/623/KE jenħtieġ li titħassar. |
|
(5) |
Id-Deċiżjoni 2002/623/KE jenħtieġ ukoll li titħassar fl-interess tas-simplifikazzjoni sabiex jitnaqqas in-numru ta' dokumenti ta' gwida li jridu jitqiesu mill-operaturi u mill-awtoritajiet kompetenti meta jitwettaq studju tar-riskju ambjentali skont l-Anness II tad-Direttiva 2001/18/KE |
|
(6) |
Il-miżuri previsti f'din id-Deċiżjoni huma konformi mal-opinjoni tal-Kumitat imwaqqaf skont l-Artikolu 30(1) tad-Direttiva 2001/18/KE, |
ADOTTAT DIN ID-DEĊIŻJONI:
Artikolu 1
Id-Deċiżjoni 2002/623/KE hija mħassra.
Artikolu 2
Din id-Deċiżjoni hija indirizzata lill-Istati Membri.
Magħmul fi Brussell, is-16 ta' Novembru 2018.
Għall-Kummissjoni
Vytenis ANDRIUKAITIS
Membru tal-Kummissjoni
(1) ĠU L 106, 17.4.2001, p. 1.
(2) Id-Deċiżjoni tal-Kummissjoni 2002/623/KE tal-24 ta' Lulju 2002 li tistabbilixxi noti ta' gwida biex jissupplimentaw l-Anness II tad-Direttiva 2001/18/KE tal-Parlament Ewropew u tal-Kunsill dwar ir-rilaxx intenzjonat fl-ambjent ta' organiżmi ġenetikament modifikati u li tħassar id-Direttiva tal-Kunsill 90/220/KEE (ĠU L 200, 30.7.2002, p. 22).
(3) Id-Direttiva tal-Kummissjoni (UE) 2018/350 tat-8 ta' Marzu 2018 li temenda d-Direttiva 2001/18/KE tal-Parlament Ewropew u tal-Kunsill fir-rigward tal-istima tar-riskju ambjentali ta' organiżmi modifikati ġenetikament (ĠU L 67, 9.3.2018, p. 30).
(4) Il-Bord tal-EFSA dwar l-Organiżmi Ġenetikament Modifikati (OĠM); Gwida dwar l-istudju tar-riskju ambjentali tal-pjanti ġenetikament modifikati. EFSA Journal 2010;8(11):1879. [111 pp.]. doi:10.2903/j.efsa.2010.1879