1.

L-operaturi ta' negozji tal-ikel (minn hawn 'il quddiem imsejħa “FBOs”) għandhom jidentifikaw u jużaw il-varjetajiet ta' patata li huma xierqa għat-tip ta' prodott u li l-kontenut tagħhom ta' prekursuri tal-akrilammid, bħaz-zokkor riduċenti (il-fruttożju u l-glukożju) u l-asparaġina jkun l-aktar baxx għall-kundizzjonijiet reġjonali.

2.

L-FBOs għandhom jużaw il-varjetajiet ta' patata li nħażnu fil-kundizzjonijiet li huma applikabbli għal varjetà speċifika ta' patata u għall-perjodu tal-ħżin determinat għal varjetà speċifika. Il-patata maħżuna għandha tintuża fi ħdan il-perjodu ta' ħżin ottimali tagħha.

3.

L-FBOs għandhom jidentifikaw il-varjetajiet ta' patata b'inqas potenzjal li jifformaw l-akrilammid fil-kultivazzjoni, fil-ħażna u matul l-ipproċessar tal-ikel. Ir-riżultati għandhom jiġu ddokumentati.

1.

L-FBOs għandhom jispeċifikaw fl-arranġamenti tagħhom rigward il-provvista tal-patata l-kontenut massimu ta' zokkor riduċenti fil-patata kif ukoll l-ammont massimu ta' patata li tkun bid-daqqiet, ittikkjata jew imħassra.

2.

Jekk jinqabeż il-kontenut speċifikat taz-zokkor riduċenti fil-patata u l-ammont ta' patata li tkun bid-daqqiet, ittikkjata jew imħassra, l-FBOs jistgħu jaċċettaw il-provvista tal-patata billi jispeċifikaw il-miżuri ta' mitigazzjoni addizzjonali disponibbli li għandhom jittieħdu biex jiżguraw li l-preżenza tal-akrilammid fil-prodott finali tkun l-inqas li tista' raġonevolment tintlaħaq taħt il-livell tal-parametru referenzjarju stabbilit fl-Anness IV.

1.

Meta l-FBOs joperaw il-faċilitajiet ta' ħżin tagħhom stess:

2.

Il-lottijiet tal-patata għandhom jiġu kkontrollati għaz-zokkor riduċenti waqt il-mument tal-ħsad.

3.

L-FBOs għandhom jispeċifikaw il-kundizzjonijiet tat-trasport tal-patata f'termini tat-temperatura u tad-durata, speċjalment jekk it-temperaturi ta' barra jkunu ferm aktar baxxi mit-temperatura applikata matul il-ħażna, biex ikun żgurat li t-temperatura matul it-trasport tal-patata ma tkunx inqas mit-temperatura applikata matul il-ħażna. Dawn l-ispeċifikazzjonijiet għandhom jiġu dokumentati.

1.

Għal kull tfassil tal-prodott, l-FBOs għandhom jispeċifikaw it-temperaturi taż-żejt tal-qali mal-ħruġ mill-apparat tal-qali. Dawk it-temperaturi għandhom ikunu l-inqas possibbli fuq linja speċifika u għall-prodott speċifiku, f'konformità mal-istandards dwar il-kwalità u s-sigurtà tal-ikel u fid-dawl tal-fatturi rilevanti bħall-manifattur tal-apparat tal-qali, it-tip tal-apparat tal-qali, il-varjetà ta' patata, is-solidi totali, id-daqs tal-patata, il-kundizzjonijiet tal-kultivazzjoni, il-kontenut ta' zokkor, l-istaġjonalità u l-kontenut ta' ndewwa previst tal-prodott.

2.

Meta t-temperatura taż-żejt tal-qali mal-ħruġ mill-apparat tal-qali tkun ogħla minn 168 °C minħabba prodott, tfassil jew teknoloġija speċifiċi, l-FBOs għandhom jipprovdu dejta li turi li l-livell tal-akrilammid fil-prodott finali jkun l-inqas li jista' raġonevolment jinkiseb u li jintlaħaq il-livell tal-parametru referenzjarju stabbilit fl-Anness IV.

3.

Għal kull tfassil tal-prodott, l-FBOs għandhom jispeċifikaw il-kontenut ta' ndewwa wara l-qali li għandu jkun l-ogħla possibbli għal linja ta' produzzjoni speċifika u għal prodott speċifiku, f'konformità mal-istandards mistennija dwar il-kwalità u s-sigurtà tal-ikel u fid-dawl tal-fatturi rilevanti bħall-varjetà tal-patata, l-istaġjonalità, id-daqs tat-tuberi, u t-temperatura mal-ħruġ mill-apparat tal-qali. Il-kontenut minimu ta' ndewwa m'għandux ikun inqas minn 1,0 %.

4.

L-FBOs għandhom jużaw tqassim skont il-kulur (manwali u/jew ottiku-elettroniku) fil-linja tal-produzzjoni tal-krisps tal-patata wara l-qali.

1.

Il-patata għandha tiġi ttestjata għaz-zokkor riduċenti qabel l-użu. Dan jista' jsir b'ittestjar tal-qali bl-użu ta' kuluri bħala indikaturi tal-kontenut potenzjali għoli ta' zokkor riduċenti: ittestjar tal-qali indikattiv ta' madwar 20-25 strixxa miksubin mill-qalba tal-patata, li jinqlew biex jiġu evalwati l-kuluri tal-istrixxi tal-patata moqlijin meta mqabbla mal-ispeċifikazzjoni tal-kulur bl-użu ta' ċart tal-kuluri USDA Munsell jew bl-użu ta' ċart ikkalibrata speċifika tal-kumpanija għall-operaturi ż-żgħar. Inkella, il-kulur kumplessiv lest tal-qali jista' jitkejjel b'apparat speċifiku (eż. Agtron).

2.

L-FBOs għandhom ineħħu t-tuberi immaturi li jkollhom piż baxx taħt l-ilma u livelli għoljin ta' zokkor riduċenti. It-tneħħija tista' ssir billi t-tuberi jingħaddew minn ġo salmura tal-melħ jew minn sistemi simili li fihom it-tuberi immaturi jżommu fil-wiċċ jew billi l-patata tinħasel minn qabel biex jiġu individwati t-tuberi l-ħżiena.

3.

L-FBOs għandhom ineħħu l-biċċiet iż-żgħar eżatt wara t-tqattigħ biex ma jkunx hemm biċċiet maħruqa fil-prodott finali msajjar.

4.

L-FBOs għandhom jisomtu l-istrixxi tal-patata biex ineħħu xi ftit miz-zokkor riduċenti min-naħa ta' barra tal-istrixxi.

5.

L-FBOs għandhom jadattaw ir-reġimi tas-smit għall-attributi speċifiċi tal-kwalità tal-materja prima li tasal u għandhom jibqgħu fi ħdan il-limiti tal-ispeċifikazzjoni għall-kulur tal-prodott finali.

6.

L-FBOs għandhom jipprevjenu t-tibdil fil-kulur (enzimatiku) u l-iskurar wara t-tisjir tal-prodotti tal-patata. Dan jista' jsir billi jiġi applikat id-difosfat tad-disodju (E450), li wkoll ibaxxi l-livell tal-pH tal-ilma tal-ħasil u jinibixxi r-reazzjoni li tiskura l-kulur.

7.

L-użu taz-zokkor riduċenti bħala aġent li jiskura l-kulur għandu jiġi evitat. Dawn jistgħu jintużaw biss jekk ikun hemm bżonn, biex wieħed jibqa' b'mod konsistenti fi ħdan il-limiti tal-ispeċifikazzjoni. L-FBOs għandhom jikkontrollaw il-kulur tal-prodott finali billi jwettqu kontrolli tal-kulur fuq il-prodott finali msajjar. Jekk ikun meħtieġ wara s-smit, iż-żieda kontrollata tad-destrożju tippermetti li tintlaħaq l-ispeċifikazzjoni tal-kulur tal-prodott lest. Iż-żieda kkontrollata tad-destrożju wara s-smit tirriżulta f'livelli aktar baxxi ta' akrilammid fil-prodott finali msajjar li jkollu l-istess kulur bħal dak osservat fil-prodotti mhux soġġetti għas-smit li jkun fihom biss zokkor riduċenti akkumulat b'mod naturali.

1.

Għall-utenti finali, l-FBOs għandhom jindikaw fuq l-imballaġġ u/jew permezz ta' kanali ta' komunikazzjoni oħra l-metodi tat-tisjir rakkomandati billi jispeċifikaw il-ħin, it-temperatura, il-kwantità għal forn/apparat tal-qali fiż-żejt/taġen. Għall-konsumaturi, l-istruzzjonijiet rakkomandati għat-tisjir għandhom jintwerew biċ-ċar fuq l-imballaġġ tal-prodotti kollha f'konformità mar-Regolament (UE) Nru 1169/2011 tal-Parlament Ewropew u tal-Kunsill (4) dwar l-għoti ta' informazzjoni dwar l-ikel lill-konsumaturi.

Il-metodi tat-tisjir rakkomandati għandhom ikunu jaqblu mal-ispeċifikazzjonijiet għall-klijenti u mar-rekwiżiti għall-utenti finali professjonali u jridu jkunu vvalidati għal kull tip ta' prodott biex jiġi żgurat li l-prodotti jkollhom kwalità sensorjali ottimali bl-iktar kulur ċar aċċettabbli, għal kull metodu ta' tisjir speċifikat (eż. apparat tal-qali, forn) u jkollhom livelli ta' akrilammid inqas mil-livell tal-parametru referenzjarju ddeterminat fl-Anness IV.

L-FBOs għandhom jirrakkomandaw lill-utenti finali li mhumiex konsumaturi li jenħtieġ li dawn ikollhom għodod disponibbli għall-operaturi (eż. koki) biex jiżguraw metodi ta' tisjir tajbin u jipprovdu wkoll tagħmir kalibrat (eż. timers, kurvi tal-qali, charts ta' gradazzjoni tal-kuluri (eż. USDA/Munsell) u, tal-inqas, stampi ċari b'kuluri fil-mira tal-prodott finali ppreparat.

2.

L-FBOs għandhom jirrakkomandaw lill-utenti finali b'mod partikolari biex:

1.

Għal kull prodott, l-FBOs għandhom jispeċifikaw il-valuri mmirati għaz-zokkor riduċenti fl-ingredjenti tal-patata deidratata tagħhom.

2.

Il-valur immirat taz-zokkor riduċenti fil-prodotti kkonċernati għandu jiġi stabbilit għall-inqas livell possibbli, filwaqt li jitqiesu l-fatturi rilevanti kollha fit-tfassil u fil-produzzjoni tal-prodott finali bħall-ammont ta' ingredjenti tal-patata fir-riċetta tal-prodott, il-miżuri ta' mitigazzjoni ulterjuri possibbli, l-ipproċessar ulterjuri tal-għaġina, l-istaġjonalità u l-kontenut ta' ndewwa fil-prodott finali.

3.

Meta l-kontenut taz-zokkor riduċenti jkun ogħla minn 1,5 % l-FBOs għandhom jipprovdu dejta li turi li l-livell tal-akrilammid fil-prodott finali jkun l-inqas li jista' raġonevolment jinkiseb taħt il-livell tal-parametru referenzjarju stabbilit fl-Anness IV.

1.

L-ingredjenti tal-patata deidratata għandhom jiġu analizzati qabel l-użu tagħhom jew mill-fornitur jew mill-utent biex ikun ikkonfermat li l-kontenut taz-zokkor ma jaqbiżx il-livell speċifikat.

2.

Meta l-ingredjenti tal-patata deidratata jaqbżu l-livell speċifikat ta' zokkor, l-FBOs għandhom jispeċifikaw il-miżuri ta' mitigazzjoni addizzjonali li għandhom jittieħdu biex jiġi żgurat li l-livell tal-akrilammid fil-prodott finali jkun l-inqas li jista' raġonevolment jinkiseb taħt il-livell tal-parametru referenzjarju stabbilit fl-Anness IV.

3.

Għal kull prodott, l-FBOs għandhom jirrieżaminaw jekk hux possibbli li ssir sostituzzjoni parzjali tal-ingredjenti tal-patata ma' ingredjenti b'potenzjal inferjuri li jifformaw l-akrilammid.

4.

F'sistemi bbażati fuq għaġina mxarrba, l-FBOs għandhom kemm jista' jkun possibbli jikkunsidraw l-użu tas-sustanzi li ġejjin, filwaqt li jqisu li dawn is-sustanzi jistgħu ma jkunux sinerġistiċi fl-effett ta' mitigazzjoni tagħhom, jiġifieri japplikaw b'mod speċifiku għall-użu tal-asparaġinażi u għat-tnaqqis tal-livelli tal-pH:

5.

Meta l-krisps tal-patata, is-snacks jew il-krekers ibbażati fuq l-għaġina tal-patata jinqlew, l-FBOs għandhom jispeċifikaw it-temperaturi taż-żejt tal-qali għal kull prodott mal-ħruġ mill-apparat tal-qali, jikkontrollaw dawn it-temperaturi u jżommu rekords biex juru l-kontrolli.

6.

It-temperatura taż-żejt mal-ħruġ mill-apparat tal-qali għandha tkun l-inqas possibbli fuq linja speċifika u għall-prodott speċifiku, f'konformità mal-istandards stabbiliti dwar il-kwalità u s-sigurtà tal-ikel u fid-dawl tal-fatturi rilevanti bħall-manifattur tal-apparat tal-qali, it-tip tal-apparat tal-qali, il-kontenut ta' zokkor u l-kontenut ta' ndewwa fil-mira għall-prodott.

Meta t-temperatura tkun ogħla minn 175 °C mal-ħruġ mill-apparat tal-qali, l-FBOs għandhom jipprovdu dejta li turi li l-livell tal-akrilammid fil-prodott lest ikun inqas mil-livell tal-parametru referenzjarju speċifikat fl-Anness IV.

(Nota: Ħafna mill-prodotti f'pellet jinqlew f'temperatura ogħla minn 175 °C minħabba l-ħin tal-qali qasir ħafna tagħhom u t-temperaturi neċessarji biex jinkisbu l-espansjoni u s-sawra meħtieġa ta' dawn il-prodotti).

7.

Meta l-krisps tal-patata, is-snacks jew il-krekers ibbażati fuq l-għaġina tal-patata jiġu moħmija, l-FBOs għandhom jispeċifikaw għal kull prodott it-temperatura tal-ħami mal-ħruġ mill-forn tal-ħami u jżommu rekords biex juru l-kontrolli.

8.

It-temperatura mal-ħruġ mill-forn tal-ħami/mill-proċess tat-tnixxif għandha tkun l-inqas possibbli fuq linja speċifika u għall-prodott speċifiku, f'konformità mal-istandards mistennija dwar il-kwalità u s-sigurtà tal-ikel u fid-dawl tal-fatturi rilevanti bħat-tip ta' makkinarju, il-kontenut ta' zokkor riduċenti tal-materja prima u l-kontenut ta' ndewwa tal-prodott.

9.

Meta t-temperatura tal-prodott tkun ogħla minn 175 °C fi tmiem il-proċess tal-ħami/tat-tnixxif, l-FBOs għandhom jipprovdu dejta li turi li l-livell tal-akrilammid fil-prodott lest ikun inqas mil-livell tal-parametru referenzjarju speċifikat fl-Anness IV.

10.

Għal kull prodott, l-FBOs għandhom jispeċifikaw il-kontenut ta' ndewwa wara l-qali jew il-ħami li għandu jkun l-ogħla possibbli f'linja ta' produzzjoni speċifika u għal prodott speċifiku, f'konformità mar-rekwiżiti dwar il-kwalità tal-prodott u s-sigurtà tal-ikel, u b'kunsiderazzjoni tat-temperatura mal-ħruġ mill-apparat tal-qali kif ukoll tat-temperatura tal-ħami u tat-temperatura tat-tnixxif. Il-kontenut ta' ndewwa fil-prodott finali m'għandux ikun ta' inqas minn 1,0 %.

—

li jiġu segwiti Prattiki Agrikoli Tajbin dwar il-fertilizzazzjoni, b'mod partikolari fir-rigward taż-żamma ta' livelli bbilanċjati ta' kubrit fil-ħamrija u biex tkun żgurata l-applikazzjoni korretta tan-nitroġenu;

—

li jiġu segwiti Prattiki Fitosanitarji Tajbin biex tiġi żgurata l-applikazzjoni ta' prattiki tajbin fuq miżuri ta' protezzjoni tal-għelejjel għall-prevenzjoni ta' infezzjonijiet fungali.

1.

Għall-prodotti rilevanti, l-FBOs għandhom iqisu t-tnaqqis jew is-sostituzzjoni għalkollox jew parzjali tal-bikarbonat tal-ammonju ma' aġenti li jgħollu alternattivi bħal

Bħala parti minn din il-kunsiderazzjoni, l-FBOs għandhom jiżguraw li l-użu tal-aġenti alternattivi li jgħollu msemmija ma jirriżultax f'tibdiliet organolettiċi (togħma, dehra, sawra, eċċ.) jew f'żieda fil-kontenut kumplessiv ta' sodju li jinfluwenzaw l-identità tal-prodott u l-aċċettazzjoni mill-konsumaturi.

2.

Għall-prodotti li għalihom it-tfassil tal-prodott ikun jippermetti, l-FBOs għandhom jissostitwixxu l-fruttożju jew l-ingredjenti li fihom il-fruttożju, bħall-ġuleppi u l-għasel, mal-glukożju jew maz-zokkor mhux riduċenti bħas-sukrożju, b'mod partikolari f'riċetti li jkun fihom il-bikarbonat tal-ammonju meta dan ikun possibbli u b'kunsiderazzjoni li s-sostituzzjoni tal-fruttożju jew ta' zokkor riduċenti ieħor tista' tirriżulta f'modifikazzjoni tal-identità tal-prodott minħabba telfien tat-togħma u l-formazzjoni ta' kulur.

3.

L-FBOs għandhom jużaw l-asparaġinażi fejn din tkun effettiva u possibbli biex inaqqsu l-asparaġina kif ukoll il-potenzjal għall-formazzjoni tal-akrilammid. L-FBOs għandhom iqisu li hemm effett limitat jew ebda effett fuq il-livelli tal-akrilammid mill-użu tal-asparaġinażi f'riċetti b'kontenut għoli ta' xaħam, bi ndewwa baxxa jew b'valur għoli tal-pH.

4.

Meta karatteristika tal-prodott tkun tippermetti, l-FBOs għandhom jirrieżaminaw jekk hux possibbli li tintuża s-sostituzzjoni parzjali tad-dqiq ma' dqiq tal-qamħ alternattiv, bħar-ross, filwaqt li jqisu li kwalunkwe tibdil se jkollu impatt fuq il-proċess tal-ħami u fuq il-proprjetajiet organolettiċi tal-prodotti. Tipi differenti ta' ħbub urew livelli differenti ta' asparaġina (il-livelli tipiċi ta' asparaġina huma l-ogħla fis-segala u f'ordni dekrexxenti inqas fil-ħafur, fil-qamħ, fil-qamħirrum u bl-inqas livelli fir-ross).

5.

L-FBOs għandhom jieħdu f'kunsiderazzjoni fil-valutazzjoni tar-riskju l-impatt tal-ingredjenti fil-prodotti fini moħmijin li jistgħu jżidu l-livelli tal-akrilammid fil-prodott finali, u jużaw ingredjenti li m'għandhomx effetti bħal dawn iżda jżommu l-karatteristiċi fiżiċi u organolettiċi (bħal lewż inkaljat f'temperaturi aktar baxxi milli f'temperaturi ogħla u frott xott bħala sors ta' fruttożju).

6.

L-FBOs għandhom jiżguraw li l-fornituri ta' ingredjenti ttrattati bis-sħana li huma suxxettibbli għall-formazzjoni tal-akrilammid iwettqu valutazzjoni tar-riskju tal-akrilammid u jimplimentaw il-miżuri ta' mitigazzjoni xierqa.

7.

L-FBOs għandhom jiżguraw li tibdil fil-prodotti miksuba mill-fornituri ma jirriżultax f'żieda fil-livelli tal-akrilammid f'dawn il-każijiet.

8.

L-FBOs għandhom iqisu li, kemm ikun possibbli u raġonevoli, iżidu l-aċidi organiċi mal-proċess tal-produzzjoni jew inaqqsu l-livelli tal-pH, flimkien ma' miżuri ta' mitigazzjoni oħra u jqisu li dawn jistgħu jirriżultaw f'tibdiliet organolettiċi (prodotti jiskuraw inqas, modifika tat-togħma).

1.

L-FBO għandu japplika l-input tas-sħana, jiġifieri l-kombinament ta' ħin u ta' temperatura, li huwa l-aktar effettiv biex inaqqas il-formazzjoni tal-akrilammid filwaqt li jinkisbu l-karatteristiċi tal-prodott fil-mira.

2.

L-FBOs għandhom iżidu l-kontenut ta' ndewwa fil-prodott finali bl-għan li jiksbu l-kwalità tal-prodott fil-mira, il-ħajja tal-prodott fuq l-ixkaffa meħtieġa u l-istandards dwar is-sigurtà tal-ikel.

3.

Il-prodotti għandhom jiġu moħmija sakemm il-prodott finali jikseb kulur aktar ċar bl-għan li jinkisbu l-kwalità tal-prodott stabbilita, il-ħajja tal-prodott fuq l-ixkaffa meħtieġa u l-istandards dwar is-sigurtà tal-ikel.

4.

Meta jiżviluppaw prodotti ġodda, l-FBOs għandhom jikkunsidraw fil-valutazzjoni tar-riskju tagħhom id-daqs u l-erja tas-superfiċje ta' biċċa partikolari ta' prodott filwaqt li jqisu li prodott ta' daqs żgħir potenzjalment iwassal għal livelli ogħla ta' akrilammid minħabba l-impatt tas-sħana.

5.

Peress li ċerti ingredjenti użati fil-manifattura tal-prodotti fini moħmijin jistgħu jiġu ttrattati bis-sħana diversi drabi (eż. biċċiet taċ-ċereali, ġewż, żrieragħ, frott imnixxef ipproċessati minn qabel, eċċ.), li jirriżulta f'żieda fil-livelli tal-akrilammid fil-prodotti finali, l-FBOs għandhom jaġġustaw it-tfassil tal-prodott u tal-proċess kif xieraq biex iżommu mal-livelli tal-parametri referenzjarji tal-akrilammid stipulati fl-Anness IV. B'mod partikolari, l-FBOs ma għandhomx jerġgħu jużaw prodotti maħruqa.

6.

Għal taħlitiet minn qabel tal-prodott li jitqiegħdu fis-suq biex jiġu moħmija d-dar jew fi stabbilimenti tal-forniment tal-ikel, l-FBOs għandhom jipprovdu lill-klijenti tagħhom bi struzzjonijiet dwar il-preperazzjoni biex jiżguraw li l-livelli tal-akrilammid fil-prodotti finali jkunu l-inqas li jistgħu raġonevolment jinkisbu taħt il-livelli tal-parametri referenzjarji.

—

li jiġu segwiti Prattiki Agrikoli Tajbin dwar il-fertilizzazzjoni, b'mod partikolari fir-rigward taż-żamma ta' livelli bbilanċjati ta' kubrit fil-ħamrija u biex tkun żgurata l-applikazzjoni korretta tan-nitroġenu;

—

li jiġu segwiti Prattiki Fitosanitarji Tajbin biex tiġi żgurata l-applikazzjoni ta' prattiki tajbin fuq miżuri ta' protezzjoni tal-għelejjel għall-prevenzjoni ta' infezzjonijiet fungali.

1.

Peress li l-prodotti bbażati fuq il-qamħirrum u r-ross għandhom it-tendenza li jkollhom inqas akrilammid minn dawk magħmula bil-qamħ, bis-segala, bil-ħafur u bix-xgħir, l-FBOs għandhom jikkunsidraw l-użu tal-qamħirrum u tar-ross fl-iżvilupp ta' prodotti ġodda meta dan ikun applikabbli u filwaqt li jqisu li kwalunkwe tibdil se jkollu impatt fuq il-proċess tal-manifattura u fuq il-proprjetajiet organolettiċi tal-prodotti.

2.

L-FBOs għandhom jikkontrollaw ir-rati ta' żieda meta jiġu miżjuda z-zokkor riduċenti (eż. l-fruttożju u l-glukożju) u l-ingredjenti li fihom iz-zokkor riduċenti (eż. l-għasel) filwaqt li jqisu l-impatt tagħhom fuq il-karatteristiċi organolettiċi u fuq il-funzjonalitajiet tal-proċess (formazzjoni ta' biċċiet minħabba tagħqid) u li jistgħu jaġixxu bħala prekursuri għall-formazzjoni tal-akrilammid meta jiżdiedu qabel l-istadji tat-trattament bis-sħana.

3.

Fil-valutazzjoni tar-riskju l-FBOs għandhom iqisu l-kontribuzzjoni għall-akrilammid minn ingredjenti mnixxfa u ttrattati bis-sħana, bħal ġewż inkaljat u mixwi u frott mnixxef fil-forn, u jużaw ingredjenti alternattivi jekk il-kontribuzzjoni aktarx li twassal biex il-prodott lest ikollu livell ogħla mil-livell tal-parametru referenzjarju speċifikat fl-Anness IV.

4.

Għal ingredjenti ttrattati bis-sħana li fihom 150 mikrogramma ta' akrilammid għal kull kilogramma (μg/kg) jew iktar, l-FBOs għandhom jieħdu l-azzjonijiet li ġejjin:

5.

Meta ċ-ċereal ikun fil-forma ta' għaġina tad-dqiq u l-proċeduri tal-manifattura jipprovdu biżżejjed żmien, temperatura u kontenut ta' ndewwa biex l-asparaġinażi tnaqqas il-livelli ta' asparaġina, l-FBOs għandhom jużaw l-asparaġinażi meta jkun hemm bżonn diment li ma jkun hemm ebda effett avvers fuq it-togħma jew riskju ta' attività enzimatika residwa.

1.

L-FBOs għandhom jidentifikaw, permezz ta' valutazzjoni tar-riskju, l-istadji kritiċi tat-trattament bis-sħana fil-proċess tal-manifattura li jiġġeneraw l-akrilammid.

2.

Peress li t-temperaturi tat-tisħin u l-ħinijiet tat-tisħin itwal iwasslu għal livelli ogħla ta' akrilammid, l-FBOs għandhom jidentifikaw taħlita effettiva ta' temperatura u ta' ħinijiet ta' tisħin biex titnaqqas il-formazzjoni tal-akrilammid mingħajr ma jiġu kompromessi t-togħma, is-sawra, il-kulur, is-sikurezza u l-ħajja tal-prodott fuq l-ixkaffa.

3.

Biex jevitaw żieda fil-formazzjoni tal-akrilammid, l-FBOs għandhom jikkontrollaw it-temperaturi, il-ħinijiet u r-rati ta'alimentazzjoni fil-fażi tat-tisħin biex jiksbu dan il-kontenut minimu ta' ndewwa li ġej fil-prodott finali wara t-trattament bis-sħana finali, bl-għan li jinkisbu l-kwalità tal-prodott stabbilita, il-ħajja tal-prodott fuq l-ixkaffa meħtieġa u l-istandards dwar is-sigurtà tal-ikel:

L-FBOs għandhom ikejlu l-kontenut ta' ndewwa u jesprimu l-konċentrazzjoni tal-akrilammid f'massa xotta biex jeliminaw l-effett ta' konfużjoni tat-tibdiliet fl-indewwa.

4.

L-użu mill-ġdid ta' prodott fil-proċess kollu jista' jiġġenera livelli ogħla tal-akrilammid permezz tal-esponiment ripetut fl-istadji tat-trattament bis-sħana. Għaldaqstant, l-FBOs għandhom jivvalutaw l-impatt tal-użu mill-ġdid fuq il-livelli tal-akrilammid u jnaqqsu jew jeliminaw l-użu mill-ġdid.

5.

L-FBOs għandu jkollhom proċeduri fis-seħħ, bħal kontrolli u monitoraġġ tat-temperatura, biex jipprevjenu l-inċidenza ta' prodotti maħruqin.

1.

L-FBOs għandhom jidentifikaw il-kundizzjonijiet kritiċi tal-inkaljar biex jiżguraw il-formazzjoni minima ta' akrilammid fi ħdan il-profil tat-togħma fil-mira.

2.

Il-kontroll tal-kundizzjonijiet tal-inkaljar għandu jkun inkorporat fi Programm ta' Prerekwiżiti (PRP) bħala parti mill-Prassi Tajba ta' Manifattura (PTM).

3.

L-FBOs għandhom jikkunsidraw l-użu tat-trattament bl-asparaġinażi, meta jkun possibbli u meta jkun effettiv biex titnaqqas il-preżenza tal-akrilammid.

—

li jiġu segwiti Prattiki Agrikoli Tajbin dwar il-fertilizzazzjoni, b'mod partikolari fir-rigward taż-żamma ta' livelli bbilanċjati ta' kubrit fil-ħamrija u biex tkun żgurata l-applikazzjoni korretta tan-nitroġenu;

—

li jiġu segwiti Prattiki Fitosanitarji Tajbin biex tiġi żgurata l-applikazzjoni ta' prattiki tajbin fuq miżuri ta' protezzjoni tal-għelejjel għall-prevenzjoni ta' infezzjonijiet fungali.

1.

Peress li l-prodotti bbażati fuq il-qamħirrum u r-ross għandhom tendenza li jkollhom inqas akrilammid minn dawk magħmula bil-qamħ, bis-segala, bil-ħafur u bix-xgħir, l-FBOs għandhom jikkunsidraw l-użu tal-qamħirrum u tar-ross fl-iżvilupp ta' prodotti ġodda meta dan ikun applikabbli, filwaqt li jqisu li kwalunkwe tibdil se jkollu impatt fuq il-proċess tal-manifattura u fuq il-proprjetajiet organolettiċi tal-prodott.

2.

L-FBOs għandhom jikkontrollaw ir-rati ta' żieda meta jiġu miżjuda iz-zokkor riduċenti (eż. l-fruttożju u l-glukożju) u l-ingredjenti li fihom iz-zokkor riduċenti (eż. l-għasel) filwaqt li jqisu l-impatt fuq il-karatteristiċi organolettiċi u fuq il-funzjonalitajiet tal-proċess (tagħqid ta' biċċiet) u li jistgħu jaġixxu bħala prekursuri għall-formazzjoni tal-akrilammid meta jiżdiedu qabel l-istadji tat-trattament bis-sħana.

3.

Jekk is-sostituti tal-kafè ma jkunux magħmula esklużivament miċ-ċereali, l-FBOs għandhom jużaw ingredjenti oħra li jirriżultaw f'livelli inqas ta' akrilammid wara l-ipproċessar f'temperatura għolja, fejn applikabbli.

1.

L-FBOs għandhom jidentifikaw il-kundizzjonijiet kritiċi tal-inkaljar biex jiżguraw il-formazzjoni minima ta' akrilammid fi ħdan il-profil tat-togħma fil-mira.

2.

Il-kontroll tal-kundizzjonijiet tal-inkaljar għandu jkun inkorporat fi Programm ta' Prerekwiżiti (PRP) bħala parti mill-Prassi Tajba ta' Manifattura (PTM).

1.

L-FBOs għandhom jidentifikaw il-kundizzjonijiet kritiċi tal-inkaljar biex jiżguraw il-formazzjoni minima ta' akrilammid fi ħdan il-profil tat-togħma fil-mira. Il-konklużjonijiet għandhom jiġu ddokumentati.

2.

Il-kontroll tal-kundizzjonijiet tal-inkaljar għandu jkun inkorporat fis-sistema ta' ġestjoni tas-sigurtà tal-ikel tal-manifattur.

—

li jiġu segwiti Prattiki Agrikoli Tajbin dwar il-fertilizzazzjoni, b'mod partikolari fir-rigward taż-żamma ta' livelli bbilanċjati ta' kubrit fil-ħamrija u biex tkun żgurata l-applikazzjoni korretta tan-nitroġenu;

—

li jiġu segwiti Prattiki Fitosanitarji Tajbin biex tiġi żgurata l-applikazzjoni ta' prattiki tajbin fuq miżuri ta' protezzjoni tal-għelejjel għall-prevenzjoni ta' infezzjonijiet fungali.

1.

L-FBOs għandhom kemm jista' jkun possibbli jużaw l-asparaġinażi biex inaqqsu l-livelli ta' asparaġina fil-materja prima tad-dqiq. L-FBOs li ma jistgħux jużaw l-asparaġinażi minħabba, pereżempju, ir-rekwiżiti ta' pproċessar jew it-tfassil tal-prodott, għandhom jużaw materja prima tad-dqiq b'livelli baxxi ta' prekursuri tal-akrilammid, bħal-fruttożju u l-glukożju u l-asparaġina.

2.

Matul l-iżvilupp tar-riċetta l-FBOs għandhom jagħmlu valutazzjoni li tipprovdi informazzjoni dwar iz-zokkor riduċenti u l-asparaġina, u tinkludi għażliet dwar kif jista' jinkiseb livell baxx ta' zokkor riduċenti fir-riċetta finali. Din il-ħtieġa għal din il-valutazzjoni se tkun tiddependi fuq l-użu tal-asparaġinażi fir-riċetta.

3.

L-FBOs għandhom jiżguraw li l-ingredjenti ttrattati bis-sħana li huma suxxettibbli għall-formazzjoni tal-akrilammid jinkisbu mingħand fornituri li kapaċi juru li ħadu l-miżuri ta' mitigazzjoni xierqa biex inaqqsu l-preżenza tal-akrilammid f'dawk l-ingredjenti.

4.

L-FBOs għandu jkollhom fis-seħħ proċedura ta' kontroll tat-tibdil li tiżgura li ma jagħmlu ebda tibdil fil-fornitur li jirriżulta f'żieda tal-akrilammid.

5.

Jekk l-użu ta' materja prima u ta' ingredjenti ttrattati bis-sħana jwassal biex fil-prodott finali jinqabeż il-livell tal-parametru referenzjarju tal-akrilammid speċifikat fl-Anness IV, l-FBOs għandhom jirrieżaminaw l-użu ta' dawk il-prodotti bil-għan li jinkisbu livelli ta' akrilammid li jkunu l-inqas li jisgħu raġonevolment jinkisbu taħt il-livell tal-parametru referenzjarju stabbilit fl-Anness IV.

1.

Peress li l-prodotti bbażati fuq il-qamħirrum u r-ross għandhom tendenza li jkollhom inqas akrilammid minn dawk magħmula bil-qamħ, bis-segala, bil-ħafur u bix-xgħir, l-FBOs għandhom jikkunsidraw l-użu tal-qamħirrum u tar-ross fl-iżvilupp ta' prodotti ġodda meta dan ikun applikabbli filwaqt li jqisu li kwalunkwe tibdil se jkollu impatt fuq il-proċess tal-manifattura u fuq il-proprjetajiet organolettiċi tal-prodott.

2.

B'mod partikolari fil-valutazzjoni tar-riskju tagħhom, l-FBOs għandhom jikkunsidraw li l-prodotti bbażati fuq iċ-ċereali integrali u/jew b'livelli għoljin ta' nuħħala taċ-ċereali għandhom livelli ogħla ta' akrilammid.

3.

L-FBOs għandhom jikkontrollaw ir-rati ta' żieda meta jiġu miżjuda iz-zokkor riduċenti (eż. l-fruttożju u l-glukożju) u l-ingredjenti li fihom iz-zokkor riduċenti (eż. l-għasel) filwaqt li jqisu l-impatt fuq il-karatteristiċi organolettiċi u fuq il-funzjonalitajiet tal-proċess (tagħqid ta' biċċiet) u li jistgħu jaġixxu bħala prekursuri għall-formazzjoni tal-akrilammid meta jiżdiedu qabel l-istadji tat-trattament bis-sħana.

4.

L-FBO għandu jiddetermina l-kontribuzzjoni għall-akrilammid minn ingredjenti mnixxfa u ttrattati bis-sħana, bħal ġewż inkaljat u mixwi u frott imnixxef fil-forn, u jużaw ingredjenti alternattivi jekk l-użu ta' dawk l-ingredjenti jwassal biex il-prodott lest ikollu livell ogħla mil-livell tal-parametru referenzjarju speċifikat fl-Anness IV.

1.

L-FBOs għandhom jidentifikaw, permezz ta' valutazzjoni tar-riskju, l-istadji kritiċi tat-trattament bis-sħana fil-proċess tal-manifattura li jiġġeneraw l-akrilammid.

2.

L-FBOs għandhom ikejlu l-kontenut ta' ndewwa u jesprimu l-konċentrazzjoni tal-akrilammid f'massa xotta biex jeliminaw l-effett ta' konfużjoni tat-tibdiliet fl-indewwa.

3.

L-FBOs għandhom jidentifikaw u japplikaw taħlita effettiva ta' temperatura u ta' ħinijiet ta' tisħin biex titnaqqas il-formazzjoni tal-akrilammid mingħajr ma jiġu kompromessi t-togħma, is-sawra, il-kulur, is-sikurezza u l-ħajja tal-prodott fuq l-ixkaffa.

4.

L-FBOs għandhom jikkontrollaw it-temperaturi tat-tisħin, il-ħinijiet u r-rati ta' alimentazzjoni. Jenħtieġ li s-sistemi ta' ġestjoni tar-rati ta' alimentazzjoni u ta' kontroll tat-temperatura jiġu kkalibrati b'mod regolari u li dawn il-kundizzjonijiet operatorji jiġu kkontrollati fi ħdan il-limiti stabbiliti. Dawn il-kompiti għandhom jiġu inkorporati fil-proċeduri tal-HACCP.

5.

Il-monitoraġġ u l-kontroll tal-kontenut ta' ndewwa tal-prodott wara li l-istadji kritiċi tat-trattament bis-sħana wrew li huma effettivi fil-kontroll tal-livelli tal-akrilammid f'ċerti proċessi u, għalhekk, f'dawn iċ-ċirkustanzi, dan il-proċess jista' jkun alternattiva adegwata għall-kontroll tat-temperaturi u tal-ħinijiet tat-tisħin, u għalhekk għandu jintuża.

1.

Għall-produzzjoni tal-ikel tat-trabi fil-vażetti, l-FBOs għandhom jagħżlu materja prima b'kontenut baxx ta' prekursur tal-akrilammid, eż. zokkor riduċenti bħall-fruttożju u l-glukożju u l-asparaġina.

2.

Fil-każ ta' biedja b'kuntratt, meta l-prodotti agrikoli jiġu fornuti lill-FBOs direttament mill-produtturi tagħhom, l-FBOs għandhom jiżguraw li japplikaw ir-rekwiżiti li ġejjin biex jipprevjenu livelli għoljin ta' asparaġina fiċ-ċereali:

L-FBOs għandhom iwettqu kontrolli biex jivverifikaw l-applikazzjoni effettiva tar-rekwiżiti msemmija hawn fuq.

3.

F'kuntratti ta' xiri ta' puré tal-pruna, l-FBOs għandhom jinkludu r-rekwiżiti li jiżguraw li fil-proċess tal-manifattura tal-puré tal-pruna jiġu applikati reġimi ta' trattament bis-sħana li għandhom l-għan li jnaqqsu l-okkorrenza tal-akrilammid f'dak il-prodott.

4.

L-FBOs għandhom jiżguraw li l-ingredjenti ttrattati bis-sħana li huma suxxettibbli għall-formazzjoni tal-akrilammid jinkisbu mingħand fornituri li jistgħu juru li ħadu l-miżuri ta' mitigazzjoni biex inaqqsu l-preżenza tal-akrilammid f'dawk l-ingredjenti.

5.

Jekk l-użu ta' materja prima u ta' ingredjenti ttrattati bis-sħana jwassal biex fil-prodott finali jinqabeż il-livell tal-parametru referenzjarju tal-akrilammid speċifikat fl-Anness IV, l-FBOs għandhom jirrieżaminaw l-użu ta' dawk il-materjali u l-ingredjenti bil-għan li jinkisbu livelli ta' akrilammid li jkunu l-inqas li jistgħu raġonevolment jinkisbu taħt il-livell tal-parametru referenzjarju stabbilit fl-Anness IV.

1.

Fil-valutazzjoni tar-riskju tal-akrilammid fl-oġġetti tal-ikel ikkonċernati, l-FBOs għandhom jikkunsidraw li l-prodotti bbażati fuq iċ-ċereali integrali u/jew b'livelli għoljin ta' nuħħala taċ-ċereali għandhom livelli ogħla ta' akrilammid.

2.

L-FBOs għandhom jagħżlu varjetajiet ta' patata ħelwa u ta' pruni li għandhom l-inqas livelli possibbli ta' prekursuri tal-akrilammid, bħaz-zokkor riduċenti (eż. l-fruttożju u l-glukożju) u l-asparaġina.

3.

L-FBOs għandhom jikkontrollaw ir-rati ta' żieda meta jiġu miżjuda iz-zokkor riduċenti (eż. l-fruttożju u l-glukożju) u l-ingredjenti li fihom iz-zokkor riduċenti (eż. l-għasel) filwaqt li jqisu l-impatt fuq il-karatteristiċi organolettiċi u fuq il-funzjonalitajiet tal-proċess (tagħqid ta' biċċiet) u li jistgħu jaġixxu bħala prekursuri għall-formazzjoni tal-akrilammid meta jiżdiedu qabel l-istadji tat-trattament bis-sħana.

1.

L-FBOs għandhom jidentifikaw l-istadji ewlenin tat-trattament bis-sħana fil-proċess li jiġġeneraw l-iktar akrilammid biex jiffokaw iktar l-isforzi ta' tnaqqis/kontroll tal-akrilammid bl-iktar mod effettiv. Dan irid jinkiseb permezz ta' valutazzjoni tar-riskju jew bil-kejl dirett tal-livelli tal-akrilammid fil-prodott qabel u wara kull stadju tat-trattament bis-sħana.

2.

Biex tiġi evitata żieda fil-formazzjoni tal-akrilammid, l-FBO għandu jikkontrolla t-temperaturi tat-tisħin, il-ħinijiet u r-rati ta' alimentazzjoni. Jenħtieġ li s-sistemi ta' ġestjoni tar-rati ta' alimentazzjoni u ta' kontroll tat-temperatura jiġu kkalibrati b'mod regolari u li dawn il-kundizzjonijiet operatorji jiġu kkontrollati fi ħdan il-limiti stabbiliti. Dawn il-kompiti għandhom jiġu inkorporati fil-proċeduri tal-HACCP.

3.

L-FBOs għandhom jiżguraw li t-tnaqqis tal-input termali maħsub biex inaqqas l-akrilammid fl-ikel b'livell baxx ta' aċidità u bbażat fuq il-pruna ma jaffettwax is-sikurezza mikrobijoloġika tal-oġġetti tal-ikel ikkonċernati.

—

li jiġu segwiti Prattiki Agrikoli Tajbin dwar il-fertilizzazzjoni, b'mod partikolari fir-rigward taż-żamma ta' livelli bbilanċjati ta' kubrit fil-ħamrija u biex tkun żgurata l-applikazzjoni korretta tan-nitroġenu;

—

li jiġu segwiti Prattiki Fitosanitarji Tajbin biex tiġi żgurata l-applikazzjoni ta' prattiki tajbin fuq miżuri ta' protezzjoni tal-għelejjel għall-prevenzjoni ta' infezzjonijiet fungali.

1.

L-FBOs għandhom jiżguraw li l-ħobż jiġi moħmi sakemm jikseb kulur aktar ċar sabiex titnaqqas il-formazzjoni tal-akrilammid filwaqt li jitqiesu t-tfassil u l-possibbiltajiet tekniċi tal-prodott individwali.

2.

L-FBOs għandhom jestendu l-ħin tal-fermentazzjoni tal-ħmira filwaqt li jqisu t-tfassil tal-prodott u l-possibbiltajiet tekniċi.

3.

L-FBOs għandhom ibaxxu l-input termali billi jottimizzaw it-temperatura u l-ħin tal-ħami sa fejn possibbli.

4.

L-FBOs għandhom jipprovdu struzzjonijiet dwar il-ħami għall-ħobż li għandu jitlesta d-dar, f'żoni fejn isir il-ħami, fi ħwienet tal-bejgħ bl-imnut jew fi stabbilimenti tal-forniment tal-ikel.

5.

L-FBOs għandhom jissostitwixxu l-ingredjenti li għandhom il-potenzjal li jżidu l-livelli tal-akrilammid fil-prodott finali meta dan ikun kompatibbli mat-tfassil tal-prodott u mal-possibiltajiet tekniċi, li jinkludu pereżempju l-użu ta' ġewż u ta' żrieragħ inkaljati f'temperaturi aktar baxxi milli f'temperaturi ogħla.

6.

L-FBOs għandhom jissostitwixxu l-fruttożju mal-glukożju b'mod partikolari f'riċetti li fihom il-bikarbonat tal-ammonju (E503) meta t-tfassil tal-prodott ikun jippermetti u sa fejn ikun possibbli. Dan jinkludi, pereżempju, is-sostituzzjoni tal-ġulepp taz-zokkor invertit u l-għasel, li fihom livelli ogħla ta' fruttożju, mal-ġulepp tal-glukożju.

7.

Fi prodotti b'kontenut baxx ta' ndewwa, l-FBOs għandhom jużaw l-asparaġinażi biex sa fejn possibbli jnaqqsu l-asparaġina u jqisu r-riċetta tal-prodott, l-ingredjenti, il-kontenut ta' ndewwa u l-proċess.

1.

L-FBOs li jipproduċu l-prodotti tal-patata għandhom japplikaw il-miżuri ta' mitigazzjoni li ġejjin:

Għat-tisjir taċ-ċipps, huwa xieraq li l-FBOs jużaw il-gwidi tal-kuluri disponibbli li jipprovdu gwida dwar it-taħlita ottimali ta' kulur u livelli baxxi ta' akrilammid.

Fil-bini fejn ikun hemm il-persunal li jipprepara l-ikel huwa xieraq li jkun hemm imwaħħla fejn tidher gwida tal-kulur li tipprovdi gwida dwar it-taħlita ottimali ta' kulur u livelli baxxi ta' akrilammid.

2.

L-FBOs li jipproduċu ħobż u prodotti fini moħmijin għandhom jużaw il-miżuri ta' mitigazzjoni li ġejjin fil-proċess tal-ħami:

Il-prodotti għandhom jiġu moħmija sakemm jiksbu kulur aktar ċar u għandu jiġi evitat l-iskurament eċċessiv tal-qoxra f'każ fejn il-qoxra tkun skura minħabba xiwi qawwi u mhux relatata mal-kompożizzjoni jew man-natura speċifika tal-ħobż li jwasslu għal qoxra skura.

3.

Meta jiġu ppreparati sandwiches, l-FBOs għandhom jiżguraw li s-sandwiches jiġu mixwija sal-kulur ottimali. Għall-produzzjoni ta' dawn il-prodotti speċifiċi huwa xieraq li jintużaw il-gwidi tal-kulur disponibbli maħsuba għal tipi ta' prodotti speċifiċi, fejn disponibbli, li jipprovdu gwida dwar it-taħlita ottimali ta' kulur u livelli baxxi ta' akrilammid. Meta jintuża ħobż ippakkjat minn qabel jew meta jintużaw prodotti tal-furnara li ma jkunux kompletament imsajra, iridu jiġu segwiti l-istruzzjonijiet dwar it-tisjir.

Fil-bini fejn ikun hemm il-persunal li jipprepara l-ikel speċifiku għandu jkun hemm imwaħħla fejn tidher il-gwida tal-kulur msemmija hawn fuq li tipprovdi gwida dwar it-taħlita ottimali ta' kulur u livelli baxxi ta' akrilammid.

—

isegwu l-istruzzjonijiet dwar il-ħżin ipprovduti mill-FBOs jew mill-fornituri jew ipprovduti fil-miżuri ta' mitigazzjoni rilevanti fl-Anness I;

—

jaħdmu bil-Proċeduri Operazzjonali Standard u b'apparati tal-qali kkalibrati mgħammra b'timers kompjuterizzati u pprogrammati b'issettjar standard (ħin-temperatura);

—

jissorveljaw il-livell tal-akrilammid fil-prodotti finali biex jivverifikaw li l-miżuri ta' mitigazzjoni huma effettivi fiż-żamma tal-livelli tal-akrilammid taħt il-livell tal-parametru referenzjarju.

1.

Il-kampjun għandu jkun rappreżentattiv għal-lott tal-kampjunar.

2.

L-FBOs għandhom jiżguraw li jwettqu l-kampjunar rappreżentattiv u l-analiżi tal-prodotti tagħhom għall-preżenza tal-akrilammid biex jivverifikaw l-effikaċja tal-miżuri ta' mitigazzjoni, jiġifieri li l-livelli tal-akrilammid ikunu konsistentement inqas mil-livelli tal-parametri referenzjarji.

3.

L-FBOs għandhom jiżguraw li jittieħed kampjun rappreżentattiv ta' kull tip ta' prodott għall-analiżi tal-konċentrazzjoni tal-akrilammid. “Tip ta' prodott” jinkludi gruppi ta' prodotti li jkollhom l-istess ingredjenti, tfassil tar-riċetta, tfassil tal-proċess u/jew kontrolli tal-proċess jew inkella jkunu simili għalihom meta dawn ikollhom potenzjal li jinfluwenzaw il-livelli tal-akrilammid fil-prodott finali. Il-programmi ta' monitoraġġ għandhom jagħtu prijorità lit-tipi ta' prodotti li wrew il-potenzjal li jaqbżu l-livell tal-parametru referenzjarju u għandhom ikunu bbażati fuq ir-riskju meta miżuri ta' mitigazzjoni ulterjuri jkunu fattibbli.

1.

L-FBOs għandhom jipprovdu biżżejjed dejta biex jippermettu li ssir valutazzjoni tal-livell tal-akrilammid u tal-probabilità li t-tip ta' prodott jista' jaqbeż il-livell tal-parametru referenzjarju.

2.

Il-kampjun għandu jiġi analizzat f'laboratorju li jieħu sehem fi skemi xierqa ta' ttestjar tal-profiċjenza (li jikkonformaw mal-“International Harmonised Protocol for the Proficiency Testing of (Chemical) Analytical Laboratories” (1) żviluppati taħt l-awspiċji tal-IUPAC/ISO/AOAC) u juża metodi analitiċi approvati għad-detezzjoni u għall-kwantifikazzjoni. Il-laboratorji għandhom ikunu kapaċi juru li jħaddmu proċeduri għall-kontroll intern tal-kwalità. Eżempju ta' dawn huma l-“ISO/AOAC/IUPAC Guidelines on Internal Quality Control in Analytical Chemistry Laboratories” (2).

Meta jkun possibbli, għandha ssir stima tal-awtentiċità tal-analiżi billi fl-analiżi jiddaħħlu materjali xierqa ta' referenza ċċertifikati.

3.

Il-metodu ta' analiżi użat għall-analiżi tal-akrilammid irid jikkonforma mal-kriterji tal-prestazzjoni li ġejjin

4.

L-analiżi tal-akrilammid tista' tiġi sostitwita mill-kejl tal-attributi tal-prodott (eż. il-kulur) jew tal-parametri tal-proċess diment li tkun tista' tintwera korrelazzjoni statistika bejn l-attributi tal-prodott jew il-parametri tal-proċess u l-livell tal-akrilammid.

1.

L-FBOs għandhom iwettqu l-kampjunar u l-analiżi tal-inqas darba fis-sena għal prodotti li għandhom livell magħruf u kkontrollat sew ta' akrilammid. L-FBOs għandhom iwettqu l-kampjunar u l-analiżi bi frekwenza ikbar għal prodotti li jkollhom il-potenzjal li jaqbżu l-livell tal-parametru referenzjarju u għandhom ikunu bbażati fuq ir-riskju meta miżuri ta' mitigazzjoni ulterjuri jkunu fattibbli.

2.

Abbażi tal-valutazzjoni msemmija fil-punt II.1 l-FBOs għandhom jispeċifikaw il-frekwenzi xierqa għall-analiżi għal kull tip ta' prodott. Il-valutazzjoni għandha tiġi ripetuta jekk prodott jew proċess jiġi mmodifikat b'tali mod li jista' jwassal għal tibdil fil-livelli tal-akrilammid fil-prodott finali.