This document is an excerpt from the EUR-Lex website
Document 32017D1014
Commission Implementing Decision (EU) 2017/1014 of 15 June 2017 on the publication of the references of the European standards EN 13869:2016 on child safety requirements for lighters and EN 13209-2:2015 on baby carriers in the Official Journal of the European Union pursuant to Directive 2001/95/EC of the European Parliament and of the Council (Text with EEA relevance. )
Deċiżjoni ta' Implimentazzjoni tal-Kummissjoni (UE) 2017/1014 tal-15 ta' Ġunju 2017 dwar il-pubblikazzjoni tar-referenzi tal-istandards Ewropej EN 13869:2016 dwar ir-rekwiżiti ta' sikurezza fil-lajters fil-konfront tat-tfal, u EN 13209-2:2015 dwar it-tagħmir għall-ġarr tat-trabi f'Il-Ġurnal Uffiċjali tal-Unjoni Ewropea skont id-Direttiva 2001/95/KE tal-Parlament Ewropew u tal-Kunsill (Test b'rilevanza għaż-ŻEE. )
Deċiżjoni ta' Implimentazzjoni tal-Kummissjoni (UE) 2017/1014 tal-15 ta' Ġunju 2017 dwar il-pubblikazzjoni tar-referenzi tal-istandards Ewropej EN 13869:2016 dwar ir-rekwiżiti ta' sikurezza fil-lajters fil-konfront tat-tfal, u EN 13209-2:2015 dwar it-tagħmir għall-ġarr tat-trabi f'Il-Ġurnal Uffiċjali tal-Unjoni Ewropea skont id-Direttiva 2001/95/KE tal-Parlament Ewropew u tal-Kunsill (Test b'rilevanza għaż-ŻEE. )
C/2017/3978
ĠU L 153, 16.6.2017, p. 36–37
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 09/10/2019; Imħassar b' 32019D1698
16.6.2017 |
MT |
Il-Ġurnal Uffiċjali tal-Unjoni Ewropea |
L 153/36 |
DEĊIŻJONI TA' IMPLIMENTAZZJONI TAL-KUMMISSJONI (UE) 2017/1014
tal-15 ta' Ġunju 2017
dwar il-pubblikazzjoni tar-referenzi tal-istandards Ewropej EN 13869:2016 dwar ir-rekwiżiti ta' sikurezza fil-lajters fil-konfront tat-tfal, u EN 13209-2:2015 dwar it-tagħmir għall-ġarr tat-trabi f'Il-Ġurnal Uffiċjali tal-Unjoni Ewropea skont id-Direttiva 2001/95/KE tal-Parlament Ewropew u tal-Kunsill
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva 2001/95/KE tal-Parlament Ewropew u tal-Kunsill tat-3 ta' Diċembru 2001 dwar is-sigurtà ġenerali tal-prodotti (1), u b'mod partikolari l-ewwel subparagrafu tal-Artikolu 4(2) tagħha,
Billi:
(1) |
L-Artikolu 3(1) tad-Direttiva 2001/95/KE jesiġi li l-produtturi jqiegħdu biss prodotti sikuri fis-suq. |
(2) |
Skont it-tieni subparagrafu tal-Artikolu 3(2) tad-Direttiva 2001/95/KE, prodott għandu jitqies bħala sikur, safejn għandhom x'jaqsmu r-riskji u l-kategoriji tar-riskji koperti bl-istandards nazzjonali rilevanti, meta jkun konformi mal-istandards nazzjonali volontarji li jittrasponu l-istandards Ewropej, li r-referenzi tagħhom ikunu ġew ippubblikati mill-Kummissjoni f'Il-Ġurnal Uffiċjali tal-Unjoni Ewropea, skont l-Artikolu 4 ta' din id-Direttiva. |
(3) |
Skont l-Artikolu 4(1) tad-Direttiva 2001/95/KE, l-istandards Ewropej jitfasslu minn organizzazzjonijiet Ewropej tal-istandardizzazzjoni skont mandati maħruġa mill-Kummissjoni. |
(4) |
Skont l-Artikolu 4(2) tad-Direttiva 2001/95/KE, il-Kummissjoni trid tippubblika r-referenzi ta' dawn l-istandards. |
(5) |
Fit-23 ta' April 2008, il-Kummissjoni adottat id-Deċiżjoni 2008/357/KE (2), u fis-7 ta' Ġunju 2008 il-Kummissjoni ħarġet il-mandat M/427 lill-Kumitat Ewropew għall-Istandardizzazzjoni (CEN — European Committee for Standardisation) relatat mar-rekwiżiti tar-reżistenza għal-lajters tas-sigaretti fil-konfront tat-tfal. |
(6) |
B'reazzjoni għall-mandat M/427, is-CEN adotta l-istandard EN 13869:2016 “Lajters — ir-rekwiżiti ta' sikurezza fil-lajters fil-konfront tat-tfal — ir-rekwiżiti ta' sikurezza u l-metodi ta' ttestjar”. L-istandard EN 13869:2016 jissodisfa l-mandat M/427 u huwa konformi mar-rekwiżit ta' sigurtà ġenerali stabbilit fid-Direttiva 2001/95/KE. Għalhekk, ir-referenza tiegħu għandha tiġi ppubblikata f'Il-Ġurnal Uffiċjali tal-Unjoni Ewropea. |
(7) |
Fis-16 ta' Diċembru 1997 il-Kummissjoni tat il-mandat M/264 lis-CEN u lill-Kumitat Ewropew għall-Istandardizzazzjoni Elettroteknika (CENELEC — European Committee for Electrotechnical Standardization) relatat mas-sikurezza tal-oġġetti għall-indukrar tat-tfal. |
(8) |
B'rispons għall-mandat M/264, is-CEN adotta l-istandard EN 13209-2:2015 “Oġġetti għall-użu u għall-indukrar tat-tfal — Tagħmir għall-ġarr tat-trabi — Ir-rekwiżiti ta' sikurezza u l-metodi ta' ttestjar — il-Parti 2: tagħmir għall-ġarr flessibbli”. L-istandard EN 13209-2:2015 jissodisfa l-mandat M/264 u huwa konformi mar-rekwiżit ta' sikurezzezza ġenerali stabbilit fid-Direttiva 2001/95/KE. Għalhekk, ir-referenza tiegħu għandha tiġi ppubblikata f'Il-Ġurnal Uffiċjali tal-Unjoni Ewropea. |
(9) |
Il-miżuri stipulati f'din id-Deċiżjoni huma skont l-opinjoni tal-kumitat stabbilit mid-Direttiva 2001/95/KE, |
ADOTTAT DIN ID-DEĊIŻJONI:
Artikolu 1
Ir-referenzi tal-istandards li ġejjin għandhom jiġu ppubblikati fis-serje C ta' Il-Ġurnal Uffiċjali tal-Unjoni Ewropea:
(a) |
EN 13869:2016 “Lajters — Ir-rekwiżiti ta' sikurezza fil-lajters fil-konfront tat-tfal — Ir-rekwiżiti ta' sikurezza u l-metodi ta' ttestjar”; |
(b) |
EN 13209-2:2015 “Oġġetti għall-użu u għall-indukrar tat-tfal — Tagħmir għall-ġarr tat-trabi — Ir-rekwiżiti ta' sikurezza u l-metodi ta' ttestjar — il-Parti 2: Tagħmir għall-ġarr flessibbli”. |
Artikolu 2
Din id-Deċiżjoni tidħol fis-seħħ fl-għoxrin jum wara l-pubblikazzjoni tagħha f'Il-Ġurnal Uffiċjali tal-Unjoni Ewropea.
Magħmul fi Brussell, il-15 ta' Ġunju 2017.
Għall-Kummissjoni
Il-President
Jean-Claude JUNCKER
(2) Id-Deċiżjoni tal-Kummissjoni 2008/357/KE tat-23 ta' April 2008 dwar rekwiżiti speċifiċi ta' sikurezza tat-tfal li għandhom jiġu sodisfatti mill-istandards Ewropej għal-lajters skont id-Direttiva 2001/95/KE tal-Parlament Ewropew u tal-Kunsill (ĠU L 120, 7.5.2008, p. 11).