This document is an excerpt from the EUR-Lex website
Document 32014D0906
Council Decision 2014/906/CFSP of 15 December 2014 amending Decision 2013/726/CFSP in support of the UNSCR 2118 (2013) and OPCW Executive Council EC-M-33/Dec 1, in the framework of the implementation of the EU Strategy against Proliferation of Weapons of Mass Destruction
Deċiżjoni tal-Kunsill 2014/906/PESK tal- 15 ta' Diċembru 2014 li temenda d-Deċiżjoni 2013/726/PESK b'appoġġ għal UNSCR 2118 (2013) u l-Kunsill Eżekuttiv tal-OPCW EC-M-33/Dec 1, fil-qafas tal- implimentazzjoni tal-Istrateġija tal-UE kontra l-Proliferazzjoni tal-Armi ta' Qerda Massiva
Deċiżjoni tal-Kunsill 2014/906/PESK tal- 15 ta' Diċembru 2014 li temenda d-Deċiżjoni 2013/726/PESK b'appoġġ għal UNSCR 2118 (2013) u l-Kunsill Eżekuttiv tal-OPCW EC-M-33/Dec 1, fil-qafas tal- implimentazzjoni tal-Istrateġija tal-UE kontra l-Proliferazzjoni tal-Armi ta' Qerda Massiva
ĠU L 359, 16.12.2014, p. 151–152
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
16.12.2014 |
MT |
Il-Ġurnal Uffiċjali tal-Unjoni Ewropea |
L 359/151 |
DEĊIŻJONI TAL-KUNSILL 2014/906/PESK
tal-15 ta' Diċembru 2014
li temenda d-Deċiżjoni 2013/726/PESK b'appoġġ għal UNSCR 2118 (2013) u l-Kunsill Eżekuttiv tal-OPCW EC-M-33/Dec 1, fil-qafas tal- implimentazzjoni tal-Istrateġija tal-UE kontra l-Proliferazzjoni tal-Armi ta' Qerda Massiva
IL-KUNSILL TAL-UNJONI EWROPEA,
Wara li kkunsidra t-Trattat dwar l-Unjoni Ewropea, u b'mod partikolari l-Artikoli 28(1) u 31(1) tiegħu,
Wara li kkunsidra l-proposta mir-Rappreżentant Għoli tal-Unjoni għall-Affarijiet Barranin u l-Politika ta' Sigurtà,
Billi:
(1) |
Fit-9 ta' Diċembru 2013, il-Kunsill adotta d-Deċiżjoni 2013/726/PESK (1). |
(2) |
Id-Deċiżjoni 2013/726/PESK tipprovdi għal perijodu ta' implimentazzjoni ta' 12-il xahar tal-proġett imsemmi fl-Artikolu 1(2) tagħha wara d-data tal-konklużjoni tal-ftehim ta' finanzjament imsemmi fl-Artikolu 3(3) tagħha. |
(3) |
Fis-6 ta' Novembru 2014, is-Segretarjat Tekniku tal-Organizzazzjoni għall-Projbizzjoni ta' Armamenti Kimiċi (OPCW, Organisation for the Prohibition of Chemical Weapons) talab l-awtorizzazzjoni tal-Unjoni biex jestendi l-perijodu ta' implimentazzjoni tad-Deċiżjoni 2013/726/PESK sat-30 ta' Settembru 2015 sabiex tkun tista' titkompla l-implimentazzjoni tal-proġett lil hinn mill-iskadenza msemmija fl-Artikolu 5(2) tagħha. |
(4) |
L-emenda mitluba tad-Deċiżjoni 2013/726/PESK tikkonċerna l-Artikolu 5(2) tagħha u l-ewwel paragrafu tat-Taqsima “Attivitajiet” fl-Anness fejn id-durata tal-implimentazzjoni tal-proġett għandha tiġi modifikata. |
(5) |
Il-kontinwazzjoni tal-proġett imsemmi fl-Artikolu 1(2) tad-Deċiżjoni 2013/726/PESK, kif ikkwotat b'mod speċifiku fit-talba li saret mill-OPCW fis-6 ta' Novembru 2014, setgħet issir mingħajr l-ebda implikazzjoni fuq ir-riżorsi. |
(6) |
Id-Deċiżjoni 2013/726/PESK għandha, għalhekk, tiġi emendata sabiex ikun jista' jiġi implimentat b'mod sħiħ il-proġett imsemmi fiha, billi tiġi estiża d-durata tal-implimentazzjoni kif meħtieġ, |
ADOTTA DIN ID-DEĊIŻJONI:
Artikolu 1
Id-Deċiżjoni 2013/726/PESK hija b'dan emendata kif ġej:
(1) |
l-Artikolu 5(2) jiġi sostitwit b'dan li ġej: “2. Hija għandha tiskadi fit-30 ta' Settembru 2015.” . |
(2) |
Fit-Taqsima “Attivitajiet” fl-Anness, l-ewwel paragrafu huwa sostitwit b'dan li ġej: “L-appoġġ lill-OPCW ser jiġi pprovdut permezz tal-provvista ta' massimu ta' 5 prodotti ta' immaġni bis-satellita taċ-Centru Satellitari tal-UE (ĊENSAT UE) kull ġimgħa għal perijodu totali li jibda mill-iffirmar tal-kuntratt sat-30 ta' Settembru 2015.” . |
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, il-15 ta' Diċembru 2014.
Għall-Kunsill
Il-President
F. MOGHERINI
(1) Id-Deċiżjoni tal-Kunsill 2013/726/PESK tad-9 ta' Diċembru 2013 b'appoġġ għal UNSCR 2118 (2013) u l-Kunsill Eżekuttiv tal-OPCW EC-M-33/Dec 1, fil-qafas tal-implimentazzjoni tal-Istrateġija tal-UE kontra l-Proliferazzjoni tal-Armi ta' Qerda Massiva (ĠU L 329, 10.12.2013, p. 41).