This document is an excerpt from the EUR-Lex website
Document 32010D0747
Council Decision 2010/747/CFSP of 2 December 2010 amending Joint Action 2005/797/CFSP and Council Decision 2009/955/CFSP on the European Union Police Mission for the Palestinian Territories
Deċiżjoni tal-Kunsill 2010/747/PESK tat- 2 ta’ Diċembru 2010 li temenda l-Azzjoni Konġunta 2005/797/PESK u d-Deċiżjoni tal-Kunsill 2009/955/PESK dwar il-Missjoni tal-Pulizija tal-Unjoni Ewropea għat-Territorji Palestinjani
Deċiżjoni tal-Kunsill 2010/747/PESK tat- 2 ta’ Diċembru 2010 li temenda l-Azzjoni Konġunta 2005/797/PESK u d-Deċiżjoni tal-Kunsill 2009/955/PESK dwar il-Missjoni tal-Pulizija tal-Unjoni Ewropea għat-Territorji Palestinjani
ĠU L 318, 4.12.2010, p. 44–44
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
No longer in force, Date of end of validity: 30/06/2014
4.12.2010 |
MT |
Il-Ġurnal Uffiċjali tal-Unjoni Ewropea |
L 318/44 |
DEĊIŻJONI TAL-KUNSILL 2010/747/PESK
tat-2 ta’ Diċembru 2010
li temenda l-Azzjoni Konġunta 2005/797/PESK u d-Deċiżjoni tal-Kunsill 2009/955/PESK dwar il-Missjoni tal-Pulizija tal-Unjoni Ewropea għat-Territorji Palestinjani
IL-KUNSILL TAL-UNJONI EWROPEA,
Wara li kkunsidra t-Trattat dwar l-Unjoni Ewropea, u b’mod partikolari l-Artikoli 28 u 43(2) tiegħu,
Billi:
(1) |
Fl-14 ta’ Novembru 2005, il-Kunsill adotta l-Azzjoni Konġunta 2005/797/PESK dwar il-Missjoni tal-Pulizija tal-Unjoni Ewropea għat-Territorji Palestinjani (1) (EUPOL COPPS) għal perijodu ta’ tliet snin. Il-fażi operattiva tal-EUPOL COPPS bdiet fl-1 ta’ Jannar 2006. L-Azzjoni Konġunta 2005/797/PESK ġiet estiża bl-Azzjoni Konġunta 2008/958/PESK (2) sal-31 ta’ Diċembru 2010. |
(2) |
Id-Deċiżjoni tal-Kunsill 2009/955/PESK (3) pprevediet għal ammont ta’ referenza finanzjarja maħsub biex ikopri n-nefqa relatata mal-EUPOL COPPS għall-perijodu mill-1 ta’ Jannar sal-31 ta’ Diċembru 2010. Dan l-ammont ta’ referenza finanzjarja għandu jiżdied biex ikopri l-ħtiġijiet operattivi tal-Missjoni. |
(3) |
L-Azzjoni Konġunta 2005/797/PESK u d-Deċiżjoni 2009/955/PESK għandhom jiġu emendati kif meħtieġ, |
ADOTTA DIN ID-DEĊIŻJONI:
Artikolu 1
L-Artikolu 14 tal-Azzjoni Konġunta 2005/797/PESK huwa sostitwit b’dan li ġej:.
“Artikolu 14
Arranġamenti finanzjarji
1. L-ammont ta’ referenza finanzjarja maħsub biex ikopri n-nefqa relatata mal-EUPOL COPPS għall-perijodu mill-1 ta’ Jannar sal-31 ta’ Diċembru 2010 għandu jkun ta’ EUR 6 870 000.
2. In-nefqa ffinanzjata mill-ammont imsemmi fil-paragrafu 1 għandha tiġi ġestita f’konformità mal-proċeduri u r-regoli applikabbli għall-baġit ġenerali tal-Unjoni Ewropea. Iċ-ċittadini ta’ Stati terzi li jipparteċipaw finanzjarjament fil-missjoni, ta’ partijiet ospitanti u, jekk meħtieġ għall-ħtiġijiet operattivi tal-missjoni, ta’ pajjiżi ġirien għandhom ikunu jistgħu jagħmlu offerti għall-kuntratti.
3. Il-Kap tal-Missjoni/Kummissarju tal-Pulizija għandu jirraporta bis-sħiħ lill-Kummissjoni, u jiġi sorveljat minnha dwar l-attivitajiet imwettqa fil-qafas tal-kuntratt tiegħu.
4. L-arranġamenti finanzjarji għandhom jirrispettaw il-ħtiġijiet operattivi tal-EUPOL COPPS, inklużi l-kompatibbiltà tat-tagħmir u l-interoperabbiltà tal-iskwadri tagħha.
5. In-nefqa għandha tkun eliġibbli sa mid-data tad-dħul fis-seħħ ta’ din l-Azzjoni Konġunta.”
Artikolu 2
L-Artikolu 2 tad-Direttiva 2009/955/PESK huwa b’dan imħassar.
Artikolu 3
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, id-2 ta’ Diċembru 2010.
Għall-Kunsill
Il-President
M. WATHELET
(1) ĠU L 300, 17.11.2005, p. 65.
(2) ĠU L 338, 17.12.2008, p. 75.
(3) ĠU L 330, 16.12.2009, p. 76.