This document is an excerpt from the EUR-Lex website
Document 22010D0636
2010/636/EU: Decision No 1/2010 of the EU-Croatia Stabilisation and Association Council of 25 May 2010 on the participation of Croatia as an observer in the European Union Agency for Fundamental Rights’ work and the respective modalities thereof
2010/636/UE: Deċiżjoni Nru 1/2010 tal-Kunsill ta’ Stabbilizzazzjoni u Assoċjazzjoni UE-Kroazja tal- 25 ta’ Mejju 2010 dwar il-parteċipazzjoni tal-Kroazja bħala osservatur fil-ħidma tal-Aġenzija tal-Unjoni Ewropea għad-Drittijiet Fundamentali u l-modalitajiet rispettivi tagħha
2010/636/UE: Deċiżjoni Nru 1/2010 tal-Kunsill ta’ Stabbilizzazzjoni u Assoċjazzjoni UE-Kroazja tal- 25 ta’ Mejju 2010 dwar il-parteċipazzjoni tal-Kroazja bħala osservatur fil-ħidma tal-Aġenzija tal-Unjoni Ewropea għad-Drittijiet Fundamentali u l-modalitajiet rispettivi tagħha
ĠU L 279, 23.10.2010, p. 68–70
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
In force
|
23.10.2010 |
MT |
Il-Ġurnal Uffiċjali tal-Unjoni Ewropea |
L 279/68 |
DEĊIŻJONI Nru 1/2010 TAL-KUNSILL TA’ STABBILIZZAZZJONI U ASSOĊJAZZJONI UE-KROAZJA
tal-25 ta’ Mejju 2010
dwar il-parteċipazzjoni tal-Kroazja bħala osservatur fil-ħidma tal-Aġenzija tal-Unjoni Ewropea għad-Drittijiet Fundamentali u l-modalitajiet rispettivi tagħha
(2010/636/UE)
IL-KUNSILL TA’ STABBILIZZAZZJONI U ASSOĊJAZZJONI UE-KROAZJA,
Wara li kkunsidra l-Ftehim ta’ Stabbilizzazzjoni u Assoċjazzjoni bejn il-Komunitajiet Ewropej u l-Istati Membri tagħhom, minn naħa waħda, u r-Repubblika tal-Kroazja, min-naħa l-oħra (1).
Wara li kkunsidra r-Regolament tal-Kunsill (KE) Nru 168/2007 tal-15 ta’ Frar 2007 li jistabbilixxi Aġenzija tal-Unjoni Ewropea għad-Drittijiet Fundamentali (2), u b’mod partikolari l-Artikolu 28(2) tiegħu,
Billi
|
(1) |
Il-Kunsill Ewropew tal-Lussumburgu ta’ Diċembru 1997 għamel il-parteċipazzjoni fl-aġenziji Komunitarji mezz kif tissaħħaħ l-istrateġija ta’ qabel l-adeżjoni. Il-konklużjonijiet tal-Kunsill Ewropew jipprovdu li “l-aġenziji Komunitarji li fihom il-pajjiżi applikanti jkunu jistgħu jipparteċipaw jiġu determinati każ b’każ”. |
|
(2) |
Il-Kroazja tikkondividi l-għanijiet u l-objettivi stabbiliti għall-Aġenzija tal-Unjoni Ewropea għad-Drittijiet Fundamentali u tappoġġa l-kamp ta’ applikazzjoni u d-deskrizzjoni tal-kompiti tal-Aġenzija kif stabbiliti fir-Regolament (KE) Nru 168/2007. |
|
(3) |
Huwa opportun li l-Kroazja tkun tista’ tipparteċipa bħala osservatur fil-ħidma tal-Aġenzija u li jiġu stabbiliti l-modalitajiet għal din il-parteċipazzjoni inklużi d-dispożizzjonijiet li jirrigwardaw il-parteċipazzjoni f’inizjattivi meħuda mill-Aġenzija, il-kontribuzzjoni finanzjarja u l-persunal. |
|
(4) |
Huwa opportun ukoll li l-Aġenzija tittratta kwistjonijiet ta’ drittijiet fundamentali fi ħdan il-kamp ta’ applikazzjoni stabbilit fir-Regolament (KE) Nru 168/2007 fil-Kroazja safejn huwa meħtieġ għall-allinjament gradwali tagħha mad-dritt Komunitarju. |
IDDEĊIEDA KIF ĠEJ:
Artikolu 1
Il-Kroazja, bħala pajjiż kandidat, għandha tipparteċipa bħala osservatur fl-Aġenzija tal-Unjoni Ewropea għad-Drittijiet Fundamentali, li ġiet stabbilita permezz tar-Regolament (KE) Nru 168/2007.
Artikolu 2
1. L-Aġenzija tista’ tittratta kwistjonijiet ta’ drittijiet fundamentali fi ħdan il-kamp ta’ applikazzjoni tal-Artikolu 3(1) tar-Regolament (KE) Nru 168/2007 fil-Kroazja safejn huwa meħtieġ għall-allinjament gradwali tagħha mad-dritt Komunitarju.
2. Għal dan l-għan l-Aġenzija għandha tkun tista’ twettaq fil-Kroazja l-kompiti stabbiliti fl-Artikoli 4 u 5 tar-Regolament (KE) Nru 168/2007.
Artikolu 3
Il-Kroazja għandha tikkontribwixxi finanzjarjament għall-attivitajiet tal-Aġenzija msemmija fl-Artikolu 4 tar-Regolament (KE) Nru 168/2007 f’konformità mad-dispożizzjonijiet stabbiliti fl-Anness għal din id-Deċiżjoni.
Artikolu 4
1. Il-Kroazja għandha tappunta persuni li jikkonformaw mal-kriterji stabbiliti fl-Artikolu 12(1) tar-Regolament (KE) Nru 168/2007 bħala osservatur u sostitut, rispettivament. Huma jistgħu jipparteċipaw fil-ħidma tal-Bord ta’ Tmexxija fuq bażi ugwali mal-membri u s-sostituti appuntati mill-Istati Membri, iżda mingħajr id-dritt tal-vot.
2. Il-Kroazja għandha tinnomina uffiċjal tal-gvern bħala Uffiċjal Nazzjonali ta’ Kuntatt, kif imsemmi fl-Artikolu 8(1) tar-Regolament (KE) Nru 168/2007.
3. Fi żmien erba’ xhur mid-dħul fis-seħħ ta’ din id-Deċiżjoni, il-Kroazja għandha tinforma lill-Kummissjoni bl-ismijiet, il-kwalifiki u d-dettalji ta’ kuntatt tal-persuni msemmija fil-paragrafi 1 u 2.
Artikolu 5
Id-data pprovduta lil jew li toħroġ mill-Aġenzija tista’ tiġi ppublikata u għandha tkun magħmula aċċessibbli għall-pubbliku, bil-kondizzjoni li l-informazzjoni kunfidenzjali tingħata l-istess grad ta’ protezzjoni fil-Kroazja hekk kif tingħata fi ħdan il-Komunità.
Artikolu 6
L-Aġenzija għandha tgawdi fil-Kroazja l-istess kapaċità legali bħal dik mogħtija lill-entitajiet legali taħt il-liġijiet tal-Kroazja.
Artikolu 7
Sabiex l-Aġenzija u l-persunal tagħha jkunu jistgħu jwettqu l-kompiti tagħhom, il-Kroazja għandha tagħtihom il-privileġġi u l-immunitajiet identiċi għal dawk fl-Artikoli 1 sa 4, 6, 7, 11 sa 14, 16, 18 u 19 tal-Protokoll (Nru 36) dwar il-Privileġġi u l-Immunitajiet tal-Komunitajiet Ewropej, mehmuż mat-Trattati li jistabbilixxu l-Komunità Ewropea u l-Komunità Ewropea dwar l-Enerġija Atomika.
Artikolu 8
B’deroga mill-Artikolu 12(2)(a) tal-Kundizzjonijiet tal-Impjieg tal-Ħaddiema l-Oħra tal-Komunitajiet Ewropej previst fir-Regolament tal-Kunsill (KEE, Euratom, KEFA) Nru 259/68 (3), iċ-ċittadini tal-Kroazja li jgawdu d-drittijiet kollha tagħhom ta’ ċittadini jistgħu jiġu impjegati b’kuntratt mid-Direttur tal-Aġenzija.
Artikolu 9
Kull waħda mill-Partijiet għandha tieħu kwalunkwe miżura ġenerali jew speċifika li hija meħtieġa sabiex ikunu ssodisfati l-obbligi tagħha taħt din id-Deċiżjoni u għandha tinnotifikahom lill-Kunsill ta’ Stabbilizzazzjoni u Assoċjazzjoni.
Artikolu 10
Din id-Deċiżjoni għandha tidħol fis-seħħ fl-ewwel jum tat-tieni xahar wara d-data tal-adozzjoni tagħha.
Magħmul fi Brussell, il-25 ta’ Mejju 2010.
Għall-Kunsill ta’ Stabbilizzazzjoni u Assoċjazzjoni UE-Kroazja
Il-President
G. JANDROKOVIĆ
ANNESS
KONTRIBUZZJONI FINANZJARJA TAL-KROAZJA GĦALL-AĠENZIJA TAL-UNJONI EWROPEA GĦAD-DRITTIJIET FUNDAMENTALI
|
1. |
Il-kontribuzzjoni finanzjarja li għandha titħallas mill-Kroazja lill-baġit ġenerali tal-Unjoni Ewropea sabiex tipparteċipa fl-Aġenzija tal-Unjoni Ewropea għad-Drittijiet Fundamentali (l-Aġenzja), kif stabbilit fil-punt 2, tirrappreżenta l-ispiża sħiħa tal-parteċipazzjoni tagħha fiha. |
|
2. |
Il-kontribuzzjoni finanzjarja li għandha titħallas mill-Kroazja lill-baġit ġenerali tal-Unjoni Ewropea għandha tkun kif ġej:
|
|
3. |
L-appoġġ finanzjarju possibbli mill-programmi ta’ għajnuna tal-Komunità għandu jkun miftiehem separatament skont il-programm rilevanti tal-Komunità. |
|
4. |
Il-kontribuzzjoni tal-Kroazja ser tiġi amministrata skont ir-Regolament tal-Kunsill (KE, Euratom) Nru 1605/2002 tal-25 ta’ Ġunju 2002 rigward ir-Regolament Finanazjarju applikabbli għall-baġit ġenerali tal-Komunitajiet Ewropej (1). |
|
5. |
L-ispejjeż tal-ivvjaġġar u ta’ sussistenza li jintefqu mir-rappreżentanti u l-esperti tal-Kroazja sabiex jieħdu sehem fl-Aġenzija jew f’laqgħat relatati mal-implimentazzjoni tal-programm ta’ ħidma tal-Aġenzija għandhom jiġu rimborsati mill-Aġenzija fuq l-istess bażi ta’ u skont il-proċeduri attwalment fis-seħħ għall-Istati Membri tal-Unjoni Ewropea. |
|
6. |
Wara d-dħul fis-seħħ ta’ din id-Deċiżjoni u fil-bidu ta’ kull sena sussegwenti, il-Kummissjoni għandha tibgħat lill-Kroazja talba għal fondi li tikkorrispondi għall-kontribuzzjoni tagħha lill-Aġenzija skont din id-Deċiżjoni. Għall-ewwel sena kalendarja tal-parteċipazzjoni tagħha, il-Kroazja ser tħallas kontribuzzjoni kkalkulata mid-data tal-parteċipazzjoni sal-aħħar tas-sena fuq bażi pro rata. Għas-snin ta’ wara, il-kontribuzzjoni tkun skont din id-Deċiżjoni. |
|
7. |
Din il-kontribuzzjoni għandha tkun espressa f’EUR u mħallsa f’kont bankarju tal-Kummissjoni f’EUR. |
|
8. |
Il-Kroazja ser tħallas il-kontribuzzjoni tagħha skont it-talba għal fondi għall-parti tagħha mhux aktar tard minn 30 jum wara li t-talba tintbagħat mill-Kummissjoni. |
|
9. |
Kull dewmien fil-ħlas tal-kontribuzzjoni għandu jġib miegħu ħlas ta’ imgħax mill-Kroazja fuq l-ammont li jkun fadal mid-data dovuta. Ir-rata tal-imgħax tikkorrispondi għar-rata applikata mill-Bank Ċentrali Ewropew, fid-data dovuta, għall-operazzjonijiet tiegħu f’EUR, biż-żieda ta’ 1,5 punti perċentwali. |