Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32009R0192

Regolament tal-Kummissjoni (KE) Nru 192/2009 tal- 11 ta' Marzu 2009 li jimplimenta r-Regolament (KE) Nru 177/2008 tal-Parlament Ewropew u tal-Kunsill li jistabbilixxi qafas komuni għar-reġistri kummerċjali għall-finijiet tal-istatistika fir-rigward tal-iskambju ta' dejta kunfidenzjali bejn il-Kummissjoni (Eurostat) u l-Istati Membri (Test b’relevanza għaż-ŻEE)

ĠU L 67, 12.3.2009, p. 14–21 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

⏵Dan id-dokument ġie ppubblikat f’edizzjoni(jiet) speċjali (HR)

Legal status of the document No longer in force, Date of end of validity: 31/12/2020; Imħassar b' 32020R1197

ELI: http://data.europa.eu/eli/reg/2009/192/oj

12.3.2009   

MT

Il-Ġurnal Uffiċjali tal-Unjoni Ewropea

L 67/14

REGOLAMENT TAL-KUMMISSJONI (KE) Nru 192/2009

tal-11 ta' Marzu 2009

li jimplimenta r-Regolament (KE) Nru 177/2008 tal-Parlament Ewropew u tal-Kunsill li jistabbilixxi qafas komuni għar-reġistri kummerċjali għall-finijiet tal-istatistika fir-rigward tal-iskambju ta' dejta kunfidenzjali bejn il-Kummissjoni (Eurostat) u l-Istati Membri

(Test b’relevanza għaż-ŻEE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat ir-Regolament (KE) Nru 177/2008 tal-Parlament Ewropew u tal-Kunsill tal-20 ta' Frar 2008 li jistabbilixxi qafas komuni għar-reġistri kummerċjali għall-finijiet tal-istatistika u li jħassar ir-Regolament tal-Kunsill (KEE) Nru 2186/93 (1), b'mod partikolari l-Artikolu 11(3) tiegħu,

Billi:

(1)

Ir-Regolament (KE) Nru 177/2008 jistabbilixxi qafas komuni ġdid għar-reġistri kummerċjali esklussivament għall-finijiet tal-istatistika sabiex jinżamm qafas armonizzat għall-iżvilupp ta' reġistri kummerċjali.

(2)

Skont l-Artikolu 11 tar-Regolament (KE) Nru 177/2008, hemm bżonn li jkunu stabbiliti l-format, il-miżuri ta' sigurtà u kunfidenzjalità, u l-proċedura għat-trażmissjoni tad-dejta dwar unitajiet individwali lill-Kummissjoni (Eurostat) u għat-trażmissjoni tad-dejta dwar gruppi ta' intrapriżi multi-nazzjonali lill-awtoritajiet nazzjonali kompetenti.

(3)

Il-miżuri stipulati f’dan ir-Regolament huma skont l-opinjoni tal-Kumitat tal-Programm Statistiku, stabbilit mid-Deċiżjoni tal-Kunsill 89/382/KEE, Euratom (2),

ADOTTAT DAN IR-REGOLAMENT:

Artikolu 1

Il-format

Il-Kummissjoni (Eurostat) u l-awtoritajiet nazzjonali kompetenti għandhom jittrażmettu d-dejta msemmija fl-Artikolu 11 tar-Regolament (KE) Nru 177/2008 fil-format speċifikat fl-Anness, Parti A, ta' dan ir-Regolament.

Il-Kummissjoni (Eurostat) u l-awtoritajiet nazzjonali kompetenti għandhom jipprovdu l-informazzjoni tal-metadata fil-format elettroniku ma' kull trażmissjoni tad-dejta skont l-istandards tas-Sistema ta' Statistika Ewropea u fil-format definit fil-verżjoni l-aktar riċenti tal-Manwal tar-Rakkomandazzjonijiet tal-Eurostat dwar ir-Reġistri Kummerċjali disponibbli mill-Kummissjoni (Euostat).

Artikolu 2

Il-miżuri ta' kunfidenzjalità

1.   Id-dejta trażmessa lill-Kummissjoni (Eurostat) mill-awtoritajiet nazzjonali kompetenti, jew li l-Kummissjoni (Eurostat) tirċievi minn sorsi oħra, għanda tinżamm f'reġistru Komunitarju ta' gruppi ta' intrapriżi multi-nazzjonali u l-unitajiet li jagħmlu parti minnhom (minn hawn 'l quddiem imsemmija “ir-reġistru EuroGruppi”).

2.   Meta jittrażmettu dejta lill-Kummissjoni (Eurostat) skont l-Artikolu 11(1) tar-Regolament (KE) Nru 177/2008, l-awtoritajiet nazzjonali kompetenti għandhom jimmarkaw id-dejta kunfidenzjali skont il-leġislazzjoni nazzjonali.

3.   Biex ikun żgurat rekord konsistenti tad-dejta, il-Kummissjoni (Eurostat) għandha, għall-finijiet uniċi ta' statistika, tittrażmetti lill-awtoritajiet nazzjonali kompetenti tal-Istati Membri, apparti lill-Istat Membru li qed jirrapporta, il-karatteristiċi speċifikati fil-Parti B tal-Anness, inklużi marki ta' kunfidenzjalità, dwar gruppi ta' intrapriżi multi-nazzjonali u l-unitajiet li jagħmlu parti minnhom, meta tal-anqas unità waħda mill-grupp tinsab fit-territorju ta' dak l-Istat Membru.

Artikolu 3

Il-miżuri ta' sigurtà

Il-Kummissjoni (Eurostat) u l-awtoritajiet nazzjonali kompetenti għandhom jaħżnu d-dejta li ġiet immarkata kunfidenzjali mill-awtoritajiet nazzjonali skont l-Artikolu 2(2) jew f'żona sikura b'aċċess ristrett u kkontrollat. L-awtoritajiet nazzjonali kompetenti għandhom, fuq rikjesta, jipprovdu informazzjoni lill-Kummissjoni (Eurostat) dwar il-miżuri ta' sigurtà applikati fl-Istat Membru kkonċernat. Il-Kummissjoni (Eurostat) għandha tikkomunika din l-informazzjoni lill-Istati Membri l-oħra. Il-Kummissjoni (Eurostat) għandha b'mod simili tipprovdi informazzjoni dwar il-miżuri ta' sigurtà tagħha lill-awtoritajiet nazzjonali.

It-trażmissjoni tad-dejta għandha ssir fil-format kodifikat u bl-użu tal-mezz ta' sigurtà użat mill-Kummissjoni (Eurostat) għall-iskambju ta' dejta kunfidenzjali.

Artikolu 4

Il-proċedura ta' trażmissjoni

1.   Id-dejta u l-metadata trażmessi skont ir-Regolament għandhom ikunu skambjati fil-format elettroniku bejn l-awtoritajiet nazzjonali kompetenti u l-Kummissjoni (Eurostat). It-trażmissjoni għandha tkun konformi mal-istandards xierqa ta' skambju speċifikati mill-Kummissjoni (Eurostat). Id-dejta għandha tkun trażmessa b'mezzi elettroniċi u ttrasferita lill-Kummissjoni (Eurostat) bl-użu tal-punt uniku ta' trażmissjoni għad-dejta.

2.   L-Istati Membri għandhom jimplimentaw l-istandards ta' skambju u linji-gwida fornuti mill-Kummissjoni (Eurostat) skont ir-rekwiżiti ta' dan ir-Regolament.

Artikolu 5

Id-dħul fis-seħħ

Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, 11 ta’ Marzu 2009.

Għall-Kummissjoni

Joaquín ALMUNIA

Membru tal-Kummissjoni

(1)  ĠU L 61, 5.3.2008, p. 6.

(2)  ĠU L 181, 28.6.1989, p. 47.

ANNESS

A.   L-ISTRUTTURA U L-FORMAT GĦAT-TRAŻMISSJONI

1.   Introduzzjoni

L-istandardizzazzjoni tal-istrutturi tar-rekords tad-dejta hija fundamentali għall-ipproċessar effiċjenti tad-dejta. Hija stadju meħtieġ biex tiġi pprovduta dejta li tkun konformi mal-istandards ta’ skambju speċifikati mill-Kummissjoni (Eurostat).

Id-dejta tintbagħat bħala sett ta' rekords (sett ta' dejta).

Dejta kunfidenzjali trid tintbagħat bil-valur veru mniżżel fis-sezzjoni tal-valur u sinjal li jindika li n-natura tad-dejta hi kunfidenzjali skont l-Artikolu 2(2).

Dejta monetarja trid tiġi espressa f'eluf ta' unitajiet tal-munita nazzjonali (Euro għall-pajjiżi fiż-żona tal-Euro). Il-pajjiżi li deħlin fiż-żona tal-Euro għandhom jirrappurtaw id-dejta monetarja f'Euro minflok fil-munita nazzjonali hekk kif mis-sena tal-adeżjoni.

2.   L-identifikatur tas-sett tad-dejta

Is-settijiet ta' dejta kollha li l-Kummissjoni (Eurostat) u l-awtoritajiet nazzjonali kompetenti jittrażmettu għandhom ikunu identifikati bl-applikazzjoni tal-konvenzjoni tal-għoti ta' ismijiet speċifikata fid-dokumentazzjoni dettaljata u l-linji-gwida dwar l-istandards ta' skambju li l-Kummissjoni (Eurostat) tagħmel disponibbli.

3.   Is-settijiet, l-istruttura u d-definizzjoni tas-sezzjonijiet tad-dejta

Din is-sezzjoni tagħti ħarsa lejn il-kontenut tas-settijiet tad-dejta li l-Kummissjoni (Eurostat) u l-awtoritajiet nazzjonali għandhom jittrażmettu. L-ismijiet tekniċi, l-istruttura, is-sezzjonijiet, il-kodiċi u l-karatteristiċi tad-dejta li għandhom ikunu użati għandhom ikunu inklużi fl-aktar verżjoni riċenti tal-Manwal tar-Rakommandazzjonijiet tal-Eurostat dwar ir-Reġistri Kummerċjali msemmi fl-Artikolu 7 tar-Regolament (KE) Nru 177/2008.

L-ipproċessar tad-dejta tar-reġistru tal-EuroGruppi huwa proċess ċikliku, li l-Kummissjoni (Eurostat) tibda b'mod ċentralizzat. Fl-aħħar ta' kull ċiklu, qafas tal-popolazzjoni għandu jkun disponibbli għal dawk li jiġbru l-istatistiċi fl-Istati Membri.

Fil-bidu ta' kull ċiklu l-Kummissjoni (Eurostat) tittrażmetti s-settijiet ta' dejta bil-metadata pereżempju l-klassifikazzjoni tan-NACE, lill-awtoritajiet tal-istatistika nazzjonali kompetenti (minn hawn 'l quddiem imsemmija bħala “NSAs”) biex tiżgura li l-istess metadata hija disponibbli u użata f'kull pajjiż.

3.1.   L-ewwel skambju ta' dejta

L-ewwel skambju ta' dejta se jsir wara l-bidu tal-ipproċessar ta' dejta ġdida dwar unitajiet legali mirċieva minn fornituri privati ta' dejta bażika tar-reġistru. Jekk ikun hemm aktar minn fornitur wieħed, id-dejta li tirreferi għall-istess unitajiet legali tkun aggregata. Il-Kummissjoni (Eurostat) tittrażmetti lill-NSAs is-settijiet ta' dejta li ġejjin bl-informazzjoni dwar riżultati tal-proċess ta' aggregazzjoni u informazzjoni dwar l-unitajiet legali. L-NSAs jittrażmettu lura l-istess settijiet ta' dejta b'informazzjoni korretta u kompluta inkluż marki li jindikaw il-kunfidenzjalità.

Sett ta' dejta bir-riżultat tal-proċess ta' aggregazzjoni

Kontenut

Numru tal-identità (1.1)

Isem (1.2a)

Numru tar-reġistrazzjoni tat-taxxa fuq il-valur miżjud (VAT) jew, fin-nuqqas ta' dan, numru ieħor ta’ identità amministrattiva (1.3)


Settijiet ta' dejta b'informazzjoni dwar l-unitajiet legali

Kontenut

Numru tal-identità (1.1)

Isem (1.2a)

Indirizz (inkluż il-kodiċi postali) fl-iżjed livell dettaljat (1.2b)

Fakoltattiv: Numri tat-telefon u tal-faks, indirizz elettroniku, u informazzjoni li tippermetti l-ġbir elettroniku ta' dejta (1.2c)

Numru tar-reġistrazzjoni tat-taxxa fuq il-valur miżjud (VAT) jew, fin-nuqqas ta' dan, numru ieħor ta’ identità amministrattiva (1.3)

Id-data ta' inkorporazzjoni għal persuni ġuridiċi jew id-data tar-rikonoxximent uffiċjali bħala operatur ekonomiku għal persuni fiżici (1.4)

Id-data li fiha l-unità legali ma baqgħetx tagħmel parti minn intrapriża (kif identifikat fi 3.3) (1.5)

Forma legali (1.6)

Referenza għar-reġistru ta' operaturi ġewwa l-Komunità, u għall-fajls tad-dwana jew għar-reġistru ta' operaturi barra l-Komunità (1.7a)

Fakoltattiv: Referenza għad-dejta tal-karta tal-bilanċi, u għall-bilanċi tal-pagamenti jew reġistru tal-investiment barrani dirett, u għar-reġistru tal-irziezet (1.7b)

Numru tal-identità tal-grupp ta’ intrapriżi maqtugħin (truncated) (4.1), li lilu tappartjeni l-unità (1.8)

3.2.   L-integrazzjoni tas-sorsi tad-dejta minn Stati Membri differenti

Il-pass li jmiss tal-ipproċessar tad-dejta huwa l-integrazzjoni tal-informazzjoni li ġejja minn Stati Membri differenti b'mod ċentrali fil-Kummissjoni (Eurostat). Din l-informazzjoni tirreferi għall-kontrol u s-siedja tal-unitajiet legali u għall-intrapriża tal-unità tal-istatistika, li hija definita mill-Istati Membri u tista' tikkonsisti minn unità legali waħda jew aktar. Il-Kummissjoni (Eurostat) għandha tittrażmetti r-riżultati ta' din l-integrazzjoni lill-NSAs, li jittrażmettu s-settijiet tad-dejta lura bl-informazzjoni korretta u kompluta inkluż l-immarkarbn ta' dejta kunfidenzjali.

Settijiet ta' dejta bl-informazzjoni dwar il-kontroll u s-siedja tal-unitajiet

Kontenut

Numri tal-identità tal-unitajiet legali residenti, li huma kkontrollati mill-unità legali (1.11a)

Numru tal-identità tal-unità legali residenti, li tikkontrolla l-unità legali (1.11b)

Pajjiżi tar-reġistrazzjoni tal-unitajiet legali mhux residenti, li huma kkontrollati mill-unità legali (1.12a)

Numri tal-identità jew ismijiet u indirizzi tal-unitajiet legali mhux residenti, li huma kkontrollati mill-unità legali (1.12a)

Kondizzjonali: Numri tal-VAT tal-unitajiet legali mhux residenti, li huma kkontrollati mill-unità legali (1.12b)

Pajjiż tar-reġistrazzjoni tal-unità legali mhux residenti, li tikkontrolla l-unità legali (1.13a)

Numru tal-identità jew isem u indirizz tal-unità legali mhux residenti, li tikkontrolla l-unità legali (1.13a)

Kondizzjonali: Numru tal-VAT tal-unità legali mhux residenti, li tikkontrolla l-unità legali (1.13b)

Kondizzjonali: Numru tal-identità, u ishma (%) tal-unitajiet legali residenti li huma propjetà tal-unità legali (1.14a)

Kondizzjonali: Numru tal-identità, u ishma (%) tal-unitajiet legali residenti, li jippossjedu l-unità legali (1.14b)

Kondizzjonali: Pajjiżi tar-reġistrazzjoni tal-unitajiet legali mhux residenti, li huma propjetà tal-unità legali (1.15)

Numri tal-identità jew ismijiet u indirizzi u ishma (%) tal-unitajiet legali mhux residenti li huma propjetà tal-unità legali (1.15)

Numri tal-VAT tal-unitajiet legali mhux residenti li huma propjetà tal-unità legali (1.15)

Kondizzjonali: Pajjiżi tar-reġistrazzjoni tal-unitajiet legali mhux residenti, li jippossjedu l-unità legali (1.16)

Numri tal-identità jew ismijiet u indirizzi u ishma (%) tal-unitajiet legali mhux residenti li jippossjedu l-unità legali (1.16)

Numri tal-VAT tal-unitajiet legali mhux residenti li jippossjedu l-unità legali (1.16)


Settijiet ta' dejta b'informazzjoni dwar l-intrapriżi

Kontenut

Numru tal-identità (3.1)

Isem (3.2a)

Fakoltattiv: Indirizzi postali, elettroniċi u ta' siti elettroniċi (3.2b)

Numru(i) tal-identità tal-unita(jiet) legali li minnha/hom hija magħmula l-intrapriża (3.3)

Data tal-bidu tal-attivitajiet (3.4)

Data tat-terminazzjoni finali tal-attivitajiet (3.5)

Kodiċi tal-attività ewlenija fil-livell tal-NACE b' 4 numri (3.6)

Kondizzjonali: Attivitajiet sekondarji, jekk ikun hemm, fil-livell tal-NACE b'4 numri (3.7)

Numru ta’ persuni impjegati (3.8)

Numru ta’ impjegati (3.9a)

Fakoltattiv: Numru ta’ impjegati f’ekwivalenti ta’ persuni full-time (3.9b)

Bejgħ (3.10a u Kondizzjonali. 3.10b)

Settur u sottosettur istituzzjonali skont is-Sistema Ewropea tal-Kontabilità (3.11)

Numru tal-identità tal-grupp ta’ intrapriżi maqtugħin (4.1), li lilu tappartjeni l-intrapriża (3.12)

3.3.   Il-ġabra ta' gruppi ta' intrapriżi globali u maqtugħin

L-istadju li jmiss huwa l-ġabra tal-gruppi ta' intrapriżi maqtugħin u l-gruppi ta' intrapriżi globali. Il-Kummissjoni (Eurostat) għandha tittrażmetti r-riżultati ta' din il-ġabra lill-NSAs, li jittrażmettu s-settijiet tad-dejta lura bl-informazzjoni korretta u kompluta inkluż l-immarkar ta' dejta kunfidenzjali.

Fl-aħħar taċ-ċiklu l-Kummissjoni (Eurostat) għandha tittrażmetti r-riżultati tal-kumpilazzjoni finali tal-gruppi tal-intrapriżi globali u maqtugħa lill-NSAs. Fil-każ tal-NSAs kollha apparti tal-pajjiż li qed jirrapporta, il-Kummissjoni (Eurostat) għandha tittrażmetti d-dejta għall-karatteristiċi elenkati fil-Parti B ta' dan l-Anness biss.

Settijiet ta' dejta b'informazzjoni dwar gruppi ta' intrapriżi globali

Kontenut

Numru tal-identità tal-grupp globali (4.11)

Isem il-grupp globali (4.12a)

Fakoltattiv: Pajjiż tar-reġistrazzjoni, indirizzi postali, elettroniċi u tas-sit elettroniku tal-uffiċċju ewlieni globali (4.12b)

Numru tal-identità tal-kap tal-grupp globali, jekk il-kap tal-grupp huwa residenti (4.13a)

Numru tal-identità tal-kap tal-grupp globali, jekk il-kap tal-grupp ma huwiex residenti (4.13a)

Fakoltattiv: Numru tal-identità, jew isem u indirizz, tal-kap tal-grupp globali, jekk ma huwiex residenti (4.13b)

Fakoltattiv: In-numru ta’ persuni impjegati globalment (4.14)

Fakoltattiv: Il-fatturat globali gross konsolidat (4.15)

Fakoltattiv: Pajjiż għad-deċiżjonjiet globali ċentralizzati (4.16)

Fakoltattiv: Pajjiżi fejn huma lokalizzati l-intrapriżi jew l-unitajiet lokali (4.17)


Settijiet ta' dejta b'informazzjoni dwar gruppi ta' intrapriżi maqtugħa (truncated)

Kontenut

Numru tal-identità tal-grupp maqtugħ (4.1)

Isem il-grupp maqtugħ (4.2a)

Fakoltattiv: Indirizzi postali, elettroniċi u tas-sit elettroniku tal-uffiċċju ewlieni maqtugħ (4.2b)

Kondizzjonali: Numru tal-identità tal-kap tal-grupp maqtugħ (4.3)

Tip ta' grupp ta' intrapriżi (4.4)

Data tal-bidu tal-grupp ta’ intrapriżi maqtugħin (4.5)

Data tat-tmiem tal-grupp ta’ intrapriżi maqtugħin (4.6)

Kodiċi tal-attività ewlenija tal-grupp maqtugħ f’livell tal-NACE b’2 numri (4.7)

Fakoltattiv: Kodiċi tal-attività sekondarja tal-grupp maqtugħ f’livell tal-NACE b’2 numri (4.8)

Numru ta’ persuni impjegati fil-grupp maqtugħ (4.9)

Fakoltattiv: Il-bejgħ gross konsolidat (4.10)

Data ta’ assoċjazzjoni mal-grupp maqtugħ (tal-unitajiet legali) (1.9)

Data ta’ separazzjoni mill-grupp maqtugħ (tal-unitajiet legali) (1.10)

B.   IL-KARATTERISTIĊI LI JRIDU JKUNU TRAŻMESSI SKONT L-ARTIKOLU 2(3)

Il-Kummissjoni (Eurostat) għandha, għall-fini uniċi ta' statistika, tittrażmetti lill-awtoritajiet nazzjonali kompetenti tal-Istati Membri, apparti lill-Istat Membru li qed jirrapporta, il-karatteristiċi li ġejjin, inklużi marki ta' kunfidenzjalità, dwar gruppi ta' intrapriżi multi-nazzjonali u l-unitajiet li jagħmlu parti minnhom, meta tal-anqas unità waħda mill-grupp tinsab fit-territorju ta' dak l-Istat Membru.

1.   

UNITÀ LEGALI

KARATTERISTIĊI TA' IDENTIFIKAZZJONI

1.1.

 

Numru tal-identità

1.2a.

 

Isem

1.2b.

 

Indirizz (inkluż l-kodiċi postali) fl-iżjed livell dettaljat

1.2c.

Fakoltattiv

Numri tat-telefon u l-fax, indirizz elettroniku, u informazzjoni li tippermetti l-ġbir elettroniku ta' dejta

1.3.

 

Numru tar-reġistrazzjoni tat-taxxa fuq il-valur miżjud (VAT) jew, fin-nuqqas ta' dan, numru ieħor ta' identità amministrattiva

KARATTERISTIĊI DEMOGRAFIĊI

1.4.

 

Id-data ta' inkorporazzjoni għal persuni ġuridiċi jew id-data tar-rikonoxximent uffiċjali bħala operatur ekonomiku għal persuni fiżiċi

1.5.

 

Id-data li fiha l-unità legali ma baqgħetx tagħmel parti minn intrapriża (kif identifikat fi 3.3)

KARATTERISTIĊI EKONOMIĊI/TA' STRATIFIKAZZJONI

1.6.

 

Forma legali

RABTIET MA' REĠISTRI OĦRAJN

1.7a.

 

Referenza għar-reġistru ta' operaturi ġewwa l-Komunità mwaqqaf skont ir-Regolament tal-Parlament Ewropew u l-Kunsill (KE) Nru 638/2004 (*), u Referenza għall-fajls tad-dwana jew għar-reġistru tal-operaturi barra l-Komunità

RABTA MAL-GRUPP TA' INTRAPRIŻI

1.8.

 

Numru ta' identità tal-grupp ta' intrapriżi maqtugħin (4.1), li lilu tappartjeni l-unità

1.9.

 

Data tal-assoċjazzjoni mal-grupp maqtugħ

1.10.

 

Data tas-separazzjoni minn mal-grupp maqtugħ

IL-KONTROLL TAL-UNITAJIET

1.11a.

 

Numru/i tal-identità tal-unità(jiet) legali residenti, li huma kkontrollati mill-unità legali

1.11b.

 

Numru tal-identità tal-unità legali residenti, li tikkontrolla l-unità legali

1.12a.

 

Pajjiż(i) tar-reġistrazzjoni, u numru/i tal-identità jew, isem(ismijiet), u indirizz(i) tal-unità(jiet) legali mhux residenti, li huma kkontrollati mill-unità legali

1.12b.

Kundizzjonali

Numru/i tal-VAT, tal-unità(jiet) legali mhux residenti, li huma kkontrollati mill-unità legali

1.13a.

 

Pajjiż tar-reġistrazzjoni, u numru tal-identità jew, isem u indirizz tal-unità legali mhux residenti, li tikkontrolla l-unità legali

1.13b.

Kundizzjonali

Numru tal-VAT tal-unità legali mhux residenti, li tikkontrolla l-unità legali

SIEDJA TAL-UNITAJIET

1.14a.

Kundizzjonali

(a)

Numru/i tal-identità, u

(b)

ishma (%) tal-unita(jiet) legali residenti li huma propjetà tal-unità legali

1.14b.

Kundizzjonali

(a)

Numru/i tal-identità, u

(b)

ishma (%) tal-unita(jiet) legali residenti li tippossiedi/jippossjedu l-unità legali

1.15.

Kundizzjonali

(a)

Pajjiż(i) tar-reġistrazzjoni, u

(b)

numru/i tal-identità jew, isem (ismijiet), indirizz(i) u numru/i tal-VAT, u

(c)

ishma (%) tal-unita(jiet) legali mhux residenti li huma propjetà tal-unità legali

1.16.

Kundizzjonali

(a)

Pajjiż(i) tar-reġistrazzjoni, u

(b)

numru/i tal-identità jew, isem (ismijiet), indirizz(i) u numru/i tal-VAT, u

(c)

ishma (%) tal-unita(jiet) legali mhux residenti li tippossiedi/jippossiedu l-unità legali
3.   

INTRAPRIŻA

KARATTERISTIĊI TA' IDENTIFIKAZZJONI

3.1.

 

Numru tal-identità

3.2a.

 

Isem

3.2b.

Fakoltattiv

Indirizzi postali, elettroniċi u tas-sit elettroniku

3.3.

 

Numru(i) tal-identità tal-unita(jiet) legali li minnha/hom hija magħmula l-intrapriża

KARATTERISTIĊI DEMOGRAFIĊI

3.4.

 

Id-data tal-bidu tal-attivitajiet

3.5.

 

Id-data tat-terminazzjoni finali tal-attivitajiet

KARATTERISTIĊI EKONOMIĊI/ TA' STRATIFIKAZZJONI

3.6.

 

Kodiċi tal-attività ewlenija f'livell tal-NACE b'4 numri

3.8.

 

In-numru ta' persuni impjegati

3.11.

 

Settur u sottosettur istituzzjonali skont is-Sistema Ewropea tal-Kontabilità

RABTA MAL-GRUPP TA' INTRAPRIŻI

3.12.

 

Numru tal-identità tal-grupp ta' intrapriżi maqtugħin (4.1), li lilu tappartjeni l-unità
4.   

GRUPP TA' INTRAPRIŻI

KARATTERISTIĊI TA' IDENTIFIKAZZJONI

4.1.

 

Numru tal-identità tal-grupp maqtugħ

4.2a.

 

Isem il-grupp maqtugħ

4.2b.

Fakoltattiv

Indirizzi postali, elettroniċi u tas-sit elettroniku tal-uffiċċju ewlieni maqtugħ

4.3.

Parzjalment kundizzjonali

Numru tal-identità tal-grupp ewlieni maqtugħ (ugwali għan-numru tal-identità tal-unità legali, li hija l-kap tal-grupp residenti).

Kundizzjonali jekk l-unità li tikkontrolla hija persuna fiżika, li mhijiex operatur ekonomiku, ir-reġistrazzjoni hija suġġetta għad-disponibilità ta' dan it-tagħrif fl-għejjun amministrattivi

4.4.

 

Tip ta' grupp ta' intrapriżi:

2.

grupp maqtugħ ikkontrollat domestikament;

3.

grupp maqtugħ ikkontrollat minn barra

KARATTERISTIĊI DEMOGRAFIĊI

4.5.

 

Data tal-bidu tal-grupp ta’ intrapriżi maqtugħin

4.6.

 

Data tat-tmiem tal-grupp ta’ intrapriżi maqtugħin

KARATTERISTIĊI EKONOMIĊI/TA' STRATIFIKAZZJONI

4.7.

 

Kodiċi tal-attività ewlenija tal-grupp maqtugħ f’livell tal-NACE b’2 numri

4.9.

 

Numru ta' persuni impjegati fil-grupp maqtugħ

KARATTERISTIĊI TA' IDENTIFIKAZZJONI

4.11.

 

Numru tal-identità tal-grupp globali

4.12a.

 

Isem il-grupp globali

4.12b.

Fakoltattiv

Pajjiż tar-reġistrazzjoni, indirizzi postali, elettroniċi u tas-sit elettroniku tal-uffiċċju ewlieni globali

4.13a.

 

Numru tal-identità tal-grupp ewlieni globali jekk il-grupp ewlieni huwa residenti (ugwali għan-numru tal-identità tal-unità legali, li hija l-kap tal-grupp)

Jekk il-grupp ewlieni globali mhuwiex residenti, il-pajjiż tiegħu tar-reġistrazzjoni

4.13b.

Fakoltattiv

In-numru tal-identità tal-grupp ewlieni globali jew l-isem u l-indirizz, jekk mhux residenti

KARATTERISTIĊI EKONOMIĊI/TA' STRATIFIKAZZJONI

4.14.

Fakoltattiv

In-numru ta' persuni impjegati globalment

4.16.

Fakoltattiv

Pajjiż għad-deċiżjonjiet globali ċentralizzati

4.17.

Fakoltattiv

Pajjiżi fejn huma lokalizzati l-intrapriżi jew l-unitajiet lokali

(*)  ĠU L 102, 7.4.2004, p. 1.

Top