EUR-Lex El acceso al Derecho de la Unión Europea
Este documento es un extracto de la web EUR-Lex
Documento 62017CN0687
Case C-687/17 P: Appeal brought on 7 December 2017 by Aanbestedingskalender BV, Negometrix BV, CTM Solution BV, Stillpoint Applications BV, Huisinga Beheer BV against the judgment of the General Court (Seventh Chamber) delivered on 28 September 2017 in Case T-138/15: Aanbestedingskalender BV and Others v European Commission
Kawża C-687/17 P: Appell ippreżentat fis-7 ta’ Diċembru 2017 minn Aanbestedingskalender BV, Negometrix BV, CTM Solution BV, Stillpoint Applications BV, Huisinga Beheer BV mis-sentenza mogħtija mill-Qorti Ġenerali (Is-Seba’Awla) fit-28 ta’ Settembru 2017 fil-Kawża T-138/15, Aanbestedingskalender BV et vs Il-Kummissjoni Ewropea
Kawża C-687/17 P: Appell ippreżentat fis-7 ta’ Diċembru 2017 minn Aanbestedingskalender BV, Negometrix BV, CTM Solution BV, Stillpoint Applications BV, Huisinga Beheer BV mis-sentenza mogħtija mill-Qorti Ġenerali (Is-Seba’Awla) fit-28 ta’ Settembru 2017 fil-Kawża T-138/15, Aanbestedingskalender BV et vs Il-Kummissjoni Ewropea
ĠU C 94, 12.3.2018, p. 7/7
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
12.3.2018 |
MT |
Il-Ġurnal Uffiċjali tal-Unjoni Ewropea |
C 94/7 |
Appell ippreżentat fis-7 ta’ Diċembru 2017 minn Aanbestedingskalender BV, Negometrix BV, CTM Solution BV, Stillpoint Applications BV, Huisinga Beheer BV mis-sentenza mogħtija mill-Qorti Ġenerali (Is-Seba’Awla) fit-28 ta’ Settembru 2017 fil-Kawża T-138/15, Aanbestedingskalender BV et vs Il-Kummissjoni Ewropea
(Kawża C-687/17 P)
(2018/C 094/08)
Lingwa tal-kawża: l-Ingliż
Partijiet
Appellanti: Aanbestedingskalender BV, Negometrix BV, CTM Solution BV, Stillpoint Applications BV, Huisinga Beheer BV (rappreżentant: C. T. Dekker, L. Fiorilli, advocaten)
Partijiet oħra fil-proċedura: Il-Kummissjoni Ewropea, Ir-Renju tal-Pajjiżi l-Baxxi, Ir-Repubblika Slovakka
Talbiet
L-appellanti jitlobu li l-Qorti tal-Ġustizzja jogħġobha:
— |
tannulla, fl-intier tagħha jew parzjalment, is-sentenza appellata sa fejn ċaħdet ir-rikors ippreżentat mill-appellanti fil-Kawża T-138/15 u, konsegwentement: |
— |
tannulla d-deċiżjoni kontenzjuża, fl-intier tagħha jew parzjalment; u/jew |
— |
alternattivament, tannulla fl-intier tagħha jew parzjalment is-sentenza appellata sa fejn ċaħdet ir-rikors ippreżentat mill-appellanti fil-Kawża T-138/15 u tibgħat il-kawża lura lill-Qorti Ġenerali sabiex tiddeċiedi dwar il-mertu fid-dawl tal-gwida li l-Qorti tal-Ġustizzja ser tipprovdilha; |
— |
tikkundanna lill-Kummissjoni tbati l-ispejjeż tal-ewwel istanza u tal-appell. |
Aggravji u argumenti prinċipali
L-appellanti jsostnu li l-Qorti Ġenerali wettqet żball ta’ liġi, evalwat il-fatti rilevanti b’mod żbaljat u naqset milli tagħti motivazzjoni xierqa u konsistenti billi qieset u ddeċidiet li l-motiv uniku tal-appellanti għandu jiġi miċħud u għalhekk ir-rikors miċħud fl-intier tiegħu peress li l-Kummissjoni kellha d-dritt tistabbilixxi li l-attivitajiet imwettqa minn TenderNed ma kinux ekonomiċi min-natura tagħhom u li l-miżura inkwistjoni f’din il-kawża ma kinitx tinvolvi għajnuna mill-Istat skont l-Artikolu 107(1) TFUE.
L-appellanti jsostnu li n-natura ekonomika jew mhux ekonomika tal-attivitajiet ta’ TenderNed, speċjalment il-modulu ta’ preżentazzjoni ta’ offerta tagħha, ma tistax titqies bħala aspetti ta’ attività unika u li l-modulu ta’ preżentazzjoni ta’ offerta ta’ TenderNet għandu jitqies bħala ekonomiku min-natura tiegħu u li huwa separat mill-awtoritajiet pubbliċi. L-appellanti jsostnu li l-Qorti Ġenerali naqset milli tikkonforma ruħha mal-ġurisprudenza tal-Qorti tal-Ġustizzja rigward it-test dwar jekk attività hijiex min-natura tagħha ekonomika jew mhux ekonomika.