EUR-Lex Access to European Union law
This document is an excerpt from the EUR-Lex website
Document 62016TN0748
Case T-748/16: Action brought on 22 October 2016 — QH v Parliament
Kawża T-748/16: Rikors ippreżentat fit-22 ta’ Ottubru 2016 – QH vs Il-Parlament
Kawża T-748/16: Rikors ippreżentat fit-22 ta’ Ottubru 2016 – QH vs Il-Parlament
ĠU C 22, 23.1.2017, p. 38–39
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
23.1.2017 |
MT |
Il-Ġurnal Uffiċjali tal-Unjoni Ewropea |
C 22/38 |
Rikors ippreżentat fit-22 ta’ Ottubru 2016 – QH vs Il-Parlament
(Kawża T-748/16)
(2017/C 022/53)
Lingwa tal-kawża: l-Ingliż
Partijiet
Rikorrent: QH (Woluwé Saint Pierre, il-Belġju) (rappreżentanti: N. Lhoëst u S. Michiels, avukati)
Konvenut: Il-Parlament Ewropew
Talbiet
— |
tannulla d-deċiżjoni tas-26 ta’ Jannar 2016 li tiċħad it-talba tar-rikorrent għal assistenza u, konsegwentement, tannulla d-deċiżjoni tat-12 ta’ Lulju 2016 li tiċħad l-ilment tiegħu, u tagħti lir-rikorrent kumpens għad-dannu li huwa allegatament ġarrab; |
— |
tikkundanna lill-konvenut għall-ispejjeż. |
Motivi u argumenti prinċipali
Insostenn tar-rikors tagħha, ir-rikorrent jinvoka ħames motivi.
1. |
L-ewwel motiv, ibbażat fuq kunflitt ta’ interessi, ksur tad-drittijiet tad-difiża, ksur tal-prinċipju ta’ kontradittorju, ksur tal-prinċipju ta’ opportunitajiet ugwali għall-partijiet u ksur tal-Artikoli 41(2) u 42 tal-Karta tad-Drittijiet Fundamentali tal-Unjoni Ewropea. |
2. |
It-tieni motiv, ibbażat fuq żball manifest ta’ evalwazzjoni fil-ħatra tal-investigatur, nuqqas ta’ indipendenza u ta’ imparzjalità tal-investigatur u ksur mill-investigatur tal-mandat tiegħu. |
3. |
It-tielet motiv, ibbażat fuq ksur tal-obbligu ta’ motivazzjoni ta’ deċiżjoni li tagħlaq investigazzjoni amministrattiva. |
4. |
Ir-raba’ motiv, ibbażat fuq ksur tad-dritt għal amministrazzjoni tajba u tad-dmir ta’ premura. |
5. |
Il-ħames motiv, ibbażat fuq żball manifest ta’ evalwazzjoni tal-motivi li jikkaratterizzaw il-fastidju psikoloġiku. |