4.12.2010   

MT

Il-Ġurnal Uffiċjali tal-Unjoni Ewropea

C 327/1

(1)

It-Trattat jipprevedi li l-azzjoni tal-UE għandu jkollha l-għan li tinkoraġġixxi l-iżvilupp tal-programmi ta’ skambju għaż-żgħażagħ u l-għalliema soċjoedukattivi (minn hawn ’il quddiem imsejjħin “ħaddiema fil-qasam taż-żgħażagħ u mexxejja taż-żgħażagħ”) u l-parteċipazzjoni taż-żgħażagħ fil-ħajja demokratika.

(2)

Il-Parlament Ewropew u l-Kunsill adottaw il-Programm Żgħażagħ fl-Azzjoni bid-Deċiżjoni Nru 1719/2006/KE (1). Dan il-programm, ta’ suċċess dejjem akbar fl-Istati Membri kollha, fih komponent importanti ddedikat għall-kontribut tal-iżvilupp tal-kwalità tas-sistemi ta’ appoġġ għall-attivitajiet fil-qasam taż-żgħażagħ u l-kapaċitajiet tal-organizzazzjonijiet tas-soċjetà ċivili fil-qasam taż-żgħażagħ.

(3)

Fid-29 ta’ Novembru 2009 l-Kunsill adotta Riżoluzzjoni dwar qafas imġedded għall-kooperazzjoni Ewropea fil-qasam taż-żgħażagħ (2010-2018). L-appoġġ għall-ħidma fil-qasam taż-żgħażagħ u l-iżvilupp tagħha huma setturi trasversali fi ħdan il-qafas.

(4)

Il-konklużjonijiet tal-Kunsill Ewropew tas-17 ta’ Ġunju 2010 fejn il-Kunsill Ewropew jistenna b'interess il-preżentazzjoni tal-inizjattivi ewlenin l-oħra qabel tmiem is-sena (2).

—

Kif deskritt fil-qafas imġedded għall-kooperazzjoni Ewropea fil-qasam taż-żgħażagħ (2010-2018) (minn hawn ’il quddiem “il-qafas imġedded”), l-objettivi fil-qasam taż-żgħażagħ huma:

—

Il-qafas imġedded jiddeskrivi tmien oqsma ta’ azzjoni (3) li fihom għandhom jittieħdu inizjattivi trasversali u fejn iż-żgħażagħ jistgħu jikkontribwixxu. Oqsma ta’ azzjoni importanti oħrajn f'dan ir-rigward huma d-drittijiet tal-bniedem u d-demokrazija, id-diversità kulturali u l-mobbiltà.

—

Il-Kunsill qabel li taħt dan il-qafas imġedded “il-ħidma fil-qasam taż-żgħażagħ” hija terminu wiesa' li jkopri ambitu wiesa' u dejjem akbar ta’ attivitajiet ta’ natura soċjali, kulturali, edukattiva jew politika, kemm miż-żgħażagħ kif ukoll magħhom u għalihom. Dawn l-attivitajiet qed jinkludu wkoll dejjem aktar l-isport u s-servizzi għaż-żgħażagħ.

—

Għandhom jiġu osservati għadd ta’ prinċipji gwida fil-politika u l-attivitajiet kollha li jikkonċernaw il-ħidma fil-qasam taż-żgħażagħ, jiġifieri l-importanza tal-promozzjoni tal-ugwaljanza bejn is-sessi u l-ġlieda kontra l-forom kollha ta’ diskriminazzjoni, ir-rispett għad-drittijiet u l-osservanza tal-prinċipji rikonoxxuti fost l-oħrajn fl-Artikoli 21 u 23 tal-Karta tad-Drittijiet Fundamentali tal-Unjoni Ewropea, b'kont meħud tad-differenzi possibbli fil-kondizzjonijiet tal-għajxien, il-ħtiġijiet, l-aspirazzjonijiet, l-interessi u l-attitudnijiet taż-żgħażagħ minħabba fatturi varji u r-rikonixximent taż-żgħażagħ kollha bħala riżors għas-soċjetà.

—

Il-ġlieda kontra l-faqar u l-esklużjoni soċjali hija wieħed mill-impenji ewlenin tal-Unjoni Ewropea u l-Istati Membri tagħha. L-esklużjoni soċjali tagħmel ħsara lill-benesseri taċ-ċittadini u xxekkel il-kapaċità tagħhom li jesprimu lilhom infushom u li jieħdu sehem fis-soċjetà. Il-ġlieda kontra l-faqar u l-esklużjoni soċjali għandha tkun il-mira kemm fl-Unjoni Ewropea kif ukoll esternament, skont l-Għanijiet ta’ Żvilupp tal-Millennju tan-NU.

—

Fl-Istati Membri kollha, għadd enormi ta’ tfal u żgħażagħ, ħaddiema fil-qasam taż-żgħażagħ u mexxejja taż-żgħażagħ li ġejjin minn sfondi differenti, jipparteċipaw f'firxa wiesgħa u varjata ta’ attivitajiet ta’ ħidma fil-qasam taż-żgħażagħ, jibbenefikaw minnhom jew huma attivi fihom. Dawn l-attivitajiet jistgħu jsiru f'bosta kuntesti, li jindirizzaw kwistjonijiet differenti li jaffettwaw lil ħajjithom u r-realtajiet li jgħixu fihom.

—

Il-ħidma fil-qasam taż-żgħażagħ isseħħ fil-qasam ekstrakurrikulari, kif ukoll permezz ta’ attivitajiet speċifiċi tal-ħin liberu, u hija bbażata fuq proċessi ta’ tagħlim mhux formali u informali fuq parteċipazzjoni volontarja. Dawn l-attivitajiet u l-proċessi huma awtoġestiti, koġestiti jew ġestiti taħt gwida edukattiva jew pedagoġika minn ħaddiema fil-qasam taż-żagħżagħ u mexxejja taż-żgħażagħ professjonali jew volontarji u jistgħu jiżviluppaw u jkunu soġġett għal bidliet ikkawżati minn dinamika differenti.

—

Il-ħidma fil-qasam taż-żgħażagħ hija organizzata u mwettqa b'modi differenti (minn organizzazzjonijiet immexxija miż-żgħażagħ, organizzazzjonijiet għaż-żgħażagħ, gruppi informali jew permezz ta’ servizzi fil-qasam taż-żgħażagħ u awtoritajiet pubbliċi) u tissawwar fil-livell lokali, reġjonali, nazzjonali u Ewropew, skont pereżempju l-konsiderazzjonijiet li ġejjin:

—

F'ħafna Stati Membri l-awtoritajiet lokali u reġjonali wkoll għandhom rwol ċentrali fl-appoġġ u l-iżvilupp tal-ħidma lokali u reġjonali fil-qasam taż-żgħażagħ.

—

Iż-żgħażagħ huma parti integrali minn soċjetà dejjem aktar kumplessa. Huma msawra minn varjetà ta’ influwenzi u ambjenti differenti, id-dar, l-iskola, il-post tax-xogħol, il-pari u l-midja. F'dan il-kuntest il-ħidma fil-qasam taż-żgħażagħ jista’ jkollha rwol importanti fl-iżvilupp taż-żgħażagħ.

—

Il-ħidma fil-qasam taż-żgħażagħ - li tikkomplementa l-ambitu tal-edukazzjoni formali - tista’ toffri benefiċċji konsiderevoli għat-tfal u ż-żgħażagħ billi tipprovdi firxa wiesgħa u varjata ta’ opportunitajiet ta’ tagħlim mhux formali u informali kif ukoll approċċi mmirati adatti.

—

Il-ħidma fil-qasam taż-żgħażagħ tistieden liż-żgħażagħ biex jieħdu responsabbiltà għall-azzjonijiet tagħhom u jwieġbu għalihom bl-għoti ta’ rwol effettiv fl-iżvilupp u l-implimentazzjoni tagħha. Il-ħidma fil-qasam taż-żgħażagħ tista’ tipprovdi ambjent komdu, sigur, nebbieħi u pjaċevoli, li fih it-tfal u ż-żgħażagħ, jew bħala individwi jew bħala parti minn grupp, jistgħu jesprimu ruħhom, jitgħallmu minn xulxin, jiltaqgħu ma’ xulxin, jilagħbu, jesploraw u jesperimentaw.

—

Barra minn hekk, il-ħidma fil-qasam taż-żgħażagħ għandha tipprovdi l-opportunità għaż-żgħażagħ biex jiżviluppaw firxa wiesgħa ta’ ħiliet personali u professjonali differenti, ħielsa mill-istereotipi, kif ukoll kompetenzi prinċipali li jistgħu jikkontribwixxu għas-soċjetà moderna. Għaldaqstant, din jista’ jkollha rwol importanti fl-iżvilupp tal-awtonomija, ir-responsabbilizzazzjoni u l-ispirtu intraprenitorjali taż-żgħażagħ.

—

Hi u titrasmetti valuri universali rigward id-drittijiet tal-bniedem, id-demokrazija, il-paċi, l-antirazziżmu, id-diversità kulturali, is-solidarjetà, l-ugwaljanza u l-iżvilupp sostenibbli, il-ħidma fil-qasam taż-żgħażagħ jista’ jkollha wkoll valur soċjali miżjud minħabba li hi tista’:

—

Il-ħidma fil-qasam taż-żgħażagħ għalhekk għandha rwoli differenti fis-soċjetà u tista’ tikkontribwixxi għall-oqsma ta’ politika relatati maż-żgħażagħ, bħat-tagħlim tul il-ħajja, l-inklużjoni soċjali u l-impjiegi.

—

Il-ħidma fil-qasam taż-żgħażagħ, sew jekk titwettaq minn voluntiera jew jekk minn professjonisti, għandha potenzjal soċjoekonomiku konsiderevoli - minħabba li tista’ tipproduċi attività ekonomika, tipprovdi infrastruttura, toħloq benefiċċji ekonomiċi u żżid l-impjiegi (taż-żgħażagħ). Is-suq tax-xogħol jista’ jibbenefika mill-ħiliet u l-kompetenzi personali u professjonali miksuba permezz tal-ħidma fil-qasam taż-żgħażagħ kemm mill-parteċipanti kif ukoll mill-ħaddiema fil-qasam taż-żgħażagħ/mexxejja taż-żgħażagħ. Jeħtieġ li tali ħiliet u kompetenzi jkunu suffiċjentement valorizzati u effettivament rikonoxxuti.

—

Il-Programm Żgħażagħ fl-Azzjoni jipprovdi kontribut importanti għall-kwalità tal-ħidma fil-qasam taż-żgħażagħ fil-livelli kollha, kif ukoll l-iżvilupp ta’ kompetenzi fost il-ħaddiema fil-qasam taż-żgħażagħ u mexxejja taż-żgħażagħ u r-rikonoxximent ta’ tagħlim mhux formali fil-ħidma fil-qasam taż-żgħażagħ, billi jipprovdi esperjenzi ta’ mobbiltà ta’ tagħlim u netwerking għall-ħaddiema fil-qasam taż-żgħażagħ u mexxejja taż-żgħażagħ.

—

Iż-żgħażagħ, l-organizzazzjonijiet fil-qasam taż-żgħażagħ, il-ħaddiema fil-qasam taż-żgħażagħ u l-mexxejja taż-żgħażagħ, ir-riċerkaturi fil-qasam taż-żgħażagħ, dawk li jfasslu l-politika u l-esperti fil-qasam taż-żgħażagħ għandhom ikunu involuti fl-iżvilupp, l-implimentazzjoni u l-evalwazzjoni ta’ inizjattivi speċifiċi ta’ ħidma fil-qasam taż-żgħażagħ fil-livelli kollha.

—

Ir-rwoli u r-responsabbiltajiet tal-atturi kollha involuti fl-oqsma ta’ kompetenzi rispettivi tagħhom, għandhom jiġu rrispettati.

—

Għarfien u intendiment aħjar tal-ħidma fil-qasam taż-żgħażagħ li għandha tinġabar u tiġi kondiviża.

—

L-istrumenti msemmija fil-qafas imġedded għandhom jintużaw bis-sħiħ biex tiġi integrata l-perspettiva tal-ħidma fil-qasam taż-żgħażagħ.

—

Il-ħidma fil-qasam taż-żgħażagħ għandha tagħti attenzjoni partikolari għall-involviment tat-tfal u ż-żgħażagħ foqra jew f'riskju ta’ esklużjoni soċjali.

—

Jippromwovu tipi differenti ta’ appoġġ sostenibbli għall-ħidma fil-qasam taż-żgħażagħ. eż. finanzjament, riżorsi jew infrastruttura suffiċjenti. Dan jimplika wkoll it-tneħħija ta’ ostakoli biex wieħed jinpenja lilu nnifsu fil-ħidma fil-qasam taż-żgħażagħ u fejn adatt il-ħolqien ta’ strateġiji dwar il-ħidma fil-qasam taż-żgħażagħ.

—

Jappoġġaw u jiżviluppaw ir-rwol tal-ħidma fil-qasam taż-żgħażagħ u jiżviluppawh fl-implimentazzjoni ta’ qafas imġedded, speċjalment il-kontribut tal-ħidma fil-qasam taż-żgħażagħ għall-objettivi f'oqsma ta’ azzjoni differenti.

—

Jinvolvu, fejn adatt, lill-awtoritajiet u l-atturi lokali u reġjonali biex ikollhom rwol importanti fl-iżvilupp, l-appoġġ u l-implimentazzjoni tal-ħidma fil-qasam taż-żgħażagħ.

—

Tiżviluppa studju biex tidentifika d-diversità, il-kopertura u l-impatt tal-ħidma fil-qasam taż-żgħażagħ fl-UE u biex ikun hemm segwitu tal-ħidma fil-qasam taż-żgħażagħ fir-Rapport tal-UE dwar iż-żgħażagħ.

—

Tappoġġa lill-NGO Ewropea taż-żgħażagħ kif ukoll inizjattivi iżgħar sabiex tistimola soċjetà ċivili Ewropea b'saħħitha u tippromwovi l-parteċipazzjoni taż-żgħażagħ fil-ħajja demokratika.

—

Ittejjeb il-kwalità tal-ħidma fil-qasam taż-żgħażagħ, il-bini ta’ kapaċità u l-iżvilupp ta’ kompetenzi tal-ħaddiema fil-qasam taż-żgħażagħ u l-mexxejja taż-żgħażagħ u r-rikonoxximent ta’ tagħlim mhux formali fil-ħidma fil-qasam taż-żgħażagħ, billi tipprovdi esperjenzi ta’ mobbiltà ta’ tagħlim għall-ħaddiema fil-qasam taż-żgħażagħ u mexxejja taż-żgħażagħ.

—

Tiżviluppa u tappoġġa l-iżvilupp ta’ għodod Ewropej faċli għall-utent (eż. Youthpass) kemm għall-valutazzjoni indipendenti u kemm għall-awtovalutazzjoni, kif ukoll strumenti għad-dokumentazzjoni tal-kompetenzi tal-ħaddiema fil-qasam taż-żgħażagħ u mexxejja taż-żgħażagħ li jgħinu fir-rikonoxximent u l-evalwazzjoni tal-kwalità tal-ħidma fil-qasam taż-żgħażagħ fl-Ewropa.

—

Tipprovdi pjattaformi Ewropej adatti u suffiċjenti bħal bażijiet ta’ data, attivitajiet ta’ tagħlim fost il-pari, u konferenzi għall-iskambju kontinwu dwar riċerka, politiki, approċċi, prattiki u metodi innovattivi.

—

Joħolqu kondizzjonijiet aħjar u aktar opportunitajiet għall-iżvilupp, l-appoġġ u l-implimentazzjoni tal-ħidma fil-qasam taż-żgħażagħ fil-livell lokali, dak reġjonali, dak nazzjonali u dak Ewropew.

—

Jirrikonoxxu bis-sħiħ, iqajmu kuxjenza dwar, u jirrinfurzaw ir-rwol tal-ħidma fil-qasam taż-żgħażagħ fis-soċjetà.

—

Jippermettu li l-ħidma fil-qasam taż-żgħażagħ tiżviluppa aktar b'mod kwalitattiv.

—

Jappoġġaw l-iżvilupp ta’ strateġiji ġodda jew isaħħu dawk eżistenti għall-bini ta’ kapaċità tal-ħaddiema fil-qasam taż-żgħażagħ u mexxejja taż-żgħażagħ u biex jappoġġaw lis-soċjetà ċivili fl-implimentazzjoni ta’ għamliet adatti ta’ taħriġ għall-ħaddiema fil-qasam taż-żgħażagħ u mexxejja taż-żgħażagħ.

—

Jidentifikaw forom differenti ta’ ħidma fil-qasam taż-żgħażagħ, kompetenzi u metodi li l-ħaddiema fil-qasam taż-żgħażagħ u l-mexxejja taż-żgħażagħ jikkondividu, sabiex jiġu żviluppati starteġiji għat-tisħiħ tal-kwalità u r-rikonoxximent tal-ħidma fil-qasam taż-żgħażagħ.

—

Jippromwovu l-impjegabbiltà tal-ħaddiema fil-qasam taż-żgħażagħ u l-mexxejja taż-żgħażagħ u l-mobbiltà tagħhom permezz ta’ għarfien aħjar tal-kwalifiki tagħhom u r-rikonoxximent tal-ħiliet miksuba mill-esperjenzi tagħhom.

—

Jippromwovu u jappoġġaw ir-riċerka fil-ħidma fil-qasam taż-żgħażagħ u l-politika dwar iż-żgħażagħ, inklużi d-dimensjoni storika tagħha u r-rilevanza tagħha għall-politika dwar il-ħidma fil-qasam taż-żgħażagħ illum.

—

Jagħmlu disponibbli u aċċessibbli informazzjoni biżżejjed dwar il-ħidma fil-qasam taż-żgħażagħ permezz ta’ mekkaniżmi bħal pereżempju kampanji Ewropej u nazzjonali dwar il-ħidma fil-qasam taż-żgħażagħ, u biex isaħħu s-sinerġiji u l-komplementarjetà bejn l-inizjattivi tal-Unjoni Ewropea, il-Kunsill tal-Ewropa u atturi oħrajn fil-livell lokali, reġjonali, nazzjonali u Ewropew.

—

Jippromwovu opportunitajiet għall-iskambju, il-kooperazzjoni u n-netwerking tal-ħaddiema fil-qasam taż-żgħażagħ u l-mexxejja taż-żgħażagħ, ta’ dawk li jfasslu l-politika u tar-riċerkaturi fil-livell lokali, reġjonali, nazzjonali, Ewropew u internazzjonali.

—

Fil-kuntest tal-ħidma fil-qasam taż-żgħażagħ, jippromwovu, fejn adatt, l-iżvilupp ta’ valutazzjoni sistematika ta’ ħiliet u kompetenzi meħtieġa għal kwalunkwe forma ta’ taħriġ bl-għan li jinkiseb l-għarfien u jiġu aġġornati l-ħiliet.

—

Iżżid l-aċċessibbiltà tal-ħidma fil-qasam taż-żgħażagħ għat-tfal u ż-żgħażagħ kollha, speċjalment għal dawk b'inqas opportunitajiet.

—

Tippromwovi għamliet differenti ta’ taħriġ għall-ħaddiema fil-qasam taż-żgħażagħ u għall-mexxejja taż-żgħażagħ attivi fis-soċjetà ċivili fil-qasam taż-żgħażagħ sabiex tinkoraġġixxi l-kwalità tal-ħidma fil-qasam taż-żgħażagħ.

—

Tevalwa l-approċċi, il-prattiki u l-metodi eżistenti dwar il-ħidma fil-qasam taż-żgħażagħ u biex tkompli tinvesti fl-iżvilupp innovattiv tagħhom permezz ta’ inizjattivi u attivitajiet ġodda abbażi tal-esperjenzi tal-ħajja reali tat-tfal, iż-żgħażagħ u l-ħaddiema fil-qasam taż-żgħażagħ u l-mexxejja taż-żgħażagħ.

—

Tagħmel skambji ta’ informazzjoni u prattiki tajba, tikkoopera u toħloq kuntatti fil-livell lokali, reġjonali, nazzjonali u Ewropew.

—

li jiġi rikonoxxut ir-rwol kruċjali tal-ħidma fil-qasam taż-żgħażagħ bħala fornitur tal-opportunitajiet ta’ tagħlim mhux formali għaż-żgħażagħ kollha;

—

li jiġi żgurat li l-ħidma fil-qasam taż-żgħażagħ tkun inkorporata bis-sħiħ fl-inizjattiva Żgħażagħ f'Moviment kif ukoll fi programmi/linji ta’ politika oħrajn li jarmaw liż-żgħażagħ, b'mod partikolari dawk b'anqas opportunitajiet, bil-ħiliet rilevanti u l-kompetenzi ewlenin meħtieġa għas-soċjetà u l-ekonomija tal-2020 u lil hinn.