This document is an excerpt from the EUR-Lex website
Document 31999D0352
1999/352/EC, ECSC, Euratom: Commission Decision of 28 April 1999 establishing the European Anti-fraud Office (OLAF) (notified under document number SEC(1999) 802)
Id-Deċiżjoni tal-Kummissjoni tat-28 ta' April 1999 li Twaqqaf l-Uffiċċju Ewropew Kontra l-Frodi (OLAF) (notifikata fid-dokument numru SEC(1999) 802)
Id-Deċiżjoni tal-Kummissjoni tat-28 ta' April 1999 li Twaqqaf l-Uffiċċju Ewropew Kontra l-Frodi (OLAF) (notifikata fid-dokument numru SEC(1999) 802)
ĠU L 136, 31.5.1999, p. 20–22
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO, HR)
In force: This act has been changed. Current consolidated version: 01/01/2016
Relation | Act | Comment | Subdivision concerned | From | To |
---|---|---|---|---|---|
Modified by | 32013D0478 | Emenda | artikolu 7 | 01/10/2013 | |
Modified by | 32013D0478 | Sostituzzjoni | artikolu 6.1 | 01/10/2013 | |
Modified by | 32013D0478 | Tlestija | artikolu 2.2 | 01/10/2013 | |
Modified by | 32013D0478 | Sostituzzjoni | artikolu 4 | 01/10/2013 | |
Modified by | 32013D0478 | Sostituzzjoni | artikolu 2.4 | 01/10/2013 | |
Modified by | 32013D0478 | Sostituzzjoni | artikolu 6.4 | 01/10/2013 | |
Modified by | 32013D0478 | abolizzjoni | artikolu 1 sentenza 2 | 01/10/2013 | |
Modified by | 32013D0478 | Emenda | artikolu 2.1 | 01/10/2013 | |
Modified by | 32013D0478 | Sostituzzjoni | artikolu 6.2 | 01/10/2013 | |
Modified by | 32013D0478 | Emenda | artikolu 3 | 01/10/2013 | |
Modified by | 32013D0478 | Sostituzzjoni | artikolu 5 | 01/10/2013 | |
Modified by | 32013D0478 | Sostituzzjoni | artikolu 6.3 | 01/10/2013 | |
Modified by | 32013D0478 | Tlestija | artikolu 2.3 | 01/10/2013 | |
Modified by | 32015D0512 | abolizzjoni | artikolu 2.2 sentenza 2 | 27/03/2015 | |
Modified by | 32015D0512 | Sostituzzjoni | artikolu 2.4 | 27/03/2015 | |
Modified by | 32015D2418 | Sostituzzjoni | artikolu 6 paragrafu 3 | 20/12/2015 |
Official Journal L 136 , 31/05/1999 P. 0020 - 0022
Id-Deċiżjoni tal-Kummissjoni tat-28 ta' April 1999 li Twaqqaf l-Uffiċċju Ewropew Kontra l-Frodi (OLAF) (notifikata fid-dokument numru SEC(1999) 802) (1999/352/KE, KEFA, Euratom) IL-KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jistabbilixxi l-Komunità Ewropea, u partikolarment l-Artikolu 162 tagħha, Wara li kkunsidrat it-Trattat li jistabbilixxi l-Komunità Ewropea tal-Faħam u l-Azzar, u b'mod partikolari l-Artikolu 16 tiegħu, Wara li kkunsidrat it-Trattat li jistabbilixxi l-Komunità Ewropea dwar l-Enerġija Atomika, u b'mod partikolari l-Artikolu 131 tiegħu, (1) Billi l-Istituzzjonijiet u l-Istati Membri jagħtu l-importanza kbira lill-protezzjoni ta' l-interessi finanzjarji tal-Komunitajiet u għall-ġlieda kontra l-frodi u kull attività illegali oħra li tagħmel ħsara lill-interessi finanzjarji tal-Komunitajiet; billi l-importanza ta' l-azzjoni għal dak il-għan huwa ikkonfermat bl-Artikolu 209a tat-Trattat KE, l-Artikolu 78i tat-Trattat ECSC, l-Artikolu 183a tat-Trattat Euratom kif ukoll bl-Artikolu 280 tat-Trattat KE fformulat mit-Trattat ta' Amsterdam; (2) Billi għandhom jintużaw il-mezzi kollha disponibbli sabiex jinkiseb dan l-oġġettiv bis-sħiħ, notevolment fit-termini ta' funzjonijiet ta' investigazzjoni trasferiti għal-livell tal-Komunità, sakemm l-allokazzjoni u l-bilanċ kurrenti kif jinsabu bejn il-livelli nazzjonali u tal-Komunità għandhom jinżammu; (3) Billi x-xogħol li għandu jsir biex isiru l-investigazzjonijiet amministrattivi għall-għan li jkunu protetti l-interessi finanzjarji tal-Komunitajiet s'issa ingħata lit-Task Force għall-Kordinament tal-Prevenzjoni tal-Frodi, li ħadu post l-Unità għall-Kordinament tal-Prevenzjoni tal-Frodi (OLAF); (4) Billi l-ħtieġa li tiżdied l-effettività tal-ġlieda kontra l-frodi u l-attivitajiet illegali l-oħra li jagħmlu ħsara lill-interessi finanzjarji tal-Komunitajiet teħtieġ it-twaqqif ta' l-Uffiċċju Ewropew Kontra l-Frodi (OLAF), minn hawn 'il quddiem imsejjaħ "l-Uffiċċju" li għandu jeżerċita l-poteri investigattivi tiegħu f'indipendenza sħiħa; (5) Billi l-indipendenza tad-Direttur ta' l-Uffiċċju u r-rwol tal-Kumitat tas-Sorveljanza li titqajjem minn din id-Deċiżjoni, u mir-Regolamenti tal-KE u tal-Euratom li jikkonċernaw l-investigazzjonijiet li jagħmel l-Uffiċċju, ifittxu li jiggarantixxu l-kondotta tajba ta' l-investigazzjonijiet ta' l-Uffiċċju mingħajr ma' jindaħal max-xogħolijiet l-oħra tiegħu, bħalma huma dawk li huma l-prerogattiva tal-Kummissjoni, b'mod partikolari f'affarijiet ta' leġislazzjoni; (6) Billi r-responsabbilità ta' l-Uffiċċju għandha tinvolvi, apparti mill-protezzjoni ta' l-interessi finanzjarji, l-attivitajiet kollha magħquda mal-protezzjoni ta' l-interessi tal-komunità minn atti irregolari li x'aktarx iwasslu għall-proċeduri amministrattivi jew penali; (7) Billi d-definizzjoni tal-funzjonijiet ta' l-Uffiċċju għandhom jinkludu x-xogħolijiet li saru s'issa mill-Grupp tal-Ħidma għall-kordinament ta' Prevenzjoni tal-Frodi, b'mod partikolari dawk ix-xogħolijiet li jikkonċernaw il-preparament tad-dispożizzjonijiet leġiżlattivi u regolatorji fl-oqsma ta' l-attività ta' dan l-Uffiċċju, li jinkludu l-interessi li jinsabu fit-Titolu VI tat-Trattat dwar l-Unjoni Ewropea, IDDEĊIDIET DAN LI ĠEJ: Artikolu 1 Twaqqif ta' l-Uffiċċju Permezz tal-preżenti, qiegħed jitwaqqaf Uffiċċju Ewropew Kontra l-Frodi (UEKF), minn hawn 'il quddiem imsejjaħ l-"Uffiċċju". L-Uffiċċju għandu jieħu post il-Grupp ta' Ħidma għall-Kordinament tal-Prevenzjoni tal-Fordi u jieħu xogħolijiet kbar. Artikolu 2 Xogħolijiet ta' l-Uffiċċju 1. L-Uffiċċju għandu jeżerċita l-poteri tal-Kummissjoni biex jagħmel investigazzjonijiet amministrattivi esterni bil-għan li tissaħħaħ il-ġlieda kontra l-frodi, il-korruzzjoni u kull attività illegali oħra li tolqot ħażin lill-interessi finanjarji tal-Komunità, kif ukoll kull att ta' operaturi bil-ksur tad-dispożizzjonijiet tal-Komunità. L-Uffiċċju għandu jkun responsabbili li jeżegwixxi l-investigazzjonijiet amministrattivi interni maħsuba: (a) sabiex jiġġieled il-frodi, il-korruzzjoni u kull attività illegali oħra li taffettwa l-interessi finanzjarji tal-Komunità b'mod ħażin, (b) sabiex jinvestiga fatti serji relatati ma' l-andament ta' l-attivitajiet professjonali li jistgħu jikkostitwixxu ksur ta' obbligi minn uffiċċjali u impjegati li x'aktarx iwasslu għall-proċeduri dixxiplinarji u, f'każijiet xierqa, proċeduri kriminali jew ksur analogu ta' l-obbligi mill-Membri ta' l-istituzzjonijiet u korpi, kapijiet tal-korpi jew membri tal-persunal ta' l-istituzzjonijiet u l-korpi mhux suġġetti għar-Regolamenti ta' l-Istaff ta' Uffiċċjali tal-Komunitajiet Ewropej u l-Kondizzjonijiet ta' l-Impieg ta' l-Impjegati l-Oħra tal-Komunitajiet. L-uffiċju għandu jeżerċita l-poteri tal-Kummsisjoni kif inhuma definiti fid-dispożizzjonijiet imwaqqfa fil-qafas tat-Trattati, u suġġetti għal-limiti u l-kondizzjonijiet stabbiliti fihom. L-uffiċċju jista' jkun fdat b'investigazzjonijiet f'oqsma oħra mill-Kummissjoni jew minn istituzzjonijiet jew korpi oħrajn. 2. L-Uffiċċju għandu jkun responsabbli biex jipprovdi l-appoġġ tal-Kummissjoni fil-koperazzjoni ma' l-Istati Membri fil-qasam tal-ġlieda kontra l-frodi. 3. L-Uffiċċju għandu jkun responsabbili għall-attività li jiżviluppa kunċett għall-ġlieda kontra l-frodi kif hemm imsemmi fil-paragrafu 1. 4. L-uffiċċju għandu jkun responsabbili għall-preparament ta' l-inizzjattivi leġiżlattivi u regolatorji tal-Kummissjoni bil-għan ta' prevenzjoni tal-frodi kif hemm imsemmi fil-paragrafu 1. 5. L-Uffiċċju għandu jkun responsabbili għal kull attività operazzjonali tal-Kummissjoni f'relazzjoni mal-ġlieda kontra l-frodi kif hemm imsemmi fil-paragrafu 1, u b'mod partikolari: (a) jiżviluppa l-infrastruttura meħtieġa; (b) jiżgura l-ġbir u l-analiżi ta' informazzjoni; (ċ) jagħti appoġġ tekniku, b'mod partikolari fil-qasam tat-taħriġ, lill-istituzzjonijiet jew korpi l-oħra kif ukoll lill-awtoritajiet nazzjonali kompetenti. 6. L-Uffiċċju għandu jkun f'kuntatt dirett mal-pulizija u ma' l-awtoritajiet ġudizzjarji. 7. L-Uffiċċju għandu jirrapreżenta lill-Kummissjoni, fil-livell ta' servizz, fil-forums konċernati, fl-oqsma koperti minn dan l-Artikolu. Artikolu 3 Indipendenza tal-funzjoni investigattiva L-Uffiċċju għandu jeżerċita l-poteri ta' investigazzjoni li saret referenza għalihom fl-Artikolu 2(1) fl-indipendenza kompluta. Fl-eżerċizzju ta' dawn il-poteri, id-Direttur ta' l-Uffiċċju la għandu jfittex u lanqas jieħu struzzjoni mill-Kummissjoni, kull istituzzjoni jew korp ieħor tal-gvern. Artikolu 4 Kumitat tas-Sorveljanza Għandu jitwaqqaf Kumitat ta' Sorveljanza, li l-kompożizzjoni u s-setgħat tiegħu jkunu stabbiliti minn leġiżlazzjoni tal-Komunità. Dan il-Kumitat għandu jkun responsabbili għas-sorveljanza regolari tal-qadi tal-funzjoni investigattiva mill-Kumitat. Artikolu 5 Id-Direttur 1. L-Uffiċċju għandu jkun presedut minn Direttur, nominat mill-Kummissjoni, wara konsultazzjoni fil-Parlament Ewopew u mal-Kunsill, għal terminu ta' ħames snin, li jista' jiġġedded darba. Bil-għan li jinħatar id-Direttur, il-Kummisjsoni għandha, ladarba tingħata opinjoni favorevoli mill-Kumitat tas-Sorveljanza, tipprepara lista ta' diversi kandidati kwalifikati b'mod xieraq, wara sejħa għall-applikazzjonijiet li għandhom, jekk xieraq, ikunu ippublikati fil-Ġurnal Uffiċjali tal-Komunitajiet Ewropej. Id-Direttur għandu jkun responsabbli għall-eżekuzzjoni ta' l-investigazzjonijiet. 2. Il-Kummissjoni għandha teżerċita, fir-rigward tad-Direttur, il-poteri mogħtija lill-awtorità li tinnomina. Kull miżura fl-Artikoli 87, 88 u 90 tar-Regolementi ta' l-Istaff ta' l-Uffiċjali tal-Komunitajiet Ewropej għandha tittieħed, wara li ssir konsultazzjoni mal-Kumitat ta' Sorveljanza, b'deċiżjoni motivata mill-Kummissjoni. Din id-Deċiżjoni għandha tintbagħat għall-informazzjoni lill-Parlament Ewropew u l-Kunsill. Artikolu 6 Tħaddim ta' l-Uffiċċju 1. Id-Direttur ta' l-Uffiċċju għandu jeżerċita, fir-rigward tal-persunal ta' l-Uffiċċju, il-poteri mogħtija lilu bir-Regolament tal-Persunal ta' l-Uffiċċjali tal-Komunitajiet Ewropej mill-awtorità li tinnomina u mill-Kondizzjonijiet ta' Impieg ta' l-Impjegati l-Oħra tal-Komunitajiet fuq l-awtorità awtorizzata li tikkonkudi l-kuntratti ta' l-impieg. Għandu jkun permess li jiddelega dawk il-poteri. Skond ir-Regolamenti tal-Persunal u l-Kondizzjonijiet ta' Impieg ta' l-Impjegati l-Oħra id-Direttur għandu jpoġġi l-kondizzjonijiet u l-arranġament dettaljati għall-ingaġġar, b'mod partikolari fejn għandu x'jaqsam it-tul tal-kuntratti u t-tiġdid tagħhom. 2. Wara li jikkonsulta mal-Kumitat tas-Sorveljanza, id-Direttur għandu jibgħat lid-Direttur-Ġenerali għall-Estimi, abbozz ta' stima preliminari li għandha tiddaħħal fit-titolu speċjali għall-Uffiċċju fl-Estimi annwali ġenerali. 3. Id-Direttur għandu jaġixxi bħala uffiċċjal ta' l-awtorizzazzjoni għall-implimentazzjoni tat-titolu speċjali għall-estimi għall-parti A ta' l-estimi, li tikkonċerna l-Uffiċju, u t-titoli speċifiċi kontra l-frodi tal-parti B. Għandu jkun permess li d-Direttur jiddelega l-poteri tiegħu. 4. Id-deċiżjonijiet tal-Kummissjoni li jikkonċernaw l-organizzazzjoni interna għandhom japplikaw lill-Uffiċċju safejn huma kompatibbli mad-dispożizzjonijiet li jikkonċernaw l-Uffiċċju adottati mill-leġislatur tal-Komunità, ma' din id-Deċiżjoni u mar-regoli dettaljati li jimplimentawha. Artikolu 7 Data effettiva Din id-Deċiżjoni għandha tidħol fis-seħħ fid-data tad-dħul fis-seħħ tar-Regolament tal-Parlament Ewropew u tal-Kunsill (KE) li jikkonċerna l-investigazzjonijiet eżekwiti mill-Uffiċċju Ewropew Kontra l-Frodi. Sa l-ewwel jum mix-xahar ta' wara l-ħatra tad-Direttur ta' l-Uffiċju, ix-xogħol kurrenti ta' l-Uffiċċju għandu jieħu ħsiebu d-Direttur tal-Grupp ta' Ħidma għall-Kordinament tal-Prevenzjoni tal-Frodi. Magħmula fi Brussel, fit-28 ta' April 1999. Għall-Kummissjoni Jacques Santer Il-President --------------------------------------------------