—

tannulla l-Artikolu 1(4) tar-Regolament ta’ Implimentazzjoni tal-Kummissjoni (UE) 2018/1584 (1) tat-22 ta’ Ottubru 2018, ippubblikat bin-Numru L 264/1 fil-Ġurnal Uffiċjali tal-Unjoni Ewropea fit-23 ta’ Ottubru 2018, li emenda r-Regolament (KE) Nru 889/2008 (2) kif ġej: “fl-Artikolu 42(b), id-data l-‘31 ta’ Diċembru 2018’ hija sostitwita bid-data l-‘31 ta’ Diċembru 2020’”;

—

tikkundanna lill-konvenuta għall-ħlas ta’ EUR 2 469 503,44 lil FL Brüterei M-V GmbH bl-interessi moratorji mill-jum tan-notifika tar-rikors, bir-rata bażika tal-Bank Ċentrali Ewropew miżjuda bi tmien punti perċentwali fis-sena; u

—

tikkonstata li l-konvenuta hija obbligata tikkumpensa d-dannu addizzjonali subit mir-rikorrenti minħabba li, billi adottat ir-Regolament ta’ Implimentazzjoni (UE) 2018/1584, il-Kummissjoni ppermettiet deroga ġdida ta’ sentejn, li tawtorizza, meta ebda flieles organiċi ma “jkunu disponibbli”, l-introduzzjoni ta’ flieles mhux organiċi fit-trobbija ta’ għattuqi organiċi, mingħajr ma l-Kummissjoni, kif kien l-obbligu tagħha li tagħmel, kienet “żammet f’minimu” din id-deroga skont l-Artikolu 22(2) tar-Regolament (KE) Nru 834/2007 (3), billi l-użu ta’ din id-deroga kien jirrikjedi li ebda maqfas f’radju sa 700 kilometru mis-sit tal-post ta’ trobbija ta’ għattuqi ma jipprovdi flieles organiċi u li għandha tiġi prodotta prova tan-nuqqas ta’ disponibbiltà ta’ flieles organiċi permezz tal-ordnijiet mingħajr suċċess ma’ tliet maqfsiet magħrufa bħala fornituri ta’ flieles organiċi u mhux permezz tat-talba lil maqfsiet li huma magħrufa li ma jipprovdux flieles organiċi.

1.

L-ewwel motiv ibbażat fuq invalidità tal-att regolatorju

2.

It-tieni motiv ibbażat fuq responsabbiltà għal illegalità ta’ att amministrattiv, skont it-tieni paragrafu tal-Artikolu 340 TFUE.

3.

It-tielet motiv ibbażat fuq responsabbiltà għall-eżerċizzju illegali tal-kompetenzi ta’ eżekuzzjoni

Skont it-tielet motiv, ir-rikorrenti jsostnu li billi adottat mill-ġdid deroga, li hija limitata biss ratione temporis u ma hija suġġetta għal ebda kundizzjoni jew rekwiżit kwalitattivi, il-konvenuta kisret ir-rekwiżiti tal-Artikolu 22 tar-Regolament (KE) Nru 824/2007 u aġixxiet barra mill-kuntest tal-kompetenzi attribwiti lilha.