This document is an excerpt from the EUR-Lex website
Document 62014TN0409
Case T-409/14: Action brought on 2 June 2014 — Marcuccio v Court of Justice
Kawża T-409/14: Rikors ippreżentat fit- 2 ta’ Ġunju 2014 – Marcuccio vs Il-Qorti tal-Ġustizzja
Kawża T-409/14: Rikors ippreżentat fit- 2 ta’ Ġunju 2014 – Marcuccio vs Il-Qorti tal-Ġustizzja
ĠU C 245, 28.7.2014, p. 30–31
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
28.7.2014 |
MT |
Il-Ġurnal Uffiċjali tal-Unjoni Ewropea |
C 245/30 |
Rikors ippreżentat fit-2 ta’ Ġunju 2014 – Marcuccio vs Il-Qorti tal-Ġustizzja
(Kawża T-409/14)
2014/C 245/42
Lingwa tal-kawża: it-Taljan
Partijiet
Rikorrent: Luigi Marcuccio (Tricase, l-Italja) (rappreżentant: G. Cipressa, avukat)
Konvenuta: Il-Qorti tal-Ġustizzja tal-Unjoni Ewropea
Talbiet
— |
tannulla d-deċiżjoni, tkun xi tkun il-forma tagħha, li permezz tagħha seħħet iċ-ċaħda, min-naħa tal-konvenuta, tat-talba tat-22 ta’ Jannar 2014, imressqa mir-rikorrent quddiem il-Qorti tal-Ġustizzja. |
— |
tikkundanna lill-konvenuta għall-ħlas, favur ir-rikorrent, tas-somma ta’ EUR 25 000, jew dik is-somma ogħla jew inqas li l-Qorti Ġenerali tqis ġusta u ekwa, bħala kumpens għad-dannu subit minn dan tal-aħħar minħabba t-tul mhux raġonevoli tal-proċedura ġudizzjarja mressqa mir-rikorrent, jiġifieri bħala kumpens abbażi tad-dewmien irraġonevoli tal-proċedura inkwistjoni. |
— |
tikkundanna lill-konvenuta għall-ħlas tal-ispejjeż, drittijiet u onorarji tal-proċedura kollha relatati ma’ dan ir-rikors. |
Motivi u argumenti prinċipali
Dan ir-rikors għandu bħala suġġett id-danni allegatament subiti mir-rikorrent minħabba dewmien allegatament eċċessiv tal-proċedura fil-Kawża T-236/02, Marcuccio vs Il-Kummissjoni.
Insostenn tar-rikors tiegħu, ir-rikorrent jinvoka żewġ motivi.
1. |
L-ewwel motiv, ibbażat fuq nuqqas assolut ta’ motivazzjoni, kif ukoll fuq nuqqas assolut ta’ investigazzjoni u ksur tal-obbligu ta’ amministrazzjoni tajba. |
2. |
It-tieni motiv, ibbażat fuq ksur ta’ liġi u fuq żball manifest ta’ evalwazzjoni. |