This document is an excerpt from the EUR-Lex website
Document 62013TN0533
Case T-533/13: Action brought on 3 October 2013 — Lithuania v Commission
Kawża T-533/13: Rikors ippreżentat fit- 3 ta’ Ottubru 2013 — Il-Litwanja vs Il-Kummissjoni
Kawża T-533/13: Rikors ippreżentat fit- 3 ta’ Ottubru 2013 — Il-Litwanja vs Il-Kummissjoni
ĠU C 359, 7.12.2013, p. 17–18
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
7.12.2013 |
MT |
Il-Ġurnal Uffiċjali tal-Unjoni Ewropea |
C 359/17 |
Rikors ippreżentat fit-3 ta’ Ottubru 2013 — Il-Litwanja vs Il-Kummissjoni
(Kawża T-533/13)
2013/C 359/34
Lingwa tal-kawża: il-Litwan
Partijiet
Rikorrenti: Ir-Repubblika tal-Litwanja (rappreżentanti: D. Kriaučiūnas, R. Krasuckaitė u A. Karbauskas)
Konvenuta: Il-Kummissjoni Ewropea
Talbiet tar-rikorrenti
— |
tannulla l-Artikolu 1(4) tad-Deċiżjoni ta’ Implementazzjoni tal-Kummissjoni Ewropea C(2013) 4487 finali, tad-19 ta’ Lulju 2013, li tawtorizza l-għoti tal-għajnuna nazzjonali tranżitorja fil-Litwanja għas-sena 2013 (iktar ’il quddiem “id-deċiżjoni kkontestata”) |
— |
tikkundanna lill-Kummissjoni Ewropea għall-ispejjeż. |
Motivi u argumenti prinċipali
Insostenn tar-rikors tagħha, ir-rikorrenti tinvoka erba’ motivi.
(1) |
L-ewwel motiv ibbażat fuq ksur tal-Artikolu 39 TFUE, moqri flimkien mal-ewwel subparagrafu tal-Artikolu 40(2) TFUE, u tal-prinċipju ta’ nondiskriminazzjoni Billi adottat l-Artikolu 1(4) tad-deċiżjoni kkontestata l-Kummissjoni wettqet ksur tal-Artikolu 39 TFUE, moqri flimkien mal-ewwel subparagrafu tal-Artikolu 40(2) TFUE, peress li hija ma żammitx mal-għanijiet tal-politika agrikola komuni speċifikati fit-Trattat FUE (b’mod partikolari fl-Artikolu 39(1)(b) TFUE) u mal-kriterji tal-politika agrikola komuni, u kisret ukoll il-prinċpju ta’ nondiskriminazzjoni. |
(2) |
It-tieni motiv ibbażat fuq ksur tar-Regolament Nru 73/2009 Billi adottat l-Artikolu 1(4) tad-deċiżjoni kkontestata mingħajr bażi legali, il-Kummissjoni kisret ir-Regolament Nru 73/2009 (1), peress li applikat l-Artikolu 10a(4) ta’ dak ir-regolament b’mod inkorrett. |
(3) |
It-tielet motiv ibbażat fuq żball ta’ evalwazzjoni mill-Kummissjoni Billi adottat l-Artikolu 1(4) tad-deċiżjoni kkontestata l-Kummissjoni wettqet żball ta’ evalwazzjoni, peress li hija evalwat il-livelli tal-pagamenti diretti tal-Istati Membri l-antiki u dawk ġodda b’mod żbaljat fl-2012 u bbażat il-kalkolu tal-għajnuna nazzjonali tranżitorja mogħtija fuq evalwazzjoni żbaljata ta’ dak it-tip. |
(4) |
Ir-raba’ motiv ibbażat fuq ksur tal-prinċipju ta’ amministrazjoni tajba Billi adottat l-Artikolu 1(4) tad-deċiżjoni kkontestata l-Kummissjoni kisret il-prinċipju ta’ amministrazzjoni tajba, peress li hija ma kkonformatx mad-dmir li tieħu bħala bażi l-informazzjoni l-ġdida pprovduta mir-Repubblika tal-Litwanja dwar il-livelli ta’ pagamenti diretti fl-Istati Membri u ma evalwatx l-importanza attwali ta’ pagamenti diretti għall-irziezet Litwani. |
(1) Regolament tal-Kunsill (KE) Nru 73/2009, tad-19 ta’ Jannar 2009, li jistabbilixxi regoli komuni għal skemi ta’ appoġġ dirett għal bdiewa fi ħdan il-politika agrikola komuni u li jistabbilixxi ċerti skemi ta’ appoġġ għal bdiewa, u li jemenda r-Regolamenti (KE) Nru 1290/2005, (KE) Nru 247/2006, (KE) Nru 378/2007 u li jirrevoka ir-Regolament (KE) Nru 1782/2003 (ĠU L 30, p. 16, rettifika f’ĠU L 43, p. 7).