EUR-Lex Access to European Union law
This document is an excerpt from the EUR-Lex website
Document 62009CA0248
Case C-248/09: Judgment of the Court (First Chamber) of 29 July 2010 (reference for a preliminary ruling from the Augstākās tiesas Senāts — Republic of Latvia) — Pakora Pluss SIA v Valsts ieņēmumu dienests (Act of Accession to the European Union — Customs union — Transitional measures — Goods free from customs duties when entered for free circulation — Goods in transport in the enlarged Community on the date of accession of the Republic of Latvia — Export formalities — Import duties — VAT)
Kawża C-248/09: Sentenza tal-Qorti tal-Ġustizzja (L-Ewwel Awla) tad- 29 ta’ Lulju 2010 (talba għal deċiżjoni preliminari tal-Augstākās tiesas Senāts — Ir-Repubblika tal-Latvja) — SIA Pakora Pluss vs Valsts ieņēmumu dienests ( “Att ta’ Adeżjoni mal-Unjoni Ewropea — Unjoni doganali — Miżuri tranżitorji — Rilaxx għaċ-ċirkulazzjoni libera ta’ merkanzija eżenti mid-dazji doganali — Merkanzija li fid-data tal-adeżjoni tar-Repubblika tal-Latvja kienet qegħda tiġi ttrasportata fi ħdan il-Komunità estiża — Formalitajiet tal-esportazzjoni — Dazji fuq l-importazzjoni — VAT” )
Kawża C-248/09: Sentenza tal-Qorti tal-Ġustizzja (L-Ewwel Awla) tad- 29 ta’ Lulju 2010 (talba għal deċiżjoni preliminari tal-Augstākās tiesas Senāts — Ir-Repubblika tal-Latvja) — SIA Pakora Pluss vs Valsts ieņēmumu dienests ( “Att ta’ Adeżjoni mal-Unjoni Ewropea — Unjoni doganali — Miżuri tranżitorji — Rilaxx għaċ-ċirkulazzjoni libera ta’ merkanzija eżenti mid-dazji doganali — Merkanzija li fid-data tal-adeżjoni tar-Repubblika tal-Latvja kienet qegħda tiġi ttrasportata fi ħdan il-Komunità estiża — Formalitajiet tal-esportazzjoni — Dazji fuq l-importazzjoni — VAT” )
ĠU C 246, 11.9.2010, p. 9–10
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
11.9.2010 |
MT |
Il-Ġurnal Uffiċjali tal-Unjoni Ewropea |
C 246/9 |
Sentenza tal-Qorti tal-Ġustizzja (L-Ewwel Awla) tad-29 ta’ Lulju 2010 (talba għal deċiżjoni preliminari tal-Augstākās tiesas Senāts — Ir-Repubblika tal-Latvja) — SIA Pakora Pluss vs Valsts ieņēmumu dienests
(Kawża C-248/09) (1)
(Att ta’ Adeżjoni mal-Unjoni Ewropea - Unjoni doganali - Miżuri tranżitorji - Rilaxx għaċ-ċirkulazzjoni libera ta’ merkanzija eżenti mid-dazji doganali - Merkanzija li fid-data tal-adeżjoni tar-Repubblika tal-Latvja kienet qegħda tiġi ttrasportata fi ħdan il-Komunità estiża - Formalitajiet tal-esportazzjoni - Dazji fuq l-importazzjoni - VAT)
2010/C 246/15
Lingwa tal-kawża: il-Latvjan
Qorti tar-rinviju
Augstākās tiesas Senāts
Partijiet fil-kawża prinċipali
Rikorrenti: SIA Pakora Pluss
Konvenut: Valsts ieņēmumu dienests
Suġġett
Talba għal deċiżjoni preliminari — Augstākās tiesas Senāts — Interpretazzjoni tal-Artikolu 4(10) tar-Regolament tal-Kunsill tal-Kunsill (KEE) Nru 2913/92, tat-12 ta’ Ottubru 1992, li jwaqqaf il-Kodiċi Doganali tal-Komunità (ĠU Edizzjoni Speċjali bil-Malti, Kapitolu 2, Vol. 4, p. 307), tal-Artikolu 448 tar-Regolament tal-Kummissjoni (KEE) Nru 2454/93, tat-2 ta’ Lulju 1993, li jiffissa d-dispożizzjonijiet għall-implementazzjoni tar-Regolament tal-Kunsill (KEE) Nru 2913/92 li jwaqqaf il-Kodiċi Doganali tal-Komunità (ĠU Edizzjoni Speċjali bil-Malti, Kapitolu 2, Vol. 6, p. 3), kif ukoll tal-Att ta’ Adeżjoni 2003, Anness IV, Kapitolu 5, punt 1 — Importazzjoni bil-baħar ta’ vettura bil-mutur — Rilaxx għaċ-ċirkulazzjoni libera eżenti mid-dazji doganali u minn miżuri doganali oħrajn applikabbli għal merkanziji li, fid-data ta’ adeżjoni, kienu qegħdin jiġu ttrasportati fil-Komunità estiża wara t-twettiq tal-formalitajiet ta’ esportazzjoni
Dispożittiv
1) |
Il-Kapitolu 5, Punt 1 tal-Anness IV tal-ATT li jirrigwarda l kundizzjonijiet tal-adeżjoni tar-Repubblika Ċeka, ir Repubblika tal Estonja, ir-Repubblika ta’ Ċipru, ir-Repubblika tal-Latvja, ir-Repubblika tal-Litwanja, ir-Repubblika tal-Ungerija, ir-Repubblika ta’ Malta, ir-Repubblika tal-Polonja, ir-Repubblika tas-Slovenja u r Repubblika tas-Slovakkja u l-aġġustamenti għat-trattati li fuqhom hija stabbilita l-Unjoni Ewropea għandu jiġi interpretat fis-sens li, sabiex jiġi vverifikat jekk il-formalitajiet tal-esportazzjoni li huma msemmija fih ġewx kompletati, ma huwiex rilevanti jekk l-atti previsti fl-Artikolu 448 tar-Regolament tal-Kummissjoni (KEE) Nru 2454/93, tat-2 ta’ Lulju 1993, li jiffissa d-dispożizzjonijiet għall-implementazzjoni tar-Regolament tal-Kunsill (KEE) Nru 2913/92 li jistabbilixxi l-Kodiċi Doganali Komunitarju, kif emendat bir-Regolament tal-Kummissjoni (KEE) Nru 2787/2000, tal-15 ta’ Diċembru 2000, kinux imwettqa, anki fil-każ fejn ġie stabbilit manifest ta’ tagħbija. |
2) |
Ir-Regolament tal-Kunsill (KEE) Nru 2913/92, tat-12 ta’ Ottubru 1992, li jwaqqaf il-Kodiċi Doganali tal-Komunità, kif emendat bir-Regolament (KE) Nru 82/97 tal-Parlament Ewropew u tal-Kunsill, tad-19 ta’ Diċembru 1996, u bir-Regolament Nru 2454/93, kif emendat, japplikaw fl-Istati Membri l-ġodda, mill-1 ta’ Mejju 2004, mingħajr ma jista’ jiġi invokat il-benefiċċju tal-proċedura prevista fil-Kapitolu 5, Punt 1 tal-Anness IV tal-Att ta’ Adeżjoni meta l-formalitajiet tal-esportazzjoni li huma msemmija fih ma ġewx kompletati għal merkanziji li kienu qegħdin jiġu ttrasportati fi ħdan il-Komunità estiża fid-data tal-adeżjoni ta’ dawn l-Istati Membri l-ġodda tal-Unjoni Ewropea. |
3) |
L-Artikolu 4(10) tar-Regolament Nru 2913/92, kif emendat, għandu jiġi interpretat fis-sens li d-dazji fuq l-importazzjoni ma jinkludux it-taxxa fuq il-valur miżjud li għandha tinġabar fuq l-importazzjoni tal-oġġetti. |
4) |
Fil-każ fejn merkanzija hija importata, l-obbligu li titħallas il-VAT jaqa’ fuq il-persuna jew persuni identifikati jew rikonoxxuti mill-Istat Membru tal-importazzjoni. |