This document is an excerpt from the EUR-Lex website
Document 52011PC0608
Proposal for a REGULATION OF THE EUROPEAN PARLIAMENT AND OF THE COUNCIL on the European Globalisation Adjustment Fund (2014 - 2020)
Proposta għal REGOLAMENT TAL-PARLAMENT EWROPEW U TAL-KUNSILL dwar il-Fond Ewropew ta’ Aġġustament għall-Globalizzazzjoni (2014 - 2020)
Proposta għal REGOLAMENT TAL-PARLAMENT EWROPEW U TAL-KUNSILL dwar il-Fond Ewropew ta’ Aġġustament għall-Globalizzazzjoni (2014 - 2020)
/* KUMM/2011/0608 finali - 2011/0269 (COD) */
Proposta għal REGOLAMENT TAL-PARLAMENT EWROPEW U TAL-KUNSILL dwar il-Fond Ewropew ta’ Aġġustament għall-Globalizzazzjoni (2014 - 2020) /* KUMM/2011/0608 finali - 2011/0269 (COD) */
{SEC(2011)1130
final} {SEC(2011)1131
final} MEMORANDUM TA’ SPJEGAZZJONI 1. IL-KUNTEST TAL-PROPOSTA ·
Il-kuntest ġenerali Fil-Komunikazzjoni tagħha dwar
"Baġit għall-Ewropa 2020"[1]
il-Kummissjoni Ewropea saħqet dwar il-ħtieġa li tittratta b'mod
effettiv għadd ta' sfidi li joħolqu theddida serja
għall-koeżjoni soċjali u għall-kompetittività. Dawn
l-isfidi li qed joħolqu pressjoni huma prinċipalment: nuqqasijiet
fil-livelli tal-ħiliet, rendiment baxx tal-politika tas-suq
tax-xogħol attiv u fis-sistemi edukattivi, l-esklużjoni soċjali
tal-gruppi marġinalizzati u mobbiltà baxxa tal-ħaddiema. F'dan il-kuntest, hija rikonoxxuta
l-ħtieġa li jkun ipprovdut, għat-tul kollu tal-Qafas Finanzjarju
Multiannwali (MFF) 2014 – 2020, appoġġ speċifiku ta'
darba għall-ħaddiema li ngħataw is-sensja minħabba bidliet
strutturali kbar ipprovokati mill-globalizzazzjoni li qed tiżdied ta'
xejriet ta' produzzjoni u ta' kummerċ. Bħalma ġara fil-perjodu
ta' programmazzjoni 2007-2013, dan l-appoġġ speċifiku
għandu jingħata permezz tal-Fond Ewropew ta’ Aġġustament
għall-Globalizzazzjoni (FEG), wieħed mill-istrumenti speċjali
kurrenti li l-mobilizzazzjoni tiegħu ma taffettwax il-limitu tan-nefqa
tal-MFF. Fl-istess Komunikazzjoni l-Kummissjoni indikat li
permezz tal-FEG l-Unjoni se tkun tista' wkoll tipprovdi sostenn f'każijiet
ta' sensji fuq skala kbira li jirriżultaw minn taqlib serju fl-ekonomija
lokali, reġjonali jew nazzjonali ikkawżat minn kriżi mhux
mistennija. Il-kamp ta' applikazzjoni tal-FEG għalhekk se jkompli jestendi
biex jipprovdi appoġġ tranżitorju għall-bdiewa biex
jiffaċilita l-adattament tagħhom għall-qagħda ġdida
tas-suq li tirriżulta mill-konklużjoni tal-Unjoni dwar ftehimiet
kummerċjali li jaffettwaw il-prodotti agrikoli. ·
Ir-raġunijiet għall-proposta u
l-għanijiet tagħha Il-Fond Ewropew ta' Aġġustament
għall-Globalizzazzjoni (FEG) ġie inizjalment stabbilit għat-tul
tal-perjodu ta' programmar 2007 - 2013 bir-Regolament (KE)
Nru 1927/2006[2] biex jipprovdi
lill-Unjoni bi strument għat-turija ta' solidarjetà ma' ħaddiema u
l-għoti ta' appoġġ lilhom wara li ngħataw is-sensja
minħabba f'bidliet stutturali kbar fis-sistemi kummerċjali dinjija
kkawżati mill-globalizzazzjoni fejn dawn is-sensji għandhom impatt
sinifikanti mhux mixtieq fuq l-ekonomikja reġjonali jew lokali. Billi
jikkofinanzja l-miżuri tal-politika tas-suq tax-xogħol attiv, il-FEG
jimmira li jiffaċilita l-integrazzjoni mill-ġdid tal-ħaddiema
f'oqsma, setturi, territorji jew swieq tax-xogħol li ġarrbu xokk minn
taqlib serju fl-ekonomija. Fid-dawl tal-iskala u tar-ritmu mgħaġġel
li bih żviluppat il-kriżi finanzjarja u ekonomika fl-2008,
il-Kummissjoni Ewropea, fil-Pjan Ewropew tagħha ta' Rkupru Ekonomiku[3],
ħasbet li tirrevedi r-Regolament (KE) Nru 1927/2006. Apparti minn xi
bidliet permanenti msejsa fuq l-ewwel snin ta' implimentazzjoni tal-FEG,
l-għan ewlieni ta' din ir-reviżjoni[4] kien li l-kamp
ta' applikazzjoni tal-FEG jiġi estiż
mill-1 ta' Mejju 2009
sat-30 ta' Diċembru 2011 biex tkun permessa t-turija ta'
solidarjietà tal-Unjoni u l-għoti ta' appoġġ għall-ħaddiema
li ngħataw is-sensja minħabba f'konsegwenza diretta tal-kriżi
finanzjarja u ekonomika u biex iżżid ir-rata ko-finanzjarja minn
50 % għal 65 % u b'hekk jitnaqqas il-piż għall-Istati
Membri. Filwaqt li qieset il-qagħda ekonomika attwali u l-ħtieġa
għall-konsolidazzjoni fiskali, il-Kummissjoni pproponiet[5]
li tiġi estiża d-deroga temporanja ta' kriżi
sal-31 ta' Diċembru 2013, jiġifieri tmiem il-perjodu
ta' implimentazzjoni tar-Regolament (KE) Nru 1927/2006. L-għan ewlieni ta' din il-proposta huwa li
tkun żgurata l-kontinwazzjoni tal-operazzjoni tal-FEG fil-perjodu ta'
programmar li jmiss f'konformità mal-prinċipji bażiċi stipulati
għall-MFF 2014 - 2020, li wkoll estenda l-kamp ta' applikazzjoni
tal-FEG biex jinkludi l-bdiewa. F'konformità mal-għan ewlieni tar-Regolament
(KE) Nru 1927/2006 il-proposta timmira li turi solidarjetà f'livell
tal-Unjoni mal-ħaddiema li ngħataw is-sensja affettwati minn
ċirkostanzi eċċezzjonali u li tipprovdi appoġġ lejn
l-integrazzjoni rapida tagħhom mill-ġdid fid-dinja tal-impjiegi
f'konformità mal-għanijiet tal-istrateġija Ewropa 2020. Speċifikament, il-FEG se jipprovdi
appoġġ f'każijiet fejn il-ħaddiema tilfu l-impjieg
minħabba f'bidliet strutturali prinċipali fis-sistemi
kummerċjali dinjija, f'konformità mal-kamp ta' applikazzjoni inizjali
tal-FEG kif stipulat fl-Artikolu 12 tar-Regolament (KE)
Nru 1927/2006. Il-FEG jkun jista' wkoll jaġixxi f'każjiet ta'
kriżi mhux mistennija li jwasslu għal taqlib serju fl-ekonomija
lokali, reġjonali jew nazzjonali. Kriżijiet mhux mistennija
jistgħu jinkludu, pereżempju, riċessjoni kbira f'imsieħba
kummerċjali importanti, kollass tas-sistema finanzjarja komparabbli ma dik
li seħħet fl-2008, problema serja ta' enerġija jew tal-forniment
ta' merkanzija primarja, diżastru naturali, eċċ. Il-FEG se jkun
disponibbli wkoll biex jgħin bdiewa jaġġustaw għal
sitwazzjoni ta' suq ġdid riżultat ta' ftehim kummerċjali,
bħal ftehim dwar prodotti agrikoli konkluż mill-Unjoni. Eżempji
ta' ftehimiet kummerċjali possibbli bħal dan li jmiss huma dawk li
għaddejjin minn negozjati mal-pajjiżi Mercosur, jew fil-kuntest
tal-Organizzazzjoni tal-Kummerċ Dinji skont l-Aġenda
tal-Iżvilupp ta' Doha. Biex ikun żgurat li l-FEG jibqa' strument
validu fuq livell Ewropew, applikazzjoni għall-FEG
għall-appoġġ tal-ħaddiema tista' tinbeda meta l-għadd
ta' sensji jilħaq livell minimu. L-esperjenza mit-tħaddim
tar-Regolament (KE) Nru 1927/2006 wriet li l-limitu ta' 500 sensja
f'perjodu ta' referenza partikolari huwa limitu aċċettabbli, b'mod
partikolari meta titqies il-possibbiltà tat-tressiq ta' applikazzjonijiet
għal għadd aktar baxx ta' sensji fi swieq tax-xogħol
iżgħar jew f'ċirkostanzi eċċezzjonali. Rigward is-settur agrikolu, applikazzjoni
għall-FEG tiġi adottata fuq bażi differenti. Fl-analiżi li
twettqet mis-servizzi tal-Kummissjoni għan-negozjati kummerċjali,
għandu jingħata tagħrif ex-ante dwar is-setturi u
/ jew prodotti li x'aktarx jiġu affettwati miż-żieda
fl-importazzjonijiet bħala riżultat dirett ta' ftehimiet
kummerċjali. Ladarba il-ftehim kummerċjali jinbeda, id-dipartimenti
tal-Kummissjoni jiċċekkjaw aktar is-setturi jew il-prodotti li
għalihom hija mistennija żieda sostanzjali ta' importazzjonijiet
mill-Unjoni u l-waqgħa sinifikanti fil-prezzijiet u jevalwaw l-effett
probabbli fuq id-dħul mis-settur. Fuq din il-bażi l-Kummissjoni se
taħtar setturi agrikoli jew prodotti u, fejn huwa rilevanti, reġjuni
bħala eliġibbli għal appoġġ possibbli mill-FEG.
L-Istati Membri se jkollhom il-possibbiltà li jressqu applikazzjonijiet
għal kontribuzzjoni mill-FEG, sakemm ikunu jistgħu jipprovaw li
setturi jew prodotti eliġibbli esperjenzaw telf sinifikanti relatat
mal-kummerċ, li l-bdiewa li jaħdmu f'dawn is-setturi qed jiġu
affettwati u li huma identifikaw u poġġew fil-mira l-bdiewa
affettwati. Biex ikun żgurat li huwa disponibbli
appoġġ mill-FEG għal ħaddiema indipendentament
mill-kuntratt tal-impjieg jew mir-relazzjoni tal-impjieg tagħhom,
it-terminu "ħaddiema" qed jiġi estiż biex jinkludi
mhux biss ħaddiema b'kuntratti ta' impjieg b'tul ta' żmien indefinit
skont ir-Regolament (KE) Nru 1927/2006, iżda wkoll ħaddiema
b'kuntratti fuq perjodu fiss, ħaddiema temporanji tal-aġenziji u
sidien-ġestjonarji ta' intrapriżi mikro, żgħar u ta' daqs
medju u ħaddiema għal rashom (inklużi l-bdiewa). Billi l-aċċess
għall-appoġġ tal-FEG huwa kkondizzjonat mill-fatt li
l-ħaddiema jridu jkunu tilfu l-impjieg, jew fil-każ tal-bdiewa li ma
għadhomx iwettqu dik il-parti tal-attività tagħhom affettwata
mill-ftehim kummerċjali rilevanti, il-proposta fiha dispożizzjonijiet
speċifiċi dwar kif is-sensja għandha tgħodd għal kull
ħaddiem. Il-FEG huwa mfassal biex jikkontribwixxi
għall-għanijiet ta' tkabbir u impjiegi tal-istrateġija
Ewropa 2020. Għalhekk, huwa jiffoka fuq miżuri attivi tas-suq
tax-xogħol immirati lejn ir-riintegrazzjoni rapida f'impjieg stabbli
tal-ħaddiema li ngħataw is-sensja. L-istess bħar-Regolament (KE)
Nru 1927/2006, din il-proposta tipprovdi għal kontribuzzjoni
finanzjarja mill-FEG għal pakkett ta' miżuri attivi tas-suq
tax-xogħol. Ma tistax tikkontribwixxi għall-finanzjament ta'
miżuri passivi billi dawn mhumiex kompatibbli mal-għanijiet ta'
tkabbir u impjiegi tal-istrateġija Ewropa 2020. L-allowances
jistgħu jkunu biss inklużi jekk ikunu mfassla bħala
inċentivi biex jiffaċilitaw is-sehem tal-ħaddiema li ngħataw
is-sensja fil-miżuri attivi ta' politika dwar is-suq tax-xogħol. Biex
ikun żgurat bilanċ raġonevoli bejn il-miżuri reali attivi
ta' politika dwar is-suq tax-xogħol u allowances "attivati",
is-sehem ta' allowances f'pakkett koordinat ta' miżuri attivi tas-suq
tax-xogħol huwa limitat. Għall-bdiewa, inklużi l-membri kollha
tal-familja agrikola attivi fir-razzett, il-miżuri jkunu jiffukaw fuq
il-kisba ta' taħriġ u ta' ħiliet xierqa u fuq l-użu ta'
servizzi konsultattivi li jgħinuhom jimpenjaw irwieħhom f'attivitajiet
ġodda u jorjentaw mill-ġdid l-attivitajiet kummerċjali
tagħhom, fi u / jew barra l-agrikoltura, kif ukoll biex
jappoġġjaw sa ċertu punt limitat l-investimenti inizjali
fit-tibdil jew l-aġġustament tal-attivitajiet tagħhom biex
jgħinhom isiru strutturalment aktar kompetittivi u b'hekk jassiguraw
il-mezzi tal-għajxien tagħhom. L-appoġġ jista'
jingħata wkoll lill-attivitajiet ta' kooperazzjoni bl-għan li
jinħolqu alternattivi ġodda tas-suq speċjalment
għall-bdiewa fuq skala żgħira. Il-FEG qed jitpoġġa 'l barra mill-MFF
minħabba l-karatteristiċi mhux prevedibbli u urġenti
taċ-ċirkostanzi li jippermettu l-użu tiegħu. Madankollu,
l-effettività tiegħu sofriet mill-ħtieġa ta' proċess ta'
teħid ta' deċiżjonijiet twil u proċedurali. It-tqassir kemm
jista' jkun possibbli tal-medda ta' żmien bejn id-data ta' applikazzjoni
għall-appoġġ mill-FEG u d-data ta' ħlas, u
s-simplifikazzjoni tal-proċeduri, għandhom ikunu ta' interess komuni
għall-partijiet kollha involuti fil-proċess tal-FEG. L-Istati Membri
għandhom jagħmlu ħilithom kollha biex iressqu applikazzjoni
kompluta minnufih ladarba l-kriterji rilevanti jkunu ntlaħqu;
il-Kummissjoni għandha tevalwa u tikkonkludi dwar l-eliġibbiltà ftit
wara t-tressiq ta' applikazzjoni kompluta, u l-awtorità baġitarja
għandha tieħu d-deċiżjoni tagħha dwar l-għoti
tal-finanzjament tal-FEG malajr. Sabiex ikunu koperti l-ħtiġijiet li
jinqalgħu fil-bidu tas-sena, il-Kummissjoni se tkompli tipproponi ammont
minimu f'pagament ta' approprjazzjonijiet għal-linja baġitarja
rilevanti fi ħdan il-proċedura baġitarja annwali. Fid-dawl tan-natura imprevedibbli
tal-ħtiġijiet li jinqalgħu għall-appoġġ
mill-Fond, huwa meħtieġ li tkun riservata parti mill-ammont annwali
massimu għal applikazzjonijiet li jirċievu kontribuzzjonijiet
finanzjarji wara Settembru ta' kull sena. F'każ li l-ħtiġijiet għall-appoġġ
mill-Fond jaqbżu l-ammont disponibbli li jibqa', il-proposti
tal-Kummissjoni għandhom jirrifflettu l-proporzjoni stipulat
għall-appoġġ tas-settur agrikolu waqt il-perjodu tal-MFF. L-għajnuna mill-FEG se tkun komplimentari
għall-isforzi tal-Istati Membri, fuq livelli nazzjonali, reġjonali u
lokali. Għal raġunijiet ta' ġestjoni finanzjarja soda l-FEG ma
jistax jieħu post miżuri li huma diġà koperti mill-Fondi u
l-Programmi tal-Unjoni inklużi fl-MFF. Il-kontribuzzjoni finanzjarja
tal-FEG lanqas ma tista' tieħu post miżuri li huma fir-responsabbiltà
tal-kumpaniji li jagħtu s-sensja skont il-liġi nazzjonali jew
ftehimiet kollettivi. Il-proċedura tal-baġit fil-proposta
ssegwi direttament mill-punt 13 tal-abbozz tal-Ftehim Interistituzzjonali[6].
Kull meta huwa possibbli, il-proċess se jitqassar u se jiġi
ssimplifikat. Fid-dawl tal-fatt li l-miżuri kofinanzjati
mill-FEG huma implimentati permezz ta' ġestjoni maqsuma mal-Istati Membri,
il-mekkaniżmu tal-ħlas għall-kontribuzzjoni finanzjarja se
jibqa' pari ma' dawk applikati għall-mod ta' ġestjoni tal-baġit
tal-Unjoni. Fl-istess ħin, l-arranġamenti finanzjarji għandhom
jirriflettu l-ambitu tal-azzjonijiet li jkunu se jittieħdu mill-Istati
Membri kif proposti fl-applikazzjonijiet tagħhom. Ir-rata ta' kofinanzjament se tkun immodulata,
b'kontribuzzjoni ta' 50 % għall-kost tal-pakkett u l-implimentazzjoni
tiegħu bħala norma, u l-possibbiltà li din ir-rata togħla
għal 65 % fil-każ ta' applikazzjonijiet imressqa minn dawk l-Istati
Membri li fit-territorji tagħhom ikollhom tal-anqas reġjun
wieħed f'livell NUTS II li huwa eliġibbli skont l-objettiv ta'
"Konverġenza" tal-Fondi Strutturali. L-għan ta' din
il-modulazzjoni huwa biex ikun żgurat li l-espressjoni ta' solidarjetà
tal-Unjoni mal-ħaddiema f'dawn l-Istati Membri u reġjuni ma tkunx
ostakolata minn nuqqas ta' riżorsi ta' kofinanzjament mill-Istat Membru,
kif rikonoxxut mir-rati ta' kofinanzjament ogħla stabbiliti skont il-Fondi
Strutturali. Il-Kummissjoni, fil-valutazzjoni ta' tali applikazzjonijiet, se
tiddeċiedi jekk ir-rata ta' kofinanzjament ogħla hijiex
ġustifikata fil-każ speċifiku propost mill-Istat Membru. Wieħed mill-messaġġi ewlenin
għall-perjodu 2014 – 2020 huwa li n-nefqa fil-livell tal-Unjoni
għandha tkun orjentata lejn ir-riżultati, biex b’hekk ikun żgurat
li l-output u l-impatt tan-nefqa jixprunaw l-implimentazzjoni
tal-istrateġija Ewropa 2020 u l-kisba tal-miri tagħha.
Għan-nefqa relatata mal-FEG, l-MFF tistabbilixxi l-mira li mill-inqas
50 % tal-ħaddiema mgħejjuna permezz tal-FEG għandhom isibu
impjieg ġdid u stabbli wara 12-il xahar. Biex il-Kummissjoni tkun tista'
tissorvelja jekk l-Istati Membri humiex jagħmlu ħilithom
b'suċċess lejn din il-mira, l-Istati Membri se jippreżentaw
rapport interim dwar l-implimentazzjoni ta’ appoġġ mill-FEG wara 15-il
xahar. Fi ħdan l-istess approċċ orjentat lejn ir-riżultati,
il-proposta toffri l-possibbiltà li l-Istati Membri, soġġetti
għall-approvazzjoni mill-Kummissjoni, jistgħu jemendaw il-miżuri
attivi ppjanati tal-politika dwar is-suq tax-xogħol jekk matul il-perjodu
ta' implimentazzjoni ta' 24 xahar miżuri oħra jsiru aktar
rilevanti u promettenti biex tintlaħaq rata ta’ riintegrazzjoni
ogħla. ·
Dispożizzjonijiet eżistenti fil-qasam
tal-proposta Kif indikat fil-Komunikazzjoni[7]
dwar il-MFF, il-Fondi Strutturali, inklużi l-Fond Soċjali Ewropew
(FSE) u l-Fond Ewropew għall-Iżvilupp Reġjonali (FEŻR) se
jagħtu l-fondi għal azzjonijiet strutturali għall-koeżjoni
ekonomika, soċjali u territorjali. Dan il-finanzjament se jkun
ikkonċentrat fuq il-prijoritajiet ewlenin tal-istrateġija
Ewropa 2020, jiġifieri l-promozzjoni tal-impjiegi, l-investiment
fil-ħiliet, l-edukazzjoni u t-tagħlim tul il-ħajja,
l-inklużjoni soċjali u l-ġlieda kontra l-faqar kif ukoll
it-titjib tal-kapaċità istituzzjonali u amministrazzjoni pubblika
effiċjenti. Kemm il-FSE kif ukoll il-FEŻR jikkonsistu minn programmi
multiannwali b'appoġġ għal miri strateġiċi u fit-tul,
partikolarment l-antiċipazzjoni u l-ġestjoni tal-bidla u
r-ristrutturar. Il-FEG, min-naħa tiegħu, hu stabbilit biex jipprovdi
appoġġ f'ċirkostanzi eċċezzjonali u l-barra minn
rutina ta' pprogrammar multiannwali. Kif indikat fl-istess Komunikazzjoni, il-Politika
Agrikola Komuni (PAK) se żżomm l-istruttura attwali tagħha
msejsa fuq żewġ pilastri u se tissokta tipprovdi appoġġ
dirett lill-bdiewa u tappoġġja l-miżuri tas-suq, iffinanzjati
għal kollox mill-baġit tal-UE. Hija se tkompli wkoll tagħti
prodotti pubbliċi ambjentali speċifiċi, ittejjeb
il-kompetittività tas-setturi tal-agrikoltura u l-forestrija u tippromwovi
d-diversifikazzjoni tal-attività ekonomika u tal-kwalità tal-ħajja
f'żoni rurali taħt it-tieni pilastru tagħha, u b'mod partikolari
taħt l-appoġġ ipprovdut mill-Fond Agrikolu Ewropew
għall-Iżvilupp Rurali (FAEŻR). L-istess bħall-Fondi
Strutturali, il-FAEŻR jikkonsisti minn programmi multiannwali
b'appoġġ għal miri strateġiċi u fit-tul. Il-FEG, min-naħa tiegħu, huwa stabbilit
biex jipprovdi s-solidarjetà tal-Unjoni Ewropea permezz ta' appoġġ
limitat fiż-żmien lill-ħaddiema li qed jitilfu l-impjieg u
lill-bdiewa li jkollhom bżonn ibiddlu jew jaġġustaw is-settur
tal-produzzjoni f’ċirkustanzi eċċezzjonali u 'l barra mir-rutina
ta' pprogrammar multiannwali. Biex tippromwovi l-użu effettiv
tal-istrumenti ta' koeżjoni ekonomika, soċjali u territorjali
tal-Unjoni, l-għażla tal-istrument għandha tkun ibbażata
fuq valutazzjoni ta’ jekk is-sensji humiex ikkawżati minn fatturi
strutturali jew minn deterjorament temporanju tal-qagħda tal-impjiegi
kkawżat mill-fatturi definiti fir-Regolament. ·
Konsistenza mal-politiki u l-objettivi
l-oħra tal-Unjoni Il-FEG jikkontribwixxi għall-objettivi
tal-istrateġija Ewropa 2020, li għandhom jippermettu li l-UE
toħroġ iktar b’saħħitha mill-kriżi, u tressaq
l-ekonomija tagħha lejn tkabbir intelliġenti, sostenibbli u
inklużiv, flimkien ma' livell għoli ta' impjiegi, produttività u
koeżjoni soċjali. Fil-Komunikazzjoni tagħha[8]
"Ewropa 2020 – Strateġija għal tkabbir għaqli,
sostenibbli u inklużiv", il-Kummissjoni tenfasizza r-rwol tal-FEG
fil-kuntest tal-inizjattiva ewlenija "Politika industrijali fl-era
tal-globalizzazzjoni", partikolarment fid-dawl tar-ridistribuzzjoni
tal-ħiliet għas-setturi u s-swieq emerġenti li qed jaraw tkabbir
sinifikanti. ·
L-impatt fuq id-drittijiet fundamentali Din il-Proposta ma għandha l-ebda impatt fuq
id-drittijiet fundamentali. 2. RIŻULTATI TAL-KONSULTAZZJONIJIET
MAL-PARTIJIET INTERESSATI U L-VALUTAZZJONI TAL-IMPATT ·
Konsultazzjoni tal-partijiet interessati Saru żewġ konferenzi
għall-partijiet interessati biex jiġi diskuss il-futur tal-FEG,
fil-25-26 ta' Jannar 2011[9] u
fit-8 ta' Marzu 2011[10]. Inġabret evidenza[11]
dwar l-aċċettazzjoni tal-FEG billi ġew mistoqsija esperti
mill-Istati Membri dwar il-futur tal-FEG permezz ta' żewġ
kwestjonarji mibgħuta lilhom fis-26 ta’ Awissu 2010 u
fit-12 ta’ Ottubru 2010 kif ukoll l-organizzazzjonijiet
tal-imsieħba soċjali Ewropej permezz ta' kwestjonarju mibgħut
lilhom fit-2 ta' Frar 2011. Irrispondew ħamsa u
għoxrin Stat Membru; relattivament kienu ftit l-organizzazzjonijiet
tal-imsieħba soċjali li wieġbu iżda ħadu sehem b'mod
attiv fil-konferenzi. Esperti mill-Istati Membri kienu wkoll ikkonsultati matul
laqgħa ta' esperti f'Porto fid-29/30 ta’ Settembru 2010[12]
u fi Brussell fid-9 ta’ Marzu 2011[13].
Ir-riżultat prinċipali ta’ dawn il-konsultazzjonijiet kien
appoġġ enormi għal strument rapidu ta' intervent
għall-kriżijiet fil-każ ta' sensji fuq skala kbira. Madankollu
l-kumplessità tal-proċedura u d-dewmien tal-proċess tat-teħid
ta' deċiżjonijiet qalgħu kritika ħarxa mingħand
kulħadd. ·
Ġbir u użu ta' għarfien espert Ma kienx hemm il-ħtieġa ta’ esperti
esterni. ·
Valutazzjoni tal-impatt Il-valutazzjoni tal-impatt tal-FEG hija koperta
mill-Valutazzjoni tal-Impatt[14] tal-istrumenti
finanzjarji tad-Direttorat Ġenerali għall-Impjiegi, l-Affarijiet
Soċjali u l-Inklużjoni, jiġifieri il-Fond Soċjali Ewropew
(FSE), il-FEG, il-programm PROGRESS, EURES u l-faċilità ta'
mikrofinanzjament PROGRESS. Il-valutazzjoni tal-impatt ikkunsidrat tliet
għażliet għall-FEG: –
Alternattiva 1
– L-ebda bidla fil-politika, jiġifieri l-FEG se
jkompli mingħajr baġit tiegħu stess. Wara kull applikazzjoni
l-awtorità baġitarja għandha tieħu deċiżjoni dwar jekk
din is-sitwazzjoni partikolari jistħoqqilhiex l-appoġġ.
L-iżvantaġġ ewlieni huwa d-dewmien twil ikkawżat
mill-proċeduri amministrattivi li jiċċirkondaw il-proċess
tat-teħid tad-deċiżjonijiet. Il-vantaġġi ewlenin huma
l-flessibbiltà tal-istrument, b'mod partikolari meta jitqies kemm hi
fil-biċċa l-kbira imprevedibbli n-natura tan-nefqa, l-għarfien
li dan iqanqal fil-Parlament Ewropew fir-rigward tas-sensji tal-massa,
il-viżibbiltà għolja ta' kull applikazzjoni kif ukoll
il-viżibbiltà għolja tal-FEG innifsu. –
Alternattiva 2 – L-inkorporazzjoni
tal-azzjonijiet tal-FEG fil-FSE. L-iżvantaġġi
ewlenin huma l-ħtieġa għal allokazzjoni ċara tal-baġit
matul il-perjodu ta' programmar minkejja n-natura "mhux programmabbli"
tas-sensji tal-massa, il-konflitt possibbli mal-kriterji kumplessivi
tal-allokazzjoni użati fil-politika ta’ koeżjoni, u tnaqqis ta'
viżibbiltà politika ta' appoġġ tal-Unjoni billi l-awtorità
baġitarja ma tkunx involuta. Il-vantaġġi ewlenin ta’ din
l-għażla huma ż-żieda fil-koerenza u fil-komplementarjetà
mal-FSE, it-tqassir tal-proċess tat-teħid tad-deċiżjonijiet
u s-simplifikazzjoni u t-twittija tal-applikazzjonijiet tal-FEG billi l-FEG
jista' jibbenefika minn strutturi, proċeduri, sistemi ta’ ġestjoni u
kontroll tal-FSE kif ukoll is-simplifikazzjonijiet tal-FSE f'oqsma bħal
l-ispejjeż eliġibbli. –
Alternattiva 3
– Il-FEG bħala fond indipendenti bl-allokazzjoni
baġitarja tiegħu stess. L-iżvantaġġi ewlenin
huma t-telf ta' flessibbiltà baġitarja billi dan jalloka ammont fiss ta'
nfiq għal skema ta' nfiq varjabbli, il-mekkaniżmu eżekuttiv
(impatt negattiv fuq il-mekkaniżmu eżekuttiv meta mqabbel
mal-alternattiva 2 billi l-FEG mhux se jibbenefika mill-istrutturi,
mill-proċeduri u mis-simplifikazzjoni tal-FSE) u finalment ir-riskju ta'
sovrappożizzjoni eventwali mal-FSE. Il-vantaġġ ewlieni huwa
l-grad għoli ta' viżibbiltà għal solidarjetà Ewropea. Il-valutazzjoni wriet li f’termini ta’
veloċità ta’ twassil tal-għajnuna tal-FEG, l-alternattivi 2 u 3
huma preferibbli. Madankollu, dawn l-alternattivi jinkludu riskju akbar ta'
effiċjenza mnaqqsa minħabba nuqqas ta’ riżorsi allokati.
L-involviment ta' dawk li jfasslu l-politika fl-alternattiva 1
jiggarantixxi l-ogħla livell ta' impenn pubbliku tal-Unjoni mal-benessri tal-ħaddiema
li ngħataw is-sensja. Għalhekk, l-alternattiva 1 hija
l-alternattiva ppreferuta, li fil-fatt toffri l-flessibbiltà neċessarja
biex tippermetti użu effettiv tar-riżorsi, mingħajr ma taffettwa
l-Qafas Finanzjarju Multiannwali. Toffri wkoll il-possibbiltà li tissimplifika
aktar il-mekkaniżmu eżekuttiv u b'hekk ittejjeb l-effettività
tal-għajnuna pprovduta lill-ħaddiema li ngħataw is-sensja u
lill-bdiewa milquta mill-globalizzazzjoni. Safejn għandha x'taqsam l-istruttura
finanzjarja, il-proposta preżenti hija bbażata fuq
l-alternattiva 1, jiġifieri strument speċifiku li jopera barra
l-MFF. Fir-rigward tal-kontenut speċifiku tad-dispożizzjonijiet, u
b'mod partikolari l-adattament tar-regoli tal-FEG li jkopru lill-bdiewa, dan
kompla jiġi vvalutat fl-evalwazzjoni ex-ante li takkumpanja
din il-proposta. L-evalwazzjoni ex-ante[15]
qieset tliet alternattivi: –
Alternattiva 1
– L-ebda bidla fil-politika, jiġifieri l-FEG
jissokta jopera taħt ir-regoli attwali kif emendati mill-hekk imsejħa
"deroga ta' kriżi" u s-sensiela ta' azzjonijiet eliġibbli; –
Alternattiva 2
– L-estensjoni tal-popolazzjoni eliġibbli,
jiġifieri l-FEG jissokta jopera taħt ir-regoli attwali tiegħu
kif emendati mill-hekk imsejħa "deroga ta' kriżi" u
s-sensiela ta' azzjonijiet eliġibbli bħal fl-alternattiva 1,
iżda l-kriterji tal-intervenzjoni tagħha huma estiżi biex
jinkludu ħaddiema ta' aġenziji temporanji u ħaddiema b’kuntratti
b’terminu fiss: –
Alternattiva 3
– Estensjoni ulterjuri tal-popolazzjoni eliġibbli u
s-sensiela ta' azzjonijiet eliġibbli, jiġifieri l-FEG
jespandi l-alternattiva 2 billi jikludi fil-popolazzjoni eliġibbli
s-sidien/ġestjonarji ta’ intrapriżi mikro, żgħar u ta’ daqs
medju u l-ħaddiema għal rashom (inklużi l-bdiewa) u bl-estensjoni
tas-sensiela ta' azzjonijiet eliġibbli biex jikkunsidraw ir-rekwiżiti
speċifiċi tas-sidien-ġestjonarji. Abbażi ta' din il-valutazzjoni
tal-vantaġġi u l-iżvantaġġi tat-tliet alternattivi
msemmija, din il-proposta testendi l-appoġġ għal dik il-parti
tal-forza tax-xogħol milquta negattivament mill-globalizzazzjoni
tal-attivitajiet ekonomiċi, sitwazzjonijiet ta' kriżi għal
għarrieda jew ftehimiet kummerċjali, kemm bħala ħaddiem
permanenti jew temporanju kif ukoll bħala sid-ġestjonarju jew
ħaddiem għal rasu. 3. ELEMENTI LEGALI TAL-PROPOSTA ·
Sommarju tal-azzjoni proposta Il-proposta għandha l-għan li
tiżgura l-kontinwazzjoni tal-operat tal-FEG fil-perjodu ta’ programmar li
jmiss f'konformità mal-prinċipji bażiċi stabbiliti
għall-MFF 2014 – 2020. Il-FEG għandu jippermetti lill-UE
biex turi solidarjetà fil-livell ta' Unjoni u biex tipprovdi appoġġ
lill-ħaddiema li ngħataw is-sensja b'konsegwenza tal-globalizzazzjoni
tal-kummerċ, minħabba fi kriżi mhux mistennija jew b'konsegwenza
ta' ftehimiet kummerċjali li għandhom impatt fuq is-settur agrikolu. ·
Bażi legali It-Trattat dwar il-Funzjonament tal-Unjoni
Ewropea, u b’mod partikolari t-tielet paragrafu tal-Artikolu 175 u
l-Artikoli 42 u 43. L-Artikolu 175(3) jippermetti lill-Parlament
Ewropew u lill-Kunsill biex jieħdu azzjoni skont il-proċedura
leġislattiva ordinarja u wara li jikkonsultaw il-Kumitat Ekonomiku u
Soċjali u l-Kumitat tar-Reġjuni, jekk jinħass il-bżonn li
jkun hemm azzjonijiet speċifiċi barra l-Fondi Strutturali u
l-Politika Agrikola Komuni u bla ħsara għall-miżuri
deċiżi fil-qafas tal-politiki l-oħra tal-Unjoni. Fir-rigward speċifikament
tad-dispożizzjonijiet f'dan ir-Regolament marbuta mal-appoġġ
għal bdiewa attivi, l-assistenza tal-FEG tista' tiġi kkunsidrata
bħala għajnuna għal attivitajiet agrikoli u bħala azzjoni
meħuda fl-eżekuzzjoni ta' objettiv fil-Politika Agrikola tal-Unjoni.
Għalhekk, l-Artikoli 42 u 43 tat-Trattat dwar il-Funzjonament
tal-Unjoni Ewropea jikkonstitwixxu l-bażi legali xierqa
għall-miżuri mmirati għall-bdiewa. ·
Prinċipju ta’ sussidjarità Il-prinċipju tas-sussidjarjetà japplika sakemm
il-proposta ma taqax taħt il-kompetenza esklużiva tal-Unjoni. L-għanijiet ta' turija ta' solidarjetà
fil-livell ta' Unjoni f'ċirkostanzi eċċezzjonali għal dik
il-parti tal-forza tax-xogħol li tkun ġiet affettwata b'mod negattiv
mill-globalizzazzjoni, minn kriżi għal għarrieda jew minn
ftehimiet kummerċjali, ma jistgħux jintlaħqu b'mod
suffiċjenti mill-Istati Membri waħidhom. Dawn jistgħu jinkisbu
aħjar fil-livell ta' Unjoni meta jitqies li l-FEG huwa espressjoni ta’
solidarjetà min-naħa għall-oħra tal-Istati Membri u bejniethom.
Il-mobilizzazzjoni tal-kontribuzzjoni finanzjarja mill-FEG se teħtieġ
l-approvazzjoni taż-żewġ fergħat tal-awtorità
baġitarja, biex b’hekk tintwera s-solidarjetà tal-Unjoni u tal-Istati
Membri. B’dan il-mod, il-proposta se tikkontribwixxi biex l-għan ta'
solidarjetà tal-Unjoni jsir aktar tanġibbli f'ċirkostanzi
eċċezzjonali għal dik il-parti tal-forza tax-xogħol
partikolarment milquta u għaċ-ċittadini tal-Unjoni
inġenerali. ·
Prinċipju ta' proporzjonalità Skont il-prinċipju tal-proporzjonalità,
id-dispożizzjonijiet ta’ din il-proposta ma jmorrux lil hinn minn dak li
huwa meħtieġ biex jintlaħqu l-għanijiet tiegħu.
L-obbligi imposti fuq l-Istati Membri jirriflettu l-bżonn li tingħata
għajnuna lill-ħaddiema affettwati sabiex jadattaw irwieħhom
għal ċirkustanzi li qed jinbidlu u biex jintegraw mill-ġdid
b'mod imgħaġġel fl-impjieg. Il-piż amministrattiv fuq
l-Unjoni u fuq l-awtoritajiet nazzjonali ġie limitat għal dak li huwa
meħtieġ mill-Kummissjoni biex teżerċita r-responsabbiltà
tagħha għall-implimentazzjoni tal-baġit tal-Unjoni. Peress li
l-kontribuzzjoni finanzjarja ssir lill-Istat Membru skont il-prinċipju ta'
ġestjoni maqsuma, l-Istat Membru se jinħtieġlu jirrapporta dwar
l-użu magħmul mill-kontribuzzjoni finanzjarja. ·
Għażla ta' strument L-istrument propost: Regolament. Mezzi oħra ma jkunux xierqa minħabba
r-raġuni li ġejja: l-għan li tintwera solidarjetà fil-livell
tal-Unjoni jista’ jinkiseb biss permezz ta' strument legali direttament
applikabbli. 4. IMPLIKAZZJONI BAĠITARJA Il-FEG huwa wieħed mill-istrumenti
speċjali mhux inklużi fil-MFF, b'ammont massimu ta'
EUR 3 biljuni minn Jannar 2014
sal-31 ta' Diċembru 2020, filwaqt li l-ammont ta'
appoġġ għas-settur agrikolu ma għandux jaqbeż
EUR 2,5 biljuni (prezzijiet tal-2011) Il-funzjonament tiegħu huwa rregolat minn
punt 13 tal-Abbozz tal-Ftehim Interistituzzjonali[16]
bejn il-Parlament Ewropew, il-Kunsill u l-Kummissjoni dwar il-kooperazzjoni fi
kwistjonijiet baġitarji u dwar amministrazzjoni finanzjarja serja. Ma jistax jaqbeż l-ammont massimu annwali ta'
EUR 429 miljun. 5. ELEMENTI FAKULTATTIVI 2011/0269 (COD) Proposta għal REGOLAMENT TAL-PARLAMENT EWROPEW U
TAL-KUNSILL dwar il-Fond Ewropew ta’
Aġġustament għall-Globalizzazzjoni (2014 - 2020) IL-PARLAMENT EWROPEW U L-KUNSILL
TAL-UNJONI EWROPEA, Wara li kkunsidraw it-Trattat dwar
il-Funzjonament tal-Unjoni Ewropea, u b’mod partikolari t-tielet paragrafu
tal-Artikolu 175, kif ukoll l-Artikoli 42 u 43 tiegħu, Wara li kkunsidraw il-proposta
mill-Kummissjoni, Wara t-trażmissjoni tal-abbozz ta’ att
leġiżlattiv lill-Parlamenti nazzjonali, Wara li kkunsidraw l-opinjoni tal-Kumitat
Ekonomiku u Soċjali Ewropew[17], Wara li kkunsidraw l-opinjoni tal-Kumitat
tar-Reġjuni[18], Filwaqt li jaġixxu skont
il-proċedura leġiżlattiva ordinarja, Billi: (1)
Fis-26 ta' Marzu 2010, il-Kunsill
Ewropew qabel mal-proposta tal-Kummissjoni biex titniedi strateġija
ġdida, Ewropa 2020. Waħda mit-tliet prijoritajiet
tal-istrateġija Ewropa 2020 hija t-tkabbir inklużiv
bl-għoti tal-potenzjal lin-nies permezz ta' livelli għoljin ta' impjiegi,
l-investiment fil-ħiliet, il-ġlieda kontra l-faqar u l-immodernizzar
tas-swieq tax-xogħol, it-taħriġ u s-sistemi tal-protezzjoni
soċjali sabiex tgħin liċ-ċittadini jantiċipaw u
jamministraw il-bidla, u jibnu soċjetà koeżiva. (2)
Il-Fond Ewropew ta’ Aġġustament
għall-Globalizzazzjoni (FEG) ġie stabbilit permezz tar-Regolament
(KE) Nru 1927/2006 tal-Parlament Ewropew u tal-Kunsill
tal-20 ta' Diċembru 2006 dwar l-istabbiliment tal-Fond
Ewropew ta’ Aġġustament għall-Globalizzazzjoni[19]
għat-tul tal-Qafas Finanzjarju mill-1 ta' Jannar 2007
sal-31 ta' Diċembru 2013 biex jippermetti lill-Unjoni turi
solidarjetà mal-ħaddiema li ngħataw is-sensja kawża tal-bidliet
strutturali maġġuri fix-xejriet tal-kummerċ dinji minħabba
l-globalizzazzjoni u biex joffri appoġġ għar-riintegrazzjoni
rapida tagħhom fl-impjieg. Dan l-għan inizjali tal-FEG jibqa' validu. (3)
Il-Komunikazzjoni mill-Kummissjoni lill-Parlament
Ewropew, lill-Kunsill, lill-Kumitat Ekonomiku u Soċjali Ewropew u
lill-Kumitat tar-Reġjuni dwar "Baġit għall-Ewropa 2020"[20]
tagħraf ir-rwol tal-FEG bħala fond flessibbli li jagħti
appoġġ lill-ħaddiema li jkunu tilfu l-impjieg tagħhom u
jgħinhom isibu impjieg ieħor malajr kemm jista' jkun. L-Unjoni
għandha tkompli tipprovdi, għat-tul tal-Qafas Finanzjarju
Multiannwali mill-1 ta' Jannar 2014
sal-31 ta' Dicembru 2020, għajnuna speċifika ta’ darba
sabiex tkun iffaċilitata l-integrazzjoni mill-ġdid fid-dinja
tax-xogħol tal-ħaddiema li ngħataw is-sensja f’oqsma, f'setturi,
f'territorji jew fi swieq tax-xogħol li jkunu qed ibatu minn xokk serju
ta' tfixkil ekonomiku. Fid-dawl tal-għan tiegħu, li huwa li joffri
appoġġ f'sitwazzjonijiet urġenti u ċirkostanzi mhux
mistennija, il-FEG għandu jibqa' barra mill-Qafas Finanzjarju
Multiannwali. (4)
Il-kamp ta' applikazzjoni tar-Regolament (KE) Nru 1927/2006
ġie estiż fl-2009 bir-Regolament (KE) Nru 546/2009 tal-Parlament
Ewropew u tal-Kunsill[21] bħala parti
mill-Pjan Ewropew ta' Rkupru Ekonomiku biex jinkludi l-ħaddiema li
ngħataw is-sensja minħabba fil-kriżi ekonomika u finanzjarja.
Sabiex il-FEG ikun jista' jintervjeni f’sitwazzjonijiet ta’ kriżi futuri,
il-firxa tiegħu għandha tkopri s-sensji li jirriżultaw minn
taqlib ekonomiku serju meta kkawżat minn kriżi mhux mistennija
komparabbli mal-kriżi finanzjarja u ekonomika li laqtet l-ekonomija mill-2008
'l quddiem. (5)
B'konformità mal-Komunikazzjoni dwar
"Baġit għall-Ewropa 2020", il-kamp ta' applikazzjoni
tal-FEG għandu jiġi estiz biex jiffaċilita l-adattament
tal-bdiewa għall-qagħda ġdida tas-suq li tirriżulta minn
ftehimiet kummerċjali internazzjonali fis-settur agrikolu u li twassal
għal bidla jew aġġustament sinifikattiv fl-attivitajiet agrikoli
tal-bdiewa affettwati, biex jgħinhom isiru strutturalment aktar
kompetittivi jew biex jiffaċilita t-tranżizzjoni tagħhom
għal attivtajiet li mhumiex agrikoli. (6)
Biex tkun żgurata d-dimensjoni Ewropea
tal-FEG, għandha tinbeda applikazzjoni għall-appoġġ tal-FEG
meta l-għadd ta' sensji jilħaq livell minimu. Fi swieq
tax-xogħol żgħar, bħal Stati Membri żgħar jew
reġjuni rimoti, u f'ċirkostanzi eċċezzjonali, jistgħu
jittressqu applikazzjonijiet għal numru inqas ta' sensji. Rigward
il-bdiewa, il-kriterji neċessarji għandhom jiġu determinati
mill-Kummissjoni skont il-konsegwenzi ta' kull ftehim kummerċjali. (7)
Il-ħaddiema li ngħataw is-sensja
għandu jkollhom aċċess indaqs għall-FEG ikun xi jkun it-tip
ta' kuntratt ta' impjieg jew relazzjoni ta' impjieg. Għalhekk,
ħaddiema b'kuntratti ta’ terminu fiss u aġenti temporanji li
ngħataw is-sensja kif ukoll is-sidien-ġestjonarji ta’ intrapriżi
mikro, żgħar u ta’ daqs medju u l-ħaddiema għal rashom li
jwaqqfu l-attivitajiet tagħhom u bdiewa li jibdlu jew jaġġustaw
l-attivitajiet tagħhom għal sitwazzjoni ta' suq ġdid skont
ftehimiet kummerċjali, għandhom jitqiesu bħala ħaddiema li
ngħataw is-sensja għall-finijiet ta' dan ir-Regolament. (8)
Rigward il-bdiewa, il-kamp ta' applikazzjoni
tal-FEG għandu jinkludi benefiċjarji affettwati minn ftehimiet
bilaterali konklużi mill-Unjoni skont l-Artikolu XXIV tal-GATT jew
ftehimiet multilaterali konklużi fi ħdan l-Organizzazzjoni Dinjija
tal-Kummerċ. Dan ikopri bdiewa li jibdlu jew jaġġustaw
l-attivitajiet agrikoli preċedenti tagħhom fi żmien perjodu li
jibda mit-tnedija ta' tali ftehimiet kummerċjali u li jintemm tliet snin
wara l-implimentazzjoni sħiħa tagħhom (9)
L-appoġġ mill-FEG għandu jiffoka fuq
miżuri attivi tas-suq tax-xogħol diretti lejn miżuri attivi
tas-suq tax-xogħol immirati lejn ir-riintegrazzjoni rapida fl-impjieg, jew
ġewwa jew barra s-settur tal-attività inizjali tagħhom, inkluż
is-settur agrikolu. Għalhekk l-inklużjoni ta’ allowances ta' flus
f'pakkett ikkoordinat ta' servizzi personalizzati għandha tkun ristretta. (10)
Meta jistabbilixxu l-pakkett koordinat
tal-miżuri ta' politika attiva tas-suq tax-xogħol l-Istati Membri
għandhom jiffavorixxu miżuri li jikkontribwixxu b’mod sinifikanti
għall-impjegabbiltà tal-ħaddiema li ngħataw is-sensja. L-Istati
Membri għandhom iħabirku għar-riintegrazzjoni fl-impjig jew
f'attivitajiet ġodda ta' mill-inqas 50 % tal-ħaddiema fil-mira
fi żmien 12-il xahar mid-data tal-applikazzjoni. (11)
Biex il-ħaddiema li ngħataw is-sensja
jiġu appoġġjati b'mod effettiv u rapidu, l-Istati Membri
għandhom jagħmlu ħilithom kollha sabiex jippreżentaw
applikazzjonijiet kompluti. L-għoti ta' tagħrif supplimentari
għandu jkun eċċezzjonali u limitat fiż-żmien. (12)
F'konformità mal-prinċipju ta' ġestjoni
finanzjarja soda, il-kontribuzzjonijiet finanzjarji mill-FEG ma għandhomx
jissostitwixxu l-miżuri ta' appoġġ li huma disponibbli għal
ħaddiema li ngħataw is-sensja fi ħdan il-Fondi Strutturali
tal-Unjoni jew politiki jew programmi oħra tal-Unjoni. (13)
Għandhom jiġu inklużi
dispożizzjonijiet speċjali għal attivitajiet ta' tagħrif u
komunikazzjoni fuq każijiet tal-FEG u r-riżultati tagħhom. Barra
minn hekk, għal aktar effiċjenza fil-komunikazzjoni mal-pubbliku
ġenerali u għal sinerġija aħjar bejn l-attivitajiet ta'
komunikazzjoni magħmula bis-saħħa tal-inizzjattiva
tal-Kummissjoni, ir-riżorsi allokati għall-azzjonijiet ta'
komunikazzjoni skont dan ir-Regolament għandhom jikkontribwixxu biex
ikopru l-komunikazzjoni korporattiva tal-prijoritajiet politiċi tal-Unjoni
sakemm dawn huma relatati mal-iskopijiet ġenerali ta' dan ir-Regolament. (14)
Sabiex ikun żgurat li l-espressjoni ta'
solidarjetà tal-Unjoni mal-ħaddiema ma tkunx ostakolata minn nuqqas ta'
riżorsi ta' kofinanzjament mill-Istat Membru, ir-rata ta' kofinanzjament
għandha tkun modulata, b'kontribuzzjoni ta' 50 % għall-kost
tal-pakkett u l-implimentazzjoni tiegħu bħala norma, u l-possibbiltà
li din ir-rata togħla għal 65 % fil-każ ta'
applikazzjonijiet imressqa minn dawk l-Istati Membri li fit-territorji
tagħhom tal-anqas reġjun wieħed f'livell NUTS II huwa
eliġibbli skont l-objettiv ta' "Konverġenza" tal-Fondi
Strutturali. (15)
Sabiex tiffaċilita l-implimentazzjoni ta’ dan
ir-Regolament, in-nefqa għandha tkun eliġibbli jew mid-data li fiha
Stat Membru iġarrab nefqa amministrattiva għall-implimentazzjoni
tal-FEG jew mid-data li fiha Stat Membru jibda jipprovdi servizzi
personalizzati jew, fil-każ ta' bdiewa, mid-data stipulata fl-Att
tal-Kummissjoni skont l-Artikolu 4(3). (16)
Sabiex jiġu koperti l-ħtiġijiet li
jinqalgħu matul l-aħħar xhur tas-sena, huwa neċessarju li
jkun żgurat li tal-anqas kwart tal-ammont massimu annwali tal-FEG jibqa'
disponibbli fl-1 ta' Settembru. Kontribuzzjonijiet finanzjarji
magħmula waqt il-kumplament tas-sena għandhom jiġu allokati
fid-dawl tal-limitu ġenerali stabbilit għall-appoġġ
lill-bdiewa fil-Qafas Finanzjarju Multiannwali. (17)
Il-Ftehim Interistituzzjonali bejn il-Parlament
Ewropew, il-Kunsill u l-Kummissjoni ta’ [………….] dwar il-koperazzjoni fi
kwistjonijiet baġitarji u l-amministrazzjoni finanzjarja soda[22]
("il-Ftehim Interistituzzjonali") jiddetermina l-qafas baġitarju
tal-FEG. (18)
Fl-interess tal-ħaddiema li ngħataw
is-sensja, l-Istati Membri u l-istituzzjonijiet tal-Unjoni involuti
fil-proċess tat-teħid tad-deċiżjonijiet tal-FEG għandhom
jagħmlu ħilithom biex jitnaqqas iż-żmien
tal-ipproċessar u biex jiġu ssimplifikati l-proċeduri. (19)
Sabiex jippermettu monitoraġġ kontinwu
mill-Kummissjoni tar-riżultati miksuba bl-għajnuna tal-FEG, l-Istati
Membri għandhom iressqu rapporti interim u finali dwar l-implimentazzjoni
tal-FEG. (20)
L-Istati Membri għandhom jibqgħu
responsabbli għall-implimentazzjoni tal-kontribuzzjoni finanzjarja u
għall-ġestjoni u l-kontroll tal-azzjonijiet appoġġjati
mill-finanzjament tal-Unjoni, skont ir-Regolament tal-Kunsill (KE, Euratom)
Nru 1605/2002 tal-25 ta’ Ġunju 2002 dwar ir-Regolament
Finanzjarju applikabbli għall-baġit ġenerali tal-Komunitajiet
Ewropej ("ir-Regolament Finanzjarju")[23].
L-Istati Membri għandhom jiġġustifikaw l-użu li jkun sar
mill-kontribuzzjoni finanzjarja li jkunu rċevew mill-FEG. (21)
Ladarba l-għanijiet ta’ dan ir-Regolament ma
jistgħux jinkisbu b'mod suffiċjenti mill-Istati Membri u jistgħu
għalhekk, minħabba l-iskala u l-effetti tagħhom, jinkisbu
aħjar f'livell ta' Unjoni, l-Unjoni tista’ tadotta miżuri, skont
il-prinċipju ta’ sussidjarjetà kif stipulat fl-Artikolu 5 tat-Trattat
dwar l-Unjoni Ewropea. Skont il-prinċipju ta' proporzjonalità, kif
stipulat f'dak l-Artikolu, dan ir-Regolament ma jmurx lil hinn minn dak li huwa
meħtieġ sabiex jinkisbu dawk l-għanijiet, ADOTTAW DAN IR-REGOLAMENT: Artikolu 1
Għanijiet Dan ir-Regolament jistabbilixxi l-Fond Ewropew
ta’ Aġġustament għall-Globalizzazzjoni (FEG) għall-perjodu
tal-Qafas Finanzjarju Multiannwali mill-1 ta' Jannar 2014
sal-31 ta' Diċembru 2020. L-għan tal-FEG għandu jkun biex
jikkontribwixxi għat-tkabbir ekonomiku u l-impjiegi fl-Unjoni billi
jippermetti lill-Unjoni turi solidarjetà lejn ħaddiema li ħadu
s-sensja kawża ta' bidliet strutturali kbar fix-xejriet tal-kummerċ
dinji minħabba l-globalizzazzjoni, ftehimiet kummerċjali li
jaffettwaw l-agrikoltura, jew kriżi mhux mistennija, u sabiex joffri
appoġġ għar-riintegrazzjoni rapida tagħhom fl-impjieg, jew
biex ibiddlu jew jaġġustaw l-attivitajiet agrikoli tagħhom. Azzjonijiet li jgawdu minn kontribuzzjonijiet
finanzjarji mill-Fond skont l-Artikolu 2(a) u (b) għandu jkollhom
l-iskop li jiżguraw li minimu ta' 50 % tal-ħaddiema li qed
jipparteċipaw f'dawn l-azzjonijiet isibu impjieg sod fi żmien sena
mid-data tal-applikazzjoni. Artikolu 2
Kamp ta' Applikazzjoni Dan ir-Regolament għandu japplika
għal applikazzjonijiet mill-Istati Membri għal kontribuzzjonijiet
finanzjarji biex jingħataw lil: (a)
ħaddiema li ngħataw is-sensja
b'riżultat tal-bidliet strutturali ewlenin fix-xejriet kummerċjali
dinjin minħabba l-globalizzazzjoni, li jidher b'mod partikolari minn
żieda sostanzjali fl-importazzjonijiet lejn l-Unjoni, mit-tnaqqis rapidu
tas-sehem mis-suq tal-Unjoni f’settur partikolari jew minn delokalizzazzjoni
ta' attivitajiet lejn pajjiżi terzi, fejn dawn is-sensji kellhom impatt
negattiv sinifikanti fuq l-ekonomija lokali, reġjonali jew nazzjonali; (b)
ħaddiema li ngħataw is-sensja
minħabba tfixkil serju fl-ekonomija lokali, reġjonali jew nazzjonali
kkawżat minn kriżi mhux mistennija, sakemm tista' tiġi
stabbilita rabta diretta u li tista’ tintwera bejn is-sensji u dik
il-kriżi; (c)
ħaddiema li bidlu jew aġġustaw
l-attivitajiet agrikoli preċedenti matul perjodu li jibda mit-tnedija
tal-ftehim kummerċjali mill-Unjoni li fih miżuri ta'
liberalizzazzjoni kummerċjali għas-settur agrikolu rilevanti u li
jintemm tliet snin wara l-implimentazzjoni sħiħa ta' dawn
il-miżuri u sakemm dawn il-miżuri kummerċjali jwasslu għal
żieda sostanzjali f'importazzjonijiet tal-Unjoni ta' prodott jew prodotti
agrikolu/i akkumpanjat minn tnaqqis sinifikanti fil-prezzijiet ta' tali
prodotti f'livell ta' Unjoni, u fejn rilevanti, livell nazzjonali jew
reġjonali. Artikolu 3
Definizzjoni Għall-iskopijiet ta' dan ir-Regolament,
għandhom japplikaw dawn id-definizzjonijiet: (d)
"ħaddiem" ifisser ħaddiema
b'kuntratti ta' impjieg indefiniti li l-kuntratt jew ir-relazzjoni tal-impjieg
tagħhom hija skont l-Artikolu 4; jew (e)
"ħaddiem" ifisser ħaddiema
b'terminu fiss kif definit fid-Direttiva tal-Kunsill 1999/70/KE[24],
li l-kuntratt jew ir-relazzjoni tal-impjieg tagħhom hija skont l-Artikolu
4(1)(a) jew (b), u jintemm u ma jiġġeddidx fil-perjodu stipulat f'dak
il-punt tal-Artikolu 4; jew (f)
"ħaddiem" ifisser aġent
temporanju kif definit mill-Artikolu 3 tad-Direttiva 2008/104/KE
tal-Parlament Ewropew u tal-Kunsill[25], li l-intrapriża
utenti tiegħu hija skont l-Artikolu 4(1)(a) jew (b), u li l-kuntratt
fl-intrapriża l-utenti tiegħu jintemm u ma jiġġeddidx
fil-perjodu stipulat f'dak il-punt tal-Artikolu 4; jew (g)
"ħaddiem" ifisser
sid-ġestjonarju ta' intrapriżi mikro, żgħar u ta’ daqs medju
u l-ħaddiema għal rashom (inklużi l-bdiewa) u l-membri kollha
tal-familja attivi fin-negozju, sakemm, jekk bdiewa, kienu diġà qed
jipproduċu l-output affettwat mill-ftehim kummerċjali rilevanti qabel
mal-miżuri relatati mas-settur partikolari ġew implimentati. Artikolu 4
Il-kriterji ta' intervent 1.
Għandha tingħata kontribuzzjoni
finanzjarja mill-FEG fejn hemm kwalunkwe kundizzjoni stipulata fil-punti (a),
(b) u (c) tal-Artikolu 2 u li tirriżulta fi: (a)
mill-inqas 500 ħaddiem li ngħataw
is-sensja matul perjodu ta' erba' xhur f'intrapriża fi Stat Membru,
inklużi l-ħaddiema li jitilfu l-impjieg tagħhom minħabba
nuqqas ta' xogħol fil-fornituri tagħha jew fil-produtturi aktar 'l
isfel fil-katina ta' produzzjoni; (b)
mill-inqas 500 ħaddiem li ngħataw
is-sensja matul perjodu ta’ disa’ xhur, partikolarment f'intrapriżi
żgħar jew ta' daqs medju, li joperaw f'settur ekonomiku wieħed
definit fuq livell tad-diviżjoni NACE Rev 2 u lokalizzat
f'reġjun wieħed jew żewġ reġjuni kontigwi definiti
fil-livell NUTS II, jew f’aktar minn żewġ reġjuni kontigwi
definiti fil-livell NUTS II sakemm aktar minn 500 ħaddiem jitilfu
l-impjieg f'żewġ reġjuni kombinati. 2.
Fi swieq tax-xogħol żgħar jew
f’ċirkustanzi eċċezzjonali, fejn tkun debitament motivata
mill-Istat Membru li japplika, applikazzjoni għal kontribuzzjoni
finanzjarja skont dan l-Artikolu mill-FEG tista’ tiġi kkunsidrata
ammissibbli wkoll jekk il-kriterji stabbiliti fil-punti (a) jew (b)
tal-paragrafu 1 ma jiġux sodisfatti kompletament, meta s-sensji jkollhom
impatt serju fuq l-impjieg u l-ekonomija lokali. L-Istat Membru għandu
jispeċifika liema mill-kriterji ta’ intervent stabbiliti
fil-punti (a) u (b) tal-paragrafu 1 ma jkunx sodisfatti kompletament. 3.
Rigward il-bdiewa, meta, wara li jkun tnieda ftehim
kummerċjali u abbażi tat-tagħrif, id-dejta u l-analiżi
disponibbli għalih, il-Kummissjoni tikkunsidra li l-kundizzjonijiet
għall-appoġġ skont l-Artikolu 2(c) huma probabbilment
sodisfatti għal numru sinifikanti ta' bdiewa, hija għandha tadotta
atti delegati skont l-Artikolu 24 fejn tagħżel setturi jew
prodotti fejn tiddefinixxi ż-żoni ġeografiċi affettwati,
fejn huwa xieraq, tistipula ammont massimu għall-appoġġ
potenzjali fuq livell tal-Unjoni, tistipula perjodi ta' referenza u kundizzjonijiet
ta' eliġibbiltà għal bdiewa u dati ta' eliġibbiltà
għan-nefqa kif ukoll tistabbilixxi data tal-għeluq għat-tressiq
tal-applikazzjonijiet u, jekk ikun meħtieġ, il-kontenut ta' dawn
l-applikazzjonijiet skont l-Artikolu 8(2). 4.
Fejn sidien-ġestjonarji ta' intrapriżi
mikro, żgħar u ta’daqs medju u ħaddiema impjegati għal
rashom jibdlu jew, fil-każ ta' bdiewa, jaġġustaw l-attivitajiet
tagħhom, tali sitwazzjonijiet għandhom jiġu kkunsidrati
bħala sensji għall-finijiet ta' dan ir-Regolament. Artikolu 5
Il-kalkolu tas-sensji Għall-finijiet tal-kalkolu tal-għadd
ta' sensji previsti fl-Artikolu 4(1), sensja għandha titqies
bħala tali: (a)
għall-ħaddiema b'kuntratti ta' impjieg
ta' tul indefinit jew għal ħaddiema b'terminu fiss li jintemm qabel
l-iskadenza tiegħu: (1)
mid-data tan-notifika individwali tal-impjegatur ta’
waqfien mix-xogħol jew ta’ tmiem tal-kuntratt tax-xogħol
tal-ħaddiem; jew (2)
mid-data ta’ meta jintemm de facto
l-kuntratt tax-xogħol qabel l-għeluq taż-żmien tiegħu;
jew (3)
mid-data meta min iħaddem, skont
l-Artikolu 3(1) tad-Direttiva tal-Kunsill 98/59/KE[26],
jgħarraf bil-miktub lill-awtorità pubblika kompetenti bis-sensji
kollettivi pproġettati; f'dan il-każ l-Istat Membru applikant
għandu jipprovdi lill-Kummissjoni b'tagħrif addizzjonali dwar
in-numru reali ta' sensji milquta skont l-Artikolu 4(1), qabel ma titlesta
l-valutazzjoni mill-Kummissjoni. (b)
għall-ħaddiema b'perjodu fiss u
għall-aġenti temporanji, jew: (1)
mid-data ta’ meta jintemm de facto
l-kuntratt tax-xogħol, jew (2)
minn tmiem id-delega mal-impriża utenti, jew (3)
mid-data li fiha dawn jiġu qiegħda. (c)
Għal sidien-ġestjonarji ta’
intrapriżi mikro, żgħar u ta’ daqs medju u
għall-ħaddiema għal rashom (inklużi l-bdiewa), is-sensja
għandha tingħadd jew mid-data ta' waqfien tal-attivitajiet
ikkawżati minn kwalunkwe waħda mill-kundizzjonijiet stipulati
fl-Artikolu 2, u determinati skont il-liġi nazzjonali jew
dispożizzjonijiet amministrattivi, jew mid-data speċifikata
mill-Kummissjoni fl-att delegat adottat skont l-Artikolu 4(3). Għal kull intrapriża jew
ħaddiem għal rasu kopert b'applikazzjoni l-Istat Membru għandu
jispeċifika l-mod kif is-sensji qed jingħaddu. Artikolu 6
Ħaddiema eliġibbli L-Istat Membru applikant jista' jipprovdi
servizzi personalizzati kofinanzjati mill-FEG lill-ħaddiema affettwati, li
jistgħu jinkludu: (a)
il-ħaddiema kollha li ħadu s-sensja skont
l-Artikolu 5, matul il-perjodu stipulat fl-Artikolu 4(1), (2) jew
(3), (b)
ħaddiema ngħataw is-sensja qabel jew wara
l-perjodu stipulat fl-Artikolu 4(1)(a) jew (2), f'każijiet fejn
applikazzjoni skont l-Artikolu 4(2) tidderoga mill-kriterji stipulati
fl-Artikolu 4(1)(a), (c)
bdiewa li bidlu jew aġġustaw
l-attivitajiet agrikoli tagħhom wara t-tnedija mill-Unjoni tal-ftehim
kummerċjali msemmi fl-att delegat meħud skont l-Artikolu 4(3). Il-ħaddiema msemmija fil-punt (b) huma
kkunsidrati eliġibbli, sakemm ikunu ħadu s-sensja wara l-aħbar
ġenerali tas-sensji pproġettati u wara li tista' tiġi stabbilita
rabta kawżali ċara mal-avveniment li wassal għas-sensja matul
il-perjodu ta' referenza. Artikolu 7
Azzjonijiet eliġibbli 5.
Tista' tingħata kontribuzzjoni finanzjarja
għal miżuri attivi tas-suq tax-xogħol li jagħmlu parti minn
pakkett koordinat ta’ servizzi personalizzati mfassla biex jiffaċilitaw
ir-riintegrazzjoni tal-ħaddiema fil-mira li ngħataw is-sensja
fl-impjieg jew f'impjieg indipendenti jew, fil-każ ta' bdiewa, biex
ibiddlu jew jaġġustaw l-attivitajiet preċedenti tagħhom.
Il-pakkett koordinat ta’ servizzi personalizzati jista' partikolarment
jinkludi: (a)
għajnuna għat-tfittix ta' impjieg, gwida
dwar ix-xogħol, servizzi konsultattivi, konsulenza, għajnuna
għar-rikollokazzjoni, il-promozzjoni tal-intraprenditorija, għajnuna
għal impjieg indipendenti u gћall-ftuħ ta’ negozji jew
għal tibdil jew aġġustament tal-attività (inklużi
investimenti f’assi fiżiċi), attivitajiet ta' kooperazzjoni,
taħriġ imfassal apposta u taħriġ mill-ġdid,
inkluż ħiliet tat-teknoloġija tat-tagħrif u
l-komunikazzjoni u ċertifikazzjoni tal-esperjenza miksuba; (b)
miżuri speċjali b'limitu ta' żmien,
bħal allowances għat-tfittix ta' impjieg, inċentivi
għar-reklutaġġ ta' min iħaddem, allowances
għall-mobbiltà, sussidji jew allowances għat-taħriġ (inklużi
allowances għal carers jew servizzi ta' għajnuna azjendali), li
kollha huma limitati sakemm idum dokumentat tiftix attiv għax-xogħol
jew attivitajiet ta' tagħlim tul il-ħajja jew ta' taħriġ; (c)
miżuri li jistimulaw, b’mod partikulari
lill-ħaddiema żvantaġġati jew imdaħħla
fiż-żmien biex jibqgħu jew jerġgħu jidħlu fis-suq
tax-xogħol. L-ispejjeż tal-miżuri taħt (b) ma
għandhomx jaqbżu l-50 % tal-ispejjeż totali tal-pakkett
koordinat ta’ servizzi personalizzati elenkati f'dan il-paragrafu. L-ispiża tal-investimenti f'assi
fiżiċi għal xogħol awtonomu u l-bidu ta' negozju jew
il-bdil jew l-aġġustament tal-attività ma tistax taqbeż
EUR 35 000. 6.
Dawn il-miżuri ma għandhomx ikunu
eliġibbli għal kontribut finanzjarju mill-FEG: (a)
miżuri speċjali b'limitu ta' żmien
kif elenkati fil-paragrafu 1 (b) li mhumiex marbuta mas-sehem attiv
tal-ħaddiema fil-mira f'attivitajiet ta' tfittxija tax-xogħol jew ta'
taħriġ; (b)
azzjonijiet li huma r-responsabbiltà ta'
intrapriżi bis-saħħa tal-liġi nazzjonali jew ftehimiet
kollettivi. 7.
Fuq inizjattiva tal-Istat Membru applikanti, tista'
ssir kontribuzzjoni finanzjarja għall-attivitajiet ta' tħejjija,
ġestjoni, tagħrif u pubbliċità, kontroll u rappurtaġġ. Artikolu 8
Applikazzjonijiet 1.
L-Istat Membru għandu jressaq applikazzjoni
kompluta lill-Kummissjoni fi żmien 12-il ġimgħa mid-data meta
jiġu sodisfatti l-kriterji stipulati fl-Artikolu 4(1) jew (2) jew,
fejn applikabbli, qabel id-data tal-għeluq stipulata mill-Kummissjoni
skont l-Artikolu 4(3). F'ċirkostanzi eċċezzjonali u
ġustifikati l-applikazzjoni tista' tiġi ssuplimentata b'tagħrif
addizzjonali mill-Istat Membru applikanti fi żmien sitt xhur mid-data
tal-applikazzjoni abbażi tat-tagħrif disponibbli. Il-Kummissjoni
għandha tlesti l-valutazzjoni tagħha tal-applikazzjoni fi żmien
tnax-il ġimgħa mid-data tal-ilqugħ tal-applikazzjoni kompluta
jew (fil-każ ta' applikazzjoni mhix kompluta) sitt xhur wara d-data
tal-applikazzjoni inizjali, liema minnhom tiġi l-ewwel. 2.
L-applikazzjoni għandha tinkludi
t-tagħrif li ġej: (a)
analiżi rraġunata tar-rabta bejn is-sensji
u t-tibdil strutturali prinċipali fix-xejriet tal-kummerċ dinji, jew
it-taqlib serju fl-ekonomija lokali, reġjonali jew nazzjonali
ikkawżat minn kriżi għal għarrieda u mhux mistennija, jew
il-qagħda l-ġdida tas-suq fis-settur agrikolu fl-Istat Membru u li
tirriżulta mill-effetti tal-ftehim kummerċjali inizjalat mill-Unjoni
Ewropea skont l-Artikolu XXIV tal-GATT jew minn ftehim multilaterali
inizjalat fi ħdan l-Organizzazzjoni Dinjija tal-Kummerċ, skont
l-Artikolu 2(c). Din l-analiżi għandha tkun imsejsa fuq
statistika u tagħrif ieħor fil-livell l-aktar xieraq biex turi jekk
il-kriterji ta’ intervent stipulati fl-Artikolu 4 intlaħqux jew le; (b)
valutazzjoni tal-għadd ta’ sensji skont
l-Artikolu 5, u spjegazzjoni tal-avvenimenti li wasslu għal dawk
is-sensji; (c)
l-identifikazzjoni, fejn huwa applikabbli,
tal-intrapriżi li keċċew lill-impjegati, il-fornituri jew
il-produtturi aktar 'l isfel fil-katina tal-produzzjoni, is-setturi, u
l-kategoriji ta’ ħaddiema fil-mira; (d)
l-impatt mistenni tas-sensji fir-rigward tal-impjiegi
lokali, reġjonali jew nazzjonali; (e)
il-baġit stmat għal kull komponent
tal-pakkett koordinat ta' servizzi personalizzati b'appoġġ
għall-ħaddiema fil-mira; (f)
id-dati li fihom inbdew jew huwa ppjanat li jinbdew
is-servizzi personalizzati għall-ħaddiema milquta u l-attivitajiet
biex ikun implimentat il-FEG, kif stipulat fl-Artikolu 7(1) u 3
rispettivament; (g)
il-proċeduri li ttieħdu
għall-konsultazzjoni tal-imsieħba soċjali jew
organizzazzjonijiet rilevanti kif applikabbli; (h)
stqarrija ta' konformità tal-appoġġ mitlub
mill-FEG bir-regoli proċedurali u materjali tal-Unjoni dwar
l-għajnuna mill-Istat kif ukoll stqarrija li s-servizzi personalizzati ma
jieħdux post il-miżuri li huma r-responsabbiltà ta' kumpaniji
bis-saħħa tal-liġi nazzjonali jew ftehimiet kollettivi; (i)
is-sorsi ta’ kofinanzjament nazzjonali; (j)
jekk applikabbli, kwalunkwe rekwiżiti
oħra li jistgħu jkunu stabbiliti fl-att delegat meħud skont
l-Artikolu 4(3). 3.
Abbażi tat-tagħrif stipulat
fil-paragrafu 2 u kwalunkwe tagħrif addizzjonali ppreżentat
mill-Istat Membru applikanti fi żmien il-perjodu previst
fil-paragrafu 1, il-Kummissjoni għandha tivvaluta, b'konsultazzjoni
mal-Istat Membru kkonċernat, jekk il-kundizzjonijiet biex tingħata
kontribuzzjoni finanzjarja humiex sodisfatti. Artikolu 9
Il-komplementarjetà,
il-konformità u l-koordinazzjoni 1.
L-għajnuna għall-ħaddiema li
ngħataw is-sensja għandha tikkomplimenta l-azzjonijiet tal-Istati
Membri fuq livell nazzjonali, reġjonali u lokali. 2.
Il-kontribuzzjoni finanzjarja għandha tkun
limitata għal dak li huwa neċessarju biex tipprovdi solidarjetà u
appoġġ għal ħaddiema individwali li ngħataw is-sensja.
L-attivitajiet appoġġati mill-FEG għandhom ikunu konformi
mal-liġi nazzjonali u tal-Ewropa, inklużi r-regoli dwar għajnuna
mill-Istat. 3.
Skont ir-responsabbiltajiet rispettivi
tagħhom, il-Kummissjoni u l-Istat Membru applikanti għandhom
jiżguraw il-koordinazzjoni tal-għajnuna mill-Fondi tal-Unjoni. 4.
L-Istat Membru applikanti għandu jiżgura
li l-azzjonijiet speċifiċi li jirċievu kontribuzzjoni
finanzjarja ma għandhomx jirċievu wkoll għajnuna minn strumenti
finanzjarji oħra tal-Unjoni. Artikolu 10
Ugwaljanza bejn l-irġiel
u n-nisa u non-diskriminazzjoni Il-Kummissjoni u l-Istati Membri għandhom
jiżguraw li l-ugwaljanza bejn l-irġiel u n-nisa u l-integrazzjoni
tal-perspettiva tas-sessi tiġi promossa matul l-istadji varji
tal-implimentazzjoni tal-kontribuzzjoni finanzjarja. Il-Kummissjoni u l-Istati
Membri għandhom jieħdu passi xierqa sabiex jipprevjenu kwalunkwe
diskriminazzjoni msejsa fuq sess, oriġini razzjali jew etnika, reliġjon
jew twemmin, diżabbiltà, età, orjentazzjoni sesswali u t-tip ta' kuntratt
ta' impjieg jew relazzjoni ta' impjieg fl-aċċess għal u matul
l-istadji varji tal-implimentazzjoni tal-appoġġ. Artikolu 11
Għajnuna teknika fuq
l-inizjattiva tal-Kummissjoni 1.
Fuq inizjattiva tal-Kummissjoni, suġġett
għal limitu massimu ta’ 0,5 % tal-ammont massimu annwali tal-FEG,
il-FEG jista’ jintuża biex jiffinanzja l-preparazzjoni,
il-monitoraġġ, il-ġbir tat-tagħrif u l-kreazzjoni ta’
bażi ta’ konoxxenza rilevanti għall-implimentazzjoni tal-FEG. Huwa
jista’ jintuża wkoll sabiex jiffinanzja l-appoġġ amministrattiv
u tekniku, attivitajiet ta' tagħrif u komunikazzjoni, kif ukoll
l-attivitajiet ta’ verifika, kontroll u evalwazzjoni li huma meħtieġa
biex ikun implimentat dan ir-Regolament. 2.
Suġġett għar-rata massima stabbilita
fil-paragrafu 1, l-awtorità tal-baġit se tipprovdi ammont
għall-għajnuna teknika fil-bidu ta’ kull sena abbażi ta’
proposta mill-Kummissjoni. 3.
Il-kompiti stabbiliti fil-paragrafu 1
għandhom isiru skont ir-Regolament Finanzjarju, kif ukoll ir-regoli ta’
implimentazzjoni applikabbli għal din il-forma ta’ implimentazzjoni
tal-baġit. 4.
L-għajnuna teknika tal-Kummissjoni
għandha tinkludi l-provvista ta’ tagħrif u gwida għall-Istati
Membri għall-użu, il-monitoraġġ u l-evalwazzjoni tal-FEG.
Il-Kummissjoni tista’ tipprovdi wkoll tagħrif dwar l-użu tal-FEG
lill-imsieħba soċjali Ewropej u nazzjonali. Artikolu 12
Tagħrif, komunikazzjoni
u pubbliċità 1.
L-Istat Membru għandu jipprovdi tagħrif
dwar l-azzjonijiet iffinanzjati u għandu jagħmilhom pubbliċi.
It-tagħrif għandu jkun indirizzat lill-ħaddiema fil-mira,
lill-awtoritajiet lokali u reġjonali, lill-imsieħba soċjali,
lill-midja u lill-pubbliku ġenerali. Għandu jenfasizza r-rwol
tal-Unjoni u għandu jiżgura li l-kontribuzzjoni mill-FEG tkun
viżibbli. 2.
Il-Kummissjoni Ewropea għandha twaqqaf sit
tal-Internet, li jkun disponibbli bil-lingwi kollha tal-Unjoni, li għandu
jipprovdi tagħrif dwar il-FEG, gwida dwar it-tressiq
tal-applikazzjonijiet, kif ukoll tagħrif dwar applikazzjonijiet
aċċettati u miċħuda, filwaqt li jenfasizza r-rwol
tal-awtorità baġitarja. 3.
Il-Kummissjoni għandha timplimenta
attivitajiet ta' tagħrif u komunikazzjoni dwar każijiet tal-FEG u
r-riżultati tagħhom. 4.
Ir-riżorsi allokati għall-azzjonijiet ta'
komunikazzjoni skont dan ir-Regolament għandhom jikkontribwixxu wkoll
sabiex tiġi koperta l-komunikazzjoni korporattiva tal-prijoritajiet
politiċi tal-Unjoni sakemm dawn huma relatati mal-iskopijiet ġenerali
ta' dan ir-Regolament. Artikolu 13
Id-determinazzjoni
tal-kontribuzzjoni finanzjarja 1. Il-Kummissjoni għandha,
abbażi tal-valutazzjoni mwettqa skont l-Artikolu 8(3), b’mod
partikolari wara li tikkunsidra l-għadd ta’ ħaddiema fil-mira,
l-azzjonijiet proposti u l-istima tal-ispejjeż, tevalwa u tipproponi
mill-aktar fis l-ammont ta’ kontribuzzjoni finanzjarja, jekk teżisti, li
jista’ jsir fi ħdan il-limiti tar-riżorsi disponibbli. L-ammont ma
għandux jaqbeż il-50 % tal-ispejjeż totali stmati msemmija
fl-Artikolu 8(2) jew il-65 % ta' dawn l-ispejjeż f'każ ta'
applikazzjonijiet imressqa minn Stat Membru li fit-territorju tiegħu
għandu tal-anqas reġjun wieħed f'livell NUTS II li huwa
eliġibbli skont l-objettiv ta' "Konverġenza" tal-Fondi
Strutturali. F'każijiet bħal dawn, il-Kummissjoni tiddeċiedi
jekk il-kofinanzjament ta' 65 % huwiex ġustifikat. 2. Fejn, abbażi
tal-valutazzjoni mwettqa skont l-Artikolu 8(3), il-Kummissjoni tkun
ikkonkludiet li ntlaħqu l-kundizzjonijiet għal kontribuzzjoni
finanzjarja skont dan ir-Regolament, hija għandha tagħti bidu
minnufih għall-proċedura stabbilita fl-Artikolu 15. 3. Fejn, abbażi
tal-valutazzjoni li tkun saret skont l-Artikolu 8(3), il-Kummissjoni tkun
ikkonkludiet li l-kundizzjonijiet għal kontribuzzjoni finanzjarja ma
ntlaħqux, għandha tinnotifika minnufih lill-Istat Membru
kkonċernat. Artikolu 14
L-eliġibbiltà tan-nefqa In-nefqa għandha tkun eliġibbli
għal kontribuzzjoni mid-dati stabbiliti fl-Artikolu 8(2)(h) li fihom
l-Istat Membru jibda s-servizzi personalizzati għall-ħaddiema
fil-mira jew in-nefqa amministrattiva sabiex ikun implimentat il-FEG
f’konformità mal-Artikolu 7(1) u (3) rispettivament. Fil-każ
tal-bdiewa, in-nefqa għandha tkun eliġibbli għall-kontribuzzjoni
mid-data stipulata fl-att delegat meħud skont l-Artikolu 4(3). Artikolu 15
Il-proċedura
baġitarja 1. L-arranġamenti għall-FEG
għandhom ikunu konformi mal-punt 13 tal-Ftehim Interistituzzjonali. 2. L-approprjazzjonijiet li
jikkonċernaw il-FEG għandhom ikunu inklużi fil-baġit
ġenerali tal-Unjoni Ewropea bħala provvediment. 3. Fejn il-Kummissjoni tkun
ikkonkludiet li l-kundizzjonijiet għall-immobilizzar tal-FEG
intlaħqu, hija għandha tissottometti proposta sabiex tagħmel
użu minnu. Id-Deċiżjoni sabiex jintuża l-FEG għandha
tittieħed flimkien miż-żewġ fergħat tal-awtorità
baġitarja. Il-Kunsill għandu jaġixxi b'maġġoranza
kkwalifikata u l-Parlament Ewropew għandu jaġixxi
b'maġġoranza tal-membri komponenti tiegħu u tlieta minn kull
ħamsa tal-voti mitfugħa. Fl-istess ħin li tippreżenta l-proposta
għal Deċiżjoni biex tagħmel użu mill-FEG,
il-Kummissjoni għandha tippreżenta proposta liż-żewġ
fergħat tal-awtorità baġitarja għal trasferiment lejn il-linji
baġitarji rilevanti. Fil-każ ta' nuqqas ta' ftehim għandha
tinbeda proċedura trialoga. Trasferimenti relatati mal-FEG għandhom isiru
skont ir-Regolament Finanzjarju. 4. Flimkien mal-proposta
għal Deċiżjoni biex jintuża l-FEG il-Kummissjoni
għandha tadotta Deċiżjoni dwar kontribuzzjoni finanzjarja,
permezz ta' att ta' implimentazzjoni, li għandu jidħol
fis-seħħ fid-data li fiha l-awtorità baġitarja taddotta
d-Deċiżjoni biex jitħaddem il-FEG. 5. Proposta skont
il-paragrafu 3 għandha tinkludi dan li ġej: (a)
il-valutazzjoni mwettqa skont l-Artikolu 8
(3), flimkien ma' sommarju tat-tagħrif li fuqu hija bbażata dik
il-valutazzjoni; (b)
evidenza li ntlaħqu l-kriterji stabbiliti
fl-Artikoli 4 u 9; kif ukoll (c)
ir-raġunijiet li jiġġustifikaw
l-ammonti proposti. 6. Fl-1 ta' Settembru
ta' kull sena, mill-inqas kwart tal-ammont annwali massimu tal-FEG għandu
jibqa' disponibbli sabiex ikunu koperti l-ħtiġijiet li jinqalgħu
sakemm tintemm is-sena. Artikolu 16
Il-pagament u l-użu
tal-kontribuzzjoni finanzjarja 1.
Wara d-dħul fis-seħħ ta'
Deċiżjoni dwar kontribuzzjoni finanzjarja skont l-Artikolu 15(4)
il-Kummissjoni għandha tħallas il-kontribuzzjoni finanzjarja
lill-Istat Membru f’forma ta' prefinanzjament ta' mhux anqas minn 50 %
tal-kontribuzzjoni finanzjarja tal-Unjoni lill-Istat Membru, fil-prinċipju
fi żmien 15-il ġurnata, segwit meta meħtieġ f'forma ta'
pagamenti intermedjarji u finali. Il-prefinanzjament għandu jkun ikklerjat
meta titħallas il-kontribuzzjoni finanzjarja skont l-Artikolu 18(3). 2.
Din il-kontribuzzjoni finanzjarja għandha
tiġi implimentata fil-qafas ta’ ġestjoni maqsuma bejn l-Istati Membri
u l-Kummissjoni, skont ir-Regolament Finanzjarju. 3.
It-termini ta' finanzjament dettaljati, b'mod
partikolari ir-rata ta' prefinanzjament u l-mod tal-pagamenti intermedjarji u
finali għandhom jiġu determinati mill-Kummissjoni
fid-Deċiżjoni tal-kontribuzzjoni finanzjarja msemmija
fl-Artikolu 15(4). Pagamenti intermedjarji għandhom isiru sabiex
jirrimborsaw in-nefqa li jkunu sofrew l-Istati Membri meta jkunu qed iwettqu
l-azzjonijiet eliġibbli, soġġetti għat-tressiq ta'
dikjarazzjoni tan-nefqa quddiem il-Kummissjoni ffirmata minn rappreżentant
ta' korp pubbliku akkreditat skont l-Artikolu 21. 4.
L-Istat Membru għandu jwettaq l-azzjonijiet
eliġibbli stipulati fl-Artikolu 6 mill-aktar fis possibbli, iżda
mhux aktar tard minn 24 xahar wara d-data tal-applikazzjoni, skont
l-Artikolu 8 (1). 5.
Meta jwettaq l-azzjonijiet li jinsabu fil-pakkett
ta’ servizzi personalizzati l-Istat Membru jista' jressaq proposta quddiem
il-Kummissjoni sabiex jemenda l-azzjonijiet inklużi biż-żieda
ta' azzjonijiet eliġibbli oħrajn elenkati fl-Artikolu 7(1)(a) u
(c), sakemm dawk l-emendi huma ġustifikati kif mistħoqq u ma
jaqbżux il-kontribuzzjoni finanzjarja skont il-paragrafu 1.
Il-Kummissjoni għandha tevalwa r-reviżjonijiet proposti u, jekk
taqbel magħhom, għandha tgħarraf b'dan lill-Istat Membru. 6.
In-nefqa skont l-Artikolu 7(3) għandha
tkun eliġibbli sad-data tal-għeluq għas-sottomissjoni
tar-rapport. Artikolu 17
L-użu tal-Euro L-applikazzjonijiet,
id-deċiżjonijiet dwar il-kontribuzzjonijiet finanzjarji u r-rapporti
li jaqgħu taħt dan ir-Regolament, kif ukoll kwalunkwe dokument
relatat ieħor, għandhom jesprimu l-ammonti kollha f'Euro. Artikolu 18
Rapport interim u finali u
għeluq 1.
Mhux aktar tard minn 15-il xahar wara d-data
tal-applikazzjoni skont l-Artikolu 8(1) jew mid-data stipulata fl-att
delegat meħud skont l-Artikolu 4(3), l-Istat Membru għandu
jippreżenta rapport interim lill-Kummissjoni dwar l-implimentazzjoni
tal-kontribuzzjoni finanzjarja, inkluż il-finanzjament, iż-żmien
u t-tip ta' azzjonijiet diġà meħuda u dwar ir-rata ta'
riintegrazzjoni lura fl-impjieg jew l-attivitajiet ġodda miksuba 12-il
xahar wara d-data tal-applikazzjoni. Barra minn hekk, ir-rapport interim għandu
jinkludi tagħrif dwar: (a)
deskrizzjoni tal-pakkett koordinat tas-servizzi
personalizzati u n-nefqa relatata, inkluż kif din tikkomplimenta
l-azzjonijiet iffinanzjati minn Fondi oħrajn nazzjonali jew tal-Unjoni kif
ukoll tagħrif dwar azzjonijiet li huma mandatorji
għall-intrapriżi kkonċernati bis-saħħa tal-liġi
nazzjonali jew skont il-ftehimiet kollettivi; (b)
deskrizzjonji tal-azzjonijiet meħuda u
ppjanati mill-awtoritajiet nazzjonali, reġjonali jew lokali, Fondi
tal-Unjoni, imsieħba soċjali u intrapriżi, inkluża stima
ta' kif dawn jikkontribwixxu għar-riintegrazzjoni tal-ħaddiema lura
fl-impjieg jew f'attivitajiet ġodda. 2.
Mhux aktar minn sitt xhur wara li jiskadi l-perjodu
speċifikat fl-Artikolu 16(4), l-Istat Membru għandu
jippreżenta rapport finali lill-Kummissjoni dwar l-implimentazzjoni
tal-kontribuzzjoni finanzjarja, inkluż tagħrif dwar it-tip ta’
azzjonijiet u r-riżultati ewlenin, il-karatteristiċi
tal-ħaddiema fil-mira u l-istatus tal-impjieg tagħhom, flimkien ma’
dikjarazzjoni li tiġġustifika n-nefqa u li tindika fejn ikun
possibbli l-komplimentarjetà tal-azzjonijiet ma’ dawk iffinanzjati mill-FSE. 3.
Mhux aktar minn sitt xhur wara li l-Kummissjoni
tkun irċeviet it-tagħrif meħtieġ kollu skont
il-paragrafu 2, hija għandha tagħlaq il-kontribuzzjoni
finanzjarja billi tiddeċiedi l-ammont finali tal-kontribuzzjoni
finanzjarja u, jekk ikun hemm, il-bilanċ li għandu jitħallas
mill-Istat Membru skont l-Artikolu 22. Artikolu 19
Rapport biennali 1.
Sal-1 ta’ Awwissu ta’ kull sentejn, u
għall-ewwel darba fl-2015, il-Kummissjoni għandha tippreżenta
lill-Parlament Ewropew u lill-Kunsill rapport kwantitattiv u kwalitattiv dwar
l-attivitajiet skont dan ir-Regolament u r-Regolament 1927/2015 matul
is-sentejn ta’qabel. Ir-rapport għandu jiffoka prinċipalment fuq
ir-riżultati milħuqa mill-FEG u għandu jinkludi b'mod
partikolari tagħrif li għandu x'jaqsam mal-applikazzjonijiet
imressqa, mad-deċiżjonijiet adottati, mal-azzjonijiet iffinanzjati
inkluża l-komplimentarjetà tagħhom mal-azzjonijiet iffinanzjati minn
Fondi oħrajn tal-Unjoni, b'mod partikolari l-Fond Soċjali Ewropew
(FSE), u l-Fond Agrikolu Ewropew għall-Iżvilupp Rurali (FAEŻR) u
mal-għeluq tal-kontribuzzjonijiet finanzjarji li saru. Għandu
jiddokumenta wkoll dawk it-talbiet li jkunu ġew miċħuda jew
imnaqqsa minħabba nuqqas ta' biżżejjed approprjazzjonijiet jew
minħabba nuqqas ta' eliġibbiltà. 2.
Ir-rapport se jiġi trasmess
għat-tagħrif lill-Kumitat Ekonomiku u Soċjali Ewropew,
lill-Kumitat tar-Reġjuni u lill-imsieħba soċjali. Artikolu 20
Evalwazzjoni 1.
Fuq l-inizjattiva tagħha stess u
f’kooperazzjoni mill-qrib mal-Istati Membri, il-Kummissjoni għandha
twettaq: (a)
evalwazzjoni ta’ nofs it-terminu tal-effikaċja
u s-sostenibbiltà tar-riżultati miksuba
sat-30 ta' Ġunju 2018; (b)
evalwazzjoni ex-post,
sal-31 ta' Diċembru 2022 bl-għajnuna ta' esperti
esterni, sabiex jiġi mkejjel l-impatt tal-FEG u l-valur miżjud
tiegħu. 2.
Ir-riżultati tal-evalwazzjoni se jkunu
trasmessi, għat-tagħrif, lill-Parlament Ewropew, lill-Kunsill,
lill-Kumitat Ekonomiku u Soċjali Ewropew, lill-Kumitat tar-Reġjuni u
lill-imsieħba soċjali. Artikolu 21
Il-ġestjoni u l-kontroll
finanzjarju 1.
Bla ħsara għar-responsabbiltà
tal-Kummissjoni fl-implimentazzjoni tal-baġit ġenerali tal-Unjoni
Ewropea, l-Istati Membri għandhom jassumu r-responsabbiltà mill-bidunett
għall-immaniġġjar tal-azzjonijiet appoġġjati mill-FEG
u l-kontroll finanzjarju tal-azzjonijiet. Għal dan l-għan,
il-miżuri li huma jieħdu għandhom jinkludu: (a)
li jivverifikaw li l-arranġamenti ta'
mmaniġġjar u kontroll ġew stabbiliti u qed ikunu implimentati
b'tali mod li jassiguraw li l-fondi tal-Unjoni qed ikunu użati b'mod
effiċjenti u korrett, b'konformità mal-prinċipji ta'
mmaniġġjar finanzjarju sod; (b)
li jivverifikaw li l-azzjonijiet iffinanzjati
twettqu kif suppost; (c)
li jassiguraw li l-infiq iffinanzjat huwa
bbażat fuq dokumenti ta’ ġustifikazzjoni verifikabbli, u huwa korrett
u regolari; (d)
li jipprevjenu, jsibu u jikkorreġu
irregolaritajiet kif definit fir-[Regoalment (UE) Nru .../...
tal-Parlament Ewropew u tal-Kunsill tal-... dwar l-istipular ta' dispożizzjonijiet
ġenerali dwar il-Fond Ewropew għall-Iżvilupp Reġjonali,
il-Fond Soċjali Ewropew, u l-Fond ta' Koeżjoni u li jħassar
ir-Regolament (KE) Nru 1083/2006] dwar il-Fondi Strutturali u fejn huwa
xieraq jirkupra ammonti li tħallsu inġustament flimkien mal-interessi
fuq pagamenti tard. Huma għandhom jinnotifikaw irregolaritajiet bħal
dawn lill-Kummissjoni, u jżommu lill-Kummissjoni informata bil-progress
tal-proċedimenti amministrattivi u legali. 2.
L-Istati Membri għandhom jaħtru korpi
responsabbli għal ġestjoni tajba u għall-kontroll
tal-azzjonijiet appoġġati mill-FEG skont l-Artikolu 56
tar-Regolament Finanzjarju u mal-kriterji u l-proċeduri stipulati
fir-Regolament Ġenerali tal-Fondi Strutturali. Sal-1 ta' Frar
tas-sena finanzjarja ta' wara, dawn il-korpi akkreditati għandhom
jagħtu lill-Kummissjoni l-informazzjoni stipulata fl-Artikolu 56(5)
tar-Regolament Finanzjarju. 3.
L-Istati Membri għandhom jagħmlu
l-korrezzjonijiet finanzjarji meħtieġa fejn tkun aċċertata
irregolarità. Il-korrezzjonijiet magħmula mill-Istat Membru għandhom
jikkonsistu fit-tħassir ta’ parti jew tal-kontribuzzjoni kollha. Fejn
jirriżulta li kien hemm irregolarità l-Istat Membru għandu jirkupra
kull ammont mitluf, iħallsu lura lill-Kummissjoni u, meta l-ammont ma
jitħallasx f’waqtu fil-limitu ta’ żmien mogħti mill-Istat Membru
involut, għandu jitħallas l-imgħax. 4.
Il-Kummissjoni, fir-responsabbiltà tagħha
għall-implimentazzjoni tal-baġit ġenerali tal-Unjoni Ewropea,
għandha tieħu l-passi kollha neċessarji biex tivverifika li
l-azzjonijiet iffinanzjati jitwettqu b’konformità mal-prinċipji ta’
ġestjoni finanzjarja soda u effiċjenti. Hija r-responsabbiltà
tal-Istat Membru li japplika biex jiżgura li għandu sistemi ta'
maniġment u ta' kontroll li qed jaħdmu tajjeb; il-Kummissjoni
għandha tivverifika hija stess li dawn is-sistemi qegħdin
jitħaddmu. Għal dan l-iskop, bla ħsara
għall-poteri tal-Qorti tal-Awdituri jew għall-verifiki mwettqa
mill-Istat Membru skont il-liġijiet nazzjonali, r-regolamenti u
d-dispożizzjonijiet amministrattivi, uffiċjali jew impjegati
tal-Kummissjoni jistgħu jwettqu verifiki fil-post, inklużi verifiki
rappreżentattivi, dwar l-azzjonijiet iffinanzjati mill-FEG wara avviż
li jintbagħat fiż-żmien minimu ta’ jum ta’ xogħol. Il-Kummissjoni
għandha tinnotifika lill-Istat Membru applikanti bl-iskop li takkwista
l-għajnuna neċessarja meħtieġa. Uffiċjali jew
impjegati tal-Istat Membru kkonċernat jistgħu jieħdu parti
f'dawn il-verifiki. 5.
L-Istat Membru għandu jassigura li d-dokumenti
ta’ ġustifikazzjoni li jirrigwardaw in-nefqa magħmula jinżammu
għad-dispożizzjoni tal-Kummissjoni u l-Qorti tal-Awdituri għal
perjodu ta’ tliet snin wara l-konklużjoni tal-kontribuzzjoni finanzjarja
li tkun waslet mill-FEG. Artikolu 22
Ir-rimborż
tal-kontribuzzjoni finanzjarja 1.
F’każijiet fejn l-ammont tal-ispiża ta’
azzjoni effettiva jkun inqas mill-ammont ikkalkulat li kien ikkwotat skont
l-Artikolu 15, il-Kummissjoni għandha tadotta Deċiżjoni
permezz tal-att ta' implimentazzjoni, fejn titlob lill-Istat Membru
jħallas lura l-ammont li jikkorrispondi għall-kontribuzzjoni
finanzjarja li jkun ħa. 2.
Fejn Stat Membru jonqos milli jikkonforma
mal-obbligi ddikjarati fid-Deċiżjoni dwar kontribuzzjoni finanzjarja,
il-Kummissjoni għandha tieħu l-passi meħtieġa billi tadotta
Deċiżjoni, permezz ta' att ta' implimentazzjoni, sabiex
iġġiegħel lill-Istat Membru jħallas lura l-kontribuzzjoni
finanzjarja kollha li jkun ħa jew parti minnha. 3.
Qabel ma tiġi adottata Deċiżjoni
skont il-paragrafi 1 jew 2, il-Kummissjoni għandha twettaq eżami
xieraq tal-każ u, b'mod partikolari, għandha tagħti lill-Istat
Membru perjodu speċifiku ta' żmien li matulu jista' jressaq
il-kummenti tiegħu. 4.
Jekk, wara li jkunu tlestew il-verifiki
neċessarji, il-Kummissjoni tikkonkludi li Stat Membru mhuwiex jikkonforma
mal-obbligi tiegħu skont l-Artikolu 21 (1), jekk l-ebda ftehim ma
jkun milħuq u jekk l-Istat Membru jkun għadu ma wettaqx
il-korrezzjonijiet f’perjodu stabbilit mill-Kummissjoni, u wara li jiġi
kkunsidrat kwalunkwe kumment magħmul mill-Istat Membru, hi għandha
tiddeċiedi fi tliet xhur mill-aħħar tal-perjodu msemmi hawn fuq
biex tagħmel il-korrezzjonijiet finanzjarji meħtieġa billi
tikkanċella l-kontribuzzjoni tal-FEG kollha jew parti minnha
għall-azzjonijiet inkwistjoni. Kull ammont mitluf li jirriżulta minn
irregolarità misjuba għandu jkun irkuprat u, fejn l-ammont mhux
imħallas lura fiż-żmien mogħti mill-Istat Membru applikant,
għandu jitħallas l-imgħax . Artikolu 23
Ġestjoni finanzjarja u
appoġġ lill-bdiewa B'deroga mill-Artikoli 21 u 22,
l-appoġġ għall-bdiewa għandu jkun ġestit u kkontrollat
skont ir-Regolament (KE) Nru ................ dwar il-finanzjament,
il-ġestjoni u l-monitoraġġ ta' politika agrikola komuni. Artikolu 24
Eżerċizzju
tad-delegazzjoni 1.
Is-setgħat sabiex ikunu adottati atti
ddelegati huma kkonferiti lill-Kummissjoni bla ħsara
għall-kundizzjonijiet stabbiliti f’dan l-Artikolu. 2.
Id-delegazzjonijiet ta’ setgħa msemmija f'dan
ir-Regolament għandhom jingħataw għal perjodu ta' żmien
indeterminat mid-data tad-dħul fis-seħħ ta’ dan ir-Regolament. 3.
Id-delegazzjonijiet tal-poter imsemmija
fl-Artikolu 4 jistgħu jiġu revokati fi kwalunkwe ħin
mill-Parlament Ewropew jew mill-Kunsill. Deċiżjoni ta’ revoka għandha ttemm
id-delega tas-setgħa speċifikata f'dik id-deċiżjoni.
Għandha tidħol fis-seħħ fil-jum wara l-pubblikazzjoni
tad-deċiżjoni f’Il-Ġurnal Uffiċjali tal-Unjoni Ewropea
jew f’data aktar tard speċifikata fih. Ma għandhiex taffettwa
l-validità tal-ebda att delegat diġà fis-seħħ. 4.
Malli tadotta att delegat, il-Kummissjoni
għandha tinnotifikah simultanjament lill-Parlament Ewropew u lill-Kunsill. 5.
Att delegat adottat f'konformità mal-Artikolu 4(3)
għandu jidħol fis-seħħ biss jekk ma tkun ġiet espressa
l-ebda oġġezzjoni la mill-Parlament Ewropew u lanqas mill-Kunsill fi
żmien perjodu ta' xahrejn (2) min-notifika ta' dak l-att lill-Parlament Ewropew
u lill-Kunsill jew jekk, qabel l-iskadenza ta' dak il-perjodu, il-Parlament
Ewropew u l-Kunsill ikunu t-tnejn infurmaw lill-Kummissjoni li huma mhumiex ser
joġġezzjonaw. Dak il-perjodu għandu jiġi estiż
b’xahrejn (2) fuq l-inizjattiva tal-Parlament Ewropew jew il-Kunsill. Artikolu 25
Revoka Ir-Regolament (KE) Nru 1927/2006 huwa
mħassar b’seħħ mis- 1 ta’ Jannar 2014. Dan ir-Regolament għandu jibqa' japplika
għal applikazzjonijiet imressqa
sal-31 ta' Diċembru 2013. Artikolu 26
Dħul fis-seħħ Dan ir-Regolament għandu jidħol
fis-seħħ fl-għoxrin ġurnata wara dik tal-pubblikazzjoni
tiegħu f'Il-Ġurnal Uffiċjali tal-Unjoni Ewropea. Dan ir-Regolament għandu japplika
għall-applikazzjonijiet kollha mressqa bejn l-1 ta’ Jannar 2014
u l-31 ta' Diċembru 2020. Dan ir-Regolament għandu jorbot fl-intier
tiegħu u jkun direttament applikabbli fl-Istati Membri kollha. Magħmula fi Brussell, Għall-Parlament Ewropew Għall-Kunsill Il-President Il-President DIKJARAZZJONI FINANZJARJA
LEĠIŻLATTIVA GĦALL-PROPOSTI 1. IL-QAFAS TAL-PROPOSTA/INIZJATTIVA 1.1. It-titolu tal-proposta/inizjattiva 1.2. Il-qasam/l-oqsma
politiku/politiċi kkonċernati fl-istruttura ABM/ABB 1.3. In-natura
tal-proposta/inizjattiva 1.4. L-għan(ijiet)
1.5. Ir-raġunijiet
għall-proposta/inizjattiva 1.6. Id-dewmien
u l-impatt finanzjarju 1.7. Il-metodu(i)
tal-ġestjoni previst(i) 2. MIŻURI TA’ ĠESTJONI 2.1. Regoli
ta’ monitoraġġ u rappurtar 2.2. Sistema
ta’ ġestjoni u ta' kontroll 2.3. Miżuri
li jipprevjenu l-frodi u l-irregolaritajiet 3. IMPATT FINANZJARJU STMAT
TAL-PROPOSTA/INIZJATTIVA 3.1. Intestatura/i
tal-qafas finanzjarju multiannwali u l-linja/i tal-baġit tan-nefqa
affettwata/i 3.2. L-impatt
stmat fuq in-nefqa 3.2.1. Sommarju tal-impatt
stmat fuq in-nefqa 3.2.2. L-impatt stmat fuq l-approprjazzjonijiet
operattivi 3.2.3. L-impatt stmat fuq
l-approprjazzjonijiet ta’ natura amministrattiva 3.2.4. Kompatibbiltà
mal-qafas finanzjarju multiannwali attwali 3.2.5. Il-parteċipazzjoni
ta’ partijiet terzi fil-finanzjament 3.3. L-impatt stmat fuq
id-dħul DIKJARAZZJONI
FINANZJARJA LEĠIŻLATTIVA GĦALL-PROPOSTI
1.
IL-QAFAS TAL-PROPOSTA/INIZJATTIVA
1.1.
It-titolu tal-proposta/inizjattiva
Proposta
għal Regolament tal-Parlament Ewropew u tal-Kunsill dwar il-Fond Ewropew
ta’Aġġustament għall-Globalizzazzjoni 2014 – 2020
1.2.
Il-qasam/l-oqsma politiku/politiċi
kkonċernati fl-istruttura ABM/ABB[27]
L-Attività
ABB: Il-Fond Ewropew ta' Aġġustament għall-Globalizzazzjoni kif
inkluż fil-Pjan tal-Immaniġġjar tad-DĠ EMPL 2010
1.3.
In-natura tal-proposta/inizjattiva
¨ Il-proposta/inizjattiva
hi marbuta ma’ azzjoni ġdida ¨ Il-proposta/inizjattiva
hija marbuta ma’ azzjoni ġdida b'segwitu għal proġett bi
prova/azzjoni preparatorja[28] X
Il-proposta/l-inizjattiva tirrigwarda l-estensjoni ta’ azzjoni
eżistenti ¨ Il-proposta/inizjattiva
hija marbuta ma’ azzjoni diretta mill-ġdid lejn azzjoni ġdida
1.4.
Għanijiet
1.4.1.
L-għan(ijiet) strateġiku/ċi
multiannwali tal-Kummissjoni fil-mira tal-proposta/inizjattiva
Il-proposta
taqa’ taħt "Komunikazzjoni dwar baġit għal
Ewropa 2020" li fiha l-Qafas Finanzjarju Multiannwali 2014 –
2020.
1.4.2.
L-għan(ijiet) speċifiku/ċi u
l-attività(jiet) ABM/ABB ikkonċernata/i
Għan speċifiku Nru 1: Li
tinżamm il-parteċipazzjoni fis-suq tax-xogħol ta' ħaddiema
mogħtija s-sensja kawża tal-bidliet fil-mudelli tal-kummerċ
dinji u tal-kriżijiet mhux mistennija. Għan speċifiku Nru 2:
Inklużi ħaddiema għal terminu fiss u l-aġenti temporanji
fil-kamp ta' applikazzjoni tal-FEG. Għan speċifiku Nru 3:
Inklużi sidien-ġestjonarji ta’ intrapriżi mikro, żgħar
u ta’ daqs medju u ħaddiema f'impjieg indipendenti (inklużi bdiewa). Attività/attivitajiet
tal-ABM/ABB kkonċernati: Fond Ewropew ta’ Aġġustament
għall-Globalizzazzjoni (FEG)
1.4.3.
Ir-riżultat(i) u l-impatt mistennija
Speċifika
l-effetti li l-proposta/inizjattiva għandu jkollha fuq il-benefiċjarji/gruppi
fil-mira. Il-proposta
se tippermetti lill-Unjoni Ewropea tkompli tagħti s-sostenn tagħha
permezz tal-FEG b'rata ta' kofinanzjament ta' 50 % għal miżuri attivi
għal suq tax-xogħol għall-ħaddiema li ngħataw
is-sensja minħabba fil-globalizzazzjoni relatata mal-kummerċ u
l-kriżijiet mhux mistennija. Din ir-rata tista' tiżdied għal
65 % fil-każ ta' Stati Membri li fit-territorju tagħhom
għandhom tal-anqas reġjun wieħed f'livell ta' NUTS II eliġibbli
skont l-objettiv ta' "Konverġenza" tal-Fondi Strutturali.
Il-popolazzjoni eliġibbli hija mwessa’ biex tinkludi ħaddiema
għal terminu fiss, aġenti temporanji u sidien-ġestjonarji ta’
intrapriżi mikro, żgħar u ta’ daqs medju u ħaddiema
f'impjieg indipendenti (inklużi bdiewa).
1.4.4.
L-indikaturi tar-riżultati u l-impatt
Speċifika
l-indikaturi għall-monitoraġġ tal-implimentazzjoni
tal-proposta/inizjattiva. -
L-għadd ta' applikazzjonijiet imressqa għall-għajnuna mill-FEG -
L-għadd ta' ħaddiema li ngħataw is-sensja fil-mira
tal-għajnuna mill-FEG -
L-għadd ta' ħaddiema li ngħataw is-sensja riintegrati fl-impjieg
wara miżuri sostnuti mill-FEG
1.5.
Ir-raġunijiet għall-proposta/inizjattiva
1.5.1.
Ir-rekwiżit(i) li għandu jiġi
ssodisfat/li għandhom jiġu ssodisfati fuq terminu qasir jew twil ta'
żmien
Ir-Regolament
(KE) Nru 1927/2006 dwar l-istabbiliment tal-Fond Ewropew ta’
Aġġustament għall-Globalizzazzjoni jrid jiġi rivedut
sal-aħħar tal-2013. Ir-reviżjoni, li hija mwettqa permezz
tar-Regolament propost, tippermetti lill-Fond ikompli għall-perjodu
tal-Qafas Finanzjarju Multiannwali 2014 – 2020, iwessa’ l-kamp ta'
applikazzjoni tiegħu biex jinkludi l-popolazzjonijiet addizzjonali
eliġibbli, u jemenda wħud mid-dettalji tekniċi sabiex jittejjeb
il-funzjonament tiegħu.
1.5.2.
Il-valur miżjud tal-involviment tal-Unjoni
L-involviment
tal-Unjoni permezz tal-FEG jagħmilha possibbli li jiġu kkumplimentati
l-mezzi nazzjonali disponibbli għar-riintegrazzjoni ta' ħaddiema
mogħtija s-sensja kawża tal-globalizzazzjoni tal-kummerċ jew ta'
kriżijiet mhux mistennija. L-esperjenza miksuba sa issa mill-FEG tindika
li l-involviment tal-Unjoni jagħmilha possibbli li tkun ipprovduta
għajnuna aktar speċifika, għal perjodu ta' żmien itwal, li
ħafna drabi jkunu jinvolvu miżuri li ma kinux jistgħu jiġu
pprovduti mingħajr l-involviment tal-FEG.
1.5.3.
Tagħlimiet minn esperjenzi simili
fl-imgħoddi
Ara
l-esperjenza miksuba taħt ir-Regolament (KE) Nru 1927/2006 kif
stipulat fil-Memorandum ta' spjegazzjoni.
1.5.4.
Koerenza u sinerġija possibbli ma’ strumenti
rilevanti oħra
Il-FEG
huwa koerenti u joffri sinerġija mal-Fond Soċjali Ewropew.
1.6.
Id-dewmien u l-impatt finanzjarju
–
X Proposta/inizjattiva ta' perjodu limitat –
X Proposta/inizjattiva fis-seħħ
mill-1 ta' Jannar 2014
sal-31 ta' Diċembru 2020 –
¨ L-impatt finanzjarju minn SSSS sa SSSS ¨ Proposta/inizjattiva ta’ dewmien
illimitat –
Implimentazzjoni b’perjodu ta’ bidu minn SSSS sa
SSSS, –
segwita bi skala sħiħa tal-operat.
1.7.
Il-metodu(i) ta’ ġestjoni previst(i)[29]
¨ Ġestjoni ċentralizzata diretta mill-Kummissjoni ¨ Ġestjoni indiretta ċentralizzata b’delega tal-kompiti ta' implimentazzjoni lil: –
¨ aġenziji eżekuttivi –
¨ entitajiet imwaqqfa mill-Komunitajiet[30]
–
¨ korpi nazzjonali tas-settur pubbliku/korpi b'missjoni ta' servizz
pubbliku –
¨ persuni inkarigati mill-implimentazzjoni ta' azzjonijiet
speċifiċi skont it-Titolu V tat-Trattat dwar l-Unjoni Ewropea u
identifikati fl-att bażiku rilevanti skont it-tifsira tal-Artikolu 49
tar-Regolament Finanzjarju X Ġestjoni maqsuma mal-Istati Membri ¨ Ġestjoni deċentralizzata ma’ pajjiżi terzi ¨ Ġestjoni konġunta ma’ organizzazzjonijiet internazzjonali (li għandhom
jiġu speċifikati) Jekk jiġi indikat
iktar minn mod ta’ ġestjoni wieħed, jekk jogħġbok
agħti d-dettalji fit-taqsima tal-"Kummenti". Kummenti
2.
MIŻURI TA’ ĠESTJONI
2.1.
Regoli ta’ monitoraġġ u rappurtar
Speċifika
l-frekwenza u l-kundizzjonijiet. L-Artikolu 19
tar-Regolament propost jeżiġi li l-Kummissjoni tippreżenta kull
sena lill-Parlament Ewropew u lill-Kunsill rapport kwalitattiv u kwantitattiv
dwar l-attivitajiet li saru taħt dan ir-Regolament fis-sentejn ta’ qabel.
Dan ir-rapport fih, fost l-oħrajn, l-osservazzjonijiet tal-Kummissjoni fuq
l-attivitajiet ta’ monitoraġġ matul is-snin kkonċernati. Skont
l-Artikolu 20 tar-Regolament propost, il-Kummissjoni se twettaq qabel
tmiem Ġunju tal-2018, f’kooperazzjoni mill-qrib mal-Istati Membri,
evalwazzjoni f’nofs il-perjodu tal-effettività u s-sostenibbiltà
tar-riżultati miksuba permezz tal-FEG.
Sal-31 ta' Diċembru 2022, il-Kummissjoni trid twettaq,
bl-għajnuna ta’ esperti esterni, valutazzjoni ex-post biex tkejjel
l-impatt tal-FEG u l-valur miżjud tiegħu.
2.2.
Sistema ta’ ġestjoni u ta' kontroll
2.2.1.
Riskju(i) identifikat(i)
Ir-riskji
huma dawk marbuta mal-ġestjoni konġunta tal-Fondi Komunitarji.
2.2.1.
Il-metodu(i) tal-kontroll previst(i)
Ir-rekwiżiti
applikabbli għall-ġestjoni u l-kontroll finanzjarju huma stabbiliti fl-Artikolu 20
tar-Regolament propost.
2.3.
Miżuri li jipprevjenu l-frodi u
l-irregolaritajiet
Speċifika
l-miżuri ta’ prevenzjoni u protezzjoni eżistenti jew previsti. Il-miżuri
biex jipprevjenu, jidentifikaw u jikkoreġu l-irregolaritajiet huma
stipulati fl-Artikolu 20 (1) (d) u fl-Artikolu 20 (2) tar-Regolament
propost.
3.
IMPATT FINANZJARJU STMAT TAL-PROPOSTA/INIZJATTIVA
3.1.
Intestatura/i tal-qafas finanzjarju multiannwali u
l-linja/i tal-baġit tan-nefqa affettwata/i
· Linji baġitarji tan-nefqa eżistenti Skont l-ordni
tal-intestaturi u tal-linji baġitarji tal-qafas finanzjarju multiannwali. Intestatura tal-qafas finanzjarju multiannwali || Linja baġitarja || Tip ta' nefqa || Kontribuzzjoni Għadd [Deskrizzjoni………………………...……… || AD/AMD ([31]) || minn pajjiżi tal-EFTA[32] || minn pajjiżi kandidati[33] || minn pajjiżi terzi || fi ħdan it-tifsira tal-Artikolu 18(1)(aa) tar-Regolament Finanzjarju mhux applikabbli || 04.0501 Fond Ewropew ta’ Aġġustament għall-Globalizzazzjoni 04.010414 Fond Ewropew ta’ Aġġustament għall-Globalizzazzjoni — Nefqa fuq il-ġestjoni amministrattiva 40.0243 Riserva għall-Fond Ewropew ta’ Aġġustament għall-Globalizzazzjoni || DA || LE || LE || LE || LE · Linji baġitarji ġodda mitlubin Skont l-ordni tal-intestaturi u tal-linji baġitarji
tal-qafas finanzjarju multiannwali. Intestatura tal-qafas finanzjarju multiannwali || Linja baġitarja || Tip ta' nefqa || Kontribuzzjoni Għadd [Intestatura…………………………………..] || Diff./mhux diff. || minn pajjiżi tal-EFTA || minn pajjiżi kandidati || minn pajjiżi terzi || fi ħdan it-tifsira tal-Artikolu 18(1)(aa) tar-Regolament Finanzjarju mhux applikabbli || Linja baġitarja ġdida se tkun mitluba għall-implimentazzjoni ta' parti mill-FEG mid-DĠ AGRI || [DA…] || /LE || /LE || /LE || /LE
3.2.
L-impatt stmat fuq in-nefqa
3.2.1.
Sommarju tal-impatt stmat fuq in-nefqa
EUR miljuni (sa 3 postijiet deċimali) Intestatura tal-qafas finanzjarju multiannwali: || Għadd || DĠ: EMPL || || || Sena 2014[34] || Sena 2015 || TOTALI Approprazzjonijiet operazzjonali PM || || || In-numru tal-linja baġitarja || Impenji || (1) || || || Ħlasijiet || (2) || || || Numru tal-linja baġitarja || Impenji || (1a) || || || Ħlasijiet || (2a) || || || Approprjazzjonijiet ta' natura amministrattiva ffinanzjati mill-envelopp ta' programmi speċifiċi[35] || || || Numru tal-linja baġitarja || || (3) || || || TOTAL approprjazzjonijiet għad-DĠ EMPL || Impenji || = 1 + 1a + 3 || || || Ħlasijiet || = 2 + 2a +3 || || || TOTAL approprjazzjonijiet operattivi || Impenji || (4) || || || Ħlasijiet || (5) || || || TOTAL ta’ approprjazzjonijiet ta’ natura amministrattiva ffinanzjati mill-pakkett ta’ programmi speċifiċi || (6) || || || TOTAL approprjazzjonijiet taħt l-INTESTATURA EMPL tal-qafas finanzjarju multiannwali || Impenji || =4+ 6 || || || Ħlasijiet || =5+ 6 || || || Jekk aktar minn intestatura waħda hija affettwata
mill-proposta / inizjattiva: TOTAL approprjazzjonijiet operattivi || Impenji || (4) || || || Ħlasijiet || (5) || || || TOTAL ta’ approprjazzjonijiet ta’ natura amministrattiva ffinanzjati mill-pakkett ta’ programmi speċifiċi || (6) || || || TOTAL approprjazzjonijiet taħt INTESTATURI minn 1 sa 4 tal-qafas finanzjarju multiannwali (Ammont ta' referenza) || Impenji || =4+ 6 || || || Ħlasijiet || =5+ 6 || || || Intestatura tal-qafas finanzjarju multiannwali: || 5 || “ Nefqa amministrattiva ” EUR miljuni (sa 3 postijiet deċimali) || || || Sena 2014 || Sena 2015 || Sena 2016 || Is-snin 2017-2020 || TOTALI DĠ: EMPL + AGRI || Riżorsi umani || 1.271 || 1.271 || 1.271 || 1.271 kull sena || 8.897 || Nefqa amministrattiva oħra || 0.140 || 0.140 || 0.140 || 0.140 kull sena || 0.98 || TOTALI || || 1.411 || 1.411 || 1.411 || 1.411 kull sena || 9.877 || TOTAL approprjazzjonijiet taħt l-INTESTATURA 5 tal-qafas finanzjarju multiannwali || (Impenji totali = Ħlasijiet totali) || || || EUR miljuni (sa 3 postijiet deċimali) || || || Sena N[36] || Sena N+1 || TOTALI TOTAL approprjazzjonijiet taħt INTESTATURI minn 1 sa 5 tal-qafas finanzjarju multiannwali || Impenji || || || Ħlasijiet || || ||
3.2.2.
L-impatt stmat fuq l-approprjazzjonijiet operattivi
–
X Il-proposta/inizjattiva
ma teħtieġx l-użu tal-approprjazzjonijiet operattivi –
¨ Il-proposta/inizjattiva teħtieġ l-użu
tal-approprjazzjonijiet operattivi, kif spjegat hawn taħt: Approprjazzjonijiet ta’ impenn f’miljuni ta' EUR (sa 3
punti deċimali) Indika l-għanijiet u r-riżultati ò || || || Sena 2014 || Sena 2015-2020 || ... daħħal kemm hemm bżonn snin biex turi t-tul ta' żmien tal-impatt (ara l-punt 1.6) || TOTALI || || Tip ta’ riżultati[37] || Spiża medja tal-output || Għadd ta’ ouputs || Kost || Għadd ta’ ouputs || Kost || Għadd ta’ ouputs || Kost || Għadd ta’ ouputs || Kost || Għadd ta’ ouputs || Kost || Għadd totali ta’ riżultati || Total spiża || GĦAN SPEĊIFIKU Nru 1[38]... || || || || || || || || || || || || || Output || || || || || || || || || || || || || || || Output || || || || || || || || || || || || || || || Output || || || || || || || || || || || || || || || Is-subtotal għall-għan speċifiku Nru 1 || || || || || || || || || || || || || GĦAN SPEĊIFIKU Nru 2... || || || || || || || || || || || || || Output || || || || || || || || || || || || || || || Subtotal għall-għan speċifiku Nru 2 || || || || || || || || || || || || || SPIŻA TOTALI || || || || || || || || || || || || ||
3.2.3.
L-impatt stmat fuq l-approprjazzjonijiet ta’ natura
amministrattiva
3.2.3.1.
Sommarju
–
Il-proposta/inizjattiva ma teħtieġx
l-użu tal-approprjazzjonijiet amministrattivi –
Ö Il-proposta/inizjattiva teħtieġ l-użu tal-approprjazzjonijiet
amministrattivi, kif spjegat hawn taħt: EUR miljuni (sa
3 postijiet deċimali) || Sena 2014 [39] || Sena 2015 || Is-snin 2016-2020 || TOTALI L-INTESTATURA 5 tal-qafas finanzjarju multiannwali || || || || Riżorsi umani || 1.271 || 1.271 || 1.271 kull sena || 8.897 Nefqa amministrattiva oħra || 0.14 || 0.14 || 0.14 kull sena || 0.98 Is-subtotal tal-INTESTATURA 5 tal-qafas finanzjarju multiannwali || 1.411 || 1.411 || 1.411 kull sena || 9.877 ’Il barra mill-INTESTATURA 5[40] tal-qafas finanzjarju multiannwali || || || || Riżorsi umani || || || Nefqa oħra ta’ natura amministrattiva || || || Subtotal barra mill-INTESTATURA 5 tal-qafas finanzjarju multiannwali || || || TOTALI || || || || || ||
3.2.3.2.
Ir-rekwiżiti stmati ta’ riżorsi umani
–
¨ Il-proposta/inizjattiva ma teħtieġx l-użu
tar-riżorsi umani –
X Il-proposta/inizjattiva teħtieġ
l-użu tar-riżorsi umani, kif spjegat hawn taħt: L-istima għandha tiġi espressa
f’ammonti sħaħ (jew l-iktar sa ċifra waħda wara l-punt
deċimali) || Sena 2014 || Sena 2015 || L-istess għas-snin 2016 sa 2020 XX 01 01 01 (Fil-Kwartieri Ġenerali u l-Uffiċċji tar-Rappreżentanza tal-Kummissjoni) || 9 || 9 || Bħal qabel XX 01 01 02 (Delegazzjonijiet) || || XX 01 05 01 (Riċerka indiretta) || || 10 01 05 01 (Riċerka diretta) || || XX 01 02 01 (CA, INT, SNE mill-“pakkett globali”) || 2 || 2 XX 01 02 02 (CA, INT, JED, LA u SNE fid-delegazzjonijiet) || || XX 01 04 ss[41] || fil-Kwartieri ġenerali[42] || || - fid-delegazzjonijiet || || XX 01 05 02 (CA, INT, SNE – Riċerka indiretta) || || 10 01 05 02 (CA, INT, SNE – Riċerka diretta) || || Linji oħra tal-baġit (speċifika) || || TOTALI || 11 || 11 || || 11 || XX hija l-qasam
tal-politika jew it-titolu tal-baġit konċernat. Il-ħtiġijiet għar-riżorsi
umani u amministrattivi għandhom ikunu koperti fi ħdan l-allokazzjoni
diġà mogħtija biex tiġi ġestita din l-azzjoni u/jew
riallokata fid-DĠ, ikkomplementati, jekk ikun il-każ, b'allokazzjoni
addizzjonali li tista' tingħata lid-DĠ ta' ġestjoni fil-qafas
tal-proċedura ta' allokazzjoni annwali fid-dawl tar-restrizzjonijiet
baġitarji. Deskrizzjoni
tal-kompiti li għandhom jitwettqu: Uffiċjali u aġenti temporanji || Persunal estern ||
3.2.4.
Kompatibbiltà mal-qafas finanzjarju multiannwali
attwali
–
X Il-proposta/inizjattiva
hija kompatibbli mal-qafas finanzjarju multiannwali attwali. –
¨ Il-proposta/inizjattiva se tinvolvi r-riprogrammazzjoni
tal-intestatura rilevanti fil-qafas finanzjarju multiannwali. Spjega x’riprogrammazzjoni hija meħtieġa,
billi tispeċifika l-linji tal-baġit ikkonċernati u l-ammonti li
jikkorrispondu. Mhux
applikabbli –
¨ Il-proposta/inizjattiva teżiġi l-applikazzjoni
tal-istrument tal-flessibilità jew ir-reviżjoni tal-qafas finanzjarju
multiannwali[43]. Spjega x’inhu meħtieġ, u speċifika
l-intestaturi u l-linji baġitarji konċernati u l-ammonti
korrispondenti. Mhux
applikabbli
3.2.5.
Il-kontribuzzjonijiet ta’ partijiet terzi
–
X
Il-proposta/inizjattiva ma tipprovdix għal kofinanzjament minn partijiet
terzi –
Il-proposta/inizjattiva tipprovdi
għall-kofinanzjament stmat hawn taħt: Approprjazzjonijiet f’miljuni ta’ EUR (sa tliet punti
deċimali) || Sena 2014 || Sena 2015 || ... daħħal kemm hemm bżonn snin biex turi t-tul ta' żmien tal-impatt (ara l-punt 1.6) || Total Speċifika l-korp ta’ ko-finanzjament || || || || || || TOTAL ta’ approprjazzjonijiet kofinanzjati || || || || || ||
3.3.
L-impatt stmat fuq id-dħul
–
X Il-proposta/inizjattiva
ma għandhiex impatt finanzjarju fuq id-dħul. –
¨ Il-proposta/inizjattiva għandha dan l-impatt finanzjarju li
ġej: ¨ fuq ir-riżorsi proprji ¨ fuq id-dħul mixxellanju EUR miljuni (sa 3 postijiet deċimali) Linja tad-dħul tal-baġit: || Approprjazzjonijiet disponibbli għall-eżerċizzju kontinwu tal-baġit || || Sena 2012 || Sena 2013 || … daħħal il-kolonni li hemm bżonn biex turi t-tul taż-żmien tal-impatt (ara l-punt 1.6) || Artikolu …............ || || || || || || || Għal dħul
mixxellanju assenjat, speċifika l-linja/i baġitarja/i tal-infiq
affetwata/i. Mhux
applikabbli Speċifika l-metodu
għall-kalkolu tal-impatt fuq id-dħul. Mhux
applikabbli [1] COM(2011) 500 finali, 21.2.2011. [2] ĠU L 406, 5.12.2008, p. 1. [3] COM(2008) 800 finali, 21.2.2011. [4] Ir-Regolament (KE)
Nru 546/2009, ĠU L 167, 29.6.2009, p. 26. [5] COM(2011) 336 finali, 21.2.2011. [6] COM(2011) 403 finali, 21.2.2011. [7] COM(2011) 500 finali, 21.2.2011. [8] COM(2010) 2020 finali, 21.2.2011. [9] http://ec.europa.eu/social/main.jsp?langId=en&catId=326&eventsId=320&furtherEvents=yes [10] http://ec.europa.eu/social/main.jsp?langId=en&catId=326&eventsId=323&furtherEvents=yes [11] http://ec.europa.eu/social/BlobServlet?docId=6578&langId=en [12] http://ec.europa.eu/social/main.jsp?langId=en&catId=326&eventsId=285&furtherEvents=yes [13] http://ec.europa.eu/social/main.jsp?langId=en&catId=326&eventsId=330&furtherEvents=yes [14] SEC(2011)xxx. [15] SEC(2011)yyy. [16] COM(2011) 403 finali, 21.2.2011. [17] ĠU C , , p. . [18] ĠU C , , p. . [19] ĠU L 48, 22.2.2008, p. 82. [20] COM(2011) 500 finali, 21.2.2011. [21] ĠU L 167, 5.12.2008, p. 27. [22] COM(2011) 403 finali, 21.2.2011. [23] ĠU L [24] ĠU L 175, 5.12.2008, p. 43. [25] ĠU L 327, 5.12.2008, p. 9. [26] ĠU L 225, 12.8.1998, p. 16. [27] ABM: Ġestjoni Bbażata fuq l-Attività – ABB:
Ibbaġġitjar Ibbażat fuq l-Attività. [28] Kif imsemmi fl-Artikolu 49(6)(a) jew (b) tar-Regolament
Finanzjarju. [29] Id-dettalji tal-modi ta’ ġestjoni u r-referenzi
għar-Regolament Finanzjarju jistgħu jinstabu fuq il-websajt
tal-Baġit: http://www.cc.cec/budg/man/budgmanag/budgmanag_en.html [30] Kif imsemmi fl-Artikolu 185 tar-Regolament
Finanzjarju. [31] AD= Approprjazzjonijiet differenzjati / AMD=
Approprjazzjonijiet mhux differenzjati [32] EFTA: Assoċjazzjoni Ewropea tal-Kummerċ
Ħieles. [33] Il-pajjiżi kandidati u, fejn applikabbli,
il-pajjiżi kandidati potenzjali mill-Balkani tal-Punent. [34] Is-Sena N hija s-sena li fiha tibda l-implimentazzjoni
tal-proposta/inizjattiva. [35] L-assistenza u n-nefqa teknika u/jew amministrattiva
bħala appoġġ għall-implimentazzjoni tal-programmi tal-UE
u/jew l-azzjonijiet (linji ex "BA"), ir-riċerka indiretta,
ir-riċerka diretta. [36] Is-Sena N hija s-sena li fiha tibda l-implimentazzjoni
tal-proposta/inizjattiva. [37] Ir-riżultati (outputs) huma prodotti u servizzi li
għandhom jiġu pprovduti (eż.: l-għadd ta’ skambji
tal-istudenti ffinanzjati, l-għadd ta’ km ta’ toroq mibnija,
eċċ.). [38] Kif ġie deskritt fit-Taqsima 1.4.2. "Għan(ijiet)
speċifiku(/ċi)…" [39] Is-Sena N hija s-sena li fiha tibda l-implimentazzjoni
tal-proposta/inizjattiva. [40] L-assistenza u n-nefqa teknika u/jew amministrattiva
bħala appoġġ għall-implimentazzjoni tal-programmi tal-UE
u/jew l-azzjonijiet (linji ex "BA"), ir-riċerka indiretta,
ir-riċerka diretta. [41] Taħt il-limitu massimu għal persunal estern minn
approprjazzjonijiet operattivi (li qabel kienu linji "BA"). [42] Essenzjalment għall-Fondi Strutturali,
għall-Fond Agrikolu Ewropew għall-Iżvilupp Rurali (FAEŻR) u
għall-Fond Ewropew għas-Sajd (FES). [43] Ara l-punti 19 u 24 tal-Ftehim Interistituzzjonali.