52007TA1219(16)

Language
- My EUR-Lex
- Sign in
- Register
- My recent searches (0)

This document is an excerpt from the EUR-Lex website

Search tips

Need more search options? Use the Advanced search

EUROPA
EUR-Lex home
EUR-Lex - 52007TA1219(16) - EN

Document 52007TA1219(16)

Help

Rapport fuq il-kontijiet annwali taċ-Ċentru ta' Traduzzjoni tal-Korpi ta' l-Unjoni Ewropea għas-sena finanzjarja 2006 flimkien mar-risposti taċ-Ċentru

ĠU C 309, 19.12.2007, p. 94–98 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

Date of document:: 27/09/2007

Author:: Il-Qorti Ewropea tal-Awdituri
Form:: Rapport

Treaty:

Trattat li jistabbilixxi l-Komunità Ewropea

Legal basis:

12006E248

Link

Select all documents mentioning this document

Instruments cited:

Link

EUROVOC descriptor:

Subject matter:

Estimi

Directory code:

01.60.20.00 Kwistjonijiet ġenerali, finanzjarji u istituzzjonali / Disposizzjonijiet finanzjarji u baġitarji / Baġit

HTML

PDF

Official Journal

19.12.2007

Il-Ġurnal Uffiċjali ta’ l-Unjoni Ewropea

C 309/94

RAPPORT

fuq il-kontijiet annwali taċ-Ċentru ta' Traduzzjoni tal-Korpi ta' l-Unjoni Ewropea għas-sena finanzjarja 2006 flimkien mar-risposti taċ-Ċentru

(2007/C 309/16)

WERREJ

1-2	INTRODUZZJONI

3-6	DIKJARAZZJONI TA' ASSIGURAZZJONI

7-9	OSSERVAZZJONIJIET

Tabelli 1 sa 4

Ir-risposti taċ-Ċentru

INTRODUZZJONI

Iċ-Ċentru ta' Traduzzjoni għall-Korpi ta' L-Unjoni Ewropea (minn hawn 'il quddiem imsejjaħ “iċ-Ċentru”) kien imwaqqaf bir-Regolament tal-Kunsill (KE) Nru 2965/94 (1) Ir-Rwol taċ-Ċentru huwa li jipprovdi lill-korpi ta' l-UE, u kwalunkwe istituzzjoni u korpi ta' l-UE oħra li jsaqsu għas-servizzi tiegħu, servizzi ta' traduzzjoni neċessarji għall-attivitajiet tagħhom.

2.	It-Tabella 1 tagħti sommarju tal-kompetenzi u l-attivitajiet taċ-Ċentru. Sommarju tad-dejta prinċipali meħuda mir-rendikonti finanzjarji ppreparati miċ-Ċentru għas-sena finanzjarja 2006 huwa ppreżentat fit-Tabelli 2, 3 u 4 għal skopijiet ta' informazzjoni.

DIKJARAZZJONI TA' ASSIGURAZZJONI

Din id-Dikjarazzjoni hija indirizzata lill-Parlament Ewropew u lill-Kunsill skond l-Artikolu 185 tar-Regolament tal-Kunsill (KE, Euratom) Nru 1605/2002 tad-19 ta' Diċembru 2002 (2); kienet ippreparata wara eżami tal-kontijiet taċ-Ċentru, kif meħtieġ mill-Artikolu 248 tat-Trattat li jistabbilixxi l-Komunità Ewropea.

Il-kontijiet taċ-Ċentru għas-sena finanzjarja li ntemmet fil-31 ta' Diċembru 2006 (3) ġew magħmula mid-Direttur tiegħu, skond l-Artikolu 14 tar-Regolament (KE) Nru 2965/94, u mibgħuta lill-Qorti, li hija meħtieġa li tagħti dikjarazzjoni ta' assigurazzjoni dwar l-affidabilità tagħhom u dwar il-legalità u r-regolarità tat-tranżazzjonijiet ta' bażi.

Il-Qorti wettqet il-verifika tagħha skond l-Istandards Internazzjonali tal-Verifika u l-Kodiċi ta' Etika ta' l-IFAC u ta' l-INTOSAI, safejn dawn huma applikabbli għall-kuntest tal-Komunità Ewropea. Il-verifika kienet ippjanata u mwettqa bi ħsieb li tinkiseb assigurazzjoni raġonevoli li l-kontijiet huma affidabbli u li t-tranżazzjonijiet ta' bażi huma legali u regolari.

Il-Qorti kisbet għalhekk bażi raġonevoli għad-Dikjarazzjoni mniżżla hawn taħt:

Affidabbiltà tal-kontijietIl-kontijiet taċ-Ċentru għas-sena finanzjarja li għalqet fil-31 ta' Diċembru 2006 huma, fl-aspetti materjali kollha, affidabbli.Legalità u regolarità tat-tranżazzjonijiet ta' bażiIt-tranżazzjonijiet ta' bażi tal-kontijiet annwali taċ-Ċentru, meħuda fit-totalità tagħhom, huma legali u regolari.L-osservazzjonijiet li ġejjin ma jpoġġux id-Dikjarazzjoni tal-Qorti f'diskussjoni.

OSSERVAZZJONIJIET

Il-bilanċ favur akkumulat tal-baġit (4) għall-2006 kien ta' 16,9 miljun euro. Fl-2005 kien ta' 10,5 miljun euro u fl-2004 kien ta' 3,5 miljun euro. Fl-2007, iċ-Ċentru se jagħti rifużjoni ta' 9,3 miljun euro lill-klijenti tiegħu. Tali akkumulazzjoni ta' bilanċi żejda wriet li l-metodu għall-għoti ta' prezz tat-traduzzjonijiet tiegħu mhuwiex preċiż biżżejjed.

8.	F'każ wieħed (5), sar impenn legali qabel l-impenn baġitarju, bi ksur tar-Regolament Finanzjarju.

9.	Ma kinux jeżistu linji gwida meħtieġa għall-evalwazzjoni tal-kandidati. F'proċedura ta' reklutaġġ ta' tradutturi, iċ-Ċentru naqas milli jagħti provi bil-miktub tar-regoli applikati għall-evalwazzjoni tal-fajls tal-kandidati.

Dan ir-rapport ġie adottat mill-Qorti ta' l-Awdituri fil-Lussemburgu fil-laqgħa tagħha tas-27 ta' Settembru 2007.

Għall-Qorti ta' l-Awdituri

Hubert WEBER

President

(1) ĠU L 314, 7.12.1994, p. 1.

(2) ĠU L 248, 16.9.2002, p. 1.

(3) Dawn il-kontijiet kienu ppreparati fl-1 ta' Lulju 2007 u rċevuti mill-Qorti fit-3 ta' Lulju 2007.

(4) Ir-riżultat baġitarju huwa kkalkulat abbażi ta' metodu ta' likwidità modifikat u mhux abbażi tal-prinċipju tad-dovuti użat għar-riżultat ekonomiku (ara t-tabella 3).

(5) Valur: 320 000 euro.

Tabella 1

Iċ-Ċentru ta' Traduzzjoni għall-Korpi ta' L-Unjoni Ewropea (il-Lussemburgu)

Oqsma ta' kompetenza Komunitarja

Kompetenzi

taċ-Ċentru (Regolament tal-Kunsill (KE) Nru 2965/94

Tmexxija

Riżorsi disponibbli għaċ-Ċentru fl-2006

(dejta għall-2005)

Prodotti u servizzi fornuti matul is-sena finanzjarja 2006

(dejta għall-2005)

Ir-rappreżentanti tal-gvernijiet ta' l-Istati Membri bi ftehim reċiproku adottaw dikjarazzjoni, taħt l-awspiċi tad-dipartimenti tat-traduzzjoni tal-Kummissjoni fil-Lussemburgu, dwar il-ħolqien ta' Ċentru ta' traduzzjoni għall-korpi ta' l-Unjoni, li jkun jipprovdi s-servizzi ta' traduzzjoni neċessarji għall-ħidma tal-korpi u servizzi li l-kwartieri tagħhom kienu stabbiliti bid-deċiżjoni tad-29 ta' Ottubru 1993

(Deċiżjoni tal-Kunsill meħuda skond l-Artikolu 235 tat-Trattat).

Objettivi

Li jipprovdi s-servizzi neċessarji tat-traduzzjoni għall-operazzjoni tal-korpi segwenti:

—	L-Aġenzija Ewropea ta' l-Ambjent,

—	Il-Fondazzjoni Ewropea għat-Taħriġ,

—	Iċ-Ċentru Ewropew ta' Monitoraġġ dwar id-Drogi u d-Dipendenza fuq id-drogi,

—	L-Aġenzija Ewropea għall-Mediċini,

—	L-Aġenzija Ewropea għas-Sigurtà u s-Saħħa fuq il-post tax-Xogħol,

—	L-Uffiċċju għall-Armonizzazzjoni fis-Suq Intern (trademarks u disinni),

—	L-Uffiċċju Ewropew tal-Pulizija (Europol) u l-Unità Drogi ta’ l-Europol.

Korpi mwaqqfa mill-Kunsill, barra dawk imsemmija hawn fuq jistgħu jużaw is-servizzi taċ-Ċentru. L-istituzzjonijiet u l-korpi ta' l-Unjoni Ewropea li ġa għandhom is-Servizz ta' Traduzzjoni tagħhom stess jistgħu, jekk jiġi l-każ, jsaqsu għas-servizzi taċ-Ċentru fuq bażi volontarja.

Iċ-Ċentru jieħu sehem bis-sħiħ fix-xogħol tal-Kumitat Interistituzzjonali dwar it-Traduzzjoni.

Kompiti

—	Li jagħmel arranġamenti għall-koperazzjoni mal-korpi u l-istituzzjonijiet

—	Li jieħu sehem fix-xogħol tal-Kumitat Interistituzzjonali dwar it-Traduzzjoni.

1 Bord tal-tal-Maniġment

Kompożizzjoni

—	rappreżentant minn kull Stat Membru;

—	żewg rappreżentanti mill-Kummissjoni;

—	rappreżentant minn kull korp jew istituzzjoni li ssaqsi għas-servizzi taċ-Ċentru.

Kompitu

Jadotta il-programm annwali ta' xogħol taċ-Ċentru u r-rapport annwali.

2 Direttur

Maħtur mill-Bord tal-Maniġment fuq proposta mill-Kummissjoni.

3 Kontroll estern

Il-Qorti ta' l-Awdituri.

4 Verifika esterna

L-awditur intern tal-Kummissjoni.

5 Awtorità ta' kwittanza

Il-Parlament fuq rakkomandazzjoni tal-Kunsill.

Baġit finali

40,88 (27,9) miljun euro

Numru ta' persunal fil-31 ta' Diċembru 2006

189 (181) kariga imniżżla fil-pjan ta' twaqqif

karigi okkupati: 169 (163)

Mogħtija lill-

—	dmirijiet operattivi: 80 (114);

—	dmirijiet amministrativi: 89 (57);

—	dmirijiet varji: 0 (4).

Numru ta' paġni tradotti

546 735 (505 438).

Numru ta' paġni skond il-lingwi

—	lingwi uffiċjali 537 797 (501 475);

—	lingwi oħrajn 8 938 (3 963).

Numru ta' paġni għal kull klijent

—	korpi 531 454 (496 665);

—	istituzzjonijiet 15 281 (8 773).

Numru ta' paġni tradotti freelance

260 301 (226 822)

Sors: Informazzjoni provduta miċ-Ċentru.

Sors: dejta mogħtija miċ-Ċentru — Din it-tabella tagħti sommarju tad-dejta mogħtija miċ-Ċentru fil-kontijiet annwali tiegħu: dawn il-kontijiet huma ppreparati abbażi tad-dovuti.

Tabella 2

Iċ-Ċentru ta' Traduzzjoni għall-Korpi ta’ l-Unjoni Ewropea (il-Lussemburgu) — Implimentazzjoni tal-baġit għas-sena finanzjarja 2006

(1000 euro)
Dħul			Nefqa
Sors tad-dħul	Dħul imdaħħal fil-baġit finali għas-sena finanzjarja	Dħul irċevut	Allokazzjoni tan-nefqa	Approprijazzjonijiet tal-baġit finali					Approprijazzjonijiet trasferiti mis-sena finanzjarja preċedenti
Sors tad-dħul	Dħul imdaħħal fil-baġit finali għas-sena finanzjarja	Dħul irċevut	Allokazzjoni tan-nefqa	imdaħħla	impenjati	imħallsa	trasferiti	annullati	disponibbli	imħallsa	annullati
Dħul proprju	29 731	32 359	Titolu I Persunal	15 464	13 989	13 793	196	1 475	106	99	7
Dħul ieħor	0	93	Titolu II Amministrazzjoni	4 421	3 949	2 734	1 215	472	755	673	82
Mgħax	600	844	Titolu III Attivitajiet operattivi	10 739	8 909	7 434	1 475	1 830	1 291	1 288	3
Bilanċ għas-sena finanzjarja preċedenti	10 545	10 545	Titolu X Riżerva	10 252	0	0	0	10 252	0	0	0
Total	40 876	43 841	Total	40 876	26 847	23 961	2 886	14 029	2 151	2 060	92
Sors: Dejta mogħtija miċ-Ċentru — Din it-tabella tagħti sommarju tad-dejta mogħtija miċ-Ċentru fil-kontijiet annwali tiegħu. Dħul miġbur u pagamenti huma stmati fuq bażi tal-likwidità.

Tabella 3

Iċ-Ċentru ta' Traduzzjoni għall-Korpi ta’ l-Unjoni Ewropea (il-Lussemburgu) — Kont tar-riżultat ekonomiku għas-snin finanzjarji 2006 u 2005

(1000 euro)
	2006	2005
Dħul operattiv
Riżorsi proprji	32 817	30 408
Dħul ieħor (1)	126	372
Total (a)	32 943	30 780
Nefqa operattiva
Nefqa fuq il-Persunal	13 713	13 200
Nefqa relatata ma' l-attiv fiss	4 195	3 547
Nefqa amministrattiva oħra	2 021	1 849
Nefqa operattiva	8 757	7 397
Total (b)	28 686	25 993
Bilanċ favur/(kontra) minn attivitajiet operattivi (c = a – b)	4 258	4 787
Dħul minn operazzjonijiet finanzjarji (e) (2)	844	429
nefqa fuq operazzjonijiet finanzjarji (f)	3	4
Bilanċ favur /(kontra) minn attivitajiet mhux operattivi (g = e – f)	841	425
Riżultat ekonomiku għas-sena (h = c + g)	5 099	5 212

Tabella 4

Iċ-Ċentru ta' Traduzzjoni għall-Korpi ta’ l-Unjoni Ewropea (il-Lussemburgu) — Karta tal-bilanċ tal-31 ta' Diċembru 2006 u 2005

(1000 euro)
	2006	2005
Attiv mhux kurrenti
Assi fissi mhux tanġibbli	267	343
Assi fissi tanġibbli	391	356
Attiv kurrenti
Stokk	313	279
Riċevibbli ta' skadenza qasira	5 907	6 184
Likwidità u ekwivalenti likwidi	34 618	27 392
Total ta' l-attiv	41 496	34 554
Passiv kurrenti
Proviżjonijiet għal riskji u spejjeż	10 600	9 330
Kontijiet pagabbli (3)	11 286	1 418
Total tal-passiv	21 886	10 748
Attiv nett
Riżervi	466	9 761
Bilanċ favur/kontra akkumulat	14 045	8 833
Riżultat ekonomiku għas-sena	5 099	5 212
Total ta' l-attiv nett	19 610	23 806
Total tal-passiv u ta' l-attiv nett	41 496	34 554

(1) Fl-2005, iċ-Ċentru inkluda xogħol ta' traduzzjoni għaddej (279 452 euro) fil-Karta tal-Bilanċ tiegħu għall-ewwel darba. Fl-2006, b'kuntrast ma' dan, varjazzjoni biss fil-volum ta' dan ix-xogħol għaddej (33 215 euro) hija reġistrata fil-kont tar-riżultat ekonomiku.

(2) Fl-2006, kien hemm żjieda fl-attiv finanzjarju disponibbli, li rriżultat f'żjieda fl-imgħax irċevut.

(3) Dawn l-ammonti jinkludu 9 292 000 euro biex jitħallsu lill-klijenti taċ-Ċentru u żvelati bħala riżerva fir-Rendikonti Finanzjarji taċ-Ċentru (ara r-risposta taċ-Ċentru għall-punt 7)

R-RISPOSTI TAĊ-ĊENTRU

Iċ-Ċentru huwa konxju miż-żjieda tal-bilanċi favorevoli tal-baġġit u iddeċieda li jirrifondi EUR 9.3 miljun lill-klijenti tiegħu fl-2007. Biex jevita illi din is-sitwazzjoni terġa tiġri fil-futur, iċ-Ċentru ser jagħmel ħiltu biex itejjeb il-metodu ta’ kif jikkalkola l-prezzijiet. Barra minn hekk, minħabba li dan il-metodu għandu bżonn stima tad-domanda prevvista tat-traduzzjoni, iċ-Ċentru ser jinkoraġġixxi lill-klijenti tiegħu biex ittejbu t-tbassir tagħhom.

8.	Iċ-Ċentru adatta l-proċedura tiegħu biex jevita repetizzjoni tas-sitwazzjoni deskritta mill-Qorti.

9.	Iċ-Ċentru ser jistudja mezzi ta’ kif itejjeb il-proċedura tar-reklutaġġ tiegħu biex jieħu kont tar-rimarka li għamlet il-Qorti.

Top

All