This document is an excerpt from the EUR-Lex website
Document 32019R1139
Commission Implementing Regulation (EU) 2019/1139 of 3 July 2019 amending Regulation (EC) No 2074/2005 as regards official controls on food of animal origin in relation to requirements concerning food chain information and fishery products and to the reference to recognised testing methods for marine biotoxins and to testing methods for raw milk and heat-treated cow's milk (Text with EEA relevance.)
Regolament ta' Implimentazzjoni tal-Kummissjoni (UE) 2019/1139 tat-3 ta' Lulju 2019 li jemenda r-Regolament (KE) Nru 2074/2005 fir-rigward tal-kontrolli uffiċjali fuq ikel li joriġina mill-annimali b'rabta mar-rekwiżiti li jikkonċernaw it-tagħrif dwar il-katina tal-ikel u l-prodotti tas-sajd u mar-referenza għall-metodi rikonoxxuti tal-ittestjar għall-bijotossini marini u għall-metodi tal-ittestjar għall-ħalib mhux ipproċessat u l-ħalib tal-baqar ittrattat bis-sħana (Test b'rilevanza għaż-ŻEE.)
Regolament ta' Implimentazzjoni tal-Kummissjoni (UE) 2019/1139 tat-3 ta' Lulju 2019 li jemenda r-Regolament (KE) Nru 2074/2005 fir-rigward tal-kontrolli uffiċjali fuq ikel li joriġina mill-annimali b'rabta mar-rekwiżiti li jikkonċernaw it-tagħrif dwar il-katina tal-ikel u l-prodotti tas-sajd u mar-referenza għall-metodi rikonoxxuti tal-ittestjar għall-bijotossini marini u għall-metodi tal-ittestjar għall-ħalib mhux ipproċessat u l-ħalib tal-baqar ittrattat bis-sħana (Test b'rilevanza għaż-ŻEE.)
C/2019/4943
ĠU L 180, 4.7.2019, p. 12–14
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
- Date of document:
- 03/07/2019; Data ta' adozzjoni
- Date of effect:
- 24/07/2019; Dħul fis-seħħ Data tal-pubblikazzjoni +20 Ara Art. 2
- Date of effect:
- 14/12/2019; Applikazzjoni Ara Art. 2
- Date of end of validity:
- No end date
- Author:
- Il-Kummissjoni Ewropea, Direttorat Ġenerali għas-Saħħa u s-Sikurezza Alimentari
- Responsible body:
- Directorate-General for Health and Food Safety, SANTE
- Form:
- Regolament implimentattiv
- Additional information:
- Rilevanza għaż-ŻEE
- Treaty:
- Trattat dwar il-Funzjonament tal-Unjoni Ewropea
- Legal basis:
-
- 32017R0625 - A18P8L1PTF)
- Link
- Link
- Link
- Select all documents mentioning this document No data available in the table
- Modifies:
-
Relation Act Comment Subdivision concerned From To Modifies 32005R2074 Sostituzzjoni artikolu 1 14/12/2019 Modifies 32005R2074 Sostituzzjoni artikolu 2 14/12/2019 Modifies 32005R2074 Sostituzzjoni artikolu 3 14/12/2019 Modifies 32005R2074 Sostituzzjoni artikolu 6a 14/12/2019
No data available in the table
- Modified by:
-
Relation Act Comment Subdivision concerned From To Corrected by 32019R1139R(01) (DE) - Instruments cited:
- Link
- EUROVOC descriptor:
- Subject matter:
- Directory code:
|
4.7.2019 |
MT |
Il-Ġurnal Uffiċjali tal-Unjoni Ewropea |
L 180/12 |
REGOLAMENT TA' IMPLIMENTAZZJONI TAL-KUMMISSJONI (UE) 2019/1139
tat-3 ta' Lulju 2019
li jemenda r-Regolament (KE) Nru 2074/2005 fir-rigward tal-kontrolli uffiċjali fuq ikel li joriġina mill-annimali b'rabta mar-rekwiżiti li jikkonċernaw it-tagħrif dwar il-katina tal-ikel u l-prodotti tas-sajd u mar-referenza għall-metodi rikonoxxuti tal-ittestjar għall-bijotossini marini u għall-metodi tal-ittestjar għall-ħalib mhux ipproċessat u l-ħalib tal-baqar ittrattat bis-sħana
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2017/625 tal-Parlament Ewropew u tal-Kunsill tal-15 ta' Marzu 2017 dwar il-kontrolli uffiċjali u attivitajiet uffiċjali oħra mwettqa biex jiżguraw l-applikazzjoni tal-liġi tal-ikel u tal-għalf, ta' regoli dwar is-saħħa u t-trattament xieraq tal-annimali, dwar is-saħħa tal-pjanti u dwar prodotti għall-protezzjoni tal-pjanti, li jemenda r-Regolamenti (KE) Nru 999/2001, (KE) Nru 396/2005, (KE) Nru 1069/2009, (KE) Nru 1107/2009, (UE) Nru 1151/2012, (UE) Nru 652/2014, (UE) 2016/429 u (UE) 2016/2031 tal-Parlament Ewropew u tal-Kunsill, ir-Regolamenti tal-Kunsill (KE) Nru 1/2005 u (KE) Nru 1099/2009 u d-Direttivi tal-Kunsill 98/58/KE, 1999/74/KE, 2007/43/KE, 2008/119/KE u 2008/120/KE, u li jħassar ir-Regolamenti (KE) Nru 854/2004 u (KE) Nru 882/2004 tal-Parlament Ewropew u tal-Kunsill, id-Direttivi tal-Kunsill 89/608/KEE, 89/662/KEE, 90/425/KEE, 91/496/KEE, 96/23/KE, 96/93/KE u 97/78/KE u d-Deċiżjoni tal-Kunsill 92/438/KEE (Regolament dwar il-Kontrolli Uffiċjali) (1), u b'mod partikolari il-punt (f) tal-ewwel subparagrafu tal-Artikolu 18(8) tiegħu,
Wara li kkonsultat il-Kumitat dwar il-Pjanti, l-Annimali, l-Ikel u l-Għalf,
Billi:
|
(1) |
Ir-Regolament (UE) 2017/625 jistabbilixxi regoli għall-kontrolli uffiċjali u għal attivitajiet uffiċjali oħra mwettqa mill-awtoritajiet kompetenti tal-Istati Membri sabiex tiġi verifikata l-konformità mal-leġiżlazzjoni tal-Unjoni, fost l-oħrajn fil-qasam tas-sikurezza tal-ikel fl-istadji kollha tal-produzzjoni, tal-ipproċessar u tad-distribuzzjoni. B'mod partikolari, jipprevedi kontrolli uffiċjali fir-rigward ta' prodotti li joriġinaw mill-annimali maħsuba għall-konsum mill-bniedem. |
|
(2) |
Ir-Regolament tal-Kummissjoni (KE) Nru 2074/2005 (2) jistabbilixxi miżuri ta' implimentazzjoni għal ċerti prodotti skont, fost l-oħrajn, ir-Regolament (KE) Nru 853/2004 tal-Parlament Ewropew u tal-Kunsill (3). Dawn jinkludu molluski bivalvi ħajjin, ħalib nej u ħalib tal-baqar ittrattat bis-sħana. |
|
(3) |
Ir-Regolament ta' Implimentazzjoni tal-Kummissjoni (UE) 2019/627 (4) jemenda r-Regolament (KE) Nru 2074/2005 fir-rigward tal-kontrolli uffiċjali. Dak ir-Regolament jistabbilixxi li, fir-rigward tar-rekwiżiti li jikkonċernaw l-informazzjoni dwar il-katina alimentari, jitħassru s-Sezzjoni II u l-Appendiċi fl-Anness I tar-Regolament (KE) Nru 2074/2005 u li fir-rigward tar-rekwiżiti li jikkonċernaw il-prodotti tas-sajd, titħassar is-Sezzjoni II fl-Anness II tar-Regolament (KE) Nru 2074/2005. |
|
(4) |
Ir-Regolament (KE) Nru 853/2004 jeżiġi wkoll li l-operatur tal-biċċerija jitlob, jirċievi, jiċċekkja u jaġixxi fuq l-informazzjoni dwar il-katina alimentari għall-annimali kollha, għajr il-kaċċa selvaġġa, mibgħuta jew maħsuba li tintbgħat lill-biċċerija. Barra minn hekk, jenħtieġ li jiżgura li l-informazzjoni dwar il-katina alimentari tipprovdi d-dettalji kollha meħtieġa skont ir-Regolament (KE) Nru 853/2004. |
|
(5) |
Ir-Regolament (KE) Nru 853/2004 jistabbilixxi r-rekwiżiti li jirregolaw il-kontrolli tal-parassiti matul it-trattament tal-prodotti tas-sajd fuq l-art u abbord il-bastimenti. Hija r-responsabbiltà tal-operaturi tan-negozju tal-ikel li jwettqu l-kontrolli tagħhom fl-istadji kollha fil-produzzjoni ta' prodotti tas-sajd skont ir-regoli fil-Kapitolu V(D) tas-Sezzjoni VIII tal-Anness III tar-Regolament (KE) Nru 853/2004 bil-għan li ħut li huwa infestat bil-parassiti ma jitqassamx għall-konsum mill-bniedem. L-adozzjoni ta' regoli dettaljati rigward l-ispezzjoni viżwali titlob li l-kunċetti ta' parassiti viżibbli u l-ispezzjoni viżwali jkunu definiti u jkunu determinati t-tip u l-frekwenza tal-osservazzjonijiet. |
|
(6) |
Ir-Regolament ta' Implimentazzjoni (UE) 2019/627 jistabbilixxi r-regoli dwar arranġamenti prattiċi uniformi għat-twettiq ta' kontrolli uffiċjali fuq l-ikel li joriġina mill-annimali. Dak ir-Regolament jistabbilixxi, fl-Anness V tiegħu, il-metodi ta' ttestjar rikonoxxuti għad-detezzjoni ta' bijotossini marini fil-molluski bivalvi ħajjin li jridu jintużaw mill-awtoritajiet kompetenti għall-fini ta' kontrolli uffiċjali. Barra minn hekk, fl-Anness III tiegħu, jistabbilixxi l-metodi ta' ttestjar għall-ħalib mhux ipproċessat u għall-ħalib tal-baqar ittrattat bis-sħana li jridu jintużaw mill-awtoritajiet kompetenti għall-fini ta' kontrolli uffiċjali. Skont ir-Regolament (KE) Nru 853/2004, l-operaturi tan-negozju tal-ikel iridu jwettqu l-kontrolli tagħhom stess fl-istadji kollha tal-produzzjoni biex jiżguraw li l-molluski bivalvi ħajjin, il-ħalib nej u l-ħalib tal-baqar ittrattat bis-sħana jikkonformaw mar-regoli tal-iġjene għall-ikel li joriġina mill-annimali stipulati f'dak ir-Regolament. Għaldaqstant, sabiex jiġi żgurat livell għoli ta' protezzjoni tal-konsumatur fir-rigward tas-sikurezza tal-ikel, ir-Regolament (KE) Nru 2074/2005 jenħtieġ li jinkludi obbligu għall-operaturi fin-negozju tal-ikel li jużaw l-istess metodi rikonoxxuti tal-ittestjar għall-bijotossini marini u l-metodi tal-ittestjar għall-ħalib mhux ipproċessat u l-ħalib tal-baqar ittrattat bis-sħana bħalma jridu jużaw l-awtoritajiet kompetenti skont ir-Regolament ta' Implimentazzjoni (UE) 2019/627. |
|
(7) |
Għaldaqstant, jenħtieġ li r-Regolament (KE) Nru 2074/2005 jiġi emendat skont dan. |
|
(8) |
Billi r-Regolament (UE) 2017/625 japplika b'effett mill-14 ta' Diċembru 2019, dan ir-Regolament jenħtieġ li japplika mill-istess data. |
|
(9) |
Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
Ir-Regolament (KE) Nru 2074/2005 huwa emendat kif ġej:
|
(1) |
L-Artikolu 1 huwa sostitwit b'dan li ġej: “Artikolu 1 Rekwiżiti li jikkonċernaw l-informazzjoni dwar il-katina alimentari għall-fini tar-Regolament (KE) Nru 853/2004 Ir-rekwiżiti li jikkonċernaw l-informazzjoni dwar il-katina alimentari kif imsemmija fis-Sezzjoni III tal-Anness II tar-Regolament (KE) Nru 853/2004 huma stabbiliti fl-Anness I ta' dan ir-Regolament.” |
|
(2) |
L-Artikolu 2 huwa sostitwit b'dan li ġej: “Artikolu 2 Rekwiżiti li jikkonċernaw il-prodotti tas-sajd għall-fini tar-Regolament (KE) Nru 853/2004 Ir-rekwiżiti li jikkonċernaw il-prodotti tas-sajd kif imsemmija fl-Artikolu 11(9) tar-Regolament (KE) Nru 853/2004 huma stabbiliti fl-Anness II ta' dan ir-Regolament.” |
|
(3) |
L-Artikolu 3 huwa sostitwit b'dan li ġej: “Artikolu 3 Metodi rikonoxxuti ta' eżami għal bijotossini marini għall-fini tar-Regolament (KE) Nru 853/2004 Il-metodi rikonoxxuti ta' eżami għad-detezzjoni ta' bijotossini marini kif imsemmija fl-Artikolu 11(4) tar-Regolament (KE) Nru 853/2004 huma kif stabbiliti fl-Anness V tar-Regolament ta' Implimentazzjoni (UE) 2019/627.” |
|
(4) |
L-Artikolu 6a huwa sostitwit b'dan li ġej: “Artikolu 6a Metodi tal-ittestjar għall-ħalib mhux ipproċessat u għall-ħalib ittrattat bis-sħana Il-metodi analitiċi stabbiliti fl-Anness III tar-Regolament ta' Implimentazzjoni (UE) 2019/627 għandhom jintużaw mill-operaturi tan-negozju tal-ikel biex jivverifikaw il-konformità mal-limiti stabbiliti fil-Parti III tal-Kapitolu I tat-Taqsima IX tal-Anness III tar-Regolament (KE) Nru 853/2004 u biex jiżguraw l-applikazzjoni xierqa ta' proċess ta' pasturizzazzjoni għall-prodotti tal-ħalib kif imsemmi fil-Parti II tal-Kapitolu II tat-Taqsima IX tal-Anness III ta' dak ir-Regolament.”. |
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Għandu japplika mill-14 ta' Diċembru 2019.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-3 ta' Lulju 2019.
Għall-Kummissjoni
Il-President
Jean-Claude JUNCKER
(2) Ir-Regolament tal-Kummissjoni (KE) Nru 2074/2005 tal-5 ta' Diċembru 2005 li jistabbilixxi miżuri ta' implimentazzjoni għal ċerti prodotti taħt ir-Regolament (KE) Nru 853/2004 tal-Parlament Ewropew u tal-Kunsill u għall-organizzazzjoni ta' kontrolli uffiċjali taħt ir-Regolament (KE) Nru 854/2004 tal-Parlament Ewropew u tal-Kunsill u r-Regolament (KE) Nru 882/2004 tal-Parlament Ewropew u tal-Kunsill, li jidderoga mir-Regolament (KE) Nru 852/2004 tal-Parlament Ewropew u tal-Kunsill u li jemenda r-Regolamenti (KE) Nru 853/2004 u (KE) Nru 854/2004 (ĠU L 338, 22.12.2005, p. 27).
(3) Ir-Regolament (KE) Nru 853/2004 tal-Parlament Ewropew u tal-Kunsill tad-29 ta' April 2004 li jistabbilixxi ċerti regoli speċifiċi ta' iġjene għall-ikel li joriġina mill-annimali (ĠU L 139, 30.4.2004, p. 55).
(4) Ir-Regolament ta' Implimentazzjoni tal-Kummissjoni (UE) 2019/627 tal-15 ta' Marzu 2019 li jistabbilixxi arranġamenti prattiċi uniformi għat-twettiq ta' kontrolli uffiċjali fuq prodotti mill-annimali maħsuba għall-konsum mill-bniedem skont ir-Regolament (UE) 2017/625 tal-Parlament Ewropew u tal-Kunsill u li jemenda r-Regolament tal-Kummissjoni (KE) Nru 2074/2005 fir-rigward tal-kontrolli uffiċjali (ĠU L 131, 17.5.2019, p. 51)
