Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32019R0522

Regolament ta' Implimentazzjoni tal-Kummissjoni (UE) 2019/522 tas-27 ta' Marzu 2019 li jemenda r-Regolament ta' Implimentazzjoni (UE) Nru 1191/2014 fir-rigward tar-rapportar ta' data dwar il-produzzjoni u l-importazzjonijiet u l-esportazzjonijiet ta' polioli li fihom idrofluworokarburi skont l-Artikolu 19 tar-Regolament (UE) Nru 517/2014

C/2019/2206

ĠU L 86, 28.3.2019, p. 37–40 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document No longer in force, Date of end of validity: 24/09/2024; Impliċitament imħassar minn 32024R2195

ELI: http://data.europa.eu/eli/reg_impl/2019/522/oj

Date of document:
27/03/2019; Data ta' adozzjoni
Date of effect:
17/04/2019; Dħul fis-seħħ Data tal-pubblikazzjoni +20 Ara Art. 2
Date of end of validity:
24/09/2024; Impliċitament imħassar minn 32024R2195
Author:
Il-Kummissjoni Ewropea, Id-Direttorat Ġenerali għall-Azzjoni Klimatika
Responsible body:
CLIMA
Form:
Regolament implimentattiv
Treaty:
Trattat dwar il-Funzjonament tal-Unjoni Ewropea
Legal basis:
Link
Link
Link
Select all documents mentioning this document
Modifies:
Relation Act Comment Subdivision concerned From To
Modifies 32014R1191 Żieda anness taqsima 2 tabella TEXT 17/04/2019
Modifies 32014R1191 Żieda anness taqsima 3 tabella TEXT 17/04/2019
Modifies 32014R1191 Sostituzzjoni anness taqsima 1 tabella 17/04/2019
Modified by:
Relation Act Comment Subdivision concerned From To
Implicitly repealed by 32024R2195 25/09/2024
Instruments cited:
Link

28.3.2019   

MT

Il-Ġurnal Uffiċjali tal-Unjoni Ewropea

L 86/37

REGOLAMENT TA' IMPLIMENTAZZJONI TAL-KUMMISSJONI (UE) 2019/522

tas-27 ta' Marzu 2019

li jemenda r-Regolament ta' Implimentazzjoni (UE) Nru 1191/2014 fir-rigward tar-rapportar ta' data dwar il-produzzjoni u l-importazzjonijiet u l-esportazzjonijiet ta' polioli li fihom idrofluworokarburi skont l-Artikolu 19 tar-Regolament (UE) Nru 517/2014

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) Nru 517/2014 tal-Parlament Ewropew u tal-Kunsill tas-16 ta' April 2014 dwar gassijiet fluworurati b'effett ta' serra u li jħassar ir-Regolament (KE) Nru 842/2006 (1), u b'mod partikolari l-Artikolu 19(7) tiegħu,

Billi:

(1)

Ir-Regolament ta' Implimentazzjoni tal-Kummissjoni (UE) Nru 1191/2014 (2) jispeċifika il-mezzi u l-għamla tar-rapport li jrid jiġi ppreżentat skont l-Artikolu 19 tar-Regolament (UE) Nru 517/2014 b'rabta mal-użu ta' ċerti gassijiet fluworurati b'effett ta' serra bħala materja prima jew meta l-produtturi, l-importaturi jew l-esportaturi ta' dawk il-gassijiet jew l-impriżi li jeqirdu dawk il-gassijiet iqiegħdu fis-suq prodotti jew tagħmir li jkun fih dawk il-gassijiet.

(2)

Id-Deċiżjoni XXX/10 (3) tal-Partijiet fil-Protokoll ta' Montreal dwar sustanzi li jnaqqsu s-saff tal-ożonu fil-Konvenzjoni ta' Vjenna għall-Protezzjoni tas-Saff tal-Ożonu (4) (il-Protokoll ta' Montreal) tistabbilixxi l-formoli riveduti ta' rappurtar li jridu jintużaw għar-rappurtar dwar sustanzi kontrollati, fosthom dwar il-produzzjoni sekondarja tal-idrofluworokarbur-23 (HFC-23) u l-importazzjonijiet u l-esportazzjonijiet ta' polioli li fihom idrofluworokarburi wara d-dħul fis-seħħ globali tal-Emenda ta' Kigali f'dak il-Protokoll rigward it-tnaqqis gradwali tal-idrofluworokarburi (HFCs) fl-1 ta' Jannar 2019 (5).

(3)

L-għamla tar-rapportar stabbilita fl-Anness tar-Regolament ta' Implimentazzjoni (UE) Nru 1191/2014 għandha tiġi emendata sabiex tiġi allinjata mal-għamla tar-rapportar stabbilita fid-Deċiżjoni XXX/10 użata mill-Partijiet fil-Protokoll ta' Montreal. Dan jippermetti lill-Unjoni tikkonforma mal-obbligi tar-rappurtar tagħha skont il-Protokoll ta' Montreal.

(4)

Il-miżuri previsti f'dan ir-Regolament huma skont l-opinjoni tal-Kumitat stabbilit bl-Artikolu 24(1) tar-Regolament (UE) Nru 517/2014,

ADOTTAT DAN IR-REGOLAMENT:

Artikolu 1

L-Anness tar-Regolament ta' Implimentazzjoni (UE) Nru 1191/2014 huwa emendat skont l-Anness ta' dan ir-Regolament.

Artikolu 2

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, is-27 ta' Marzu 2019.

Għall-Kummissjoni

Il-President

Jean-Claude JUNCKER

(1)  ĠU L 150, 20.5.2014, p. 195.

(2)  Ir-Regolament ta' Implimentazzjoni tal-Kummissjoni (UE) Nru 1191/2014 tat-30 ta' Ottubru 2014 li jiddetermina l-format u l-mezzi għall-preżentazzjoni tar-rapport imsemmi fl-Artikolu 19 tar-Regolament (UE) Nru 517/2014 tal-Parlament Ewropew u tal-Kunsill dwar gassijiet fluworurati b'effett ta' serra (ĠU L 318, 5.11.2014, p. 5).

(3)  Id-Deċiżjoni XXX/10 tal-Partijiet fil-Protokoll ta' Montreal adottata fid-9 ta' Novembru 2018.

(4)  Id-Deċiżjoni tal-Kunsill 88/540/KEE tal-14 ta' Ottubru 1988 dwar il-konklużjoni tal-Konvenzjoni ta' Vjenna għall-ħarsien tas-saff tal-ożonu u l-Protokoll ta' Montreal dwar sustanzi li jdgħajfu s-saff tal-ożonu (ĠU L 297, 31.10.1988, p. 8).

(5)  Id-Deċiżjoni XXVIII/1 tal-Partijiet fil-Protokoll ta' Montreal adottata fil-15 ta' Ottubru 2016.

ANNESS

L-Anness tar-Regolament ta' Implimentazzjoni tal-Kummissjoni (UE) Nru 1191/2014 qed jiġi emendat kif ġej:

(1)

Fit-Taqsima 1, it-tabella qed tinbidel b'dan li ġej:

 

“INFORMAZZJONI LI TRID TIĠI RRAPPURTATA

KUMMENTI

1 A

Il-kwantità totali tal-produzzjoni mill-faċilitajiet fl-Unjoni

 

 

1Aa

—

minn dan l-ammont: Ammonti mhux maqbuda

 

 

 

1 A_a

—

minn dan l-ammont: Ammonti meqruda

Jekk il-qerda in-line titwettaq minn impriża oħra, din tal-aħħar għandha tiġi speċifikata

Rapporti mill-produtturi li jwettqu l-qerda dwar il-kwantitajiet totali meqruda għandhom isiru fir-rappurtar tat-Taqsima 8

 

KWANTITAJIET IKKALKULATI AWTOMATIKAMENT

 

 

1Ab

—

minn dan l-ammont: Ammont totali ġġenerat u maqbud

1Ab = 1 A - 1Aa

 

INFORMAZZJONI LI TRID TIĠI RRAPPURTATA

 

 

 

1B

—

minn dan l-ammont: Il-kwantità tal-produzzjoni mill-faċilitajiet fl-Unjoni li tikkonsisti fi produzzjoni sekondarja rkuprata jew prodotti mhux mixtieqa fejn dik il-produzzjoni sekondarja jew dawk il-prodotti jkunu ġew meqruda fil-faċilitajiet qabel it-tqegħid fis-suq

Rapporti mill-produtturi li jwettqu l-qerda dwar il-kwantitajiet totali meqruda għandhom isiru fir-rappurtar tat-Taqsima 8

 

 

1C

—

minn dan l-ammont: Il-kwantità tal-produzzjoni mill-faċilitajiet fl-Unjoni li tikkonsisti fi produzzjoni sekondarja rkuprata jew prodotti mhux mixtieqa fejn dik il-produzzjoni sekondarja jew dawk il-prodotti jkunu ngħataw lil impriżi oħra sabiex jinqerdu u ma kinux tqiegħdu fis-suq qabel

Għandha tiġi identifikata l-impriża li twettaq il-qerda

 

1C_a

—

minn dan l-ammont: L-ammont ta' idrofluworokarburi prodott biex jintuża bħala materja prima fl-Unjoni

Għandu jiġi indikat l-Istat Membru fejn se jsir l-użu tal-materja prima

 

 

1C_a1

—

minn dan l-ammont: Mingħajr qbid minn qabel

Irid jiġi rrapportat biss għall-HFC-23

 

KWANTITAJIET IKKALKULATI AWTOMATIKAMENT

 

 

 

1C_a2

—

minn dan l-ammont: Mingħajr qbid minn qabel

1C_a2 = 1C_a – 1C_a1;

Irid jiġi kkalkulat biss għall-HFC-23

 

INFORMAZZJONI LI TRID TIĠI RRAPPURTATA

 

 

1C_b

—

minn dan l-ammont: L-ammont ta' idrofluworokarburi prodott għal użi fl-Unjoni li huma eżentati skont il-Protokoll ta' Montreal

Għandu jiġi speċifikat it-tip ta' użu li jkun eżentat

 

KWANTITAJIET IKKALKULATI AWTOMATIKAMENT

 

 

 

1D

—

minn dan l-ammont: Il-kwantità totali tal-produzzjoni proprja maqbuda u meqruda li ma tkunx tqiegħdet fis-suq qabel

1D = 1B + 1C

1E

 

Il-produzzjoni disponibbli għall-bejgħ jew għall-użu bħala materja prima

1E = 1A – 1D – 1A_a”

(2)

Fit-Taqsima 2, fit-tabella, tiżdied ir-ringiela 2F li ġejja:

 

“2F

L-ammont ta' idrofluworokarburi li hemm f'polioli mħalltin minn qabel”

 

(3)

Fit-Taqsima 3, fit-tabella, tiżdied ir-ringiela 3J li ġejja:

 

“3J

L-ammont ta' idrofluworokarburi li hemm f'polioli mħalltin minn qabel”

 
Top