EUR-Lex Access to European Union law
This document is an excerpt from the EUR-Lex website
Document 32018D1876
Commission Implementing Decision (EU) 2018/1876 of 29 November 2018 on the approval of the technology used in 12 Volt efficient alternators for use in conventional combustion engine powered light commercial vehicles as an innovative technology for reducing CO2 emissions from light commercial vehicles pursuant to Regulation (EU) No 510/2011 of the European Parliament and of the Council (Text with EEA relevance.)
Deċiżjoni ta' Implimentazzjoni tal-Kummissjoni (UE) 2018/1876 tad-29 ta' Novembru 2018 dwar l-approvazzjoni tat-teknoloġija użata fl-alternaturi effiċjenti ta' 12-il Volt għall-użu fil-vetturi kummerċjali ħfief li jaħdmu b'magni tal-kombustjoni konvenzjonali bħala teknoloġija innovattiva għat-tnaqqis tal-emissjonijiet tas-CO2 mill-vetturi kummerċjali ħfief skont ir-Regolament (UE) Nru 510/2011 tal-Parlament Ewropew u tal-Kunsill (Test b'rilevanza għaż-ŻEE.)
Deċiżjoni ta' Implimentazzjoni tal-Kummissjoni (UE) 2018/1876 tad-29 ta' Novembru 2018 dwar l-approvazzjoni tat-teknoloġija użata fl-alternaturi effiċjenti ta' 12-il Volt għall-użu fil-vetturi kummerċjali ħfief li jaħdmu b'magni tal-kombustjoni konvenzjonali bħala teknoloġija innovattiva għat-tnaqqis tal-emissjonijiet tas-CO2 mill-vetturi kummerċjali ħfief skont ir-Regolament (UE) Nru 510/2011 tal-Parlament Ewropew u tal-Kunsill (Test b'rilevanza għaż-ŻEE.)
C/2018/7741
ĠU L 306, 30.11.2018, p. 53–60
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 31/12/2020; Imħassar b' 32020D1806
Relation | Act | Comment | Subdivision concerned | From | To |
---|---|---|---|---|---|
Repealed by | 32020D1806 | 01/01/2021 |
30.11.2018 |
MT |
Il-Ġurnal Uffiċjali tal-Unjoni Ewropea |
L 306/53 |
DEĊIŻJONI TA' IMPLIMENTAZZJONI TAL-KUMMISSJONI (UE) 2018/1876
tad-29 ta' Novembru 2018
dwar l-approvazzjoni tat-teknoloġija użata fl-alternaturi effiċjenti ta' 12-il Volt għall-użu fil-vetturi kummerċjali ħfief li jaħdmu b'magni tal-kombustjoni konvenzjonali bħala teknoloġija innovattiva għat-tnaqqis tal-emissjonijiet tas-CO2 mill-vetturi kummerċjali ħfief skont ir-Regolament (UE) Nru 510/2011 tal-Parlament Ewropew u tal-Kunsill
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 510/2011 tal-Parlament Ewropew u tal-Kunsill tal-11 ta' Mejju 2011 li jistabbilixxi standards ta' rendiment fir-rigward tal-emissjonijiet tal-vetturi kummerċjali ħfief ġodda bħala parti mill-approċċ integrat tal-Unjoni biex jitnaqqsu l-emissjonijiet tas-CO2 minn vetturi ħfief (1), u b'mod partikulari l-Artikolu 12(4) tiegħu,
Billi:
(1) |
Fit-22 ta' Diċembru 2017, il-fornitur Mitsubishi Electric Corporation (MELCO), li huwa rrappreżentat mill-kumpanija MELCO Electric Automotive Europe B.V. fl-Unjoni, ressaq applikazzjoni għall-approvazzjoni tal-alternatur MELCO GXi għall-vetturi tal-kategorija N1 bħala ekoinnovazzjoni. L-applikazzjoni ġiet ivvalutata skont l-Artikolu 12 tar-Regolament (UE) Nru 510/2011 u skont ir-Regolament ta' Implimentazzjoni tal-Kummissjoni (UE) Nru 427/2014 (2). |
(2) |
L-informazzjoni li ntbagħtet fl-applikazzjoni turi li ntlaħqu l-kundizzjonijiet u l-kriterji msemmijin fl-Artikolu 12 tar-Regolament (UE) Nru 510/2011 u fl-Artikoli 2 u 4 tar-Regolament ta' Implimentazzjoni tal-Kummissjoni (UE) Nru 427/2014. B'hekk jenħtieġ li l-alternatur MELCO GXi applikat għall-vetturi tal-kategorija N1 jiġi approvat bħala ekoinnovazzjoni. |
(3) |
Permezz tad-Deċiżjonijiet ta' Implimentazzjoni 2013/341/UE (3), 2014/465/UE (4), (UE) 2015/158 (5), (UE) 2015/295 (6), (UE) 2015/2280 (7) u (UE) 2016/588 (8), il-Kummissjoni approvat sitt applikazzjonijiet b'rabta ma' teknoloġiji li jikkontribwixxu biex itejbu l-effiċjenza tal-alternaturi għall-vetturi tat-tip M1. Abbażi tal-esperjenza li nkisbet mill-valutazzjoni ta' dawk l-applikazzjonijiet, kif ukoll tal-informazzjoni mogħtija fl-applikazzjoni tal-kumpanija MELCO Electric Automotive Europe B.V. li wasslet għal din id-Deċiżjoni, intwera b'mod konklużiv u sodisfaċenti li l-alternatur MELCO GXi għall-vetturi tal-kategorija N1, li huwa alternatur ta' 12-il Volt (12 V) b'effiċjenza minima li tvarja bejn 73,4 % u 74,2 % skont is-sistema tal-motopropulsjoni, jissodisfa l-kriterji tal-eliġibbiltà msemmijin fl-Artikolu 12 tar-Regolament (UE) Nru 510/2011 u fir-Regolament ta' Implimentazzjoni tal-Kummissjoni (UE) Nru 427/2014, u jnaqqas l-emissjonijiet tas-CO2 b'mill-inqas gramma ta' CO2 għal kull km meta mqabbel ma' alternatur ta' referenza b'effiċjenza ta' 67 %. |
(4) |
Għalhekk huwa xieraq li l-manifatturi jingħataw il-possibbiltà japplikaw għand awtorità tal-approvazzjoni skont it-tifsira tad-Direttiva 2007/46/KE tal-Parlament Ewropew u tal-Kunsill (9) għaċ-ċertifikazzjoni tal-iffrankar tas-CO2 mill-vetturi li jkunu mgħammra b'alternaturi effiċjenti ta' 12-il Volt li jkunu jissodisfaw dawk il-kundizzjonijiet. Sabiex ikun żgurat li ċ-ċertifikazzjoni tingħata biss għall-iffrankar tas-CO2 mill-vetturi li jkunu mgħammra b'alternaturi li jkunu jħarsu dawk il-kundizzjonijiet, jenħtieġ li, flimkien mal-applikazzjoni għaċ-ċertifikazzjoni, il-manifatturi jkunu obbligati jibagħtu rapport ta' verifika lill-awtorità tal-approvazzjoni tat-tip li jkun maħruġ minn korp indipendenti ta' verifika u li jkun jikkonferma din il-konformità. |
(5) |
Jekk l-awtorità tal-approvazzjoni tat-tip tqis li l-alternatur ta' 12-il Volt ma jissodisfax il-kundizzjonijiet stabbiliti f'din id-Deċiżjoni, jenħtieġ li l-applikazzjoni għaċ-ċertifikazzjoni tal-iffrankar tiġi miċħuda. |
(6) |
Huwa xieraq li tiġi approvata l-metodoloġija tal-ittestjar biex jiġi stabbilit l-iffrankar tas-CO2 mill-alternaturi effiċjenti ta' 12-il Volt. |
(7) |
Sabiex jiġi stabbilit l-iffrankar tas-CO2 minn vettura li tkun mgħammra b'alternatur effiċjenti ta' 12-il Volt, jeħtieġ li tiġi stabbilita t-teknoloġija ta' referenza li magħha jenħtieġ li jsir tqabbil biex tiġi vvalutata l-effiċjenza tal-alternatur. Abbażi tal-esperjenza miksuba, huwa xieraq li alternatur ta' 12-il Volt b'effiċjenza ta' 67 % jitqies bħala t-teknoloġija ta' referenza adattata. |
(8) |
L-iffrankar tas-CO2 minn vettura li tkun mgħammra b'alternatur effiċjenti ta' 12-il Volt jista' jintwera parzjalment permezz tat-test imsemmi fl-Anness XII tar-Regolament tal-Kummissjoni (KE) Nru 692/2008 (10). Għalhekk jeħtieġ li jiġi żgurat li din il-kopertura parzjali titqies fil-metodoloġija tal-ittestjar għall-iffrankar tas-CO2 mill-vetturi li jkunu mgħammra b'alternaturi effiċjenti ta' 12-il Volt. |
(9) |
Sabiex ikun iffaċilitat użu usa' tal-alternaturi effiċjenti ta' 12-il Volt fil-vetturi l-ġodda, jenħtieġ li manifattur ikollu wkoll il-possibbiltà li japplika għaċ-ċertifikazzjoni tal-iffrankar tas-CO2 minn vetturi li jkunu mgħammra b'diversi alternaturi effiċjenti ta' 12-il Volt permezz ta' applikazzjoni waħda għaċ-ċertifikazzjoni. Madankollu, huwa xieraq li jiġi żgurat li meta tintuża din il-possibbiltà jiġi applikat mekkaniżmu li jinċentiva biss l-użu ta' dawk l-alternaturi li joffru l-ogħla effiċjenza. |
(10) |
Bil-għan li jiġi stabbilit il-kodiċi ġenerali tal-ekoinnovazzjoni li jrid jintuża fid-dokumenti rilevanti tal-approvazzjoni tat-tip skont l-Annessi I, VIII u IX tad-Direttiva 2007/46/KE, jenħtieġ li jiġi speċifikat il-kodiċi individwali li jrid jintuża għat-teknoloġija innovattiva, |
ADOTTAT DIN ID-DEĊIŻJONI:
Artikolu 1
Approvazzjoni
It-teknoloġija użata fl-alternatur MELCO GXi għall-vetturi tal-kategorija N1 hija approvata bħala teknoloġija innovattiva skont it-tifsira tal-Artikolu 12 tar-Regolament (UE) Nru 510/2011.
Artikolu 2
Applikazzjoni għaċ-ċertifikazzjoni tal-iffrankar tas-CO2
1. Manifattur jista' japplika għaċ-ċertifikazzjoni tal-iffrankar tas-CO2 minn alternatur effiċjenti ta' 12-il Volt (V) wieħed jew aktar maħsubin għall-użu f'vetturi tal-kategorija N1, dejjem jekk kull alternatur ikun komponent li jintuża biss għall-iċċarġjar tal-batterija tal-vettura u għat-tħaddim tas-sistema elettrika tal-vettura meta l-magna tal-kombustjoni tagħha tkun qed taħdem, u jekk dan ikun jikkonforma ma' kwalunkwe waħda mill-kundizzjonijiet li ġejjin:
(a) |
meta l-massa tal-alternatur effiċjenti ta' 12-il Volt ma tkunx taqbeż il-massa tal-alternatur ta' referenza ta' 7 kg, l-effiċjenza tal-alternatur, stabbilita skont l-Anness, għandha tkun mill-inqas:
|
(b) |
meta l-massa tal-alternatur effiċjenti ta' 12-il Volt tkun taqbeż il-massa tal-alternatur ta' referenza ta' 7 kg, il-vettura li tkun mgħammra b'dan l-alternatur għandha tissodisfa l-limitu minimu ta' tnaqqis ta' gramma ta' CO2 għal kull km speċifikat fl-Artikolu 9(1)(a) tar-Regolament ta' Implimentazzjoni tal-Kummissjoni (UE) Nru 427/2014; dak it-tnaqqis għandu jiġi stabbilit billi titqies il-massa żejda skont il-Formola 10 mogħtija fl-Anness ta' din id-Deċiżjoni; il-massa żejda għandha tiġi vverifikata u kkonfermata fir-rapport ta' verifika li jrid jintbagħat lill-awtorità tal-approvazzjoni tat-tip flimkien mal-applikazzjoni għaċ-ċertifikazzjoni. |
2. Mal-applikazzjoni għaċ-ċertifikazzjoni tal-iffrankar minn alternatur effiċjenti wieħed jew aktar għandu jintbagħat rapport indipendenti ta' verifika li jiċċertifika li l-alternatur jew l-alternaturi jikkonformaw mal-kundizzjonijiet stabbiliti fil-paragrafu 1 u li jivverifika u jikkonferma l-massa tal-alternatur.
3. L-awtorità tal-approvazzjoni tat-tip għandha tiċħad l-applikazzjoni għaċ-ċertifikazzjoni jekk ikun jidhrilha li l-alternatur jew l-alternaturi ma jkunux jikkonformaw mal-kundizzjonijiet stabbiliti fil-paragrafu 1.
Artikolu 3
Ċertifikazzjoni tal-iffrankar tas-CO2
1. It-tnaqqis fl-emissjonijiet tas-CO2 li jiġi mill-użu ta' alternatur effiċjenti msemmi fl-Artikolu 2(1) għandu jiġi stabbilit bl-użu tal-metodoloġija mogħtija fl-Anness.
2. Meta manifattur japplika għaċ-ċertifikazzjoni tal-iffrankar tas-CO2 minn verżjoni ta' vettura li tkun mgħammra b'diversi alternaturi effiċjenti msemmijin fl-Artikolu 2(1), l-awtorità tal-approvazzjoni tat-tip għandha tistabbilixxi liema alternatur minn fost dawk ittestjati jkun iwassal għall-inqas iffrankar tas-CO2 u għandha tirreġistra l-iktar valur baxx miksub fid-dokumentazzjoni rilevanti tal-approvazzjoni tat-tip. Dak il-valur għandu jitniżżel fiċ-ċertifikat ta' konformità skont l-Artikolu 11(2) tar-Regolament ta' Implimentazzjoni tal-Kummissjoni (UE) Nru 427/2014.
Artikolu 4
Kodiċi tal-ekoinnovazzjoni
Il-kodiċi tal-ekoinnovazzjoni Nru 24 għandu jiddaħħal fid-dokumentazzjoni tal-approvazzjoni tat-tip meta ssir referenza għal din id-Deċiżjoni skont l-Artikolu 11(1) tar-Regolament ta' Implimentazzjoni tal-Kummissjoni (UE) Nru 427/2014.
Artikolu 5
Dħul fis-seħħ
Din id-Deċiżjoni għandha tidħol fis-seħħ fl-għoxrin jum wara dak tal-pubblikazzjoni tagħha f'Il-Ġurnal Uffiċjali tal-Unjoni Ewropea.
Magħmul fi Brussell, id-29 ta' Novembru 2018.
Għall-Kummissjoni
Il-President
Jean-Claude JUNCKER
(1) ĠU L 145, 31.5.2011, p. 1.
(2) Ir-Regolament ta' Implimentazzjoni tal-Kummissjoni (UE) Nru 427/2014 tal-25 ta' April 2014 li jistabbilixxi proċedura għall-approvazzjoni u ċ-ċertifikazzjoni ta' teknoloġiji innovattivi għat-tnaqqis tal-emissjonijiet ta' CO2 minn vetturi kummerċjali ħfief skont ir-Regolament (UE) Nru 510/2011 tal-Parlament Ewropew u tal-Kunsill (ĠU L 125, 26.4.2014, p. 57).
(3) Id-Deċiżjoni ta' Implimentazzjoni tal-Kummissjoni 2013/341/UE tas-27 ta' Ġunju 2013 dwar l-approvazzjoni tal-Alternatur ta' Ġenerazzjoni Effiċjenti Valeo bħala teknoloġija innovattiva għat-tnaqqis tal-emissjonijiet tad-CO2 mill-karozzi tal-passiġġieri skont ir-Regolament (KE) Nru 443/2009 tal-Parlament Ewropew u tal-Kunsill (ĠU L 179, 29.6.2013, p. 98).
(4) Id-Deċiżjoni ta' Implimentazzjoni tal-Kummissjoni 2014/465/UE tas-16 ta' Lulju 2014 dwar l-approvazzjoni tal-alternatur effiċjenti DENSO bħala teknoloġija innovattiva għat-tnaqqis tal-emissjonijiet ta' CO2 mill-karozzi tal-passiġġieri skont ir-Regolament (KE) Nru 443/2009 tal-Parlament Ewropew u tal-Kunsill u li temenda d-Deċiżjoni ta' Implimentazzjoni tal-Kummissjoni 2013/341/UE (ĠU L 210, 17.7.2014, p. 17).
(5) Id-Deċiżjoni ta' Implimentazzjoni tal-Kummissjoni (UE) 2015/158 tat-30 ta' Jannar 2015 dwar l-approvazzjoni ta' żewġ alternaturi ta' effiċjenza għolja Robert Bosch GmbH bħala t-teknoloġiji innovattivi għat-tnaqqis tal-emissjonijiet tas-CO2 mill-karozzi tal-passiġġieri skont ir-Regolament (KE) Nru 443/2009 tal-Parlament Ewropew u tal-Kunsill (ĠU L 26, 31.1.2015, p. 31).
(6) Id-Deċiżjoni ta' Implimentazzjoni tal-Kummissjoni (UE) 2015/295 tal-24 ta' Frar 2015 dwar l-approvazzjoni tal-alternatur effiċjenti MELCO GXi bħala teknoloġija innovattiva għat-tnaqqis tal-emissjonijiet ta' CO2 mill-karozzi tal-passiġġieri skont ir-Regolament (KE) Nru 443/2009 tal-Parlament Ewropew u tal-Kunsill (ĠU L 53, 25.2.2015, p. 11).
(7) Id-Deċiżjoni ta' Implimentazzjoni tal-Kummissjoni (UE) 2015/2280 tas-7 ta' Diċembru 2015 dwar l-approvazzjoni tal-alternatur effiċjenti DENSO bħala teknoloġija innovattiva għat-tnaqqis tal-emissjonijiet tas-CO2 mill-karozzi tal-passiġġieri skont ir-Regolament (KE) Nru 443/2009 tal-Parlament Ewropew u tal-Kunsill (ĠU L 322, 8.12.2015, p. 64).
(8) Id-Deċiżjoni ta' Implimentazzjoni tal-Kummissjoni (UE) 2016/588 tal-14 ta' April 2016 dwar l-approvazzjoni tat-teknoloġija użata fl-alternaturi ta' effiċjenza għolja ta' 12 Volts bħala teknoloġija innovattiva għat-tnaqqis tal-emissjonijiet tas-CO2 mill-karozzi tal-passiġġieri skont ir-Regolament (KE) Nru 443/2009 tal-Parlament Ewropew u tal-Kunsill (ĠU L 101, 16.4.2016, p. 25).
(9) Id-Direttiva 2007/46/KE tal-Parlament Ewropew u tal-Kunsill tal-5 ta' Settembru 2007 li tistabbilixxi kwadru għall-approvazzjoni ta' vetturi bil-mutur u l-karrijiet tagħhom, u ta' sistemi, komponenti u unitajiet tekniċi separati maħsuba għal tali vetturi (ĠU L 263, 9.10.2007, p. 1).
(10) Ir-Regolament tal-Kummissjoni (KE) Nru 692/2008 tat-18 ta' Lulju 2008 li jimplimenta u jemenda r-Regolament (KE) Nru 715/2007 tal-Parlament Ewropew u tal-Kunsill dwar l-approvazzjoni tat-tip ta' vetturi bil-mutur fir-rigward tal-emissjonijiet ta' vetturi ħfief għall-passiġġieri u ta' vetturi kummerċjali (Euro 5 u Euro 6) u dwar l-aċċess għall-informazzjoni dwar it-tiswija u l-manutenzjoni tal-vettura (ĠU L 199, 28.7.2008, p. 1).
ANNESS
METODOLOĠIJA BIEX JIĠI STABBILIT L-IFFRANKAR TAS-CO2 MINN ALTERNATUR EFFIĊJENTI TA' 12-IL VOLT MAĦSUB GĦALL-UŻU FIL-VETTURI TAL-KATEGORIJA N1 LI JAĦDMU B'MAGNI TAL-KOMBUSTJONI KONVENZJONALI
1. Daħla
Sabiex jiġi stabbilit l-iffrankar tas-CO2 li jista' jiġi attribwit għall-użu ta' alternatur effiċjenti f'vettura tal-kategorija N1, jeħtieġ li jiġu speċifikati l-affarijiet li ġejjin:
(1) |
il-kundizzjonijiet tal-ittestjar; |
(2) |
it-tagħmir tat-testijiet; |
(3) |
id-determinazzjoni tal-effiċjenza tal-alternatur effiċjenti u tal-alternatur ta' referenza; |
(4) |
il-kalkolu tal-iffrankar tas-CO2; |
(5) |
il-kalkolu tal-livell tal-iżball statistiku. |
Simboli, parametri u unitajiet
Simboli bil-Latin
|
— |
l-iffrankar tas-CO2 [fi grammi ta' CO2 għal kull km] |
CO2 |
— |
id-diossidu tal-karbonju |
CF |
— |
il-fattur ta' konverżjoni (l/100 km) — (g CO2/km) [gCO2/l] kif iddefinit fit-Tabella 3 |
h |
— |
il-frekwenza kif iddefinita fit-Tabella 1 |
I |
— |
l-intensità tal-kurrent li bih għandu jitwettaq il-kejl [f'A] |
m |
— |
l-għadd ta' kejl għall-kampjun |
M |
— |
it-torque [f'Nm] |
n |
— |
il-frekwenza tar-rotazzjoni [f'min– 1] kif iddefinita fit-Tabella 1 |
P |
— |
il-potenza [f'W] |
|
— |
id-devjazzjoni standard tal-effiċjenza tal-alternatur ekoinnovattiv [f'perċentwali] |
|
— |
id-devjazzjoni standard tal-medja tal-effiċjenza tal-alternatur ekoinnovattiv [f'perċentwali] |
|
— |
id-devjazzjoni standard tal-għadd totali ta' CO2 iffrankat [fi grammi ta' CO2 għal kull km] |
U |
— |
il-vultaġġ tat-test li fiha għandu jitwettaq il-kejl [f'V] |
v |
— |
il-veloċità medja tas-sewqan taċ-Ċiklu tas-Sewqan Ewropew il-Ġdid (l-NEDC) [km/h] |
VPe |
— |
il-konsum tal-potenza effettiva [l/kWh] kif iddefinit fit-Tabella 2 |
|
— |
is-sensittività tal-iffrankar tas-CO2 ikkalkulat b'rabta mal-effiċjenza tal-alternatur ekoinnovattiv |
Simboli Griegi
Δ |
— |
id-differenza |
η |
— |
l-effiċjenza tal-alternatur ta' referenza [f'perċentwali] |
ηEI |
— |
l-effiċjenza tal-alternatur effiċjenti [f'perċentwali] |
|
— |
l-effiċjenza medja tal-alternatur ekoinnovattiv fil-punt tat-tħaddim i [f'perċentwali] |
Simboli miktubin taħt il-vers
L-indiċi (i) jirreferi għall-punt tat-tħaddim
L-indiċi (j) jirreferi għall-kejl tal-kampjun
EI |
— |
ekoinnovattiv |
m |
— |
mekkanika |
RW |
— |
il-kundizzjonijiet tal-ħajja reali |
TA |
— |
il-kundizzjonijiet tal-approvazzjoni tat-tip |
B |
— |
ix-xenarju ta' referenza |
2. Kundizzjonijiet u tagħmir tat-test
Il-kundizzjonijiet tal-ittestjar għandhom jissodisfaw ir-rekwiżiti speċifikati fl-istandard tal-ISO 8854:2012 (1).
It-tagħmir tat-test għandu jkun skont l-ispeċifikazzjonijiet stabbiliti fl-istandard tal-ISO 8854:2012.
3. Kejl u determinazzjoni tal-effiċjenza
L-effiċjenza tal-alternatur effiċjenti għandha tiġi stabbilita skont l-istandard tal-ISO 8854:2012, ħlief għall-elementi speċifikati f'dan il-paragrafu.
Il-kejl għandu jsir f'diversi punti tat-tħaddim i, kif iddefinit fit-Tabella 1. L-intensità tal-kurrent tal-alternatur hija ddefinita bħala nofs il-kurrent nominali għall-punti kollha tat-tħaddim. Għal kull veloċità, il-vultaġġ u l-kurrent tal-output tal-alternatur għandhom jinżammu kostanti, u l-vultaġġ għandu jkun dejjem ta' 14.3 V.
Tabella 1
Punti ta' tħaddim
Il-punt ta' tħaddim i |
Il-ħin ta' żamma [f'sekondi] |
Il-frekwenza tar-rotazzjoni ni [min– 1] |
Il-frekwenza hi |
1 |
1 200 |
1 800 |
0,25 |
2 |
1 200 |
3 000 |
0,40 |
3 |
600 |
6 000 |
0,25 |
4 |
300 |
10 000 |
0,10 |
L-effiċjenza għandha tiġi kkalkulata skont il-Formola 1.
Formola 1
Il-kejl kollu tal-effiċjenza għandu jsir b'mod konsekuttiv għal mill-inqas ħames (5) darbiet. Għandu jiġi kkalkulat il-kejl medju f'kull punt tat-tħaddim ().
L-effiċjenza tal-alternatur ekoinnovattiv għandha tiġi kkalkulata skont il-Formola 2 (ηEI).
Formola 2
L-alternatur effiċjenti jwassal biex tiġi ffrankata l-potenza mekkanika fil-kundizzjonijiet tal-ħajja reali (ΔPmRW) u fil-kundizzjonijiet tal-approvazzjoni tat-tip (ΔPmTA) kif iddefinit fil-Formola 3.
Formola 3
fejn il-potenza mekkanika ffrankata bil-kundizzjonijiet tal-ħajja reali (ΔPmRW) tiġi kkalkulata skont il-Formola 4 u l-potenza mekkanika ffrankata bil-kundizzjonijiet tal-approvazzjoni tat-tip (ΔPmTA) tiġi kkalkulata skont il-Formola 5.
Formola 4
Formola 5
fejn:
PRW : ir-rekwiżit tal-potenza bil-kundizzjonijiet “tal-ħajja reali” [f'W], jiġifieri 750 W;
PTA : ir-rekwiżit tal-potenza bil-kundizzjonijiet tal-approvazzjoni tat-tip [f'W], jiġifieri 350 W;
ηB : l-effiċjenza tal-alternatur ta' referenza [f'perċentwali], jiġifieri 67 %.
4. Kalkolu tal-iffrankar tas-CO2
L-iffrankar tas-CO2 tal-alternatur effiċjenti għandu jiġi kkalkulat billi tintuża l-formola li ġejja.
Formola 6
fejn:
v: il-veloċità medja tas-sewqan tal-NEDC [km/h], jiġifieri 33,58 km fis-siegħa;
VPe : il-konsum tal-potenza effettiva speċifikat fit-Tabella 2 li ġejja:
Tabella 2
Il-konsum tal-potenza effettiva
It-tip ta' magna |
Il-konsum tal-potenza effettiva (VPe) [l/kWh] |
Magna petrol |
0,264 |
Magna petrol bit-turbo |
0,280 |
Magna diżil |
0,220 |
CF: il-fattur speċifikat fit-Tabella 3 li ġejja:
Tabella 3
Il-fattur ta' konverżjoni tal-fjuwil
It-tip ta' fjuwil |
Il-fattur ta' konverżjoni (l/100 km) — (g CO2/km) (CF) [gCO2/l] |
Petrol |
2 330 |
Diżil |
2 640 |
5. Kalkolu tal-livell tal-iżball statistiku
Għandhom jiġu kkwantifikati l-iżbalji statistiċi fir-riżultati tal-metodoloġija tal-ittestjar ikkawżati mill-kejl. Id-devjazzjoni standard tiġi kkalkulata għal kull punt tat-tħaddim kif iddefinit mill-formola li ġejja:
Formola 7
Id-devjazzjoni standard tal-valur tal-effiċjenza tal-alternatur effiċjenti () tiġi kkalkulata skont il-Formola 8:
Formola 8
Id-devjazzjoni standard tal-effiċjenza tal-alternatur () twassal għal żball fl-iffrankar tas-CO2 (
). Dak l-iżball jiġi kkalkulat skont il-Formola 9:
Formola 9
Sinifikat statistiku
Għal kull tip, varjant u verżjoni ta' vettura mgħammra bl-alternatur effiċjenti jrid jintwera li l-iżball fl-iffrankar tas-CO2 ikkalkulat skont il-Formola 9 mhuwiex ikbar mid-differenza bejn l-għadd totali ta' CO2 iffrankat u l-limitu minimu ta' ffrankar speċifikat fl-Artikolu 9(1) tar-Regolament ta' Implimentazzjoni tal-Kummissjoni (UE) Nru 427/2014 (ara l-Formola 10).
Formola 10
fejn:
MT: il-limitu minimu [fi grammi ta' CO2 għal kull km];
: l-għadd totali ta' CO2 iffrankat [fi grammi ta' CO2 għal kull km];
: id-devjazzjoni standard tal-għadd totali ta' CO2 iffrankat [fi grammi ta' CO2 għal kull km];
: il-koeffiċjent ta' korrezzjoni tas-CO2 minħabba d-differenza pożittiva bejn il-massa tal-alternatur effiċjenti u dik tal-alternatur ta' referenza.
jiġi kkalkulat skont it-Tabella 4:
Tabella 4
Il-koeffiċjent ta' korrezzjoni tas-CO2 minħabba l-massa żejda |
|
Petrol (
|
0,0277 · Δm |
Diżil (
|
0,0383 · Δm |
Fit-Tabella 4, is-simbolu Δm jirreferi għall-massa ż-żejda li hemm minħabba l-installazzjoni tal-alternatur effiċjenti. Din hija d-differenza pożittiva bejn il-massa tal-alternatur effiċjenti u dik tal-alternatur ta' referenza. Il-massa tal-alternatur ta' referenza hija ta' 7 kg. Il-manifattur irid jgħaddi dokumentazzjoni vverifikata lill-awtorità tal-approvazzjoni tat-tip dwar l-evalwazzjoni tal-massa ż-żejda.
Rapport tat-test u tal-evalwazzjoni
Ir-rapport għandu jinkludi:
— |
il-mudell u l-massa tal-alternaturi ttestjati; |
— |
deskrizzjoni tal-bank tat-test; |
— |
ir-riżultati tat-testijiet (il-valuri mkejla); |
— |
ir-riżultati kkalkulati u l-formoli korrispondenti. |
L-alternatur effiċjenti li għandu jiġi installat fil-vetturi
L-awtorità tal-approvazzjoni tat-tip għandha tiċċertifika l-iffrankar tas-CO2 abbażi tal-kejl relatat mal-alternatur effiċjenti u mal-alternatur ta' referenza billi tuża l-metodoloġija tal-ittestjar stabbilita f'dan l-Anness. F'każ li jiġu ffrankati inqas emissjonijiet tas-CO2 mil-limitu speċifikat fl-Artikolu 9(1), japplika t-tieni subparagrafu tal-Artikolu 11(2) tar-Regolament ta' Implimentazzjoni tal-Kummissjoni (UE) Nru 427/2014.
(1) L-istandard tal-ISO 8854:2012 Vetturi tat-triq – Alternaturi bir-regolaturi – Metodi ta' ttestjar u rekwiżiti ġenerali
Numru ta' referenza ISO 8854:2012, ippubblikat fl-1 ta' Ġunju 2012.