This document is an excerpt from the EUR-Lex website
Document 32017R0493
Commission Implementing Regulation (EU) 2017/493 of 21 March 2017 on the release of securities in relation to Union import tariff quotas for poultrymeat originating in Ukraine managed by Implementing Regulation (EU) 2015/2078
Regolament ta' Implimentazzjoni tal-Kummissjoni (UE) 2017/493 tal-21 ta' Marzu 2017 dwar ir-rilaxx ta' garanziji b'rabta mal-kwoti tariffarji ta' importazzjoni tal-Unjoni għal-laħam tat-tjur li joriġina mill-Ukrajna amministrati mir-Regolament ta' Implimentazzjoni (UE) 2015/2078
Regolament ta' Implimentazzjoni tal-Kummissjoni (UE) 2017/493 tal-21 ta' Marzu 2017 dwar ir-rilaxx ta' garanziji b'rabta mal-kwoti tariffarji ta' importazzjoni tal-Unjoni għal-laħam tat-tjur li joriġina mill-Ukrajna amministrati mir-Regolament ta' Implimentazzjoni (UE) 2015/2078
C/2017/1732
ĠU L 76, 22.3.2017, pp. 16–17
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
- Date of document:
- 21/03/2017; Data ta' adozzjoni
- Date of effect:
- 23/03/2017; Dħul fis-seħħ Data tal-pubblikazzjoni +1 Ara Art. 3
- Date of end of validity:
- No end date
- Author:
- Il-Kummissjoni Ewropea, Id-Direttorat Ġenerali għall-Agrikoltura u l-Iżvilupp Rurali
- Responsible body:
- AGRI
- Form:
- Regolament implimentattiv
- Treaty:
- Trattat dwar il-Funzjonament tal-Unjoni Ewropea
- Legal basis:
-
- 32013R1308 - A187PTA) 32013R1308 - A187PTC) 32013R1308 - A187PTD)
- Link
- Link
- Link
- Select all documents mentioning this document
- Instruments cited:
- Link
- EUROVOC descriptor:
- Subject matter:
-
- Dazji doganali: kwoti tat-tariffa tal-Komunità
- Protokoll dwar l-Irlanda/l-Irlanda ta’ Fuq / Anness 2 Dispożizzjonijiet tad-dritt tal-Unjoni msemmija fl-Artikolu 5(4) / Oħrajn
- Protokoll dwar l-Irlanda/l-Irlanda ta’ Fuq / Anness 2 Dispożizzjonijiet tad-dritt tal-Unjoni msemmija fl-Artikolu 5(4) / Proprjetà intellettwali
- Protokoll dwar l-Irlanda/l-Irlanda ta’ Fuq / Anness 2 Dispożizzjonijiet tad-dritt tal-Unjoni msemmija fl-Artikolu 5(4) / Ikel – ingredjenti, traċċi, residwi, standards tal-kummerċjalizzazzjoni
- Directory code:
|
22.3.2017 |
MT |
Il-Ġurnal Uffiċjali tal-Unjoni Ewropea |
L 76/16 |
REGOLAMENT TA' IMPLIMENTAZZJONI TAL-KUMMISSJONI (UE) 2017/493
tal-21 ta' Marzu 2017
dwar ir-rilaxx ta' garanziji b'rabta mal-kwoti tariffarji ta' importazzjoni tal-Unjoni għal-laħam tat-tjur li joriġina mill-Ukrajna amministrati mir-Regolament ta' Implimentazzjoni (UE) 2015/2078
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 1308/2013 tal-Parlament Ewropew u tal-Kunsill tas-17 ta' Diċembru 2013 li jistabbilixxi organizzazzjoni komuni tas-swieq fi prodotti agrikoli u li jħassar ir-Regolamenti tal-Kunsill (KEE) Nru 922/72, (KEE) Nru 234/79, (KE) Nru 1037/2001 u (KE) Nru 1234/2007 (1), u b'mod partikolari l-punti (a), (c) u (d) tal-Artikolu 187 tiegħu,
Billi:
|
(1) |
Ir-Regolament ta' Implimentazzjoni tal-Kummissjoni (UE) 2015/2078 (2) jiftaħ u jipprevedi l-amministrazzjoni ta' kwoti tariffarji ta'importazzjoni tal-Unjoni għal-laħam tat-tjur li joriġina mill-Ukrajna. |
|
(2) |
Wara l-konferma tat-30 ta' Novembru 2016 rigward il-preżenza tal-influwenza tat-tjur b'patoġeniċità għolja (HPAI) fil-pollam fit-territorju tal-Ukrajna u b'konformità mar-rekwiżiti skont liema l-pajjiżi jiġu kkunsidrati bħala ħielsa mill-HPAI skont kif stipulat fl-Artikolu 9 tar-Regolament tal-Kummissjoni (KE) Nru 798/2008 (3), it-territorju tal-Ukrajna ma setax jitqies bħala ħieles minn dik il-marda. Minħabba f'hekk, l-awtoritajiet tal-Ukrajna ma setgħux joħorġu ċ-ċertifikati veterinarji meħtieġa għall-esportazzjoni ta' pollam u ta' prodotti ta' pollam lejn l-Unjoni. |
|
(3) |
Fuq il-bażi tal-informazzjoni li ġiet ippreżentata mill-Ukrajna, ir-Regolament ta' Implimentazzjoni tal-Kummissjoni (UE) 2017/193 (4) emenda, inter alia, ir-Regolament (KE) Nru 798/2008 sabiex ir-restrizzjonijiet fuq l-introduzzjoni fl-Unjoni ta' kunsinni ta' pollam u ta' prodotti tal-pollam jiġu limitati biss għaż-żoni fl-Ukrajna milquta mill-HPAI. Għalhekk, mis-7 ta' Frar 2017 l-awtoritajiet tal-Ukrajna setgħu joħorġu ċertifikati veterinarji għall-esportazzjoni lejn l-Unjoni ta' pollam u ta' prodotti tal-pollam miż-żoni mhux milquta mill-HPAI. |
|
(4) |
Minħabba f'hekk, l-operaturi li kisbu d-drittijiet tal-importazzjoni u l-liċenzji tal-importazzjoni għall-importazzjoni tal-laħam tat-tjur fi ħdan il-kwoti tariffarji tal-importazzjoni msemmija fir-Regolament ta' Implimentazzjoni (UE) 2015/2078 għall-perjodu ta' kwota tariffarja mill-1 ta' Jannar sal-31 ta' Diċembru 2016 ma setgħux jiksbu l-prodotti mit-30 ta' Novembru 2016 sal-31 ta' Diċembru 2016. Barra minn hekk, l-operaturi li kisbu d-drittijiet tal-importazzjoni għall-kwota tariffarja għas-subperjodu mill-1 ta' Jannar sal-31 ta' Marzu 2017 iridu jiffaċċjaw diffikultajiet biex jiksbu l-prodotti, minħabba li huwa impossibbli li jibqgħu jimportaw wara s-7 ta' Frar 2017 u minħabba l-fatt li r-restrizzjonijiet għal ċerti żoni fl-Ukrajna għadhom fis-seħħ. |
|
(5) |
Minħabba f'hekk, jeħtieġ li taħt ċertu kundizzjonijiet jiġu rilaxxati l-garanziji ppreżentati b'rabta ma' dawk id-drittijiet tal-importazzjoni u mal-liċenzji tal-importazzjoni sussegwenti li ma kinux intużaw sal-31 ta' Diċembru 2016, u b'rabta ma' dawk id-drittijiet tal-importazzjoni li ma ntużawx sal-31 ta' Diċembru 2017. |
|
(6) |
Peress li din il-miżura tista' tikkonċerna l-garanziji ppreżentati fi tmiem l-2015 jew fil-bidu tal-2016, l-operaturi għandhom ikunu jistgħu jitolbu r-rilaxx mill-aktar fis possibbli. Għaldaqstant, dan ir-Regolament għandu jidħol fis-seħħ fil-jum wara dak tal-pubblikazzjoni tiegħu. |
|
(7) |
Il-miżuri stipulati f'dan ir-Regolament huma skont l-opinjoni tal-Kumitat għall-Organizzazzjoni Komuni tas-Swieq Agrikoli, |
ADOTTAT DAN IR-REGOLAMENT:
Artikolu 1
Rilaxx ta' garanziji b'rabta mal-perjodu mill-1 ta' Jannar sal-31 ta' Diċembru 2016
1. Fuq talba tal-operaturi kkonċernati, il-garanziji b'rabta mad-drittijiet tal-importazzjoni u l-liċenzji tal-importazzjoni ppreżentati skont l-Artikoli 3(2) u 4(4) tar-Regolament ta' Implimentazzjoni (UE) 2015/2078, rispettivament, għandhom jiġu rilaxxati bil-kundizzjoni li drittijiet jew liċenzji tal-importazzjoni jkunu ntużaw biss parzjalment jew ma jkunu ntużaw xejn sal-31 ta' Diċembru 2016.
2. Il-garanziji msemmija fil-paragrafu 1 għandhom jiġu rilaxxati proporzjonalment lid-drittijiet u l-liċenzji tal-importazzjoni li ma ntużawx sal-31 ta' Diċembru 2016.
Artikolu 2
Rilaxx ta' garanziji b'rabta mal-perjodu mill-1 ta' Jannar sal-31 ta' Diċembru 2017
1. Fuq talba tal-operaturi kkonċernati, il-garanziji marbutin mad-drittijiet tal-importazzjoni mogħtija b'rabta mas-subperjodu mill-1 ta' Jannar sal-31 ta' Marzu 2017, ippreżentati skont l-Artikolu 3(2) tar-Regolament ta' Implimentazzjoni (UE) 2015/2078, għandhom jiġu rilaxxati bil-kundizzjoni li d-drittijiet tal-importazzjoni jkunu ntużaw biss parzjalment jew ma jkunu ntużaw xejn sal-31 ta' Diċembru 2017.
2. Il-garanziji msemmija fil-paragrafu 1 għandhom jiġu rilaxxati proporzjonalment lid-drittijiet tal-importazzjoni li ma jkunux intużaw sal-31 ta' Diċembru 2017.
Artikolu 3
Dħul fis-seħħ
Dan ir-Regolament għandu jidħol fis-seħħ l-għada tal-jum tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-21 ta' Marzu 2017.
Għall-Kummissjoni
Il-President
Jean-Claude JUNCKER
(1) ĠU L 347, 20.12.2013, p. 671.
(2) Ir-Regolament ta' Implimentazzjoni tal-Kummissjoni (UE) 2015/2078 tat-18 ta' Novembru 2015 li jiftaħ u fih previst l-amministrazzjoni ta' kwoti tariffarji tal-importazzjoni tal-Unjoni għal-laħam tat-tjur li joriġina fl-Ukrajna (ĠU L 302, 19.11.2015, p. 63).
(3) Ir-Regolament tal-Kummissjoni (KE) Nru 798/2008 tat-8 ta' Awwissu 2008 li jistabbilixxi lista ta' pajjiżi terzi, territorji, żoni jew kumpartimenti li minnhom jistgħu jiġu impurtati u jsir tranżitu ta' tjur u prodotti tat-tjur fil-Komunità u r-rekwiżiti ta' ċertifikazzjoni veterinarja (ĠU L 226, 23.8.2008, p. 1).
(4) Ir-Regolament ta' Implimentazzjoni tal-Kummissjoni (UE) 2017/193 tat-3 ta' Frar 2017 li jemenda l-Anness II tad-Deċiżjoni 2007/777/KE u l-Anness I tar-Regolament (KE) Nru 798/2008 dwar l-annotazzjonijiet għall-Ukrajna fil-listi tal-pajjiżi terzi li minnhom l-introduzzjoni ta' ċerti prodotti lejn l-Unjoni hija awtorizzata fir-rigward tal-influwenza avjarja b'patoġeniċità għolja (ĠU L 31, 4.2.2017, p. 13).
